مقلب من وحده !!!!!!!

[سكر وملح !!]

في بداية رمضان ذهبت الى محلي باسواق الأندلس ( ترى ماسوي دعايه زبايني واجد الحمدلله ), الساعه وحده صباحا , ولقيت الصبي زعلان وضايق خلقه ,
قلت له : وش فيك .
قال : جت زبونه كشخه لابسه عبايه على الكتف وساعه رولكس ( وانتم عارفين التكملة ) .
قلت : وبعدين .
قال : دخلت المحل ومعاها تقريبا ستة اكياس محمله من ذهب وملابس واكسسوار وخلافه .
قلت : وبعدين .
قال : حطت الاكياس بالمحل وقالت انا بتقضى منك اقمشة سهره , عندي اختي بتتزوج وابغى جهاز كامل , بتراعيني والا اشوف محل غيرك.
قلت : وبعدين .
قال : قلتلها تفضلي وانشاء الله ابغى اراعيك , المهم اخذت تقص من الشك الغالي والحرير الطبيعي والشيفون على مخمل ومانست التنانير ( اسود , كحلي , بني ) , وبعد ماخلصنا جينا للشيفون السادة تبغى شالات مع اقمشة السهرة وبعد ماخلصنا من الشيفونات تبغى بطاين ومن زود القرادة جبت لها البطاين من جارنا راعي الكلف .
قلت : وبعدين .
قال : بعد ماخلصنا قالت كم حسابك .
الحساب : 3850يال بس .
قالت : خلاص اباروح اسحب لك من الصراف ( ماعندي بالمحل الشبكة السعودية ) , لكن لو سمحت خل اغراضي اللي جايبتها معي عندك وكيس الأقمشة اللي شريتها , بس عطني الف ريال ابحاسب راعي الملابس قبل مايسكر وابغى ارجع لك بعد ما اسحب من الصراف , المهم عطاها الصبي الف ريال , طبعا هو ضامن المبلغ لان الأكياس اللي جايبتها معها تسوى عشرة آلاف ريال , راحت الحرمه تحاسب راعي الملابس والصبي ينتظرها , ساعه ,, ساعتين والصبي ينتظرها , تأخرت , انا جيت الساعه وحده زي ما قلتلكم , انتظرنا , لم ترجع الحرمه قفل السوق واحنا فاتحين ننتظر الحرمه , كلمنا الأمن الموجود بالسوق بالقصة , جاء الأمن للمحل شاهد اكياسها ,, فتحها ,, تخيلوا كلها فارغه , مجرد كراتين فقط مثل الصبي اللي عندي .
قصه واقعية حصلت في محلي , السادس من رمضان , اسواق الاندلس _الرياض _ .

[الشقردي]

عليك العوض اخوي سكر وملح0000 تعيش وتأخذ غيرها 0 والبقى براسك 000 ومعوضين ان شاء الله0

[وردة الشرقية]

والله زعلتنا اخوي سكر....http://www.plauder-smilies.de/bawling.gifhttp://www.plauder-smilies.de/bawling.gif
والولد مسكين وعلى نياته:):):)......
بس ولايهمك....معوضين ان شاء اللهhttp://www.plauder-smilies.de/yellows/wink3.gifhttp://www.plauder-smilies.de/yellows/wink3.gif

[سكر وملح !!]

اخوي الشقردي : دعوتك لي بالعوض تشكر عليها , وانشاء الله اعيش ولا آخذ غيرها .

اختي وردة الشرقية : لاتزعلي ولا يهمك , هذا كله وسخ دنيا وشكرا لك

والله اني احبكم كلكم

شوقر وملح !!

[ابوتركي]

لاحول الله والله قصة مؤثرة أخوي السكر ألله يعوض عليك....(ومادام عندك محل أقمشة أخوي السكر نبغى نعاملك بس نبيك تراعينا أنا وباقي الاعضاء)قل تم........... :p

[سكر وملح !!]

اشكرك , واقول تم !!!!!!!!!!

والله يانا ابصلخكم صلخ , وخصوصا اذا جيتوا تشترون اقمشة سهره , وترى العطلة على الأبواب والزواجات كثيره ( الله يكثرها اكثر واكثر ,, قولو آمين ) , الفنادق وقصور الأفراح كلها محجوزة من الآن ( ترانا نتابعها ).

[فريـــد]

سكر وملح

اخشى ان يكون اسمك دالا على مرض .. وإلا كيف يجتمع الضدان ..ياسبحان الله

هههههه

الله يعوض عليك من فضله الواسع .. واذا اموالك حلال فالحلال مايضيع

وانتبه: الدهر يومان يوم لك ويوم عليك.

[سكر وملح !!]

تقهو

ماكتبته لا يستحق الرد !!!!!!!!!!!!!!!

[ابوتركي]

ألاخ العزيز تقهو...أرجو ان تكون من غير قصد! ! ! ! ! تحياتي

[عبدالله30]

الاخ سكر وملح 0

الحقيقة انني حزنت !!!!!!! فالقانون لايحمي000

والناس لاترحم 0

قل امين الله يعوضك 000 ويرزقك 000ويخليك فله0

قل أمين 0

[سكر وملح !!]

اخوي عبدالله 30

آمين يارب العلمين , قلها يأخي القانون لا يحمي المغفلين ، بس انا ماكنت موجود بالمحل يوم صارت الحادثه , ولو كنت موجود بدري عليها الحرمه تضحك علي .
تحياتي لك ,,

[العاشق لبريدة]

معوض ان شاء الله
تعيش وتنسى

[سكر وملح !!]

شكرا لجميع من قرأ المقلب ودعا لي بالعوض

[الاصيلة]

أستغفر الله العلي العظيم
ههههههههههههههههههههههه
أثرك تبيع قماش وبسوق الأندلس
طيب حط رقم المحل خلنا نضحك على صبيك ههههههههه

أضحك عليك لا تحط شي
لاكن يمكن انك بايع على وحدة قماش غالي وهو ما يستاهل
لا تصير هذي عقوبه بس
والا اقول لك الحق على روحك أوجهز زكاتك
عسى الله يعوضك

ومشكور يا سكر وملح على هذه القصة الطريفه

والسلام عليكم

**الاصيلة**

[سكر وملح !!]

السلام عليكم ,,,

اذا تبين رقم المحل تراه موجود على الكيس , بس ما أعتقد انك نصابه مثل صاحبتنا ,,, هاهاهاهاهاهاهاها ........

انا والله اسعاري مناسبه ومعقوله وهذا اللي مكثر زبايني , الحمد لله .

اما بالنسبة للزكاة فأنا طلعتها اول رمضان وحطيت فوقها زيادة براءة للذمة , ولله الحمد والمنة .

شكرا لك بدعاؤك لي بالعوض .

بريدة ,,
يابعد عمري ,,,
ياعشقي ,,,,
ياحبي الأول والأخير ,,,

سكر وملح !!

[نديم المحبين]

الله يعوض عليك أخوي سكر وملح.......في ها الشهر الفضيل.....

[سكر وملح !!]

وينك ,, سألنا عليك وينك ,, نور المنتدي ,, شكرا لك .

بريدة ,,,
يابعد عمري ,,,
يا عشقي ,,,
يا حبي الأول والأخير ,,,

سكر وملح !!

[الطيف]

الصحيح ان مشاكل الحريم كثيرة بالديون والسرقات وبيع شرفهن وعادي مقابل تحصل ولو على تنورة بـ 45 ريال ممكن تعطيك شرفها مقابل هذه التنورة وأسألوا اهل المحلات وراعين الملابس كلهم يقولون ان بيع الملابس فيها رزق وخير بس ماتسلم من الفتنة لابد تجرك الى مواطن الرذيلة بالقوة ولا بالرضاء وتراهن راعيات حيلة وصدق الله العظيم ان كيدهن عظيم .

[بقايا نزف]

ياويل قلبي والله نذله اقول غرتكم ساعه الرولكس وعباية الكتف


الله لا يعطيها عافيه الحراميه

الله يعوضك والله ياخذ بليسه النذله

وش اسم محلك شوقر>>>;) بالدور الاول ولا الثاني

ابروح والبس عبايه كتف وساعه رولكس واقول ابوي يبي يعرس ابتقضى

:D :D :D :D :D

عليه العوض ومنه العوض الله يعوضك شوقر بدل الالف عشرة

اختك
بقايانزف

[سكر وملح !!]

اختي بقايا نزف

قولي العبايه والساعة الرولكس غرت الصبي اللي عندي والا لو كنت موجود كان بدري عليها تضحك علي , واسم المحل مكتوب على الكيس , وهو موجود بالدور الأول لأن الدور الثاني مافيه اقمشة , من المدخل الرئيسي على اليمين , صارت فزوره !! واللي يحلها له جائزة عبارة عن كوبون شراء بقيمة عشرة ريالات ( يعني واحد متر فقط بطانه ) ,


سكر وملح !!

[ALI 9]

اخوي سكر وملح


الصراحة ضاق صدري

لكن الشكوى لله

وانت عارف الدنيا

لكن
مأجور

ومخلوفات

ومن رايي انك تحلل الحرمة

وتجعلها صدقة لها

والله يكون بعونك

تحياتي
المطنون

[سكر وملح !!]

براسك يا المطنون ,,, طلباتك اوامر ,,, الله يبيحها ,,, ويحللها ,,, ويهديها الى الصراط المستقيم .

[سكر وملح !!]

اخوي الطيف :

العذر كل العذر لم ارد على تعقيبك في حينه ,

كلامك صحيح وهذا يمر علينا كل يوم , شختك بختك .