هذا ماحصل فى مستشفى الولادة والاطفال 00؟

[الامين]

احست زوجتى بالام الولادة وكنت حريص بالاستعجال للذهاب الى المستشفى ولكن زوجتى اصرت بالانتظار حتى اخر لحظة حسب وصية امه (لاتروحين للمستشفى يابنيتى الين اخر شى عشان مايستعجلون ويفتحون بطنك) المهم اشددت الام الولادة واخذتة بسرعه للمستشفى والمشكلة انى ساكن بالجنوب وانا بالسيارة بدت تقرب الولادة وانا اسرع والدقيق صارت ساعات وصلت اسعاف مستشفى الولادة والمرة على اخرها استدعيت الممرضات وماقصروا وصلوا بسرعة ومعهم الطبيبة ونقلوة للمستشفى وبعد عشر دقايق بشرون والولد وقالوا يبيلة كم يوم بالحضانة وبعد ثلاثة ايام طلع الولد والام وهم بصحة وعافية وحقيقة ان المستشفى مفخرة لبريدة لامن ناحية النظافة ولا العناية والتعامل وتقول زوجتى الله لايعيد ايام التخصصى والمستشفى القديم ويعز حكومتنا على هالمستشفى . وان من باب المواطنة قابلت مدير المستشفى عشان شكره وشكر العاملين وابداء بعض الملاحظات والاقتراحات وقابلن مقابلة طيبة ووعدن كل خير وشكرن وقلت له الله يكثر من امثالك . وانا ذكرت ماحصل من باب من لايشكر الناس لايشكر الله .....

[الجرثمي]

الأخ الأمين : الف مبروك على المولود الجديد واسال الله ان يجعله من الدعاة اليه .

والمستشفى رائع لمن اراد ان يراه بعين الرضى ....والعكس بالعكس تماما .

وفقت للعمل الصالح .

[عنوان الحقيقة]

اظاهر ياخي انك واصل خطاء
والا كيف كل هالعالم خطاء وانت صح
كل العالم يواجهون المشاكل وانت لا
كل الخلق يواجهون الجفاء وانت تقابل بحراره
انت صاادق او تمزح
حبيبي والله العظيم ان لا جديد في ذلك المستشفى الا المبنى
ولا ترى الباقي رجيع التخصصي و مستشفى الولاده القديم
مالجديد
قسم انك تمزح

والدليل ان اول رد هو من محامي الولاده والاطفال الدختور الجرثمي

ممكن تعيد النظر في هالتوليفه
:for6: :for6:

[الامين]

جزاك الله خير يالجرثمى واصلح الله لنا ولك . وقد صدقت فانا بعد مراجعتى للمستشفى اكتشفت ان المستشفى من افضل المستشفيات وان مايكتب عنه هم من اناس حاقدين على العاملين او يصفون حساباتهم معهم ولاكن يجب ان يكون هدفنا الاصلاح والمستشفىبالتالى لنا وعيالنا.......::for12:

[الامين]

الاخ عنوان الحقيقة .
اناذكرت ماحصلى ولااقول يقولون وما لاحظتة اثناء وجود زوجتى بالمستشفى وللمعلومية كان فية بعض الملاحظات ولاكن من باب المسئولية ابلغته مدير المستشفى . وان ابي اسالك سئوال هل انت راجعت المستشفى ام لا واذا كنت راجعت المستشفى هل بلغت المسئولين ملاحضاتك . ياخى يجب ان نكون اصحاب مسئوليه وان نكون ناس عملين لاانه اذا تحسن المستشفى فهو لنا وان شان فهو علينا .......:for12:

[الزين]

وجود الدشوش على سطح المستشفى بشكل يلفت الأنظار حتى أن المار ربما يشكك أنه في بريد ة 0

السؤال : لماذا هذه الدشوش وما الغرض منها ثم هل هي اوربية او لا؟
طبعاً المشاهد لها الممرضات أكيد وبعض رؤساء الأقسام الليلية

لكن هذا خطر شره بدأ ...............

من هذا المكان نخاطب الغيورين على الدين أن ينكرون بكل ما أوتوا من قوة

[ديمااااالحلوه]

الف مبروك على المولود الجديد

بس حبيت اقوالك ان كلام اخوي عنوان الحقيقه صادق الاطباء والممرضات من مستشفى المركزي وتخصصي
يعني وين التغير بس علشان امبني الجديد
ان رحت مره المستشفى اول مره واخر مره انشاء الله

تصدق ماحصلت لا ممرضات ولا اطباء سألت حارس الامن

قال روحي التخصصي معقول هذا صحيح كان الوقت متأخر بس هذا مستشفى يعنى مستحيل يخلو وبعد ما طلبت المدير المناوب
قال والله مافيه قسام عضام قالت طيب وين الناس وين الممرضات ولاطباء صار يناديهم
بس والله العظيم كانت ادور في المستشفى حوالى ربع ساعه
طيب الو تجي حاله مستعجله
لا والغرب من كذا حوالوني التخصصي بس بعد مارحت التخصصي
قالو طفل الازم يروح مستشفى الولادة والطفال يعني كل واحد يحوال على ثاني

بس يمكن صارت صدفه كان فيه مسأول زاير المستشفى او مشرف من الهيئه الطبيه.........


وبعدين مسألت مستشفيات بريده ماراح تتغير الابعد ماتنتهي مؤسسة طويق ذي والله اللعظيم من جد جيبين سباكين هنود دكاتره من وين دكتور وباكستانيه ولا بنغالي دكاتره بل عكس كل ذلي شأم على الطب وين قبل العربين اللي قبل وغيرهم من مستشارين وغيرهم ولا هذول من مؤسسات وغيرهم همهم بس تقليل راتب الدكتور ماهمهم المواطن وصحته هذى الواحد أذكان فيه مرض من القصيم يروح لرياض ميعرفوله هين وين تقول مستشفى بريده من وين مستشفى قصدك مقابر بريده والا مجازر يكون عند الواحد شعر والاكسر خفيف عملية ليكثر راتبه الشهري


وأعتذر للأطاله لني متبهذله معهم من جد


اشكراً اخي الأمين

تقبل احترامي وتقديري

[البارق]

اخي الأمين00
الف مبروووك المولود الجديد
ويتربى في عزك إن شاءالله
وأحيي فيك ذكرك وإذاعتك لما رأيت من الإيجابيات
وأقول لمن لم يرق له قراءة مثل هذا الثناء
أيها الأحباب لا تكونوا ممن إذا رأى الحسن كتم وستر
وإذا رأى القبيح أذاع ونشر (( ما أجمل الإنصاف في كل شي ))

اكرر شكري لك اخي الأمين
وتقبل مني التحية والتقديــــر000

[الامين]

الاخ البارق.....
جزاك الله خيرا ورزقنا واياك الذرية الصالحه اناذكرت ماحصل من باب الانصاف وان يكون هدفنا الاصلاح والنقد البناء لأن المستشفى فى النهايه لنا وعيالنا وكما يقال مايصح الا الصحيح ......:for12: