تسجيل الدخول

مشاهدة النسخة كاملة : يابنت

صالح الحمد الزيد
04-06-04, 02:03 am
يابنت باشاورك وانتي تحكمين = لايقال شال البنت بليا رضاها
ودي نروح هناك يم الفلبين = بهاك الجزر والا نتعدا وراها
ونعيش انا وياك بين البساتين= وانخلي العالم وكثرت غثها
نصحا على طيور تجر الوحين = وزهار تنعشنا بشمت هواها
ونركظ على الشاطي ونجلس وحيدين = وناكل ونشرب من شجرها وماها
وعاهدك بالحب وانتي تعهدين = وحياتنا نقطف ثمرها وحلاها
ولانعد مع ليلا وقيس المجانين = اللي توفاء مالقته ولقاها
ونجلس الين العمر ياصل لتسعين = حتى العصا ماعاد نمشي بلاها
ونجيك حجاج لمكه ملبين = مثل شيبان الهند تغسل خطها
واللي بقى بيامنا نسهر العين = نطالع النجمات بعالي سماها
بس انتذكر ذيك الايام وسنين = وقلوبنا ربي يحقق مناها
خـــــــــــــــالـــــــــد
04-06-04, 07:12 pm
شاعرنا صالح الحمد الزيد

ودي نـروح هنـاك يـم الفلبـيـن

=====بهـاك الجـزر والا نتعـدا وراهـا

ونعيش انـا ويـاك بيـن البساتيـن

=====وانخلـي العالـم وكثـرت غثـاهـا

نصحا على طيـور تجـر الوحيـن

======وزهـار تنعشنـا بشمـت هـواهـا

ونركضعلى الشاطي ونجلس وحيدين

======وناكل ونشرب من شجرهـا وماهـا

وعاهـدك بالحـب وانتـي تعهديـن

=======وحياتنـا نقطـف ثمرهـا وحلاهـا



وصف جميل للحياة التي ياملها الشاعر مع محبوبته في ظل الطبيعه


صح لسانك


شاعرنا االكريم قافيه عجز البيت الثالث والتاسع سقط منه لالف شف لايصير طاح تحت الكيبورد من السرعه :D:D


و شكرا لتواصلك مع الخيمه
صالح الحمد الزيد
04-06-04, 07:36 pm
مشكور اخوي خالد وهذي عادك اول المشجعين ونفتخر بذالك
اخوك ابوحمد
فهد الطويان
05-06-04, 02:08 am
الشاعر صالح الزيد.
.
حياك وحي رائعتك.
.
ولا توصي حريص كل تولم على السفر..
.
تقبل خالص تحيتي..
صالح الحمد الزيد
05-06-04, 07:57 pm
اشكرك اخوي فهد والله اني احب الواحد مايروح عن ديرته مثل ماقال الشاعر
ياخوي برنامجك وشو بهالصيف
خل انتفاهم دامنا بالبراحه
ان كان في لندن وباريس وجنيف
اللي يسمونه عواصم سياحه
فسافر لحالك او تخاو انت ولطيف
مانيب انا خويكم بالسراحه
والشاعر من عنيزه بس نسيت اسمه للاسف الشديد
جوااااااااد
11-06-04, 02:21 pm
ونعيش انـا ويـاك بيـن البساتيـن
وانخلـي العالـم وكثـرت غثـهـا


يا سلااااااااااام عليك ....

وين يروح الواحد من الغثاء يا بو حمد
تر2004كي
11-06-04, 08:07 pm
ابو حمد ان رحت مايبقى لنا شين*******----

وعن ديرتي يظلم قمرها بسماها!!!!

خلك معانا اليوم وبكرى وممدين*********

وفكرة سفرك ارجوك تنسى وبلاها!!!!!

حيياك الله اخوي ابو حمد ولاعجابي بقصيدتك احببت اشارك ببيتين من عندي00 معاني جزله
وسلسه000 تقبل تحياتي00 والله المستعان!!
صالح الحمد الزيد
11-06-04, 09:40 pm
مشكور اخوي تركي وشهاده اعتز بها من شاعر قدير اخوك ابو حمد