*****(( قصيدة الفجر الجديد))******

[هان]

جالس ابهمي وسط ليله وحيد
باعدٍ خلي و متوادع هلي
من على نفسه جنى طبعي أكيد
و الأكيد إني على طبعي ولي
من تطوّع يصبَح لنفسي عضيد
صار في غبة عنادي مبتلي
قالها لي من درى إني عنيد
باكر الي هو يحبك ينجلي
خلني يا ليل مع وقتي مُعيد
أجلس لحالي مَعَ نفسي سِلي
يمكن ابفجرك يناديني الجديد
و ارجَع لْخلي وأصحابي وهلي

الشاعر عبدالله بن سيف

[المستشارَ]

صح لسان شاعرها .. ويسلم يدين ناقلها والله َ

لاهنت اخوي هان ,
اختيارك موفق

كل الشكر لك

[|كيـــرلا..]

صح لسانك ولسان عبدالله ..
كل الشكر لانتقائك الرائع ،،