المساعد الشخصي الرقمي

مشاهدة النسخة كاملة : مــاعنـدي موضـوع بس ودي اصــير !!


شاعر الاماكن
26-11-12, 01:12 pm
السلام عليكم ورحمة الله وبركاته

اسعد الله مسائكم جميعا ..

جالس افكر اكتب موضوع بس المشكله ماعندي موضوع ولا عندي اسلوب سلس لايصال فكرة الموضوع
بس بكتب موضوع حتى لو ماعندي أي شيء ( كيفي ) !!

شاعر المليون :

برنامج حلو واشتهر بقوه وماحد ينكر هالشي تم التجهيز له من قبل ادارته الواعيه واللي تفكر بالنجاح وكيف الوصول للنجاح وبالفعل تم التجهيز والوصول للهدف وهو ( النجاح )
( مسرح كل سنه يتغير .. تصوير واخراج يفوق الخيال .. لجنه تم اختيارها لانجاح البرنامج .. جمهور ذويق للشعر ولا يصفق الا للشاعر الحقيقي ..
والنهايه تصويت وهو الهدف الاساسي ( كم دخل الجيب من الملايين مقابل خساره بسيطه )
اللي بقوله وواوصله ( ليش حتى اللي مو شاعر راح يشارك ويبي يصير شاعر وهو عارف انه مو شاعر حقيقي ولا يعرف حتى الشعر الا بأسمه ) واقصد هنا ان فيه ناس شاركوا بقصائد تمت كتابتها لهم بمقابل مادي ..

مزاين الابل :

كل سنه يقام مهرجان لمزاين الابل وتم تجهيز مكان وتم وضع لجنه للاختيار والنهايه جوائز قيمه ( طيب فيه ناس ما يعرفون البل ولا اعمارها ) ومع ذالك حصلوا وحصدوا الجوائز واذا سأل الاعلام اللي فاز قال اعرف البل من 100 سنه ..

ستار اكادمي :

تم تجهيز ووووووووووووو الخ وفاز ( هشام ) مع انه مو مطرب !

اللي فوق ماعليكم منه كله مين اللي فاز ومين اللي طلع ومين اللي مات ومين اللي عاش !!

احنا ليش نبي نصير كل شي بدون معرفة الشي انت شاعر خلك في الشعر انت ممثل خلك في التمثيل انت مطوع خلك في طوعك !!
يعني ابي اصير شاعر وابي اصير مطرب وابي اصير صقار وابي اصير ملحن وابي اصير لاعب وابي اصير مطوع وابي اصير شريطي سيارات وابي اصير وزير وابي اصير وابي اصــــــــــــــــــــــــــــــــــــــــير مدري !!

نفهم بعض الامور ونناقش الشي اللي نفهمه بكل بساطه بس لا نرغم الناس ونجبرهم على ان احنا كل شي نفهمه وكل شي نعرفه واحنا اللي صح وغيرنا ( ثور الله في برسيمه )
تصدقون ودي اصير بس مدري وش اصير !!

ماعندي اسلوب بس يارب تفهمون !!

امرؤ القيس
26-11-12, 01:19 pm
مرحبا ياغالي


نحن بتاع كله

يعني على قولت المصريين الرزق يحب الخفيه


مشكلتنا نعتقد أن فاهمين كل شيء واننا ناجحين

لانؤمن بالتخصص ولا نعرف أبجديات مطالبنا

خليها على ربك

شاعر الاماكن
27-11-12, 06:28 am
مرحبا ياغالي


نحن بتاع كله

يعني على قولت المصريين الرزق يحب الخفيه


مشكلتنا نعتقد أن فاهمين كل شيء واننا ناجحين

لانؤمن بالتخصص ولا نعرف أبجديات مطالبنا

خليها على ربك


حياك الرحمن اخوي امرؤ القيس

احنا بتاع كله من زمان ..

بس ليش نجرد الناس من ابسط حقوقهم وهي ( الاراء )

شغل تكميم افواه وشغل احنا نفهم وغيرنا ما يفهم واحنا واحنا واحنا ...

ياخي ملينا من مصادرة الرأي في المجالس اوص ماتفهمون وانتم ونقاشكم عقيم وانتم ما عندكم شهادات ولا تعرفون شي ..

يعني في المجالس العامه والمنتديات كل شي يعرفونه ويفهونه بعد !!

تذكرت سالفة واحد يوم شاف الدكتور الربيعه قال كان يدرس معي :f5: قلت هو دكتور وانت شريطي سيارات قال اسكت بس لو ابي اصير دكتور من بكره !!:29_1_16[1

SAGA
27-11-12, 09:46 pm
عندك فلوس
بتشتري قصايد
عندك فلوس
بتشتري شهادة دكتوراه وتصير دكتور
عندك فلوس
بتصير رائد فضاء أطلق من فيليكسhttp://www.vb.eqla3.com/images/smilies/n/sm5.gifhttp://www.vb.eqla3.com/images/smilies/n/sm5.gif
والأمثله بالواقع كثيرة
ربعنا يتعيجزون يحققون أحلامهم بأنفسهم ويقعدون سنين عشان يوصلون لحلمهم.
لايبون كل شي جاهزhttp://www.vb.eqla3.com/images/smilies/139.gifhttp://www.vb.eqla3.com/images/smilies/139.gif

الرحـّـال
27-11-12, 10:07 pm
حبيبي

شاعر الأماكن

(اللي مامعوش ما يلزموش)

الفلوس

تخليكـ تصير أي شي يخطر على بالكـ

غيركذا

((( مايصح إلا الصحيح)))

^^^
برضه اللي ماعندوش مايلزموش

فلاشاعر دفيع ..
و
لاكاتب فلته ..
و
لا مسؤل بشهادة مزوّرهـ

كله .. كله مكشوف
و
اللي مانكشف راح ينكشف

اخوك الملياردير موقتاً :a1:

shahd2007
27-11-12, 10:46 pm
حتى انا ودي اصير سفيره ولا وزيره
بس درست حالتي ووصلت بالجينات الى سابع جد لقيت مافي امل 😂💔

ع قوله اللي قبلي عندك فلوس او فيتامين واو بتصير الشيخ والدكتور وصاحب المعالي 😥💔

ابو عراده
27-11-12, 11:09 pm
شغل تكميم افواه وشغل احنا نفهم وغيرنا ما يفهم واحنا واحنا واحنا ...

ياخي ملينا من مصادرة الرأي في المجالس
يابعدي حنا تربينا على مقولة ( الشيوخ أبخص ) وهالكلمة ليست من الإسلام ولا من مبادءه .
يعجبني الغرب فهو مؤمن بالتخصص فكل إنسان مشغول بتخصصه فقط دون أن يعتدي على تخصص غيره .
لكن الوضع عندنا كل يطق صدره ويقول : أنا فاهم كل شيء وهو أغبى خلق الله واحمقهم .

Ṥ Қ ў
27-11-12, 11:48 pm
المشكله مو بـ أبي أصيير

مشكله ببرآمج اللي يخطط له وتقبل أي موهبه سوآْء برآمج

الشعر او غيرهه وكله بهدف الممـآدي والفائز ماعليه كلاـآم

الله يسلم تصويت الجمهووور ْْ

الموآهب والامـآني أصبحت علىآ الكيف من جـآبته أمه

غصب حط نفسه شـآعر والا مصور اوووو....

الخلاـآصه الحلو انسـآن يصنع نفسه بنفسسه

من غير شهره وبرآمج وقبل هذـآ كله يقدر الموهبه اللي فيه

هل هو بجد يستححق هاالشي ويقدر انهه يحقق العلم

المميز لطموحهه والاهم يحترم هالطموح ايش م كـآن ّ.!

أخيرـآ (ليس كل م يتمنـآه المرء يدركه )


يمـآل العافييه شـآعر :)

مليار
28-11-12, 02:40 am
الامثله الي ذكرت
ودهم يصيرون وصـااارو
لكن
انا ودي اصير شاعره بس ماعندي قريحه للأسف ولاعندي هياط زيهم
هذولا حققوا اهدافهم بالمال <<اعتبره نجاح حتى لو كان كاذب لكن وصلو للي يبون وأشبعوا غرورهم
شوف اللبناني يحس انه فاهم كللل شي
وفعلا اقنعوا العالم
شفهم مهندسين وتجار ومطربين ومصممين و......................الخ

ع ـروووبة
28-11-12, 02:57 am
_



إعلامنا مبهر والشخص اللي يطلع فيه غصب يصير مشهور

مع إنه للأسف بالغالب ما يطلع فيه الا اصحاب العقول الفارغه

الموهبين والمبدعين بحق محكورين تحت جدر بيوتهم

ما عندهم فلوس تعزهم ولا واسطه ترفع قدرهم :(