المسلسلات التركيه

[انثى منفرده]

ياناس والله انهن دمار لفتياتنا خصوصآ المراهقات الي اشوفه شي غريب خاصه مرحلة المتوسطه ياناس بناتنا صارو يهدون هدايا البعض عشان اعياد ميلادهن من متى والله كم عمرنا ماندري متى يوم ميلادنا ولاانجيب خبره تتكلم علي وحده من اقاربي بثالث متوسط تقول تصدقين ودي اجرب الخمر بس مره وحده اشوف بالمسلسلات إذا اشربوه انبسطو وقعدو يضحكون ويرقصون شكله وناسه هذا كلامه بالحرف الواحد يوم قلت اعوذ باالله هاذولا يدمنون وتنحاس حياتهم قالت لا مايدمن عليه هو بس يخلي الواحد ينبسط يوووه ياناس بنت بهالعمر تعلمني وتفهمني عن الخمر ومن إيش من مسلسل تركي يااباء يامهات يالي تقرون موضوعي ومسؤلين عن مراهقين خافو الله فيهم امنعو عنهم المسلسلات هاذي والله دمار صارت البنت الصغيره وبكل جراءه تتكلم كيف حملت هاذي وش سوت هاذي مع حبيبيه ياناس اعيالكم امانه بين ايديكم وحنا بزمن كثرة فيه الفتن حاولو قدر المستطاع تمنعونهم عنهن اعرف واحد مانع بناته من المسلسلات التركيه الاار بسيط اذا ناظروه عاقبهم شهر بفصل القنوات عنهم والله ماعاد يناظرونهن والله اني اقولكم هالكلام من خوفي على اعيالكم اللحين عندي بالواتس وحده مرسله لي صور حفله ارسلتله وش المناسبه قالت عيد ميلادي وبكل فخر قالو له بعض البنات حرام وانصحوها قالت مو انا مزينته زميلاتي مسوياته لي مفاجئه طبعآ برضاء منها الله المستعان من متى صرنا نعرف اعيتد الميلاد وماالسبب

[آرتــيــآحّ ..♥]

ليتها فقط اقتصرت على المراهقات ، بل اعظم من ذلك ، تعدت الى الكبار الراشدين ، فاعياد الام اصبحت تنهال ، واعياد الحب لاحصر لها ، .

للاسف العيب بنا نحن ، ادخلنا تلك القنوات السيئة ، وتساهلنا في متابعة النشء لها ،

افتقدنا لمواطن النصح ، و اصبح المربي الاول هو التلفاز و ماشابهه ،
تقلص دور الوالدين في تربية الابناء على الدين الصحيح و العقيدة النقية وعلى المبادئ والقيم الكريمه ،

اصبحنا نتفاخر بمعرفة ابنائنا بالفنان او الممثل الفلاني بداعي التطور والحضارة ومواكبة العصر ، .

أأسف لنجاح الغزو الغربي لافكار ابنائنا ، دون ادنى محاولة لصد ذلك ،

التناصح و زيادة تثقيف الابناء بالمجال الديني و التربية السليمة و الاصدقاء الخيرين ، هم فقط الرادع والحصن المنيع من التأثر ومواكبة ذلك الغزو ، .

أسأل الله العظيم ان يحمينا ويحمي أبنائنا وان يحفظهم من الفتن والبدع والشرور المحيطة ، .

~

[شاها]

عاد تصدقين من كثر شربهم للخمر
يجين احيان ودي اذوقه احسه طعيم
من كثر مايجغمونه هه طبعا باس
ودي شوي ومرة ههه << متوحشه تحوس الدنيا
الله يهدي الجميع

[قـتـالـه]

وش اتراكوه http://www.buraydh.com/forum/images/icons/icon10.gif
انا مااشوف يبيهم الا الطعشيات والعجايز :|
يييع من يشتهيهم هم واذانهم الحمر http://www.buraydh.com/forum/images/icons/icon10.gif
الله يردكن يامسلسلات سعد خضر بس
أويلييييه على مسلسل سعودي كل ابطالوه لصاتك
ومميلين العقالي ويحتسون بالتساء
وقسم لأعسكر عند تلفزيوننا
وأشوف المسلسل ثلاث مرات باليوم تقل دوا :|

[طقاقة بدون مايك]

والله آنآ مَ تآبعت غير جو1هر وَ سيلآ وَ فآطمة غول..‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)

صر1حة والله قصصهم حلوة...وبعدين توضح عآدآت وتقاليد الشعب التوركي...زين هم مثلنآ عندهم عشائر وقبايل وهيك .‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)



مسآكين الشعب التوركي ...تشوهت صورتهم عندنآ ...مدري ليه..‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)




صحيح بِ الدورة الآولة من المسلسلآت نور وَ سنوات الضياع وَ العشق الممنوع وَ الارض الطيبة نيرمن وإلخ...هذول عآد بِ الـ X ..لعب عَ العقول وآستعراضات وَ مَ به قصة آصلن غير

مهند بِ آحبك
نيرمن زعلت منك
نور بِ آرضيك
يحيى بِ حبك
لميس زعلت منك
زقيق بِ آرآضيك
سمر بحبك
نور زعلت منك
مهند بِ آراضيك
.
.
.
.
.

آيه وبعدين ؟
.
.
بس هآكذ1 ...طول التمثيلية...مَ عندهم غير ..حبيتك وحبيتن..وحبهم وحبينآهم ..وحبوهم وكلنآ آنحبينآ معهم ..! ! !..‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)



وحنآ مَ غير مطيرين البوهة ...ونتظر القصة تجي ...ونكتشف بعدين آنه مَ به قصة ...بس وَ هيك قضت 298 حلقة عَ آحبك وَ ر1ضينن..وحنآ نقول آيه وبعدين ؟..‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)




يعني لآ عنآصر تشويق لآ إثارة ..لآ حمآسة لآ مغامرة لآ شئ ...رتم ممل بيمشون عليه ...يعني مو هيك بِ تنجح المسلسلآت..‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)


يعني حتى لو حققت نسب ريتنق كبيرة وحققت مشاهدة عاليه هَ النوعية من المسلسلات ..عشآن لعبو عَ وترالرومآنتك بس ...عن نفسي مَ آعتبروه نجآح آبدن...‘‘..‘‘!!~http://www.raamaa.com/images/aaaa/s3%20(21).gif (http://www.raamaa.com/images/aaaa/s3%20(21).gif)

[ولد العز]

هو صعبه منعهم عن هذه المسلسلات لأنها أصبحت شبه رتين يومي
ولاكن نقدر أن نقلبها إلى شيءإجابي مثلن إذا شفناهم في المسلسل
يشربون خمر نقول مايخفون من الله ثم تجد هذا الطفل يفكر فيما تقول
فا يسألك أسأله فتقول له أن بعض القطات حرام مشاهدتها وأن الله سوفا يحاسبنا على مانراه ومانسمعه فاتجده يترك متابعته دون أي خلاف
تحياتي للجميع وجهة نظر

[زفير الياسمين]

أستغفر الله بس .. الله يعافيهن ولا يبلانا ..
حتى ليتهن بس المراهقات .. لا ؛ الحريم الكبار منتالي !
..

[» R O S E «]

أعياد الميلاد والخمر والحمل الغير شرعي
موجودة بالمسلسلات العربية من قبل طفة المسلسلات التركية !

الاتراك ممكن يكونون يحكون واقع هم عايشية
البلا بالعرب اللي يمثلون شيء أساساً موب موجود بينهم وحتى لو كان موجود فهو قليل وقليل جداً !!!!


كل شيء راجع للتربية , إذا التربية عدال ماراح تتأثر ( بمسلسل )


: )

[لموسة بريدة]

\
إيه والله انتس صادزة شيء يقهر يتهادن بعيد الميلاد وعيد الحب !! وش يحسن به أولاه ؟!
اللوم على المربين اللي خلوهن يناظرن المسلسلات على كيفهن لا ويتفرجون معهن بعد ،،
الله يعاافيهن والا يبلانا..

شكراً لك على طرح الموضوع المهم .

[عازفة ألحان الليل]

الاساس الام والاب هم من يزرعون تكذيب هذه القصص وهم يزرعون تصديقها
فكل من تأثر بهذه القصص هو اساسا من صغره مصدق بها ولم يجد من يفهمه ان كلها مجرد قصه والواقع شيئ آخر.

للمعلوميه حقيقة عيد الحب هو عيد وثني .

[الاردني القصيمي]

كلام صحيح ويجب على شاشاتنا اغلاق الستار امام المسلسلات التركيه فهي لاتحاكي مجتمعاتنا ولا هي قريبه منها ويكفي ارضاء للرؤساء على حساب الشعب وتقاليده انا ضد هذه المسلسلات

[يزيد 2011]

الله يذكريك بالخير يالارض الطيبه قسم بالله انه اطلق مسلسل تركي

يااااااويل تسبدي يا زيدان الله يذكر بالخير ..

اما المسلسلات المااصخه منب اتاابع الا العشق الممنوع فقط والحمدلله
خلص والله لا يرده ..


والله يهدينا ويهدي الجميع ياااارب ....

[يزيد 2011]

ايييه نسيت شين ثااااني الحين طايحين بالمسلسلات
المكسيكيه من جرف لدحديره هههههه

[فانتازيا إعلامي]

مرحبا
يا سيدتي لا أحد يستطيع المنع لسبب كثرة المصادر وتنوعها !!
فتلك أبواب مفتوحة ان اقفل باب فتح باب أخر ..
فالمنع لن يكون حل !!
ان فتح الحوار بالأسرة والخروج بقناعات تامة هو الحل ..

الله يحفظ الجميع ,,,

[انثى منفرده]

شكرآ على مروركم وردودكم الرائعه واتمنى من الله الهدايه لنا جميعآ اما بخصوص الاات الي تقول حتى المسلسلات العربيه كيذ اقول كلامك صحيح ولاغبار عليه وجميع المسلسلات العربيه او الخليجيه او التركيه السعيد من هداه الله عنهن بس المسلسلات العربيه تجعل الشخص الشارب سئ والكل يتجنبه وسمعته سيئه اما الفتاة اذا حملت حمل غير شرعي فإن اهلها يتبرؤون منها تصبح حيانها تعيسه وماتلقى احد يرضى فيها زوجه فبتالي مستحيل فتاة تعجب بشارب خمر بمسلسل عربي بينما اذا كان تركي فجدآ عادي عندها فنلاحظ التناقض بين الافكار العربيه والتركيه والمصيبه ان اغلب المراهقين معجبين بافكارهم ومو بس المراهقات زي ماقالن اخواتي بس البلاء اننا نخاف على افكار فتياتنا نسال الله السلامه

[هلاوين]

المعلم الاول والاخير للجيل التالي التقنيه وماتحمل من شر وخير

والعاقل هو الذي يميز بين الطيب والخبيث

والمسلسلات التركية من الخبيث فعلى ولي الامر منعها وعدم ادخالها البيت

دمتي بخير انثى