..... ( خطيبي ماله شخصية وبخيل مره ) .....!!

[المنطق]

اهلين كيفكم ..؟؟

هي تقول ..

خطبني شاب ذو خلق ودين ..

http://abululwh.com/wp-content/uploads/2012/10/version4_44442_340_309_.jpg
وبعد سؤال اهلي عنه تمت الموافقة عليه ..

طلب من اهلي الموافقة على عقد النكاح ..

لأستكمال بعض الأجراءات مثل كرت العائله ..

والجواز وقرض الزواج وبعد الحاحه تمت الموافقه من قبل اهلي ..

بدون تحدبد او استلام المهر فعلا تم عمل عقد قران رسمي ..

واستلمه من المحكمه الشرعية واصبحت زوجته على سنة الله ورسوله ..

بعدعدة مكالمات بيني وبينه اقنعني للخروج لأحد المطاعم معه ..

الصراحه فرحت جدا للتعرف عليه عن قرب اكثر ..

وكانت اخلاقه عاليه جدا ويبدو عليه الألتزام ..

لكن مع الأيام وتكرار الخروج والتنزه معا ..

اكتشفت او تكشفت لي بعض جوانب شخصيته ..

كان مهزوز الشخصية يعتمد اعتماد شبه كامل على امه وخواته ..

واكتشفت اهم من هذا انه بخيل جدا ومادي جدا ..

من خلال كثرة اسئلته المتكرره بكم شريتي هذا الفستان أو بكم شريتي المكياج ..

وهذا غالي في انواع ارخص وكم راتبك وكم تعطين اهلكي وكم تصرفين وكم فاتورة جوالك ..

وكانت الطامه الكبرى والأكتشاف الخطير ..

كنا نتعشى في احد المطاعم وبعد العشاء ..

طالبني ان اتشارك معه في دفع حساب المطعم ..

ومره ثانيه طلب مني دفع الحساب لوحدي عشان عليه التزامات هذا الشهر ..

لعلمكم لم يكن من متوسطي الدخل بل كان مدرس ثانوي وراتبه ممتاز ..

عندها اكتشفت انه بخيل ويحب الريال ..

ومن صفاته السلبية كثير المقارنة بيني وبين اخواته بالبس وطريقة وضع المكياج ..

ومن ايجابياته نظيف جدا ومرتب ولا يدخن ..

انا محتاره جدا ..

هل احاول معه بفسخ عقد القران والطلاق ..؟؟

ام استمر معه رغم بخله الشديدوشخصيته المهزوزه ..؟؟

[احمد النجم]

ام استمر معه رغم بخله الشديدوشخصيته المهزوزه ..؟؟




هالصفتين ظاهرهن سلبي وباطنهن(خير مخفي)
البخيل يبي يترك(أرث) يسوى .والاعمار بيد الله .
والمهزوز عباره عن ريموت كنترول بيد هاللي تشره قبل ماتدخل حياتها الجديده

اتوقع هو نفس الشيء يشكي وضعها للي حوله .... وكلٍ يرى نفسه يعادل قبائل.

[نـ سـ ـرين]

. ومن ايجابياته نظيف جدا ومرتب ولا يدخن ..

هذه الصفات يندر أن توجد في رجال هذا الزمن..

وليس هناك إنسان بدون عيوب وعيبه هذا يمكن علاجه أفضل مليون مرة
من رجل سلس وسهل لكنه يدخن.. التدخين يجعل مزاجه معكر وسريع الغضب
ومشتت الذهن.. أنصحها بالاستخارة واتمام الموضوع إن هي كانت تشعر
بالراحة نحوه بشكل عام..فالانسجام والشعور بالتفاهم هو أهم شيء
بين الزوجين ومعه المشاكل يمكن حلها بسهولة
وأسأل الله تعالى لها التوفيق

[عبق الريحان]

اول وخير ماتبداء به هو الاستخااره .فما خاب من استخار ولاندم من استشار.ثم تستشير ابيها او احد اخوانهاابحيث تتوفر فيه شروط المستشار المتعقل ويكون ممن هو اهل للثقه..
ولا تنسى الدعاء لله في ساعات واوقات الاجابه
اسال الله ان يفرج همها ويرزقها التوفيق لاختيار ماتتم به سعادتها الابديه باذن الله..

[قـتـالـه]

شوفي بسألك سؤال يخص دراسه انا قاعده اسويها
ومن جد ابي اجابه صادقه :|

انشديها هو املط او لا ؟
يعني يزلط الشارب ؟
كم رقم شاربه ؟

انتظر الاجابه تكفين وراي بحوث وتجارب :|

[shahd2007]

واكتشفت اهم من هذا انه بخيل جدا ومادي جدا ..

من خلال كثرة اسئلته المتكرره بكم شريتي هذا الفستان أو بكم شريتي المكياج ..



واتسبديه وشو هذا وش صنفه !!!!

هذا وهي عند اهله كذا وشلون اذا صارت ببيته 😭😂

بكيف الشخصيه موب لازم احسن له تمشيه هي بالريموت كنترول بس البخل اللي ماله حل

[عزف الحقيقة]

حياك المنطق

...

هذا يملك أهم أقبح صفتين في الانسان ..

أنا أول احسب البخيل يبين من مظهرة

لكن للأسف بديت اشوف ناس كشخه

ومن ثم اكتشف انه بخيل !!

نصيحتي تفسخ العقد

لأن مهزوز الشخصية والبخيل مستحيل

تعديله .

[مهمومة بريده]

مهما كانت مميزات الرجل وفيه صفة البخل هذه لايمكن تعديلها

فهي تطغي على كل إيجابياته


وجهة نظر الفكة منه سلامه

من أول السلم ولا بعد أطفال يضيعون أو يكونوا ضحية ومساومة للبقى معه

[ع ـروووبة]

ومن صفاته السلبية كثير المقارنة بيني وبين اخواته بالبس وطريقة وضع المكياج ..

ومن ايجابياته نظيف جدا ومرتب ولا يدخن ..


انا محتاره جدا ..



اول شي وآخر شي بهالامور ( الاستخاره ) لأن ربي اعلم بالخيره له سواء الحين او بعدين ...

يمكن هالرجل من النوع الصلصال اللي يتشكل ويتغير ويمكن تخلي منه شبيه لحاتم الطائي ما يندرى ,
بس عموماً الصفات الايجابيه مب ذاك الزود اللي تحده تجلس معه علشانه كله عااديه
النظافه والترتيب والتدخين تعتمد عليك انتي وتقدرين تغيرينه بعد الزواج ...

بس البخل والمقارنه والشخصيه الخربوطيه أخيس شي بالرجل وصععب تتغير لو وش ما سويتي
وراح تتعبين معه كثير عشان كذا اول الاشياء اللي تسأل عن الرجل دينه وكرمه وأخلاقه
ومدامه بهالشكل صعب تتكيفين مععه فالإنسجااب من البدايه أحسسن حل : )

والله يوفقـه ويكتب له الخيـره وكل محتـار ...

[القلم الصريح]

طيعوا شوري المساله بسيطه

رجال باليد ولا عشرة فوق الشجرة
اذا هذي سليباته تراه ولا شي تقرط عليه بسنونها نراي جربت الدنيا زين .
فيه اختين كل وحده تغير الثانية بزوجها
وحده زوجها شجاع وصاحب راي وهيبة والثانيه زوجها رخمه مثل زوج البنت صاحبة الموضوع ..

بتلا تقول لاختها :

شوقي غلب شوقك على هبة الريح
.............. ومحصلٍ فخر الكـرم والشجاعـــــــه
ركاب شوقي كل يـومٍ مشاويـــــــــح
..............وإذا لفا صكـوا عليـه الجـــــــــماعـه
يالبيض شومن للرجال المفاليـــــــــح
..............لا تقربن راعي الـــــــردى والدناعـه


فأجابتها أختها مويضي بقولها:

ما هو بخافيني رجـال الشجاعـه
......................ودي بهم بـس المناعيـر صلفيـن
اريـد منـدسٍ بوسـط الجماعـه
.....................يرعى غنمهم والبهـم والبعاريـن
وإذا نزرتـه راح قلبـه رعاعـه
..................يقول يا هافي الحشا ويـش تبغيـن
وان قلت له هات الحطب قال طاعه
..................وعجلٍ يجي بالقدر هو والمواعيـن
لو اضربـه مشتـدةٍ فـي كراعـه
...................ما هو بشاكيني ولا الناس داريـن
__________________
http://bdy3.com/vb/islamic-3/misc/progress.gif

[ما فارقة خيالي]

اول شي انصحك فيه بـ(الاستخااارهـ ثم الآستخااارهـ ) والدعــآآء !


ومن ايجابياته نظيف جدا ومرتب ولا يدخن ..




وبعدين ياقلبي انتي اغلب الرجال فيهم هالصفات
ومن وجهة نظري البخيل لآ يطاااق
لان زينة الرجل بكرمه وشهامته
وذي حياة و عمر واللي خلاكـ تدفعين فاتورة مطعم وانتم فترة ملكه
بعد الزواج ايش بيخليك تدفعين ؟!

وثانياُ : انتِ تقولين مهزوز شخصيته وهذا يمشي على كيف اهله
فبيقلب حياتك جحيم .

اتمنى لك التوفيق والسعادة
والله يخيرك الخيره المباركه !

[يوسف ناصر]

ترى الصحابه والتابعين ماتو ..
مابقى منهم أحد ..
لا تحلمين بالكمال ..
توكلي على الله وتزوجو ..

[كروومه]

ام استمر معه رغم بخله الشديدوشخصيته المهزوزه ..؟؟






اعوذبالله اقبح صفتين فيه
الله يعينك
والله لو يحط القمر بيد والشمس بيد ماتزوجه
ولايمكن تعدلينه مهما كان
البخل صفه ملازمه للانسان من صغره
والشخصيه المهزوزه من سوء التربيه والله اعلم

عموما عليها بالاستخاره فاربما تصلح مافسده الزمن
تمنياتي لها بحياة سعيده

تحياتي المنطق

[liilas]

-




بخيل ومهزوز الشخصية ويقارن بيني وبين خواته
وش بقى من الصفات القبيحة ما صارت به http://www.buraydh.com/forum/images/icons/icon11.gif
ديني ويدن اللي يقارن بيني وبين احد ,, ودي احرقة لين يصير رماد
هذا البعد منه سلامة

[المنطق]

هالصفتين ظاهرهن سلبي وباطنهن(خير مخفي)
البخيل يبي يترك(أرث) يسوى .والاعمار بيد الله .
والمهزوز عباره عن ريموت كنترول بيد هاللي تشره قبل ماتدخل حياتها الجديده

اتوقع هو نفس الشيء يشكي وضعها للي حوله .... وكلٍ يرى نفسه يعادل قبائل.


حرام عليك تبيها ..

تنتظره لين يموت وتارثه ..

احمد النجم ..

(http://www.google.com.sa/imgres?q=%D8%A7%D9%8A%D9%82%D9%88%D9%86%D8%A9+%D9% 88%D8%B1%D8%AF%D9%87&um=1&hl=ar&safe=active&sa=N&biw=853&bih=421&tbm=isch&tbnid=b7jumuqfY6QJGM:&imgrefurl=http://vb.eqla3.com/forumdisplay.php%3Ff%3D7&docid=vT_Ory3ATtIRgM&imgurl=http://vb.eqla3.com/images/icons/icon39.gif&w=30&h=39&ei=-liCUOOtHOrQ4QSSmIGQAw&zoom=1)

[المنطق]

هذه الصفات يندر أن توجد في رجال هذا الزمن..

وليس هناك إنسان بدون عيوب وعيبه هذا يمكن علاجه أفضل مليون مرة
من رجل سلس وسهل لكنه يدخن.. التدخين يجعل مزاجه معكر وسريع الغضب
ومشتت الذهن.. أنصحها بالاستخارة واتمام الموضوع إن هي كانت تشعر
بالراحة نحوه بشكل عام..فالانسجام والشعور بالتفاهم هو أهم شيء
بين الزوجين ومعه المشاكل يمكن حلها بسهولة
وأسأل الله تعالى لها التوفيق


نسرين ..

حاولت اقتنع بوجهة نظرك ..

لكن ماش البخل عيب لا يمكن خله ..

[ام عبددالله]

آهـم شـيء برجـل يكون كريـم وشخصيته قـوية ومعتمد على نفسـه آعتمآد كـلي
وخآصه ذكرتي يعتمد على خوآته وآمـــه :) مآهي مشكله لو يستشير خوآته وآمـه بس آعتمد هذآ بآلمره شخصيته مهزوزهـ
آسحبي عليـه وآلله بيرزقك بوآحد آزين وآحسن منهـ
ولآ تقعدين طول عمرك بآلم وحسـره وندم وقهــــــــر
موفقـه

[سوبر تسليك]

ذكرتيني بااختي ملكت على ولد عمي ونفسسس صفات شرريك حياتك وللاسف ماقدرت تكمل معه تطلقو وكان خيرررر للاثنين

[عازفة ألحان الليل]

بالنسبة لي هو انسان سوي مقارنة لمن يدخن واخلاقه زفت اقصد البعض منهم يعاملون زوجاتهم وكأنهن شيئاً ُيهان و مخلوقة له للإهانه ويأخذ منها مايرغبه فقط ..

[Miss Tala]

البخل مرض صعب الشفاء منه خصوصا للي نشا عليه ..
الصراحه سلبياته صعبه التعايش معها

[شاها]

الحرمة بيدها تخليه سخي سهله ذي
لكن اللي مافي آمل تتحمل شخصيته مهزوزة
وشلون راح تكون حياتهم بعدين والله من التشتت والفوضى اللي ابتصير
والشورى بيد الام والخوات عز الله تفنقشت هه ,

[سحـر الأنوثة]

ان شاء الله ربنا يصلح من حاله ويكون عند حسن الظن ( الصبر )

[القلم الصريح]

اذا الرجال مو مدمن ولا سكير ولا راعي سفرات خوذي بنصيحة قلم صريح تلاقينها ضمن الردوود ...
الشخصبة والبخل يتتصلح مع الوقت صدقووووني .

[تَـرفْ ♪]

-

لو كان بخيل جدا مثل ماوصفت صاحبة المشكلة
ماكان فكر يعزمها على مطعم
كان جاها بيتها او طلعها بسيارته لفتين وبدون اي تكاليف تحسب عليه هه
سالفة البخل يمكن تعدي
بس مهزوزه شخصيته ! هذي صعبة
كيف بيدير بيت واسرة وشخصيته بهالشكل

اللي ينصحون بالطلاق
ترى ميثاق الزواج مو بهالسهولة !
لو كل من صارت له مثل عالمشاكل وتطلق ، ماكان شفنا متزوجين
الحل انها تصبر وتحاول تصلح منه وتدعي ربها

المشكلة ان الشخصيات ماتقدر تعرفها الا بعد الملكة وقتها مافي انسحاب وياماما ارحميني 😞
اتمنى لهم حياة جميلة مليئة بالكرم وقوة الشخصية 😁✌

[زحـل]

إذا كانت كاملة المواصفات تطلب الطلاق قبل مايفكها
أما إذا كانت مجمعه من كل عذروب تسكت وتحمد ربها .
بس بفهم وش اللي بالصوره اللي على اليسار !!