{ شغفــك ينتظرك .. فــلآ تدع انتظاره يطول }

[كسرني غيابة]

http://up.3ros.net/get-9-2011-58qckrns.jpg (http://up.3ros.net/)



انشاء مشروع خاص

هالشي صار هاجس كل الناس بشكل رهيب
هالفترة تحديدا .. الكل صار عنده مشروع والكل صار
فيه هوس انه يدور الرزق بطريقة فظيعة
وصارت المادة اهي العنصر الاساسي !!http://www.vb.eqla3.com/images/smilies/119.gif

كاب كيك
بضاعة كوبي ون
اشغال يدوية
خياطة
رسم
تصميم
تصوير فوتوغرافي
طبخ
اعمال ميكانكية
تنظيم حفلات
وغيرها وغيرها وغيرها ....."


الاسباب الرئيسية لتوجه لانشاء مشروع خاص :

1- دخل اضافي : احيانا الشخص يضطر لانشاء مشروع خاص لكسب الرزق وهالشي يكون سبب لـ 90% للمشاريع

2- اظهار المواهب المدفونة : كثير من الناس يتجهون لانشاء المشاريع للكشف وتعريف الناس على موهبتهم الخاصة واظهارها للعالم بشكل واضح وكسب المال من خلالها وتطويرها

3- تطوير الموهبة : مثل ماذكرت في النقطة السابقة ان الشخص يسوي مشروع عشان يبين للناس شقد اهو موهوب .. بنفس الوقت يطول موهبته .. شلون ؟ لما تكون الموهبة بين الشخص ونفسه او بين محيطه فقط يمكن يتعرض لانتقادات بسيطة او مايتعرض لانتقادات لان مثل ماتعرفون الاهل مايحبون يجرحون الشخص فيقولون له اي اي حلو شغلك بس عشان يسكت .. اما لما يعرض موهبته للعالم وهنا يتعرض لانقادات قوية ممكن انها تطوره او تخليه يتخلى عن موهبته ومشروعه !

4- الفراغ : وهالسبب الي مخلي ثلاثة ارباع الناس في خطر .. كلنا نشكي فارغ العاطفة http://www.vb.eqla3.com/images/smilies/biggrin.gif
لا جد والله .. هالسبب اهو احد اهم الاسباب مثله مثل السبب الاول .. لان بسبب الفراغ يمكن نكتشف اشياء كثيرة فينا ماكنا نعرفها ..!

5- اثبات الذات : وهالشي زين للشباب والبنات الي يبون يحصلون شريك او شريكة الحياة كيف ؟http://www.vb.eqla3.com/images/smilies/004.gif
البنت تدور ريــال معتمد ع نفسه وعنده امكانيات ودقرات شخصية قوية ويقدر يعيلها مستقبلا
وبنفس الوقت لما الواحد بيروح يخطب ويقول لاهل البنت والله انا اشتغل وعندي مشروع خاص ناجح
هالشي بيخليه مميز عن غيره .. بس يمكن هالسبب يخلي بعض البنات غير مرغوبين للزواج
لان بعض الشباب مايحبون البنت المعتمدة على روحها ويحسونها خطر عليهم وعلى رجولتهم ويفضلون البنت المغلوب على امرها ..!http://www.vb.eqla3.com/images/smilies/Looking_anim.gif
وطبعا العكس صحيح ..!

6-الموضة : لاتستغربون جد هاذي الموضة الحين الكل بدا مشروعه الخاص .. بس لانها موضهhttp://www.vb.eqla3.com/images/smilies/biggrin.gif
وحب تقلييد .. الي ماتعرف تطبخ راحت خذت وصفات من النت وسوت كاب كيك .. والي مايعرف يصور راح اشترى كيمرا احترافية وقام يصور الناس .. وهالنوعية ماتدون كثير كلها اسبوع اسبوعين او شهرين ويختفون من الساحةhttp://www.vb.eqla3.com/images/smilies/rolleyes.gif



احيانا المشاكل الكثيرة والهموم والضغوطات تخلينا نحاول نسافر بعيد
لعالمنا الخاص عشان نتخلص من كل الاشياء السلبية والي تأذينا كثير ..!



الاخطاء في البدايــات :

1- التقلييد
2- عدم تكريس وقت كافي للمشروع
3- عدم الجدية وتحمل المسئولية
4- رأس المال الكافي
5- الكـــسل
6- جعل الضغوطات الانتقادات حاجز يقع بيني وبين النجاح
7- التفكير المشوش وعدم تنظيم الوقت
8- العمل دون مساعدة
9- رضا الله ورضا الوالدين




ودي : كسرني غيابة