المساعد الشخصي الرقمي

مشاهدة النسخة كاملة : @ بعد ماسمحو للحريم تسوق @


diver
28-11-01, 08:34 am
1- وحدة أول ما سمحوا بالسواقة راحت للمعارض تدور على سيارة الدركسون باليمين (طول عمرها راكبة يمين وصعب التغيير)
2- وحدة معييه تقطع رخصة (الوجة ما يساعد للصورة) وحطت صورة رجلها وكتبت عليها حرمه من زين وجهه !!
3- وحدة حالفة يمين ما تسوق وفي الشارع رجال (سلم لي على المحافظين)
4- واحد عربجي حالف على حرمته ما تسوق تماتيك
5- واحد محافظ حالف على حرمته ما تسوق قير أرضي لو تموت (مدري ليش)
6- وحدة تخاف تقلب الشريط تنقلب السيارة
7- واحد مطلق حرمته اذا جت تسوق تحط رجلها اليسار على الطبلون (يعني محترفة)


الفصل الثاني – في الصناعية (الورش + قطع الغيار)


1- وحدة طالبه لون الكفرات على لون الروج والطيس على لون أظافرها
2- وحدة طالبه بواجي من ياردلي
3- وحدة تطلب رمان بلي مقلم وبدون حب ما عندها سنون
4- وحدة تبي الكبوت تفته وزم عند الباب الأخير
5- وحدة تبي الماطور ورا والسبب ما تشوف اللي قدامها الكبوت يأخذ عليها مسافة (الله من زين الشوف)
6- وحدة تبي موية الرديتر من (كارتير) ووحدة عجوز تبيها موية ورد
7- وحدة تبي الزيت مخلط ملكي
8- وحدة من زود اللعانة حاطه الدركسون وراء علشان التضليل مسموح فيه ورا وبس
9- وحدة تدور على بستم ما تدري وشو ولا تبيه أصلاً بس تسمع انه يرفع
10- وحدة ما تعلم وش تغيير لسيارتها من زيت (تخاف العين)


الفصل الثالث – عند الأسواق


1- ولا وحدة تعرف تلبق (لا تفهمون غلط) وتشوف السيارات داخله في بعضها ولا يطلعونهم الا بونش
2- كل وحدة واقفه في سيارتها وتنتظر زوجها يطلع من السوق
3- فيه وحد سواقة ليموزين متضاربة مع وحدة تسوق باص والروج ملطخ الدنيا (راعيه الباص ما تعرف الروج (ديرم) ويخب عليها )
4- وحدة عند باب السوق معها لكزس وتنادي زوجها بعد ما نزلته (ابغير زيت وارجع لك)
5- وحدة على طريق الملك فهد تبيع كراث وكليجة ونعناع المدينة


الفصل الرابع – في الدوام


1- واحد تمر عليه زوجته وتستأذن له (وليه أمره) يا ليت تشوفون التلبيقة (لاتفهمون غلط) في مواقف الموظفين .. الأمن ماخذ راحته .
2- وحدة تودي بزرانها الصباح ولا ترد الا الليل (تدوج)
3- وحدة بس شغلها الشاغل وشلون تدق إشارة يمين وإشارة يسار وهي ماشية للمدير حقها .


الفصل الخامس – منوعات


1- شرطيه ما وراها الا تمسك الحلوين أمثال ابورويشد وأول ما تسأل عن رقم التليفون والحالة الإجتماعية ؟؟
2- فيه وحدة مروجة مخدرات تلف بونيت أحمر بس على العيال وكلمة السر (الشكمان وردي)
3- شريطية بدل ما تحرج تغني لأحلام (راعي المعارض)

(منقول من احد المنتديات)

سكر وملح !!
28-11-01, 08:59 am
م . مر . مرح . مرحب . اخيرا كملت مرحبــا ,,,
حقيقه قفشات ولا اروع شكرا لك ونطمح بالمزيد ولكن احب ان استفسر منك عن :-
(1) وش قصة القير الأرضي الي حالف زوجها ماتسوقه لو تموت
(2) وش قصة البستم الي تسمع فيه انه يرفع
واللي يرحم خالاتك بعد والديك انك تشرح بالتفصيل حيث ان تفكيري محد ووووووووووو د ,,,,

شقر وملح !!

diver
01-12-01, 08:43 am
يعني مالقيت الا هذي تسئل عنها

الذيب
02-12-01, 08:26 am
ههههههههههههههههههههههههههه:D

يعطيك العافيه اخوي diver مشاركة ولا اروع

سابق الريح
03-12-01, 05:30 am
الصراحة موضوع يمووووووووووووووووووت من الضحك...

مشكور أخوي diver على المشاركة الطريفة
:) :) :)
هههههههههههههههه:)