راع الثلاث والحب الرابع !

[الرمادي]

طول حبيبي ...

ولا له عادة يطول !

وقلبي همس .. روح تلقاه متشوق لك !

وطعته ..

ورحت وسألته .. ليه ماتسأل ؟!

ورد بزعل ! وش تبي؟ مانيب رايق لك !

رده صدمني ..

وقلت .. وش فيك متبدل ؟!

لا الطبع طبعك ... ولا هذا الثقل ثقلك !

وبغيت أكمل ..

وقال .. أرجوك لاتكمل !

مابيك !!

رح للثلاث اللي خذن عقلك !!

ياليتها بس وحدة يمكن أتحمل !!

وأحاول ... أكذب على نفسي وألفق لك !

قلت إنت زعلان ؟!!

قال وشلون ماأزعل ؟

تقصد بغيري ... وتبغان أصفق لك !!


للشاعر خالد المريخي ..





وللجميع تحياتي ...

[شقرديه]

يا حليلة حبيبته زعلانه من ثلاث قابلنه

اجل فاتنات البرتقاله اللي خفت بعقول العالم وش نقول فيهم؟؟؟

شكرا الرمادي


هي اقرب لها سوالف من كونها شعر

تحياتي

عموما تنطبق كلماته على وضعك

[الرمادي]

الأخت العزيزة شقرديه ..

من هن فاتنات البرتقاله ؟!

وربما يكون ماقلتيه هو سبب نقلي للكلمات !!


عموما هي قصيدة وليست مجرد سالفة ولكن قد تكون صياغة كتابتها من قبلي هي سبب تشويهها بهذا الشكل ..


ولك تحياتي ...

[شقرديه]

الرمادي ما تعرف البرتقالة؟؟؟

طيب عيني في عينك!!!

احسن شيء انك ما تعرفها

انا كنت بكتب عنها موضوع فخفت اكون داله على سيئة فأمسكت

تحياتي

[الرمادي]

أول قلت يمكن الدعوى مجرد ضحكة بس الحين تراي ملزم أعرفها ..

مع أني والله ماشوف نفسي بعيد عن الواقع والناس علشان أجهل شئ بهالشكل ..

بس تكفين أختي العزيزة توضحين تراي والله تحمست بشكل ماتتصورينه ..

>>>>> أول مره أدري وشي الشرافه !!!

[الرمادي]

الآن عرفت بأن الشرافة قد تكون نافعة أحيانا !!!

فبعد رحلة إستكشاف طويلة توصلت أخيرا الى البرتقالة وأخواتها المشمشة والخوخة الكمثرى والتفاحة !!!


لكن الصراحة روعة ذلك الطبق المنوع فهو يشبه إلى حد بعيد إنتاجنا المحلي من الفواكه وخصوصا طريقة تساقطها من الأشجار !!!


شكرا لك اختي شقردية وشكرا لقوقل الحياة الذي سهل علي كثيرا عملية البحث ..

[شقرديه]

الرمادي اي قوقل؟؟؟

البرتقاله تلقاها في قناة نجووووم <<<ممنوع احد يقراها غير الرمادي

<<<<ما قالت شيء

تحتح

[الرمادي]

هو كذلك أختي العزيزة وهناك وجدتها !!

[ماجد الأول]

طول حبيبي ولا له عادة يطول ! = وقلبي همس روح تلقاه متشوق لك !
وطعته ورحت وسألته ليه ماتسأل ؟! = ورد بزعل ! وش تبي؟ مانيب رايق لك !
رده صدمني وقلت وش فيك متبدل ؟! = لا الطبع طبعك ولا هذا الثقل ثقلك !
وبغيت أكمل وقال أرجوك لاتكمل ! = مابيك !! رح للثلاث اللي خذن عقلك !!
ياليتها بس وحدة يمكن أتحمل !! = وأحاول أكذب على نفسي وألفق لك !
قلت إنت زعلان ؟!! قال وشلون ماأزعل ؟ = تقصد بغيري وتبغاني أصفق لك !!

حياك الله أخي الرمادي
أعتقد هذه قصيدة عامية، اجتهدت في كتابتها بشكل عمودي
بحرها قريب من البحر البسيط وهو من بحور الشعر العربي
إن البسيط لديه يبسط الأمل ... مستفعلن فاعلن مستفعلن فعلن
ولا أعرف اسم هذا البحر في العامي
لعلّ الأخ خالد يفتينا ..

لا أوافق الأخت شقردية في مناسبة الكلمات لوضعك
فالرجل في وادي بني مراهق ..

ستنقل المشاركة لخيمة الشعر العامي وإن رأى مشرف الخيمة أنها ليست عمودية فيعيدها بكل سرور

ألف تحية وشكر

[الرمادي]

الله يعطيك العافية أخي ماجد ..


فبهذا الشكل تكون القصيدة أروع وأوضح


شكرا لك على هذا الجهد


ولك تحياتي ..