المساعد الشخصي الرقمي

مشاهدة النسخة كاملة : شي حز بخاطري

بنت الكرم 2008
22-07-12, 06:01 am
بخش بالموضوع
اليوم وحده من أعز صديقاتي تطلقت ( الله يعوضها بالأفضل والأخير )
طيب ليش بس كذا يبي يغير مل قالها بكل صراحه بكل بساطه ماأبيك خلاص لازم تبقين زوجتي بالغصب
شعورك يأدم لو هالبنت كانت بنتك او اختك ؟؟؟؟؟
وش ردت فعلك وش تسوي ؟؟؟؟؟؟
الاي ابيه فرض قانون يحمي البنات من هالتخلف الي معشعش بعقول هالرجال الي استعبدو البنات
عادي مايبي يطلق غير رايه فيها يطلق يتزوج وحدة ثانيه وعادي يطنش الاولى
الرجل يسوي ويفعل الي يبيه والمرأه مطلوب منها تلغي العقل وتنكتم وتقول حاضر
اذا قالت رايها هي قليلة ادب هي ماتربت هي ماتستحي
طيب ليش ؟؟؟؟؟
لما اشوف واقع المرأه واشوف هالقوانين وهالمحاكم الي ماتنصف المرأه
احمد ربي واشكره انو انا تحت ولاية أب عظيم وزوج رائع وأخوه كرام
وبأذن الله أبناء بارين
شي حز بخاطري وجيت افضفض هنا
عاشق الخير
22-07-12, 06:20 am
الله يكون بعونها ويرزقها الأصلح والافضل
عازفة ألحان الليل
22-07-12, 06:27 am
الله يكون بعونها

حقيقة دائماً من تبلا بزوج كهذا

ترزق بأفضل منه بألف مره :)
تركـي
22-07-12, 06:31 am
يمكن آنه خيره لها ..
ومكتوب لها ترزق باللي يقدرها ويكرمها ويعرف قدرها عنده ..

صرآحة ..
بالأمس سمعت بأن حالات الطلاق في المملكة
مانسبته حالة طلاق كل 7 ساعات على ماآعتقد ..
وهذا رقم خطير ..
لا بد من التحري قبل أن تنظلم أي بنت مسكينه
وهي آمانة بأعناق وليها ..
للأسف ..
أصبحت المطلقات تقيم آحتفالات لطلاقها ,,
هذا غير المعلقات والمعنفات وووو ..
من آشباه الرجال الذي لم يراعي الدرة المصونة اللتي رضت فيه
.....

كان الله بعونها والله يرزقها ويعوضها ياارب ..

ويرزقك بر آبنائك ..
Miss Tala
22-07-12, 06:32 am
وين السبب طيب ..؟؟
معقول فيه طلاق بدون سبب ؟؟
طيب هو صاحي ؟؟
ع ـروووبة
22-07-12, 06:40 am
-

الكل يعرف ان ابغض الحلال عند الله الطلاق
بس لما تعيش البنت زي الحيطه بالبيت الطلاق هنا احسن له

انا مب مع الطلاق نهائياً
بس لاجيتوا لبعض الرجال تلقونه يبي ويبي ويبي ويبي
والمره تنطم وتآكل تبن !

ليش وش الله حاد اعيش هالعيشه
زمان اول ولى وايام الجاهليه خلصت
الحين مب عيب ان البنت تكون مطلقه
بالعكس ممكن تحضى بفرصه احسن من الاولى
ولا انه تظلم نفسه مع رجل بمسمى فقط لا غير
له حقوقه كـ مطلقه تطالب بهن
والله يوفقه ويوفقه ,
بنت الكرم 2008
22-07-12, 07:13 am
اخوتي الكرام
عاشق الخير - عازفه - تركي
شكرا لكم مروركم
واللهم امين
زين نجد
22-07-12, 07:26 am
إنا لله وإنا إليه راجعون
الله يعوضها بأخير منه إن شاء الله
والخيرة فيما اختارها الله سبحانه
الكلام عن مثل هذا الموضوع يحتاج إلى وقت
لي عودة إن كان لنا نفس في هذه الحياة
ولكن شيء مهم في هذه الفترة ألا وهو أنها تريد من يقف معها في محنتها
ويخفف عنها وهذا واجب المسلم تجاه أخيه.
فليس ثمة مصيبة أكبر من هذه المصيبة أسأل الله سبحانه أن يأجرها عليها.
فإن قُـدِّر لك ذلك فافعلي ولكِ الأجر من الله سبحانه وتعالى.
بنت الكرم 2008
22-07-12, 07:32 am
اختي الكريمه - مس
أنا مؤمنه بأن البيوت اسرار ولكن لو في سبب فعليا مو من الافضل انو قاله وحاول يعدل هالامر
المصيبه بالاستهتار بالمرأه كذا انتي طالق وبس ( ابغض شي عندي حقارة الرجل )
للأسف الرجل مايعيبه شي طلق عادي يتزوج بس هي يحرام كانت بيتها مع عيالها والحين بغرفه ببيت ابوها هي وعيالها صح ابوها رجل فاضل ومو مقصر معها بش ابد
بس ليش مايكون في قانون يلزم الرجل الي طلق برغبه منه مع معارضة الزوجه لهذا الطلاق تعويض لها أقل شي ماتطلع من بيتها سواء ملك او أيجار وسواء عليه دين ولا مقتدر
حتى مايكون الطلاق سهل هو يتزوج ويتهنى وهي تكرف ورا العيال وتنحشر بغرفه طول العمر
ومعروف اغلب الامهات المطلقات يفضلن البقاء بدون زواج عشان العيال
بنت الكرم 2008
22-07-12, 07:40 am
عروووبة
شكرا لك
نعم لها حقوق كمطلقه بس وينها مين يطبقها
للأسف لما تطلب المرأه الخلع تتعقد امورها ويقال عنها مايقال
بس لما الرجل يطلق تلاقين الكل يسرع ويخطب له حرام يجلس لوحده والمطلقه هي المجرمه لازم تعاقب ولا ننكر هذا الشي حتى فرص زواجها مره اخرى تكون قليله أو معدومه لان عندها عيال
المقصد الرجل بالمجتمع يعوض والمرأه تحمد ربها وتشكره لانه سوا بطل وما أخذ العيال منها
ولو بياخذهم أخذهم عادي من بيمنعه ؟؟؟؟؟؟؟؟؟؟؟؟؟؟؟؟؟؟؟؟؟؟؟
بنت الكرم 2008
22-07-12, 07:43 am
أخي الكريم -زين نجد
ننتظر
وشكرا لك
الرأي الأول
22-07-12, 10:33 am
تعيش مع واقعها كما هو 0 تنسى ماضيها رغم صعوبته 0 تتسبب بمن يبدل حالها

فكم من باحث عن مثلها ولايجد وسيله تعرفه بها


هي ضحيه لعادات باليه استرجل اشباه الرجال بكل قيم ومعاني الزواج

زوجه اهله لكي يكون رجل في بالهم ولكن الايام القادمه ستعلمه معنى الرجوله الحقيقيه

حين يعيش تعيسا بائسا بين جدران بيته يبحث عن السعاده فلا يجدها لانها كالسراب يظنها سلعه يشتريها من مال

ابيه ويرميها متى ماشاء .
ألمــاس
22-07-12, 03:53 pm
اذا اهو مطلقها كذا بدون سبب فهي محظوظه
لانه متخلف مريض حرام تعيش معه
وبالعكس اللحين فرص المطلقات كبيره حتى لو معاها اطفال
الله يرزقها ويعوضها
pepsi
22-07-12, 03:57 pm
ان شالله يعوضها الله احسن منه
والله مايضيع حق احد
هنري
22-07-12, 04:24 pm
هذا ليس واقع المرأة. لإنها حالة شاذه. والخزي كل الخزي يلحق الرجل وأهله. فأين هذا من الدين، وأين هذا من الرجولة وأين هذا من المروءة وأين هذا من العُرف!

عجيب!
فـــارس
22-07-12, 05:18 pm
الله يعوضه بزوج احسن،ويمكن خيره
ولكن اتمنى من الزوج التاكد
برغبته بنفس الزوجه قبل الزواج بها
حتي لاتكون ضحية لطلاق ( ماجازت لي / موب هي الي ببالي/من يوم ماخذته وانا مااحبه و و و و

الله يوفقه ان شاء الله
shahd2007
22-07-12, 09:15 pm
مل منها !!

ليه هي لعبه ولا سياره

بس واضح انه مدلع ومفسد

الله يعوضها باللي ابرك منه
عزف الحقيقة
22-07-12, 10:32 pm
كان الله في عونها والله يعوضها بخير منه

وهذه الحالة نادرة تطليق بدون سبب غريبة

المهم تحمد ربها فهناك من تطلب الطلاق ولا تناله !

وبما أنك تقولين لديك أب عظيم وزوج عظيم واخوة

كرام فالكثير الحمدلله في مجتمعنا فيه الخير والبركة

لكن لابد من وجود الحالات الشاذة

ووجود الأشياء الخفية التي لاتخلو منها الكثير من البيوت .

تحيتي لك
جبل السكر
23-07-12, 04:19 am
ليه مستغربين طالما فيه اشباه رجال

ما اكتر المشاكل التي تتعرض لها المرأه عن طريقهم
اقساها الطلاق من غير اسباب
صديقتي قبل شهرين تطلقت من غير سبب فجأه اراد الطلاق هه
وخالي تزوج من صديقتي بعد اسبوعين من الزواج طلقها
حتى ترجع له زوجته الاولى
البنات اصبحن لعبه بأيديهم
فلتحمد ربها ان خلصها من رجل يحمل هذه العقليه الهمجيه

الله يعوضهن بأزواج صالحين مصلحين
زمن الغرباء
23-07-12, 04:30 am
الحمدلله والشكر
ماضي وانتهى والقادم اجمل

هذا اللي المفروض تقول لنفسها فقط !!

امتناني
ع ـروووبة
23-07-12, 06:57 am
عروووبة
شكرا لك
نعم لها حقوق كمطلقه بس وينها مين يطبقها
للأسف لما تطلب المرأه الخلع تتعقد امورها ويقال عنها مايقال
بس لما الرجل يطلق تلاقين الكل يسرع ويخطب له حرام يجلس لوحده والمطلقه هي المجرمه لازم تعاقب ولا ننكر هذا الشي حتى فرص زواجها مره اخرى تكون قليله أو معدومه لان عندها عيال
المقصد الرجل بالمجتمع يعوض والمرأه تحمد ربها وتشكره لانه سوا بطل وما أخذ العيال منها
ولو بياخذهم أخذهم عادي من بيمنعه ؟؟؟؟؟؟؟؟؟؟؟؟؟؟؟؟؟؟؟؟؟؟؟

حضانة الاطفال تدخل في الشرع ولا اقول شي ,

حقوق المرأه تنصفها المحكمه لها من نفقه وغيره
وإذا ما تبي تطالب بحقه تجلس ببيت ابوه لين يجي نصيبه
تحمد ربه اللي فكه من هاللا مبالي !
وكلام الناس تكب عليه كومة تراب وتطنشهم
الناس ما همه الا القيل والقال
وطبعاً كله على راسهم بالنهايه ربي بيبلاهم

وإذا طليقه بياخذ العيال خل يآخذهم بسلامته
احسن عشان تستانس بحياته وهو يتنكد معهم
شرط يومين ثلاثه الا هو طفشان ومرجعهم

اما فرص زواجه فغير معدومه الحمدلله
كم مطلقه تزوجت من رجل كبير تقريباً بالاربعين
وعاشت معاه مبسوطه وجابت ولد ولدين مع عياله

او واحد عقيم او واحد على قد حاله او واحد متزوج
او واحد مطلق او واحد متوفيه زوجته او ....

كثير والله ,
بس هي تدعي ربه وترضى بقدره وتحسن نيته
وعلى نياتكم ترزقوون ...
بنت الكرم 2008
25-07-12, 08:10 am
اشكر للجميع المرور والتعاطف مع صديقتي
لكن الي ابي اقوله ليش مايكون في تعويض لزوجه اذا تطلقة زي مباشرة يكتب البيت بأسمها كاتعويض لها على الضرر الي لحقها من الطلاق اذا هي رافضه الطلاق
واذا البيت ايجار يلزم المطلق بدفع ايجاره
لانه بالطلاق حرمة من العيش ببيت خاص بها مستقل لها ولاولادها
ليش اذا خلها ببيتها أعتبر تفضل منه وتكرم وهو سبب الطلاق
لا ننسى انو في نساء ماتبي الطلاق مو محبه بالزوج بس لانها بتفقد السكن الخاص فيها هي وعيالها فترضى بالمر عشان كذا
طقاقة بدون مايك
27-07-12, 11:35 pm
قطيعة ..فر1قوه عيد الفلآنتآين هـِ الدنئ..مَ عليه حُسوفة هـِ الصنف من البشِر ..وزين فآرقتوه هَ الوِجه الودر وهي بِ شبآبه :@