اشوف المنتدى هاجد

[عمر محمد الخليفه]

الا يا المشرف اقبلها عتاب ٍ فية باقة ورد
من العاشق لهذا الصرح قال وخاطرة منحاس

اشوف المنتدى هاجد وكنّة في سُبات البرد
سبٌاتة طال ياسادة ولا عمرة صحى ياناس

[ميمي نايس]

وانا بعد مثلك اشوفه هاجد ؟

[شاعر الاماكن]

الا يا المشرف اقبلها عتاب ٍ فية باقة ورد
من العاشق لهذا الصرح قال وخاطرة منحاس

اشوف المنتدى هاجد وكنّة في سُبات البرد
سبٌاتة طال ياسادة ولا عمرة صحى ياناس

الله الله الله عليك

مبدع يا عمر الخليفه

صح السانك

تفضل يطولي بعمرك


حقيقه قلتــها والحــق ما يزعل وجــــــاك الـرد
اشوف اللي يحب الشعر ادبر واعلن الافـــلاس

وارض الشعر من عقب النبات اللي يشوق جرد
عسى ربي يجيب الخير ويملى صفحة الـكراس

[عمر محمد الخليفه]

الله الله ياسلام عليك. اخوي شاعر الاماكن ابرجع لك

[عمر محمد الخليفه]

اخبر اللي مضى يرضي طموح المجتمع والفرد
زمان ٍ فات كان المنتدى لابس من الالماس

ياناس المنتدى محسود من يقرى علية الوُرد
عطونا شيخ ياعالم تراه بآخر الانفاس

[شاعر الاماكن]

ياسلام يا سلام

[شاعر الاماكن]

ياسلام عليك يا عمر

سم يابعدي ..

يمل الشاعر احيانا يمل من الحكي والســـــــرد
وعسى اللي غادر الخيمه يعود يشعل المقبـاس

نبي الشعر الجزل واللي نثرعذب القصيد يرد
جماهير الشــعر دايم تراها تطــلب الاحساس

[القلم الصريح]

حقيقه قلتــها والحــق ما يزعل وجــــــاك الـرد
اشوف اللي يحب الشعر ادبر واعلن الافـــلاس

وارض الشعر من عقب النبات اللي يشوق جرد

عسى ربي يجيب الخير ويملى صفحة الـكراس


بنيه شفتها والخد مايبهر وهات الفـــــــــــــــــرد
اروح اللي يبين اليوم واترك شلة الافــــــــــــلاس
وحرف الشعر من عقب السبيل اللي يجيد الطرد
غدا وربي شبيه القرد ويملى صـفحة الوسواس

[عمر محمد الخليفه]

صح لسانك ياشاعر الاماكن :
سقاك الله ياللي كنت اشوفك في سمانا غرد
ولكن غابت الحانك من اللي صوّبك بالراس

وانا ماقلت يرجع لي جرير ويرجع ابن البٌرد
نريد الحان طايرنا تعود وتعجب الجلّاس

[إحسآسهآ رآقي]

الله الله
يعني نعتبرهآ محآوره بين شعآرنآ الكرآم . . !!
يَ ليت تكلمون . . صرآحه قمه في الإبدآآآع
وربي يعطيكم ألف عآفيه