مناورات عسكريه ولا هزه ارضيه..وش الخبر يااهل الدمام؟

[ام المقداد]

السلام عليكم ورحمة الله وبركاته
اليوم وصلتني اخبار اثارت فزعي ..
هزات ارضيه متتاليه تضرب الدمام!!
بحثت عن الخبر في المواقع الإخباريه
والتلفاز ..
فلم اجد له اثر :confused:
ثم اتتني الاخبار من نفس المصدر انها كانت
مناورات عسكريه قويه وصلت آثارها
الى اخراج الناس من بيوتهم فزعاً ..
ظناً منهم انه زلزال..
السؤال الذي يطرح نفسه..
ان كان زلزال فالله يستر علينا ويكفينا شر ذنوبنا
لكن ان كانت مناورات عسكريه وهذا الاقرب..
فلم لم يبلغ السكان بها لكي لايعم الفزع والفوضى
:for9: :for9: :for9:
ياليت اللي عنده خبر اكيد يفيدنا.

[بندر الحمر]

أتوقع ماجد الأول أو بنت الشرقيه عندهم خبر

نظرا لأنهم من أهل الشرقيه

شكرا لك أخيتي أم المقداد

[خزامى نجـد]

صح عليك ام المقداد

السكان سمعو أصوات وإلى الآن ما يعرفون وش القصه؟؟؟

[خـــــــــــــــالـــــــــد]

الله يستر


و ننتظر من سكان الشرقيه او ماجد الاول او بنت الشرقيه اي معلومه

[ام المقداد]

وينهم الله يستر ..
لايصير جاهم شي..:(

[وائل]

اللهم سلم سلم


الله يحفظهم


ويحفظ وطننا


أذكر أن انبوبة غاز هزت حي كامل ، ودوى الصوت فيها أيما دوي

[ام المقداد]

والله اني ماادري ياوائل..
لكن لاصارت الدعوى جحاده..
لاتلومون الناس كلن يحط من راسه
اشاعه..

[ثامر الناصر]

الله بس يستر على المسلمين

نرجو طمانتنا عن الحال في الشرقية


ودمتم

[النسيان]

الله يستر على المسلمين

ياهل الشرقية تكفون علمونا وش القصة عاد ما جت هالامور الا يوم صرت بسافر للشرقيه السبت اضن هونت بلاش دورات تدريبه مامثل ديرتي

اللهم سلم سلم يا خيرا حافظا

[ام المقداد]

سلطانكو المغترب ..
آمين الله يستر.
*******
غريب الجواء
رح وانت متطمن ماعليك إلا العافيه..
اقرب مايقولون انها تدريبات عسكريه
مجحوده لكنهم زايدين الكيله هالمره
فصارت مسموعه وقويه ..
او تفجيرات غاز بأرامكو وهذي يقولون متعودين عليها..!!!
بس انا ودي ادري ليش مافيه اي بيان او خبر رسمي..
مع ان الناس في الدمام والخبر اول مره يحسون فيها.!
للأسف مادري من اصدق..

[النسيان]

الله يطمن قلبك ياختي ام المقداد صحيح لعلهم مزودين الكيله يمكن المهندس الامريكي المسئول مضيع الطاااسه