تغطوا يابنات المعرس بيدخل [الأرشيف]

الحاج خالد

31-08-11, 08:51 pm

*تغطو ياحريم العريس بيدخل
بمناسبة موسم الاعراس هذه الايام

بِسْم الْلَّه الْرَّحْمَن الْرَّحِيْم*
الْسَّلام عَلَيْكُم وَرَحْمَة الْلَّه وَبَرَكَاتُه*

تَغَطَّو يَابَنَاات الْمُعَرَّس بَيْدَخَل.. عَباارَة دَائِمْاتتكرر ليرقص من يرقص ويبحلق من يبحلق*وَهُو جَاالِس بِجْنب زَوْجَتِه

هَل دَخَل أَحَد مِنْكُم فِي زُوااجَه الَى الَصَاالَة اماام الْحَرِيم
وَمَاارَأَيْكُم فِي دُخُوْل الْعرِسْاان الَى الَصَاالَة
*
فِي حِيْن ان الَصَاالَة بَهْاا رَجُل وَااحد وَيَكُوْن مَشْغُول ومستلج *مَع عرُووسِه
عن نفسى زواجي الأول طايرة بوهتي ولاشفت شي كنه حلم 0 اما زواجي الثاني ايوالله ايه حصلنا فرجه الله يعفو ويصفح ! * * * * *
هَل تُؤَيِّدُون الْدُّخُوْل الَى الَصَاالَة ..

ليه يادنيا المحبه

31-08-11, 09:00 pm

وش المغزى من هالفعل الا

يعني اٍنـي ..!!

تَـرفْ ♪

31-08-11, 09:14 pm

يعنني متزوج مرتين http://www.halaq8.com/vb/images/smilies/smilies2/biggrin.gif

هالسؤال يوجه لمعالي الذكور , هم اللي بيستانسون بالبصبصه
ولا حنا نتغطى وماضرنا شيء

قـتـالـه

31-08-11, 09:16 pm

على بالي المعاريس مرتبكين ويشوفون الدنيا خطوط وزباريق
واثرهم يبخصون ويبرقون باللي قدامهمhttp://www.buraydh.com/forum/images/icons/icon6.gif

آشغلتموها

31-08-11, 09:40 pm

الا تبي تفهمنا انك من زود العدل حاط بكل الزوجين حفله وسنع !!

الحاج خالد

31-08-11, 11:47 pm

وش المغزى من هالفعل الا

يعني اٍنـي ..!!

يعني اني!!

انت جاوب تأيد دخول العريس ولا لا؟؟

الحاج خالد

31-08-11, 11:54 pm

يعنني متزوج مرتين http://www.halaq8.com/vb/images/smilies/smilies2/biggrin.gif

هالسؤال يوجه لمعالي الذكور , هم اللي بيستانسون بالبصبصه
ولا حنا نتغطى وماضرنا شيء

اايه متزوج مرتين والثالثه والرابعهhttp://www.buraydh.com/forum/images/icons/icon10.gif
لاصار فيه بصبصه بكل حفله

اكيد بس تغطينا ؟ والا على ماقال تغطي مره ابو خخخ

شاها

01-09-11, 12:29 am

خخخخ شكلك متزوج ثانيه علشان تبقق فناجيلك ض1
طيب وشلوه تفاخر بمعصيتك ص1
والا تبي نقول وثره متمنطر زفه وحرركات ض1
اقول بلازفه بلاباميا خلقه آآنتم تبققون من ورا العبايه مو عاد قدامك ض1

الحاج خالد

01-09-11, 12:38 am

على بالي المعاريس مرتبكين ويشوفون الدنيا خطوط وزباريق

واثرهم يبخصون ويبرقون باللي قدامهمhttp://www.buraydh.com/forum/images/icons/icon6.gif

انا بعرسي الاول مثل ماوصفتي اشوف اللي قدامي الون قوس قزح وبس ودي اطلع

بس يوم دخلت المرة الثانيه اثري وش اشوف؟
اشكال والوان من الزين والوسط والشين

مستقل

01-09-11, 01:19 am

هل تريد رأينا على الدخول على النساء في صالات الافراح

ما لنا راي مع رسول الله صلى الله عليه وسلم ( اياكم والدخول على النساء )

الراي يكون بالطماط والحبحب والسكري لا في شريعه الله

الـــرامي

01-09-11, 01:23 am

عادة مي حلوة ،،، و غريب أن تحدث بــ ديرة الإسلام ( بريدة ) !

الحاج خالد

01-09-11, 01:27 am

الا تبي تفهمنا انك من زود العدل حاط بكل الزوجين حفله وسنع !!

هههههههه

بزواجي الثاني خاصه مالي سنع بالحفله وتكاليفها

انا دوري اخش للقاعه واخذ الحرمه واخليهم هم وهياطهمhttp://www.buraydh.com/forum/images/icons/icon10.gif

الحاج خالد

01-09-11, 01:30 am

خخخخ شكلك متزوج ثانيه علشان تبقق فناجيلك ض1
طيب وشلوه تفاخر بمعصيتك ص1
والا تبي نقول وثره متمنطر زفه وحرركات ض1
اقول بلازفه بلاباميا خلقه آآنتم تبققون من ورا العبايه مو عاد قدامك ض1

ااح

معصيه مرتن وحده

انا مسير ولست مخير

ولا هو ببالي ابصبص على قولتس بس لقيت بصبصه بدون تعب

الحاج خالد

01-09-11, 01:37 am

هل تريد رأينا على الدخول على النساء في صالات الافراح

ما لنا راي مع رسول الله صلى الله عليه وسلم ( اياكم والدخول على النساء )

الراي يكون بالطماط والحبحب والسكري لا في شريعه الله

انا ماتكلم عن خلوه
تخيلي فوق 200 حرمه ورجل واحد :4_1_6[1]:

هـ تـ

01-09-11, 01:45 am

شسنع الحرمات يشوفن المعرس يوم زواجه ؟!
عادة سمجة تصطّف بجانب السماجات
التي يرتكبها بعض الناس بمُسمى الكشخة!

عادة مي حلوة ،،، و غريب أن تحدث بــ ديرة الإسلام ( بريدة ) !

يعني الديار الثانية ديار كُفر ولا ايـه ؟!

شغب المشاعر

01-09-11, 03:01 am

انا ما ايد
واصلن موب عاده لنا ولا للمجتمع القصيمي الاصلي

قـتـالـه

01-09-11, 03:17 am

بس يوم دخلت المرة الثانيه اثري وش اشوف؟
اشكال والوان من الزين والوسط والشين

^^
ياراعيات الزفات سمعتن الحتسي ؟
يعني اللي بتاخذ واحد مستعمل منحينها لاتحط زفه
تنزف معه بغماره ويالله السلامهhttp://www.buraydh.com/forum/images/icons/icon10.gif

الحاج خالد

01-09-11, 03:34 am

شسنع الحرمات يشوفن المعرس يوم زواجه ؟!
عادة سمجة تصطّف بجانب السماجات
التي يرتكبها بعض الناس بمُسمى الكشخة!

يعني الديار الثانية ديار كُفر ولا ايـه ؟!

بعضهن بهن صفه البصبصه اللي ملزقنيه بنا الحريم
يبصبصن بالرجال اكثر من بصبصتن

اختلفنا مين اللي يبصبص بالثاني اكثر؟خخخخخخ

فديكا التميمي

01-09-11, 03:44 am

بالنسبه لي ولو انا بمكانهم ماادخل ولا اخليه يدخل ماله لزمه
ماغير يبققون هالعيون الخلق ,,
لكن وناسه لاصار لغيري وش وراي اتفرج ونشوف هو يخب عليه
والا هي تخب عليه ,,,

http://www.buraydh.com/forum/images/icons/icon10.gif

تَمَرّدْ

01-09-11, 03:47 am

هه

مواضيع ممله كثرت من فترات

سلملم

فديكا التميمي

01-09-11, 03:50 am

هه

مواضيع ممله كثرت من فترات

سلملم

تمرد
فسري عن ذرعانتس ونزليلنا موضوع :)

الحاج خالد

01-09-11, 03:55 am

انا ما ايد
واصلن موب عاده لنا ولا للمجتمع القصيمي الاصلي

حلو انك ما تأيدين
بس يطيعونك الناس؟

والمجتمع القصيمي هذا اول

الحين اختلط الحابل بالنابل

الحاج خالد

01-09-11, 03:57 am

^^
ياراعيات الزفات سمعتن الحتسي ؟
يعني اللي بتاخذ واحد مستعمل منحينها لاتحط زفه

تنزف معه بغماره ويالله السلامهhttp://www.buraydh.com/forum/images/icons/icon10.gif

ايو الله انك صادقه

فستانك والغماره خخخخخخخخ

شاها

01-09-11, 03:58 am

لكن وناسه لاصار لغيري وش وراي اتفرج ونشوف هو يخب عليه
والا هي تخب عليه ,,,

نه نه يانذله تبي لغيرة وهي لا
يارب احضر زفتك وابققق ب ضفدع الاحلام حقك
ههههههه <<فتوك جازت لي تكفين حطي ههه

الحاج خالد

01-09-11, 03:58 am

حبر جاف

01-09-11, 03:59 am

الحاج خالد

01-09-11, 04:00 am

هه

مواضيع ممله كثرت من فترات

سلملم

وش مدخلك اجل

خليك بأكنك الضيقه احسن لك خخخخخخ

قـتـالـه

01-09-11, 04:03 am

وش مدخلك اجل

خليك بأكنك الضيقه احسن لك خخخخخخ

لاتصير انت والاكنه عليها http://www.buraydh.com/forum/images/icons/icon10.gif

الحاج خالد

01-09-11, 04:04 am

شكلك قديم مرا اول مره اسمع ان المعرس يدخل لقاعه الحريم

ممنوع ياابويا الرجال يدخل عساه تسمح له يجي شوي يصور معها بالغرفه قبل الزفه صورتين وبعدين يجلس ينتظره الى الساعه 3
تنزف لوحده ومن غيروه
اول مره اسمع ان الرجال ينزف هههههه
والله انك حول الحروه خخخخ
عرسي الثاني
اول مافعلن الرسائل النصيه بالجوال خخخخخ
لانه اذكر جان رسائل بليله الدخله هع

الحاج خالد

01-09-11, 04:06 am

نه نه يانذله تبي لغيرة وهي لا
يارب احضر زفتك وابققق ب ضفدع الاحلام حقك
ههههههه <<فتوك جازت لي تكفين حطي ههه

شفتي انك تخصص بصبصه بالبصوه خخخخخخخخ

فديكا التميمي

01-09-11, 04:08 am

يازين الصدق

رد مافيه ادعاء ولا شيء

بس ابي اعرف وين الوناسه بالتفرج؟

طول عمري اللي بقلبي على لساني مانب ازمل مثل غيري
يقولون رأي وبالرد الثاني تناقض .. :)

الوناااسه نشوف وش هم من لحيه ونضحك على ربكتهم
بس ترانا مانقصر ندعيلهم ,, :)

الحاج خالد

01-09-11, 04:10 am

لاتصير انت والاكنه عليها http://www.buraydh.com/forum/images/icons/icon10.gif

اايه انا لي الحرمه

والاكنه عليكم

الاكنه هي الزفه؟؟http://www.buraydh.com/forum/images/icons/icon10.gif الا وش معنى الاكنهhttp://www.buraydh.com/forum/images/icons/icon10.gif

فديكا التميمي

01-09-11, 04:12 am

نه نه يانذله تبي لغيرة وهي لا
يارب احضر زفتك وابققق ب ضفدع الاحلام حقك
ههههههه <<فتوك جازت لي تكفين حطي ههه

ياختي محد ضربم على ايديهم http://www.buraydh.com/forum/images/icons/icon12.gif
حياتس الله والضفادع ماحنب إناسبهم بكزهم لتس <<كلش ولاطاريه ههههه

شاها

01-09-11, 04:12 am

انا لاشفت عاتي هذاني اشوفهم بالشارع
والتلفزيون وبكل حارة وحلال علي لكن انتم لا حرام
اجل تخصص والله متري منو اللي عشر طعش يبققق ض1ض

قـتـالـه

01-09-11, 04:13 am

الاكنه هي الزفه؟؟http://www.buraydh.com/forum/images/icons/icon10.gif الا وش معنى الاكنهhttp://www.buraydh.com/forum/images/icons/icon10.gif

يخوك انت ابخص
بس انا عندي انها المهاد حق البزر :/
اذا ربطوه وغدا تقل صاموليه ماينثني :/
ماتشوفها تقول ضاقن علي :(

الحاج خالد

01-09-11, 04:15 am

مع السلامه

http://www.buraydh.com/forum/images/icons/icon10.gifلااحد يرد لاني غير موجود بالخدمه الى بكرا

شاها

01-09-11, 04:17 am

ياختي محد ضربم على ايديهم http://www.buraydh.com/forum/images/icons/icon12.gif
حياتس الله والضفادع ماحنب إناسبهم بكزهم لتس <<كلش ولاطاريه ههههه

ههههههه باس انا مو نفس الفصيله
هم اقرب لتس مشكورة يالحاتيميه عاد مصرتي الا بذي كريمه ض1

فديكا التميمي

01-09-11, 04:19 am

انا ما ايد
واصلن موب عاده لنا ولا للمجتمع القصيمي الاصلي

ذاك اول الله يرحم حالك بعرس عمي حتى إخوان العروس داخلين ....

شاها

01-09-11, 04:20 am

مع السلامه
http://www.buraydh.com/forum/images/icons/icon10.gifلااحد يرد لاني غير موجود بالخدمه الى بكرا

شكله عنده زفه هههه
الله يسهل دربك الباب ماله مفتاح ترا

فديكا التميمي

01-09-11, 04:23 am

ههههههه باس انا مو نفس الفصيله
هم اقرب لتس مشكورة يالحاتيميه عاد مصرتي الا بذي كريمه ض1

لاتستحين وقولي تم باتسر تطقتس ندامه http://www.buraydh.com/forum/images/icons/icon10.gif

حبر جاف

01-09-11, 04:29 am

والله انك حول الحروه خخخخ
عرسي الثاني
اول مافعلن الرسائل النصيه بالجوال خخخخخ
لانه اذكر جان رسائل بليله الدخله هع

اهااا اجل عرسك الثالث موب منزف راح تجلس مثلك مثل السكيورتي
عند الصاله لحد ماتخلص المدام من الزفه والرقص والذي منوه

ولا يمكن ترسلك بي سي تقولك روح للبيت ابرجع مع اهلي لان الزفه ماتنهي الا الساعه 6 الصبح

قلب الأسد

01-09-11, 04:56 am

احسن مافيه العرس الحين انك تدخل وتقز ههه ..

طموحة بلا حدود

01-09-11, 05:23 am

ايه هين بس هههههههههههه

شاها

01-09-11, 05:28 am

لاتستحين وقولي تم باتسر تطقتس ندامه http://www.buraydh.com/forum/images/icons/icon10.gif

يوه اجل ابستخير واخبرتش باكر هه تقل خافت يروح عليه مملوح التمايمه هههه

البـــBADERـــدر B.D.Q

01-09-11, 06:08 am

ولا المعاريس يدخلون عند الحريم اصلا ؟

<-- اول مره يدري

أوبس مير

01-09-11, 06:51 am

أم لا ماأأييد دخول الرجل
لصاله الحريم

والغبيه العرووس اللي مدخلته
الرجل مايستحي ابد وهو عريس وبجنبه مرته
مبقق عيونه على الحريم

» R O S E «

01-09-11, 07:01 am

أول مره أدري أنو فيه عوآيل يدخلون معرسهم لصآلة الحرمّآ .. بيآخة صرآحة ,
اللي أعرفه يدخل بغرفة العروس ومآفيه غير أهل العروس والعريس :/ همن يروحون خخخ

هي مره بحيآتي ف زوآج دخلوآ عيآلين بآخر الوقت , والحريم رفعن القمآش اللي على الطآولآت يقآلهن تغطن > متربعة بالأرض مآعندي طآري أنغمت عشآنهم خخخ
المقصد من كلآمي أنو والحرمّآ شويآت حآلتنآ حآله حتى الغطآ مآتغطن زين
شلون لو بيدخل العريس عليهم وآآآوك والله من الحوسة !!

..

الورده الجريحه

01-09-11, 07:16 am

ياراعيات الزفات سمعتن الحتسي ؟
يعني اللي بتاخذ واحد مستعمل منحينها لاتحط زفه
تنزف معه بغماره ويالله السلامهhttp://www.buraydh.com/forum/images/icons/icon10.gif

ههههههههه الله يغربل شيطانك ياقتاله مستعمل حته وحده

بس فعلا صدقتي المفروض تطلع معه من بيت أهله لبيته سيدا

وشوله تعطيه الفرصه للبحلقه

Miss Tala

01-09-11, 01:04 pm

ذاك اول الله يرحم حالك بعرس عمي حتى إخوان العروس داخلين ....

صادقه فديكا كانوا كل العائله من اخوان العروس احيانا يدخلون مع العريس
ورقص وتميلح قدام الناااس ويالله عاد خوذي تصفير و تصفيق يوهقونهم وحنا نناظر ونضحك خخخخخخخ رحت لعرررسين من زمان سووا هالشي ..
بس تصدقون فله تلقين شي تعلقين عليه ...

وعلى قولة فديكا نشوف وش هو من لحيه ...ونضحك عليهم ...

بس الحين مااعتقد يسوونه الناااس (صاروا يخافون من العين او ان الرجال تسنعوا واسترجلوا ومايبون البصبصه ...

مستقل

01-09-11, 04:06 pm

انا ماتكلم عن خلوه
تخيلي فوق 200 حرمه ورجل واحد :4_1_6[1]:

اقرأ الحديث مره اخري

ثم باي شريعه تستحل النظر الى النساء

ولما تقف بين يدي الله مالذي ستقول له

الحاج خالد

01-09-11, 04:29 pm

اهااا اجل عرسك الثالث موب منزف راح تجلس مثلك مثل السكيورتي
عند الصاله لحد ماتخلص المدام من الزفه والرقص والذي منوه

ولا يمكن ترسلك بي سي تقولك روح للبيت ابرجع مع اهلي لان الزفه ماتنهي الا الساعه 6 الصبح

اجل خلها كان هالحسي صار كذا
اروح لربعي بالاستراحه ولاخلصت مزفوفه ترسل بي بي خخخخخخخ
اوما ابصير عند السكورتي وهي تلعلع ماصااارت

الحاج خالد

01-09-11, 04:31 pm

احسن مافيه العرس الحين انك تدخل وتقز ههه ..

ترجع لموت القلب ياقلب الاسد

كان قلبك قلب اسد فأنت تبي تقزقز
وكان قلبك رهاف تبي تحمر وتصفر خخخخ

الحاج خالد

01-09-11, 04:38 pm

ايه هين بس هههههههههههه

هين هين يالضبان خخخخخخخ

الحاج خالد

01-09-11, 04:45 pm

ولا المعاريس يدخلون عند الحريم اصلا ؟

<-- اول مره يدري

حلو اعطينك معلومه غايبه عنك

t u l i p | n

01-09-11, 08:24 pm

لا ماعليش بس اذا تزوجت عمى ذاك اليوم خليته
يدخل على الحريم

بس من جد كيف رضن زوجاتك تدخل معهم للقاعه
اعرف ان هذا عند البدو بس

الحاج خالد

02-09-11, 05:02 am

أم لا ماأأييد دخول الرجل
لصاله الحريم

والغبيه العرووس اللي مدخلته
الرجل مايستحي ابد وهو عريس وبجنبه مرته
مبقق عيونه على الحريم

ياحول يالرجل http://www.buraydh.com/forum/images/icons/icon9.gif

ترى مهوب كلهم يقزقزون

بعضهم من الربكه كل شوي يناظر الساعه

وليش مستعجل http://www.buraydh.com/forum/images/icons/icon10.gif

الحاج خالد

02-09-11, 05:07 am

طقاقة بدون مايك

03-09-11, 08:14 am

حنآ العروس أصلن به كلام وحتسي يشرعونه أو م يشرعونه ..>>...http://www.buraydh.com/forum/images/icons/icon10.gif http://www.vb.eqla3.com/images/smilies/004.gif (http://www.mjnonat.com/vb)ّّ

ولازم تآخذ الشور والاذن من كبارية وآعالي القوم إذا كآنت ودهـ آنه تتشرع ..>>...http://www.buraydh.com/forum/images/icons/icon10.gif http://www.vb.eqla3.com/images/smilies/004.gif (http://www.mjnonat.com/vb)ّّ

ف كيف ب المعرس اللي وده يهز طوله ويدخل ..! ! ! !

ي جهد البلا!!!!!!!! بس........هآذي به حق عرب ي خيييي ...>>...http://www.buraydh.com/forum/images/icons/icon10.gif http://www.vb.eqla3.com/images/smilies/004.gif (http://www.mjnonat.com/vb)ّّ

نــف نــف

03-09-11, 08:27 am

خربت آفكآري وخليتني آوسوس :(
هذآ وآنآ قآعده آفكر آقول بخلي زوآجي زي ويليآم :(
آثر فيه بصبصه وخرآبيط :( ..
/
مآأنسى هذيك آلمره يوم يقولون تغبو بيدخل آلمعرس وآخوآنه ..
وتغبينآ ورآ آلكوشه :(
آلله لآيوريك حرقتنآ آلآنوآر حقت آلكوشخه لين قلنآ آمين :(
عآهدت نفسي بعدهآ مآأدخل آلقآعه آلا وعبآتي تدخل قبلي :c7:

شاها

03-09-11, 08:36 am

آلله لآيوريك حرقتنآ آلآنوآر حقت آلكوشخه لين قلنآ آمين :(

نوفه عيني بعينكـ احترقتي من الانوار والا الشرآآفه ههه

نــف نــف

03-09-11, 08:44 am

نوفه عيني بعينكـ احترقتي من الانوار والا الشرآآفه ههه

لآ هوآره شوفي حنآ يعني على آسآس حنآ متغبين ..
بس مآفي مآنع للمشآهده :d1:

هلاوين

03-09-11, 09:53 am

والله ياحاج بكر ما هيب عندنا هالعادة ان الزوج يدخل على الحريم .

لكن لعل وعسى يكون للي حض وادخل زيك بس اخاف اشوف حريمك ههههه

مختلفة جدا

03-09-11, 10:01 am

اايه متزوج مرتين والثالثه والرابعهhttp://www.buraydh.com/forum/images/icons/icon10.gif
لاصار فيه بصبصه بكل حفله

اكيد بس تغطينا ؟ والا على ماقال تغطي مره ابو خخخ

يعني أنت تعدد عشان تبصبص على قولتك!!

Miss_Autumn

03-09-11, 01:00 pm

يقطع ام السخافة اجل بتعلموني انكم من زود الغيرة على زوج المستقبل ماتبغونه يدخل معاكم القاعة؟ هذا وانتم مبلشيننا عنده وكرش ومدري ايش وبس طايحين فيه سب..وهالحين خايفين عليه؟
وهمن عاد واذا شافوا الحريم رجالكن؟ تبي تطيح السماء على الارض ولا تبي تفرقون من ثاني يوم لا قدر الله؟ ترى مثل ماشرّعت العين شرّعت كذلك الوسائل اللي تحمينا منها !
والا اللي خايفه طويل العمر يبصبص؟؟ البصبصه ماوقفت على دخل القاعة ولا مادخل اذا هو راعي بصبصه ماهي عايقه معه لابغى.. واذا مابصبص اليوم بصبص من باتسر.
^هذا بالنسبة لكلام بعض البنات اللي رافضين الفكرة
<هي فكرة صحيح ولكم فيها الحرية وكذلك هذا "رأي">

>و بالنسبة لكلام صاحب الموضوع>
شخصياً لاأمانع أبدا، بل وأؤيد وبقوة...واشووف انو أحلى شي لما يشاركوني فرحتي ويدخل الزوج والاب والاخوان وان حصل الاعمام والخوال بعد مانقول لا..اللي ما تتغطى عنه العروس حيااه الله.

وعلى فكرة، ترى العادة قدييمة جداً ومو جديدة

t u l i p | n

03-09-11, 02:45 pm

^

حلو النقاش لما يكون اكثر تهذيباً
المسألة مسألة حلال و حرام
مالنا فيها رأي

كلامنا عن الغيره كلام يأتي بعد حكم الله و رسوله
و أظن أنه أمر مضحك دخوله بصالة الحريم
وين موقعه من الإعراب!

fars2625

03-09-11, 04:34 pm

الل يستر يالربع
ويا حاج خالد : لاتذبحنا كلنا نبي الزين

الأخ مستقل : شكرا لك

Miss_Autumn

03-09-11, 07:33 pm

^
حلو النقاش لما يكون اكثر تهذيباً

^
كلامك صحيح وأنا اعترف أني أسأت أسلوبي بدايةً.. ولكن ماجاء هذا إلا كتعبير حقيقي لاستنكاري الشديد -ولا أبرئ مع ذلك نفسي من الخطأ
وأعتذر إذا كان زعلك

المسألة مسألة حلال و حرام
مالنا فيها رأي

كلامنا عن الغيره كلام يأتي بعد حكم الله و رسوله
و أظن أنه أمر مضحك دخوله بصالة الحريم
وين موقعه من الإعراب!

الأمر الأول.أتمنى لو أنك حال استنادك جئتِ لي بنصّ قاطع وقول ثابت حول هذا(التصرّف) أو ماهو نحوه.
أتوقَّع أننا سنجد الأمر (مُختلفاً) فيه ..وهذا الشيء وارد ولذلك أعتَب هنا أستنكاركم -الديني- الشديد على الموضوع! ولا أرى إلا أن قولكم هذا نوع من الغلو والتشدد بالدين <والا هي وقفت على دخلة المعرس يعني ؟؟ ثم بعدها يأتي الاستنكار على الجانب الاجتماعي ..وهذا يطول الحديث فيه لانه اساس كل بلاء ! . ولأنه كل ماتكلمنا في العادات الاجتماعية الخاطئة رزيتوا لنا الدين في الواجهة! وهذا لوحده أمر كافي ودليل واهي لترككم الحوار العقلاني واللجوء إلى إجتهادات -وآراء- العلماء الشرعيين، والغير منزّهين طبعاً.

الأمر الثاني.....أتساءل..-وبصِدق-....أين المضحك في الموضوع ؟!!
ثم كيف لايكون له موقع من الإعراب والحفلة لاجل العروسين .. !! ولايعني الفرحة بس للعروس واهلها؟ ترى حتى اهل المعرس يحبون يشوفون ولدهم يزف. !

t u l i p | n

03-09-11, 09:00 pm

الأمر الأول.أتمنى لو أنك حال استنادك جئتِ لي بنصّ قاطع وقول ثابت حول هذا(التصرّف) أو ماهو نحوه.
أتوقَّع أننا سنجد الأمر (مُختلفاً) فيه ..وهذا الشيء وارد ولذلك أعتَب هنا أستنكاركم -الديني- الشديد على الموضوع! ولا أرى إلا أن قولكم هذا نوع من الغلو والتشدد بالدين <والا هي وقفت على دخلة المعرس يعني ؟؟ ثم بعدها يأتي الاستنكار على الجانب الاجتماعي ..وهذا يطول الحديث فيه لانه اساس كل بلاء ! . ولأنه كل ماتكلمنا في العادات الاجتماعية الخاطئة رزيتوا لنا الدين في الواجهة! وهذا لوحده أمر كافي ودليل واهي لترككم الحوار العقلاني واللجوء إلى إجتهادات -وآراء- العلماء الشرعيين، والغير منزّهين طبعاً.

ذكر الاخ مستقل الحديث
وهو حديث واضح ما يحتاج شرح او تأويل أو رأي عالم و اجتهاده
لو ما ذكره كنت ذكرته كـ دليل
لكن لعله غاب عنك ~
الأمر الثاني.....أتساءل..-وبصِدق-....أين المضحك في الموضوع ؟!!
ثم كيف لايكون له موقع من الإعراب والحفلة لاجل العروسين .. !! ولايعني الفرحة بس للعروس واهلها؟ ترى حتى اهل المعرس يحبون يشوفون ولدهم يزف. !

هو موجود بالعرس بس بالمكان المخصص للرجال
يعني الحفل لاثنينهم و اثنينهم موجود بس كل واحد بالمكان الائق به
أنا قلت مضحك ما اعرف احس فيه خرم للمروءه و الرجل الرزين
ما يدخل على نسوان بهالشكل أبد لأن الحياء و الرجوله أنسب له خاصه بموطن
زي العرس

حبيبتي اولا و اخيرا ~
ما كنت راح اكمل نقاش لو مالقيت فيك انسانه عنده استعداد
تسمع ~

اشكرك بصدق