تسجيل الدخول

مشاهدة النسخة كاملة : (دمبك ) فوزيه ..!!

صوت
10-04-12, 10:45 am
ههههههههههه !!

اول ما دخلت العجوز الغرفة .. شافت (الدمبك ) قالت طاعون يطعنه ..!!
وشو هذا ؟؟

قامت تقلبه .. يمين يسار فوق تحت ..!!
قالت :
عطاه الصرصخ اللي ما يرصخ ..!! لو يشوفه ابوها ما فكها منه احد ..!
بدأت تصب الدعاوي على ابنتها ..!

لماذا ؟؟
عشان شافت شي غريب وهي حتى الآن العجوز ما تدري وشو ..!!
العجوز عقب ما دعت يمكن عشرين دعوه
ركدت شوي .. قالت في نفسها :
يمكن زير صغير ..!
لعب عليها ابليس ورجعت وقالت لا ..!!
لو انه زير كان شفناه اول..!

اخذ معها ربع ساعة تقليب وهي ما تدري وشو ..!
قررت العجوز انها تحتفظ فيه حتى ترجع فوزيه ولأنها ماراح تصدقها مهما قالت اصلا ..
(تبي) تعرضه على اللجنة المكونه من :
1- أولا زوجة أخوها (اخو فوزيه ) الكبير (حريم العيال يعرفن اشياء غير )
2- أخوها فوق الصغير.. (الكبير بيذبحها لو عندها شيء غريب)
3- ام الجيران لأنها سبق وسافرت للدمام وتعرف ..!
4- وأخيرا الخطابه ام محمد لأنه يمكن شيء ينفع للعرس .!

بس المشكلة وين توديه عشان ما يشوفه احد , جرمه (حجمه) كبير ..
آخر شيء قالت:

بحطه عند ام جيراننا (سهام) المصرية عشان هم ما يقولون لحريمهم شيء وزوجها مدرس ..
لو حطيته عند ام عزيز ذبحها (رجلها ) (مير) هي تبي تعيي (ترفض).!!
(كبعت ) عباتها (وخشت ) الدمبك معها الى وصلت (صاير) الباب

كان الوقت الضحى ..
وقبل ما تطلع الى ام جيرانها (حصوص) الشروف تدخل..
العجوز ما قدرت تشيلها رجليها ..!!
من الروعة وهي تقول براسها ( الله يستر والله لو شافته ما يبقى بيت الا ودرى عنه ون نصير علكة لكل الناس) ..!
(همن) وش ابقول لها ..!!

قالت حصوص وهي وافقة بالباب :
وين (كابعتن) عباتك وطالعة .. ووش (خاشتن معك ) (نافخن) جنبك ..!
قولي ادخلي .. (يادافع البلا) مير ..!!

تراي قايله لأم محمد تجي الحين (نينتقهوى) عندك ..!
العجوز صار وجهها حمر وعرقت ( كلش ولا الفضيحه )


اكمل ... بس شوي وارجع .......
مدير خبرة
10-04-12, 01:35 pm
وافضيحتاااااه...

مسكينة هالعجيز...


بانتظار باقي السالفة

مع الشكر ع اسلوبك الجلو
&سفآنه&
10-04-12, 02:11 pm
وييين البقيه !!!!!تحمست
المنغره
10-04-12, 05:16 pm
تراي قايله لأم محمد تجي الحين (نينتقهوى) عندك ..!
-------------------------------

والله من وساعه الوجه...ننتظر بقيه القووووووووووووووصه
ع ـروووبة
10-04-12, 07:56 pm
-

هههههههههههههههههههههههه
هههههههههههههههههههههههههههههه
يا فضيحتك ي أم فوزيه

وأي وحده إسمه حصيص لازم تصير شروف http://e-rsam.com/vb/images/smilies/e-rsam%20%28106%29.gifhttp://e-rsam.com/vb/images/smilies/e-rsam%20%2862%29.gif
استغفر الله استعفر الله هههههههههههههههه

يالله كمل بنشوف المصريه وش تسوي فيه
واللجنه خل تعرفنا عليه هههههههههههههههههه

دمبك ! <~ شي غريب خخخخخ
فسقــان
11-04-12, 02:32 am
ههههههههههههههههه
العجــز لحالهـــن وعليهن كلماااات ... مااادري منين يجبنهن
اكنــووبه .. نوبتيـن .. الحزه . مسيان . يافرقعيـن .
بـووه عجـــووز بحااارتنا .. يقول ولده تسـد شغلت المصااارعه وبدو يتهاوشـوون المصارعيـن .. وجدته بجنبــه قااامت ومصعت الفيس من التوصيله قااال ليــه ...!!! http://forums.5ligi.com/imgcache/e10414c5c3ce46e1a42f5a6ddef16f40.gif (http://forums.5ligi.com/t983.html)
قااالت لـومافصلته تســن متذبحيــن هههههههههه

بنتظااااار الكمااالــه ...!!
فسقــان
11-04-12, 02:37 am
والله من وساعه الوجه...ننتظر بقيه القووووووووووووووصه

هههههههههه ايه بهــن سعة وجه وسعة صــدر ..و يضيق صدره ودته للخيااط وسعته هههه لا صــدز عليــهن سعة صــدر لو بصدره سيااااره يمدي تديور السياااره http://forum.z7mh.com/images/fisat/76.gif
بس لاتحمــق ياعيهن قبصــه .. توووجع اقــووى شــي ايدي ملياانه تقبص منهن يـوم صغير http://www.buraydh.com/forum/images/icons/icon9.gifhttp://www.buraydh.com/forum/images/icons/icon10.gif
المنغره
11-04-12, 03:47 am
ههههههههههههههههه
العجــز لحالهـــن وعليهن كلماااات ... مااادري منين يجبنهن
اكنــووبه .. نوبتيـن .. الحزه . مسيان . يافرقعيـن .
بـووه عجـــووز بحااارتنا .. يقول ولده تسـد شغلت المصااارعه وبدو يتهاوشـوون المصارعيـن .. وجدته بجنبــه قااامت ومصعت الفيس من التوصيله قااال ليــه ...!!! http://forums.5ligi.com/imgcache/e10414c5c3ce46e1a42f5a6ddef16f40.gif (http://forums.5ligi.com/t983.html)
قااالت لـومافصلته تســن متذبحيــن هههههههههه

بنتظااااار الكمااالــه ...!!

تذكرت اختي يوم هي صغيره اذاعدنا الفيديو<ذكريات خخخخخ
تقول حرام عليكم تعبتوهم كل شوي يعيدون هههههههه
سآحبة ع الدنيآ
11-04-12, 04:37 pm
"
♣ ♠
..
بآللهييي وششششششو الدمبــك☻..؟ م غييير ادربي هالرااسس ..
..
لايكوووون حححق الطقآقآت..ض1
..

"
ضحكة طفوله♥
12-04-12, 06:37 pm
قالت حصوص وهي وافقة بالباب :
وين (كابعتن) عباتك وطالعة .. ووش (خاشتن معك ) (نافخن) جنبك ..!
قولي ادخلي .. (يادافع البلا) مير ..!!

هههههههههههههههه والله يالقافتن به الله يكفينا شره بس ذذ:d
الف شكر لك صوت :)
بانتظار البقية :)
آنين الورد
13-04-12, 02:05 am
طاعون يطعنه

ههههههههههههههه << جازتله الدعووه
وطبت بمططب ههههه

يلاننطرج .. << تحمسست
يسلمووو
ضـيّ
13-04-12, 08:18 pm
-


هههههههههههههه

ي حياتي هالعجيز ب تخفي آثار جريمة هالبنت الداشره خخخخ
بس جد وشهو الدابوك ؟o_O

»» انجزززز كمل........



°
shahd2007
14-04-12, 02:01 am
ظُلم الموضوع بنقله هنا :(
فيتـأإميـن
14-04-12, 02:45 pm
خشيت جو خصوصا مع المصريه هع


ننتضر حصوص والجده وبنتها فوزيه
صوت
17-04-12, 12:28 pm
وااااااااو ..

نسيت اني كاتبن الموضوع .. المعذره اكمل لكم ..!!







من غير تفكير العجوز رجعت على ورا وللمطبخ بدون ما تكلم

وراسها شغال وين توديه عن (حصوص)
لأن حصوص بتمشي وراها لو تدخل عند فراشها ..
(كلن ) يعرف ان حصوص (تمون) الى اقصى درجة
وصلت العجوز باب المطبخ وفجأة

قالت لحصوص دقيقة ابشوف (مرت) زوجة ولدي بغرفتها وارجع ..!
وبسرعة وأقفت عنها للحوش الثاني اللي فيه غرفة الولد وحصوص دخلت المطبخ (تلفت ) هنا وهناك ..!

قالت حصوص :
وين القهوه ؟؟ وهي تكلم مع نفسه .. الله يفشلك بتجي ام محمد الحين ومافيه قهوة ..!
خذت الملقمة وشبت على القهوه ..!

نسيت العجوز هي اللي معها و(بلشت ) بالقهوه والشاهي ..!

العجوز طلعت مع باب الرجال مع الحوش الثاني وتركته مفتوح .. ولا جابت خبر حصوص اهم شيء انها ماتشوف اللي معها ..!
( العجيز) اسرع ما تقدر لبيت سهام ..!

والمشكلة ان بيت سهام بعيده شوي ب( السد ) اللي عند طرف (العاير) قبل المسجد .!
مستاجرين بيت صغير على قدهم ورخيص وقريب من مدرسة (ابوهم )
حصوص (بلشت بالقهوه والشاهي .. وماشافت عندها احد قامت تفتش بالمطبخ (والظاهر ) انها تدور على تمر او على (شينن) تحطه مع القهوة ..!
لكنها مالقت ..!

قالت : وين راحت ذي (كل هاذا ) تشوف مرت ولدها ..!!!
طلعت من المطبخ وبدت تصوت بالبيت ..

ام عبد الله ...ام عبد الله .!!

ورفعت صوتها وقربت للحوش الثاني وبدت تصوت .. ام عبد الله ..!!

الحوش الثاني هو المكان الوحيد اللي ما تقدر تدخله حصوص لو (كلشن صار)

ام عبد الله ( العجيز ) وصلت بيت سهام ..
(طقت) الباب ..
مره .. مرتين ... ثلاث ..!!
ما احد يرد ..!!

قالت :
(فرقا عين جدتي).. اثرنا الصبح ..!!
وشلون نسيت انها بالمدرسة بعد ..!!
الحين وين ابروح ..!!!

رجعت وهي تفكر وبالها مشغول ومن دون ما تدري ساقتها رجليها للبيت ..!
راجعه وهي (تهوجس ) .
.
حصوص مع كثر التصويت بالبيت طلعت لها (مرت الولد ) قالت حصوص وين خالتك قالتي انها بتقومك وما رجعت ..!!؟؟

قالت والله ماشفتها من الصبح ولا جت ( لمي ) ولا ادري وينها (هوه ) وين راحت ؟؟
الله يدفع البلا ..!
رجعت لطيفة ( مرت الولد) للحوش الثاني اللي فيه غرفتها حصوص وقفت ( عند عتبته ) تنتظر ما تقدر تدخل ..!!

لطيفه ما لقت خالتها .. وشافت باب الشارع (مطرف شوي) رجعت لحصوص وقالت لها ان الباب مهجوج وما لقيت خالتي ..!

حصوص راسها (صكها ) صكه كل اللي دار براسها ذيك اللحظة وش اللي مع ام عبد الله (خاشته ) ووين ودته .. ووراه طلعت (مناك ) عشان ما ادري بها ... وأسئلة كثيرة (خلت حصوص تنسى القهوه والشاهي ...

مسكت راسها وجلست بطرف الحوش .. وهي تتمتم وين راحت ..؟؟ وين راحت ؟؟ ووش اللي معها ..!!

(زاد اقول ) وراها تلعثمت يوم فتحت وقابلتها ( بصاير الباب) ..!
بعد التساؤلات والهواجيس دائما تبدأ الاجوبة الافتراضيه ..!

تمتمت :
اييه يمكن (غاسلتن ) كراث وبتاكله مع احد ما تبين ادري..!!
رجعت وقالت .. وش كراثه كان (تحطه ) ناكله جميع ..!
يمكن تبي تروح لم احد من الجيران .. لا لا .. بس ( وش اللي معها )..!
لطيفة (راحت للمطبخ ) .. لقت القهوه تطبخ ( طايرن ) كل الماء مابقى ( الا الحثال ) وابريق الشاي يطبخ (مابه ) الا بقاعته ماء ..!
وحصوص راسها بدأ يوجعها ..!

العجوز وصلت البيت ولقت الباب ( اللي ) دخلت معه حصوص (مطرف ) ونسيت الباب الثاني ..!
دخلت بصاير الباب من غير فكر . .
شافت حصوص جالسه ..


شوي بس وارجع اكمل ..........
فادي الورد
18-04-12, 10:26 am
ههههههههههههههههههههههههههه
فادي الورد
18-04-12, 10:27 am
كلام العجز له نكهة ثانية
فادي الورد
18-04-12, 10:28 am
وعندهم جوهم الخاص