طرق الهواء
22-08-11, 06:39 am
السلام عليكم ورحمه الله وبركاته وبعد
في عز اختناقات الشوارع بالسيارات والمشاريع الطرق المتعطله والحر ونقول يالله عدي ها اليوم على خير بس صار عندنا فوبيا من الخروج لاحد الاسواق ولا الشوارع المشهوره ببريده في اليل نتحمل كل هذا بس اذا صار لك حادث لا سمح الله هناااااااااااا المصيبه .
النصائح المطروحه:
1)حاول تتصالح مع خصمك لانو بتجلس بالشارع اكثر من ساعه ونص ما عبرك احد واذا جاك المرور ومعك ومعه تأمين بيقولك دق على نجم والي ماراح يردون عليك الا بعد وقت طويل اذا ردو اساسا
2)اذا ما معكم تأمين وسجل الحادث مرورنا العزيز استعن بالله وشد حيلك لانك بتراجع مركز المرور اكثر من ثلاث مرات وثلاثه ورشات على سطحه .
3)اذا احسست بأن الغلط على الطرف الاخر احذر لانه وقتها بيكون العكس بعد عرضك على لجنه تقيم الحادث والمكونه من عسكري يحك راسه ويقولك اوصف لي الحادث ويطلب من الطرف الاخر يوصفه زيك وياخذ بالاقوال وبعد ذالك وبعد حك الراس لمده طويله يكون الغلط عليك وتتفاجء في نهار رمضان هنا امسك نفسك وقل حسبي الله ونعم الوكيل واللهم اني صائم.
4)النصيحه الاخيره حاول تتفق مع الطرف الاخر اذا لم تتصالحو بان تتفقو على مبلغ وتنهون السالفه ويعوض الله عليك لانه بيجيك احساس من كثر المماطله بتحس انك تطلع صك من المحكمه .
تنبيهات:
التأمين شي ضروري للسياره عشان ما يحجزونك وتأمينك يكفلك.
اول ما يعطونك تقييم للسياره بترجع للمركز وبيعطيك القيمه الوسطى قل للعسكري ابي اقيم قطع الغيار <<مهم جداا
احضر معك التأمين الورقه مع الكارت التابع لها لانو نصهم ما يدري وش مكتوب فيها غير اسمك وتاريخ الصلاحيه.
عند عرضك على اللجنه المقيمه للحادث استغفر ربك ثلاث مرات ووتعوذ من الشيطان طويلا ووسع صدرك لانو ممكن خصمك بكلامه يقلب لك موازين الحادث وتصبح الضحيه .
اخر شي حلها ودي احسن لك والله يعوض عليك لانك بعد ثالث يوم مشوره بتقول ياليت اني سامحت ولا اخذت المبلغ الي عطاني ورضيت.
أسف على الاطاله بس اتنمى انكم تستفيدون من تجربتي المره والسلام عليكم ورحمة الله وبركاته
في عز اختناقات الشوارع بالسيارات والمشاريع الطرق المتعطله والحر ونقول يالله عدي ها اليوم على خير بس صار عندنا فوبيا من الخروج لاحد الاسواق ولا الشوارع المشهوره ببريده في اليل نتحمل كل هذا بس اذا صار لك حادث لا سمح الله هناااااااااااا المصيبه .
النصائح المطروحه:
1)حاول تتصالح مع خصمك لانو بتجلس بالشارع اكثر من ساعه ونص ما عبرك احد واذا جاك المرور ومعك ومعه تأمين بيقولك دق على نجم والي ماراح يردون عليك الا بعد وقت طويل اذا ردو اساسا
2)اذا ما معكم تأمين وسجل الحادث مرورنا العزيز استعن بالله وشد حيلك لانك بتراجع مركز المرور اكثر من ثلاث مرات وثلاثه ورشات على سطحه .
3)اذا احسست بأن الغلط على الطرف الاخر احذر لانه وقتها بيكون العكس بعد عرضك على لجنه تقيم الحادث والمكونه من عسكري يحك راسه ويقولك اوصف لي الحادث ويطلب من الطرف الاخر يوصفه زيك وياخذ بالاقوال وبعد ذالك وبعد حك الراس لمده طويله يكون الغلط عليك وتتفاجء في نهار رمضان هنا امسك نفسك وقل حسبي الله ونعم الوكيل واللهم اني صائم.
4)النصيحه الاخيره حاول تتفق مع الطرف الاخر اذا لم تتصالحو بان تتفقو على مبلغ وتنهون السالفه ويعوض الله عليك لانه بيجيك احساس من كثر المماطله بتحس انك تطلع صك من المحكمه .
تنبيهات:
التأمين شي ضروري للسياره عشان ما يحجزونك وتأمينك يكفلك.
اول ما يعطونك تقييم للسياره بترجع للمركز وبيعطيك القيمه الوسطى قل للعسكري ابي اقيم قطع الغيار <<مهم جداا
احضر معك التأمين الورقه مع الكارت التابع لها لانو نصهم ما يدري وش مكتوب فيها غير اسمك وتاريخ الصلاحيه.
عند عرضك على اللجنه المقيمه للحادث استغفر ربك ثلاث مرات ووتعوذ من الشيطان طويلا ووسع صدرك لانو ممكن خصمك بكلامه يقلب لك موازين الحادث وتصبح الضحيه .
اخر شي حلها ودي احسن لك والله يعوض عليك لانك بعد ثالث يوم مشوره بتقول ياليت اني سامحت ولا اخذت المبلغ الي عطاني ورضيت.
أسف على الاطاله بس اتنمى انكم تستفيدون من تجربتي المره والسلام عليكم ورحمة الله وبركاته