المساعد الشخصي الرقمي

مشاهدة النسخة كاملة : ||ماشاء الله عليك ابدعت في رد الجميل ||


•¦تفآصِيلَ الخَجَل
25-06-12, 04:48 pm
-



لـو خسرتـك ماخسـرت العـمـر .. والدنـيـا مـتـاع
وادري انـي لـو خسرتـك ماخـسـرت .. الا قلـيـل


بس فكّـر زيـن .. تعـرف مـن خسـر فينـا وضـاع
وتعـرف انـك لـو تلـف الارض .. وتــدوّر بـديـل

والله ان تبطـي .. ولــو لفّـيـت فــي كــل البـقـاع
ولـو تسـوّي وش تسـوّي ماانـت لاقـي لـي مثيـل


وين تلقى مثل شخصي شخص .. واطباعي طباع
وويـن تلقـى مثـل قلبـي قلـب .. او مثـلـي خلـيـل

البـشـر واجــد .. نـعـم .. لـكّـن فــرق الانـطـبـاع
يجعـلـك يـمـي تمـيـل .. ويـــم غـيــري ماتـمـيـل


يارفيـقـي .. انتـبـه .. واحـسـن الــيّ الاسـتـمـاع
للمواقـف دور فـي كشـف المـزيّـف .. والاصـيـل

وانـت ماقصـرت فيـنـي موقـفـك .. جــدا شـجـاع
طعنتـك فــي الظـهـر فـعـلا كـانـت اثـبـات ودلـيـل


بـيـضّ الله وجـهـك الـلـي سـاتـره تـحـت القـنـاع
ورايتـك بيضـا معـاي وياعـسـى عـمـرك طـويـل


يعني اعطيك الثقـة وتردهـا ب ((لـوي)) الـذراع
ياخي ماشاالله علـيك ابـدعـت فــي رد الجميـل


مدري كيف اشكرك مدري كيف ارد الصاع صاع
كنت احسب انك عزيز النفـس .. تطلـع لـي ذليـل


كـم وانـا عيـيّـت اصــدق فـيـك قــدر المستـطـاع
من غبائي كنت اسكت واعذرك .. واثر الحصيـل


جــرح قـلـبٍ .. ميـزتـه فــي كــل يــوم الاتـسـاع
ودمـع عيـنٍ ينهمـر مـن ضيقتـي .. فـي كـل ليـل


والله انـي كـنـت احـبـك حــب .. واتبـعـك اتـبـاع
كنت لاجل ارضي غرورك بس اسوي المستحيـل


كنـت اعمـى فيـك .. لا لا .. كنـت مـيـت للنـخـاع
كنت مـدري كيـف؟ لكـن كنـت صـادق معـك حيـل


كنت امـارس فـي غرامـي لـك سياسـة الانصيـاع
وكـنـت لاغــي مـعـك فـكـرة اعـتـزل او استقـيـل


انـدفـعـت بـكــل مافـيـنـي .. وســــوء الانــدفــاع
يـجـبـر الانـســان احـيـانـا .. يـفـكــر بـالـرحـيـل


صدمـتـي فـيـك انــت .. خلتـنـي افـكــر باقـتـنـاع
ان قـتـل النـفـس راحــة لــو انــا كـنــت القـتـيـل


انفجـر راســي مــن التفكـيـر .. وازداد الـصـداع
كيـف انـا بفتـك مـن جرحـك ودوشــة قــال قـيـل


صرت سيرة في حلوق الناس .. وتالي هالضيـاع
انـتـحر؟ مـعـقول! يالله وش هـــذا الـغـليـل؟


رحمتـك يــارب لامــن ضـاقـت امنحـنـي وســاع
انـت حسبـي فـي الزمـان الجـايـر ونـعـم الوكـيـل


لاغـدى مستقبلـي والماضـي .. اطــراف الـنـزاع
وصفحـة الماضـي سـواد وشـي مـن هـذا القبـيـل


فـلازم انسـى لجـل انهـي بداخلـي هــذا الـصـراع
ولازم اتقـوى .. عشـان احـقـق النـصـر الجلـيـل


وطـالـمـا ان الـهـجـوم افـضــل وسـيـلـة لـلـدفـاع
مستحيـل ارضـخ لــو ان الحـمـل ياربـعـي ثقـيـل


والبخيـل اللـي نسانـي واشتـرى فيـنـي .. وبــاع
يـذلــف .. الله لايـــرده .. والله بـجـرحـي كـفـيـل


وان ســأل عـنـي وجـاكـم بـعــد فـتــرة انـقـطـاع
علـمـوه انــي نسيـتـه بــس انــي مـانــي بـخـيـل


طالمـا كـان السـبـب فــي قـوتـي .. قـبـل الــوداع
بلـغـوه اقـــل شـــي بـخـالـص الـشـكـر الـجـزيـل


http://www.alzaemat.com/vb/images/smilies/rose.gif



-

المنغره
25-06-12, 04:57 pm
جميـــــــله
الف شكر غلاتي
~

•¦تفآصِيلَ الخَجَل
27-06-12, 04:20 pm
جميـــــــله
الف شكر غلاتي
~

والاجمل اطلاتك
العفو
مشكوره مرورك نورتي

كروومه
27-06-12, 05:11 pm
جميله يسلم ذووقك

97n fathy
28-06-12, 07:53 am
تسلم الانامل ع النقل و الطرح الجميل ...
يعطيك العافيه ...

•¦تفآصِيلَ الخَجَل
29-06-12, 05:40 am
جميله يسلم ذووقك

والاجمل انها ارتقت لذائقتك
الله يسلمكك
مشكوره مرورك نورتي

رانيا محمد
29-06-12, 06:20 am
جميله جدا يعطيك العافيه

•¦تفآصِيلَ الخَجَل
30-06-12, 03:19 am
تسلم الانامل ع النقل و الطرح الجميل ...
يعطيك العافيه ...

الله يسلمك من كل مكروه حبيبتي
يعافيك ربي
مشكوره مرورك نورتي

•¦تفآصِيلَ الخَجَل
30-06-12, 04:47 pm
جميله جدا يعطيك العافيه

والاجمل مرورك العطر
يعافيك ربي
مشكوره مرورك نورتي