ياسمو امير القصيم ........ ازعجنا المرهقون في التفحيط في شارع الخبيبه ؟؟؟

[مستقل]

ايه الاخوه نحن نعيش معاناه مع المفحطين

خوف على اروحنا وعلى اولادنا وعلى سيارتنا ..... ازعاج بالتفحيط والسرعه الجنونيه .....

عند قصر الحبيبه والشارع الممتد من شرق القصر الى النزله قريب من ثلاجه المنجم قديما

تفحيط وازعاج الليل مع النهار من بعض المراهقين .... لاننام .... لانرتاح ... نخاف ..

ايه الاخوه انني اخاف على ابي حيث انه رجل مسن ويقطع الشارع

على قدميه ليصلي في المسجد ....

ويعاني من قصر النظر ....

انني اخاف على ابناء الحاره الصغار حين يقطعون الشارع للذهاب للمسجد

وضعو مطبات وبدون فائده ...

ياتي المرور احيانا فاذا اتي هربوا ثم يعودون مرة اخري ... وما قصر رجال المرور ... ولكن هولا يحتاجون الى حزم في التعامل معهم وحل جذري

ابي لايستطيع النوم بسبب الازعاج كل الليل في التفحيط

والدتي مريضه ولاتستطيع النوم من هولا .... ارحمونا الله يرحمكم ...

اقسم لكم ايه الاخوه ان ابي اشتري ارضا وعمر فيها ويريد

ان يخرج من البيت في الخبيبه بسبب هولا المزعجين

اناشد سمو الامير فيصل بن بندر وسمو نائبه حفظهما الله ... وبارك في جهودهم

ان يجدو لنا حلا مع هولا المفحطين في شارع الخبيبه .... اغثنا يا سمو الامير ....

اناشد مدير المرور .... ومدير الشرطه

الوضع لايحتمل ايه الاخوه ....

اغيثونا .... اخاف على ابي .... وارحم امي ..... واخاف على ابنائي ...

[Я ę l â ҳ ê]

لاحول ولاقوة الا بالله
كان الله في عونك زميلانا الفاضل مستقل ..
فمعاناتك الجميع يعانيها في بريدة من كثرة التفحيط والاستهتار والتهور !!
المرور يتابع ساهر لحصد الاموال و الشرطة في سبات عميق !!

كان الله في عون والدك ووالدتك فهذي بحد ذاتها تؤلم !!

[|كيـــرلا..]

كان الله بعونك أخوي ...

للأسف طالبنا كثيرا بتعديل الاوضاع ولا عندهم نيه يسمعون..!!
وللاسف هم اللي يبونهم يجون لها المكان ..؟
والا وش معنى بعدما يجي قرار المطبات الصناعيه يحطونهن زحليقات لهم !!

يعني كنك يابوغازي ماغزيت ومثل مارحت جيت!!
المفحطين يدخل المطب على سرعته وعلى جنب من الاستخفاف وكل هذا قدام عيوننا !!
والحين طلبنا يكون رصيف ويصير سيدين رايح جاي والرصيف خلاص بمنعهم من التفحيط ..
بس يبدوا المستفيدين مايبون الرصيف ؟؟

توفى ناس كثير واطفال بسبب التفحيط ؟؟؟
وعوائل أصيبت أيضا كله قدام عيوني وانا كنت ساكن بنفس الشارع وادعي عليهم الليل والنهار ان الله يهلكهم ويريح البلاد والعباد منهم !!
وحتى الدوريه مقصرين ونص بعد الاتصال بساعتين يجي ياخذ لفه ويمشي ؟؟؟!!
ولاعمرنا شفناهم سوو تحجير لهم ولا شي ..

مانقول الله حسبنا الله عليهم الله يريحنا منهم ويزعجهم بانفسهم كثر ما ازعجونا ..

[مجودي7]

-
هذا دليل ان المطبآت مانفعت .. شوفوا
لكم حل غير المطبآت .. والخبيبية من زمان وهم يفحطون به

[دلوعه عنيزه]

التفحيط ظاهره لايمكن القضاء عليها

[الرائددمي]

يارجال ماعندك رجال امن تعمتد عليهم

[زهرة الخزامى]

لاااااحول ولااااااقوه الا بالله ..

اللهم اهدي شبابنــــــــــــآ ..

[بندر الحمر]

نتمنى الوقفه الجاده قبل قول ياليت

[التـويـجـري]

المرور نااااااااااااايم

ماعندهم شغل نهائيا

حتى الحوادث نجم صار يستلمها


المرور واقف عند الاشاره وتقطع قدامه عينك عينك وربي ماحرك ساكن



مرورونا يحتاج لمرور

[|كيـــرلا..]

الله يكون بالعون وينتقم ممن تساهل وساعدهم بهالامور ..؟؟

[علي788]

والله كلن كرة قصر الصفاء
علشان التفحيط
ومارة فية زواج وفية تفحيط وتصلناء على المرور
وقال فية مرور سرية بلموقع
بس كال الفحطون ماركبو لوحات يعني مافية فايدة
نرجو من سكان الخبيبية كتابة معروض لائمير منطقة القصيم فيصل بن بندر حفضة الله وتوقيع جميع سكان الحي

[الزلزال الهلالي]

حسبي الله عليهم حسبي الله عليهم حسبي الله عليهم

روعونا وآذونا واحدهم صدم سيارتي بعد يومين من مشتراها وللأسف بعتها تشليح الله يعوضن خيراً منها
قسم بالله ان فيه راعي جيب حوض قبل شهر تقريباً حسبي الله عليه كان يفحط مقابلني ودخلت بالتراب وتعلقت سيارتي روعني وروع اهلي وجلست ادعي عليه من قلبي حسبي الله عليه وبعدها قررت اني ماعمري اجي من عند هالشارع حتى تنحل المشكله

[عبدالملك الوشمي]

عدم أتخاذ قرار فوري لمرور بريدة ,, نطالب وبشده أن يكون هذا الشارع تحت أعين كل جندي له الصلاحيه لقبض هؤلاء .. ( الله يكون بعونكم أخي وتيسر أموركم بأذن الله من هؤلاء ..

[هاويك]

المشكله الأعظم أن اغلب العساكر يكونوا زملاء أو أصدقاء للمفحطين . . . يعني ماراح يمسكونهم أو يخبرون عنهم , فالأمانه يارجل الامن !!


الله يهديهم بس , والله أشغلونا بالمطأ بالتفحيط والي قاهرني أكثر أنهم مو من الحاره يجي ساعتين ويروح .

[لا تنساني]

و أزيدكم من الشعر بيت إن أغلب المفحطين ببريدة هم من رجال الأمن ((المرور))
الآن ليس للتفحيط شارع كما كان في السابق
بل حيث ما اجتمع الشباب ((الزينين)) فحطوا

[إبراهيم الكريديس]

ظاهرة انتشرت

وكثررة الحوادث منها

[السيف الأملح]

بصرآحه مصيبه كبيره,,,وما اقول الا لاحول ولاقوة الا بالله,,,


هي اصلاً ماوقفت ع شارع الخبيبيه التفحيط بكل مكان مزعج ويسبب الروعه

والخوف,,,


لكن من أمن العقوبه أساء الأدب,,,


هاللي يفحط تلقى عمه ولا خاله مسؤول كبير بالمرور ولا بالعسكريه عموماً


ثمن لاحجزت سيارته وحجز هو والله ما يتم اربع وعشرين ساعه الا مطلعينه


ويطقون له تحيه,,,

فعلاً أول ماتفقدون من دينكم الامانه,,,آآآآآه بس شي يقهر قسم بالله,,,


ما اقول الا يالله يارب ان تسان بهم خير وصلاح انك تهديهم وتصلحهم

وتحفظهم لأهلهم وان تسان مابهم لا خير ولاصلاح انك ترينا بهم عجائب قدرتك

اللهم انهم نشروا في الأرض الفساد وأزعجوا الحاضر والباد


اللهم فأرحنا منهم عاجلاً غير آجلاً,,,


بالنهايه أرجع واقول كما قال زميلنا من قبل المرور يحتاج لمرور؟؟؟

[ظفار]

فعلا الامر خطير وهذه المنطقة بالخبيبة كأنها على راس شيطان
والمشكلة اننا دائما نجد انه بوسط الطريق العام يتوقف هؤلاء الشباب بسياراتهم للسواليف ومن دون اي اعتبار للمارة والمرور اذا اتصلت عليهم لا حس ولا خبر

[فديت بريده]

لاتنسون شارع القناه