ابـوفهد
07-09-11, 12:18 pm
بسم الله الرحمن الرحيم
مقدمة
رحل العيد ورحلت أيامه الجميلة التي لطالما انتظرنها بفارغ الصبر
ولكن لصاحبنا اقتربت أيام أهم بالنسبة له من العيد ..أيام انتظرها من أعياد وأعياد سابقة
حلم عمر ه حلم أربع سنوات أو أكثر أصبح الآن على بعد أيام معدودة
براءة طفل
فقد كنت عائد للمنزل وإذا بي أتفاجأ بهذا المشهد
)حقيبة مدرسية جديدة ..وأحذية موضوعة بجوار الباب الداخلي للبيت ) وابن أختي الصغير من خلفها
كنت أعرف ان هالشنطة لابن أختي الصغير وتوه شاريها للمدرسة لكن صراحة تفاجئت وقلت ياولد وش جاب هالشنطة ذي هالوقت ذ وبالمكان ذا الظاهر ان العطلة لعبت فيني وبديت أضيع الأيام وشكل الدراسة بكرا وهذا ولد أختي يا حليله من الحماس مولم الشنطة من الليل..بس ياود أنا متأكد أن باقي على الدراسة أكثر من خمس أيام
قلت خليني أشوف وشعنده ولد أختي وأشوف وش قصته بالضبط!!
قلت له:
حبيبي وش سالفة الشنطة والنعال هذي!!
قال للمدرسة ما دريت أني بدرس السنة ذي
))ملاحظة حبيبي لزوم الكتابة بس لا تصدقون انه الكلمة المستخدمة بالحوار الحقيقي خخخ((
هههه لا يا شيخ بتدرس السنة ذي !! ياحبيبي لك سنة او اكثر مشغلنا بهالمعلومة ذي وكل يوم جايني و صاجني بعدك التنازلي: باقي ستة أشهر وادخل المدرسة ..باقي شهرين..باقي شهر ...باقي ٢٩ يوم باقي كثر أصابع يديني ورجليني ,,باقي كثر أصابع يديني ..الخ وتبغاني ماعرف هالمعلومة او انساها انسى اسمي ولا انسى انك بتدخل المدرسة السنة ذي خخخخ
بس تعال يابو الشباب انت تدري ان الدراسة باقي عليها كثر أصابع يدي (اقصد خمس أيام ) يعني ليش حاطها هنا كأنك بتروح بكرا ولا بس حاطها تبغانا نشوفها وتدع دع فيها شوي؟؟
وبكل براءة اجابني :ادري انها بعد خمس ايام بس لزم اولمها من الحين للمدرسة
حينها ابتسمت ابتسامة خفيفة وقلت (يحقلك بتدرس بعد خمس ايام وبتصير طالب )
وبنفسي اقول هالمسيكين متحمس ومايدري انه بعد شهر بالكثير او سنة كحد اقصى راح يندم على اليوم الي فكر فيه انه يكون طالب هههه
بس لزم ما احطمه فهذا حلم حياته وله اكثر من اربع سنوات ينتظر هالحلم وممكن يكون هالحلم تافه بالنسبة لنا الحين لكن بوقته ويوم كنا بعمره كان لنا حلم كبير و برضه الأحلام الي قاعدين نعيشها الحين نشعر أنها أحلام عظيمة ونحسب كل لحظة نقضيها بانتظارها
ومتاكد انه بعد مدة راح تكون احلام تافهة وراح نضحك على انفسنا ونضحك على الترتيبات والبروتوكلات الي نسويها لاستقبال مثل هذه الاحلام
أبن أختي عيش حلمك بكل لحظاته وربما تندم بعد ذلك لكن متأكد أن ندمك أقل وبكثير من ندم هؤلاء:
فلن تندم كندم زوجة أو زوجة
ليلة الزواج او كما يسميها البعض ليلة العمر يجيب الواحد الي ورآه والي دونه ويسوي كل شي وممكن أخر أسبوع قبل الزواج ما يتهنى بنومه من كثر التفكير و يتفاجئ بعد أشهر أو سنوات قليلة من تحقق هذا الحلم انه يردد (( ياحبيل العزوبية)) وهي تصرخ باعلى صوتها (انا توني صغيرة ليش تزووجت وبهذلت نفسي بهالمسؤولية وهالاولاد ليتني جلست ببيت اهلي ابرك لي!!((
ولن تندم كندم موظف حكومي
يذبح ذبايح ويحتفل وكل شخص يقابله يعلمه ويبشره بالخبر
وش السالفة !!!
ابد بس تحقق حلمه بالوظيفة وتم تعينه بوظيفه حكومية.
من قده خلوه يعيش الحلم ويرقص ويفرح قد ما يبغى
وبعد مدة تتفاجئ بان هذا الشخص يجي يتذمر ويبكي عندك .. ضغط عمل..ما فيه إجازات.. نداوم قبل المدرسين ..سلم الرواتب ضعيف ...ترقيات مافيه ..ياليتني بس صرت مدرس او اتجهت للعمل الحر ابرك لي.
ولن تندم كندم مدرس
نروح للمدرس وقت تعينه ..يحمد ربه .. ويردد حلمي تحقق ..والله ماتوقعت اتعين بالسرعة ذي
من قده اصبح مربي اجيال خلوه يناس يفرح قد مايبغى (طبعا المدرسين مايذبحون طبعهم قعطيين امزززح)
المهم اول ليلة من التدريس تلقاه من الخبة والحماس ماينام وومن الفرحة والحماس والاجتهاد باول سنة تلقى بيته كله وسائل تعليمية ودفتر التحضير أول بأول و الدرس يحضر له بالبيت عشر مرات و...الخ
ولكن تتفاجأ بعد سنة وانت تمر بجوار غرفة المدرسين وبالصدفة اذا بك تسمع صوت حزين لهذا المدرس يشكي لزميله سوء معاملة المدير وانه مظلوم بتوزيع الحصص وان الطلاب بلداء وبطئي الاستيعاب وان الجو المدرسي سيء وان التدريس منهك جدا وان ..وان ..واذا بصاحبه يبادله نبرات الحزن ويقول له والله لو اننا موظفين ازين لنا ما غير نتسدح بالمكتب لا طلاب ولا شرح ولا تصحيح ولا...الخ
ولن تندم كندم رئيس دولة
تحقق حلمه واصبح رئيس فبعد ماكان قائد بالجيش اصبح قائد لكل الشعب .. افرح يا شعب و عيش مع هذا الرئيس لحظات تحقق حلمه ولترقص أيه الرئيس شهر كامل فقد تحقق حلمك وأصبحت رئيسا
و بعد سنوات نجده بين الأقفاص ويعض أصابع الندم ويردد ((ليلة سودة الي تعينت فيها رئيس ))
قفلة
@ابن أختي الصغير افرح بهذا الحلم وعيش جوك فهذا حلمك وحدك ولا تنظر الا غيرك فانهم كما ييرون حلمك صغير فان احلامهم فيوما ما سوف تكون صغيرة
@ وخذها مني يا صغيري ربما في يوم ترى غباء وسخافة في تلك الفرحة و بذلك الحلم وكيف كان حلم لك ولكن مع ذلك ورغم شعورك بان تلك اللحظات سخيفة وغبية إلا أنها سوف تبقى من اجمل اللحظات في حياتك والتي من المستحيل أن تمحى من ذاكرتك
@ماجمل ان تكون فرحة تتحقق الحلم دافع دائم لنا لنا بالقناعة والرضا بالنتائج التي تحققت من هذا الحلم وان تبقى مصاحبة لنا طوال زمن بقاء هذا الحلم الذي أصبح واقعنا
@ أخيرا أحب أن اذكر الجميع ان ما كتبته مجرد خربشات بسيطة الهمني اياها ذلك الطفل البريء وشنطته الصغيره و جميع الافكار المطروحة البسيطة لا تحمل الجدية في الطرح بقدر انها مجرد أفكار عابرة لا أكثر ولا أقل.
و السلام عليكم ورحمة الله وبركاته
خربشات بسيطة كتبتها بقلمي: أبوفهد(عبدالسلام)
مقدمة
رحل العيد ورحلت أيامه الجميلة التي لطالما انتظرنها بفارغ الصبر
ولكن لصاحبنا اقتربت أيام أهم بالنسبة له من العيد ..أيام انتظرها من أعياد وأعياد سابقة
حلم عمر ه حلم أربع سنوات أو أكثر أصبح الآن على بعد أيام معدودة
براءة طفل
فقد كنت عائد للمنزل وإذا بي أتفاجأ بهذا المشهد
)حقيبة مدرسية جديدة ..وأحذية موضوعة بجوار الباب الداخلي للبيت ) وابن أختي الصغير من خلفها
كنت أعرف ان هالشنطة لابن أختي الصغير وتوه شاريها للمدرسة لكن صراحة تفاجئت وقلت ياولد وش جاب هالشنطة ذي هالوقت ذ وبالمكان ذا الظاهر ان العطلة لعبت فيني وبديت أضيع الأيام وشكل الدراسة بكرا وهذا ولد أختي يا حليله من الحماس مولم الشنطة من الليل..بس ياود أنا متأكد أن باقي على الدراسة أكثر من خمس أيام
قلت خليني أشوف وشعنده ولد أختي وأشوف وش قصته بالضبط!!
قلت له:
حبيبي وش سالفة الشنطة والنعال هذي!!
قال للمدرسة ما دريت أني بدرس السنة ذي
))ملاحظة حبيبي لزوم الكتابة بس لا تصدقون انه الكلمة المستخدمة بالحوار الحقيقي خخخ((
هههه لا يا شيخ بتدرس السنة ذي !! ياحبيبي لك سنة او اكثر مشغلنا بهالمعلومة ذي وكل يوم جايني و صاجني بعدك التنازلي: باقي ستة أشهر وادخل المدرسة ..باقي شهرين..باقي شهر ...باقي ٢٩ يوم باقي كثر أصابع يديني ورجليني ,,باقي كثر أصابع يديني ..الخ وتبغاني ماعرف هالمعلومة او انساها انسى اسمي ولا انسى انك بتدخل المدرسة السنة ذي خخخخ
بس تعال يابو الشباب انت تدري ان الدراسة باقي عليها كثر أصابع يدي (اقصد خمس أيام ) يعني ليش حاطها هنا كأنك بتروح بكرا ولا بس حاطها تبغانا نشوفها وتدع دع فيها شوي؟؟
وبكل براءة اجابني :ادري انها بعد خمس ايام بس لزم اولمها من الحين للمدرسة
حينها ابتسمت ابتسامة خفيفة وقلت (يحقلك بتدرس بعد خمس ايام وبتصير طالب )
وبنفسي اقول هالمسيكين متحمس ومايدري انه بعد شهر بالكثير او سنة كحد اقصى راح يندم على اليوم الي فكر فيه انه يكون طالب هههه
بس لزم ما احطمه فهذا حلم حياته وله اكثر من اربع سنوات ينتظر هالحلم وممكن يكون هالحلم تافه بالنسبة لنا الحين لكن بوقته ويوم كنا بعمره كان لنا حلم كبير و برضه الأحلام الي قاعدين نعيشها الحين نشعر أنها أحلام عظيمة ونحسب كل لحظة نقضيها بانتظارها
ومتاكد انه بعد مدة راح تكون احلام تافهة وراح نضحك على انفسنا ونضحك على الترتيبات والبروتوكلات الي نسويها لاستقبال مثل هذه الاحلام
أبن أختي عيش حلمك بكل لحظاته وربما تندم بعد ذلك لكن متأكد أن ندمك أقل وبكثير من ندم هؤلاء:
فلن تندم كندم زوجة أو زوجة
ليلة الزواج او كما يسميها البعض ليلة العمر يجيب الواحد الي ورآه والي دونه ويسوي كل شي وممكن أخر أسبوع قبل الزواج ما يتهنى بنومه من كثر التفكير و يتفاجئ بعد أشهر أو سنوات قليلة من تحقق هذا الحلم انه يردد (( ياحبيل العزوبية)) وهي تصرخ باعلى صوتها (انا توني صغيرة ليش تزووجت وبهذلت نفسي بهالمسؤولية وهالاولاد ليتني جلست ببيت اهلي ابرك لي!!((
ولن تندم كندم موظف حكومي
يذبح ذبايح ويحتفل وكل شخص يقابله يعلمه ويبشره بالخبر
وش السالفة !!!
ابد بس تحقق حلمه بالوظيفة وتم تعينه بوظيفه حكومية.
من قده خلوه يعيش الحلم ويرقص ويفرح قد ما يبغى
وبعد مدة تتفاجئ بان هذا الشخص يجي يتذمر ويبكي عندك .. ضغط عمل..ما فيه إجازات.. نداوم قبل المدرسين ..سلم الرواتب ضعيف ...ترقيات مافيه ..ياليتني بس صرت مدرس او اتجهت للعمل الحر ابرك لي.
ولن تندم كندم مدرس
نروح للمدرس وقت تعينه ..يحمد ربه .. ويردد حلمي تحقق ..والله ماتوقعت اتعين بالسرعة ذي
من قده اصبح مربي اجيال خلوه يناس يفرح قد مايبغى (طبعا المدرسين مايذبحون طبعهم قعطيين امزززح)
المهم اول ليلة من التدريس تلقاه من الخبة والحماس ماينام وومن الفرحة والحماس والاجتهاد باول سنة تلقى بيته كله وسائل تعليمية ودفتر التحضير أول بأول و الدرس يحضر له بالبيت عشر مرات و...الخ
ولكن تتفاجأ بعد سنة وانت تمر بجوار غرفة المدرسين وبالصدفة اذا بك تسمع صوت حزين لهذا المدرس يشكي لزميله سوء معاملة المدير وانه مظلوم بتوزيع الحصص وان الطلاب بلداء وبطئي الاستيعاب وان الجو المدرسي سيء وان التدريس منهك جدا وان ..وان ..واذا بصاحبه يبادله نبرات الحزن ويقول له والله لو اننا موظفين ازين لنا ما غير نتسدح بالمكتب لا طلاب ولا شرح ولا تصحيح ولا...الخ
ولن تندم كندم رئيس دولة
تحقق حلمه واصبح رئيس فبعد ماكان قائد بالجيش اصبح قائد لكل الشعب .. افرح يا شعب و عيش مع هذا الرئيس لحظات تحقق حلمه ولترقص أيه الرئيس شهر كامل فقد تحقق حلمك وأصبحت رئيسا
و بعد سنوات نجده بين الأقفاص ويعض أصابع الندم ويردد ((ليلة سودة الي تعينت فيها رئيس ))
قفلة
@ابن أختي الصغير افرح بهذا الحلم وعيش جوك فهذا حلمك وحدك ولا تنظر الا غيرك فانهم كما ييرون حلمك صغير فان احلامهم فيوما ما سوف تكون صغيرة
@ وخذها مني يا صغيري ربما في يوم ترى غباء وسخافة في تلك الفرحة و بذلك الحلم وكيف كان حلم لك ولكن مع ذلك ورغم شعورك بان تلك اللحظات سخيفة وغبية إلا أنها سوف تبقى من اجمل اللحظات في حياتك والتي من المستحيل أن تمحى من ذاكرتك
@ماجمل ان تكون فرحة تتحقق الحلم دافع دائم لنا لنا بالقناعة والرضا بالنتائج التي تحققت من هذا الحلم وان تبقى مصاحبة لنا طوال زمن بقاء هذا الحلم الذي أصبح واقعنا
@ أخيرا أحب أن اذكر الجميع ان ما كتبته مجرد خربشات بسيطة الهمني اياها ذلك الطفل البريء وشنطته الصغيره و جميع الافكار المطروحة البسيطة لا تحمل الجدية في الطرح بقدر انها مجرد أفكار عابرة لا أكثر ولا أقل.
و السلام عليكم ورحمة الله وبركاته
خربشات بسيطة كتبتها بقلمي: أبوفهد(عبدالسلام)