يوم طقن الجوع ذاك اليوم !!!

[كرباج]

من اثار الجوع تصدقون مادري من وين ابدالكم بالموضوع <<< واحد نصاب

مساء الخيرات والعطلات على الجميع كيف اصبحتوا طيبين الحمد لله والشكر اللهم ادمها من نعمه

السالفه اني يوم من الايام وانا طالع من الدوام قعدت افكر مادري وش اتغدى وكنت مره جوعان

اذكر ان من زود الجوع شفت سيارة هرفي حقت الخبز وحاطين بخلفيته صوره همبرقر وكاتبين اذا

كنت جائع الحقني عاد انا من غير شعور مطارد وراهم لمين حسين نفسي اني وصلت صلبوخ:D

وصحصح واسوي يوتيرن للبيت عاد ذاك اليوم مسوي لبناني قلت مانب مأكل رز جوعان ويتشرط

عاد اسمع امي دايم تقول الجوعان يأكل حصى:D وجت سالفه الحصى براسي قلت اروح للبيت

واطبخ لنفسي وعين من الله خير خبركم المطاعم ذبحتنا الميزانيه راحت كله لهم يدفع البلاء

المهم ووصل للبيت وافتح الباب وادخل واقبل راس امي قالت ياوليدي وراك متأخر اليوم قلت كله من

سيارة هرفي قالت وشي قلت لا ولا شي قلت عندكم غداء قالت اليوم ماسوينا قلت كملت السالفه

ودخل المطبخ لاشعورياً عاد لو تدرون وش المسكه اللي مسكة معي غلط على كثرة الجوع جاء في

خاطري بيض عيون <<< الظاهر فرثا كل هالازعاج واخرته بيض عيون يوم جيت للفرن واجيب باقي

عدة الطبخ <<< حسيت انه عندك حاشي وناظر الفرن موهب اللي انت تبي ونا على طول يووووووه

وراه فرنكم مايشتغل قالت مالقى وظيفه:D قالت انا ماقلتلك ياوليدي الخدامه جت تبي تصلح له

اندومي:D وقبع الفرن بوجه وصار كنه ورده بدون مزهريه:D قلت خلاص ابخترع طريقه للطبخ في عز

القوايل ولا تدرون اخليكم مع الصور ياحلوين

http://zoozboob.jeeran.com/Egg01.jpg

http://zoozboob.jeeran.com/Egg02.jpg

http://zoozboob.jeeran.com/Egg03.jpg

تشااااااااااااااو

[عاشق التحدي]

والله ياكرباج وسويتها واستخدمت الطاقة الشمسية قبل الناس ..!!!

بس بصراحة ليش ماخليتها مسلوق ..؟

[البرحيه]

مفطح بيض حللللللللللللللللوه فكره مهبوله



تسلم

[العبرى]

والله فكرة......>>>>>

بس عساك لقيت خبز؟؟!!

[ابو خليل]

هههههه

حلوة اخوي كرباج والله إن الجوع مايخلي احد <<< فهمت شيء;)

لاكن بيض عيون والله منتب سهل ياالغجري:p
شكلة ذاك اليوم اللي صلحت بيض كانت درجة الحرارة 50 :)

لاكن مشكوووووووور على هيك الصور الثلاثة:):p

[السعودي]

http://www.buraydh.com/sign/taheya/bsmal.gif
http://www.buraydh.com/sign/taheya/slam.gif
http://www.arabiyat.com/forums/images/smilies/taheyatayeba.gif
حــلــوة أيها " المصري / كرباج "

أجل بيض عيون ... والله كسافة وبس ؟؟

وانتبه لروحك بالشمس لا يقلب لونك

وتراك رهيف وما تداني الشمس تصقعك

ثم بعدها رقعها فيتحول " كرباج " لبيض عيون وأنف وحنجرة

== طيب الحين بالصيف عرفنا بيض عيون مطبوخ على تنور من سفيح ساخن صادر من لواهيب الشمس ===

و لا صار بالشتاء ... بيضك كيف يتم طبخه أيها الذهين ؟؟؟

فلا تقل لي أضعه في الفرن الخربان حتى تنفك عنه البرودة

وآكله بيضاً نياً ؟؟؟

[فيافي نجد]

ياحرااااااااااام


كسرتي خاطري قاعد بالشمس تنتظر العيون

طيب ليش ماشربتهم على طول وريحت روحك :for6:

[حامل المسك]

أخي العزيز
كرباج
هذي العزوبية وما تسوي
نصحتك من زمان تعرس
لكن ما طعت شوري
لين صرت عانس
وشيبت وبالحاره يسمونك
(( العانس ))
تذكر يوم كنت بعز شبابك
وذيك الضحكة الحلوة
نياهاهاهاهاها
وكلن يطلب إيدك
وأنت تتغلى
وآخرتها تصفي على
(( بيض عيون ))
حبيبي
نياهاهاهاها

[أشرقت]

ههههههههههههههههههههههه
كسرت خاطري بس خلها تفيدك الميزانيه
تحياتي

[الرمادي]

أثرك كل يوم على هالسالفة ماتفك من الجوع أبد !!!

تبي رأيي خذ لك قطعة لصتك !! يالله تسد جوعك !!

تحياتي كرباج ,,

[كرباج]

عاشق التحدي

هلا بك ياعاشق وش رايك بالاختراغ امي تقولي غطيت على فيثاغورس ولد عم نيوتن:eek:

والمسلوق تراه يجيب الحرقان بالظهر

البرحيه

هلاوين بالبرحيه وتسليمن انتي وترى هالمفطح ويذ اوت دسم

العبرى

هلاوالله بالقديمه اهم شي اعجبتك الفكره بس انتبهي لاتسوينها اخاف يصدف الجو عندكم مطر;)

وبيض العيون ماكلها الا بعيوني لانه بيض عيون <<< عسى ماشر

ابو خليل البناني

والله ياخوك يوم اسوي غداي كانت الحراره 57 ونص تعرف الرياض وصيف

ابو ابراهيم السعودي

اهلاً بالذهين والمدقق تصدق ان لوني انقلب بس ماحد حده:D وبالشتاء مانب اقرب البيض

احط عصير تانج بالحوش وارجع له بعد ساعتين ويصير عسكريم <<< فراغ اداري

فيافي نجد

ياحرااااااااااام


كسرتي خاطري قاعد بالشمس تنتظر العيون

الظاهر البيض اغراك والجوع ماثر عليك ياخيتي:D اذكر اني مره شربت عصير بيض وبدت تسبدي تموج

حامل المسك

ابو دحيم نياهاهاهاها الله يرجك ياشيخ يازين ذيتس الايام ذكرت بالوالده دايم تقولي اذا ماعرست

تراك تبي تعنس حسيت اني مدرسة علوم:D شكراً لك على النصيحه اللتي لم اتقبلها

بس تبي الصراحه اشو اني ماقبلتها هذا واحد من الشباب متزوج له سنه واكثر رسايله بالجوال جب خبز جب شطه جب سفن جب ؟؟؟:D

اشرقت

هلاوين وحرام كسر الخواطر ترى الميزانيه كلها راحت لسلة المانجا;) والعجمي و العزوبيه تراها زينه ونحول

الرمادي

تبي الحقيقه يابو فهد موهب كل يوم على حسب مزاجيه راس كرباج <<< والله من المزاجيه بعد

اجل اليوم ابمر العصر بنشر ابو احمد اليماني اللي بحارتنا اغديه يلقالنا قطعة لصتك تريله

شكراً للجميع على هذه الطله

تشاااااااااو

[البكيراوي]

ههههههههههههههههههههه

الله من الصرقعة !!!

والله اني دخت من الضحك ..

اجل لاحقن سييارة هرفي !! زين انك ما شمعت

تحياتي واشواقي وبعد تستاهل

[كرباج]

البكيراوي


ابو محمد ايها البكيراوي اللذيذ والقطوع والجميل اين انت مشتاقين لك ولابداعك الامحدود << من اللي حاده

لو دارين انك تبي تطب علينا بالموضوع تسان نزلنا كل يوم علشان نشوف خشتك:for12:

تحياتي واحتراماتي لك ولشخصكم الكريم

<<< متأثر بالخطابات

تشااااااااااااااو