فكررره بسيطه .. وشرايكم فيها؟

[ام ترركي]

السلام عليكم


ودي اخذ رايكم ومشورتكم في مشروع صغنووون افكر فيه من فتره

شرايكم لو اجيب جلابيات كويتيه الطويله والقصيره واتكسب فيها قرشين بدل العطاله والفضاوه والدجه اللي انا فيها

انا عن نفسي مااحصل جلابيات تعجبني باسواقنا الا نادرا جداااا

شرايكم بالفكره ؟؟؟؟ تأيدوني؟؟؟؟ تتوقعو يمشي سوقها؟؟؟؟ انتم تدورو عن جلابيات حلوة وغريبه ومو مكرره مثلي ؟؟؟؟؟

خايفه اجيب وابتلش فيهاااا

انتظر ارائكم حبيباتي

[حكاية صمت]

امـــمممم تعاملي مع محـــل عششان ماتخسرين

يععني مو تجيبين من بررااا لا تعاااملي مع محل رآآآقي جوى البلد ماشي سوووقه

وبتمشين إن شاء الله :) اعرف وحده تسذا بس والله ماادري اش المحل كانت تحكيني عن بنت عمها :) تقولي ماشاء الله عمروا عماره من هالدخل بس بالبدايه كانت متأزمه والحين ربي فتح عليها الله يوفقكك ي رب بس استخيري بالاول :) والله يكتب اللي فيه الخير

[ام ترركي]

مافهمت عليك!!

قصدك ابيع من بضاعة محل من محلات الجلابيات ببريده؟؟؟

او اتفق مع محل يعرض بضاعتي؟؟

بالحالتين بيدخل معي بالمكسب ولا احس انه يسوى اثنين

[المحتار111]

السلام عليكم

اول شي فكرتك روعه واشجعك عليها بس اهم شي الاسعار الي انتي تقدرين تجيبنها للجلابية لان الزبون الحين يعرف الفرق

وبنسبه على قولتك ماتسوا اذا رحتي للمحل بالعكس ياختي انتي ابدي في المشوار لو تخسرين مع الوقت تحسين نفسك فهمتي الشغله وكسبتي فلوس

ونصائح

اول حاجه لاتكثرين جيبي 10 جلابيات وجربي
حاولي بالي حولك من اهلك شوفي بضاعتك تمشي والا لا واذا مشت دليل على ذوقك
وتذكري دائما النجاح في التجاره يبي صبر
وفيه طريقه تسوقية حلوه وهي
المدرسات في المدارس شوفيلك مدرسه تسوق لك عند المدرسات

انشاء الله تصبحين من سيدات الاعمال

[سمينا]

فعلا انا ابغى مني جلابيه وتكون حلوه
زي حقات الكويتيات..
بس ابغى اسعارهم متداوله مو غاليه

[بصمة اتـفـاق]

بالتوووفيييق أختي
وفكررة حلووووووه

[pepsi]

فكره حلوه موووفقه يارب
ولكن اسعار الكويت اغلا دبل
من اسعار بريده واذ كنتي
تعرفييين محل اومندوب بيكون
افضلك واضمنك عشان الاسعار

[ذات الســـمو]

انا اشجعك وبقووه بس ضد فكرة ان محل يبيعلك !!

انتي اعرضيهن بالمنتديات التسويقيه واتكلي على الله وعلى قولتهم كولي الكيكه لحالك

لان المحل يبي يآخذ الفكره تجربه واذا زاد الطلب يجيب هو ويسحب عليك ويآخذ الشهره

وممكن تجيبين مقصوصه مو مفصله وتجيبين خياطه عندك بالبيت وتخيطين قياسات حسب الطلب

وكذا ما تكدس البضاعه عندك ..

ولو بعد ماتكثرين البضاعه بحيث يكون من كل نوع قطعتين لأن الزبونه تحب التميز

وبالنسبه للأسعار صدقين كل ماصار غالي يكون مقدر عند الحريم اهم شي غريب وغير موجود

ببريده ..

وخلي تعاملك راقي بحيث اذا اتصلت الزبونه واتصلت وراه ثانيه !! عطي كل وحده موعد وقت معين

مثلأ وحده 7 المغرب والثانيه 8 العشاء وقولي عشان الخصوصيه ..

وسجلي جوال كل زبونه تشتري منك وتطلع راضيه عشان اذا جبتي بضاعه جديده تسوين مسجات


اعلانيه والاتصالات عندهم بطاقات ارسال زي الشركات اللي مايطلع رقم يطلع اسم الشركه بالانقلش

وخلي ثقتك بالله قويه وانك راح تنجحين وخلي لك نظره قدام وسويلك اسم تجاري عشان اذا الله فتح

عليك واشتهرتي تفتحين محل وكذا تصيرين حركات وتحسسين الناس انك ذوق..


والله يوفقنا وياك ويرزقك على قد نيتك..

[شموخ أنثى]

الله يوفقك ويرزقك يااااااااااارب

[❤selena ❤]

بصرحه فكره حلو وخصوصن انه محلات بريده مو داك الزود
وانا اول من يشتري بسسسسسس مو غالي
الله http://fashion.fsaten.com/images/imgcache/2011/01/82.jpgيوفقك