مـــا عـــاد بـــه بـــدو ..

[أبو العتاهية]

عشقت القمر حيث القمر ينبعث به iiنور
وأخـص الليالي البيض تزهاه ويزهنه
وأحـب الهوى لاهب من خايعٍ iiممطور
وريـح الـنفل حيث النفل طيب iiالخنه
وأحـب الجمالة والجمالة عمل iiمبرور
وأحـب الـغناه واعز نفسي عن iiالمنه
وأحب الصراحة والصراحة بها مسرور
حيث ان الصراحة تقطع الشك iiوالظنه
وأحـب الكريم اللي يفرج عن المعسور
الـلي من عطى حتى اهله مادروا iiعنه
وأحـب الرجال العارفة وأكره iiالمغرور
مـن اغـتر في بعض المظاهر يغرنه
سـقا الله لـيالٍ ماضية قبل هدم iiالسور
نـحفر العدود ونشرب الماء من iiالشنه
نشوف البنات اللي اوردن كنهن iiالحور
مـهـارٍ مـشاويلن بـالأعياد iiمـعتنه
عـلى الماء تشوف بيوتهم كنهن iiالقور
كـثير الـقبايل تـقطن الـعد iiبـالكنه
عـلى البال ذكراها ياليت الليالي iiادور
يـالـيت الـلـيالي مـاخذنه iiيـجيبنه
تـذكرت شـيبانٍ لـنا يـوم حنا بزور
يـحثوننا بـالطيب والـفرض iiوالسنه
لـو عاشوا حياةٍ قاسية في بحر iiوبرور
عـسى الله يـعوضهم بما فات iiبالجنه
لو دورٍ مضى من بينهم وين ذاك iiالدور
زمـانٍ مـضى لـه ذكرياتٍ ....يحلنه
يـوم الـذهب مايلبسونه بدون iiخصور
وجـمال النسا ماهو من السوق iiيشرنه
فـقدنا حـياة البدو مع شوفة iiالمظهور
ولا عـاد بـه بدو ولا الطرش له iiحنه
ــــــــــــــــــــــــــــــ

ســلــيـمـان iiالــهــويـدي
...
قصيدة أعجبتني ..
فأحببت أن أشارككم مذاقها الرائع ..
...
ســـلـــمــلــم

[فهد الطويان]

المبدع والمتذوق الكبير أبو العتاهيه..
.
هلا وغلا..
.
وإختيار هذه القصيده للشاعر الكبير المرحوم بإذن الله سليمان الهويدي. يدل على ذائقتك الشعريه العاليه..
.
.
لك خالص الشكر على تواصلك وتفاعلك ..
.
وعشمنا بالمزيد فأنت بأستاذيتك وذائقتك العاليه تزيد الخيمه توهجا وقبولا ومتابعه..
.
لك خالص تحيتي ومعزتي..

[أبو العتاهية]

تسلم يالحبيب ..
هذا والله من حسن ذاتك ..
إن شاء تشوف اللي يسرك ..
...
ســـــلـــــمــــلــم

[خـــــــــــــــالـــــــــد]

اخي الكريم ابو العتاهيه

قصيده جميله شكرا لاضافتها هنا

سلم بنانك

ورحم الله شاعرها

[أبو العتاهية]

يا حبيلك يا خلودي ..
شكلك زعل علي ..
تراي أمزح ..
سلملم