انخطبت ,,تملكت ,,تزوجت ,,تطلقت

[shahd2007]

,*

السلام عليكم ورحمة الله وبركاتة

لاأحسن المقدمات عشان كذا بدخل بالموضوع اللي قاهرني
عندنا عاده غبييه بالمجتمع وهي مدح فلان
طبعا اذا خطب ,,
المسجد : ماشاء الله ولد فلان ابوه اجودي <<وانا بتزوج ابوه
عمله /جيرانه /زملائه
يمدحونه وهم يعرفون انه شخص غير مواظب على الصلاه او ان عنده سلوك سيء او مريض نفسيا
لييه مايقولون الصدق ..!!
والضحيه البنت اللي بيتسكر عليها باب مع واحد ماتدري وشو ..!!
عروس / سمعت عنها وهنا عندنا بالسعوديه
يضربها بعد عشرين يوم من زواجها ويكويها بالنار ويكسر رجولها ويرميها بالمستشفى ويقول حادث سير /:
طبعا ماتت الله يرحمها

صديقتي /
بعد شهر ترجع لاهلها تقول يأكل حبوب مادري وشي
وينام كثير ويخوف ويشرب :(
ع ان ابوها حريص وماخلى احد ماسئل عنه والناس تمدحه :(

اخت صديقتي /
قبل زواجه بيومين او ثلاثه اتصلت امه تقول مايبي (نفسيه )<<دلوع امه
البنت تخسرت واستعدت وعزمت الناس وهو مايبي

ابسئل ..

ليه ماتكون عندكم الجرائه وتقولون الصدق اذا سئلتم عن احد ولا الدعوه امدحني وامدحك

أعتذر على الإطالة و كثرة الكلام بس شي باط ستبدي وقاهرني
مايمدي الوحده تتزوج الا وراجعه لبيت اهلها والغالب يكون من الزوج http://www.buraydh.com/forum/images/icons/icon9.gif

[امرؤ القيس]

شفيكم اليوم ماسكة زواج وعروس



المهم

الرجل يمدح والبنت تمدح والضحية الاسرة

الواحد لاجاء يتزوج لقوله ستين بنت يعني مو معقولة كلهن زينات


الرجل فيه عيوب وانا احرص كثيرا لمايخطب احد اختي او احد يسالني عن احد

فعلا الان المجتمع قليل نحصل شخص كامل او بنت كاملة ولكن تبقى
بعض السلوكيات مجهولة الا بعد الزواج

فالضرب مثلا سلوك يخرج بعد الزواج لاني كيف اعرف ان هذا يضرب او لا

لازلت اقول العشرة الي بعد الزواج هي من تحدد سلوك الطرفين

فربما كل موقومات النجاح متوفرة ماعدا المحبة وربما هناك محبة وبينهما سلوك غير جيد لكن يتحملانه وهكذا


وسعي صدرك الدنيا سهلة

[shahd2007]

امرؤ القيس


شفيكم اليوم ماسكة زواج وعروس



بعيد عنك من كثر مانسمع فلانه تطلقت



الرجل يمدح والبنت تمدح والضحية الاسرة

الواحد لاجاء يتزوج لقوله ستين بنت يعني مو معقولة كلهن زينات




الرجال عندنامثل شريطي السيارات اهم شي البدي
وهذا اول شي يسئل عنه
والباقي ماشي ع نظام اللي بالقدر يطلعه الملاس



فعلا الان المجتمع قليل نحصل شخص كامل او بنت كاملة ولكن تبقى
بعض السلوكيات مجهولة الا بعد الزواج



طيب المقربين منه مايعرفون عنه هالسلوكيات مثلا مايصلي
او شكاك او مريض نفسي او يتعاطى او او او
ليه اذا سئلوا عنه امدحوه وماشين ع نظام يعقل اذا تزوج :(

اعتقد السؤال بمثل امر الزواج يتوجب الصدق حتى لو كان اخوك


شرفني مرورك ابو عــدي

[آشغلتموها]

والله انه مجرد الزواج من ابو سروال وفنيله هو غش وظلم واضطهاد
سوا مطوع والا صررربوت
اذا هو مطوع ماصدقوا فيه العالم ان شكيتي
واذا هو صربوت نقل امراض الدنيا قبل يحكم القاضي لك بالخلع
اما المجتمع السعودي فهو مجتمع حسود يفرح بالطلاق اكثر من الزواج
ياربي ارحمني من هالديرة يارب متى اتخرج واروح ابتعاث واعيش حياتي
متى
متى
متى



السلام عليكم
:b9:

[shahd2007]

والله انه مجرد الزواج من ابو سروال وفنيله هو غش وظلم واضطهاد
سوا مطوع والا صررربوت
اذا هو مطوع ماصدقوا فيه العالم ان شكيتي
واذا هو صربوت نقل امراض الدنيا قبل يحكم القاضي لك بالخلع
اما المجتمع السعودي فهو مجتمع حسود يفرح بالطلاق اكثر من الزواج
ياربي ارحمني من هالديرة يارب متى اتخرج واروح ابتعاث واعيش حياتي
متى
متى
متى



السلام عليكم
:b9:


الشكوى لله مالك غيرهم الا ان جاء الفرج و
عطونا الاوكي يوافقون ع زواج السعوديه من الاجنبي

سربوت ولا مطوع الخطأ بالطلاق دايم بمجتمعنا من الحرمه
ولا يطلق منا ويخطب بنت ثانيه ويعطونه
وهي تهافتون عليه الشيبان وبتوع المسيار

[البكيراوي]

شهد

موضوع في الصميم

المجتمع أغلبه طبعاً يمشي بمبدأ

زوجه ويهديه الله .. ويرى من الكذب فعل حسن لجمع "رأسين" بالحلال

ينظر لها بالطريقة هذي // البنت تبي من يستر عليه .. والولد يبي من تعقله

والضحية الاثنين والابناء اللي بينهم

الحلول كثيرة .. لكن تحتاج لرجل عاقل وشجاع يواجهه المجتمع بأخطاءه وعلاته

وناوي اطرح موضوع كامل

شهد تحية كبيرة

على الموضوع الجميل

[المنغره]

-





والعكس صحيح البنت لماتخطب دائما تذكر جميله وآخلاق وامه بنت فلان وسنعه

وبعد الزواج تطلع عكس ماذكروا ..!

للآسف الذمه مفقوده نوعاً ما في هذه الآمور ..


الله يوفق شباب وفتيات المسلمين ..
~

[ع ـروووبة]

-


أهلاً شهد ,


اخت صديقتي /
قبل زواجه بيومين او ثلاثه اتصلت امه تقول مايبي (نفسيه )<<دلوع امه
البنت تخسرت واستعدت وعزمت الناس وهو مايبي


صارت كثير لقرايبي ووحده من صديقاتي
العروس خلصت مهره وشرت وحجزت القاعه والكوفيره وكل شي
بطاقات الزواج توزعت والكل يترقب هاليوم
بالنهايه ! خلاص ما يبي !! رجعوا فلوسه ويا دار مادخلك شر !!

ويقولون كثـَر خيره اللي قال مابي قبل يدخل عليه !
ما يغثن إلا هالمجتمع اللي واقف مع الرجل وكأنه ملك ما يخطي
والبنت لازم ترضى بكل شي شاءت ام ابت : /

+ ما أقتنع ب مجرد السؤال عن عريس المستقبل
إذا ما جلس جلسه معتبره مع ابوي واخواني وشافوا ثقافته م يدخل مخي
لأنه أكيد اهله بيقولون ما عليه خلاف وش حليله لأنه ولدهم

عشان كذا بلاش نسأل نتأكد حنا منه ومن طبايعه
لأن بالاخير الناس تغيرت ما عاد فيه ذمه وأمانه أو خوف !

[ع ـروووبة]

-






والعكس صحيح البنت لماتخطب دائما تذكر جميله وآخلاق وامه بنت فلان وسنعه

وبعد الزواج تطلع عكس ماذكروا ..!

للآسف الذمه مفقوده نوعاً ما في هذه الآمور ..


الله يوفق شباب وفتيات المسلمين ..
~



صح كلآمك بس البنت تختلف تمااماً عن الرجل
اذا ع الجمال بيكون شايفه قبل ويقدر يرفض قبل الزواج
اما السناعه تقدر تتعلمه بعدين ما احسه عيب كبير

بلاك الرجل لاصار سكيَر ونكيَر وراعي ضرب
وش تسوين هنا ما فيه شي يعدله = ((

[الأميـــــرهـ]

ليه ماتكون عندكم الجرائه وتقولون الصدق اذا سئلتم عن احد ولا الدعوه امدحني وامدحك




هو فيه أحد بهالزمن يقول الصدق ........؟!


قليييل اللي يكون عنده ذمه وضمير ومايرضاه لنفسه يرضاه لناس



..

[bant tamim]

+
(الرجل اللي ماعنده شخصيه وتفرد وخصوصيه بحيآآته هذا اشد الامرض واتعس حياة)

شوفي كل النآس تمدح ماتسب سوآء بنت او ولد واللي يعتمد على كلام النآس بأمر مستقبلي المعذره اعتبره غبي..

ليه وش الهدف الناس والله انا مو ملزوم يدعون علي
طيب ماخفت البنت تفشل بحيآآتها مع هالمريض
ويدعون عليكم اقل شي اقل شي تقدر تتصرف
تقول والله ماعرف عنهم والله مااحط بذنتي شي
كذا تبري ذمتك لامدحت ولا سبيت..

2انا عن نفسي اهلي مايوآفقون على الرجل
لين يجلسون معآآه اكثر من مره
وووبعدين يسألون عنه النآآس
اما الاشياء الخفيه مارآح يطلع الابعد الزوآج وبعد العشره
بمقدور الزوجه تتغاضى عنها او تغيرها...

وللمعلومه اغلب الرجال برأ البيت شي ملآك ودآخل البيت شخص ثآني!!!

واولا واخرا الوآحد مارآح يآخذ الا المكتوب له
سوء هذا اوهذآك سوآء مدحو او سبو.....

شكرا شهوده

[عزف الحقيقة]

حياك شهد


كثرة السوأل عن الرجل تأتي كثيرا


بنتيجة ايجابية والدليل أن البعض يستمر


في البحث عن زوجه ولا يجد من


يعطيه لسوء سلوكه ... لكن في الغالب


الناس يحسنون الظن فيرون في


في الشخص بعض العيوب فيتوقعون


انه سوف يتركها بعد الزواج لكن للاسف


البعض لايغيره الزواج ولا يشعر بعظم


المسوؤلية فيظل على ماهو عليه أو يزيد


المشكلة الحقيقية أننا في مجتمع غريب


ان قلت طيب هو طيب وان قلت أقشر


هو أقشر مرة يثنون على الشين


والزين ومرة يسبون الشين والزين


وكل ذلك حسب رؤيتهم ومصالحهم


وربما أيضا رجاويهم للمستقبل !


لذلك أرى أفضل حل هو الاعتماد على


الله وعلى ماتستطيع أن تقف عليه


بنفسك هنا يجب على الاب


الحرص والقرب ومعرفة الخاطب


معرفة حقيقية والافضل هو زواج


الاقارب على الاقل تكون المعرفة اكثر


وضوحا لو حصل خلاف وعدم توافق .


أيضا هنا نقطة مهمة الاحظها كثيرا


وهي بعد الاب والاخوة عن اختهم


وزوجها بعد الزواج فبعض الناس


لايتقربون منهم وتكون العلاقة بينهم


شبه معدومة وهذا خلل كبير.

[Ṥ Қ ў]

قضيه لآتعليق عليييييه

ي كثر هالاشخـآص وهالنوعيـآت بالححياةة

اهم شي ولدهم يتزوج ايش هو وكيف حياته وشلون عايش

م يهم والناس الله الله بالمدح حدث ولآحححرج م كــآنه اللي

بيصير زوآج وعشرة عممر

ومع هذـآ كله البنت هي اللي تنلاـآم


برآيفت\ يممكن بعد الشبـآب يعانون من نفس الشي مافي

مصدآقيه ابدـآ من حيث الاجابه عن كلاـآ الطرفييين مع ان

الآمر مهم كثيييييير بس النـآس م عطته أهمميه ابدـآ

تحت ششعار (بمدح فلاـآن عشـآن م يزعل )

يزعل ولآتتدمر حياة اثنين بعـد أششهر ْ


الله المسستعــآن بس ْْيستر علىآ الجميع :)


يمـآل العـآفييه ْشششهد :)

[ابو عراده]

قال تعالى : ( الخبيثات للخبيثين والخبيثون للخبيثات والطيبات للطيبين والطيبون للطيبات ) . (http://www.buraydh.com/forum/#docu):4_1_107[1
هكذا هي المعادله الربانيه .
يجب على كل فتاة أن تكون فتاة صالحة مطيعة لربها محافظة لفروضها قريبة من ربها حافظة للسانها وفرجها متسترة وحينها سيوزوجها ربها برجل طيب .
كذلك الشاب يجب أن يكون محافظا على فروضه قريبا من ربه مطيعا لأوامره مجتنبا نواهيه حافظا للسانه وعورته حينها سيوزوجه الله بفتاة طيبه والعكس صحيح .
مشكلتكم غافلين عن هالنقطه وماغير متعنقطين سب وقذف لأبو سروال وفنيله علاقيه .

[shahd2007]

شهد

موضوع في الصميم

المجتمع أغلبه طبعاً يمشي بمبدأ

زوجه ويهديه الله .. ويرى من الكذب فعل حسن لجمع "رأسين" بالحلال

ينظر لها بالطريقة هذي // البنت تبي من يستر عليه .. والولد يبي من تعقله

والضحية الاثنين والابناء اللي بينهم

الحلول كثيرة .. لكن تحتاج لرجل عاقل وشجاع يواجهه المجتمع بأخطاءه وعلاته

وناوي اطرح موضوع كامل

شهد تحية كبيرة

على الموضوع الجميل

اوكي زوجه ويهديه الله مايسهر ومايسافر
لكن تزوج شخص مريض نفسي او مايصلي او سكير
وتمدحه وتغش الناس ..!!
والضحيه البنت فقط هي المتضرره
اللي ماعدل سلوكه قبل الزواج ماراح تعدله زوجته

الحل ..
اشوفه الصدق اذا سئلت عنه حتى لو كان قريبك
اهم شي تبرئ ذمتك وتقول اللي تعرف عنه


باإنتظار موضوعك البكيراوي ..

[shahd2007]

-






والعكس صحيح البنت لماتخطب دائما تذكر جميله وآخلاق وامه بنت فلان وسنعه

وبعد الزواج تطلع عكس ماذكروا ..!

للآسف الذمه مفقوده نوعاً ما في هذه الآمور ..


الله يوفق شباب وفتيات المسلمين ..
~



السؤال عن البنت برضوا مهم بس بحدود وموب مثل الولد ..
يعني بيسئل عنها تصلي اولا ..!!
تسهر برا او تسكر <<لايمكن بمجتمعنا بنات كذا

الجمال محد يتزوج الا شايفها قبل لايتملك
والسناعه والذرابه
هذا شي سهل وممكن تتجاوزه اي بنت
بس لاجاك النفسييه ولا سكير هذا المصيبه :(

[shahd2007]

-



أهلاً شهد ,



صارت كثير لقرايبي ووحده من صديقاتي
العروس خلصت مهره وشرت وحجزت القاعه والكوفيره وكل شي
بطاقات الزواج توزعت والكل يترقب هاليوم
بالنهايه ! خلاص ما يبي !! رجعوا فلوسه ويا دار مادخلك شر !!

ويقولون كثـَر خيره اللي قال مابي قبل يدخل عليه !
ما يغثن إلا هالمجتمع اللي واقف مع الرجل وكأنه ملك ما يخطي
والبنت لازم ترضى بكل شي شاءت ام ابت : /

+ ما أقتنع ب مجرد السؤال عن عريس المستقبل
إذا ما جلس جلسه معتبره مع ابوي واخواني وشافوا ثقافته م يدخل مخي
لأنه أكيد اهله بيقولون ما عليه خلاف وش حليله لأنه ولدهم

عشان كذا بلاش نسأل نتأكد حنا منه ومن طبايعه

لأن بالاخير الناس تغيرت ما عاد فيه ذمه وأمانه أو خوف !


هــلا بك عروبه

الله يعوضها يارب باللي ابرك منه
نفس اخت صديقتي زواجها الاربعاء ويوم السبت تتصل امه تقول ماايبي هون <<الله لايبيك
ماهمه نفسيه البنت ولا وش خسروا ولا موقفهم قدام الناس
وليه مايفكر قبل لايقدم ع خطوه الزواج

سؤال الاهل حلو والجلسه معه مره ومرتين وثلاث
بس احيانا يمثل الادب والاخلاق شهر وشهرين وبعد كذا يكشر عن انيابه :(

[shahd2007]

هو فيه أحد بهالزمن يقول الصدق ........؟!


قليييل اللي يكون عنده ذمه وضمير ومايرضاه لنفسه يرضاه لناس



..
فييه بس قله :(
المفروض اذا جاء احد يسئل اقوله الصدق رضوا فييه بعيوبه ولا يرفضونه
اهم شي ابرئ ذمتي

[ع ـروووبة]

هــلا بك عروبه

الله يعوضها يارب باللي ابرك منه
نفس اخت صديقتي زواجها الاربعاء ويوم السبت تتصل امه تقول ماايبي هون <<الله لايبيك
ماهمه نفسيه البنت ولا وش خسروا ولا موقفهم قدام الناس
وليه مايفكر قبل لايقدم ع خطوه الزواج

سؤال الاهل حلو والجلسه معه مره ومرتين وثلاث

بس احيانا يمثل الادب والاخلاق شهر وشهرين وبعد كذا يكشر عن انيابه :(



شهد تدرين وش المشكله !
ان الأم تظل تزَن على راس ولده إلاَ تزوج
شف فلان اعرس وجاه عيال وانت لا
شرايك نخطب لك .... و ... و ..

ليما يطفش الشاب ويسللك لأمه ويقول ايه خلاص
عشان تسكت ولاخطبوا وكل شي وجاء الصدق هوون وقال مابي

يعني الامهات مشتركين بهالبلوى هذي : /

عشان كذا رجاء للامهات لا يبلشون عيالهم بالزواج
كل شي بوقته حلو ولا جاء وقته هو بيجي ويقولك بنفسه

والجلسه ممكن يدعَـي الادب والمثاليه
بس لاصار كذا رجل ويمسكونه من كل الجوانب ملزوم يزل
خصوصاً اذا كان مش ولابد وثقافته صفر : /

والله يعين يابنت الحلال ويوفق ويصلح ويكتب لنا الخيره
<~ عجبن الموضوع عشان كذا رجعت :$

[فانتازيا إعلامي]

مرحبا شهد
موضوع جدا حساس ويحتاج وقفات ..

نعم هذه الفئة موجودة وللأسف ان نظرتهم الزواج يعقله !!
حرام عليكم البنت حقل تجارب ولا جهاز تعقيل !!
لا ولو حصلوا بالبنت جزء يسير من اللي بالرجل كان قوموا الدنيا ولا قعدوها ..

[shahd2007]

+
(الرجل اللي ماعنده شخصيه وتفرد وخصوصيه بحيآآته هذا اشد الامرض واتعس حياة)

شوفي كل النآس تمدح ماتسب سوآء بنت او ولد واللي يعتمد على كلام النآس بأمر مستقبلي المعذره اعتبره غبي..

ليه وش الهدف الناس والله انا مو ملزوم يدعون علي
طيب ماخفت البنت تفشل بحيآآتها مع هالمريض
ويدعون عليكم اقل شي اقل شي تقدر تتصرف
تقول والله ماعرف عنهم والله مااحط بذنتي شي
كذا تبري ذمتك لامدحت ولا سبيت..

2انا عن نفسي اهلي مايوآفقون على الرجل
لين يجلسون معآآه اكثر من مره
وووبعدين يسألون عنه النآآس
اما الاشياء الخفيه مارآح يطلع الابعد الزوآج وبعد العشره
بمقدور الزوجه تتغاضى عنها او تغيرها...

وللمعلومه اغلب الرجال برأ البيت شي ملآك ودآخل البيت شخص ثآني!!!

واولا واخرا الوآحد مارآح يآخذ الا المكتوب له
سوء هذا اوهذآك سوآء مدحو او سبو.....

شكرا شهوده

طيب من اسئل عنه ضروري يسئل الجيران والمسجد والعمل والاصدقاء
وهذولا كلهم ناس وقريبين منه وهم اللي لازم يصدقون
محد يعلم الغيب والجلسه معه مره ومرتين لايمكن تبين سلوكه
حتى لو جلسوا معه الاهل ماراح يعرفونه مثل اصدقائه واقاربه
وهي المشكله بالاشياء الخفييه ..
اللي لايمكن تكتشف الا بعد الزواج هي المشكله
يعني مثل صديقتي ..
يسئل ابوها وحريص وبالاخير تقول ياكل حبوب وينام
شكله يخوف وهي بشهر العسل ومسافره برا
يعني اهله مايدرون عنه موب حرام عليهم يرسلون بنت بــ 20 مع واحد كذا :(

[الـــفـــ@ــــد]

للحين ا لناس تعيش جهل مركب

يسئلون عن الرجال مع ان عيب الرجال جيبه

اما الان البنات اكثر علاقات واكثر تمرد ومع ذلك محد حصحص وحرص بالسؤال عن البنت وتاريحه المليان بالمغامرات

جودهم على هالشاب المسكين

[الكفاح]

بلا ذي ولاذي السبب الرئيسي للطلاق

تمر الزوجة على الزوج بنات بلاك بيري وهمبرجر وتربية شغالات

وفقر وطيش وسفه الزوج .


بالتوفيق

[الكفاح]

على فكره المفروض يسال عن الزوج واحد وعن البنت الف واحد

[shahd2007]

عـــزف الحقيقه

ممكن يتسامحون الاهل ببعض العيوب ويتحملونها
اذا كان الرجل سلوكه حسن يعني تكون عيوبه خفيفه
لكن سيء سلوك ويزوجونه ويقولون يعقل .. لا ماراح يعقل


المشكلة الحقيقية أننا في مجتمع غريب


ان قلت طيب هو طيب وان قلت أقشر


هو أقشر مرة يثنون على الشين


والزين ومرة يسبون الشين والزين




هم نفس الناس تسئلهم قبل الزواج يمدحونه ويطيرونه بالسماء
بعد الطلاق يتغيير كلامهم وتطلع العيوب طيب لييه ماقلتوا كذا قبل :(


والافضل هو زواج


الاقارب على الاقل تكون المعرفة اكثر



اعتقد افضل شي ع الاقل يكونوا عارفينه



وهي بعد الاب والاخوة عن اختهم


وزوجها بعد الزواج فبعض الناس


لايتقربون منهم وتكون العلاقة بينهم


شبه معدومة وهذا خلل كبير.


قرب الوالد والاخوان ضروري للبنت وخاصه بالايام الاولى من الزواج .

[shahd2007]

قضيه لآتعليق عليييييه

ي كثر هالاشخـآص وهالنوعيـآت بالححياةة

اهم شي ولدهم يتزوج ايش هو وكيف حياته وشلون عايش

م يهم والناس الله الله بالمدح حدث ولآحححرج م كــآنه اللي

بيصير زوآج وعشرة عممر

ومع هذـآ كله البنت هي اللي تنلاـآم


برآيفت\ يممكن بعد الشبـآب يعانون من نفس الشي مافي

مصدآقيه ابدـآ من حيث الاجابه عن كلاـآ الطرفييين مع ان

الآمر مهم كثيييييير بس النـآس م عطته أهمميه ابدـآ

تحت ششعار (بمدح فلاـآن عشـآن م يزعل )

يزعل ولآتتدمر حياة اثنين بعـد أششهر ْ


الله المسستعــآن بس ْْيستر علىآ الجميع :)


يمـآل العـآفييه ْشششهد :)

هي المشكله من الاهل ..
يضغطون عليه لمين يتزوج وهو ماعنده اي استعداد
يكون رجل وقد المسئوليه او يقدر الميثاق
ع باله بنات الناس لعبه يتزوجها شهر او شهرين
وترجع مطلقه اواحيانا بأحشائه جنين :(
اكيد البنت الملامه بمجتمعنا ولا هو طاهر ومافيه شي ماكأن العصمه بيده


اآمين الله يستر ع الجميع ...

[shahd2007]

قال تعالى : ( الخبيثات للخبيثين والخبيثون للخبيثات والطيبات للطيبين والطيبون للطيبات ) . (http://www.buraydh.com/forum/#docu):4_1_107[1
هكذا هي المعادله الربانيه .
يجب على كل فتاة أن تكون فتاة صالحة مطيعة لربها محافظة لفروضها قريبة من ربها حافظة للسانها وفرجها متسترة وحينها سيوزوجها ربها برجل طيب .
كذلك الشاب يجب أن يكون محافظا على فروضه قريبا من ربه مطيعا لأوامره مجتنبا نواهيه حافظا للسانه وعورته حينها سيوزوجه الله بفتاة طيبه والعكس صحيح .
مشكلتكم غافلين عن هالنقطه وماغير متعنقطين سب وقذف لأبو سروال وفنيله علاقيه .

الله يجعلنا من الطيبين ..

موب غافلين عنها يا ابو عراده بس احيانا نخدع بالشخص اللي امامنا من كثر مدح الناس له ..ونتوقع انه من الطيبين :(

لاتخاف ابو سروال وفانيله آخذ حقه ثالث مثلث بهالديره قطع :(

[احمد النجم]

ابسئل ..


ليه ماتكون عندكم الجرائه وتقولون الصدق اذا سئلتم عن احد ولا الدعوه امدحني وامدحك

في هذا الرابط للقدير (الرمــادي) اراء أضافيه عن هذا المنعطف المهم في الدخول للحياه الزوجيه الجديده :



http://www.buraydh.com/forum/showthread.php?t=260536

[ابو عراده]

ابونجم .. الآن عرفت .
سقطت الأقنعه ..فإختنقنا ثم رحلنا .:for13:
الله على أيامك يالرمادي .

[احمد النجم]

^
بوعراااده ؟

مافهمت ؟؟

تراك تمسك (الردميه) والله يذكر الرمادي وكل غايب بخير

[ابو عراده]

^

مافهمت ؟؟



على مين يابكاااش .
عيني بعينك ;)

[احمد النجم]

^
يأخي هالموضوع هذا مهم ..
ولا ارغب يقلب رموز ؟

وش تبي بالضبط خابرك (سيدا) (وصريح) . لا تدور (بوش)

[shahd2007]

شهد تدرين وش المشكله !
ان الأم تظل تزَن على راس ولده إلاَ تزوج
شف فلان اعرس وجاه عيال وانت لا
شرايك نخطب لك .... و ... و ..

ليما يطفش الشاب ويسللك لأمه ويقول ايه خلاص
عشان تسكت ولاخطبوا وكل شي وجاء الصدق هوون وقال مابي

يعني الامهات مشتركين بهالبلوى هذي : /

عشان كذا رجاء للامهات لا يبلشون عيالهم بالزواج
كل شي بوقته حلو ولا جاء وقته هو بيجي ويقولك بنفسه

والجلسه ممكن يدعَـي الادب والمثاليه
بس لاصار كذا رجل ويمسكونه من كل الجوانب ملزوم يزل
خصوصاً اذا كان مش ولابد وثقافته صفر : /

والله يعين يابنت الحلال ويوفق ويصلح ويكتب لنا الخيره
<~ عجبن الموضوع عشان كذا رجعت :$

الام ع باله اذا زوجته بيعقل مايسافر ولايشرب
ام ماالومه تبي ولدها يكون اسره ويفتح بيت
ماتدري انها تظلم بنت الناس معه


صدقيني لو يمسكونه عشر رجال بعضهم مراوغ وثقافته عاليه خفايه ماتظهر الا للمقربين


اميين الله يعين ويوفق الجميع
حياتس ربي عروبه الموضوع وصاحبته يتشرف بمشاركتك ❤

[الورده الجريحه]

[quote=الـــفـــ@ــــد;9792159]للحين ا لناس تعيش جهل مركب


يسئلون عن الرجال مع ان عيب الرجال جيبه

اما الان البنات اكثر علاقات واكثر تمرد ومع ذلك محد حصحص وحرص بالسؤال عن البنت وتاريحه المليان بالمغامرات


جودهم على هالشاب المسكين

لا يالفهد الرجل لايعيبه جيبه قال تعالى(أن يكونو فقراء يغنهم الله من فضله )الا تكفي هذه الايه

الرجل تعيبه أخلاقه وطريقة تعامله مع الناس وزوجته وأبنائه

رجل فقير يسترني ويستر أبنائه ويكون مجتهد ومحب للعمل وخلوق

أفضل من واحد دلوع مزوجينه اهله علشان يعقل والضحيه الي

يبي ياخذه
الناس حريصه أكثر عن السؤل عن الرجل لأنه هو القوام هو الي

يبي يسير البيت وهو الي المفترض يصون بيته وعرضه

[shahd2007]

مرحبا شهد
موضوع جدا حساس ويحتاج وقفات ..

نعم هذه الفئة موجودة وللأسف ان نظرتهم الزواج يعقله !!
حرام عليكم البنت حقل تجارب ولا جهاز تعقيل !!
لا ولو حصلوا بالبنت جزء يسير من اللي بالرجل كان قوموا الدنيا ولا قعدوها ..



اهلا فيك فانتازيا
بجد موضوع مهم وخصوصا كثره نسبه الطلاق عندنا
مشكله اللي نظرتهم كذا
مدري من اللي قايل لهم البنت والزواج يعقلهم
يمكن من زمان كان يعقلهم يوم حدهم النوم تحت النخل والتكاسل عن فلاحه الارض
لكن اللحين زواجهم يزيد المشاكل والطلاق بمجتمعنا
لو حصلوا البنت ماتعرف تطبخ رز كان قوموا الدنيا وطلقها

[الورده الجريحه]

مساء الخير شهد

الزواج الحين يعتمد على الحظ أنتي وحظك ياعسل أو مر

لو يبتلون الأهل يسئلون فيه أشياء كثيره ماتبين الا بعد الزواج

[shahd2007]

للحين ا لناس تعيش جهل مركب

يسئلون عن الرجال مع ان عيب الرجال جيبه

اما الان البنات اكثر علاقات واكثر تمرد ومع ذلك محد حصحص وحرص بالسؤال عن البنت وتاريحه المليان بالمغامرات

جودهم على هالشاب المسكين


والله الرجل اللحين مايسئل الا هي بيضاء وحلوه وتشبه هيفاء ولا ميريام والباقي مايهمه
وبعين وش يبي يسئل !!
تسافر برا !
ولا تسهر مع اصدقائه بالاستراحات !
ولا تدخن او ماتصلي


حنا مالنا الا الظاهر يا الفهد واغلب المشاكل من الرجل

[shahd2007]

بلا ذي ولاذي السبب الرئيسي للطلاق

تمر الزوجة على الزوج بنات بلاك بيري وهمبرجر وتربية شغالات

وفقر وطيش وسفه الزوج .


بالتوفيق

بس البنت موب باايدها العصمه
والبنت ماتضرب ولاتسكر حدها تنام وتنسى تسوي له غداء هذا اكبر غلط يمكن تسويه 😂

[shahd2007]

على فكره المفروض يسال عن الزوج واحد وعن البنت الف واحد

ياساتر !!!
ووش يسئلون عن البنت وش صيغه الاسئله بس

ذكرت وحده تقولي عن سؤال وحده الله يشفيه هي وولده ولا يبلانا
وقاحه بكل ماتعنيه الكلمه 😡

[تركـي]

شهد ...

الموضوع مهم فعلا
وهو يتعلق بمصير إشخاص وعشرة عمر ..

مشكلتنا ...
البعض كأنه بيناسب آم العروس أو ابو العريس ..
مع أن الآختيار للعائلة له دور ...
لكن الأهم هو العروسين المعنيين بالأمر ..

الشاب .. قد يمر عليه مرحله في شبابه طيش ..
ولكن لا تصل الى الأمور الى رفضه ..
آغلب اللي تزوجو البرنت لك عليه لكن إذا حس بالمسئولية تتغير مجاري حياته ..
الآ عااد اللي شاطح بتصرفاته .. هذا الزمان يربيه ..
ولو كل بيسئل ويدقق كان جلسن البنات ببيوتهن الآ من رحم ربي ..

مع العلم .. بأن آولياء الأمور آكثر مايهمهم هو الوظيفه لتأمين مستقبل بنته ...
كعنصر أول آساسي لآختيار زوج لابنته وبعدها يأتي العناصر الآخرى ..
مثل الآستقامة والصلاة ..


لكن السؤال ... اذا كانت البنيه مش ولا بد .. ؟؟
وهذا يعتبر حالات شاذه
ماذنب ذلك الشاب لكي ينشبونه برقبته .. ؟؟
وهو الذي يريد أن يكمل نصف دينه .. ويستقر
والعكس صحيح ..

[shahd2007]

في هذا الرابط للقدير (الرمــادي) اراء أضافيه عن هذا المنعطف المهم في الدخول للحياه الزوجيه الجديده :



http://www.buraydh.com/forum/showthread.php?t=260536نفس تسائلي موضوع الرمادي 😥


فيه احراج لك ايها الرجل اذا قلت فلان فيه كذا وكذا
ليه ماتصدق وتقول اللي تعرف عاد زوجوه ولا رفضوه اهم شي تبرئ ذمتك

[shahd2007]

مساء الخير شهد

الزواج الحين يعتمد على الحظ أنتي وحظك ياعسل أو مر

لو يبتلون الأهل يسئلون فيه أشياء كثيره ماتبين الا بعد الزواج

مساء الخيرات الورده ❤
والله اللي اشوفه واسمع انه مر ومر
مايمدينا نقول فلانه تزوجت الا وهي مطلقه
فيه اشياء ممكن تتعايش معه بعد الزواج وسلوكيات ممكن تتحملها البنت
لو اللي يسئل يصدق ويكون عنده ذمه ماكان شفنا كثرة حالات الطلاق عندنا

[bant tamim]

على فكره المفروض يسال عن الزوج واحد وعن البنت الف واحد


ليه معصب :)
انت يمكن مامرت عليك مثل هالحآلات مانقول حنا كل شي ع الولد لاا البنت والولد كلهم لابد السؤآل عنهم..

بس وش الفرق بين البنت والولد
البنت اذا بتسأل عنه اسأل عن امها قبل لان البنت تتبع امها
وبنت البلآك وبنت البرقر ع قولتك تعدل بعد الزوآج يوم تتحمل المسؤليه
وبأمكآنك تبحث عن غيرها
بس البنت لاطآحت بسكير مريض نفسي بالله هذا وش تقدر تعدل فيه لانه مفتوون في هالبلاء مايقدر يتركه
لكن المغزا من الموضوع هو انه يوم تسأل يكذبووون مايقولون الصدق

هذا اللي يقهر:(

[shahd2007]

شهد ...

الموضوع مهم فعلا
وهو يتعلق بمصير إشخاص وعشرة عمر ..

مشكلتنا ...
البعض كأنه بيناسب آم العروس أو ابو العريس ..
مع أن الآختيار للعائلة له دور ...
لكن الأهم هو العروسين المعنيين بالأمر ..

الشاب .. قد يمر عليه مرحله في شبابه طيش ..
ولكن لا تصل الى الأمور الى رفضه ..
آغلب اللي تزوجو البرنت لك عليه لكن إذا حس بالمسئولية تتغير مجاري حياته ..
الآ عااد اللي شاطح بتصرفاته .. هذا الزمان يربيه ..
ولو كل بيسئل ويدقق كان جلسن البنات ببيوتهن الآ من رحم ربي ..

مع العلم .. بأن آولياء الأمور آكثر مايهمهم هو الوظيفه لتأمين مستقبل بنته ...
كعنصر أول آساسي لآختيار زوج لابنته وبعدها يأتي العناصر الآخرى ..
مثل الآستقامة والصلاة ..


لكن السؤال ... اذا كانت البنيه مش ولا بد .. ؟؟
وهذا يعتبر حالات شاذه
ماذنب ذلك الشاب لكي ينشبونه برقبته .. ؟؟
وهو الذي يريد أن يكمل نصف دينه .. ويستقر
والعكس صحيح ..

وهاذي مشكلتنا ولد الفلان والنعم ...
طيب الاهم هو او هي
محد ينكر دور الاهل وتاثيره ع سلوك اولادهم
محد مايمر عليه فتره طيش وماعمر احد سئل عن سلوك شخص وهو بالمراهقه
لا لازم يسئل ويدقق وتجلس ببيت ابوها افضل 100 مره من تتزوج واحد يطلع كل عقده ونفسياته عليها
اكيد الوظيفه مهمه جدا لكن موب اهم من الصلاه وخلوه من الامراض النفسيه
حالات شاذه تكون البنت موش ولابد

[آرتــيــآحّ ..♥]

كثير كذا , المصداقية مفقودة ,
وإذا بحثنا عن السبب قالوا " لعل الله يهديه ليش نقطع رزقه ! "
يفكرون بالوضع الحالي ولا يفكرون بمستقبل زوجين قد تترتب عليهما أسرة مفككة ,

أحدى القريبات تزوجت بشاب الكل يمدح فيه لكن بعد العشرة اكتشفت أنه يحمل مرض نفسي ,
ويمتلك ملف في الصحة النفسية , سحبوه بالواسطة أثناء الخطبة و أعادوه بعد الزواج !!
تم الانفصال بينهما والفتاة مطلقة في مقتبل العمر !

كلما كان المجتمع أكثر مصداقية وصراحة في هذه الامور كلما كانت نسب نجاح الزواج أكبر , والعكس .

وبالله التوفيق .

~

[منذ مبطي]

ألله يعين. الانسان مايستغني عن الدعاء بالتوفيق مره والا رجل

[آلشــــــــــوش]

-







مشكلة الأغلب عندهم إيمان بـ ( زوجوه ويعقل )
وتطيح فيها بنت الناس ..

ولو نجي للمفروض إن ( الأم ) لا دقت على بيت الناس تخطب بنتهم تقول ولدي فيه كذا من الحسنات والسيئات ..
وكذلك ام البنت .. بس الكل يغطي على عياله .. الا مارحم الله وصرح .

وبالتوفيق للجميع ..

[قلب الأسد]

قول الصراحه والذمه اصبح عمله سهله ..

بعدين الحين هم تزوجوا ولقوا حق المهر علشان يتزوجون بس ههه

[shahd2007]

كثير كذا , المصداقية مفقودة ,
وإذا بحثنا عن السبب قالوا " لعل الله يهديه ليش نقطع رزقه ! "
يفكرون بالوضع الحالي ولا يفكرون بمستقبل زوجين قد تترتب عليهما أسرة مفككة ,

أحدى القريبات تزوجت بشاب الكل يمدح فيه لكن بعد العشرة اكتشفت أنه يحمل مرض نفسي ,
ويمتلك ملف في الصحة النفسية , سحبوه بالواسطة أثناء الخطبة و أعادوه بعد الزواج !!
تم الانفصال بينهما والفتاة مطلقة في مقتبل العمر !

كلما كان المجتمع أكثر مصداقية وصراحة في هذه الامور كلما كانت نسب نجاح الزواج أكبر , والعكس .

وبالله التوفيق .

~

طيب ليه مايكون صادق ويقول اللي يعرفه
ولا عشان يردها له والدعوه كلها مجامله ع حساب بنات الناس
لاحول ولاقوه الا بالله غش وخداع من بدايه الزواج
ربي يعوضها باللي ابرك منه
الحمد لله اذا مافيه ضرر عليها وانتهى الموضوع بالطلاق مافي اي خساير
لكن اللي يقهر اللي يضربها او يعذبها لحاله نفسيه فيه او عصبيه

[الكفاح]

بس البنت موب باايدها العصمه
والبنت ماتضرب ولاتسكر حدها تنام وتنسى تسوي له غداء هذا اكبر غلط يمكن تسويه 😂

صحيح ليس بيدها العصمه

لكن بيدها ان تملك قلب زوجها بالطاعة والمحبة

فيخجل ان يرى امرأة غيرها فما بالك بطلاقها.

الله يوفقكن ويرزقكن

[قلب الأسد]

بس البنت موب باايدها العصمه
والبنت ماتضرب ولاتسكر حدها تنام وتنسى تسوي له غداء هذا اكبر غلط يمكن تسويه 😂

شهد مهب على تسكر وتضرب ! ! نسيتي الرومنسيه

بعضهن لادخل زوجها ريحة البيت تعط كشنه ولجة بزران

وتبتل تعد من الاخطاء اللي تنفر الزوج منها . !

الشي الثاني احياناً يتفاجاء الزوج بعد زواجه ان زوجته لاتجيد

اي شي ومن ثم تبداء المشاكل .

[الكفاح]

ليه معصب :)
انت يمكن مامرت عليك مثل هالحآلات مانقول حنا كل شي ع الولد لاا البنت والولد كلهم لابد السؤآل عنهم..

بس وش الفرق بين البنت والولد
البنت اذا بتسأل عنه اسأل عن امها قبل لان البنت تتبع امها
وبنت البلآك وبنت البرقر ع قولتك تعدل بعد الزوآج يوم تتحمل المسؤليه
وبأمكآنك تبحث عن غيرها
بس البنت لاطآحت بسكير مريض نفسي بالله هذا وش تقدر تعدل فيه لانه مفتوون في هالبلاء مايقدر يتركه
لكن المغزا من الموضوع هو انه يوم تسأل يكذبووون مايقولون الصدق

هذا اللي يقهر:(

معصب قسم مرتاح وعندي شاهي فصفص .

اصلا شفت شخص هنا فتذكرت ظلم بعض الناس للشباب ممن يغرر بهم ببعض ا لفتيات

اما ان البنت تاثر بالام اعتقد هذا قبل 20 سنه

اليوم البنت تقعد كم يوم ماشافت امه وهن ببيت واحد

الله يوفقك

[الكفاح]

بس البنت موب باايدها العصمه
والبنت ماتضرب ولاتسكر حدها تنام وتنسى تسوي له غداء هذا اكبر غلط يمكن تسويه 😂

شهد مهب على تسكر وتضرب ! ! نسيتي الرومنسيه

بعضهن لادخل زوجها ريحة البيت تعط كشنه ولجة بزران

وتبتل تعد من الاخطاء اللي تنفر الزوج منها . !

الشي الثاني احياناً يتفاجاء الزوج بعد زواجه ان زوجته لاتجيد

اي شي ومن ثم تبداء المشاكل .

هذي وانا اخوك مشكلت بعض الفتيات عندما يعتقدن

ان المشكلة في الزوج لانه هو من يتلفظ بكلمة طلق

ماتدري ا نها هي السبب بكثرة مخالفاتها .

[شاها]

-
آهلين بشاهيد حبيبه امه http://vb.eqla3.com/images/smilies/004.gif
والله بالعكس اشوف الناس اللي حولي تخبي ولو اهي فيها بنتهم
مرض له اثاره بعدين وانا اتكلم من شي شفته بعيني مو سوالف مجتمع بنى عبس ,
والولد مقدروعليه بالسؤال البلابالبنت ,




وبرآيي ترجع صاغ سليم مثل ماطلعت من بيت اهله
آرحم من بعد عشرين سنه ومعها كومه
بزران وآووجاع ماتسكن الا بموتهhttp://www.buraydh.com/forum/images/icons/icon9.gif

[آشغلتموها]

ابونجم .. الآن عرفت .
سقطت الأقنعه ..فإختنقنا ثم رحلنا .:for13:
الله على أيامك يالرمادي .


سبحان الله كل يرا الناس بعين طبعه

:c9:

[امرؤ القيس]

سبحان الله كل يرا الناس بعين طبعه



زوايا ضيقة للرؤية

[مهمومة بريده]

والله من الضحايا والسبب المدح المزيف

ياليتهم يقولون ما نعرفة ولا ندري عنه

كان أفضل لكن للأسف الأ مدح ولا كأنه مامثله في هالبلد

وصح أن البنت بعد فيها عيوب لكن أقل من الشاب

وأسباب الطلاق يكون الرجل سببها في الأغلب

[shahd2007]

ألله يعين. الانسان مايستغني عن الدعاء بالتوفيق مره والا رجل

آمين الله يعين الجميع
اكيد الدعـاء والاستخاره ضروري قبل الموافقه او الرفض :)

[shahd2007]

-









مشكلة الأغلب عندهم إيمان بـ ( زوجوه ويعقل )
وتطيح فيها بنت الناس ..

ولو نجي للمفروض إن ( الأم ) لا دقت على بيت الناس تخطب بنتهم تقول ولدي فيه كذا من الحسنات والسيئات ..
وكذلك ام البنت .. بس الكل يغطي على عياله .. الا مارحم الله وصرح .

وبالتوفيق للجميع ..





هلا بشوشو http://www.coalles.com/vb/images/icons/icon25.gif
مجتمعنا مجامل وكذاب ويقدس الولد /:
بعضهن اقل الضرر تطلق لكن توصل يمد ايده عليها او يعذبها او يدخل عليها سكران موب حرام هذا يزوج
يخدعون البنت واهلها بقوله يتغيير ويعقل :(

ههههه تخيلي الام تقول ولدي فييه كذا
هذا الولد مقدددددددس مافيه اي عيب ماتشوفين شهقتهم لقالوا فلانه جابت ولد تبين الام تطلع عيوب ولده /:
تبي تقولك تراى ولدي يحب الحلى http://www.buraydh.com/forum/images/icons/icon10.gif
ويحب مكرونا لازانيا عساه المر http://www.buraydh.com/forum/images/icons/icon10.gif

اميين بالتوفيق للجميع

[ابو عراده]

شهد .. ترى بزماننا هذا كثير من البنات ماضيهن يخوف اكثر من الشاب .
منول البنات درر مصونه ومضمونه لكن حاليا في ضل الإنفتاح التكنلوجي انخدعن كثير من ضعيفات الدين والعقل وأقمن علاقات غير شرعيه مع الشباب .
يعني من هو حاليا يسأل اكثر ؟؟
وترى كثير ممن فسخ خطبته من البنت لأنه اكتشف إن لها علاقات .
واذكر أنا شخصيا كثير من هالنكبات اللي دفعت البنت الغير محترمة ثمن هذا اللعب بالنار .

[shahd2007]

قول الصراحه والذمه اصبح عمله سهله ..

بعدين الحين هم تزوجوا ولقوا حق المهر علشان يتزوجون بس ههه

ابعرف وش الضرر اذا صدقتوا وقلتوا فييه كذا وكذا ..؟
قصدك اهل الذمه انقرضوا /:
الله واكبر ي المهر اللي يقطع القلب خلنا ساكتين بس /:

[shahd2007]

صحيح ليس بيدها العصمه

لكن بيدها ان تملك قلب زوجها بالطاعة والمحبة

فيخجل ان يرى امرأة غيرها فما بالك بطلاقها.

الله يوفقكن ويرزقكن

وهي شافت رجل قدامه عشان تملكه بالطاعه والمحبه
انا اتكلم عن فئه اللي يزوجون مريض نفسي او يكون يشرب او مايصلي
هذا الفكه منه ابرك له من انه تملكه

[shahd2007]

بس البنت موب باايدها العصمه

والبنت ماتضرب ولاتسكر حدها تنام وتنسى تسوي له غداء هذا اكبر غلط يمكن تسويه 😂

شهد مهب على تسكر وتضرب ! ! نسيتي الرومنسيه

بعضهن لادخل زوجها ريحة البيت تعط كشنه ولجة بزران

وتبتل تعد من الاخطاء اللي تنفر الزوج منها . !

الشي الثاني احياناً يتفاجاء الزوج بعد زواجه ان زوجته لاتجيد


اي شي ومن ثم تبداء المشاكل .


قلب الاسد ..
وعطه الكشنه لمين ..!!
عشان اذا جاء سي سيد يبي غداه وعشاه جاهز
بعدين قديم ريحه الكشنه اللحين الفواحات بكل زوايه بالبيوت اعتقد ماتوا حقين ريحه الكشنه

ولجه البزران مااظنه جايبتهم من بيت اهله يعني تحملوا عيالكم

ايوه يتفاجاء انه موب مثل طبخ امه
ويتفاجاء اانها تبيه لها مايطلع وتبي مصروف ووو وهذا سبب المشاكل ماعنده استعداد يتقبل حياته كزوج
وهي ماتطول باله عليه وتحمل دلعه /:

[shahd2007]

-

آهلين بشاهيد حبيبه امه
http://vb.eqla3.com/images/smilies/004.gif
والله بالعكس اشوف الناس اللي حولي تخبي ولو اهي فيها بنتهم
مرض له اثاره بعدين وانا اتكلم من شي شفته بعيني مو سوالف مجتمع بنى عبس ,
والولد مقدروعليه بالسؤال البلابالبنت ,




وبرآيي ترجع صاغ سليم مثل ماطلعت من بيت اهله
آرحم من بعد عشرين سنه ومعها كومه
بزران وآووجاع ماتسكن الا بموته

http://www.buraydh.com/forum/images/icons/icon9.gif






هلا بالشيخه شاها http://www.coalles.com/vb/images/icons/icon25.gif
البنت وش يبي يصير فيها غير ماتعرف تطبخ
عاد المرض ابتلاء من الله وهذا غش اذا ماخبروا الخاطب فيه
يسئلون ي شاها بس محد يصدق
يتوب ويعقل ويتغير
والضحيه الضعيفه اللي بيتسكر باب عليها مع هالمريض
مثل القصه اللي ذكرته ببدايه الموضوع

[shahd2007]

والله من الضحايا والسبب المدح المزيف

ياليتهم يقولون ما نعرفة ولا ندري عنه

كان أفضل لكن للأسف الأ مدح ولا كأنه مامثله في هالبلد

وصح أن البنت بعد فيها عيوب لكن أقل من الشاب

وأسباب الطلاق يكون الرجل سببها في الأغلب

كلام سليم http://www.buraydh.com/forum/images/icons/icon14.gif
صح لويقولون ماندري احسن من مدحه
مانقول البنت مافيها عيوب بس اهون من الولد واقل ضرر ..

[shahd2007]

شهد .. ترى بزماننا هذا كثير من البنات ماضيهن يخوف اكثر من الشاب .
منول البنات درر مصونه ومضمونه لكن حاليا في ضل الإنفتاح التكنلوجي انخدعن كثير من ضعيفات الدين والعقل وأقمن علاقات غير شرعيه مع الشباب .
يعني من هو حاليا يسأل اكثر ؟؟
وترى كثير ممن فسخ خطبته من البنت لأنه اكتشف إن لها علاقات .
واذكر أنا شخصيا كثير من هالنكبات اللي دفعت البنت الغير محترمة ثمن هذا اللعب بالنار .


ماضيهن يخوف ..!!
تطلع مع شباب ولا تسافر برا وتقيم علاقات ولا تسكر ولا تدخن ولا ماتصلي
يعني البنت اقل ضرر من الولد
وبعدين من تسأل صعب جدا بمجتمعنا تسأل عن البنت
الا اذا بيشوف صفحه التويتر ويفتشه جواله http://www.buraydh.com/forum/images/icons/icon6.gif
تدري اول مايسأل الشاب امه او خواته عن اللي بيخطب حلوه / بيضاء / من تشبه اي مطربه او ممثله :/
اتحدى واحد يسئل عن دينه
اتحدى
اتحدى
اتحدى

والله ي نكبات البنات اكثر
مجتمعنا مايرحم ودايم يحملون البنت السبب

[بدرالوابلي]

بعض الناس يبون الرجل ملك منزل لبنتهم ؟ ومايناظرون عيالهم اللي يبلون بهم بنات الناس ؟
مافيه رجل كامل ولامره كامله
اهم شي الامانه والاخلاق اللي وصى بهن الرسول عليه السلام بالنسبه للرجل
والدين بالنسبه للمره والباقي يزول
بعدين نلاحظ ان كثير من الناس مافيه يعتمدون على المظاهر وقولة ولد الفلان وتلقاه اكبر مجرم
بينما اذا كان على قد حاله حطوا بوه 70000 عذروب
اما أذا كان عنده دراهم أو يرجون منه ورث غمضوا عيونهم !!
النيه مطيه يقولون الاولين

[shahd2007]

بعض الناس يبون الرجل ملك منزل لبنتهم ؟ ومايناظرون عيالهم اللي يبلون بهم بنات الناس ؟
مافيه رجل كامل ولامره كامله
اهم شي الامانه والاخلاق اللي وصى بهن الرسول عليه السلام بالنسبه للرجل
والدين بالنسبه للمره والباقي يزول
بعدين نلاحظ ان كثير من الناس مافيه يعتمدون على المظاهر وقولة ولد الفلان وتلقاه اكبر مجرم
بينما اذا كان على قد حاله حطوا بوه 70000 عذروب
اما أذا كان عنده دراهم أو يرجون منه ورث غمضوا عيونهم !!
النيه مطيه يقولون الاولين


مايبونه ملك منزل بس يحفظ الامانه اللي زوجوه
موب يرجعها لاهلها وهي مصابه بحاله نفسيه من اللي شافته
امساك بمعروف او تسريح بااحسان
اكيد محد كامل بس اشياء ممكن نتغاضى عنها ونتحملها سواء كانت من الرجل او الحرمه

هاذي المشكله اذا صار ولد الفلان
خلاص اهله اجاويد وابوه رجل >> طيب هو موب مثلهم
عاد الدراهم لها نسبه من القبول لدرجه مستعدين يتغاضون عن صلاته ونفسيته اذا معه صرافه ذهبيه 😔💔

[زين نجد]

موضوع جداً قيّم..


أقسم بالله الذي لا إله إلا هو لو أنه أخي أو ابني فأنا أُعاهد الله أن أقول الصدق..


ويعلم الله أن هناك من تغير عليّ بسبب هذا الأمر


آخرهم شخص أواجهه يومياً وقد استشارني لو أُسأل عنه فقلت له رأيي فيه الذي لم يتوقعه فغضب مني وهجرني..


الكثير للأسف لا يعلم بأن هذه أمانة ومع ذلك لو سألته وقلت له:


هل ترضى أن أغشك في أختك أو ابنتك فإن الجواب بالتأكيد سوف يكون لا ..


إذن.. ما بال أقوامٍ باعوا الذمم ومدحوا من ليس أهلاً للثناء..


ألا يعلمون بأنهم محاسبون على هذا الأمر العظيم


ألا يخشون أن تدور الدائرة عليهم يوماً من الأيام وهذا لاشك فيه.


ألا يُدركون بأن هذه عشرة عمر وأنهم مؤتمنون بأن يقولوا الصدق بكل شفافية ووضوح.


ولكن إذا ذهب الدين والخوف من الله ذهب كل شيء..


أعوذ بالله أن نكون منهم..


أتعلمين أن هناك من يترك لحيته فترة الخطوبة وبعدها ثم لا يلبث أن يحلقها بعد الزواج..!


أتعلمين أن هناك من يُشيع أمام الجميع بأنه ترك الدخان والسفر لأنه يريد أن يتزوج أثم إذا ما انتهى الأمر رجع لدخانه وسفرياته..!


والأمر في هذا الجانب يطول ولدي شواهد فأنا لا أتحدث إلا بشيء رأيته وعايشته والله يشهد علي بذلك..


آخرها والدة أحد الأزواج وبعد أن تم الطلاق لأن ابنها نفسية وليس بالإنسان السوي وحسبي الله على من مدحه لهم وهو بخلاف ذلك..


المهم تقول لأم طليقته إن سألكم أحد عن ابني وذكرتم العيب الذي فيه فسوف أنشر بأن ابنتكم نفسية بل وتخضع للعلاج الذي لا تستقيم حالها بدونه.


أعوذ بالله من هؤلاء..


وأعوذ بالله أن أكون من الظالمين..


وفي النهاية.. أنا أضع اللوم على ولي الأمر الذي لا بد وأن يتثبّت ويتريض كثيراً في السؤال عن الخاطب


للأسف أنا لا حضت أن البعض لا يهتم بالسؤال أبداً بل ويستعجل الرد وهذا خطأ كبير فلابد من السؤال في الحي والعمل


وليبدأ من إمام المسجد ورجال الحي ومديره في العمل وينتهي بمن يُجالسهم.


ويتحرى في السؤال أصحاب الدين العقل.


آسف للإطالة


تقديري،،

[شاعر الاماكن]

شايب زارني بالعمل وسألني من انت ؟

قلت له فلان ابن فلان الفلاني ..

قال ونعم اجل ابوك فلان ..

قلت ماعليك زود والنعم فيك ..

قال ترى ابوك رفيق لي من 45 سنه بس انشغلنا وخذتنا الدنيا ( والله يذكر ذيك السنين بخير ) ..

من باب الدعابه قلت له ( اجل ايام عز الشباب )

ضحك الشايب وحسيت فيه شي ..

ابتسمت وقلت والله مدري عنكم انت وابوي ههههه

قال الشايب ( شوف يا وليدي مافيه شجره ما هزها الهوى )

ما اجمل هذا الرد الحكيم ..

بالفعل مافيه احد ما يمر عليه سفاه او تمر في حياته اشياء كثيره لا البنت ولا الولد ..

اللي حاب اوصله لكم شي بسيط ان كل شخص منا له ماضي والذكي اللي ما يخلي ماضيه هو مستقبله يعني النظر للامام بدون البقاء في نفس المكان .. < ركزوا عليها كثير

الشاب :

لا نوى الزواج ليت يفكر تفكير عميق ان بنت الناس مو لعبه وانها تركت اهلها وكل من يعز عليها على شان تعيش معك وبفقرك وغناك وبتكون زوجتك وشريكة حياتك ولا تنسى ان الزواج مشاركه وابناء وركز على ( ابناء ) يعني لا صرت طيب ونظيف وعاقل بتكون ( فخر لابنائك وبناتك ) ..

البنت :

لا تفكرين بالدنيا وفكري فقط كيف تخلين زوجك يطالعك اجمل زوجه واطهر زوجه .. ابتسمي له في كل وقت وفكري كيف تعيشينه احلا واجمل عيشه وابتسمي حتى في وقت غضبه ونسيه همه ولا تنسين الشي المهم ( امه وابوه ) ونفس النصيحه لا صرتي طيبه وخلوقه ونقيه ( ابنائك يفخرون فيك )

نقدر نسوي البلاوي خلف الجدران ( نسكر ونتعاطى المخدرات ) هذا من خلف الجدران وبدون ما احد يشوفنا ..

لكن نهرب من البشر ونخاف البشر ولا نخاف من ( رب البشر ) !!

اللي بيفكر بالزواج ( شاب او بنت ) لا يوافق الا بعد ما يعرف قيمة الزواج وان الانسان لا بد ان يتغير وبتتغير حياته كامله ..

رساله اخيره :
الى كل شخص يتم سؤالك عن رجل لموضوع زواج .. قول اللي تعرفه فقط اللي تعرفه عن الشاب واحذر تزيد او تنقص ..

والعكس صحيح للمرأه ..

شهد مشكوره على الطرح والشكر للاخوه جميعا على المشاركه ..

[shahd2007]

زين نجــد


موضوع جداً قيّم..


شكــرا لك


ويعلم الله أن هناك من تغير عليّ بسبب هذا الأمر


آخرهم شخص أواجهه يومياً وقد استشارني لو أُسأل عنه فقلت له رأيي فيه الذي لم يتوقعه فغضب مني وهجرني..


جزاك الله خير اللي بتقول الصدق
يزعل يوم او اسبوع او شهر لكن مااخدع الناس وامدحوه
لانه غش وكذب وخداع اني اقول شي ماهو فيه /:
اهل الذمه والضمير قله اللحين

مشكله الزواج عندنا مثل بيضه كندر ماتكتشف وش فيه الا بعد ماتجربه
الاهل والاصحاب والقرايب بيمدحونه ..!!
وبعض الاهل مايشددون بالسؤال عن الخاطب اهم شي نظره المجتمع الغبيه لتاخر الفتاه عن الزواج /:



آخرها والدة أحد الأزواج وبعد أن تم الطلاق لأن ابنها نفسية وليس بالإنسان السوي وحسبي الله على من مدحه لهم وهو بخلاف ذلك..


المهم تقول لأم طليقته إن سألكم أحد عن ابني وذكرتم العيب الذي فيه فسوف أنشر بأن ابنتكم نفسية بل وتخضع للعلاج الذي لا تستقيم حالها بدونه.


أعوذ بالله من هؤلاء..



لاحول ولاقوه الابالله
موب كفايه ضحيه وحده لازم ثلاث او اربع ضحايا


وفي النهاية.. أنا أضع اللوم على ولي الأمر الذي لا بد وأن يتثبّت ويتريض كثيراً في السؤال عن الخاطب




كل اب حريص على بنته بس الناس تخدع وماتقول الصدق
ماعاد فيه ذمه ولاضمير ولااحد يهتم اصلا اهم شي ولد الفلان والنعم :/

[shahd2007]

شاعر الاماكن ..


قال الشايب ( شوف يا وليدي مافيه شجره ما هزها الهوى )

ما اجمل هذا الرد الحكيم ..



حكيم
مافي احد مايمر بفتره طيش لازم بتمر بفتره المراهقه وشباب بعضهم تستمر والبعض يكبر ويعقل



الشاب :

لا نوى الزواج ليت يفكر تفكير عميق ان بنت الناس مو لعبه وانها تركت اهلها وكل من يعز عليها على شان تعيش معك وبفقرك وغناك وبتكون زوجتك وشريكة حياتك ولا تنسى ان الزواج مشاركه وابناء وركز على ( ابناء ) يعني لا صرت طيب ونظيف وعاقل بتكون ( فخر لابنائك وبناتك ) ..




الاهم يكون رجل امساك بمعروف او تسريح بإحسان
موب لازم يسوي فلم وقصص ويغربل اهلها عشان يطلقها



البنت :

لا تفكرين بالدنيا وفكري فقط كيف تخلين زوجك يطالعك اجمل زوجه واطهر زوجه .. ابتسمي له في كل وقت وفكري كيف تعيشينه احلا واجمل عيشه وابتسمي حتى في وقت غضبه ونسيه همه ولا تنسين الشي المهم ( امه وابوه ) ونفس النصيحه لا صرتي طيبه وخلوقه ونقيه ( ابنائك يفخرون فيك )



البنات ماعليهن قل مفهوميه بهالامور بس تبي اللي يشوف هالشي ويقدره
تمر عليها فتره دلع تبي طوله بال وواحد يتحملها
موب يروح لاامه ويقول مليت ولا يمد ايده عليها عشان شي تافه /:


رساله اخيره :
الى كل شخص يتم سؤالك عن رجل لموضوع زواج .. قول اللي تعرفه فقط اللي تعرفه عن الشاب واحذر تزيد او تنقص ..




+1


العفو شاعر الاماكن حياك الله

[" TWIX "]

من لا يقل الصدق بحق بنت الناس
سيجد من يكذب عليه في بنته ( فمكا تدين تدان )

[ألمــاس]

هذا الظلم بعينه وغالبا البنت اهي اللي تدفع الثمن
حسبي الله ونعم الوكيل
الله لايوفق كل ظاالم

[shahd2007]

من لا يقل الصدق بحق بنت الناس


سيجد من يكذب عليه في بنته ( فمكا تدين تدان )


اكيد راح يكذب عليه وراح يشوف هالشي باأقرب واحب الناس له :)

[shahd2007]

هذا الظلم بعينه وغالبا البنت اهي اللي تدفع الثمن
حسبي الله ونعم الوكيل
الله لايوفق كل ظاالم

هذا الخداع والغش والكذب بعينه
لما تمدح شخص ع النقيض من كلامك
ودائما الضحيه هالمخلوق الضعيف :(

آمين حسبنا الله ونعم الوكيل