مالحل وفقكم الله

[وقفة تأمل]

السلام عليكم ورحمة الله وبركاته
إخواني تحكي لي أختي ان لها صديقه اكتشفت أن أخ زوجها اللذي يدرس في الجامعه أنه يكلم فتاة كل يوم في مجلس الرجال ويتبادل معها أطراف الحديث فتقول أن هذا الموقف أحزنها كثيرًا فأبواه كبيران في السن ولا يعلمون بشيء فماذا تفعل هل تخبرزوجها أم تسكت أم ماذا تفعل ؟ جزاكم الله خيرآ وسدد خطاكم .

[غـــدااار]

تدعيله بالهداية وتستر عليه

لكن كيف علمت ان اخو زوجها يكلم وحدة


بعد هي لو تترك التجسس احسنله

[تركـي]

عليكم السلام ..

غريبة ..
كيف عرفت آن آخو زوجها يكلم بنت عند آصدقائه ..؟؟
وزوجها آخوه مايدري .. !!

[مليار]

عليكم السلام ..

غريبة ..
كيف عرفت آن آخو زوجها يكلم بنت عند آصدقائه ..؟؟
وزوجها آخوه مايدري .. !!



تقولك بمجلس الرجال مو عند الرجال يعني لحاله
كذا فهمت ،،

قولي لختك تدعيله ولا تسبب مشاكل لنفسه ..
الله يستر على الجميييع

[تركـي]

تقولك بمجلس الرجال مو عند الرجال يعني لحاله
كذا فهمت ،،


وآنا مدررعم ..
يمكن طيب آنه بكلية الطب ويكلم زميله له عن بحث والآ شيء < بيرقع له ..
صراحة ماتنلام في حيرتها . لو تكلمت ممكن تسبب لنفسها مشكلة . أو يتسبب بين الآخوان مشكلة
وبالأخير من الممكن آن ينقلب عليها وفيما لو حدثت مشكلة ستنسب لها . وهي منصحة .. مالها الآ الدعاء له ..

[شتآت خالدية]

الله يستر ع الجميع

[الـــفـــ@ــــد]

وش يدريه انه يكلم بنت؟



جادعة اذن وتجسس عليه وتصنت؟ موو حرام التجسس؟؟

[المنغره]

ماله الاالدعاء له بالهدايه والصلاح..لانه لوتدخلت بتصيرمشاكل
وتتاكد بالضبط من السالفه
بعد لاتدخل بسوء الظن وهي مادرت

الله يهدي شباب وبنات المسلمين

[وقفة تأمل]

جزاكم الله خير إخواني الدعاء هو مطلب كل شيء في الحياة ولكن يعقل أن ترى الباطل وتسكت؟
والتستر في هذا الموقف ربما يؤدي بهذا الشاب المراهق إلى مشاكل لا حصر لها فأنا أرى أن تبحث عن حل لهذه للمشكله ولا تسكت كي تنقذ شخصا من هاوية تهوي به إلى مالا يحمد عقباه
ولا ياإخواني مارأيكم ؟

[آرتــيــآحّ ..♥]

لا حول ولا قوة الا بالله ، .

وضعها لا يسمح لها بمناقشته ومناصحته فيبقى هو اخو زوجها ،
لعلها تخبر اخت الشاب بما سمعت وتقوم تلك بالمناصحة واداء الامر اللازم ، .

عليها بالدعاء في ظهر الغيب فسهام الليل لاتخطئ ، بإذنه تعالى ، .

أسأل الله لنا وله الهداية والصلاح وان يصلحنا ويصلح ذرياتنا واخواننا وجميع شباب وفتيات المسلمين ، .

~*

[shahd2007]

وشو ..!
وش لها دخل فيه لاتحاكيي اخته ولا اخوه
يكبر ويعقل ولا بــ أبليس
لاتجدع اذنه بس علييه لو هو ولده ولا اخوه تحاكيه وتنصحه لكن اخو رجله ...!!

[هلاوين]

الحل وانا اخوك تسكت

اذا علمت سوف تثار حولها التهم

وش دراك ومن قالك تروحين للمجلس ومافيه غيره ووو .

وفي الاخير سوال

دري ابوه وامه واخوانه انه يكلم بنت وش يبي يسوون له ...؟


دمتي بخير

[bant tamim]

..وعليكم السلام ورحمة الله وبركاته.............

...اولا هي ع اي اساس تتصنت وتتدخل في خصوصيات غيرها يعني لاكلمت اهله عنه بيتركها بس تخلي الشر وتقصره وانصحيها هي نفسها لاعاد تتصنت ع احد وتخلي الشرآفه ع العالم ولاتسبب المشاكل...

ثانيا ربما تكلم اهله وينقلب عليها وتثار الشكوك حولها (ليش راحت لمجلس اخوي...ليش تتصنت ع اخوي..اكيد بينهم شي وابليس يلعب في عقل زوجها وماراح يكون لها اي عذر)لانها في كل الحالتين اخطأت(انا ياللي مالي علاقه شكيت بروحتها للمجلس)


ثالثا:تستر عليه وماتسبب مشاكل بينهم وتدعي لها انها تترك هالصفه الشينه وله بالهدآيه والزوجه الصالحه......

[رغــــيد]

.
.

المطلوب أولآ وأخـيرآ (( التأكد ))
هل هي متأكدة 100% إنه يكلم بنت !!
>> قلت كذا عشان ماتصير مثل حرمة ؛وأنا قاعدة أكلم صديقتي بالمجلس بعد هه
وتجي تصنت وتراقب لين جزمت إن المتكلم معي ليس ولد !! كرررهـ
+
تدعي له ولا غـير _ إلا إذا تبي مشاكل فـ تخبر عنه !

[عاشق ديرتي بريده]

خلي اخته الملقوفه تطلع من الموضوع وفترة طيش وتروح

[عزف الحقيقة]

لايحتاج الى اكتشاف

أعتقد هذا منتشر وبكثرة

وافضل حل تسكت ولا تتدخل

[رسوخ قلم]

إذا رأت في زوجها الحكمة و الاتزان؛ فالأفضل إخباره، و عدم السكوت على الباطل

[هلاوين]

إذا رأت في زوجها الحكمة و الاتزان؛ فالأفضل إخباره، و عدم السكوت على الباطل

واذا قال زوجه وش دراك .

تقول سمعته بالمجلس ؟؟؟

جواب الزوج وش وداك عنده بالمجلس .

[جلوي العتيبي]

وهي وش موديها لمجلس الرجال ؟

التجسس مشكله إلى علاج والمكالمات من هذا النوع طريق خطير

نسأل الله الهدايه له ولها

[قـتـالـه]

ياوجه الله http://vb.eqla3.com/images/smilies/eek.gif

يكلم بنت بمجلس طوال الاشناب المهجور http://vb.eqla3.com/images/smilies/eek.gif
هذي يالله تغبالوه ورا الستاره بكلانكشوف
توسطها من جبهتوه وماعليها ذنب :|
هالفاجر قليل المروه اجل يكلم بالمجلس http://www.buraydh.com/forum/images/icons/icon10.gif

وتلوموني بالسحا ياناس
قوليلها تفطن لرجلها وتغدق عليه الجو لايلحق اخوه
وتخلي التلصص بشي ماعليها منه :|