المساعد الشخصي الرقمي

مشاهدة النسخة كاملة : الحنـــينـــي

خـــــــــــــــالـــــــــد
12-12-04, 11:04 pm
منافسه لام المقداد :D

ولان الوالده سوت لنا حنيني امس واكلناه اليوم وطعمه في راسي الى الان :e1:

ولاني احبكم وابي افيدكم :for5:


طلبت منها ان اكون حاضرا حين اعداد الحنيني لاسجل الخطوات بنفسي وانقلها لكم


المقادير ...


تقريبيه لان الدقه ليست ضروريه .

== حليب ( مويه وحليب بودره مثل حليب الشرب بس بدون سكر ) تقريبا كاسين

== يضاف اليه ملعقه كبيره زبده

== و يضاف اليه ايضا ملعقه صغيره ليمون اسود مطحون

== ثلاث اكياس خبز بر

== كميه مناسبه حسب الرغبه في الحلا من التمر المعجون ( عبيط )



الطريقه ...


== يغمس الخبز في خلطه الحليب ممزوجا بالزبده والليمون الاسود

لكن لاحظوا عدم جعله رطبا جدا


== يطحن في فرامه اللحم


== يعمل على شكل اسطوانات كل اسطوانه بعرض ثلاثه اصابع تقريبا ,, و تحشى كل اسطوانه بالكميه المرغوبه من العبيط


== يعاد الى الفرامه مره اخرى


بعد هذه الخطوه يمكن تذوق درجه خلاوته واضافه اما الخبز او التمر للحصول على الدرجه المطلوبه او الاكتفاء بالمذاق اذا كان مناسبا


== يعجن باليد قليلا ليختلط تماما


== عند الاعداد للتقديم يوضع في صجن تيفال واسع قليلا من الزبده المذابه على نار هادئه جدا


ثم تفرد عجينه الحنين مقدارا قليلا حتى تسخن وتقلب لاكمتال طعم الزبده فيها


ثم توضع على جنب في نفس التيفال ووضع باقي المقدار بالتدريج الى ان يتم تسخين الكميه المطلوبه


== تجمع في وسط طبق التقديم ثم يوضع حفره صغيره في الوسط و يسكب فيها الزبده السائحه

ويقدم مع الليمون


والشاهي الزنجبيل



و بالصحه والعافيه


و نصيحه مني ...:for10:


الحنيني يفضل اكله في الصباح الباكر او على الاقل غدا لاتتوهقون وتاكلون عشاء ,,, اكله دسمه وبتشتغل الكوابيس :D
أميرة ذاتي
13-12-04, 12:31 am
اما طريقتي انا ....



قرصان مغموس شي بسيط بــ ( عصير ليمون اصفر + ماء دافئ + سكر )


وتمر ( ضميد ) منزوع النوى


يفرم بفرامه اللحم

ويخلط سوا

ويوضع عليه سمن ويوضع على نار هادئه


وياكل بالهناء والعافيه

والله حلو مرررة وطعمه بالراس


وسامحنا يا خالد ان تعدينا عليك



تحيـــــاتي
البرحيه
13-12-04, 01:49 am
تسسسسسسسسسسسسلم يدك

ترى عادى تقول سويت حنينى
ما حد بينقد عليك:):g5:
شكرا لك

شكرا لينا شكله اسهل من طريقة الرجال:p
كرباج
13-12-04, 11:51 am
سبقتني ياخالد في الموضوع بس الافضليه للاسبق على وزن الافضليه للجزوم !!!

طبق رائع عاد تصدق يوم الاربعاء ماكلين بالدوام حافظه كامله حنا والشباب بالهناء والعافيه على الجميع

ميرسي

تشااااااااااو
فيافي نجد
13-12-04, 01:17 pm
مبين علينا بنصير في اخر الشتاء براميييل متحركه


كل يوم طالعين لنا بطبخه شكل


بس اذا تبوووون نصيحتي كلوا فوووووول وريحووا روووحكم


:D
بنت الاسكان
13-12-04, 01:22 pm
فوووووول هههههههههههههه
النسيان
13-12-04, 01:23 pm
اااه حرام عليك ما افطرت ياخالد ونا اقرى هالطبخه اللي احبها مره والله ااه يالجووع عاد اسمعو انا اطالبكم بطبق حنيني وخصوصا شيفنا الكبير خالد وعلمهم اصول الطبخ علمهم ياخالد
خـــــــــــــــالـــــــــد
13-12-04, 03:12 pm
اختي لينا


هلا فيك


ومنكم نستفيد


طريقه اخرى مشابهه مع اختلاف بدل الحليب ليمون


كل الشكر لك
خـــــــــــــــالـــــــــد
13-12-04, 03:34 pm
اختي البرحيه


وما ادراك وامي تزينه وانا ( اتحقرص ) ودي ازين مثلهم .


بس ترى طريقتي مب صعبه


انا معطيكم تفاصيل دقيقه ولينا مختصره


شكرا لك
ام المقداد
13-12-04, 09:14 pm
ماشاء الله من ورانا ياخالد :mad:
تبي تنافس ام المقداد وطبخاته :(
خلو لنا لو الطبخ :D
بس صراحه طريقة امك مرتبه وحلوه
واكيد طعمه لذيذ ..
الله يجزاها خير ويسلم يدينها ياااارب..
وجايتك بطريقه للحنيني بتكسرررررررر سوق
العجز الله يخليهن تاج على روسنا <<طريقة العجازات المودرن.
خزامى نجـد
13-12-04, 09:46 pm
اممممممممممممممممم

حلو

يلله يا بنات جيبو ا مفكرة الطبخ واضيفو ا إلى قشد ام المقداد حنيني ام خالد

البقية تأتي

>>ننتظر الفريك والعريكه ((هذي لأهل الجنوب ))



مشكور خالد على هالطبخه الحلوه

خزامى
السناره
13-12-04, 10:18 pm
رهيب يعني ام المقداد تبي تطلع بكليجا على الطريقه الهولنديه بس لاتذكر من المقادير فرن
شقرديه
13-12-04, 11:34 pm
انا احب الحنين

بس ما اصلحه

بسبب الفرامة اكرهها مرة

الله يخلي لنا ام خالد

الصحن الظاهر بعشرة ريال

تحياتي

والف الف شكر لأم خالد ولينا
ام المقداد
14-12-04, 12:36 am
مالك إلا اللي يسرك شقوره..
;) مفاجأه.
كـم تبـي
14-12-04, 11:11 am
ياجماعة الربع

ماهكذا تورد الأبل

الحنيني وجبة دسمة جدا تضر كثيرا من يأكله ويجلس

من يأكله يحتاج لحركة وعمل ونحن لسنا كالأوائل في حركتهم

من يأكل الحنيني يحتاج مسحاة وفأس وكم شجرة إرطى

يعني ماينفع إلا في البر ليطلق الشخص لساقيه العنان حركة وجري ولعب


اما في المنازل وأماكن العمل فالله يعينكم عليه
خـــــــــــــــالـــــــــد
14-12-04, 02:59 pm
اخي كرباج

ولايهمك الموضوع وصاحبه تحت امرك

وعطنا اللي عندك فلكل طريقته .

وحنيني الاربعاء عليك بالف عافيه
خـــــــــــــــالـــــــــد
14-12-04, 03:28 pm
اختي فيافي نجد


ماسمعتي المثل اللي يقول

من اكل فولا اربعين يوما فقد استثور <<<< يعني صار كبر الثور من السمن


وانت خليني اكل حنيني كل يوم وماعليك امشي واسوي رياضه احرقه


شكرا لك

=======

اختي بنت الاسكان


عجبتك فكره فيافي نجد
خـــــــــــــــالـــــــــد
14-12-04, 10:00 pm
اخي غريب الجواء

لو اقدر اوصلك الحنيني من عيوني تامر امر


الوالده ماخلت احد من اقاربنا وجيراننا الا وذوقته الحنيني في كل مره تسويه ترسل لثلاث او اربع عوايل
خـــــــــــــــالـــــــــد
14-12-04, 10:45 pm
اختي ام المقداد


الله يسلمك اااامين


و سننتظر طبختك


كل الشكر لك
خـــــــــــــــالـــــــــد
15-12-04, 03:38 pm
العفو اختي حزامى


لا ومفاجاه اخرى طبخه شعبيه غريبه وقديمه وسهله ولذيذه ساطلب من الوالده تسويها وانا اشوف واكتب لكم الطريقه
شقرديه
15-12-04, 10:39 pm
خالد قل للوالده ترا شقرديه يا حول مالها احد هنا

تحن علينا بحنيني

تحياتي
شقرديه
15-12-04, 10:47 pm
أم المقداد الله لا يخليني من حسك

تسلمين يالغاليه

تحياتي ومحبتي
ابو خليل
15-12-04, 11:26 pm
خالد باالهنا والعافيه حنيني اجل باالراس:D
الله يرجك الحنيني يروح للبطن مهب لراس:for6: >>>> تراه يستهبل لاتصدق

.......................................

مشكوووووووووور خالد على شرح الحنيني
تحياتي لك
العبرى
15-12-04, 11:47 pm
يم يمي,,,

أويلااه على حنيني..

يسلمووو خالد
خـــــــــــــــالـــــــــد
16-12-04, 01:17 pm
اخي السناره

توقع من المبدعه ام المقداد اي شي

بس اعتقد ان الفرن راح تقول بداله تنور
خـــــــــــــــالـــــــــد
16-12-04, 01:32 pm
اختي شقرديه

الفرامه من ضروريات المطبخ

وكل مافي الامر ان لايكون بجانبك اطفال حتى لايدخلوا ايديهم فيها

فامي واختي يستعملانها بكل سلاسه وبساطه


واذا على الحنيني الله ما يحبه فاته نصف عمره

واذا تبغين حنيني سيري على الوالده وهي تخليك ماتطلعين الا معك صجن قرصان مليان حنيني
خـــــــــــــــالـــــــــد
17-12-04, 07:32 pm
اخوي كم تبي

الحنيني بالرغم من ثقله على المعده وحاجه آكله للحركه لتهضيمه


الا اننا لن نستغني عنه وخاصه عندما يشتد البرد

وفي ذلك اليوم الذي نفطر فيه حنيني مانتغدا

والعشا يكون خفيف


لكن حذار من اكله عشاءا فذلك تخمه وثقل تفقدك متعه اكل الحنيني



شكرا لك
خـــــــــــــــالـــــــــد
17-12-04, 07:49 pm
اخي ابو خليل

تصدق عاد

من كثر حبي للحنيني يمكن اغلط ويروح لراسي <<<< وشلون مادري


والعفو
هواجـــيـــس
18-12-04, 05:50 pm
ابي حنيني :(

الله يهديك اخي خالد :(

نبي احد يعزمنا على حنيني

بس انا على القهوة :D


يعطيك العافيه اخي خالد ...
خـــــــــــــــالـــــــــد
19-12-04, 04:35 pm
اختي العبرى

اتفقي انت و شقرديه وسيرن على الوالده

واظنها ماراح تطلعكن الا وكل وحده على راسها صحن قرصان مليان حنيني

العفو والشكر لك
خـــــــــــــــالـــــــــد
18-12-05, 11:45 pm
اختي هواجيس

كني سمعت ام المقداد و شقرديه عازمين البنات على حنيني في .. خاص لها


=======


محدش احسن من حد:for2:


برد و جاء وقته :c7: <<<<<<<< ما غار من فيمتو

الدور الجاي على ام المقداد :c7: <<<<<< ماسكين مناقصه حنيني مشرفي منتدانا ;)
جناان
19-12-05, 01:48 am
امممممممممم الحنيني اكلتي المفضله >>احلفي هههههه

شوقتنا ياخالد له ...تسلم على الطريقه والله يخلي لك الوالده

من بااااااكر ابسويه انشاء الله ..
خـــــــــــــــالـــــــــد
05-03-06, 10:34 pm
اختي جنان


...تسلم على الطريقه والله يخلي لك الوالده


امين شكرا لك
iiigil
06-03-06, 02:21 am
أخير ابسوى حنيني تشكراااااااات
بنت الشرقيه
06-03-06, 12:03 pm
الاخ خالد

تسلم على نقل وصفه الوالده لتعم الفائده للجميع

بس خساره لان الجو عندنا مال للحراره

وحلاه الحنيني البرد الشديد

لكن لامانع من تخزين الوصفه للحاجه

تحياتي
خـــــــــــــــالـــــــــد
07-03-06, 11:46 pm
اختي انسه مطنشه

حنيني الوالده سريع

ماشاء الله عليها ماامدها تبدا الا هي مخلصه

بتستفيدن اكيد


عفوات

اقصد عفوا