راعي الاوله
29-12-04, 05:25 am
في الاساس كتبت الموضوع على انه رد لموضوع التعداد .. بس لقيته طويل وقلت خله مستقل ولا انسى بالشكر لصاحب الموضوع الاساسي اخوي ابراهيم السدره ...
هالموضوع والله كبير و لااعتقد انه ينحل بالساهل... لكن مشكورين على توضيح بعض النقاط واللي صراحه فادتني .. لكن عندي زياده على زياداتكم...
مسؤولية الخطاء تقع على الطرفين .. الدوله والمواطنين.. لا الدوله قادره على انها تبرمج المشروع في اطار علمي منظم ومدروس للحصول على النتائج المرجوه . ولا المواطنين قادرين يتفهمون ويستوعبون اهميه عالمشروع.....
انا اشبه مشروع التعداد مثل الواحد اللي عنده عزيمه ويبي يسوي العشاء لهم. بس مايدري كم شخص راح يجي للعزيمه ولا عنده فكره عن الاشخاص المحتملين اللي راح يجون.. لذا هو قدام امرين . اما انه يكون تقديره للمقدار اقل من العدد اللي موجودين والنتيجه عدم كفاية الناس المعزومه من الاكل وعدم الرضا من المتواجدين وبالتالي الحكم على عدم كفاءة الشخص بعمل الوليمه او وصفه بالبخل وحب المال... الامر الثاني انه يكون تقديره للمقدار اكثر من المتواجدين... وبالتالي النتيجه خسارة في الاكل كان من المكن تجاهلها لو عرف العدد المتوقع . وايضا سيكون الحكم على الشخص بالاسراف وعدم الخوف من الله في عملية التبذير وتكون النتيجة المستقبليه تردد بعض الاشخاص للقدوم في مناسبه قادمه. يعني في كل الحالتين هو خسران خسران؟؟؟
ان متاكد 100% لو سألت 50 شخص وش فائدة التعداد واهدافه المستقبليه . مافيه الا 1 او 2 راح يعرف والباقين راح تكون الاجابه ( الدوله زايده عندها الفلوس وتبي تصرفها ) او ( الدوله تبي توضح للناس انها مهتمه وهي بالاصل ماهي مهتمه).
ياجماعه موضوع التعداد يتركز على قاعده اساسيه الا وهي مسألة الاعتمادات المالية وخطط التمنيه المستقبليه . من المعروف انه في كل سنه الدوله تصرف اعتمادات للشؤون البلديه والقرويه في كل مدينه لتسيير وتفيذ خطط التمنيه المعتمده والناس لازم تفتح عقولها وتعطي نفسها وقت لبناء بيئه صالحه وبيئه متوازمه مع احتياجاتنا العمليه , مثلا في بريده , في خطة التنميه لبلديه بريده . هناك تخطيط لبناء 35 مستوصف, 20 مدرسه ابتدائيه , انارة وسفلته شوارع معينه . ايصال الخدمات الاساسيه لعدد من الاحياء الجديده ( هذي الارقام افتراضيه ياجماعه, لاتصدقون وبعدين بكرا تسوون مظاهره عند بلديه بريده وتقولون راعي الاوله هو اللي جاب هالارقام) ... طيب كيف راح تعرف بلديه بريده عن الحاجه لتفيذ تلك المشاريع اذا ماكان عندهم رقم محدد لعدد السكان في الحي الفلاني . وعدد الاناث في بريده عند الحاجه لبناء مدارس بنات, وعدد الذكور عند الحاجه لبناء مدارس الذكور, وعدد الولادات في بريده عند الحاجه لانشاء مراكز صحيه جديده . وعدد الوفيات (طول الله اعماركم) عند الحاجه لاعتماد مقابر جديده واعتماد تمويلها , و نسبة النمو في بريده عند الجاجه لتقديم وتنفيذ الخدمات الاساسيه لانشاء احياء جديده لتستوعب الاعداد القادمه بدلا من التكدس في مناطق محدده. .. وهلم جره ..
لاتعتقدون انه راح ينظر للتعداد على اساس انه رقم اجمالي وبس. لا الفكره زي ماتكون على شكل هرم واسفل الهرم هي مناطق المملكه ومدنها ونهاية الهرم المملكه بصفه عامه...كل مدينه راح تستفيد من معرفه تعداداها وبالتالي يتم نقل هذه الاستفاده لرأس الهرم وهي الجهة المعنيه بالتخطيط والتنميه ..
نجي على ذكر الدوله .. الدوله مقصره بعد .. الدوله ماهي قادره انها توضح للناس اهمية وفائدة التعداد .. ماهي قادرة انها توظف الكوادر المؤهله لتخطيط وتنفيذ المشروع .. ممكن اكثر من شخص قادر انه ينفذ عمل معين بنفس الاداء, بس ماكل شخص قادر انه يخطط التخطيط السليم والفعال..... العمليه في الاساس عملية تخطيط.. اذا قدرت تحدد مدخلات المشروع بدقه ومخرجاته ايضا بنفس الدقه فتاكد ان مشروعك راح يأتي بالنتيجه المرغوبه.... فيه عقبات وفيه صعوبات .. بس لانحاول نغمض عيوننا عنها لاتها راح تعيقنا في الحصول على النتائج المرغوبه....
انا شخصيا قابلت مسؤول التعداد .. وسألني وهو عجل وبلا اهتمام كم شخص ساكن في هالبيت.. رديت وقلت 2 . .. قالي انه يحاول يحصل على معلومات عن جاري بس انه طق عليه ولا رد ... تدرون وش كان سؤاله.. سألني كم تتوقع من شخص ساكن في بيت جارك... لابارك الله فيك على هالسؤال.. هي كشته ولا طلعة مدرسة تبيني اتوقع لك العدد... هذا تعداد ولازم تدري عن العدد الصحيح ولبس المتوقع .... مثل هالممارسات راح تأثر في الحصول على نتائج مشرفه من هالمشروع التنموي الهام ....
في النهايه ارجع واقول انا الخطاء مشترك بيننا وبين الدوله .. ولا فيها شي لو اعترفنا باخطائننا هالمره .. لانه المره الجايه راح نتفادى مثل هالمشاكل .. لكن اذا اصررنا على التجاهل فان النتيجه تكون مكانك سر وبالتالي نتائج سلبيه قد لاتكون بالضروره موجهه لنا. بل للاشخاص اللي بعدنا واللي هم اخواننا واخواتنا واولادنا وهلم جره ..
هالموضوع والله كبير و لااعتقد انه ينحل بالساهل... لكن مشكورين على توضيح بعض النقاط واللي صراحه فادتني .. لكن عندي زياده على زياداتكم...
مسؤولية الخطاء تقع على الطرفين .. الدوله والمواطنين.. لا الدوله قادره على انها تبرمج المشروع في اطار علمي منظم ومدروس للحصول على النتائج المرجوه . ولا المواطنين قادرين يتفهمون ويستوعبون اهميه عالمشروع.....
انا اشبه مشروع التعداد مثل الواحد اللي عنده عزيمه ويبي يسوي العشاء لهم. بس مايدري كم شخص راح يجي للعزيمه ولا عنده فكره عن الاشخاص المحتملين اللي راح يجون.. لذا هو قدام امرين . اما انه يكون تقديره للمقدار اقل من العدد اللي موجودين والنتيجه عدم كفاية الناس المعزومه من الاكل وعدم الرضا من المتواجدين وبالتالي الحكم على عدم كفاءة الشخص بعمل الوليمه او وصفه بالبخل وحب المال... الامر الثاني انه يكون تقديره للمقدار اكثر من المتواجدين... وبالتالي النتيجه خسارة في الاكل كان من المكن تجاهلها لو عرف العدد المتوقع . وايضا سيكون الحكم على الشخص بالاسراف وعدم الخوف من الله في عملية التبذير وتكون النتيجة المستقبليه تردد بعض الاشخاص للقدوم في مناسبه قادمه. يعني في كل الحالتين هو خسران خسران؟؟؟
ان متاكد 100% لو سألت 50 شخص وش فائدة التعداد واهدافه المستقبليه . مافيه الا 1 او 2 راح يعرف والباقين راح تكون الاجابه ( الدوله زايده عندها الفلوس وتبي تصرفها ) او ( الدوله تبي توضح للناس انها مهتمه وهي بالاصل ماهي مهتمه).
ياجماعه موضوع التعداد يتركز على قاعده اساسيه الا وهي مسألة الاعتمادات المالية وخطط التمنيه المستقبليه . من المعروف انه في كل سنه الدوله تصرف اعتمادات للشؤون البلديه والقرويه في كل مدينه لتسيير وتفيذ خطط التمنيه المعتمده والناس لازم تفتح عقولها وتعطي نفسها وقت لبناء بيئه صالحه وبيئه متوازمه مع احتياجاتنا العمليه , مثلا في بريده , في خطة التنميه لبلديه بريده . هناك تخطيط لبناء 35 مستوصف, 20 مدرسه ابتدائيه , انارة وسفلته شوارع معينه . ايصال الخدمات الاساسيه لعدد من الاحياء الجديده ( هذي الارقام افتراضيه ياجماعه, لاتصدقون وبعدين بكرا تسوون مظاهره عند بلديه بريده وتقولون راعي الاوله هو اللي جاب هالارقام) ... طيب كيف راح تعرف بلديه بريده عن الحاجه لتفيذ تلك المشاريع اذا ماكان عندهم رقم محدد لعدد السكان في الحي الفلاني . وعدد الاناث في بريده عند الحاجه لبناء مدارس بنات, وعدد الذكور عند الحاجه لبناء مدارس الذكور, وعدد الولادات في بريده عند الحاجه لانشاء مراكز صحيه جديده . وعدد الوفيات (طول الله اعماركم) عند الحاجه لاعتماد مقابر جديده واعتماد تمويلها , و نسبة النمو في بريده عند الجاجه لتقديم وتنفيذ الخدمات الاساسيه لانشاء احياء جديده لتستوعب الاعداد القادمه بدلا من التكدس في مناطق محدده. .. وهلم جره ..
لاتعتقدون انه راح ينظر للتعداد على اساس انه رقم اجمالي وبس. لا الفكره زي ماتكون على شكل هرم واسفل الهرم هي مناطق المملكه ومدنها ونهاية الهرم المملكه بصفه عامه...كل مدينه راح تستفيد من معرفه تعداداها وبالتالي يتم نقل هذه الاستفاده لرأس الهرم وهي الجهة المعنيه بالتخطيط والتنميه ..
نجي على ذكر الدوله .. الدوله مقصره بعد .. الدوله ماهي قادره انها توضح للناس اهمية وفائدة التعداد .. ماهي قادرة انها توظف الكوادر المؤهله لتخطيط وتنفيذ المشروع .. ممكن اكثر من شخص قادر انه ينفذ عمل معين بنفس الاداء, بس ماكل شخص قادر انه يخطط التخطيط السليم والفعال..... العمليه في الاساس عملية تخطيط.. اذا قدرت تحدد مدخلات المشروع بدقه ومخرجاته ايضا بنفس الدقه فتاكد ان مشروعك راح يأتي بالنتيجه المرغوبه.... فيه عقبات وفيه صعوبات .. بس لانحاول نغمض عيوننا عنها لاتها راح تعيقنا في الحصول على النتائج المرغوبه....
انا شخصيا قابلت مسؤول التعداد .. وسألني وهو عجل وبلا اهتمام كم شخص ساكن في هالبيت.. رديت وقلت 2 . .. قالي انه يحاول يحصل على معلومات عن جاري بس انه طق عليه ولا رد ... تدرون وش كان سؤاله.. سألني كم تتوقع من شخص ساكن في بيت جارك... لابارك الله فيك على هالسؤال.. هي كشته ولا طلعة مدرسة تبيني اتوقع لك العدد... هذا تعداد ولازم تدري عن العدد الصحيح ولبس المتوقع .... مثل هالممارسات راح تأثر في الحصول على نتائج مشرفه من هالمشروع التنموي الهام ....
في النهايه ارجع واقول انا الخطاء مشترك بيننا وبين الدوله .. ولا فيها شي لو اعترفنا باخطائننا هالمره .. لانه المره الجايه راح نتفادى مثل هالمشاكل .. لكن اذا اصررنا على التجاهل فان النتيجه تكون مكانك سر وبالتالي نتائج سلبيه قد لاتكون بالضروره موجهه لنا. بل للاشخاص اللي بعدنا واللي هم اخواننا واخواتنا واولادنا وهلم جره ..