دورولــي عـــذر عــشـان أســــــأفرررررررر !!!

[امرؤ القيس]

أهلينــــــ


صراحة لين الحين ماسافرت براااا وآخر عهد لي بالجوازات قبل عشرين سنة عشان أطلع إقامة لعامل مزرعتنا عقبها ماهوبت مع بااب الجوازات لين اليوووم

أنا كل مارحت لشلة حصلتهم يتكلمون عن السفر .
اللي هواياته التمشي واللي هواياته غسل البطن واللي هواياته غسل العيووووون واللي هواياته الزواج بغير عقد !! وواحد رايح للبحث عن عمال وهو ماعنده مؤسسة ولا مزرعة وواحد رايح يصلح سنونة وسنونة مابهن شيء والديرة اللي رايح لها أصلا ماتعرف بتصليح الأسنااان!

يعني كل واحد رايح لشغلة معينة ولعب معيّن

ولا جاء الهرج عندي قلت ماعمري سافرت ناظرتني كل العيون وقالت الألسن معقووولة تقل إني قلت كفر أو عييييييب !

ياجماعة فعلا ماسبق سافرت ولامعي أصلا جواااز


بس الحين ودي أسااافر عقب ماصرت لحالي بكل مجلس ماسبق سااافر


بس وش العذر اللي يخليني أساافر

يعني

سنوني زينة مافيها شيء

بطني مافيه الا العافية

وبعدين وين أروووح الدووول العربية كلها ثورات ومشاااكل


انصحوني غير مأجورينــــــــــ !!!!!!!!!؟

[رايق دايم]

أجل أنت شد بلده وبقراطيسك . ياسعدك .
أنا خر مر على هالمطارات بس ماعقدني مثل خطوطنا وبالأخير تركتها وطحنا بالخطوط الأجنبيه وارتحنا .
شف أنا إذا ماسافرت يجيني غلقه وتكاك بصدري ويوم اسافر ارجع لبريده اتشقق من الوناسه والسعاده .
آخر سفره لي كانت لكينيا قبل شهرين تقريبا ورحنا برحلة سفاري ويا الشباب ومعنا خواجات من الجنسين لمحميات طبيعيه فيها أسود ونموره وفهود وفيله وزرافات وثعابين وعزلان وضباع وحمير الوحش والنو وحيوانات وطيور لاتعد ولاتحصى فسبحان الخالق جل جلاله ..بس كانت رحله ممتعه جدا

[هـ تـ]

وللسّفر مآرب لاتعدّ ولا تُحصى !
فالتعرّف على الأمصار والأمم الأخرى سبب لا حلّ له إلّا بالسفر ..
رؤية الحُسن والجمال هُناك سبب من ضمن الأسباب ..

وكما قال الشافعي :
تغرَّبْ عن الأوطان في طلب العلى .. وسافر ففي الأسفار خمس فوائد
تَفَرُّج همٍّ، واكتساب معيشة .. وعلم، وآداب، وصحبة ماجد
فإن قـيل في الأسفار ذُلٌّ ومحنـة .. وقطع الفيافي وارتكاب الشدائد
فـموت الـفتى خير له من قيامه .. بدار هوان بين واشٍ وحاسد

[أبو ظبي]

خلك بخب روضان
....... والله أزين لك

[بدويه متحضره]

هههههه انا اقوول اقضب ارضك ترا الدول كلها ثورات مثل ما قلت ولا رووح للصين بلد العجائب

[الصيااد]

انصحوني غير مأجورينــــــــــ !!!!!!!!!؟

!!!!!! كيف تقول هذا ؟ !!!!!

[عناية بالبشرة]

سافر اليابان ... جدا جميله ومن كللل النواحي متكامله
طبيعة خرافيه .... سكانها متواضعين و محترمين جدا ويقدسون ضيف البلد الى درجه كبيرة
مافيها شبهات عندنا في بلدنا لما تقول رحت حق اليابان .. سمعتها كويسه ..السكن فيها اسعاره معقوله ..
ونظيف جدا ودورات مياه في المساكن وانت بكرامه خاصه وفيه دشاشات ماي
بعكس اكثر الدول الغربيه لانهم مايتوضون حاطين في الحمام بس مناديل .. هذا غير ان بعض
دورات المياه في مساكن الغرب الكل يشوفك ..لانك رجل مخلين الدورة مجرد محراب ضيق
تدخل واجهة وجهك فقط وانت افهمها عاد










:

[التنين الصيني]

شف يابوعدي ....

سوات الأخ سلفر ما مثلها ابد ولا تكلف واجد ....

تراي مسويها , شوري عليك لا تفوتك

[الصيااد]

شف يابوعدي ....

سوات الأخ سلفر ما مثلها ابد ولا تكلف واجد ....

تراي مسويها , شوري عليك لا تفوتك



التنين الصيني

كيف حالك واحوالك ؟

ليش ماتنصحه ان يسافر للصين ؟

[البارق]

هههههههههههههه
أهم شي يغسلون عيونهم

هذي رهيبة واعجبتني


تبي الجد الجد
أبرك لك انك ماسافرت
لأنك إذا سافرت
الجو هناك يفرض عليك
تغسل عيونك
هههههه

[عاشق الخير]

ابوعدي
تبي خوووي
وكاله وبقراطيسه يخاف يسافر برا ويذبحونه او يفجرونبه خخخ
** تراي مسافر يوم انا بزر مع الوالد الله يرحمه بس قبل ما تكبر شياطييني ::)

غدينا نتخاوى ونشووف وش اللي مهبول بتوبي وطقته هناااك

[ابونورة]

ابو عدي .. حافظ على تميزك وانفرادك عن الأخرين ..

واذا كنت ملزم رح يومين للحسين في القاهرة .. يمكن يصلحون لك :)

[التنين الصيني]

التنين الصيني

كيف حالك واحوالك ؟

ليش ماتنصحه ان يسافر للصين ؟

هلا بالأمير .... اموري تسرك

الصين كله حرامية وزززززحمة بالحيل :d1:

[مباراة المطر]

وبعدين وين أروووح الدووول العربية كلها ثورات ومشاااكل


انصحوني غير مأجورينــــــــــ !!!!!!!!!؟

دام الدعوى كذا
انصحك تروح للصومال:36_1_11[1

[نهوله]

موب ضروري تدور عذر علشان تسافر
ضف عيالك وحريمتك وانطلقو بأرض الله الواسعه
لا تعالج عيونك ولا بطنك ولا سنونك:18[1]:

[منطلدزهه]

قل ابتبـرع بـ كليتي http://www.5foq.com/vb/5foq/smile/105.gif

اقضضب بـريدتك بس http://www.5foq.com/vb/images/smilies/CE_DP_Stealer.gif

[الـــرامي]

ما دامك ما سافرت من مدة فابدأ بـــ دبي .

[نـدى الـورد]

*

السفر له جمال ومتعه حرام تحرم نفسك منها

ابد جهز الشناط وولم الجواز والتذكره

وعلى اقرب دوله جذابه بطبيعتها روح لها

وانا انصحك تسير على اوردغان

[تَمَرّدْ]

اعضاء ملوا من الروتين ووضعوا مواضيع ل احاديث الارواح

مؤسف بحق :(

،'

[الأرجوانه]

شف اذا تبي دولة عربيه رِح لَ الأمارات مالك غيره
واذا تبي دوله اجنبيه اليابان ماااله بديييل دوله محترمه وخققه بمعنى الكلمه
وزياده انه جامعه كل الأمرين تبي سفر عائلي تصلح وتبي سفر شبابي تصلح
وايه ماليزيا بعد حلووه اخوي توه جاي منه يمدحه بَ المرآ

[امرؤ القيس]

سأبدأ من الآخر حتى ما أضيّع
الارجوانه :
شف اذا تبي دولة عربيه رِح لَ الأمارات مالك غيره

الامارات يقاله سفر أشوف الناس تروح العصر وتجي من بكرا الفجر خخخ


وايه ماليزيا بعد حلووه اخوي توه جاي منه يمدحه بَ المرآ

ماقالكم وشووووله رايح أخووك طيب!!؟

-------------------
تمرد

اعضاء ملوا من الروتين ووضعوا مواضيع ل احاديث الارواح


نسيت أقوول الموضوع لغير الناطقين باللغة المهلبيّة


مؤسف بحق

دخووولك هنا هو المؤسف


_____________________

ندى الورد




وعلى اقرب دوله جذابه بطبيعتها روح لها

وانا انصحك تسير على اوردغان

وش مميزاات اردوغااان هذااا ووين ساكن

______________

الرامي


ما دامك ما سافرت من مدة فابدأ بـــ دبي .

هذا مثل اللي يقول اطلع من خب روضان واسكن بضراااس

_______________

منطلزة

قل ابتبـرع بـ كليتي
اقضضب بـريدتك بس

ليش مشت نصيحتك هذي على اللي حولك !!
---------------

نهوله

ضف عيالك وحريمتك وانطلقو بأرض الله الواسعه

الحين كل اكثر الناس يسافرون لحالهم يوم جت عندي أضف عيالي ماصااارت !!

----------------------
مباراة المطر


دام الدعوى كذا
انصحك تروح للصومال

الله يهديك شكلك تستهتر

_______________

ابونورة

ابو عدي .. حافظ على تميزك وانفرادك عن الأخرين ..

والله مدري يعتبر تميّز أو لا لأني أشوف العالم تضحك تقل فيها شوي تطنز هه


واذا كنت ملزم رح يومين للحسين في القاهرة .. يمكن يصلحون لك

اذا فيها الحسين أجل لازم أروح خاصة ان جدي اسمه حسين يعني أكيد سيّد من المقربين بس مشكلة ابوي اسمه عثماان يعني ماتركب أبد أو أقوول شيعي متلبّس

________________________________________

عاشق الخير

ابوعدي
تبي خوووي
وكاله وبقراطيسه يخاف يسافر برا ويذبحونه او يفجرونبه خخخ

شف خوتك ماتنعااف بس لاطبينا الديرة كل واحد يرووح مع طريق لين موعد الرجعة خخ


غدينا نتخاوى ونشووف وش اللي مهبول بتوبي وطقته هناااك

توبي أنا أعرف وش رايح يدور

رايح يدور قمصااان واللي هنا قصيرة شوي وهو ماشاء الله عليه الطووول خخخ

-----------------

البارق

تبي الجد الجد
أبرك لك انك ماسافرت
لأنك إذا سافرت
الجو هناك يفرض عليك
تغسل عيونك
هههههه

اذا فيها غسل أجل ابغسل العيون والبطن حتى يطلع الواحد وكااالة

---------------------------

التنين الصيني

شف يابوعدي ....

سوات الأخ سلفر ما مثلها ابد ولا تكلف واجد ....

تراي مسويها , شوري عليك لا تفوتك

الحين وشي السواااة أو لارحت أسال وهم يدلونن خخ

-------------------------------
تحدوها البشر

هذا غير ان بعض
دورات المياه في مساكن الغرب الكل يشوفك ..لانك رجل مخلين الدورة مجرد محراب ضيق
تدخل واجهة وجهك فقط وانت افهمها عاد

قصدك ان بعض ربعنا مالقى دورة ميااااه وراح هناك لأنها متوفرة والا كيييييييييف !!
--------------------

الصياااد

!!!!!! كيف تقول هذا ؟ !!!!!

أنا ماقلت شيء تبين أحلف حلفت

-----------------------------------------

بدوية متحضرة

هههههه انا اقوول اقضب ارضك ترا الدول كلها ثورات مثل ما قلت ولا رووح للصين بلد العجائب

الحين رحتي للصين أو بس سامعة فيها وتبين تورطينن !

-----------------------

ابو ظبي

خلك بخب روضان
....... والله أزين لك

تراي مانب جااي لمكم بابوظبي وبعدين من زينه

---------------

هـ ت
وللسّفر مآرب لاتعدّ ولا تُحصى !
فالتعرّف على الأمصار والأمم الأخرى سبب لا حلّ له إلّا بالسفر ..
رؤية الحُسن والجمال هُناك سبب من ضمن الأسباب ..

ماشاء الله ياعم الشيخ كل هذي فوائد بالسفر وانا ضايع

------------

رايق دايم
أجل أنت شد بلده وبقراطيسك . ياسعدك .

يعني تقدر تقوول كذا

أنا خر مر على هالمطارات بس ماعقدني مثل خطوطنا وبالأخير تركتها وطحنا بالخطوط الأجنبيه وارتحنا .

وين رحت عشان اشوف


آخر سفره لي كانت لكينيا قبل شهرين تقريبا


كينيا هذا وشي من تركيا والمغرب


شف أنا إذا ماسافرت يجيني غلقه وتكاك بصدري ويوم اسافر ارجع لبريده اتشقق من الوناسه والسعاده .

لايكون قلت بعد ياحوزل يا اللي ماله بريدة مثل واحد قالها بلبنااان خخخخ

الله يخلف عليه وعلى اللي كرمه

[الكنكورد]

انت الحين علمنا وشي حاجتك من السفر عشان ننصحك
وين توجه

[امرؤ القيس]

انت الحين علمنا وشي حاجتك من السفر عشان ننصحك
وين توجه


ودي اشوف اللي شافوا الناااس

[طقاقة بدون مايك]

/


مآدري والله وشو أقولك عذر ..مآر انا الله يكثر ويزيد من أمثالي م أعرف أتسذب ابد أسمحلي يعني ..>>...http://www.buraydh.com/forum/images/icons/icon10.gif http://www.vb.eqla3.com/images/smilies/004.gif (http://www.mjnonat.com/vb)ّّ

[ماهي من البشر]

عفواً يعني وانت ليه ماتسافر إلا بعذر ؟

[امرؤ القيس]

عفواً يعني وانت ليه ماتسافر إلا بعذر ؟


لا بس عشااان اكون بالسليم

[مايا]

رح لأندونيسيا
والعذر شوفة الطبيعة يالله من فضلك

[SAGA]

سهله مايبيله شي
قلهم أبروح أصيد بتركيا
يمدحون القميري هناك يقولون عيونهن زرق وبنفسجيات:d1: ,,
لا الصدق
قلهم خويي بيروح يشتري له من الديره اللي ودك تروح له بضاعه ويبي له خوي وأبروح معه<أنا أشوف رجالنا يسوون الحركه ذي,,,,,,

[مايا]

88
ههههههههههههههه أجل يروح يصيد

[امرؤ القيس]

مآدري والله وشو أقولك عذر ..مآر انا الله يكثر ويزيد من أمثالي م أعرف أتسذب ابد أسمحلي يعني ..>>...http://www.buraydh.com/forum/images/icons/icon10.gif http://www.vb.eqla3.com/images/smilies/004.gif (http://www.mjnonat.com/vb)ّّ

موب لازم اتسذب يعني حج وقضيان حاجة

[امرؤ القيس]

رح لأندونيسيا
والعذر شوفة الطبيعة يالله من فضلك


اسالك بالله فيه احد قال ها العذر وقبلوووه الناااس

وبعدين الطبيعة بابها وش حدن اروح اطبطبع

[امرؤ القيس]

سهله مايبيله شي
قلهم أبروح أصيد بتركيا
يمدحون القميري هناك يقولون عيونهن زرق وبنفسجيات:d1: ,,

كان بسيطة بس ماني راعي صيد ولا اعرف اسامي الطيور

وكان الدعوى به بنفسجيااات الا بروووح واللي يصير يصيرررر





لا الصدق
قلهم خويي بيروح يشتري له من الديره اللي ودك تروح له بضاعه ويبي له خوي وأبروح معه<أنا أشوف رجالنا يسوون الحركه ذي,,,,,,


اخاف يقولون ليه مايجسر يروح لحاله

[مايا]

وأنت وش عليك من الناس
لو كلن ناظر الناس تسان محد طلع من بيته

[فسقــان]

سوريا ان خرجت له لم تعد http://www.buraydh.com/forum/images/icons/icon10.gif والبحرين ان رحت له خسروك قالو لك جب لنا حلو بحريني http://www.buraydh.com/forum/images/icons/icon10.gif ودبي وغاليه ... وقطر مثله

وخله يا امرؤ القيس من باب الاختلاف عن الاخرين يعني الي يرشق عليك بماء ارشق عليه بيبسي هههههه

ومن اتخاذك باب الاختلاف عن الاخرين .. رح للعدون الصهيوني ... الي هي اسرائيل
وصدقن فكره طيبه ... وراح ترجع بحدا الثنتين بما انك تملك دهاء الثعلب .. يا انك تبي ترجع ومحرر فلسطين وادري تقول وشو الثانيه ... مهنا ثانيه بس حبيت اشوف ما وراء الايام ههههههه http://www.buraydh.com/forum/images/icons/icon10.gif

[Miss Tala]

عشان تكون بالسليم ويرضون عليك الاهل خذ الحرمه والعيال ل لبنان يعني مايحتاج من يقول عنه شي ..(والعذر ودكم تغيرون جو وتوسعون صدروكم ومن يحصل له يروح هو وعياله انواع الوناسه ....

(عاد اذا رحتوا وا استانستوا ادعولي ....

وبعدين روح لوحدك تركيا والا المغرب (ياويلي )...

خخخخخخخخ اجل دبي ايو والله صادق ماتسمى سفره على سنع ..خخخخخخ


اهم شي نبي حقاق ..

[امرؤ القيس]

ومن اتخاذك باب الاختلاف عن الاخرين .. رح للعدون الصهيوني ... الي هي اسرائيل

والله اني امس افكر فيها بس مدري معين يروحون لمها


عااد ربعنا لو رحت هناك اخذوك بالدايرة وكل يوم عزيمة لاجيييت يحسبوونن احمد الفاتح على غفلة

[امرؤ القيس]

اهم شي نبي حقاق ..


تبون حقاق قبل اروح والا اذا رجعت بالسلامة

لانه تفرق معي

[امرؤ القيس]

وأنت وش عليك من الناس
لو كلن ناظر الناس تسان محد طلع من بيته


والله عااد كلن ونظرته للي حوووله

انا انسان ماشي بالسليم ولا ابي باخر عمري احد يقول وين راح ووشوله

اقل شيء ماتكثر علي الاسئلة

[جبل السكر]

يااخي إنتا متميز وشخص ناادر الوجود في بريده
ابسط ياعم
هدا لو بقيت على دا الحال:g3:

كلامك فكرني
بالشاب الحليوه يلي (يقول) اريد عروس
لم تسافر للخارج في حياتها <<شكل الاخ مطول بالبحث:e4:
الله اعلم ايش شايف وايش مهبب هناك
لو بإيدي كان سألتو (ليه) هالشرط
شرط غريب بصراحه
نفسي اعرف اهلو ماقالو له إن (البنوتات) يرفضوا اي شاب
له صولات وجولات في الخارج وان دا اول الشروط لقبولهن الزواج:f3:


اما السفر لو كونت جاااد بكلامك مش ضروري يعرفوا اصحابك
السبب الرئيسي لسفرتك ولو عندك نيه تقولهم قول وإنتا واثق
المهم والأهم (اهلك) وغيرهم مابيهم بس هاه ابعد عن الأعذااااااار
وخليك واضح وصريح علشان تسافر وإنتا مرتاح وتستمتع
مش تروح بهم وهناك هاتك تفكير ووساويس الين ماترجع
وتروح عليك سفرة عمرك
امكن مافش بعدها :4_1_200v[

[Miss Tala]

اهم شي نبي حقاق ..


تبون حقاق قبل اروح والا اذا رجعت بالسلامة

لانه تفرق معي


لا الله يجزاك خير نبي حقاق بعد الرجعه حقاق الديره مانبيه ...

ولا وكانه ديره زينه اما اذا مهنا زود مانبي مشكور ..(((بعد طرار ويتشرط

[e7sas]

والله شكلك مو مسافر بس بتخلق ألاجواء <<

[جلوي العتيبي]

ابو عدي مامعه جواز !؟

ما أصدق

أجل غديك تأخذ أجر ابو نواف وتطلعون جواز جميع :)

[بسومة بريده]

غريبه اول مره اشوف سعودي ماعنده جوازاحسب بس انا ..؟؟!!!!

[امرؤ القيس]

يااخي إنتا متميز وشخص ناادر الوجود في بريده
ابسط ياعم


شهادة كبيرة من انسانة كبيرة



اما السفر لو كونت جاااد بكلامك مش ضروري يعرفوا اصحابك
السبب الرئيسي لسفرتك ولو عندك نيه تقولهم قول وإنتا واثق


ياستي لزوووووووووووم البرستيج

[امرؤ القيس]

ولا وكانه ديره زينه اما اذا مهنا زود مانبي مشكور ..(((بعد طرار ويتشرط


اذا كذا ماعليك وعااد ترااي معروف باختيار نوعية الحقااق

[امرؤ القيس]

والله شكلك مو مسافر بس بتخلق ألاجواء <<


والله لسى ماشفت احد دلني على طريقة صحيحة للسفر حتى اقرر

[امرؤ القيس]

ابو عدي مامعه جواز !؟

ما أصدق

لا صدق وانت مطمن وزود على كذا حتى السفر الداخلي قليل جدا ارووح حتى تصدق اجازاتي اخذها غير الناس واناااام فيهاااا يعني تقدر تقوول اعيش الخبوبية على اصولهاااااا ههه




أجل غديك تأخذ أجر ابو نواف وتطلعون جواز جميع

والله خوة ابو نواااف شرف كبير ومكسب ومن الحين بشووف عنه

[امرؤ القيس]

غريبه اول مره اشوف سعودي ماعنده جوازاحسب بس انا ..؟؟!!!!


على كذا المفروض يحطوننا بمكاان لعرض الاشياء الغريبة ههه

[Modern]

[size="4"]

ابو عدي
خل دربك دربهم
وقل بروح اشري بخور من تايلاند او اندونيسيا ارخص وازين
هالعذر فك ازمه على ربعنا
ولاتردك الا منتجعات بالي

[/size

[امرؤ القيس]

ابو عدي
خل دربك دربهم
وقل بروح اشري بخور من تايلاند او اندونيسيا ارخص وازين
هالعذر فك ازمه على ربعنا

والله فكرة خاصة الديرة الاوله هذي هبلت بشيباننا الاولين بس اكيد عندهم بخوووور لاني ماخبرت احد يجيب سيرة بخور ذيك الدياار



ولاتردك الا منتجعات بالي

اجل غسل العيون هناك على افى من يشيل هه

[الـــفـــ@ــــد]

السلام عليكم ورحمة الله وبركاته
اخوي ابو عدي
الحمد لله على السلامة
اخوي تعتقد ان هذا الموضوع ملائم في هذه الايام الفضيله؟؟
وتعتقد ان انسان في وضعك خارج من عملية خطيرة يحتاج الخوض بمثل هالمواضيع؟
اخي اختر مواضيع تكون شاهدة لك وليس عليك يوم تلقاه عز وجل
تحيتي لك

[تااج الورد]

غريبه بوه احد بهاالوقت ماسافر برى !
اجل خلك بس من مكه وجده وانت حادر ههههههه
والا ان تسانك ملزم خلك صريح مامثل الصراحه
قل لهم بروح اتشبب واكحل عيوني ههه

[بريداوية وأفتخر]

ونآسه السفر برى < تحب تستكشف بالطبيعه :) و بالناس خخخخخخخخخخخ هماه اهم شي مهب سعوديين !!
ع قوله الوالده مهما طرنا وقعدنا ماهناش مثل حلاه الرياض وغباره خخخخخخخ

[قروي فاهم]

امرؤ القيس قل
( بروح اسجل جدتي بالجامعه الامريكيه ببيروت)

[liilas]

.



السلام عليكم ورحمة الله وبركاته

اخوي ابو عدي
الحمد لله على السلامة
اخوي تعتقد ان هذا الموضوع ملائم في هذه الايام الفضيله؟؟
وتعتقد ان انسان في وضعك خارج من عملية خطيرة يحتاج الخوض بمثل هالمواضيع؟
اخي اختر مواضيع تكون شاهدة لك وليس عليك يوم تلقاه عز وجل

تحيتي لك




والله ياهي هاجتن بك على هالرد
وش دخل المرض بالموضوع

هو طلب من الاعضاء يعطونه عذر مقنع علشان يقوله اذا سافر
واتوقع انه منزل هالموضوع من باب التريقة على اللي يسافرون
حتى انه في نهاية موضوعه قال

انصحوني غير مأجورينــــــــــ !!!!!!!!!؟
وهذا اكبر دليل على تريقته

[liilas]

.


الحمدلله على السلامة طالع من الشر ان شاء الله
الله يتمم عليك وان يلبس عليك و ابنك لباس الصحة والعافيه وجميع مرضى المسلمين

ولو بتلت يا ابو عدي على خبوبيتك
ترا هالزمن يقولون اللي ما يسافر برا المملكة خبوبي وقروي http://www.buraydh.com/forum/images/icons/icon10.gif

عاد قريت كذا عضو نصحوك بالصين
اذا جزمت علمن
اوصيك على شناط يقولون انهن هناك برخص التراب ويجيبونهن هنا يبيعونهن على 700 و800
فـ ودي اتاجر
وترا النص بالنص بيني وبينك ها وش قلت http://www.buraydh.com/forum/images/icons/icon10.gif

[الأرجوانه]

الامارات يقاله سفر أشوف الناس تروح العصر وتجي من بكرا الفجر خخخ



ههههههههههه ايه ترا حلوه , فيها مولات والنوافير الراقصه > اهم شئ

ماقالكم وشووووله رايح أخووك طيب!!؟
ههههه يعني وشوله
اكيد رايح سياحه > حنب راعين اسئله ض2
والعطله اللي راحت كان بشرم الشيخ ض2 , بس يسبه يقول بكل مكان مشاكل -_-

[بسومة بريده]

غريبه اول مره اشوف سعودي ماعنده جوازاحسب بس انا ..؟؟!!!!



على كذا المفروض يحطوننا بمكاان لعرض الاشياء الغريبة ههه


ايوالله بس لايحطوننا هنا خلي يحطوننا برى عشان يحسنون علينا ويطلعون لنا جوازات ...http://www.buraydh.com/forum/images/icons/icon10.gif

انا اول مااطلع جواز بهف العطله كله ببرد تسبدي بروح لمصراغديهم يصيرون ركدوا وامر على الامارات وبعدها تركيا وماليزيا..

وبس<<وش بقى

[امرؤ القيس]

السلام عليكم ورحمة الله وبركاته
اخوي ابو عدي
الحمد لله على السلامة
اخوي تعتقد ان هذا الموضوع ملائم في هذه الايام الفضيله؟؟
وتعتقد ان انسان في وضعك خارج من عملية خطيرة يحتاج الخوض بمثل هالمواضيع؟
اخي اختر مواضيع تكون شاهدة لك وليس عليك يوم تلقاه عز وجل
تحيتي لك


وعليكم السلام ورحمة الله

والله يسلمك من كل شر يارب

أما بالنسبة لوضعي الصحي فالحمدلله المؤمن دائم مبتلى ولا يجب عليه الركون للمرض والاستسلام والشعور بالضعف والانكسار والأمر أولا وأخيرا بيد الله ومانحن الا نفعل الأسباب فقط

والموضوع لايوجد به سخرية من أحد وماهو الا كبقية المواضيع المطروحة

[امرؤ القيس]

والا ان تسانك ملزم خلك صريح مامثل الصراحه
قل لهم بروح اتشبب واكحل عيوني ههه


وش أحسن ديرة تكحّل العيون بنظرك !!؟

[امرؤ القيس]

ع قوله الوالده مهما طرنا وقعدنا ماهناش مثل حلاه الرياض وغباره خخخخخخخ


ياسلام ونعم الحكي حكي الوالدة

[امرؤ القيس]

امرؤ القيس قل
( بروح اسجل جدتي بالجامعه الامريكيه ببيروت)


ولا قالوا اي قسم قلت لهم قسم آثااار

[امرؤ القيس]

وهذا اكبر دليل على تريقته


ياعيني ع الناس الفاهمة

[امرؤ القيس]

الحمدلله على السلامة طالع من الشر ان شاء الله
الله يتمم عليك وان يلبس عليك و ابنك لباس الصحة والعافيه وجميع مرضى المسلمين

الله يسلمك ولايريك مكروووه


ولو بتلت يا ابو عدي على خبوبيتك
ترا هالزمن يقولون اللي ما يسافر برا المملكة خبوبي وقروي

اذا السفر يبي يغيّر شيء من خبوبيتي فلن أسافر أبدا أبدا

عاد قريت كذا عضو نصحوك بالصين
اذا جزمت علمن
اوصيك على شناط يقولون انهن هناك برخص التراب ويجيبونهن هنا يبيعونهن على 700 و800

فكرة

أروح أجيبلكم شناااط بس الروحة على حسابكم

فـ ودي اتاجر
وترا النص بالنص بيني وبينك ها وش قلت

لا أنتم ادفعوا قروش الرحلة ولا أبي منكم شيء ثاني والشناط واصلات لحد البيت ماعليكم

[امرؤ القيس]

ايوالله بس لايحطوننا هنا خلي يحطوننا برى عشان يحسنون علينا ويطلعون لنا جوازات ...http://www.buraydh.com/forum/images/icons/icon10.gif

انا اول مااطلع جواز بهف العطله كله ببرد تسبدي بروح لمصراغديهم يصيرون ركدوا وامر على الامارات وبعدها تركيا وماليزيا..

وبس<<وش بقى

والله فكرة

يخلوننا بمعرض بين الأمس واليوم وكل يوم بعاصمة منها نتفرج عليهم ويتفرجوون علينا بس أماهم يسفروننا

ولا نبي منهم شيء

[eivl girl]

انت بخب روضان؟
خلاص سافر للبصر تراها ديرة خواجات وشارع كنق يمر منها
حركتات تغسل عيونك واذانك معها هناك

[النهى]

ammm
ymd7on malezea
omn na7et al34r macharkk bk4ba
h4a obetaofe8 y 9a7

[امرؤ القيس]

خلاص سافر للبصر تراها ديرة خواجات وشارع كنق يمر منها
حركتات تغسل عيونك واذانك معها هناك


وين اهل البصر يشوفون اللي يتمسخروون عليهم

[هنري]

هل لديك رغبة بالسفر ياامرؤ القيس؟ :)

[امرؤ القيس]

ammm
ymd7on malezea
omn na7et al34r macharkk bk4ba
h4a obetaofe8 y 9a7

God Mavhmt something from your words

[عزف الحقيقة]

ammm
ymd7on malezea
omn na7et al34r macharkk bk4ba
h4a obetaofe8 y 9a7


ماشاء الله عندنا أجانب

وامرؤ القيس ثقافته عبرية

من كثر جلسته بالمزرعه

وماظنه يفهم الانقليزي

[امرؤ القيس]

هل لديك رغبة بالسفر ياامرؤ القيس؟


نعم والرغبة ملحة فمالديك من نصح

[النهى]

llllllllllllllllllllllol
ana aktb an8lezy m3rb mo an8lch

[امرؤ القيس]

ماشاء الله عندنا أجانب

وامرؤ القيس ثقافته عبرية


طبعا طبعا انا ثقافتي عبرية وانت ثقافتك كين

من كثر جلسته بالمزرعه

اول مرة اشوووف اللي يجلس بمزرعة يتثقف


وماظنه يفهم الانقليزي

القلينزي صاار دقة قديمة يعني مثل اللي معه بيجر الحين

فالعبرية لغة العصر القادم فنصيحتي لاتفوتك

[النهى]

ع كل حال
ترجمة هذرتي
يمدحون ماليزيا
ومن ناحية العذر ما اشاركك بكذبه
اتمنى لك سفر ممتع ياصاح

[نـدى الـورد]

وش مميزاات اردوغااان هذااا ووين ساكن




كلك نظر..
انا لو رجل رحت اله وتمعنت اخلاق هذا الرجل العظيم
الذي يعتبر في نظري رجل عصرنا
اتوووق الى الجلوس معه ... ومناقشته بس طبعاً ب العربي هه
يعني زياره سياسيه... اكثر ماتكون استجماميه

[النهى]

<كانت عجزانه تعرب الكيبورد

[هنري]

هل لديك رغبة بالسفر ياامرؤ القيس؟


نعم والرغبة ملحة فمالديك من نصح

العذر هو الرغبة وأكدتها بقولك : رغبة ملحة.

هذا جوابي على الجزء الجدي من الموضوع أما الجزء الهزلي، فلا يستطيع الناس أن يبرروا لك أفعالك وأن يرسموا لك رغباتك، وحتى إن تحدثوا لك .

أجمل مافي الموضوع أنك أزحت الغطاء عن بعض الأعذار :)

[امرؤ القيس]

llllllllllllllllllllllol
ana aktb an8lezy m3rb mo an8lch



wna aktb englinze munglz

[عزف الحقيقة]

فالعبرية لغة العصر القادم فنصيحتي لاتفوتك


اتفق معك وايضا الكينية لأنها طويله وشاملة لجميع المصطلحات

[امرؤ القيس]

ومن ناحية العذر ما اشاركك بكذبه


ومن قال اني بكذب الله يهديك

[امرؤ القيس]

كلك نظر..
انا لو رجل رحت اله وتمعنت اخلاق هذا الرجل العظيم
الذي يعتبر في نظري رجل عصرنا
اتوووق الى الجلوس معه ... ومناقشته بس طبعاً ب العربي هه
يعني زياره سياسيه... اكثر ماتكون استجماميه


اعتقد لو حاطين تمثال له ماقدرتي توصلين له وشلون عااد تروحين تجلسين معه وجها لوجه

يابنت الحلال مدراء الدوائر ماتشوفينهم فكيف برئيس وزراء ملو اهدومه خخخخ


ولو قلتي رح انصح لميس عن الخربطة اللي تسويها كاان احسن شوي ومقبوووله

[امرؤ القيس]

<كانت عجزانه تعرب الكيبورد


اهااااااااااااااا بسيطة بس ماعليك عرفت المقصووووود

طيب يقربولك السودانيين اللي بالصومااال خخخ

[عزف الحقيقة]

اعتقد لو حاطين تمثال له ماقدرتي توصلين له


هههههههههههه تظل لك نكهة التوت والعسل

[امرؤ القيس]

العذر هو الرغبة وأكدتها بقولك : رغبة ملحة.

قلت بشوووف وش عندك وعرفت الحين

هذا جوابي على الجزء الجدي من الموضوع أما الجزء الهزلي، فلا يستطيع الناس أن يبرروا لك أفعالك وأن يرسموا لك رغباتك، وحتى إن تحدثوا لك .

أجمل مافي الموضوع أنك أزحت الغطاء عن بعض الأعذار

انا لم أتطرق لأي جزء جدي فالموضوع برمته ساخر من بعض المواقف بالرغم أن ماجاء به من معلومات صحيحة

[امرؤ القيس]

اتفق معك وايضا الكينية لأنها طويله وشاملة لجميع المصطلحات


بس الا تتفق معي بأن الكين لاتصلح لصيد الدخّل لذا ليست شاملة

[النهى]

ومن ناحية العذر ما اشاركك بكذبه


ومن قال اني بكذب الله يهديك
جدتي مزنه تقول خخخخخ
شوف كلامك

سنوني زينة مافيها شيء

بطني مافيه الا العافية
...........
طيب يقربولك السودانيين اللي بالصومااال خخخ
لا ابشرك يقربون لي السودانين اللي بالخرطوم خخخ

[امرؤ القيس]

هههههههههههه تظل لك نكهة التوت والعسل

من ذوقك بس والا ماقلنا شيء غريييب

[امرؤ القيس]

جدتي مزنه تقول خخخخخ
شوف كلامك

ههه كلام بعض الجدااات مثل تصريح الملك ورؤساء الدول الكل يحتفظ به مدري ليش


سنوني زينة مافيها شيء

بطني مافيه الا العافية

طيب خشمك مايبي تعديل منا والا منا

...........
طيب يقربولك السودانيين اللي بالصومااال خخخ
لا ابشرك يقربون لي السودانين اللي بالخرطوم خخخ

ونعم اجل شكلكم تقربون لنا لأن عائلة الخراطيم منا وبنا

[pepsi]

امممم وشرايك بس تجي ديرتنا
قريبه لمكم ابدا كم كيلوا وانت
عندنا حياك الله انت وعيالك

[نـدى الـورد]

اعتقد لو حاطين تمثال له ماقدرتي توصلين له وشلون عااد تروحين تجلسين معه وجها لوجه

يابنت الحلال مدراء الدوائر ماتشوفينهم فكيف برئيس وزراء ملو اهدومه خخخخ


لاتاخذ تعقيبي مأخذ الجد ابو الجد
ويكفيك رؤية اعمال هذا الرجل في إستنبول
امممم؟
ولا ويش رايك تروح للعراق وتحل مشكلتها مع الكويت بخصوص المينا

[امرؤ القيس]

امممم وشرايك بس تجي ديرتنا
قريبه لمكم ابدا كم كيلوا وانت
عندنا حياك الله انت وعيالك


شكلي كل يوم فيها لاتكون حووول ساسكو بس ههههه

[امرؤ القيس]

لاتاخذ تعقيبي مأخذ الجد ابو الجد
ويكفيك رؤية اعمال هذا الرجل في إستنبول

ههه ماعليك ماعمري دخلت المنتدى وكتبت شيء جد الا اذا كنت معصّب



امممم؟
ولا ويش رايك تروح للعراق وتحل مشكلتها مع الكويت بخصوص المينا

أصلا جدي الله يرحمه سافر للعراق وحتى الآن مارجع وانقطعت اخباره من سنين وأخاف أروح يلقونن ربعنا وعاد وش يفكن منهم وكل يووم عند واحد بالدايرة وانا ماحب الرسميااات واهل الدياااي غلطانين وحقهم وماجاهم

[نبض قلب]

حط في بالك إنك اذا سافرت مره وحده
لازم بتكررها وتبي المزيد
وممكن تنفتن
لأنك ماتعودت وأنت بريعان الشباب ,,
فبعد تخطّي الاربعين << مدري احس انك بهالمحاري :) ممكن الانسان يتعلق بأبسط الاشياء فكيف عاد بدول جديده عليه وناس جدد وطبيعه خلابه

الله يسعدك اينما حللت 0

[امرؤ القيس]

حط في بالك إنك اذا سافرت مره وحده
لازم بتكررها وتبي المزيد
وممكن تنفتن
لأنك ماتعودت وأنت بريعان الشباب ,,


عااد قلبي رهيّف وعيوني ماتركد


فبعد تخطّي الاربعين << مدري احس انك بهالمحاري :) ممكن الانسان يتعلق بأبسط الاشياء فكيف عاد بدول جديده عليه وناس جدد وطبيعه خلابه

ايوووه خشينا بالاربعين وصرت اتمسك بالقشة التي تقصم ظهر اللي ماينقصم

الله يسعدك اينما حللت 0

وانت كذلك

[نـدى الـورد]

هههههههههههه تظل لك نكهة التوت والعسل


الا قول...

يــ رغات حليب الخلفات

[نبض قلب]

عااد قلبي رهيّف وعيوني ماتركد





:)
هذا البلى
ويرهف زود كل ماكبرت
اخاف تسحرك حدا هالمزيونات اللي هناك
وتخليك تنسى ام عدي هه

[امرؤ القيس]

الا قول...

يــ رغات حليب الخلفات


مايهم اهم شيء له نكهة وكلن يدور عليه خخ

[جبل السكر]

كلك نظر..
انا لو رجل رحت اله وتمعنت اخلاق هذا الرجل العظيم
الذي يعتبر في نظري رجل عصرنا
اتوووق الى الجلوس معه ... ومناقشته بس طبعاً ب العربي هه
يعني زياره سياسيه... اكثر ماتكون استجماميه


ندووش ايش الفرق بينو وبين الروافض:g3:

[امرؤ القيس]

هذا البلى
ويرهف زود كل ماكبرت
اخاف تسحرك حدا هالمزيونات اللي هناك
وتخليك تنسى ام عدي هه


هذا مشكلتي

رهافة القلب والا كاان اموري احسن من كذاا بكثيررررررر خخخخ

[امرؤ القيس]

ندووش ايش الفرق بينو وبين الروافض:g3:


سؤال بسيط جدا بس وين الندوش تجاوب عليه

[النهى]

الذين يشاهدون محتوى الموضوع الآن : 9 ( الأعضاء 5 والزوار 4)




ياحليلكم يا اعضاء بريده
اقطع وارد وانتم انتم ما تغير فيكم شي
الا وين عشانك بس مالها شوفه هي الوحيده اللي مو مبينه
وصدز العيد الثلوث
<قلبتها شات لول

[امرؤ القيس]

الا وين عشانك بس مالها شوفه هي الوحيده اللي مو مبينه


تقاعدت وسوولها تكريم والحين بحدااا زوايا بيتهم

[النهى]

^
h3
(هع)

[كاردكس]

مساعدة برنامج الدعوه الخارجيه فكره جيده اذا البودى يساعد