لغز صعب بالمره

[الشقردي]

مرحبا بالجميع 000000
هذا لغز صعب بالمره وعز الله اللي يبي يحله (مع العلم اني استبعد احد يحله بكل سهوله وهذا ليس قصورا بأحد ولكن لصعوبة اللغز)يعتبر من عداد الاذكياء
واليكم اللغز :
شاهد رجل امرأة معها عشرة رجال فأنكر عليها ذلك
فقالت هؤلاء خمسة عبيدي واربعة اخوتي وواحد زوجي وكلهم من بطن واحد(يعني امهم واحده)0
وهذا الكلام ليس به لف ولا دوران وصحيح 100%
وهم بشر مثلنا0
المطلوب كيف يكون عبيدها واخوانها وزوجها امهم واحده(يعني كيف حدث ذلك وماهي الطريقه)
ومستعد لأي استفسار0
وينكم ووين حلولكم>>>>>>>>>>
========
اخوكم الشقردي;)

[أبو أنــــس]

يووووووووووووووه

والله ودي احله لكن مااحب وجع الرأس والتفكير...ويكفي ان الامتحانات جايه

والله يعين....

[ابوتركي]

عطنا فرصة نفكر يالشقردي لاتستعجل

[اليقين]

هلا اخوي الشقردي

مافيه خيارات!!!

:D :D
:D

[سكر وملح !!]

اللغز مافي اسهل منه , ولا صعب ولا يحزنون , وحليته بثلاث ثوان وخذ الحل :-

اكيد امهم وحدة وهي حواء .

اذا كان هذا الحل ليس الحل الي في بالك فأنت تعلم ان لكل لغز اكثر من حل . ولم الشرهه ياشقردي مالك عذر .!!!!

اخوكم الصغينون اللي يحبكم كلكم

شوقر وملح !!

[الشقردي]

اخواني الاعزاء حياكم الله ومشكورين على المشاركه
------------------------------
ساره00 حاولي بعد الاختبارات00000
-------------------------
ابوتركي00 خذ فرصتك تستاهل 00000000
------------------------------
اليقين00 مافيه خيارات ويمكنك الاتصال بصديق ههههههه000000
----------------------------------
سكر وملح00 آسف لم يحالفك الحظ ليس هو الجواب وكما قلت المسأله 100% صحيحه ما فيها اي توريه او تلاعب بالالفاظ بل حقيقيه
ويمكن تقول انه حدثت قبل 100 سنه على شان تبعد عن امنا حواء
ارجو للجميع التوفيق000
وفكروا>>>>>>>>>
==============

[الخبي]

واللة هاللغز يبيلة جايزة الشقردي العالمية للسلام+الادب+الفن+الطب
عشان نحلة


حقيقة صعب لكن علي قولة الشباب عطنا فرصة

[أبو أنــــس]

ماشاء الله عليك ياسكر وملح ...لها الدرجه الثقه فيك..

معليش لقط وجهك...والمساله مااتوقع انها بهالسهوله.......

يالشقردي الله تبغاي انتظر لما تنتهي الامتحانات كان بيصير الموضوع قديييييييييم

انا له انا له 0.....ان شاء الله راح احله بس جهز الجائزه وابغاها حلووووووووه

[الشقردي]

اخوي العزيز الخبي 000000
آمر بس والفرصه عندكم الين تملون 000000
ومشكور على المشاركه وتراي مستعد بالجائزه
وتسلم0000000
=======

0
0---------
اختي ساره000000
الله يعطيك العافيه وتحلينه
يالله ورينا شطارتك والجائزه والمه0وحلووووووووووووووووووه
وتسلمين000000
================

[سكر وملح !!]

ماقلتلك الحل بسيط , واسهل من شرب التوت بهالرمضان , خذ الحل الثاني وهذا تم بثانيتين فقط ( بطيت سبدس ياساره ) :-
ام لها عشرة ابناء
** 5 منهم اخوة للزوجه المذكورة من الرضاعة
** واحد من الخمسة الباقين زوجها
** الاربعة الباقين جار عليم الزمن واصبحوا عبيد عند الزوجة .
ماقلت لك ولم الشرهه ومالك عذر , واقول للاخت ساره الحمدلله لقطت وجهي المتناثر وجبت الحل بسرعة البرق ,, الحق عليك ماتنازل , بس ماودي اشغل وقتك الحين بس خليها ( واحد ضامن ) بعد الامتحانات نعيد ( حطي شده فوق اليا ) , سوى بالصمان مع الربع كلهم .
note: اذا تبون حل ثالث تراه جاهز وهالمره بثانيه فقط ( موتي حره ياساره ) .

اخوكم اللي يحبكم كلكم

شوقر وملح !!

[الشقردي]

اخوي النشيط سكر وملح00000
للأسف جوابك غير صحيح
وانا قلت لكم كل شيء صحيح مافيه لف ولا دوران يعني مافيه رضاعه
ولا يحزنون كل الدعوى تمام وصح0
فكر مرة اخرى >>>>>>>
ومشكور على المحاوله0
وتسلم000
===========

[ابوتركي]

أخوي الشقردي عندي حل ويمكن يصير هو................

أبو البنت عندة جارية مع أولادها الخمسة(كلهم مملوكين لابو البنت)...باعها على شخص وهذا
الشخص تزوجها وأنجب منها ولد(أصبحت حرة مع ابنها)مات الشخص
تزوجها ابو البنت وأنجب منها 4 أولاد..أصبحو اخوان البنت من الاب..
وجاء الولد الحر وتزوج البنت......

وبكذا....يكونون الاولاد ال10 من بطن واحد......................

تكفى يالشقردي لاتخليني ألقط وجهي ..............:p :p :p

[الشقردي]

هلا وغلا ابو تركي الغالي 000000
والله انك قريب بالمررررررررررررره من الحل
عز الله انك مانتب بسيط ما شاء الله عليك
وتسلم0
============

[الاصيلة]

بسم الله الرحمن الرحيم

والله يالشقردي أنه لغز بألف جائزه
والمشكله كلما حاولت أتورط بها الزوج

لكن أبي أحاول لأن أبو تركي قرب للحل


لنستخدم أسماء مستعاره للتقريب

أولا لنفترض أن هذه المرأه أسمها (سارة)

أمها قد أشتراها شخص مع خمسة من أبنائها الى الآن كويس

يعني ملكهم جميعا.

بعد ذلك الرجل دخل بالمرأه ثم أنجبت سارة برضو كويس

الزوج توفي أي والد سارة وورثت ساره أخوتها الخمسه وأصبحو عبيدا الله يكفينا شر الشر ماشين كويس هاه بس باقي الأربعه

ام ساره تزوجت برجل آخر وأنجبت أربعة أبناء الحين صارو تسعه

أخي الشقردي فيه سؤال

هل يمكن أن نعتبر أخو الخو أخو ههههههههههههه

يعني اذا كان ل سارة أخو من أمها أسمه علي وهذا الأخ له أخ من أبيه مثلا هل يمكن أعتباره بس فيه مشكله ما يصيرون من بطن واحد


لالا أبحاول مره ثانيه بالنسبه للزوج من جديد
أبو تركي قرب بس لحظه شوي

طيب يااخوان حاولو تركيب حلي مع حل أبو تركي..... التف راسي

مشكلة البطن الواحد

بعدين أحاول وارد لك يالشقردي


والسلام عليكم

[::-الجــواد-::]

انا عندي حل بس ماادري هو صحيح ولا لا ...


هل من الممكن انهم يكونون كلهم ابناء لامنا حواء عليها السلام ....:confused:

شكله موب صحيح ..:D


تحيات محبكم عبدالله...;)

[ابوتركي]

مرحبتين اخوي الشقردي شكلك ما تبي تعطيني الجائزة..لاكن هذي محاولة وانشاءالله تقول هيا..................

رجل يملك جاريه وعبد أنجبو خمس أولاد (المقصود بالرجل أبوالبنت)
وهم كلهم مملوكين لابو البنت..
مات العبد وباع الرجل الجارية لشخص..تزوجها ذلك الشخص واعتقها
وأنجبت منه ولد (صار الولد طبيعي حر )وصار اخو الاولاد الخمسه من
الام راح تزوج البنت ....مات أو طلقها زوج الجاريه ...جاء ابو البنت
تزوج المطلقه أم الاولاد السته (واحد حر وخمسه عبيد)وأهدى العبيد الخمسه لابنته بعد ماأنجب من أمهم اربعه أولاد...بكذا يالشقردي
يصيرون العشره من بطن واحده وبنفس الوقت..خمسه عبيد للبنت
وأربعه أخوانها من ابوها وواحد زوجها أخو الاولاد من الام..........

نقول هيا......................:p

[الشقردي]

اخوي الغالي ابو تركي00000
مبروك حلك صح 99,9
لكن الترتيب ليس المطلوب
ولكن يعتبر جوابك صح
مبرووووووووووووووووووووووووك
وهذا هو الجواب المختصر
اشترت امرأه جاريه ومعها ستة عبيد
اعتقت واحدا وتزوجته صاروا خمسه عبيده وواحد زوجها
اهدت الجاريه لابيها فأنجبت منه اربعة
فصار زوجها وعبيدها واخوتها كلهم امهم واحده0
مبروك يابو تركي والجائزه بالطريق اليك ان شاء الله
ما شاء الله عليك طلعت ذهين وحنا مادرينا0
اكرر لك شكري على مجهودك 0
وتسلم0
===================

[ابوتركي]

هههههههههههههههههه الله يفرح قلبك يالحبوب يالشقردي الغالي...جائزتي هي مشاهدت مشاركاتك الاكثر من رائعه.....بس قلي هيا...هيا ..وانا ابفرح كثيير :p :p :p

[الشقردي]

تستاهل يابو تركي جوائز ماهي وحده لمشاركاتك الفاعله بالمنتدى والله يكثر من امثالك000000

[الشقردي]

اخوي الغالي ابو تركي ارجو منك قراءة رساله خاصه بعثتها لك قبل شوي 0

[أبو أنــــس]

على البرررررررررررركه ابو تركي الفوز بالجائزه كان انتظرت لما

اقضي من الامتحانات علشان احلها وحده منقهره.

اكيد راسك انفقع من التفكييييييييييير لكن اسأل الله كما فزت في هذه المسابقه ان تفوز بالجنه..

وهي اغلى مانتمنى0000وفقك الله

[ابوتركي]

يعطيك العافية يالشقردي الجائزة وصلت.. والله يجزاك خير قول وفعل ..............

[ابوتركي]

الاخت سارة الله يقبل منك ويجزاك خير وعقبالك بعد الامتحانات ............... :p

[سكر وملح !!]

الله يمسيك ويصبحك بالخير
زي ما قلتلك ممكن يكون للغز اكثر من حل ، , يالله عطنى الثاني .

*****************
ابو تركي : والله تستاهلها ,, بس لاتنسانا .

[الاصيلة]

بسم الله الرحمن الرحيم

الفففففففففففففففف مليوووووووووون مبروك
يا أبو تركي

وما قصرت يالشقردي أمتعتنا

والسلام

**الاصبله**

[ابوتركي]

ألف شكر أخوي سكر وملح وعقبالك أنشالله..... :p

[ابوتركي]

الله يجزاك خير أستاذتنا الاصيلة...وصدقتي الشقردي مادري وش نسوي بلاه الله يكثر أمثاله.............