الخيـرة خفـية .. يا .. راعين الشامية

[الحكواتي]

.



ما يدري الواحد صحيح وينها به



ودائماً أستشهد بهالحادثة للعزيزين ، وأنتم كذلك



أذكر أيام طفرة حي الشامية بمكة شرفها الله


.



http://img02.arabsh.com/uploads/image/2013/08/19/0c34434d65f600.jpg



.


والشامية أصبحت خبراً بعد عين ، كانت مأوى لنا معشر القصمان


حتى استقطبنا آخر لحظات حياتها الإماراتيين حتى .. وجاورونا بها


وتشرفوا بالسلام على معشر القصمان ..



بلا إطالة .. فقبل ردح من الزمن



اشتاقت الوالدة للعمرة ، فأحسست بها ، وقلت :


يا أميمتي ما تيقي نروح نقيب عمرة ..



قالت : ما تبي مشاور خل أجيب مصلاي



استأذنا من الوالد رعاه الله


ليومين أيام


و تشعبط بالسيارة عدد : أختين وأخ يحتاج للشامية أكثر من حاجته لغيرها



وقبل المغادرة بعد صلاة الظهر .. خرجت لأداء الصلاة


أنا وأخي المقرود .. وعند نزولي عبر طريق الشامية صوب الحرم



فجعني بوري راعي السطحة .. وأنا أقطع الطريق


.



http://img02.arabsh.com/uploads/image/2013/08/19/0c34434d65f603.jpg



.


قلت : الله يقطعك أنت واللي محملها معك



وهو يسحل سيارة بسرعة وهي مدرعمه معاه



عندها .. تعالت ضحكات المقرود .. قلت وش بلاك


قال : شف زين .. وأفتح عيوني ..



الفاجعة .. سيارتي تسحب بعنف وسرعة وخسة



لا لا لا لا لا .. لكن ما تفيد



أنا حاطها بشطب بعرصي مستحيل أحد يلقاها


.



http://img02.arabsh.com/uploads/image/2013/08/19/0c34434d65f602.jpg



.


بس أمر الله وحصل



صليت وعدت للشقة .. قلت لأمي : سحبت السيارة


وكسلان أروح أجيبها الحين ..


قالت : نمدد يوم .. يمكن خيرة ..


قلت : أروح للعامل .. وأمدد يوم مع العامل



وعند خروجي لصلاة العشاء .. تفاجأت بمن يوزع منشورات



أخذت واحدة بدون شعور .. وإلى الشقة ..



جلست مع الأهل والورقة مرمية .. سألتني الوالدة وشي ذي



قلت .. ما أدري .. أخذتها وطويتها مع الخبز



قالت : أشوف إقرها ..


وأقراها وإذا هي عروض شقق بيع لمدة 25 سنة


بمبنى يعتزم إنشاؤه .. بمبلغ 250 ألف ريال



قالت الوالدة .. : أبي لي وحدة ..



قلت : خوذي هالورقة .. يمكن ما ألقى العامل اللي يوزع


قالت : لا أبي لي شقة من هذولي ..



قلت : تشرين سمك ببحر ما به شي والمبلغ مهوب شوي



قالت : المقبل يوصل .. ما دام هالسعر وبجنب المكان الشريف أبي لي وحده



لا رجعنا .. أبخلي أبوك يشريلي من قروشي



قلت : إيه .. أجل أبوي بهواك .. مهوب طايعك



وبعد الرجوع .. اقتنع الوالد .. يقول : تمسك القروش ولا عليها


زكاة .. ويمكن يبنون صدق ..



وبغمضة عين .. وز طع .. أصبح الموقع :



وقف الملك عبد العزيز ..


.



http://img02.arabsh.com/uploads/image/2013/08/19/0c34434d65f60d.jpg



.


صحيح مش مطلة على البيت .. بس لا زالت الوالدة ترتادها


وتؤجرها .. وترفض بيعها مع المبالغ الضخمة التي عرضت



من صبر ظفر ..



والخيرة خفية وكل تأخيرة وبها خيرة



وجرت سيارتي .. على وجهها ما راحت هدر



أشوف فيك يوم يا راعي السطحة





.

بمان الله

[أبن العقيده]

جعلتني أغفو في للذكريات أيام الصبى في الشاميه ، فكأنت أيام حلو مره ، ولعلك تقبل جبين راعي السطحة ، دامه الله لك والدتك طول الله بعمرها على الطاعه .

[نسيم الشمال]

الشامية اقذر حي قريب من الحرم

رائحة النتنة نعج بالمنطقة

بيوت آيلة لسقوط

درج بكل مكان



لكن الرخص غلاب

[الحكواتي]

جعلتني أغفو في للذكريات أيام الصبى في الشاميه ، فكأنت أيام حلو مره ، ولعلك تقبل جبين راعي السطحة ، دامه الله لك والدتك طول الله بعمرها على الطاعه .


مشكور .. بارك الله فيك
ليتني أشوف جبين راعي السطحة ويقبله شي ثاني
حفظ الله لنا ولك
الشامية اقذر حي قريب من الحرم

رائحة النتنة نعج بالمنطقة

بيوت آيلة لسقوط

درج بكل مكان



لكن الرخص غلاب
حتى حي الشامية كان درجات
فيه النظيف والمخيس ، حتى في أرقى أحياء
أمريكا برفلي هيلز .. والشامية أشرف

وليس الرخص غلاب
إلا اللمة حلوة