حذاري حذاري من خدمة الجوال :اضافة الرقم 5

[حنيش الملز]

دشنت شركة النكبات الاتصالات خدمة استبدال الصفر الى خمسه ..
اعاننا الله كل يوم تغييرات ( تحت شعار ياهلا بالخمســـه ) والحقيقة خطو جيده والجميع تقريبا رحب بها والرسم رمزي اي 25 ريالا ، ولكن الطامه الطامه الطامه ان من يتصل بك على رقمك المعهود بدون التبديل الى خمسه فانه سيظهر لللمتصل تسجيل يقول :
( ان الرقم الذي طلبت غير صحيح :for1:) !!!! تخيل !!؟

نعم لم اصدق واقسم بالله عندما ذكر لي ذلك ، ولكن فعلا انها حقيقة ....!!!

وطبعا الأمر نقف عنده كثيره فبدل التسجيل الذي يقول ان الرقم خطأ لماذا لايكون راد بأن الرقم تغير مثلا ، طالما التسجيل موجود موجود ) فهذه تقنية موجوده حتى في دول العالم كلها من اولها الى عاشها ايضا فلماذا لدى اتصالاتنا لاء ...!!؟ فماذا سيضير الاتصالات من تفعيل تسجيل بهذا النص وندفع معليش رسما 5 ريال ( زي الخمسه حقتهم ) مهيب مشكله !!!

ثم هذا ستجعل الكثيرون يحجمون عن الاشتراك وكثيرو ن سيتجهو للاتصالات للتراجع عن التغيير والا عليهم ان يقومو بالاتصال على كل معارفهم لاحاطتهم بالتغيير فتكسب الاتصالات طبعا
( وربما هنا مربط الفرس !!) والا عليك عمل اعلانا بالجريده مثلا وسيكلفك كذا ... :rolleyes:

لقد تعطلت اعمال اناس واضرت بكثيرون هذه الخدمة التي كنا نظن انها ستك نقله بينما اصبح الرقم ( الي توهق صاحبه بتغييره ) مثل السيكل : سائق ورديف ... نقمة وغراب بين ..

يااتصالات ارحمونا وحطو تسجيل يقول الرقم تغير بدل ( ان الرقم الذي طلبنت غير صحيح ) ........
والي بلشان بالمشتركين الان هم مآمير 902 الي مساكين ، والمدير نايم في بيتهم والراتب ألوف و ألوف ودوام على كيفه ....


نريد حلا يااتصالاتنــــــــــــــا
ماأكثر بلاويكم بصراحه

:for7::confused:


نسوق الأمل والرجاء الى وزارة الاتصالات والى هيئة الاتصالات للنظر بهذه المعضله والا هالشركه مغسلين ايدينا منها من زمااااان ، ولكن مثل مايقال مالك الا خشمك لو هو عوج ، مافيه حل ثاني الا هالشركه ، ولكن مالذي يمنع من تعديل أنفها ليستقينم ....؟!

:for7:


فهل تنظرو بهذه المشكلة ياوزارة وهيئة الاتصالات .... والا سيكون حالنا كالمثل القائل والمستجير بعمرو عند كربته ؟!!!!!
:rolleyes:

[شقرديه]

كلالالالالالامك صحيح مية المية

الوالدة ابتلشت تبي تكلم اختي المريضة

ولا قدرت

لان اختي اضافة الخمسة وامي ما تعرف تضيف الخمسة

لان اصلا الرقم مسجل بجوال الوالدة

وتقول بنتي غيرت رقمها وانا استغربت ليه تغيره حلو!!!!

صار عشان الخمسة

اشكرك تنبيه جميل

لك التحية

[ابو خليل]

هلا والله باخوي حنيش الملز

مثل ماقالت اختي شقردية كلامك صحيح

خذاها قاعد من هاالحين ورايح

إذا اتصلت على اي احد سواء من الأقارب او الأصدقاء

تلفونة مغلق اضف خمسة بعد ((05)) وكذا تصيد راعي الرقم اللي تبغاه

لاكن يبقى لك الشكر على طرح هذا الموضوع


تقبل تحياتي

اخوك ابو خليل

[المعيد]

الاتصالات ما هي أول مرة توهق المشتركين

فكثير منا أصابه من شرها الذي لا بد منه

وعلى قول المثل، من أمن العقوبة ساء الأدب

وهذه الشركة منهم

شكرا
المعيد

[عاشق التحدي]

الاتصالات .. !!!!

شر لابد منه في الوقت الحالي .

بلاويهم من كل ناحية ... رسوم .. أجرة مكالمات .. خدمة رسائل مصورة سخيفة .. والباقي في الطريق .

[حنيش الملز]

اشكركم اخواني اخواتي

أختي شقرديه تحياتي والي حصل لك حصل مع عشرات ....( وحده بالسوق انطقت الى نص الليل تحتري اخوها ) ابدا يوم خلصت مع صلاة العشاء دقت على اخوها اثره غير للخمسه الله لايعيدها من خمسه ولقته غلط البنت شكت وعادت تتصل وغيرت جوال ومافيه فايده ومن كبينه برضة غلط ... اتثلت بأهلها بالبيت وخطهم مشغول بزارين وقرق حريم ... اتصلت بجيرانهم اوووه خطهم مشغول مع البيت .. ومن هنا وهنا اخيرا اتصلت بأمها وقالت له .. قالو له ايه غلط ماندري واش السنع بس اصبري وراحت باتصالات ... حتى فرجها الله نص الليل هذا يوم امس يعني قبل كم ساعه ... ( لأن الأخ استغرب ان اخته مكلمت يجي يآخذها فخاف عليها وراح للبيت وعرف ..وهكذا انتهت القصه )


أبو خليل هلا فيك اخوي ( انت قاعد تقول الغاز ...) يعني المشكلة اخوي الى هالحد صعبه .. مستعصيه و مستحيله واشلون مطفى جوال مامطفى .... :) يخوي انا اسال هالشركه عن الي توهقو وغيرو هالحين


المعيد : برآيك نرجع بس لهواتف العمله والربع والنص ريال شكرا لمداخلتك اخوي ولا تشكي لي ابكي لك
عاشق اخوي والخبر بعد خذ والا خوذوه كلكم ستتتأخر الشركة الجديده أجلـــوها سمعنا القرار لكن ليش ؟

اشوني ماتوهقت بالخمسه بس ....!!!!!

على العموم واحد راح الاتصالات ( قالهم انا عاوز الصفر بتاعي .. رجعو لي صفري .:for13:..)


قالو لاء دخول الحمام مش مثل طلوعه رقمك بلا الصفر راح لمشترك ثاني وبالسوق السوداء بعد شفهم يحرجون عليه ..
قال طيب هاتوه لي رديف قالو له خلك انت الرديف وهو السواق !!!!!!!!

:confused:


جايز لك والا رح اشتك .:for7:..!!!



أمرا غريب فعلا يعني مثل هالمشكله التافهه مالها حل عند الاتصالات ؟!!

[بندر الحمر]

الله يعيننا على هالدنيا الدنيه

[بنت الاسكان]

شركة النكبات ههههههههههه

[كرباج]

شركة الانفصالات واستهبالتها لن تتغير كل يوم طالعين لك بمصيبه جديده المقصود شق جيوبنا حنا يالضعوف

هذا غير شوفة نفس مواضفينهم لكن المفروض ان الواحد يخلي جواله اللي به صفر لاننا تعودونا عليه

اخاف بكرى يقولون اضافه رقم عشره قبل الصفر:D طلع شغل تحشيش حسبي الله عليهم انامايبط

تسبدي الا اذا قالوا عزيزي العميل تاكد ان جميع استفسارتكم محط اهتمامنا والله من الخبث والخداع

اضف الى ذالك ترى الرسايل المصوره اللي قالوا انها مجاناً ضحكوا على المساكين والضعوف ترى الرساله الوحده ب(90) هلله اي مايعادل 3 رسايل نصيه :for9:واللي يبي يتأكد يرسل من سوا وشوفوا

شلون بلع الدراهم لكن ياحظ اللي معهم بلوتوث;) وانتبهوا اشك ان الشركه الجديده ماراح تتنفس زين منهم يبي يصكون عليهم صك

لكن مقيوله مالك الا خشمك لو هو عوج ولا ( مزكوم) !!!

تشااااااااااااو

[الملثم نت]

اكيد يبي يقول( ان الرقم الذي طلبت غير صحيح )
تبيه يتصل وانت مغير رقمك
ويصير لك خطين بدل واحد

لكن اختي رقمها مميز ولاكنه 050 انا اخذتنفس الرقم لاكنه 055 ولم ارى مشكلة إلى الأن

[حنيش الملز]

واجراماهااااااااااااااااااااااااااااااااااااااااه بيلالالالالالالالالالالالالالالالالالالالالاه
نسبة الى جراهام بيل ( مخترع الهاتف طبعا ) ...

:g1::for13:

[أقلاع حتى الضياع]

:)

الحين جت شركة الأتصالات الأماراتية تبي خلي شركة الأتصالات السعودية يخلون الموظفين ياقفون بالشوارع ويقولون لله يامحسنين مشترك عندنا
حسنة اشتراك تدفع بلاوي كثيرة :)

يارجال وش ترجي من شركة كلها نهب وسرقة ونصب واحتيال

تحياتي لك

[حنيش الملز]

ياناس والله ماعاد ندري من نصدق ولازال وحتى اعداد الخبر الوضع كما هو ولكن هنا امورا اخرى
فمارأيكم نريد حلا ..

:confused:
http://alsaha2.fares.net/sahat?14@115.tejHnPsSF3f.0@.1dd65e0b

[الغيور على بريدة]

الله يجيب الشركة الجديده على الاقل نرتاح من شركة الختلاس

[حنيش الملز]

الرسالة الأصلية كتبت بواسطة الغيور على بريدة
الله يجيب الشركة الجديده على الاقل نرتاح من شركة الختلاس

اخاف يخوي نهــج من القوم نطيح بالسريه ،
انا اقول خلنا نمسك بمهبولنا لايجينا اهبل منه بس

يااتصالاتنا الرحمه الرحمه خفضو اسعار ( الخدمه اللفترة للنصف على الأقل تكون 60 رال بدل 120 ملينا نسمع هالتصاريخ من سنين وبنين ) من زين هالخدمه عاد ..!!! ويكفيكم بس الي خسرتوه الناس كل يعلم الي هو يعرف بيا هلا بالخمسه والرديف الله يخلف راح ....


ارباحكم ماشاء الله المعلنه مليارات متلتله ليش ماتخفضون رسوم الشبكه !!!
مالناش بالطيب نصيب يعني ...:p

[الماجستك]

رغم تطور شركة الاتصالات عندنا

الا انها ما زالت متأخرة عن باقي الدول في العالم ..

لا ادري ما الأسباب ..

وكذلك ما زالت اغلى شركة اتصالات في اعالم ..

واكثرها تعقيدا ..

فهل يعلم احد ما الاسباب ؟؟؟؟

تحيااااااتي

[حنيش الملز]

شكرا اخي الكريم وهالايام حوسه الاتصالات وكل يطلع خدعه عفوا اقصد فكره واقتراح لخدمه يهبشون منها .. اوووه عفوا اقصد لرفاهية المواطن .. ... فأحدهم قال اي مواطن او مستفيد يقدم شييحه على الشركة الجديده كي يتصل بها من يتعامل مع شركتنا يدفع رسوم ومقدارها 100 ريال فقال الاخر لاء نخليها 50 ,,,, وهكذا

صارت هالشركتين مثل الجارات وحنا الضحايا ... ياوزارة وهيئة الاتصالات الرحمه
شوي حنيـــه بس ..!!!

وسمعت والعهده على الراوي ان شعار شركة الاتصالات الجديده يقال انها ستدشن خدمتها تحت شعار ( اجري جري الوحوش غير رزئك ( رزقك ) لن تحوش ) :p
وانها ستضع رقمها 209 عكس اتصالاتنا العاديه
وانها ايضا ستدشن خدمه التلفزيون الفضائي ( فضائياااااااااااااااااااااات ) وتواصل مع اقمار صناعيه

الرجاء من يعرف موافاتنا مع التحيه ....

:for3:

[العريف]

تحياتي لك حنيش والله انك بطراااان . ( بطل )



اللي ادهى من هذا انه قبل شهر تقريبا انفصلت الخدمه عن جوالي لتاخري في التسديد المهم بعد انفصال الخدمة بعشر دقائق سددت المبلغ عن طريق الصراف .....


المه انني انتظرت وانتظرت لعل وعسى ان تعود الخدمة .. الا ان الذي حصل هو انني اكلتها ( علقة ) ...


لم تعود الخدمة الى جوالي الى بعد ستة ايام كاملة بلياليها !!!!!!

وخلال هذه الايام الستة استطيع القول بأنني اتصلت على مركز الجوال مايزيد عن خمسين اتصال !!!!!!!!!! ( يعني مليييييت )


والرد واحد : انتظر ساعة على الاكثر وتعود الخدمة لك شكرا لاتصالك !!



للاسف هذه الساعة لم تأتي الا بعد ستة ايام !!!


هم جيدين بفصل الخدمة بس يرجعوها صعبة والعلثة ( النظام متعطل او بطئ ) !!!!





وياقلب لاتحزن ..........


المسميات : شركة الاتصالات, الاحتيالات , الانفصالات, النكبات ,, والقادم مذهل اكثر

[حنيش الملز]

مرحبا بعودتك اخي العريف ..
اخوي ( يرد عليك جهاز التسجيل بعدها يقول اختر اظغط الرقم كذا لسماع كذا .. ثم اذا طلبت التحويله التي تريده ا يخرج لك تسجيلا آخر يهذر له 5 دقايق بعدها يحولك الى عدة اختيارات وبرضة تظغط تقول ايه لقيت الي انا ابغاه ثم يطلع مهوب الي تبي ...... وهكــذا )
وآخرتها عاد بعد كل هذا يطلع لك تسجيل بأحد التحويلاي اذا كان حظك زسن يقول لمخاطبة المأمور اظغط صفر ( انا احسبه مأمور القسم ) المهم اذا طلبت الصفر تنطق مشغول لاء ويبخ بك واحد كل شوي يقول انت محل اهتمامنا انت الي مفيش منك انت عزيزنا العميل وحبيب جيوبنا .. عفوا اقصد حبيب قلوبنا .... انتظر فحميع الموظفين مشغولون الان ... وكذا دقيقة ثنتين خمس .... عشر ةوآخرتها يقول يقول ( نعتذ عن خدمتك حاليــــــــــــــــــــــــــــــتا )
أوالله خاتمه ؟

انا من يوم كنت اسمع سامي حداد هو حق تسجيل البريد الصوتي زمان وانا اقول الله يخلف بس ...
ماملو عيونهم كل اعلاميون البلد ( حتى الي يرد مستورد من لندن ومن قناة الجزيره ) واش دعوى

بس اخوي العريف ممتاز انت قدت ستة ايام انا اعرف واقسم بالله واحد قعه 40 يوم ورجعت له الخدمه قالو غلط وتمرمط بين هنا وهناك حول اربعين يوم ( تقولو نفاس ) !!!
مع احترامي لكم اخواني اخواتي لكن من القهــر ...


:for13: