المساعد الشخصي الرقمي

مشاهدة النسخة كاملة : يوم جامعي لذيذ !!!


الصيوان
23-09-01, 03:24 pm
السلام عليكم ........

حياكم الله .........

هذي قصة طازجة حاصلة اليوم يعني حارة ..
إنتبه : لا تقرب يدك للشاشة حتى ما تحترق :D :D

رحت اليوم للجامعة مبكر مهب عادتي .. وش أشوي غصب علي ..

رايح أبيع ( تمر ) .. لحظة .. لحظة .. وين !!!!!!

أنا أدري إنه من خصوصيات الخبوبي هذي الأمور لكن يبي يسمحلنا إن شاء الله ;)

المهم إني بعته لاني مغصوب عليه .. وسيدا للجامعة .. يوم وصلت ولاي مبكر وشويات السيارات عند البوابة ( الشرقية ) ,,

وقفت بأقرب موقف وقدام الباب .. ولا الساعة ( 7.00 )

قلت : إيه باقي ربع ساعة .. الله المستعان .. تدري وراه ما تاخذلك غفوة وأنت عجل !!

وعل طول سدحت المرتبة وشغلت المكيف وقززت وقفلت .. ( لأن قراراتي سريعة ومحسومة :D ) أمر أروح نومــ(7)ــة ....................

مر الوقت سريع .. وجت العالم وانتليت المواقف ..

وكل من مر ناظني وضحك:p ما ادري ليه ( حسب كلام رفيقي بعدين ) وطق علي القزازة ااححححح عفوا الطاقة :D ..

وبعدين جاء رفيقي .. وبدا يخبط على القزازة قووووة ..

أنا قمت بسرعة ونزيت .. ولا هذا رفيقي ( الدحيقة ) .. يوم شفته .. بديت أتمغاااااااااااط بغيت أنقطع .. قال لي : قم الله ياخذ هزك يا قليل الدسم ( يحسبني عصير ) الناس داخله مبطي له ربع ساعة وانت نيم .. لا وعند الباب فشلتنا الله يفشلك .. استحيت اجي اقومك خايف الناس تعرف إني أعرفك .. :confused: همن عاد تصير هرجن الناس اليوم ..

المهم قمت ورحت للمحاضرة ..وثلاث أرباعي نوم ..

يوم جت الفسحة .. قلت : وراه ما أروح أنام شوي بس ..

وصارووووووووخ للسيارة .. وقززت وشغلت المكيف وقفلت وسدحت المرتبة .. و .. خخخخخخ .. خخخخخخخخخ ...

---



--



--




.... يوم قمت ولا شيء حااااااار على عيوني وتلفت ولا الشمس ..

ناظرت الساعة ولاه ( 11 ) ص ......

وتعدلت وعينت من الله خير .. ولاااي جوعااااااان مررررة .. تعرفون من الفجر ..

واعشق .. ولا أقرب مقصف بالسادة .. ( السادة : حارة قديمة وضيقة جدا .. أكثر من يقطن - بتشديد الطاء - بها المصريون )

والبد بطني من الكبدة اللي يحبه قلبك ..

ورحت لم البيت .. قالت الوالدة : سلامات مبكر .. باقي على جيك نصف ساعة .. قلت : الجامعة الله يهديهم ما يعرفون ينظمون الجدول ..!!!!!

عاشت أيامك يالـبـرعـي حقنا إنك لتحسد على هذا اليوم اللذييييييييييييييييييييذ ...

للجميع .. دمن إستثناء ..

دوكم .... إلقفو تحياتي ..:p :p

جذع بريدة
23-09-01, 03:36 pm
تصدق عاد اني شفتك

مستلمه نومة:D

عند البوابه الشرقية

ما شاء الله عليك حضرت محاضرتين و طلعت

عند ابوك ابعلمة:D :D

الصيوان
23-09-01, 03:42 pm
شكرا أخوي (( جذع بريدة ))

بس بعد ما تهون إنك تعلمه ..

إلقف تحياتي ..:D

ابوعادل
23-09-01, 04:15 pm
البرعي تبي الصراحه
نومتك هذي تعتبر من اطعم النومات
بس راحت عليك المحاضرات الله يخلف:D
الكسبان في ذا اليوم راعي المطعم اللي لبدت بطنك عنده:D ;)

الصيوان
23-09-01, 06:25 pm
تسلم لي يا ===> أبو عادل ..

المحاضرات خيره بغيره ..

أهم شيء بطنك .. ولا يهمك أحد ..

إلقف تحياتي :p

وردة الشرقية
23-09-01, 09:27 pm
http://aljaleed.4t.com/p100.gif
يابختك على هالنوم كله:D :D

ومن قدك فوتت محاضرات :D :D
وتمشيت في حارة المصريين http://aljaleed.4t.com/p100.gif

تركي بن محمد
24-09-01, 10:51 pm
أخي البرعي ..

كثيرة هي القصص التي تدور وتحاور مخيلتي عن قصص الجامعه ..

الجامعه تعتبر حريه الطالب .. فأنت ملك نفسك

رحم الله أيام الجامعه .. فكما هي عصيبه أحياناً إلا أن لها طعماً خاصاً لا يكاد ينسى ..

نوماً هنيأً .. أخي البرعي و أتمنى ان لا يزداد غيابك فتحرم !!!

بالعافيه الكبده .. هههههه



لك جل الشكر ..

الصيوان
24-09-01, 11:22 pm
(( وردة الشرقية ))

شكرا لك ..

(( تركي بن محمد ))

ألـ 1000 ـف مرحبا ..
وعقبال لي الحرمان .. :D :D
الله يعافيك .....

إلقفوا تحياتي :p