المساعد الشخصي الرقمي

مشاهدة النسخة كاملة : اللي ناشبه في حلق أهلها تطبق الخطه الرهيبة


وائل
09-06-03, 10:36 pm
الى كل سحليه ناشبة(ن) في حلق أهلها وماتصرفت مع انهم حاطين معها أختها
مجانا (لترويج البضاعة المتحرجمة في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة (المغازل
،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي :
أهم نقطة :نشني على العجوز اللي حاطة(ن) عينك على ولدها ثمن نفذي مايلي :
1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم
شهر لين تتم العملية


2-امشي وانتي حاطة(ن) راسك بين كتوفك لاترفعينه أبدا حتى لو يصير كله
صعارير (خلي الفكس دائما في متناول اليد ) علشان يقولون مؤدبة ومب متكبرة


3-كلمة خالة خليها على لسانك وخاصة(ن) لأم التمساح علشان تحس بنوع من
التميز عن بقية العجز .لامانع تنادين وحدة ثانية بخالة علشان إذا مانجحت الخطة
مع العجوز نمبر ون تنجح مع الثانية اتبعيها كخطة احتياطية (يعني ستبنة )


4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي
تطبيقا للمثل (كثر الطق يكسر الحديد) أدري إن المثل ماله داعي بس مالقيت
غيره


5-اخوانك الصغار لاحقيهم وطامري وراهم وين مايروحون حتى لو مب عادتك بس
تصرفي معهم كأنك أمهم لأن هذا يوحي بما لايدعو مجال للشك عند العجوز بأنك
حريصة على ذريتك (جعلهم عقبك)


6-مهما أكلت أمك من أكلة زينة خليها تقول :نفس الاكله اللي تسويها بنتي
(حتى لو الاكل من المطعم الصيني أو المكسيكي )


7-اذا جيتي بتمدين ايدك جعلها الكسر< (خربتها) اعبطي خشتك وتويجعي (مب قوة
علشان مايقولون جوارة) وخلي أمك تقول :قايلة (ن) لك وأنا أمك لاتنظفين
جدران الفلةالخارجية بس أنتي الله يهديك ذابحتك النظافة (جعلي ماأبكيك أجل
بتنظفين جدران الفلة نظفي غرفتك أول اللي تقولين ثايرة فيها قنبلة ذرية )


8-دايم ارتزي كأنك بالعة(ن) قصبة علشان ماينقص من طولك ولا سنتيمتر
(للقصيرات)


9-اذا تكلموا الحريم عن أي عرس اكتمي نفسك لين تحمر خدودك علشان يقولون
البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها
وأصير قتلت نفس بغير حق


10-مهما كان موضوع الحوار حماسي لاتبدين رأيك وخليك مثل الطرما لأن
اللقافة تجيب أجل الخطة


11-شعرك افرديه لين يتحسحس لاتخلينه طاير وشوشة مهما كانت الموضة لأن
العجز مايدورون الا اللي شعورهن ناعمة والا ياعمري اللي شوشهن طايره ماحد
يلتفت يمهن


12-إذا أدلت العجوز (أم المتوهق) بأي رأي سواء كان سياسي أو وطني أو
اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي
عندنا قولي لها :وليه ماعلمتينا ياخاله نجي نعاونكم


13-في العروس لاترقصين اربضي واقضبي ارضك واعتبري الرقص عيب وشق جيب 14

-اذا جا طاري السوق وطبعا هو لازم يجي الطاري لأنه ملح الجلسة عند الحريم
خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها
(وانتي شكلك مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف
نظر عنك وعنها < (أمزح لاتصدقين )
الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له
:والله ودي تشوف البنت بدون ماتدري علشان تأخذ راحتك وانا عمك وبعدين
تشوفها على الطبيعة علشان ماتقول بعدين غشيتوني (ايه هين ياالشايب لو يحصل
حطيت بدالها باسكال مشعلاني والا أليسا والا مايا هالي مطيراتن عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك )
ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق
ويبان المستخبي وذلك تطبيق(ن) لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن
الولد يوم انه يقول وأنا عمك ) ترا (البنت حوسة (مع انك طاقة (ن) كل زينك بس
يعني اني في هاللحظة الولد بينط على راس أبوك وبيمطخه لين يشفط مخه وبيقول
متى العرس ياعم (اللهم ارحمه فقد كان ولدا بار (ن) بوالديه )
عاد الله يوفقك ولاتنسينا من حلاو العرس والكليجا واياني واياك تعلمين
الولد من اللي معلمك هالعلوم ولا حتى باسم المنتدى لأني أعتقد انه بيسوى مصيبه
وأخاف يحط حرته فيني
تحذير
ابعدي عن أمهات العيال اللي متعلمات راعيات الشنطة مثل لون الجزمة لأن
هذولي يبيلهم خطط بعيدة المدى


يستكمل

وائل
09-06-03, 10:38 pm
نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك
خلاص انسانه عرفتي درب السنع والعداله (فاصل دعايه للطقاقه فطومه )
تدرين ليه؟؟خوفا من سرقة الفكرة الادبية
عاد ادعي لي لأني من العطلة الصيفية اللي راحت وأنا حاطة(ن) عيني على عجيز
وببدا أنسج خيوطي العنكبوتية حولها
والله يفوفقكن يابنات


منقوووووول

شقرديه
10-06-03, 12:26 am
اخاف اطبق نصايحك



يدلون بدل ما يهجج المعرس بالحاله تهج الخلات عني بعد




ويصير شكلهم:

v

v

v

v

v

v

http://members.lycos.co.uk/manar02/1/1/output.swf


و11111111111111و111111111111

ليتني بلا نصايحك

خزامى نجـد
10-06-03, 01:38 am
وائلووووووه <<<<<< مراقبين نمون على بعض !!!

تبي تبين لنا إن السنع ما يجي إلا إذا بغينا نعرس ؟؟؟؟؟

لا والف لا <<<<< ما أقدر أكتب الف لا " اخاف يخلص المنتدى "

إحنا بنات سنعات من حيننا .. دايم لازقين في امهاتنا ..والرقص ما نعرفه ..
وأشكالنا مرتبه دايم ... واخواننا في عيونا " وطلباتهم أوامر "


بلا خطط بلا هم ....


ولك تحيات " وحده من هالسنعات " >>ثقه مو غرور

وائل
10-06-03, 02:06 am
كاتب الرسالة الأصلية شقرديه
اخاف اطبق نصايحك



يدلون بدل ما يهجج المعرس بالحاله تهج الخلات عني بعد




ويصير شكلهم:

v

v

v

v

v

v

http://members.lycos.co.uk/manar02/1/1/output.swf


و11111111111111و111111111111

ليتني بلا نصايحك



معنا ياشقردية لن تخسري


طرقنا مجربة وناجعه


ياتصيدي معرس ياتنجني

ALI 9
10-06-03, 03:04 am
السلام عليكم ورحمة الله وبركاته

ههههههههه أنا بس بعلق على اخيتي خزاما نجد
انتي طبقتي الخطة مهب على الخالة بس علينا كلنا بنقول ماشاء الله هذي خزاما نجد ماشاء الله تبارك الله :D

======
اشكرك اخوي وائل على النصائح

على فكرة اختي خزاما تراي امزح معك وأنتي والنعم مهب مثل بعض ناس >>>>>> وانتبهوا للتاء :D

تحياتي اخوكم المطنون

width = 150 height = 150

(عروس الهلالية )
11-06-03, 03:51 am
مساء الورد

اخوي وائل

اقول بعد نصايحك هذه كرهت شي اسمه عرس
وكرهت كمان شي اسمع عجوز <======= وش هالنشبه ;)


وعلى قوله اختي خزامى نجد
حنا سنعات من نعومة اظافرنا

واللي يبينا على طبيعتنا هلا به مليون وميه
واللي ما يبي
الباب يفوت جمل والله يخلي لي ابوي وامي وغرفتي :)

الف شكر على هالموضوع الله لا يحرمنا منك ولا من طلتك على مجلسنا الدافىء

تحياتي
عروس الهلاليه
==========

بروق نجد
05-07-03, 03:21 pm
السلام عليكم
وش دعوى اخوي وائل قالبينها زواحف (سحلية +تمساح)
انا اذكر(غزال +فارس الاحلام يكون على حصان ابيض يطير بين الغيوم +ارانب +حمام)
وش بقى اجل
عموما طريقة ترزز البنت للعجيز اسلم لها وافضل من طريقةالمعاكسات التي يكون فيها الثمن غاليا حيث انها هي التي تدفعه
ومشكور اخوي والله يعطيك الف عافية

وائل
09-07-03, 07:34 pm
خزامى السنع موجود



بس كميته وطريقته ونوعه ربما تحدده الفئة المستفيدة



ونوع السنع حجم أقوال كثيرة وأراء كثر

وذلك في سبيل مراعاة عقلية وذوق الفئة المستفيدة


ورحم اللة إمرأ كف الغيبة عن نفسه


ربما تعملي أشياء تقنع العجيز وأنتي لا ترغبينها

ولا ترين جدوها في غير نيل رضى الخالة ..

وائل
09-07-03, 07:35 pm
المطنون



وأنا أجزي الشكر لحضورك هنا



تنورنا ياعمو رأفت خخخخخخ

وائل
12-08-03, 07:10 am
كاتب الرسالة الأصلية (عروس الهلالية )

مساء الورد

اخوي وائل

اقول بعد نصايحك هذه كرهت شي اسمه عرس
وكرهت كمان شي اسمع عجوز <======= وش هالنشبه ;)


وعلى قوله اختي خزامى نجد
حنا سنعات من نعومة اظافرنا

واللي يبينا على طبيعتنا هلا به مليون وميه
واللي ما يبي
الباب يفوت جمل والله يخلي لي ابوي وامي وغرفتي :)

الف شكر على هالموضوع الله لا يحرمنا منك ولا من طلتك على مجلسنا الدافىء

تحياتي
عروس الهلاليه
==========















عروس الهلالية



مراحب فيك



اللة يخليلك اميمتك وابوك بس الزوج غييييييييييييييير



وما أظنك كرهتي العرس :p



والعجيز تحمليها أهي عتبة الصعود للمجد ( مش القناة )


تشكرات كثيرات

بنت العز
12-08-03, 07:26 am
اخي وائل الحركات هذي عارفينها من زمان بس مفاد


ليش مدري الله والعالم اننا مسحورين



بس على العموم مشكور



وعلى فكره لا تنسى ان كيد النساء عظيم وانت ادرى



تحياتي لك وللجميع

وائل
12-08-03, 07:46 am
بروق نجد




شفت الألفاظ الراقية ( سحلية ، تمساح )



هذه رقه من البعض



وطريقة الترزز مفيدة كما قلت



بس المغازل ماله سنع بالزواج .. صح ؟



شكرا إلك

ولد ناس
12-08-03, 08:51 am
شكرا لك على هاالمعلومات ابقرها على الوالدة علشان لما بتروح تخطبى لى او لااخوان تحط بالها من خبث بعض البنات اللى بتسوى نفسها انها راعيتها وهى مو شى.

السعودي
12-08-03, 02:48 pm
http://www.arabiyat.com/forums/images/smilies/Untitled-1.gif
http://ali954.jeeran.com/slam.gif
http://www.arabiyat.com/forums/images/smilies/taheyatayeba.gif
أشكرك أيها " التمساح " آآآآآسف أيها " الوائل " على هــذه الخطط الجهنمية لإصطياد " التماسيح "

ومن له حيلة فليحتل ..... فأخشى أنك أكـون أنا " تمساح الفداء "

وعندها ... لا تنفع دموع التماسيح
http://www.moudir.com/vb/images/smilies/wafaq.gif

بنت الشرقيه
14-08-03, 03:19 am
ياسلام


طيب انتم ماعندكم خطط


عشان ماننغش فيكم


ونروح ملح


وبعدين نقول ياريت الي جرى ماكان:)

وائل
16-10-03, 04:50 pm
بنت العز


اللة يفك قيدك من السحر ويوفقك بلا هالخطط الجهنمية

وائل
16-10-03, 04:53 pm
ولد ناس


خبث بعض البنات وحركاتهن ربما تنطلي على الوالدة


لكن اسأل الرحمن يفكك من اللي فيه شروعيش مر وحلتيت !!!!!




<<<<<<< غمي عليه من ريحة الخياس حلتيت وااااااااوك

وائل
16-10-03, 04:57 pm
السعودي



وعليكم السلام ورحمة اللة وبركاته


إيه اللة يستر عليك لا تكون فريسه لهالخطط الجهنمية

:for2:

وائل
05-12-03, 04:00 am
بنت الشرقية



انتم حلاتكم تروحوا ملح :p :p :p :p





<<<<<<<<< فيه 3 كيلوجرام قساوه




الطريقة .. أدعي الكريم ينجيك ممن لايعرف سوءه إلا هو