ما رأيكم بهذا الزواج

[بنت محمد]

السلام عليكم ورحمة الله

وش رايكم في الزواجات اللي من هالنوع

النوع الأول: زواج البدوي من حضريه وزواج الحضري من بدويه

والنعم بالكل على العين والراس

طبعا جيل الحين متفتح وما يحبون العنصريه والاغلبيه صار عندها عادي بدوي ولا حضري ماتفرق


النوع الثاني: زواج السني من الشيعيه والشيعي من السنيه

وهذا طبعا للحين اكثر الناس عندنا ماتتقبله

بس انا اعرف بنتين في المنطقه الشرقيه من الشيعه وتزوجوا سنيين

وكذلك اعرف سنيه هناك متزوجه شيعي

وش رايكم

[الفتى السمنسي]

بخصوص زواج الشيعي من سنيه أو العكس حرام وباطل .
قال تعالى :
( وَلاَ تَنكِحُواْ الْمُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ وَلاَتُنكِحُواْ الْمُشِرِكِينَ حَتَّى يُؤْمِنُواْ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ أُوْلَئِكَ يَدْعُونَ إِلَى النَّارِ وَاللّهُ يَدْعُوَ إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ }(221) سورةالبقرة

[طقاقة بدون مايك]

الآول .. مش مشكلة يعني ..آشوف أكثر النآس تطوروآ الحين ..وتغيروآ كثير ..صآبتهم الصحوة..وصآروا يتواخذون من بعض ..عَ حسب مَ آرآه يعني ..


الثآني :- نعم خير وين قآعدين .. !!


يعني أنا سمعت أنه سني تزوج رآفضية بس مَ لبثت الرآفضية فترة إلآ أن تسننت الحمد الله ..بس هذه حآلة وحده فردية..مَ نقيس عليه..

هو من نآحية إنه الزوآج جيًد لِ أنه أدعو لِ مذهبي فكرة حلوة ..خصوصآ إنه أغلب الروافض من العوآم ..يعني ولدت عَ دين أبآئي فَ أنأ مثلهم ...يعني مو مقتنع ..بس لقى أبوآه هيك فّ صآر مثلهم ...بس عَ فكرآ بِ نفس الوقت الفكرة غير مضمونه ..وبه مغامرة خطيرة .



#_أسمع السؤآل اللي ممن النوع الثاني تبع المذ1هب كثير هذه الآيآم .. وش السآلفة يَ ترى .؟!!

[تركـي]

طرح رائع ..
وحالة إجتماعية فعلا تحتاج الى توضيح خصوصا بزواج السنه والشيعه والعكس ..
والحكم الشرعي لهذا الآرتباط ..

وبالنسبة لزواج الحضر والبدو ..
تقريبا موجود وبكثره ..
وحياة البادية تقريبا أندثرت الآ قله يسكنون في البادية ..

والأفضل من وجهة نظري الشخصية ..
كل يأخذ من جماعته وآهله .. عشانهم عارفين بعضهم زين ..
وحلاة الثوب رقعته منه وفيه ..

[هلاوين]

ونعم بالجميع زي ماقلتي

بس يازين اللي ياخذ من ربعه اسلم له من المشاكل و اختلاف العادت والتقاليد

الا تسان واحدة تسوى المجازفه والمخاطرة يسمح له هههههه

اتمنى لك التوفيق

[shahd2007]

بدوي من حضرييه عادي
العكس مايصلح يطيرونه الحموله بقولة ي البدويه
ع اني مااشوفه تزعل عاادي


لكن سنييه تتزوج شيعي او العكس اعتقد حكم الشرع واضح من تزوج المسلمه من كافر

[هلاوين]

بدوي من حضرييه عادي
العكس مايصلح يطيرونه الحموله بقولة ي البدويه
ع اني مااشوفه تزعل عاادي


لكن سنييه تتزوج شيعي او العكس اعتقد حكم الشرع واضح من تزوج المسلمه من كافر

طيب والزوج اذا قالوا له يالبدوي يبي يزعل

ويمكن يطلق بنتهم ولهذ كل يمسك خطه سلم له

[عازفة ألحان الليل]

بالنسبة لحضر وبدو والله هالشي راجع لنفس المتزوجين إذا كنتي او كنت قادر انك تعيش مع الوضع وماهمك خزعبلات المجتمع فراح تعيش وتستمر حياتك واذا كنت لاتستطيع....فأنصحك انك من اولها خليك مع ربعك..
اما الشيعه والسنه ولا ماعندي معلومة ..لكن انا اشوفها من ناحية تربية الأبناء يعني هل يتربون تربية اهل الشيعه واعتقاداتهم او يتربون مثل السنه !!!..هذي مسألة خطيرة ترا ..

اعتذر على الإطالة ..

[ألمــاس]

وعليكم السلام
عاادي زواج البدو من الحضر
اما الثااني اكيد زواج بااطل
اذكر اخوي حب بنت جيراننا الشيعيه وتعلق فيهاا
قال ماني متزوج غيرهاا
كلمناها اذا اهي تبي تتسنن قالت كان يذبحوني هلي....
ايه والحمدلله زوجناا اخوي وحده منا وفيناا

[pepsi]

ونعم بالجميع زي ماقلتي

بس يازين اللي ياخذ من ربعه اسلم له من المشاكل و اختلاف العادت والتقاليد

الا تسان واحدة تسوى المجازفه والمخاطرة يسمح له هههههه

اتمنى لك التوفيق


هو باقي شي من العادات والتقاليد
بااااااح خلااص هو فيه بدو الي الحين
كلن تمدن والزواج قسمه ونصيب بدوي
حضري
ام بالنسبه شيعه وسنه هذا نووووووي
حاجه مستحيله ممكن ونادرا سني ياخذ
شيعيه هاذهم ياخذون اجنبيات روسيات وهولنديات
وغيرهم من هم علي غير ملتنا ممكن
اما سنيه تاخذ شيعي العياذبالله مايصلح ابدا

[قـتـالـه]

بالقصيم حاله نادره زواج الحضر من البدو او العكس
ترا اتكلم عن البدو اللي يكتبون كنيتهم
مو اللي اصلهم قبيلي وبس:|

المهم ان تفسير هالشي راجع لنظرة السحآ
والا الرجال سمحين وودهم يعرسون على اللي بالبال مهما كانت
هذاهم بالمسايير ماتفرق معهم
مع انو ممكن يقول الله ويكون بينهم اطفال !

خل اسهب بنظرة السحا
هذللي سحآ البدو ياعين ابوي خص التقليديات حيل
تراهن ينظرن للحضريه الداخله بينهن بدونية أصل
ويحسنها مصريه ماتعرف للسلوم ,

وسحآ الحضر يزقمن مستحيل يخطبن لأخوهن بدويه
لو انها مثل وجه سميره توفيق ومعها دكتوراه
وترطن اربع لغات !

والا انتم يالرجال وش زيييينكم من ناحية العرس كلن تبونه
لو الله يفككم من التسذب والوعود الكذابه :/
وخروا بس


<< صاحت :e7:

[عاشق الخير]

هالموضوع يصلح لــــ

وضوح

الله يذكره بالخير قائده حزب المعارضه و التحريض :a9:

[قـتـالـه]

اصبروا نسيت احتسي عن زواج الشيعه
والله ياعليهم طخامه تدمي التسبد
طول وزول يشينهم البياض والفتاحه بس مو مشكله
يدور الواحد اكيد فيه شيعه لصاتك

يعني معقوله السنيه لما تموت بدباديب شيعي
بتصدق ترهاتهم ؟
احبه هو وماعلي من دينه
البلا لجا ضرب السلاسل وقالوا الحموله
دوتس السلسه روحي امحطي روحتس :mad:

[شتآت خالدية]

الموضوع شكلا يمكن
لكن اعرف وحدة من صديقاتي تقولي لارحت لاهل ابوي بدا يتسهزون في زوجي
والعكس بعد يعني ماسلمت من هنا وهناااك

انا لوتقدم لي زوج بدوي واخلاق ودين ارحم لي من حضري داشررر <<يويلها لويشوف ردها اخوها ههههههه

بالنسبة للثاني الدددين معرووف حكمة فيه

وشكككرا

[بنت محمد]

بخصوص زواج الشيعي من سنيه أو العكس حرام وباطل .


قال تعالى :
( وَلاَ تَنكِحُواْ الْمُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ وَلاَتُنكِحُواْ الْمُشِرِكِينَ حَتَّى يُؤْمِنُواْ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ أُوْلَئِكَ يَدْعُونَ إِلَى النَّارِ وَاللّهُ يَدْعُوَ إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ }(221) سورةالبقرة




اخوي موب كل الشيعه يعبدون القبور وييسبون الصحابه ومشركين على حسب ماسمعت والله اعلم

شكرا على مشاركتك

[بنت محمد]

طقاقة بدون مايك

صحيح كلامك أكثر الناس تطوروا وصاروا أكثر وعي من قبل

بس مازالوا هناك عنصريين

بالنسبه للنوع الثاني

صحيح به مغامره خطيره بس إذا حصل وتسننت فهذا أمر عظيم

بالنسبه لسؤالك مدري والله

شكرا لكِ

تركي

صحيح حياة الباديه اندثرت ولكن أقصد بالبدو أبناء القبائل الذين يكتبون القبيله أو الفخذ والحضر العوائل

وأنا أتفق معك أحسن شيء كل واحد ياخذ من أهله لتشابه العادات أكثر

شكرا لك

هلاوين

نعم هذا أحسن مع إني ماأشوف فرق كبير بالعادات

شكرا لك

shahd2007

ما أظن عقولهم صغيره لهالدرجه هم اللي اختاروا بأنفسهم ماله أي داعي أحد يسخر من الآخر

بالنسبه للنوع الثاني كما قلت سابقا موب كل الشيعه مشركين و فيه دول ما عندها تشدد بهالأمور كالعراق والبحرين مثلا

شكرا لكِ

عازفة ألحان الليل

نعم أنا معكِ في النوع الأول

اما الشيعه والسنه اللي أعرفهم كانوا يربون عيالهم على الحريه الشخصيه في اختيار المذهب لأنهم مؤمنين بأنه لا فرق بين هذا وذاك

طبعا هذا عندهم وعند تفكير أهلهم :)

شكرا لكِ

ألماس

صحيح أنا معكِ أشوف زواج الحضر والبدو عادي مافيه مشكله

اعرف قصة مثل قصة أخوكِ بس بالعكس سنيه حبت شيعي
طبعا لا أهلها ولا أهله رضوا ولا تزوجوا

شكرا لكِ

بيبسي

أتفق معك العادات صارت متشابهه كثير وخاصه بالمدن المختلطه بشكل كبير

زواج الشيعه والسنه هو صحيح يمكن أكثرنا هنا مايتقبل بس اللي أنا أعرفهم ماعندهم أي مشاكل كانوا عايشين حياتهم طبيعيه
وبعض الدول صارت عندها شبه عادي :)

شكرا لك

قتاله

أنا معكِ بالقصيم خاصه بريده
خالطت ناس من سدير وشقراء والزلفي والأحساء والجنوب والشمال والحجاز
يعني تقريبا من جميع المناطق بما إني سكنت بالشرقيه والرياض
كلهم ما كان عندهم أي مشكله من زواج البدو والحضر بالعكس عادي جدا عندهم
وحتى اهل عنيزه والبكيريه وبقية مناطق القصيم اكثرهم عادي
المشكله تتركز في بريده طبعا موب الكل يمكن القليل
أنا بريداويه وأهلي ماعندهم تفرقه الحمدلله

ههههههههههههه صحيح كلامك الشيعه أجسامهم كبيره ومعضلين
عكس ربعنا معصقل ومافيه عضله :)

بس هذولا شيعة القطيف أما الأحساء أكثرهم سنه والشيعه أجسامهم عاديه وفيه بيض وسمر عادي

هنا المشكله بعضهم يتزوجون ومايفكرون بالدين إلا بعد فتره
بس أنا خالطت الكثير من الشيعه وكانوا جدا طيبين وبعضهم يقول أبوي كانوا يصلون معنا :)

شكرا لكِ

عاشق الخير

شكرا لك بس انت وش رايك مع أو ضد

شتآت خالدية

استغرب من اللي يستهزؤون للحين بصراحه عقولهم جدا صغيره :)

اكيد الدين والأخلاق أهم شيء ليش يا ويلك من أخوك :)

أما الثاني كما قلت سابقا ليس كل الشيعه مشركين ولو إني ضد الزواج منهم :)

شكرا لكِ

[عزف الحقيقة]

أنتي على دينكي ونا على ديني


تصومي خمسينكي وصوم ثلاثيني


!!!


أحسن حل خذ بنت جيرانكم


وعلى أي مذهب أو دين كانت

[عازفة ألحان الليل]

عازفة ألحان الليل


نعم أنا معكِ في النوع الأول


اما الشيعه والسنه اللي أعرفهم كانوا يربون عيالهم على الحريه الشخصيه في اختيار المذهب لأنهم مؤمنين بأنه لا فرق بين هذا وذاك


طبعا هذا عندهم وعند تفكير أهلهم :)


شكرا لكِ


طيب وانتي واثقة ان كل الشيعه كذا.. ماعتقد.. الشيعه في المتشدد والغير متشدد ووالخ
على كلٍ هي وجهة نظري فحسب.

[بنت محمد]

عزف الحقيقة

ههههههههههه للأسف ما أشوف أحد يفكر ببنت الجيران

شكرا لكِ


عازفة ألحان الليل

نعم هذه المشكلة ما تعرفين المتشدد وغيره إلا بعد ما تصير مشكلة

حياكِ الله

[هلاوين]

هو باقي شي من العادات والتقاليد
بااااااح خلااص هو فيه بدو الي الحين
كلن تمدن والزواج قسمه ونصيب بدوي
حضري
ام بالنسبه شيعه وسنه هذا نووووووي
حاجه مستحيله ممكن ونادرا سني ياخذ
شيعيه هاذهم ياخذون اجنبيات روسيات وهولنديات
وغيرهم من هم علي غير ملتنا ممكن
اما سنيه تاخذ شيعي العياذبالله مايصلح ابدا

مممممممممممممممممممم

تبين الصززز هي قلت بكثير

لكن ما زالت موجودة >>فروقات فردية هههه