&^ مدونة طاري الشوق ^& [الأرشيف]

طاري الشوق

01-09-18, 10:31 pm

بسم الله الرحمن الرحيم
السلام عليكم ورحمة الله وبركاته

الله يحيي الجميع في مدوتنتي ( بوح الروح ) فكل ماتجدونه هنا انما هي مجرد أحاسيس ومشاعر شاعر فيامرحبا بكم في عالم العذوبة والخيال
ان شاء الله تلقون هنا كل الي يعجبكم ومشكورين على الزيارة ولكم كل التقدير والشكر مقدما ارق التحيا للجميع

ولكل من أتى هنا وزار المدونة اقول:

اهلين وسهلين
اهلا وسهلا بمن حضر وبالقادم مرحبا فالقلب ينتظر
اشرقت الانوار وتدفق الأنهار وغردت الطيور بكم فياهلا وياسهلا بالقلب نبعثر التراحيب ونزف استقبالنا معطر بالورد والكادي
مملؤء بالحب والشوق والمشاعر الفياضة
اهلين اهلين
اهلين اهلين اهلين
اهلين اهلين اهلين اهلين
اهلين اهلين اهلين اهلين اهلين
(مرحبا بالجميع )
اهلين اهلين اهلين اهلين
اهلين اهلين اهلين
اهلين اهلين
بكل ريحه الفل والياسمين والورد والزهر
وبكل ما اجتمع المسك والريحان والعود والعنبر
بعدد مانبت الشجر والورود والزهر
وبعدد ما طلع القمر
وبعدد مانور البدر
اقول مرحبا فيكم والبيت بيتكم والله يحييكم
ان شاء الله تجدون ماينال قبولكم واستحسانكم والمعذرة عن أي قصور لكم مني الشكر والتقدير مقدما
(( طاري الشوق ))

طاري الشوق

01-09-18, 10:32 pm

لي هجوس ودها تكتب قصيده
من حروف الشوق باحساس ومشاعر
نابعه من خافق الحب و وريده
ساكنه روح الغلا والشوق ساعر
تنزف بحلو العبارات الفريده
بالمعاني عطرت ديوان شاعر
بوحي

طاري الشوق

01-09-18, 10:33 pm

( انا قصيدة من عنا )

انا انا منهو انا ؟
يافتنة الحب الضرير
انا ترا ماني هنا
وافتح عيون العاطفه
شف هالخيال من المنى
معقود في سلك الحرير
وانا وميض من السنا
انورا مرت خاطفه
وانا قصيدة من عنا
مرت كذا عبر الأثير
ماحصلت لحن وغنا
وبعثرتها العاصفه
هم السنين الي بنا
بيته على القلب الكسير
الي من الوقت انثنى
مثل الحجرمتراصفه
هذا انا من هالجنا
الي امطره دمع غزير
ومثمراوجاعه دنا
وانا يديني قاطفه
هذي حروف من الأنا
ياقصة المين المثير
بداخل كتاب الفنا
ماتت جملها ناشفه

بوحي

طاري الشوق

01-09-18, 10:34 pm

اهلا صباح الورد ياطيف خلي
يامرحبا والشوق دايم يناديك
يشوقني شوفك وارحب واهلي
لاياصباح الحب ياحي طاريك
اقلط تفضل فالحشا لك محلي
في مجلس الأشواق الله يحييك

بوحي

طاري الشوق

01-09-18, 10:34 pm

اكتب وعبرعن شعورك بالأبيات
ارجوك لاتخفي هواك وشعورك
لاتدفن احساسك وهوحي مامات
لاصارت انفاس المحبة تزورك

بوحي

طاري الشوق

01-09-18, 10:35 pm

على حلم تولم للرحيل وجهز اركابه
نخيتك ياالأمل تترك مساراتي ومسرها
بعد مل الرجا واقف ويتحرى على بابه
نسى نفسه على درب الوعود الي تحراها
ترا يا هاجس الذكرى حلوم الليل كذابه
نصيحة ابتعد وارحل ولا يشغلك ذكراها
بوحي

طاري الشوق

01-09-18, 10:37 pm

مافيه احد
الا انا في هالمكان المبتعد
مافيه احد
غير المسافة والبعد
غيرانتظاري للوعد
مافيه احد
ياموعدي نفس الزمان
نفس الكراسي والمكان
جيت وعنيت لمقصدي
ودي الاقي موعدي
رد المكان وقال لي
مافيه احد
مافيه احد

بوحي

طاري الشوق

01-09-18, 10:38 pm

ياقصة الأمس يا احلى حكاياتي
ياواقع اليوم يامستقبل ايامي
يالهفة الشوق في جملة رواياتي
في دفتر العشق عنوان الغلا نامي
قريتك الحب قبل عيوني تباتي
وانام واقرأ غراماتك باحلامي
يعني حفظتك حكاية امس للآتي
ياقصة ساكنه في مكتب اعوامي

بوحي

طاري الشوق

01-09-18, 10:38 pm

مني تحية قلب بالحب والشوق
لعيون من يقرأ تراتيل شعري
الله يخليهم هل الحس والذوق
الي طواريهم ملت كل صدري

بوحي

طاري الشوق

01-09-18, 10:39 pm

الشوق في صدري يلجلج هديره
وده يبوح وحارس القلب يكماه
لاجا يسولف بالغلا يستشيره
عن طيش من لا يعرف الحب ينهاه
لان الغرام لقلب عاشق سفيره
يحمل مراسيل المحبة بيمناه
اما عطا المكتوب للحب سيره
والا قصر عن سيرة الحب بخطاه

بوحي

طاري الشوق

01-09-18, 10:40 pm

ارسلت لك خمسين ستين سبعين
لا والله اكثر لوتضاعف عددها
كل الرسايل قالت لقلبك اهلين
يامرحبا مليون وادبل دبلها
لكن خسارة ماوصل رد يازين
طال انتظار العاطفة ماوصلها
ترا الصبر لاطالت السالفة شين
عجل ترا نفسي بداها مللها

بوحي

طاري الشوق

01-09-18, 10:40 pm

تنام اصواتهم لاجا الظلام وهاجسي صاحي
على حروة سنا نجم يسلي خاطري نوره
ابحكي له عن الي في خفوقي يقتل افراحي
مع غدر الزمان الي طعنها من قوي جوره
ولكنه سناها نجمتي ذا الليل مالاحي
غفت فوق السحاب وكنها للغيم مأسوره
وكنه هالمسا يبغى اعيش بزحمة جراحي
انا والجرح والذكرى وضيق القلب وكسوره

بوحي

طاري الشوق

01-09-18, 10:41 pm

اتخيل والخيال اوسع مدى
بس اصورحاجتي لك بالخيال
كل ماطيفك على البال اعتدى
ارفع الراية لجيش الأحتلال
واتحرى منك ياقطر الندى
تسقي الخفاق من نبع الوصال
حلم والأحلام مافيها جدى
لوتصيراحلامنا كبر الجبال
كم ندهته حلم ويرد الصدى
وادري انه حلمنا يابن الحلال
وان لقيته حلم ضاع ومااهتدى
فاعرف انه حلم تحقيقه محال

بوحي

طاري الشوق

01-09-18, 10:44 pm

سويت لك من كثرالأعذار دفتر
وحطيت له عنوان اعذار خلي
يمكن تجي الفين لا والله اكثر
في كل ساعة اطلبك تعتذرلي
تصدق ان مافيه عذر تكرر
كله جديد ومنك صنعه محلي
حتى معه البوم كله مصور
ومن الغلا حطيت قسم التغلي
والخاتمه منها العلاقات تفتر
الين صدرالي قرا به يملي

بوحي

طاري الشوق

01-09-18, 10:44 pm

على جو السهر نادت عيوني والهموم ضيوف
تزاحم في وسط صدر فتح لكبارها بابه
تلافت حزة المغرب على باب الكريم صفوف
وضيق الخاطر الي مع غثاها نوخ ركابه
ونجمات السما عنده تعلل والسما مكشوف
مع كثار الظنون الي غدت له حسبة احبابه
يقهويها من دلال الهجوس الي تبوح حروف
وهي تسمع لقصاص الحزن يقرا من كتابه
بوحي

طاري الشوق

01-09-18, 10:45 pm

انا دفنت البوح في شفة الصمت
والنفس عن بوح الأحاسيس صامت
حتى المشاعرفي خفوقي لها سمت
لوان روحي مع هل الحب هامت
اسكت وعن سرالغلا ماتكلمت
والشوق خليته على وضع صامت
ياما سهرت بسبة الشوق مانمت
واقول عادي لو هل الشوق نامت

بوحي

طاري الشوق

01-09-18, 10:46 pm

~ ديمة الحب ~

عزيز الحرف يرقا بي على قمة شموخ القاف
وربان الهجوس يقودها لاغزر معانيها
على سحب القصيد الي نشى في عالي المشراف
تراكم بالشعر لين الهجوس تهل مافيها
مطرهالاهمت عذب الشراب وبارد وشفاف
تسوق غيومها ريح العطا لعيون ضاميها
هماليل على روض القلوب الضامية هتاف
صدوق بالعطا يملا نواحيها ويحييها
على نوالغرام الي ربيعه بالغلا اصناف
تزين به القلوب الي ورود الحب كاسيها
وروح العاطفة يزهر بهانبت الوله غرياف
تردد في حناياها طيور الشوق اغانيها
وتطرب للوله فرحه لها قلب العشق قطاف
تراقص به زماليق الغلا واشواق غاليها
على صدق العطا من خافق فيه الوفاينشاف
مطرحبه مثل ديمه قلوب الحب ترويها

بوحي
طاري الشوق

طاري الشوق

01-09-18, 10:47 pm

يالي بدنيا الحب تنشد عن الحال
هات اليدين ونترك الناس ونروح
ماشفتني عن زحمة الناس رحال
شايل معي اشياء من باقي البوح
ماشي وادور بالفضا راحة البال
يمكن الاقي بالخلا حاجة الروح
انا هناك بغربة مالها جال
جالس واساهرعلة القلب والنوح
صحيح انا محتاج للروح منزال
قلب يبث الحب ويداوي جروح
لكني اصبر لوتعب خافقي طال
واكتم عظيم الشوق لوروحي تروح

بوحي

طاري الشوق

01-09-18, 10:48 pm

يالي على الهجران والبعد ناوي
فرقاك ساعة خافقي مايطيقه
ماتدري ان البعد للقلب كاوي
لامن فقد قلب المحبة رفيقه
الموت عندي والحياة متساوي
هذي حقيقة كان تبغى الحقيقة
في جرح هجرك مايفيد المداوي
عجل وشف للوصل اية طريقة
بوحي

طاري الشوق

01-09-18, 10:49 pm

ياصبحها الي يشرق بوسط روحي
لعيونها مني صباح المحبين
ومعطر صبحه بمسك يفوحي
عليه من طوق المحبة رياحين
بوحي

طاري الشوق

01-09-18, 10:49 pm

الحب نظرة وابتسامة وخفاق
في عالم العشاق هذي بداية
صدق وعطا والوصل مع لهفة اشواق
يبقى الغلا والحب ماله نهاية

بوحي

طاري الشوق

01-09-18, 10:50 pm

اهلا هلا والشوق ياشوق ناداك
تعال جاوب لهفة الشوق فيني
صافح يميني ياحبيبي بيمناك
وانا بضمك يالغلا في يديني
مشتاق للضمة ومشتاق لشفاك
وادي ابرد لاهب الشوق فيني

بوحي

طاري الشوق

01-09-18, 10:51 pm

قلبي عليك من الوله يالغلا ذاب
مشتاق لك بالحيل بالحيل بالحيل
لو يعذلونه عنك يازين ماتاب
والله مايسمع كلام العواذيل
لا لايصيبك شك فيني وترتاب
خلك معي تكسب محبة وتدليل

بوحي

طاري الشوق

01-09-18, 10:52 pm

ياكم انادي وارسل الصوت مبحوح
لكن حروف الصوت يرجع صداها
ضاعت معاني صادق الهمس والبوح
صوت الغلا للروح عود نداها
بوحي

طاري الشوق

01-09-18, 10:53 pm

يافاتنة ماعاد فيني بقايا
لاتتركين العذب يموت مقهور
تعال عوض مامضى من شقايا
ياكم تمنيت اللقاء سنين وشهور
يانجمة بالحب غطت سمايا
نورك يشع لخافقي نورفي نور
وش عاد لوسموك زين الحلايا
من شاف حسنك لونسى الناس معذور
حتى وصوفك كلبوها مزايا
يافتنة الزينات ياسيد الحور
اسمك ورسمك ناقشة بالحنايا
على جدار القلب يازين محفور
بوحي

طاري الشوق

01-09-18, 10:53 pm

ياشوق شوق الشوق شقيت صدري
قلي ياكل الشوق لوين رايح ؟؟
نام الغلا ياشوق ماعاد بدري
ماحدن بنص الليل ياشوق سايح
كم ليلة لعيون الأحباب تسري
وترد مكسور العواطف وصايح
ارجوك لاتقتل مع الحب قدري
لاصار حظك مع هل الحب طايح
تعال ماابغى عاذل القلب يدري
عود لصدري لاتسوي فضايح
بوحي

طاري الشوق

01-09-18, 10:54 pm

وين الطريق الي يودي لدربك
عطني لدربك ياهوى البال عنوان
ارسل عناوين المحبة لقلبك
افتح لزوار الغلا كل بيبان
انا ابيك وشاري القلب قربك
أمانتك لاتحرم القلب تحنان
وش فيه غير الي حلف لك بربك
ياخي تراني املك احساس انسان
بوحي

طاري الشوق

01-09-18, 11:07 pm

اكتب على ظرف المواصيل اسمي
لاترسل المكتوب من دون عنوان
الي لقيته بس مكتوب رسمي
عنوانه المكتوب شكر وعرفان
خايف يصير الظرف ماهوب قسمي
جايز يصير الي سعى فيه غلطان
لانه اذا ماجا على الظرف وسمي
يصبح رفيق اهمال في درج نسيان

بوحي

طاري الشوق

01-09-18, 11:19 pm

الله على صبح تنفس وجودك
ينشر شعاع الشمس من تحت غرة
صبح زرع ورد الغلا في خدودك
يقطف صباحه بالهنا والمسرة

بوحي

طاري الشوق

01-09-18, 11:20 pm

حطت على قلبي من الشوق جمره
هي ولعتها بالجفا داخل الجوف
قفت ووسط الروح مليان حسره
ياشين حزات الجفا وانت ملهوف
بعض الغرام يصير للقلب كسره
مافيه لاعاطف ولافيه معطوف
كسرة قلوب الحب مافيه جبره
يبطي كسيرة عايش لحظة الخوف

بوحي

طاري الشوق

01-09-18, 11:23 pm

قل العطا يقتل غرام المحبين
ويموت لاصار الوصل شي معدوم
وتبقى العلاقة بينهم بس روتين
ويصير معهم طاري العشق مظلوم
بوحي

طاري الشوق

01-09-18, 11:25 pm

عين السهر تعشق نجوم الليالي
تسهر مع المهموم وتسامر الروح
لاصارمالك مع هل الشوق غالي
يقضي معك ليل الهوى ضحك ومزوح
تلقى مع نجوم اليالي تسالي
تبدي لهامن ضيقة البال وتبوح
تسري على مسراك في كل حالي
وتسرحالك لين ترتاح وتروح

بوحي

طاري الشوق

01-09-18, 11:27 pm

~ نسمة العشاق ~

الهنوف الي تبختر في رداها
في عيون الحب زانت وكملت
ياحلاها وان حكت يقطر حلاها
فوق عرش الزين شاخت واعتلت
ياخطاهاتذبح العاشق خطاها
لاتثنت فالعباة وميلت
في رداها يرقد العطر برداها
كنها من غالي العطر امتلت
ياصباح الخير وان شعشع سناها
ظلمة الليل العتيمه انجلت
يامساها يسعده ربي مساها
هفهفات الشوق تقبل لاقبلت
ياهوها يوم ناداني هواها
نسمة العشاق فالقلب نزلت
من غلاهاكل مايطري غلاها
دمعة الشوق العنيفة حولت
يارضاهادوم يتعبني رضاها
تصغر الدنيابعيني لازعلت
مانساهاقلب مغرم مانساها
لوتغيب النفس عنها ماسلت
ياعساهامانست حبي عساها
تذكر ايام الغرام الي خلت

طاري

طاري الشوق

01-09-18, 11:28 pm

بين العطا تقوى الهجر عشت ويحول
اقسى من الحرمان صارت سنيني
كنت احسب ان الحلم ياحلم معقول
كاس الهنا تو اقضبنه يديني
على النوى واسهر مع الليل ويطول
عين السهر يامخاوي الليل عيني
بيني وبين مخاوي الليل مدلول
اكتب وتقرأ ماكتبته يديني
ماجبتها من باب ناسخ ومنقول
من هاجس في كل ليلة يجيني
مرات اغنيها على طرق مجهول
ومر اغنيها بلحن الهجيني

بوحي

طاري الشوق

01-09-18, 11:31 pm

ليل بدا والنفس بالحيل ضايقه
والحال تتعب لاكسا الليل ظلام
جتني هموم الليل كوم تبارا
طاحت على قلب بقايها حطام
تجمعت بالقلب من كل نية
ابعدهم الي على القلب حشام
مدري ابري النفس والا الومها
لاصار طبع النفس طبع كرام
هذا جزا من هج للناس قلبه
عليك يانية هل الطيب سلام
بوحي

طاري الشوق

01-09-18, 11:33 pm

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
خويه بالخلا لحن القصيد وهاجس الأشعار
يسلي خاطره عن ضيقته لاردد اشعاره
هذاك الي لمكنونه جعل لون الظلام ستار
توشح به عن عيون العذول وحطه ستاره
بوحي

طاري الشوق

01-09-18, 11:34 pm

انا خيال يطير مع كل نسمه
يرف جنحانه مع الصبح عابر
طيف يمر الليل في جوعتمه
كنا السما صارت لطيفه معابر
يرسم وجوده بين نجمه ونجمه
ومن القمر ياخذ مداد المحابر
بين القمر والشمس موجود رسمه
كنه على لحظة وضوحه يكابر
بوحي

طاري الشوق

02-09-18, 12:28 am

جاوبيني في الهوى صرخة عشق
واسمعي مني تناهيد الغرام
كم ندهتك كل مايسري شفق
والليالي تنسج خيوط الظلام
بس انا والشوق والرجوا رفق
والشعور الي يغذيه الهيام
صوتي الي ذاب حسه واحترق
انده ويرجع علي نفس الكلام
بوحي

طاري الشوق

02-09-18, 12:29 am

ياصاحبي مالك من الصد مصلوح
ماتدري ان البعد روحي نزعها
خليتني يازين جسم بلا روح
قلي حياتي عقبها وش سنعها
اخذت روحي يالغلا وانت مسموح
طيب خذ العينين والقلب معها00
بوحي

طاري الشوق

02-09-18, 12:43 am

تشكي من ظروفك وانا عندي ظروف
والكل منا يشتكي من ظروفه
هذا العذر بين المحبين معروف
اعذارنا عند الوعود معروفه
غرامنا يكتب امانيه بحروف
واعذارنا تقتل معاني حروفه

بوحي

طاري الشوق

02-09-18, 12:44 am

اسمع من المشتاق لاقال عذره
مابيك تحكم له على الي فبالك
يابنت لوعندي على الغيب قدره
دخلت اشوف الي يدور فخيالك
ان كان قلب الشوق ماطال صبره
ولاتأخرخافقي في وصالك

طاري

طاري الشوق

02-09-18, 12:45 am

يامسا ليل التجافي والغياب
والعيون الي تحداها السهر
ياحسايف صارموعدهاسراب
خلت الفرحة تموت من القهر

طاري

طاري الشوق

02-09-18, 08:43 am

ياصباح الطير لارفرف وغنا
لاسجع بالصوت واللحن الودود
للحبيب الي لبسماته احنا
ياصباح الحب وانفاس الورود

بوحي

طاري الشوق

02-09-18, 08:44 am

انا ياسالف ازمان الغرام وشوقي المبطي
تحريتك على درب العمر وقت الشقى راحه
ولكن خطوتي خابت هقاوي ظنها المخطي
وتاهت في عناوين لها النسناس مساحه
بوحي

طاري الشوق

02-09-18, 08:45 am

يجون احلى من انسام الربيع وصافي الغيمة
على قلب من سنين الجفاف وجورها ضامي
واذا زانت مداهير الخفوق ورامت الديمة
تلوت به ملافيح السموم ويبست احلامي
كذا مرت تراتيل الغرام بجوف ترنيمة
على لحن الفراق الي توفت فيه انغامي

بوحي

طاري الشوق

02-09-18, 08:48 am

ماعاد بالدنيا رفيق يصافي
ذاك الرفيق الي يصافيك ماعاد
حتى الوعد راعية ماصار وافي
يخلف مواعيده على كل ميعاد
صارالزمن هذا زمان التجافي
لامن فرحت بواحد راح ماعاد
بوحي

طاري الشوق

03-09-18, 11:36 am

بين المشاعر والمشاعر مسافات
تقرب وتبعد باختلاف النوايا
فيها المواصل للمحبة محطات
تحيي دروب الشوق بين البرايا
ولصادق الإحساس فيها اشارات
لأهل القلوب الي تضخ العطايا
بوحي

طاري الشوق

03-09-18, 12:37 pm

بعلمك وش لون تخسر حبايبك
حتى ولو صاروا قريبين منك
تقعد تغلا لو الأشواق تجذبك
وتكتم مشاعر بالهوى يذبحنك
وتعاند الإحساس في حب معجبك
لوهي هواجيس الغلا يسهرنك
كذا يعدون القطاعة سبايبك
وكذا يصدون المحبين عنك
بوحي

طاري الشوق

03-09-18, 12:38 pm

اعبرلك عن الي بالضمير وماتبي تفهم
وانافيني ملامح كلها للعين مفهومة
وتعلم كل مافيني ولكن كن ماتعلم
ولاتبغى لها عالم معاني البوح معلومة
تكلم عن هوى دارك ولوكان الحكي يكلم
ترى مر الزمن يكفل تطيب قلوب مكلومة
بوحي

طاري الشوق

04-09-18, 12:30 am

تنزل دموع الشوق وتموت ورده
على زجاج الطاولة كل ميعاد
للموعد الي ينتظر مد يده
مد الكفوف وصافحت نية بعاد
والموعد الي ذاب قفا بصده
لوينده عهد المواصيل مافاد

بوحي

طاري الشوق

04-09-18, 12:39 am

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثار
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره
يقول بدرك ماله الليل مظهار
لبس السحابة واحتجب وسط داره
بوحي

طاري الشوق

04-09-18, 12:40 am

نبوح بشي و المقصودفي بعض الحكي مفقود
وتبقى غاية المقصود في هالبوح مفقوده
واشوف انه قليل الي بيفهم غاية المقصود
لأن القلب مايعطي لأية شخص مقصوده
بوحي

طاري الشوق

04-09-18, 12:46 am

لاتخدعك لمعة سراب المظامي
يستدرج العطشان لمعة سرابه
كم واحد اغراه والجو حامي
خلاه ياكل في يدينه ترابه

بوحي

طاري الشوق

04-09-18, 12:55 am

الله يثبتنا على الحق والدين
يوم العقول بمحشر الخلق تهتال
ونحشر مع اصحاب التقى والنبيين
ويكتب لنا في جنة الخلد منزال

بوحي

طاري الشوق

04-09-18, 01:00 am

لم.. اعد ..اعرف.. الفرق ..

بين ..وجودي.. معكٍ...

أو.. بعادي.. عنكٍ...

فأنتٍ.. تثيري.. جنوني..

ففي.. بعادكٍ..

يحرقني.. شوق ..قلبي.. إليكٍ..

وفي.. قربكٍ...

تجمدني.. ثلوج ..عواطفكٍ..

أسأل.. قلبي..

وأُحكمه..

فأجده.. يقربني.. أليكٍ..

فأحتضنكٍ...

وأبكي.. حبي.. بين.. يديكٍ..

أسأل.. عقلي..

وأُحكمه...

فيتوسل.. إليّ..

أن.. ابتعد.. عنكٍ.. وأنساكٍ...

أنسى.. تناقضاتكٍ.. وجفاكٍ..
.
.
.
.
.
.
.
أنا. في.. حيره

00

طاري الشوق

04-09-18, 11:30 am

طلت مع الشباك بعيونها الخرس
والسالفة بعيونها ماحكتها
يادوب تهمس من وراشوقهاهمس
بين الورود الي قرت سالفتها
كن القمرجالس يغني مع الشمس
نور جمعه الله في نافذتها

بوحي

طاري الشوق

04-09-18, 11:31 am

وش نبي من وقتناالي نرتجيه
غير لحظة نجتمع فيها ســوا
بس هذا ياحبيبي الي نبيه
ساعة فيها يذوبنا الهوى
نهتني به وصلنا الي نحتريه
والفراق انقوله مالك لوا
بوحي

طاري الشوق

04-09-18, 11:32 am

بيني وبينك عتب ..
بيني وبينمك لوم
لاشفتك انسى التعب..
وانسى العتب واللوم

مهمايصير000مهمايصير
يبقى الغلافي خافقي لك مستكين
قلبي كبير000قلبي كبير
مهماقسى قلبك علي 000قلبي يلين
.......
اش نستفيد انتي انا لو نبتعد
اش نستفيد
لو تاهت ادروب الغلا ذاب الوعد
اش نستفيد

تذكرين
اكيد انك تذكرتي غرامي الحين
لاتنكرين
لاتنكرين انك على وعدي تجين
تعرفين
كنتي باحساسي وشوقي تعرفين
اكيد انك تذكرين

كنتي من غيابي تنزل دموعك
وانا من غيابك تنزف جروحي
.......
لاتبعدين
خليك لي فرحي عن الوقت الحزين
لاتجرحين
كفايتي جرحي من جروح السنين
.......
مشكلتنا في الهوى كنا نكابر
مابغينا نظهر احساس ومشاعر
.......
لكن احنا لو صدقنا في البداية
مابكينا وافترقنا في النهاية
وهذه اصل الحكاية
هذه اصل الحكاية

بوحي

طاري الشوق

05-09-18, 09:56 pm

العتاب...

أجمل حوار....في حديث الحب...إذا تناثرت كلماته...همساته...آهاته...
بأناقة...و رقة...و نقاء...
بعيداً عن صراخ أجوف...و طعنات كاتمة لنزف الجروح...
و معارك يعيش قتلاها...في شتاء لا نيران له...

طاري الشوق

05-09-18, 09:58 pm

يلوي على ملواه من له ملاوي
والي طوى مطوي الأيام تطويه
ياما بلينا في كثير البلاوي
كم واحد كثرت علينا بلاويه
لكن لقيت الصبر نعم المداوي
لوطالت الأيام جرحك يداويه

بوحي

طاري الشوق

05-09-18, 10:02 pm

اقول وين الناس ياسيد الناس
وش ذا الجفا ماعاد تسأل علينا
ماتدري ان القلب ياشوق حساس
وان البطا يثر على العاشقينا
ترا الهوى والحب مافيه مقياس
نشرب ومن كاس الوصل ماروينا

بوحي

طاري الشوق

05-09-18, 10:02 pm

تعال واسكن غربتي ياغروري
وانقش على دنياي تمثال رسمك
ابيك رغبة تستلذه حضوري
وابيه ليلي يضوي بنور نجمك
خلك دروبي في متهات عمري
كانك تبي كل المشاوير يمك
ابيك تفهمني وتفهم شعوري
واجيك كلي واكتب القلب باسمك

بوحي

طاري الشوق

05-09-18, 10:03 pm

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

طاري الشوق

05-09-18, 10:03 pm

وش في سلامك باهت اللون بارد
ماكنك الي غبت مدة طويلة
خليتني محتار والفكر شارد
بين الظنون المتعبة كل ليلة
موت المشاعربعض الأحيان وارد
لكن بدون اسباب والله ثقيلة

بوحي

طاري الشوق

05-09-18, 10:39 pm

ياعطرها وينك عن الكف غايب
له مدة مالامس الكف بالكف
ليتك تسير مع نسيم الهبايب
تكفى تعال وعطر العاطفة تكف

بوحي

طاري الشوق

06-09-18, 12:42 am

للنوم حزاته وللشوق حزه
وانا طوال الليل يسهرني الشوق
ناس لياجا النوم راسه يهزه
يرقد ولاهمه من الناس مخلوق
وناس ظلام الليل شوقه يلزه
يصبح وماغمض من اشواقه الموق
هذي القلوب الي تكن المعزه
الي تحط الخل في راسها فوق
اما القلوب الي هواها تنزه
فهذي كما فاضي يدوج مع السوق
رمح الهوى من رمش عينه يكزه
تقتل عوينه بالنظر كل مخلوق
ماهمه الي مات برماح غمزه
لكن يهمه تحكي الناس مرموق

بوحي

طاري الشوق

07-09-18, 12:48 am

ياهايمة في ابيك

ياهايمة فيني ابيـك عارف غرامي حيرك
ومن الغلى اعتب عليك وقول لك وش اخـرك
وانا معك اوله عليـك حتى فمنامي اذكـرك
ياهايمة فيني ابيك
حتى ولو طال الغياب دايم في بالي مظهرك
يكفي على قلبي عذاب اسأل عيوني تخبـرك
ياساكنة وسط السحاب ليت السحابة تمطـرك
ياهايمة فيني ابيك
انتي بعيدة فـي الفـلا ليتك قريبـة واسـرك
ابيـك ياكـل الغـلا تمسح دموعي واشكرك
تعال ياعمـري هـلا كل المشاعر تنطـرك
ياهايمة فيني ابيك

بوحي

طاري الشوق

07-09-18, 12:49 am

كل مافيني يبيك.. لكن يمنعني قلبي من وصالك...!
يمنعني جرح سكن بداخل اعماقي ... قتل كل شي في داخلي لك...!
يمنعني شي كبير ... في كل مره اقول بسامحك وأجيك.. يوقفني جرح لايزال ينزف
قتلني شوق سكن وسط الحشا.. ذبحني أحساس في كل ليله يهزني ويذكرني بحبك !
الا ياحيف علي حالي .. كلي يحبك.. وقلبي الغالي مصدوم فيكي... وش اسوي بحالي ..!
عيني تبي هذا وقلبي يبي ذاك ....واحترت انا مابين قلبي وعيني
عجزت اداوي حالي بحالي .. عجزت القا لعلتي دوا... وعجزت اداري شوقي وأخبي احساسي..
يحزنني عجزي .... قسوت على نفسي قلت في داخلي قوة مايأثر بي جرح ولا شوق ...!!
لكن خانتني قوتي .. ذكرت جرحي وتألمت ... وشاقني شوقي وتندمت..!
تألمت من جرحي .وخنقتني عبرتي ولكن على دمعي تكبرت...

طاري الشوق

07-09-18, 12:52 am

ماسـوق ياقـلب له الصـمت ماســوق
كنــــه دعــــاني للمبـــات وسـكـــنته
للبــعد للتــرحـــال للمــكابر الشـــوق
مــــادام كـــبلت الغـــــــرام وسـجنته
مات ولفضها صدق الأنفاس برفـوق
وفــي مـدفن الأشــواق حبــي دفنتـه

بوحي

طاري الشوق

08-09-18, 08:11 pm

والله بلشنا بالقلوب البليده
اللي ندرسها خصوصي ولافاد
نشرح غلانا والمشاعر تعيده
مع ان درس الحب ماهوب ينعاد

بوحي

طاري الشوق

08-09-18, 10:03 pm

للعبد مقسومه وللرزق بيبان
ولوقفت الدنيا فلاني حزيني
ماني على رزقي طفوق وعجلان
باكر مع الأيام رزقي يجيني
وان فاتت الفرصة فلانيب زعلان
خيرة وغيبات الليالي تبيني
بصبر على المكتوب لوكان ماكان
عل العوض في مقبلات السنيني
بوحي

طاري الشوق

13-09-18, 08:09 pm

انا كتبت اشعار واجد وغنيت
وانا على وصف الأحاسيس شاطر
يرقص براسي بيت ويلاعبه بيت
على لحون البر والجو ماطر
ان اطربك لحني مع الصوت حييت
والا اعتبر بوحي توارد خواطر

بوحي

طاري الشوق

13-09-18, 10:36 pm

ترا الكتوم ان طال صمته فلابد
لابد ماتحكي عيونه خباياه
لوكان مايشكي همومه على حد
ولوكان ماتنطق بحاله شفاياه
مثل الشهور اللي لها ايام تنعد
لولا محبة وقتها ماحسبناه
اللي لها نشتاق ونعد ونعد
نرقب هلال قدومها ونتحراه
كله عشان العيد نفرح ونسعد
ورمت جفون عيوننا لين شفناه

بوحي

طاري الشوق

14-09-18, 03:22 pm

مســاء المغفــرة واليــوم جمعة يالله التـوبه
مســاء نســأل الله فيـه يعطينـا امــانينـــا
عساه يديـــم فـــرحتنا ونلبس للهـنا ثوبه
ويـجمـعنـا على حبــه ومن تقواه يكسينا

بوحي

طاري الشوق

15-09-18, 11:51 pm

مكان وطاولة احباب
وجو آمال مسرورة
وعود وما لفى غياب
بقايا ورد منثورة
وليل اهل المحبة شاب
كساه الصبح من نوره
وبال المنتظر ماطاب
حبسه اليأس في سوره
حزين وخاطره منصاب
تروح الروح معذوره
خسارة ظنه الي خاب
ونفس الشوق ماجوره
بوحي

طاري الشوق

16-09-18, 06:36 pm

كل مااسجل حضور القى حضورك
يالحضور الي غدا كل الحضور
ماتشوف العين نور غير نورك
ماجذبني غيرنورك اي نور
بس لاتقتل حضوري في غرورك
كم تموت حروف باسباب الغرور

بوحي

طاري الشوق

18-09-18, 06:42 pm

حنا شربنا حبنا للوطن شرب
شرب الرضاعة في سنين الطفوله
حق علينا نحمي الشرق والغرب
ونحمي شماله والجنوب ببطوله
نسقي ثراه بدمنا ساعة الحرب
ونرد كيد المعتدي ماينوله
حنا لحاكمنا سيوف لهاضرب
فوق الرقاب العاصيات الجهوله
نحمي حمى البيتين ونعاهد الرب
ان الكلام الي نقوله نطوله

بوحي

طاري الشوق

20-09-18, 09:28 pm

ماني لأحد يالي بتشريني انا ماني لأحد
انا الذي حريتي ترفض سجونك والقيود
لا تحسبني في الهوى اركض ورا الي يبتعد
ماني من الي خافقه سلعه ويطلب من يزود
لكن انا ياجاهلي مملوك للفرد الصمد
الخالق الي في يده حكم البشر بيض وسود
بوحي

طاري الشوق

22-09-18, 09:34 pm

خليك جرئ و في عيونك جرائة
ناظر علي وحط عينك بعيني
ترا العيون تجيد فن القراءة
تقرا عبارات الغلا والحنيني
بعرف لوانت تحب حب البراءة
والا جبرك القلب والعقل فيني
بوحي

طاري الشوق

30-09-18, 11:15 pm

افتحي دفتر حياتي واكتبي
قصة المشتاق بعد البسمله
اكتبي شوقي وسهدي وتعبي
والغرام الي بقلبي احمله
واكتبي عن كل لحن يطربي
مع قصيد بالهيام محمله
واذكري فيها حنان المطربي
لاجت انغام الشجون المؤلمه
بس يكفي ياهجوس اليعربي
كل سطر بالعلوم تعلمه
دام محد يقرأ الي تكتبي
كن كتبك بالحروف المهمله
لكن امسح ماكتبته واشطبي
لاكتبت لشخص معنى يجهله

بوحي

طاري الشوق

11-10-18, 07:14 pm

تستحي كل الحروف من العتب
لابغيت تعاتب الخل الوفي
دايم في بالها طاح الحطب
وان بغيت اللوم منها تختفي
اثر خلان الهوى فيها رتب
كل ماطال المعاشر تعرفي
احد يدور على الفرقى سبب
واحد بأيات عذر يكتفي
واحد ان حده زمانه واغترب
مانسى عشرتك لو يكتفي
القلوب اشكال لوقالت تحب
والليالي للمخبأ تكشفي
كم حبايب تحلف بمصحف ورب
قل من يصدق ولوه يحلفي
بوحي

طاري الشوق

08-07-19, 05:37 pm

عرفتك لا تخفا من ورا بردايتك وغطاك
واعرفك لوتخفي صادق الأشواق بهدومك
عرفتك من طريقة مشيتك من طلة محياك
عرفتك من شذا عطرك وريحانك ويشمومك
ولوما اشوفك قبالي اعرفه بالثرى ممشاك
الا منك تخطيتي يفز القلب لقدومك
يعرفك خافق لامن دعته العاطفة ناداك
وشوق كل ماترقد يخالط لذة حلومك
اعرف اسمك وعنوانك واميز نبرة محاكاك
مثل ماتعرف علومي تراني اعرف علومك
بوحي

طاري الشوق

08-07-19, 05:39 pm

حمامة جرت لحنها على اللوح
سمعتها والقلب غنى طرابه
غنت بحلو الصوت والصوت مبحوح
مثل المطر لا من نزل من سحابه
رشت سحايبها على القلب بوضوح
واسقى شغاف القلب بارد شرابه
بوحي

طاري الشوق

12-12-19, 05:21 pm

لي شرهة بالقلب ماتقبل اعذار
للصاحب اللي مالقيت اهتمامه
اخفي جروح القلب لوكانت كبار
واقابل اللي ماوفوا بابتسامه
حنا خلقنا الله رجاجيل واحرار
تفنى النفوس ولاتموت الكرامه
بوحي

طاري الشوق

15-12-19, 12:14 am

ترا المحترم قبل احترامه للعوالم محترم نفسه
وكل انسان يعكس صورته للناس اسلوبه
ومن هرجه جرح غيره يجي له هرج يحسه
ومن يكثر لجيجة بالمجالس تظهرعيوبه
بوحي

طاري الشوق

19-12-19, 10:33 pm

يامزون الخير انا كلي ظما
مدهر حالي على حد الهلاك
اسكن بصحرا وتسكن في سما
خف من الله والحيا يملا سماك
كيف اموت وفي شفاك الحمرما
اسقني من عذب ريقك ياملاك

بوحي

طاري الشوق

20-12-19, 12:30 am

ادري بان ابيات شعري ملاقيف
ازريت اربيها عن ملاحق الزين
ماغير تشغل هاجسي بالتواصيف
وتتعب قوافي نظمهالاريش العين
ان شافت اللي بالحلا كنه خشيف
تراقصت بالراس مثل المجانين
ومادام زينك بالخوندات ماشيف
ياطاغي بالغنج والرق واللين
مانت عليك القافية دون تكليف
مادامها شافتك احلى المزايين
فاعذر قصيدي يوم يحضنك ياطيف
ياللي طيوفك في خيالي مساجين
بوحي

طاري الشوق

26-12-19, 12:22 am

الحب ماهو بس هرج وسواليف
ولاتحسبن الحب يكبر من بعيد
الحب يصدق بالعطا للمواليف
ويكبر بحزات اللقاء والمواعيد
مثل الهلال ان كان بالعين ماشيف
لا يعتبر به صوم ولا يعتبر عيد
بوحي

طاري الشوق

27-12-19, 01:14 am

ياحنان الخافق اللي كل ماتبعد يزود
كثر شوقي لك وشوقي للملاقى مااكثره
طالبك في حق شوقي لاتمادى بالصدود
كان لي عندك محبة حاجز الصداكسره
لاتعاملني بطبع الكبر واسلوب البرود
دامني استفزع بحق الغلا واستنصره
لاتخلي صادق الاشواق في قلبي شرود
ان بغيته بعد هجرك مانت قادر تأسره
يجفل الخفاق منك لوتنادي بالورود
يحسبك عقب البطاشخص غريب بينحره
بوحي

طاري الشوق

28-12-19, 10:58 pm

الله خلق فينا مشاعر واحساس
والله عطانا في عطاها اراده
لكن مصيبة في طبايع بعض ناس
يبخل على اللي مهتويه ومراده
هذا بدرب الحب بشره بافلاس
لاصار عنده هجر الاحباب عاده
بوحي

طاري الشوق

02-01-20, 01:06 am

مالي على العابرمشاريه وعتاب
الأجودي ماهوب فيني ومني
اشره على اللي معتبرهم لي اصحاب
لابطيت عنهم مايسالون عني ؟؟
احباب مدري كيف وشلون احباب
لاصار من عقب البطا ماتحني!!
لكني افتح دوم لاعذارهم باب
وامسح هزيل اعذارهم بالتوني
وازيد للي ياصل البيت ترحاب
مادام جاني للوصال متعني
واللي قطعني عقب عرفه بلا اسباب
ابتركه مادام هو ماوصلني
اماكتبلي من تواصله بكتاب
والا عسانا بالوفا مانغني

بوحي

طاري الشوق

03-01-20, 07:27 pm

اكسر مفاهيم الخجل وانثر الشوق
لاصار صندوق الغلا زاد شوقه
كم عاشق من نار الاشواق محروق
كتم الغلا بالقلب زود حروقه
لاتقتل احساس الهوى في يد العوق
صدق الغلا مافيه شي يعوقه

بوحي

طاري الشوق

03-01-20, 07:46 pm

عود الليل معتم قلت يالله تعين
كن طاري غيابه مع مساي انعقد
بين ليل طويل وبين شوق وحنين
المشاعر حزينه والجفن مارقد
من فقد حس غالي بالليالي يبين
جلسة الليل خالي تشعرك بالفقد
بوحي

طاري الشوق

03-01-20, 07:48 pm

اش قصة الشمس ياوقتي تعاندني
قامت تحالف مع همومي وحسراتي
لاقرب باب الفرج قامت تباعدني
تغيب بدري ويبطي نورها ياتي
بوحي

طاري الشوق

03-01-20, 08:36 pm

اسكت اسكت لاتسولف عن غياب
يسمعك حظي وتشغلني الظروف
البلاوي موكلة والنطق باب
خلها بالقلب لاتنطق حروف
ظن بالله خير ياسمح الجناب
والأمل في خافقك خله يطوف
قادر الله ينشي اللقياسحاب
ثم يمطرها على راح الكفوف
بوحي

طاري الشوق

03-01-20, 08:38 pm

ياللي تعاتب رفيق الليل لانامي
على الأماني تجي له لاطفت سرجه
لا تأخذ الليل وتغطي به ايامي
اترك لشمس الضحى ياصاحبي فرجه
يكشف لك النور وينه واقع احلامي
وتشوف حلو الأمل هد البخت برجه
بوحي

طاري الشوق

03-01-20, 09:34 pm

هاك وجداني وخذ صوت القصيد وضمه
وامتلك كل الشعور اللي عنالك بوحه
لاتخلي غيرك يشيل الغلا ويلمه
ثم ترجع تسأل احساس الغلا وش نوحه ؟
بوحي

طاري الشوق

03-01-20, 09:40 pm

حرام تتعب هاجسك بالتفاكير
لاصار ماتكتبه ماهوب مقري
خل الكتابة بالصور والتعابير
للصاحب اللي عن مشاعرك يدري
بوحي

طاري الشوق

03-01-20, 11:31 pm

ماعاد لك في خاطري اي احساس
وما عاد لي في شوفتك اي رغبه
مادام عرفك مابنيته على اساس
فاعرف ترا بنيان عشقك هدمته
الناس تربطها الصراحة مع الناس
ومن يكذب احساسه يوهقه كذبه
بوحي

طاري الشوق

07-01-20, 02:48 am

اشره على اللي معتبرني رفيقه
ماشره على اللي معتبرني عدوه
لوشانت طبوع العدو بحريقه
ماهمني لوشفت منه الجفوه
اعتب على اللي له علاقة وثيقه
وش لون يصخي بالوفاءولأخوه
هذي حقيقه وان بغيت الحقيقه
ذنبه مثل من يدعون النبوه

بوحي

طاري الشوق

11-01-20, 07:38 am

طاري الشوق

11-01-20, 11:28 pm

ماتوقعت الوسايد توقض اللي نايمين
لين شفته في منامي من يبي مراميه
صحت باسمه لين بيح فيني السد الدفين
والتوجد والغزل كانت بقلبي نايمه
اثر هوجاس المحبه نكبة للعاشقين
دوم صوته يفضح اسم اللي بروحه هايمه
بوحي

طاري الشوق

11-01-20, 11:29 pm

مافيه شخص الا بقلبه ذكريات
تبقى دفينه لين جسمه يندفن
مايفضحه الا الأماكن بالحياة
ان مرهابيح بهاصوت وجفن
بوحي

طاري الشوق

11-01-20, 11:42 pm

اضيق واكتب له من الهاجس ابيات
واقول يمكن قلبه يحس فيني
وان كان شفته ماقرأ كل مافات
ارجع واعيد اكتب بشوق وحنيني
واكتبه له اسم الحب بينه علامات
قوسين تحته خط عله يبيني
وان كان شفته مر غنيتها اصوات
مسحوب والا شلت لحن الهجيني
ودي يحس بصادق الشوق لهفات
واحس انه داري عن كنيني
تلميح والتلميح بالحب شارات
يغنيك عن كثر الحكي والرطيني
ومن يفهم التلميح لومرك وفات
فاعرف ترا مالك برحمه جنيني

بوحي

طاري الشوق

12-01-20, 12:28 am

احدهم قال اكتب بيتين للي فبالك للي فبالي بيتين بس ؟!

اللي فبالي مايكفيه بيتين
الله عليه اللي توطن فبالي
لو اكتب ابيات الغلا له ملايين
والله ماتكفي ولوهي جزالي
مستوطن قلبي له شهوروسنين
ومتملك بالعشق روحي وحالي
له في رفوف القلب كتب ودوواين
وحروف عشق سطرتها الليالي
وشلون ابين له غلاته بشطرين
وله منزل في داخل الروح عالي
لكن عسى الله مايفرق محبين
والله لا يبين غلا كل غالي
بوحي

طاري الشوق

12-01-20, 12:35 am

اترك القلب عندك مرتهن ما ابيه
دام مالي نصيب يالغلا في هواك
ويش ابي في خفوق منت عاطف عليه
قلبي اللي تركته مايعيش برجاك
من جفاني جفيته بالهوى ما ارتجيه
حافط عز نفسي لو خفوقي بغاك
من بغاني يجيني والجدي من يجيه
ماتساوى نجوم سابحة في سماك

بوحي

طاري الشوق

12-01-20, 12:40 am

يالله يالمعبودياخالق الناس
ياللي بيدينك تملك الكون كله
تزيل عنا الهم والغم والباس
وتغفر جميع الذنب دقه وجله
وتجعل لنا عفوك وعافيتك لباس
وتجعل لنا امنك وامانك مظله
وثبت علينا الدين للقلب نبراس
اللي جعلته للبشر خير مله
ونحيا الحياة اللي بها نرفع الراس
ونموت مامرت علينا مذله
بوحي

طاري الشوق

12-01-20, 12:56 am

ياما لقيت من البشر هم وحروق
واصبر على ماشفت منهم شجاعه
من باب طيب النفس والحس والذوق
اسامح المخطين في كل ساعه
حتى لواني من خطا الناس مسبوق
ولو كان جاني من بعضهم بشاعه
ادمح وأقول النفس اتضيق وتروق
ومصير يوم الضيق يطوي شراعه
طبع العلاقة به مواصيل وعقوق
والكل حر بين وصل وقطاعه
ما ينجبر مخلوق في حب مخلوق
مادام ماعنده عليه القناعه

بوحي

طاري الشوق

12-01-20, 01:14 am

وقت الرخا واجد خلاني وناسي
وياقل هالوقت من تلقاه لاحتجته
عرفت من هو معي في وقتي القاسي
اللي عن الهاجرة يفردلي اجنحته
بوحي

طاري الشوق

12-01-20, 01:44 am

ترى الذكرى تمر الخاطر السالي وتلعب به
خصوص ان كانت الذكرى تعود لواحد غالي
مثل هب الرياح اللي رماد العاذر تشبه
وتكبر داخله ناره وتاكل عوده البالي
الا ياطاري الذكرى رهيف القلب وش ذنبه
تقلب ماضي اعوامه اذا شفته قعد خالي
بوحي

طاري الشوق

12-01-20, 05:00 am

الدمعة اللي عاندتني وطاحت
تعلقت مابين خدي والأهداب
عن مستكن الروح للناس باحت
عن سر قلب من هوى صاحبه ذاب
بوحي

طاري الشوق

15-01-20, 04:29 am

حنيت لك والوقت ماقدرالشوق
عيا يطيع الوقت اشتاق والقاك
كن اللقاء من جعبة الوقت مسروق
حتى الوعد عن لذة الشوق خباك
بوحي

طاري الشوق

16-01-20, 11:34 pm

كنت انا وياه ضحكات وغزل
والسعادة حيل تغمرنا غمر
جلسة العشاق في ليلة أمل
للسماء تنظرغلاها يستمر
هو سألني قلت ليته ماسأل؟!
قال كم مرة انا فبالك امر؟
قلت انت اللي لك بكلي محل
ما لاحد غيرك على قلبي امر
قال اوصف قلت اسمعني اجل
ياخدود الورد والشفة جمر
يالخشيف اللي من الله اكتحل
يالبياض اللي شرب لون حمر
فيك ثنتين تجوز وماتحل
نظرة تسحر وترياقة خمر
انت لك طعم الحلاوة بالعسل
اصبع تويكس بشكليت انغمر
وانت وصفك بالبني ماقدحصل
انت بستان تزاحم بالثمر
شوفتك غيم على الخافق هطل
ماطره فوق المحاني انهمر
انت شمس البردوعن رمضاي ظل
وانت ليلي بالأغاني والسمر
وانت بدر في سمايه اكتمل
كملك ربي فعيني ياقمر
وانت قصة حب انا فيهاالبطل
انت فاتنها وانا فيها عمر
انت شخص ولكن بعيناي كل
انت كل الكون عندي والعمر
اطمأن ماحد لخفاقي وصل
لا بنات البيض ولا حتى السمر
انت انت بس اللي نزل
في خفوق فيه قصرك انعمر
بوحي

طاري الشوق

23-01-20, 11:40 pm

ابغير اريل القلب ونظامه
واقلب الموجة على شي ابيه
واترك ارسال اللي يتعبني كلامه
مايبي قلب العنا هم يجيه
ودي اتابع قناة ابو دلامه
واسمع اللي يطربون متابعيه
لكن اللي يخنقون الابتسامه
ما اجامل بثهم ولا احتريه
كل شخص يتبع القلب ومرامه
وكل نفس تأكل اللي تشتهيه
ومن عصاه القلب لايلحق ملامه
لايعاتبني ولا اشره عليه
بوحي

طاري الشوق

25-01-20, 08:37 pm

اظاهر ان الوضع مؤسف ومخجل
خجلان من يبغى يوضح بيانه
لأن بعض الناس بالحيل يجفل
ياطا على زل الحرير بليانه
دامك على خط السريعات عجل
الناس طارت وانت فيه حبيانه
باب المنى ذا الوقت ماهومقفل
حتى الأمل تقدر تجيه بمكانه
دام العطا مسموح وش فيك تبخل
خلك كريم وزود العقد دانه
ترا البخيل بقلة البذل يفشل
محروم من عطف الرفيق وحنانه
هذي حقيقة لوبعض ناس يزعل
كلام اقوله من قبيل الأمانه

بوحي

طاري الشوق

28-01-20, 10:41 pm

استغفرالله عن كل اللذي قلته
ان كان يغضب اله الكون سبحانه
ولوفات شي من الرغبات مانلته
فالحمدلله على فضله واحسانه
بوحي

طاري الشوق

30-01-20, 01:41 am

الناس كل على دربه ومنهاجه
وانا من الناس لي دربي ومنهاجي
كل يقدي عتيمة ليله اسراجه
وانا عتيمي لك الله نوره سراجي
ماني من اللي كلامه سبب احراجه
ولافيه فعل تسبب لي باحراجي
ادل باب الدخول وباب مخراجه
والحمدلله اعرفه باب مخراجي
بوحي

طاري الشوق

05-02-20, 07:38 pm

جيت اقطفك ياورد وادميت يدي
واللي جذبني لك نسايم عبيرك
عطرك يناديني والأشواك ضدي
ياللي اسيرالسور وانا اسيرك
حتى بوكيه الورد مالم وردي
ياباقة الأشواق وشهو مصيرك؟
بوحي

طاري الشوق

06-02-20, 01:53 am

ياقلب قلي من اللي قدر جروحك
قلي من اللي يهمه يفرح احساسك
محدمقدرسهرك ودمعك ونوحك
لااحباب قلبك ولا اهلك ولاناسك
واعرف ترا النفس معها القلب مع روحك
عندك امانة مثل نبضك وانفاسك
حافظ عليهاولاتبدي لاحد بوحك
بيطيب جرحك مدامه سالم راسك
بوحي

طاري الشوق

13-02-20, 08:45 pm

والله مادري ويش ذنب المسافه
مدري ورانا نتهمها بلا اسباب
نلومها ونقول والله حسافه
انتي سبب قلة مواصيل الاحباب
لكن حقيقه من بغى الخل شافه
والمهتوي لابديعمل بالاسباب
يمشي مسافاته بليا كلافه
يجيه لوكانت مشاويره صعاب
بوحي

طاري الشوق

16-02-20, 12:40 am

وين اختفوا اهل الهوى هجعة الليل
لاطاب جو اللي بليله يغنون
دايم بوسط الليل تحلى التعاليل
بين النجوم وسهرة اللي يحبون
هم وينهم لازان ظرف المواصيل
وش لون لاطاب الملاقا يغيبون ؟!
بوحي

طاري الشوق

18-02-20, 06:33 pm

ياصاحبي كثرت علي المطاليب
مالي عليها لوتحملت طاقه
لاشك انا شفقان لمعانق الطيب
لاكن ظروف الوقت تمنع عناقه
والوقت هذا صارللطيب صعيب
دونه ودون الطيب مليون عاقه
ياما رميناها على الحظ وتخيب
عشان مابيني وبينه صداقه
لكن عسانا لارمينا به يصيب
حظ من اللي رزق الانسان ساقه
بوحي

طاري الشوق

21-02-20, 12:51 am

ايه انا مع كل صبح يطل يشرق بي امل
واتغنى بالتفائل وارفعه سقف الطموح
وارفع الهقوة لشوق ينتظرلحظة وصل
وادري ان الحظ في وقت اللقاءعندي شحوح
وانتظر ثم انتظر في وقتها نفس المحل
يمكن المح في سماالحروة لها برق يلوح
وان سرى ليل المحبة واللقاء به ماحصل
مالكلمات الحسايف في خفوقي اي بوح
ماخذ قلبي على اللي كل ماينزل رحل
ومتعود بالهوى صدري على كثر الجروح
بوحي

طاري الشوق

23-02-20, 11:20 pm

كن المساء هذا عيونه حزينه
من غابت اشفاقه وهو حيل تعبان
مدري على نجومه تزايد حنينه
والا على نور القمر ليه مابان
والا على اللي دايم مواعدينه
اللي جمعهم فيه شوق وتحنان
اصحابه اللي دايم مسامرينه
اللي لموعدهم فتح كل بيبان
مدري نسوا والا الوعد جاهلينه
والا لقوا عن ساتر الليل جدران
من عاف ستر الليل ربي يعينه
لأن نور الصبح فاضح لخلان
بوحي

طاري الشوق

24-02-20, 12:48 am

ابشرك مبسوط والراس عالي
ولاهمني بالناس ناقد ومنقود
ولو اشرب الأمرار الريق حالي
بيض النوايا تغسل ظنونها السود

بوحي

طاري الشوق

27-02-20, 07:54 pm

الناس ماصاروا يحبون من قلب
وماعاد في هالوقت حب بلاشي
اول يغلبك صادق العاطفة غلب
وتعيش لحظات الغرام انتعاشي
حتى ولوك فوق جمره تقلب
تصبر مادام الحب في القلب عاشي
حب امس ماهو وسط الاسواق يجلب
مايشرط الشهرة وكثرالمعاشي
حب عفيف ويَسلب العاطف سلب
لوكان توه وسط الاظلاع ناشي
راعيه لو طال البعاد يتصلب
يصبر لوقت يبرد الوصل جاشي
واليوم مابه حب الا بمطلب
ان كان له لبيت فالحب ماشي
وان كان مالبيت فالقصد يقلب
كره عليك ان كان مابك عراشي
صار الهوى والحب للناس ملعب
يفوزبه لعاب لوكان كاشي
ان حصل المطلوب في لحب يلعب
والا عطى صدق المحبة طناشي
بوحي

طاري الشوق

05-03-20, 12:06 am

ماني مقدرخوي مايقدرني
ومانيب عاشق لشخص يعشق لذاته
من لايحشم الغلا ماهوب حاشمني
ومن حب نفسه خسرفي الحب لذاته
من خصني بالهوى والشوق يملكني
واسلمه خافقي يسكن بنبضاته
وابادله بالعطا لاصار مكرمني
واعطيه صدق الغرام وصدق حزاته
واكتب له الروح واعطيه العهدمني
اني على رغبته وامشي بمشهاته
واصون عهد الوفا لاصار صايني
مادامها صافية بالحب نياته
ويصيرعنوان اشعاري وملهمني
واكتب قصيد يصير بكل ابياته
بوحي

طاري الشوق

10-03-20, 11:54 pm

كل ماجيت اكتب ابياتي لها
اعتذر للنفس عن نظم القصيد
ما اشوف الا معاتب قلبها
شرهة تبكي على خد البليد
دمعة تبعد تهايم صدها
تقلب التهمة على القلب الحديد
لكن التهمة في عيني ردها
دمعة الأشواق مع نبض الوريد
هي دليل اني اعاني بعدها
والقصيد اللي يناديها نشيد
كيف ابكتب عن مشاعر ودها
دام احساس الغلا فيها جليد

بوحي

طاري الشوق

14-03-20, 11:03 pm

يالله يالمعبودياخالق الناس
ياللي بيدينك تملك الكون كله
تزيل عنا الهم والغم والباس
وتغفر جميع الذنب دقه وجله
وتجعل لنا عفوك وعافيتك لباس
وتجعل لنا امنك وامانك مظله
وتحمي وطنا من حقودين وانجاس
واهل القلوب اللي علينا مغله
وتحفظ بلدنا عن عميل ودساس
وعن فتنة عدونا يستغله
وثبت علينا الدين للقلب نبراس
اللي جعلته للبشر خير مله
ونحيا الحياة اللي بها نرفع الراس
ونموت مامرت علينا مذله
بوحي

طاري الشوق

17-03-20, 12:02 am

ياللي بحسن الدل طاغي ومملوح
مثل القمر لاطل يضوي على الكون
ريح ضميرك ياهوى البال والروح
مافيه غيرك منزله داخل النون
كم مرة قلبي لك اسراره يبوح
اللي كتب لك صك بالحب مضمون
مايكفي اني صرت بالحب مفضوح
الين كل قال عاشق ومفتون
وش عاد تبغى من بيانات وشروح
اكثر من اللي قالوا الناس مجنون

بوحي

طاري الشوق

23-03-20, 12:24 am

يبقى الغياب بسوق الاحباب ميزان
يعطيك عند اهل الغلا كم وزنك
اماغديت برجعتك غال الأثمان
والا اخلف اهل السوق بالسوم ظنك
بوحي

طاري الشوق

26-03-20, 12:29 am

مع شديد الأحترام لكل شخص بهالبلد
للمواطن والمقيم وللصغير وللكبير
اعرف ان الوضع ماهو بهالبساطة ياولد
واعرف ان الأمر هذا يالخوي والله خطير
كل يوم لهالوباء المنتشر يولد ولد
والسبب ناس تجاهل بالغباء كل تحذير
كم عنيد للأوامر طاع نفسه وانجلد
خاطر بنفسه وصابه عقبها سوء المصير
لكن اللي التزم بالأمر للراحة خلد
قدر الموقف بفعله للسبب والله قدير
ندري ان الله خالق والد وما ولد
لكن المولى عطاك العقل حتى تستنير
بوحي

طاري الشوق

31-03-20, 02:53 am

الكرونا بينت ناس كثيره
يوم داعي الحرب طبله دندنه
يوم كل بالرخا حاله ستيره
تكشف الشدات وشو معدنه
بينت حال الذهب من حال غيره
كل موقف للرجال تبينه
مير يالله تردع الجند المغيره
وان حال المسلمين تزينه
بوحي

طاري الشوق

09-04-20, 12:57 am

خل المبادئ والحكم خل الأمثال
العاطفة ماتعترف بالعوايد
الحب معروف على مر الاجيال
ماينفع براعيه نصح ونقايد
كم واحد قبل الهوى قال ماقال
وعقب الهوى اصبح طريح الوسايد
يفضح طريح الحب اقوال افعال
تبين به لوكان ماهوب رايد
ان كان حبه صدق فالعشق قتال
ماتحمله اهل العزوم الشدايد
يبقى حنين القلب للخل ميال
لويمنعونه عنه ماهوب فايد
بوحي

طاري الشوق

18-04-20, 12:33 am

لاياعساني عند الأجواد وان غبت
ان طروا اسمي صرت مذكور بالخير
والقى المحبة عندهم لاتوجدت
وبقلوبهم القى معزة وتقدير
بوحي

طاري الشوق

19-04-20, 11:43 pm

مشاعرك قلها ولوكنت محجور
لأجل الغلا بين الحبايب طلايب
منتا على كتم الأحاسيس معذور
اطلق عنان خيولها للحبايب
اهل الفضاءوالعلم مامنهم قصور
خلوا بريد الحب فوق السحايب
عبر الفضاء ترسل احاسيس وشعور
كله بضغطة زر والبال طايب
بوحي

طاري الشوق

24-04-20, 03:53 am

الشهر مبروك يالربع الكرام
يوم حل بدارنا شهر رمضان
ارجي من الله نصومه كل عام
وكل عام ودارنا أمن وأمان
بوحي

طاري الشوق

30-04-20, 12:49 am

ياربنا ياللي لك الخلق تعبد
ياواحد كل الملا يرتجونه
ياللي لك العباد تركع وتسجد
ماغيرك احد يالولي يعبدونه
تقبل دعاء من قام ليل وتهجد
واسبل من الخشية مدامع عيونه
تكتب له الرحمة ليا صام واجهد
وتغفر ذنوبه وتعفو عن ديونه
ومن الجحيم اللي لهبهاتصاعد
تجير عبدك من عذاب المهونه
وتكتب له الجنه وهي خير مقعد
في مسكن لأهل التقى يسكنونه
وجعله يوافق ليلة القدر وان جد
في ليلة رب البشر يسألونه
يدعي بهامن له مرام ومقصد
والناس فيهاربهم يطلبونه
ومن يطلبك يالواحداللي تفرد
يرجيك يالله لاتخيب ظنونه
ويالله عسى من صام يفرح ويسعد
ويفوز في رضوان خلاق كونه
وختامها واعداد ماحن وارعد
واعداد براق تلاعج مزونه
صلوا على المبعوث للناس احمد
ياللي لمنهاج النبي تتبعونه

بوحي
في 1441/9/5هجري

طاري الشوق

08-05-20, 03:14 am

انا ياناشدي صحراء وانا من هالحجر والطين
وانا ارض الحماد ومن جبال طويق تكويني
وانا كم مرة فيها مشيت وحافي الرجيلن
تحت شمس سبايبها غدا لوني وتلويني
وانا اللي من طبيعتها قسيت وماعرفت اللين
ومن جو الجفاف اللي بهاصار الجفا فيني
ومن شدة ومن غلظة اهلها خطت لي ثوبين
وبشت من خشونة عيشهاوبره مغطيني
انا وش لون تبغاني بعد هاللي عرفته زين
اجي انعم من خيوط الحرير وملمس الصيني؟؟
بوحي

طاري الشوق

18-05-20, 05:42 am

عليك من الجفا عدة ملامح والورق شفاف
يبين بلون رسام الوعود ولوحة اعذاره
رسم فيها تماثيل الصدود اللي بها تنشاف
بريشة سولفت عن تركت البرواز لجداره
بوحي

طاري الشوق

26-05-20, 03:46 am

https://encrypted-tbn0.gstatic.com/images?q=tbn%3AANd9GcTtrI9tWwgKNchto9GqfEVVOxZADQ5 7heZGxcPuJyHcoTBfTlcG&usqp=CAU
جعل هذا العيد مبروك وسعيد
وجعلنا نحياه في أمن وسلام
ونفرح بشوف القريب والبعيد
ونحتفل في جيته في كل عام
بوحي

طاري الشوق

04-06-20, 12:15 am

ليه اتنازل عن حقوقي واسامحك

وانت اللذي مخطي علي متعمد

انسى وابنسى لين اضيع ملامحك

واقسى وتلقاني شعور متجمد

كانك تغني للهجر في مسارحك

فأنا اشكرالله للبعد واتحمد

بوحي

طاري الشوق

08-06-20, 01:21 am

https://pbs.twimg.com/media/A-gLqrwCAAApzwN.jpg
اروني من كاس حبك اروني
لا تخليني على جال الظما
امل كاسك بالوصال وغطني
اسقني تحنان ياعذب اللما
اغرق الخفاق حب وزيدني
ماء غرامك في شراييني دما
كأسك الي بالحياة يمدني
فلله مادامه لروحي نما
بوحي

طاري الشوق

15-06-20, 04:14 am

http://www.7ophamsa.com/up/uploads/159217843181391.jpg
مادام انك مثل طهرالغيوم ومبدأك واضح
فلا تنظر ورا واقدم مادامك صافي النيه
ولا تهتم لعقول الضعاف وكلمة الجارح
ترا من جادل الجاهل يقولون العرب زيه
وطنش تنتعش وارمي هموم الأمس والبارح
مادام الدنيا ماتسوى وهالأعمار عاريه
بوحي

طاري الشوق

19-06-20, 11:39 pm

https://2.bp.blogspot.com/-6Xexr73aUXg/Uxd6k1fBryI/AAAAAAAAOjQ/zPyXREVRwEY/s1600/%D8%A8%D9%8E%D8%B9%D8%B6%D9%8F+%D8%A7%D9%84%D8%A3% D9%8E%D9%85%D9%8E%D8%A7%D9%83%D9%90%D9%86+%D8%B0%D 9%90%D9%83%D8%B1%D9%8E%D9%89+%D8%AA%D9%8E%D9%87%D9 %85%D9%90%D8%B3%D9%8F+%D9%84%D9%8E%D9%86%D9%8E%D8% A7+%D8%A8%D9%90%D8%B5%D9%8E%D9%85%D8%AA%D9%92+...j pg
مافيه شخص الا بقلبه ذكريات
تبقى دفينه لين جسمه يندفن
مايفضحه الا الأماكن بالحياة
ان مرها بيح بهاصوت وجفن
بوحي

طاري الشوق

20-06-20, 11:31 pm

يابوخيال داخل الروح يختال
لك صورة بين الحنايا نقيه
حطيت لك في ساحة القلب تمثال
كل المشاعر له تدق التحيه
وغنيت لك في داخل الروح موال
يطرب له العشاق صبح وعشيه
غنى به الخفاق يامال يامال
من شاعريكتب والأشواق حيه
بوحي[/size][/font][/b]

طاري الشوق

20-06-20, 11:41 pm

http://25.media.tumblr.com/tumblr_lwoc8znjJr1qj7hvgo1_500.gif
الا يازاير عيون المسا والليل له جذاب
انا مثلك تراني اعشقه هالليل واحيا به
اسامر نجمة تسهرواحاتي غيبة الأحباب
اسلي خاطر يسهر حزين وفاقد احبابه

بوحي

طاري الشوق

20-06-20, 11:57 pm

https://pbs.twimg.com/media/DN4tZlbW0AEIuxV.jpg
على كف الغلا ينبت على وعد اللقا ورده
تحرا مدت كفوف الغضي تقطف معانيها
تفرعن لونها وسط العروق الي سقت وده
بقلب يرتجي شوفه بنبضاته يغذيها
عسى نورالبني يوفي ويقطف ورده بيده
ورود الشوق تتحرا بكل الحب يسقيها
بوحي

طاري الشوق

21-06-20, 12:40 am

https://encrypted-tbn0.gstatic.com/images?q=tbn%3AANd9GcQy9T9bJEvhFySZhjLL1RMyRE5AEZ0 jn84-xihvod26w5H9M5ha&usqp=CAU
غلاي ان حل له طاري رعش قلبي حنين وشوق
ولو انه عن عيوني بعيد الدار منزاله
يظن انه غريب ومادرى انه ساكن بالموق
على عرش الغلا متربع بالقلب بالحاله
انادي له ويهمس لي عن اشواقه بكل رفوق
يخاف من العذول اللي يكثر قيله وقاله
وانا اللي بيني وبينه غرام فيه حس وذوق
يعرف انه على بالي واعرف اني على باله
بوحي

طاري الشوق

21-06-20, 02:08 am

https://pbs.twimg.com/profile_images/675783017286279169/_xFE6Dol_400x400.jpg
تبقى القلوب البيض بالحب تنبض
وتقدر اصحاب الوفاء والصداقة
اللي تعد الطيب لأحبابها فرض
تحسب حساب المعرفة والرفاقة
بوحي

طاري الشوق

23-06-20, 03:06 am

http://28.media.tumblr.com/tumblr_lydduqJJiE1qbygswo1_500.gif
اطو الستاير وانتظر طلة الشمس
وافتح شبابيك الغلا واسمع الطير
خله يغني لك على شرفة الهمس
ويقول صبح الشوق والنور والخير
بوحي

طاري الشوق

26-06-20, 10:14 pm

http://www.b44u.com/do.php?img=4101
محطات العمر يبقى لها بالذاكرة تأثير
تجي ايامها زينة تجي ايامها شينه
عسى وان كانا صرنا محطة في حياة الغير
اذا مرت اسامينا نجي ذكرى لهم زينه
بوحي

طاري الشوق

05-07-20, 01:19 am

http://www.7ophamsa.com/up/uploads/159381588410751.jpg
كل مامر ساعة قلت يمكن تجين
لين ضاع انتظاري داخل الأزمنه
طال عمر الحنان وشاب منه الحنين
وتاب شوق القلوب اللي بنا مدمنه
كم تعدت شهور وكم تعدت سنين
اثر ساعة لقانا في حسابك سنه
بوحي

طاري الشوق

05-07-20, 10:04 pm

https://encrypted-tbn0.gstatic.com/images?q=tbn%3AANd9GcRqbrqQu5jm4G9ulxllOut6w6SJKEY H79UnFQ&usqp=CAU
https://akhawat.islamway.net/forum/applications/core/interface/imageproxy/imageproxy.php?img=http://uploads.sedty.com/imagehosting/288248_1329071547.gif&key=2400638ef4c83bd362f93a73dad1d0db55b2e73c178b4d b45810f734f4aff6aa

طاري الشوق

07-07-20, 04:01 am

https://alarbelyoum.com/article/77503e1cc6-img.jpg
ياخايفة من نظرة العين للعين
عندك سلاح العين ساطي وذباح
نظرة خجل قدام نظرة سلاطين
اعزل وقدامه رهيفات ورماح
عندك سهام الموت وش له تخافين
وانا صويب القلب ماعندي سلاح
بوحي

طاري الشوق

08-07-20, 04:07 am

https://i.ytimg.com/vi/3RpYld6x18A/hqdefault.jpg

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

طاري الشوق

08-07-20, 04:40 am

https://pbs.twimg.com/media/CQzlKHYWcAAjBau.jpg
الله يسامحني على كل مافات
واقدم لقلب الغرام اعتذاري
اتعبته بدرب الهوى لين مامات
ماكان يبغى بس هذا اختياري
كنت احسب اهل الطيب فيهم علامات
لكن خدعني بالبراد المذاري
بوحي

طاري الشوق

09-07-20, 01:58 am

https://up.sham-alro7.com/do.php?img=1496
اقرأ كتاب الحب سبعين مره
حتى تعرف اش لون درب المحبه
لازم تعيش الحب خيرة وشره
تعرف ملذاته وتعرف مغبه
اما غلبك الحب في قو سحره
والا طغى فهمك وخليت دربه
بوحي

طاري الشوق

10-07-20, 11:24 pm

https://encrypted-tbn0.gstatic.com/images?q=tbn%3AANd9GcQzxZqvHsFRe7yWYfB2NNOtn7YoeRj Zy2IKnQ&usqp=CAU
اسأل الله الكريم العافية والراحه
واسأله عفوه وغفران الزلل والجنه
واسأله أمن وأمان وعيشة مرتاحه
والحياة اللي على نهج النبي والسنه
بوحي

طاري الشوق

12-07-20, 02:23 am

https://1.bp.blogspot.com/-lGM6KNKYjH4/WNxN0mab8eI/AAAAAAAANoo/Nto_JphtvwUijqZ7Sph5vCmO_SdqqY-KACLcB/s1600/%25D8%25AE%25D9%2584%25D9%2581%25D9%258A%25D8%25A9-%25D8%25AD%25D8%25A8.jpg
اغني له على لحن الغلا ابيات من شعري
قصايد حب لعيون الغرام اللي له لحاله
ترددها قلوب اهل الهووى والعاشق العذري
ويبقى ذكرها دايم مع اهل الحب واجياله
بوحي

طاري الشوق

17-07-20, 08:01 am

http://www.7ophamsa.com/up/uploads/159479862990931.jpg
على حروة صباحك ساهر وتاهت عناويني
عسى نورك يشعشع بالفضا للكون والقاني
تـعــال ودلـني درب عــلى شمســك يــوديني
واشـوفـك ياصبــاح طـلته للـقلب عــنواني
بوحي

طاري الشوق

22-07-20, 08:52 pm

http://4.bp.blogspot.com/-GuTOhRBo53M/Ux0spuHmTgI/AAAAAAAAHkw/jLA-P-h8Rhw/s1600/caminho+do+amor.jpg
كتبت اسمك على دفتر سماي وامطرت غيمه
على قلب قبل عرفك مزون الماطر تزله
معك وسم الغرام الصادق لروحي مثل ديمه
تدفق بالغلا لين الخفوق الضامي تبله
وخدان الحشاعقبك روت من عذب تسنيمه
تبي تحيا العروق اليابسة مادامك تعله
ويكبر بالحشا نبت تسابق به براعيمه
ونبت الخافق الصادق تجي اشجاره مظله
على غصن الهوى طير يرددها ترانيمه
بوحي

طاري الشوق

23-07-20, 01:45 am

https://up.sham-alro7.com/do.php?img=1610
كذا خليتني روض به اشواقي لك مقيمه
تسابق به عيوني لهفتي وتجيه تحتله
ربيع تعشقه اهل النفوس الخضر وتهيمه
على جلسة غلا طابت مع الفنجال والدله
تعال ولك بساتين جناها حان تقديمه
تبيك اشجارها تقطف ورود الكادي وفله
ومادام ان لك وسط الحشامنزال وخيمه
تعال وربع بقلب كتب لك هالغلا كله
بوحي

طاري الشوق

23-07-20, 01:48 am

https://2.bp.blogspot.com/-TVrjOoLokbQ/Vn33rpVfsNI/AAAAAAAArSk/GmsqyztgaKg/s1600/21604_832102716902338_6704014434318685378_n.jpg
تعال نسابق الخطوة ولو ان الدروب طوال
مدام ان الثمن عزة ولاغيرك يخاويني
تعال وخابرك فوق النجوم العاليه نزال
تعال نقسم نجوم السما مابينك وبيني
تعال وخلنا ناقف ولانطرد سراب اللال
ولا نتبع طريق اللي على الصدات ناويني
بوحي

طاري الشوق

23-07-20, 02:05 am

http://www.mr3oobqatar.com/vb/vb/imgcache/2010/03/__Hearts___by_rachey_roo-1.jpg
ياملاك الزين ياسيد البنات
زارعك في الروح في روض الحنين
دام حبك نابت فيني نبات
اقطفيني في الهوى خوخ وتين
بوحي

طاري الشوق

23-07-20, 03:11 am

https://up.sham-alro7.com/do.php?img=1613
كنت احسب ان البال للوقت نساي
وعن ماضي الأيام ماهوب فايق
اثر الزمن يكتب مع العمر ذكراي
ويسجل احداث العمر بالدقايق
من يوم شاف اني مخاوي لمركاي
قام وفتح عندي قديم الوثايق
شي دفنه الوقت بالروح جواي
من يوم شفته شب قلبي حرايق
قمت اتذكر والصور زادت بكاي
فيها الحنين اللي ملته الشهايق
بوحي

طاري الشوق

23-07-20, 05:16 am

https://encrypted-tbn0.gstatic.com/images?q=tbn%3AANd9GcSIi8NU68dqXmYx-9y2_s1O0Bpx1lfnyBTjOQ&usqp=CAU
صباح الحمد والرحمة صباحات الرضا والخير
صباحات الدعاء اللي بكف الخوف مرفوعة
لوجه الله نرفعها ترفرف بالسماء وتطير
بنية خالصة وادعو ترا الدعوات مسموعة
بوحي

طاري الشوق

23-07-20, 06:17 am

https://up.sham-alro7.com/do.php?img=1615
ماحدني انزف من القلب ماحد
الا انت يافارق بعيني عن الناس
ياماخذ اغلى وجودي بلا حد
كل المحبة والمشاعر والاحساس
خذ خافق مايملكه غير واحد
ياللي بروحي عايش نبض وانفاس
بوحي

طاري الشوق

23-07-20, 06:36 am

http://forum.hwaml.com/imgcache2/hwaml.com_1286258358_147.gif

طاري الشوق

24-07-20, 06:07 am

https://78.media.tumblr.com/b316ebc89dffa484911a4d9c4a1d403b/tumblr_o7tuok5H951u6m8iuo1_500.jpg
وصلاة ربي عد ماطاير طار
وعد النجوم اللامعات السهيرة
وعد الرمال وعد همال الأمطار
واعداد من يسكن بلاد وديرة
مع ماخلق بالكون في بر وابحار
مع مثلهن واكثر صلاة كثيرة
على النبي الي من الله مختار
محمد الي للخلايق بشيرة
بوحي

طاري الشوق

24-07-20, 06:45 am

https://encrypted-tbn0.gstatic.com/images?q=tbn%3AANd9GcQLmvpsKAk8zH1ueLh5fGyfPxkw931 Q2dIU8A&usqp=CAU
حتى ولو طاحت من الغصن ورده
يبقى الغصن ثابت وقادرعلى العيش
يضحك صباحه ويتمايل بقده
يلعب مع النسمات طربان بشويش
فرحان يوم الله للريف رده
صفصف عليه اوراق حسنه كماالريش
وتغني طيور تبيه وتوده
تبني على كفه من الود تعشيش
بوحي

طاري الشوق

24-07-20, 07:31 am

https://up.sham-alro7.com/do.php?img=1632
من هنا مانيب كاتب عن متاهات الغياب
حتى لو انه خفوقي يتعبه طول النوى
مابي اوراق القصايد تحمل هموم وعذاب
من هجوس لوبغى ينسى همومه ماقوى
بعتبر نزف المحبة حرف اذنب ثم تاب
دام من يكتب احاسيس الغلا شخص غوى
بوحي

طاري الشوق

25-07-20, 05:02 am

http://janedjacobs.files.wordpress.com/2010/05/hand-holding-pen-writing-on-paper.jpg
مدري مساء الحب والا صباحه
لعيون من يقرا كتابات شعري
الي لهم بالقلب اكبر مساحه
مني لهم اغلى عبارات شكري
بوحي

طاري الشوق

25-07-20, 05:48 am

https://www.nawa3em.com/big/max22222.jpg
صباح الخير ياورد الصباح وعطره الشرقي
ونــور من سنا وجـهك ملا هالكون بأشراقه
صباح المسك والعنبر وشـعرحن له طــرقي
صباح احلى القصيد الي بصدق الحب لك ساقه
بوحي

طاري الشوق

26-07-20, 02:09 am

https://up.sham-alro7.com/do.php?img=1668
سلام من قلب تهزه طواريه
يحن لسنين الغرام الخوالي
ان و افقت دنياه لذة مشاهيه
حزة غلا مابين غالي وغالي
وان عاندتني مانخيت المشاريه
يبقى العتب واللوم فيني لحالي
بوحي

طاري الشوق

26-07-20, 02:39 am

https://up.sham-alro7.com/do.php?img=1669
اناقصة خيالية كتبها هالزمن عني
حكاية ليل يرويها كبير السن لأحفاده
واذا نامت عيون الكون طواها واعتذر مني
يقول الليل يجمعنا على الميعاد ياساده
بوحي

طاري الشوق

26-07-20, 04:01 am

http://v.3bir.net/3bir/2014/10/10338698_710852695697112_241086238680350-1.jpg

طاري الشوق

26-07-20, 04:51 am

https://pbs.twimg.com/media/ByxdKmgCEAAergh.jpg

طاري الشوق

27-07-20, 03:09 am

https://up.sham-alro7.com/do.php?img=1675
وين ابلقى درب ياخذني اليك
والدروب الي تجيك مسكرة
وش اسوي كان هالخافق يبيك
والقلوب الي تحب مسيرة
بس ابصبر يمكن القاها واجيك
كانها ارض الغرام مدورة
بوحي

طاري الشوق

27-07-20, 03:47 am

https://up.sham-alro7.com/do.php?img=1677

طاري الشوق

29-07-20, 05:02 am

https://encrypted-tbn0.gstatic.com/images?q=tbn%3AANd9GcTwq4sc0-tV1DzuKF8wRQCFaYBGUUmK3Fl8PQ&usqp=CAU
يابوخيال داخل الروح يختال
لك صورة بين الحنايا نقيه
حطيت لك في ساحة القلب تمثال
كل المشاعر له تدق التحيه
وغنيت لك في داخل الروح موال
يطرب له العشاق صبح وعشيه
غنى به الخفاق يامال يامال
من شاعريكتب والأشواق حيه
بوحي

طاري الشوق

31-07-20, 12:09 am

https://i.ytimg.com/vi/MXPX4ijEZ3U/hqdefault.jpg
للعيد فرحة وابتهاج ومسره
وتكمل بشوف احبابنا فرحة العيد
ياعيد ياللي كل عام تمره
قله على لساني ولو انه بعيد
جعله يعود العيد مره ومره
وجعله على الغالين مبروك وسعيد
بوحي

طاري الشوق

02-08-20, 12:39 am

https://www.hamasatdamad.com/upload/uploads/1596308292171.jpg

طاري الشوق

05-08-20, 07:39 am

https://up.sham-alro7.com/do.php?img=1657
لاتواخذني على شعر كتبته
عاطفة شاعر طغت فوق العقل
انت ذنب غر قلبي وارتكبته
زينك اغواني وانا عقل وثقل
والله اني يوم اشوفك ماحسبته
عن طريق الشوف عشقك ينتقل
مايتوبك شاعر قلبه نهبته
ادمن عيونك ورمشك والمقل
كان تسجني على حب كسبته
راضي بحضنك يكون المعتقل
بوحي

طاري الشوق

14-08-20, 05:58 pm

https://pbs.twimg.com/profile_images/568374891859025920/81hF08Vn.jpeg
يالله لامنا دعيناك يارب
في ساعة فيها الاجابة حرية
وبرحمتك يامالك الشرق والغرب
عنا تجاوز كل ذنب وخطية
بوحي
https://encrypted-tbn0.gstatic.com/images?q=tbn%3AANd9GcQv8epaiweACTPyqAaGVgv2ww9ml13 u8dX-0A&usqp=CAU

طاري الشوق

17-08-20, 04:15 am

https://encrypted-tbn0.gstatic.com/images?q=tbn%3AANd9GcQJoEe_iMFXs5UpiUiTAxWpjX2e4Ow rKCOdGg&usqp=CAU
هـلا بك والخفوق الي تعلق بالهوى نـاداك
بعد ذعذع هبوب الحب والأشواق تسري به
تعال وعانق اطياف الغرام الي لها مسراك
وعطني من حلا وصلك مادام الحب تدري به
بوحي