شف وين وصل الاحتيال والاستغفال ... نصيحة يا شباب

[رومنسي بس منسي]

السلام عليكم

رحت أغير زيت سيارتي مع السيفون في مجمع النخيل لخدمة السيارات ببريدة إلي بين ساكو وبندة الشبعان, طبعاً هذا البنشر يعطيك غسيل سيارة مجاني إذا غيرت الزيت + السيفون

وبعد تغيير الزيت قال لي سعر السيفون لحاله = 30 ريال !!!!!!

أخذت منهم فاتورة وقدمت شكوى ضدهم عند غلاء الأسعار على الهاتف 8001241616
لأني لقيت سعر نفس السيفون (موتركرفت) للفورد بـ15 ريال عند محلات قطع الغيار!!!

وبعد فترة اتصلوا بي غلاء الأسعار وشرحوا لي الوضع , قالوا:

15 ريال قيمة السيفون

5 ريال قيمة تركيب السيفون ( شغل يد )

10 ريال قيمة غسيل السيارة !!!!!!!!!!!
ــــــــــــــــــــــــــــــــــــــــــــــــــ ـ
المجموع = 30 ريال

قلت طيب وش سويتوا لهم

قالوا ألزمناهم يبلغون الزبون إن الغسيل بعد غيار الزيت + السيفون ليس مجاني

حبيت أحذركم وأكشف لكم هذا النوع من الاحتيال والاستغفال

وسلامتكم

[بدرالوابلي]

احييك يالغالي على هذا التصرف المسئول ولو ان كل مواطن تحمل مسئوليته لكافحنا طاعون الجشع والغلاء دون سبب واحتيال بعض التجار والعماله الوافده وبعض المواطنين من مصاصي الدماء ...

في مهرجان الحاجب بعنيزه في الصيف الماضي كان يوم مزدحم جدا وبعد اغلاق البوفيهات الساعه 12 كان هناك وللأسف محل يبيع وجبات خفيفه صاحبه مواطن وياخسارة كلمة مواطن فيه لانه مافيه خير لبلده ولمجتمعه المهم انه استغل فترة الاغلاق بعدها مباشره ورفع سعر البيبسي والعصير والبطاطس الى 4 اضعاف السعر الحقيقي واللي موعاجبه لايشري ( هكذا قالها ) للزبائن الكثر بينهم اطفال ونساء وكبار وطبعا لما نصحته قال انت من بريدة مالك دخل ؟؟؟؟؟ قلت له اصلا منب شاري منك لانك اولا وصخ والدليل شف الزيت حق اللي تقلي به البطاطس اسود وثانيا لانك عنصري تمثل نفسك وماتمثل اسرتك ولامدينتك وحرامي وغشاش ثالثا ومافيك خير لانك تشوه سمعة ديرتك بهالتصرفات لاومن زين اسلوبك بعد حاطن بطاقه معلقها برقبتك فيها اسمك الثلاثي يعني ترا الوجه مغسول بمرقه الله يخلف على اهلك ___________ ونسيت اقولكم ريحته صنان مركز + جراك معتق نسال الله السلامة والعافيه طبعا هذا المثال تصرف فردي وكل مجتمع فيه من هالنمونه وعندنا وعندهم خير نسأل الله السلامة والعافيه .

[تركـي]

يعني وقفت على .. هالغسيل المجاني .. ؟؟

زيت المحركات ..
بأي قانون يدبل سعره ونحن باكبر دولة نفطية .. ؟؟
بعد أن كان في سعر الجملة .. 7 ريال
والمحلات مابين 8 و10 ريال ..
ليش مسكوت على أصحاب المحلات ومحلات تغيير الزيت
بتثبيت السعر الى 16 و17
..
وآغلب العمالة مابين يماني وبنقالي
يستخدمون عبوات الزيت ومن ثم تعبئتها بزيت خام من البراميل الكبيرة
مع مزجه بقليل من المحروق وإعادة آستخدامه
وسط تفرج وزارة التجارة .. ؟؟
إذا كان سعر السيفون الآصلي لأي سيارة بالوكالة لا يتعدى .. 15 ريال أو 20 ريال
لماذا يبيعونه أصحاب البناشر وهو مقلد بــ 30 ريال .. ؟؟
حتى أن السيفون .. الآصلي لأغلب سيارات تويوتا مصنع في مصنع تايلند
ومع ذلك تجد .. سيفون ياباني عند اصحاب البناشر ..
.....

ماوقفت على تغيير زيت .. ؟؟
أو محوقة غسيل مجاني بصابون ابوريالين .. ؟؟

الدعوى آكبر من ذلك
وسط تفرج المعنيين بالأمر .. ؟؟

[مزارع بشري]

جزاك الله خير خطوه جريئه منك بارك الله فيك
نعم المفروض مانسكت ع اي صغير وكبيره وكل الدعوى بالتلفون وهاتف مجاني بعد

[ابوغرام]

مافيه حمايه مستهلك ابدا كلام وبس

الغسيل مجاني ماله علاقه بسعر السيفون بس هم يطلعون لهم مخرج

مع الاسف حنا ننتضر بنقالي ولا هندي يخفض الاسعار

قال من امرك قال من نهاك وكلن يسعر على كيفه ويابلادي واصلي