لو تقدم لك شخص تربيته أمريكيه .. توافقين ؟ " محتاره " وضايق صدري

[عذابي غ ــير]

صباح الخير ع الجميع

بغيت استشيركم , ولو اني اتخذت القرار إلا شويات ..
بس بشوف تفكير البنات اللي بالمنتدى " اللي اعتبرهم زي خواتي "..

تقدم لي شخص أكبر مني بخمس سنوات تقريبا ً ..
لكن من يوم عرفناه واهو بأمريكا .. وامه تقول ماراح يرجع هالحولات :(
يعني بروح ارتز معاه بذيك الديره سنه سنتين ثلاث ربما أكثر ..

بصراحه انا حلمي ماستر , ففكرت اخذها هناك وتحمست مع الموضوع , لكن قلت وبعد الماستر ؟
يعني راح اوفق عشان اكمل تعليمي :(
وبعد التعليم كيف بيكون مصيري

الولد كويس , ومافي عيب إلا انه تربيه غربيه
وتقريبا ً اصلح له لاني متفتحه بقوه وأتأقلم على طول مع الحضارات وماني معقده

لكن اذا فكرت بالغربه يجيني صياح وانا لسا ماوافقت نهائي
الولد يقرب لي لكن مش من نفس العائله , أمه تعرفني ومن نفس عائلتي ..

وأنا وحيده ماعندي خوات :(

يعني افكر لما اوافق وراح اسافر يمكن اسلك بالوضع لأني متعوده ع الوحده , لكن خايفه بنفس الوقت
والمشكله الوقت ضيق تقول ردوا لنا بدري لاتتأخرون , لأنه هو موجود حاليا ً بالسعوديه

كل وحده تحط نفسها بمكاني وتقول وش موقفها راح توافق وإلا لا ..
والله العظيم مافي احد احكي له شعوري بالضبط
امي استحي منها , وماعندي خوات
شعور الخوات غير .. الله يعوضني
وصحباتي جربت احكي لهم عن مواضيع قبل تصير لي لكن بعدها اتندم لأمور .. !
أهلي يقولون انتي قررّي , وأنا مااحب هالشعور اني اقرر على موضوع , ابغا احد يجزمني يساعدني :(
أحس اني تايهه وبس :(

أنا طرحته هنا لأني مااعرفكم ولا تعرفوني

طولت عليكم , اترك باقي الموضوع انتم تكملونه , وكل واحد ووجهة نظره ..

لكل من مر من هنا باقة ورد f

[shahd2007]

صبااح الخيرات ..
الله يكتب لك مافيه خير وصالح
اممم فرق العمر حلو وراح تحققين حلمك بالمآستر نقطتين ايجابيتين :)

الولد كويس , ومافي عيب إلا انه تربيه غربيه

كيف تربيته غربيه ..!!

اهم شي الاساسيات صلاته واخــلاقه وكيف عايش هناك

كل وحده تحط نفسها بمكاني وتقول وش موقفها راح توافق وإلا لا ..

انا عن نفسي راح اوافق بس اتاكد من محافظته ع الصلاه و كيف هي اخلاقه يعني الامورالي بسرعه مااحبها

الله يوفقك واهم شي صلاه الاستخاره

[هلاوين]

يعني مشكلتك مع الغربة فقط .

وانت ادرى واعلم بحااااالك من غيرك

الله يسعدك ويوفقك وان خبرتي للي من هناك وحدة ارسليه ههههه

[مايا]

أنت عادي تبعدين عن أهلتس يعني تعيشين بديرة ثانية ؟؟؟؟
أنا بالنسبة لي لا مقدر أعيش بعيدة أهلي
وأنت شوفي عن نفستس ....
الله يوفقتس ويسهل أمورتس

[مدير خبرة]

مع ان الموضوع خاص بالبنات..

بس مايمنع اتليقف..

ورأيي أن الموضوع يعتمد على البنت نفسها.. وفكرها.. ونظرتها للحياة..

مع أني أجزم ومن خلال معايشة كثيرين عاشوا هناك... أن مثل ذلك الشاب لايتأقلمون سريعا مع بناتنا

زميلي درس بأمريكا سنتين.. ويوم قرر يتزوج دور على بنت (فري) .. من عائلة منفتحة

ومع ذلك... رجعت مطلقة بعد ستة أشهر... بسبب أنها لم تتحرر من حياتها التي عاشتها هنا..

وعلى الاجمال... ومع كون الامر مغري للفتاة نفسها..

إلا أني ارى ان الرفض أمر مطلوب

[عذابي غ ــير]

صبااح الخيرات ..
الله يكتب لك مافيه خير وصالح
اممم فرق العمر حلو وراح تحققين حلمك بالمآستر نقطتين ايجابيتين :)



كيف تربيته غربيه ..!!

اهم شي الاساسيات صلاته واخــلاقه وكيف عايش هناك



انا عن نفسي راح اوافق بس اتاكد من محافظته ع الصلاه و كيف هي اخلاقه يعني الامورالي بسرعه مااحبها

الله يوفقك واهم شي صلاه الاستخاره



اقصد بتربيته غربيه من يوم تخرج من الثنوي وهو هناااك
لأن ابوه مطلق امه فعلى طول تخرج من ثالث سفره ابوه والى يومك هو هناك


وأخلاقه يمدحها واحد من من نفس العائله والذمه عليه
أما صلاته وحتى اخلاقه ماندري عنه شيء يجي للسعوديه ان كثّر شهرين ويرجع

واللي مضيق صدري اكثر انهم يبغون الرد بدري يعني الموضوع سريع سريع
وزياده على عمره كويس ., الشكل وسيم وحلو ..

ضايق صدري بقوه النوم م أنام :(

مو بس عليه , اي موضوع خطبه يوترني وأخاف ويجيني صياح قوي :(
الى درجه اني ابغا يخلص الموضوع بأي طريقه سواء بالموافقه او الرفض بس ابغا اخلص من وضعي
وزياده انه قريب لي , حتى امه تقول لو رفضتوا ماراح تتغير علاقتنا يعني الوضع فرري

دعواتكم احس اني مخنوقه
زياده ان صديقتي اقرب وحده لي امس مسافره ومقفله جوالها وماراح ترجع الا بعد اسبوعين

يارب تفرج لي :(

[عذابي غ ــير]

يعني مشكلتك مع الغربة فقط .

وانت ادرى واعلم بحااااالك من غيرك

الله يسعدك ويوفقك وان خبرتي للي من هناك وحدة ارسليه ههههه

يمكن الغربه اهون علي من تفكيره واعتقاداته اللي ماادري وش عليه !
مااحب كلمة انتي ادرى :( اتوتر لما احد يقولها لي
اعرف اني اعلم بحالي بس ابغا احد يرشدني يساعدني يقول رآيه
انت زي اهلي انتي ادرى :(
حتى مايقولون ايش رايهم :(
ولما ارفض الشخص ويردون بالرفض بعدها كل واحد منهم يقول ايش كان رايه سواء بالرفض او القبول
بس يقهروني وش عقبه قلتوا ؟
يقولون مانبغا نشتت تفكيرك :(
يسمعون بالحريه :(

امييين اجمعين ,, ابشر بجيب لك اطلق وحده سعوديه عندها رخصة قياده :)

[عذابي غ ــير]

أنت عادي تبعدين عن أهلتس يعني تعيشين بديرة ثانية ؟؟؟؟
أنا بالنسبة لي لا مقدر أعيش بعيدة أهلي
وأنت شوفي عن نفستس ....
الله يوفقتس ويسهل أمورتس

لا والله مو عادي ابعد :(
امي راحت للقصيم اسبوع عشان عزاء خالتي وانجنيت حسيت نفسي بزر
حتى لما نسافر كلنا وابوي يجلس بالبيت اشتاق له كثييير
ولما نروح ابكي ,
حتى لما اكلمه واحنا بنطول ماراح نرجع اذا سمعت صوته ابكي :(

حتى الحين تعبان اذا شفته يتألم ابكي :(
وخايفه يكون تعبه من موضوع خطبتي :(

اميين تسلمين على الدعوات
الله لا يحرمني من الارواح الطيبه

[مايا]

ياأخيتي
تقولين عايش بأمريكا من سن المراهقة ولا تدرون عن صلاته وأخلاقه
لو أنا ماراح أوافق
يجي غيره أن شاء الله
طيب سؤال
هو خلاص بيكمل حياته بأمريكا والا بيرجع ؟؟؟
إذا كان بتستمر حياته هناك تخيلي نفستس عايشة عندهم طول عمرتس وااااااوه

[عذابي غ ــير]

مع ان الموضوع خاص بالبنات..

بس مايمنع اتليقف..

ورأيي أن الموضوع يعتمد على البنت نفسها.. وفكرها.. ونظرتها للحياة..

مع أني أجزم ومن خلال معايشة كثيرين عاشوا هناك... أن مثل ذلك الشاب لايتأقلمون سريعا مع بناتنا

زميلي درس بأمريكا سنتين.. ويوم قرر يتزوج دور على بنت (فري) .. من عائلة منفتحة

ومع ذلك... رجعت مطلقة بعد ستة أشهر... بسبب أنها لم تتحرر من حياتها التي عاشتها هنا..

وعلى الاجمال... ومع كون الامر مغري للفتاة نفسها..

إلا أني ارى ان الرفض أمر مطلوب

دقيت على الوتر الحساس
أنا خايفه من هالنقطه يكون متعود على الشقروات الطوال , وانفتاحهم ونظامهم الغريب
صحيح اني متفتحه اعلى من الدرجه الوسطى لكن عندي اساسيات بالحياة مااتعداها
وماابغا شريك العمر كذلك يتعداها , ومن بعده ابنائي ..
انا خايفه من هالنقطه مااقدر اتعايش مع نظامه مع الحريم
اخاف يكون فرري معاهم
وانا لما احب اغااار :(
وغير كذا ماتقبل الاشياء هذي

امه تقول هو اللي طالب الزواج وانه مال من العيشه لحاله
لان خوياه خلصوا ورجعوا
فيبغا وحده توسع صدره , وهو اللي طالب يبغا من نفس عائلة أمه
فهذي نقطه ايجابيه

انا في قرارة نفسي الرفض سيد القرار , لكن اخاف اتندم
اخاف تكون فرصه لي وضيعتها
غير انه اذا رجع للسعوديه بتكون وظيفته عال العال

وماني مشفوحه ع الزواج بالعكس لما اتذكر المسؤولية اتراجع
لكن اخاف كل مره تقّل الميزات اللي راح تجيني

وماننسى ان كل هذا مكتوب ومقدر
الله يكتب مافيه خير وصلاح

شكرا ً ع المداخله
ولا مانع من مداخلة الرجال , ف فيكم من النظره الثاقبه مالم نتميز بها ..

[عذابي غ ــير]

ياأخيتي
تقولين عايش بأمريكا من سن المراهقة ولا تدرون عن صلاته وأخلاقه
لو أنا ماراح أوافق
يجي غيره أن شاء الله
طيب سؤال
هو خلاص بيكمل حياته بأمريكا والا بيرجع ؟؟؟
إذا كان بتستمر حياته هناك تخيلي نفستس عايشة عندهم طول عمرتس وااااااوه


ياحبيلك وياحبيل رجعتك ..
اي والله من بعد الثنوي وهو هناك
والحين عمره بيدخل الثلاثين ..
وغير دراسته يشتغل هناك
امه تقول ماراح يرجع هالحولات , رجعته الآن مجهوله , بس اعتقد اذا وافقنا راح يقولنا ايش نظامه بالضبط ومتى رجعته ..

الله يعين بس اعرف بأمريكا اكثر من شخص هم وعوائلهم

وبيني وبينك امريكا احس مافيها أمان :(
لو ديره غيرها كان تنبلع

استانست على رجعتك
مشكوره والله يوفقك ويرزقك أطلق واحد ببريده عند أهلك

[بريداويهـ]

ياسن ذيك الايام <-- ايام تقرير المصير


اذا تبين نصيحتي
قولي اول شي العجله مافيه عجله ردي بيكون بعد اسبوع واذا ماراح تسمحون بهالاسبوع من اوله لا

وبهالاسبوع
اقعدي مع اهلك
خليهم ينفظونه ومايكتفون بمدح قريبه

واهم من كل شي وانا اختك استخيري
كل هالاسبوع خليه استخاره
مع صلاة الفجر اضيفي سنة استخاره
بعد الضهر
وقبل العصر
وبعد المغرب
وبعد العشاء
ولامانع بمنتصف الليل

خلي كل وقتك استخاره
واستغفار بنية ان ربي يفتح على قلبك ويدلك الطريق الصحيح

بعد هالاسبوع قرري
سواء باليجاب او الرفض

ورايي
اذا الولد على خلق ودين
فالغربه على شدة وقعه على النفس لكن لها مزايا
اولها التقريب بين الزوجين
واعرف بنات كثير لو تطلع امهن ساعه انهبلن وماعرفن يمشن جياتهن بدون الام
تزوجن وتغربن ولهن فوق خمس سنوات بالغربه وبكلامهن يقولن تعودنا وكونا صداقات

طبعاً اهم شي الولد بيرجع لديرته وماراح يخلي غربته وطن


وبالنهايه
زي ماقالوا اهلك هذي حياتك
وقرار مصيرك بيدك

انتي الي لازم تقررين عن سابق اقتناع
او بتكون حياتك نكد لمجرد انك ما اقتنعتي او انغصبتي (لان تفكيرك بينحصر بين هالكلمتين)


تمنياتي لك ولجميع المسلمين بالتوفيق


تحياتي

[هجير أمنيه]

الله يكون بعونك وبعوني الغربه صعبه00سواء داخل المملكه ولا خارجها0
وتقرير المصير واتخاذ القرار شيء صعب وحتى لو كان عندك اخوات رح يجزمونك شوي لكن بينك وبين نفسك بتقولي انا اللي رح اعيش معاه وانا اللي رح انحط في القفص الذهبي على قولتهم واعيش لحظة الفرح والحزن واتحمل وحدي المسؤليه0
بصراحه ما فيا اوجهك برأيي..!!!!

لانوا مارح تاخذي الرأي من شخص واقع في نفس الحيره!!!!

يكتبلك ربي الخير وين ماكان ويوجهك لصالح امرك

[شوكولاته بنات]

والله مادري وش اقوولك انا بحط نفسي مكانك

شوووفي اذا كاان بيتأخر بامريكاا او يعيش طوول عمره هنااك اكييييد برفض

امااا باقي الاموور احس عاادي انشالله تربيته عاليه وياما شباب برا اخلاقهم اعلى من الي هنااا

انتي استخيري وتوكيلي على الله

[تميميه وافتخر]

الكلام بالموضوع طويـــــــــــــــــــــــــــــــــــــــــــــــ ـــــل
لانك تبين نتكلم عن ولد ماتعرفين عنه الا امه وعايلته وعن غربه وعن عيشته بغربه وعن حبك لهلك وعن وعن .
تراي مقدره لخبطتك لاني زيك جربت الغربه وعشت برا ثلاث سنوات
بس بجاوبك باالي اقدر عليه .
اولا لاتستعجلين لو قالو بسرعه لاتستعجلين اولا الاستخاره ثم الاستخاره
ثانيا اسالو عنه بامريكا تبين تدرين وشلون؟ انا اعلمك..
شوفو هو باي ولايه بعدين روحي لملتقى الطلاب السعوديين باامريكا او عالم حواء للمغتريبات بعدين سجلي واسالي عن رقم مدير النادي السعودي الي بولايته وخلي ابوك يدق عليه ويسال عنه ويقول له لااحد يدري ان الي سالين انتم <<ادري انك بتقولين السالفه طويله بس اسلم لك
بعدين تراه ماطلب الزواج الا انه يبي يستر نفسه ويحفظه من الحرام ان شاء الله
ثالثا اذا انتي ماتحبين تبعدين عن اهلك لاتوافقين انا ماارتحت الا يوم رجعت والا طول الوقت احس بغصه ومالي نفس بشي تخيلي اتمشى واروح واجي وطول الوقت اتخيل اهلي وخوذي من الصياح واحس انه كل شي ماله طعم تخيلي مااستانس بالديره الا اذا حجزت لسعوديه اقول لزوجي يالله قوه نتمشى احس انه تروح الغصه اذا انتي مثلي متعلقه بهلك لاتوافقين تراك ماراح تستانسين
واذا حلمك بالدراسه ادرسي والدراسه مرحه هناك وحلوه بس علته الاختلاط الا اذا انتي عادي عندك
وترى الغربه حلوه للي يحب التغيير يعني تعرفين على شي غريب وتعرفين على ناس وتقربين لزوجك اكثر والا التسوق مووووووووووووت يجنن اذا انتي تحبين الاسواق والمعيشه حلوه بالغربه
شوفي انا ابختصر لك اذا سالتو عنه وطلع كويس واخلاقه حلوه وترى اكثر المغتربين مايصلون بالمسجد يعني لايضيق صدرك بسبب قلة المساجد واختلاف الاوقات والاجواء المتقلبه
واذا انتي عادي تبعدين عن اهلك وحطي ببالك ترى اكثر المغتربين ماعندهم الا رحله وحده بالسنه الا اذا هو منغنغ يجيبك على احسابه كل هوليدي هههه
واذا انتي منتي غيوره مره يعني عادي مع زوجك بنات بالكلاس وطقت حنك
(اقولك وافقي)
يعني ماعندك غيره مره ولا تعلق بهلك واخلاقه حلوه وانتي تبين تدرسين وافقي
والله يكتب لك الي فيه الخير وييسر امرك ويوفقك ويهون عليك امورك

[غ ـروووب]

ولا صار تربيته امريكي بالعكس وناسه اكثر ماعندهم تعقيد القصمان

اذا ما تبينه جيبيه ولك اجر بعد :)

[صوت]

في رأيي ...

من خلال قرائتي لردودك ستوافقين بإذن الله ..!

وليس هناك مانع فمع الزوج ستنسين الغربة لمدة سنتين على الاقل وهي اول الزواج .!
والغربة الآن هي اقل عناء بوجود الاتصالات والتواصل عبر النت ...!
ثم أن الحياة في امريكا جميلة وممتعة جدا ..!!

المهم ان لا يكون هذا الشاب .. يتعاطى أي نوع من انواع المشروبات فهي شائعة هناك الا رحم الله ..!
ويتضح ذلك من شكله الخارجي ومن الوجه لم يعرفون من الرجال ..


اذا كان لديك خيارات اخرى ( اي خطاب اخرين ) فأبحثي عن الاصلح لك .. واذا لم يكن .. فتوكلي على ربك ووافقي ..


وفقك الله لك خير

[زين نجد]

سأعتبرك أحدى أخواتي وأقول لك
أهم ما عليك وقبل كل شيء هو الدين والصلاة عماده
إن كان محافظاً على أمور دينه فهو يخاف الله سبحانه ومن يخاف الله سوف يخافه فيك وفي حقوقك
تأكدي أن هناك شباب لا يؤدون الصلاة ( أي تاركين لها ).
والرسول صلى الله عليه وسلم يقول : " إذا أتاكم من ترضون دينه وخلقه فزوجوه..." الحديث
و قبل الموفقة بأن نعلم عن دينه وخلقه فلابد من السؤال عنه
أختي..
أنصحكِ بعد الاستعجال في الرد لأن هذا الأمر يحتاج إلى تركد و سؤال ٍ عن الخاطب خصوصاً أنه بعيد وكذلك للاستخارة أهميتها فقد حث عليها رسولنا صلى الله عليه وسلم فلا تنسيها.
ربي يوفقك ويستر عليك ويزقك الزوج الصالح الذي يخاف اله فيك
تقبلي رأيي الشخصي،،،

[بسومة بريده]

بالنسبه لي وبغض النظر عن الايجابيات والسلبيات اناوبريده مثل السمكه والماء لو طلعت منها اموت..

والي فهمته من كلامك انك بتعيشين هناك على طول احس هذي صعبه مرررره...

وربي يختار لك ماكان فيه خير لك...

[فديكا التميمي]

عن نفسي ارفض اذا كانت السالفه مطوله بالعيشه برى
اعنبوتس انا جان عايش بالرياض ورفضت بدون تفكير ماعندي استعداد اتنازل عن اهلي
وبعدين ترى اللي عايشين برى ماادري وش الله قايلن بهم ولا يعجبهم العجب لاتنغرين بماستر
ماماستر انتي استخيري والله يكتب لك اللي فيه الخير

:)

[عاشق الخير]

مسألة الاخلاق والدين ليست مسألة هامشية لنتجاهلها بسهولة ونبني قرارنا المصيري بأمور كهذا على أمور غيبية ..
اذا لم تصلي فعلن لمن يخبرك عن الشاب وأخلاقة وصلاته فلا تغامري بخوض تجربة كهذه ..
فالزواج شراكة و عبادة تستحق التريث و المشاورة ..

وعليك بالاستخارة في كل أمورك ..
يسر الله لك ما تريدين من خيري الدنيا والاخره

[مهندس الكلمات]

اللي يسمعك يقول عيالنا متربين زين
كل حياتهم استراحات ودوران بالشوارع
لذلك أشوف مسألة التربيه ماتحكمها مدينة يعني بالاخير راجعه لتربية الاهل

[شهــــــــــــــــــد]

حيآك الله بين خوآتك قبل شئ أستخرتي ولا لا !!!
ثآنيـآ أهلك وش يقولون عنه @!
ثآلثآ هذي سنة الحيآة سواء كنتي قريبه او بعيد اهم شوفي عن الرجل
أهلك تقدرين تتوآصلين معاهم .. لي خال بكندآ عمر ولده الصغير 3 سنوآت وماشفناه
الا بالصور :) اهم شئ انهم مرتآحين مع بعض ..

أرجع وأقولك أستخيري وشوفي أهلك وش يقولون لك والله ييسر لك أمرك ويوفقك

[ماهي من البشر]

صباح الخير ع الجميع



بغيت استشيركم , ولو اني اتخذت القرار إلا شويات ..
بس بشوف تفكير البنات اللي بالمنتدى " اللي اعتبرهم زي خواتي "..

تقدم لي شخص أكبر مني بخمس سنوات تقريبا ً ..
لكن من يوم عرفناه واهو بأمريكا .. وامه تقول ماراح يرجع هالحولات :(
يعني بروح ارتز معاه بذيك الديره سنه سنتين ثلاث ربما أكثر ..

بصراحه انا حلمي ماستر , ففكرت اخذها هناك وتحمست مع الموضوع , لكن قلت وبعد الماستر ؟
يعني راح اوفق عشان اكمل تعليمي :(
وبعد التعليم كيف بيكون مصيري

الولد كويس , ومافي عيب إلا انه تربيه غربيه
عذلبك غير فهميني كيف كويس ومافيه عيب لكن تربيته تربيه غربيه ماتجي لإن التربيه الغربيه تدخل فيها أمور خارجه عن الإسلام الا اذا انك تقصدين الشكل ؟؟!!
وتقريبا ً اصلح له لاني متفتحه بقوه
يعني كمان هو متفتح بقوه ومايعوق الأثنين شي

وأتأقلم على طول مع الحضارات وماني معقده
حلو , يعني مع الحظارات والتعرف عليها بتنسيك اللي خلفوك

لكن اذا فكرت بالغربه يجيني صياح وانا لسا ماوافقت نهائي
شوفي عذابك غير جدتي الثالثه تقول العروس منول تروح وحده معه ثلاثة ايان تجلس معه ومع زوجه الجديد علشان مايضيق صدره يجتمع عليه عرس وفراق اهل وهو مابينه وبين اهله الا مناره هههههههههه ياحليهم
وشلون انتي بتجتمع عليك شاب تربيته تربيه غربيه يعني بتتغير عليك امور كثيره في تعامله مع المحيط الخارجي عاد انتي من بريده ولا
وفرقة أم وأب
وفرقة وطن



الولد يقرب لي لكن مش من نفس العائله , أمه تعرفني ومن نفس عائلتي ..

وأنا وحيده ماعندي خوات :(

يعني افكر لما اوافق وراح اسافر يمكن اسلك بالوضع لأني متعوده ع الوحده , لكن خايفه بنفس الوقت
كيف متعوده على الوحده مالك ام مالك ابو ؟؟
والمشكله الوقت ضيق تقول ردوا لنا بدري لاتتأخرون ,
اسمحيلي امه لك عليها وشلون ردوا بدري لاتتأخرون قسم لو يقال بتروحين للظاحي لا ازمل احترامي لكن كوني اسكن بالشمال وش اللي لاتتأخرين هذا زواج وغربه والله اعلم بعد وش الرجال من لحيه
مير لو انك ماقلتي تربيه غربيه كان يمكن نقول وافقي لكن تربيه غربيه وغربه
شي يمحن

لأنه هو موجود حاليا ً بالسعوديه
وشلون يعني على دربك شل خششبه يعني لو هو مو بالسعوديه ماراح يجي يتزوجك

كل وحده تحط نفسها بمكاني وتقول وش موقفها راح توافق وإلا لا ..

انا اقول لاااااااااااااااااااااااا
والله العظيم مافي احد احكي له شعوري بالضبط
حنى حاظرين والأخوات والاخوان ماراح يقصرون معك

امي استحي منها , <<<< وين راح التفتح

وماعندي خوات عندك رب
شعور الخوات غير .. الله يعوضني
لو عندك خوات بيعيون عليك دايم اذا جا خطيب لخواتي يزملولي مااحب الفراق
وصحباتي جربت احكي لهم عن مواضيع قبل تصير لي لكن بعدها اتندم لأمور .. !
غريبه مع ان الصحبات يعرفو نفسية اصحابهم اكثر من اياً كان
أهلي يقولون انتي قررّي , وأنا مااحب هالشعور اني اقرر على موضوع , ابغا احد يجزمني يساعدني :(
معناته انتي قلبك رهيف انصحك ماتقدمين على هالزواجه
أحس اني تايهه وبس :(
وانتي بالديره اجل لارحتي هناك وش بتصيرين هههه

أنا طرحته هنا لأني مااعرفكم ولا تعرفوني
واضح

طولت عليكم ,
عادي خوذي راحتك

اترك باقي الموضوع انتم تكملونه , وكل واحد ووجهة نظره ..

لكل من مر من هنا باقة ورد f


الله يكتب لك ولي ولأخواتنا ولإخواننا الخيره المباركه في جميع اعمالنا
وشكراً على الباقه

[shahd2007]

اقصد بتربيته غربيه من يوم تخرج من الثنوي وهو هناااك
لأن ابوه مطلق امه فعلى طول تخرج من ثالث سفره ابوه والى يومك هو هناك


وأخلاقه يمدحها واحد من من نفس العائله والذمه عليه
أما صلاته وحتى اخلاقه ماندري عنه شيء يجي للسعوديه ان كثّر شهرين ويرجع

واللي مضيق صدري اكثر انهم يبغون الرد بدري يعني الموضوع سريع سريع
وزياده على عمره كويس ., الشكل وسيم وحلو ..

ضايق صدري بقوه النوم م أنام :(

مو بس عليه , اي موضوع خطبه يوترني وأخاف ويجيني صياح قوي :(
الى درجه اني ابغا يخلص الموضوع بأي طريقه سواء بالموافقه او الرفض بس ابغا اخلص من وضعي
وزياده انه قريب لي , حتى امه تقول لو رفضتوا ماراح تتغير علاقتنا يعني الوضع فرري

دعواتكم احس اني مخنوقه
زياده ان صديقتي اقرب وحده لي امس مسافره ومقفله جوالها وماراح ترجع الا بعد اسبوعين

يارب تفرج لي :(

اذن ماعرفتوا شي عنه اختي هذا اهم سؤال واهم شي تعرفينه عن المتقدم لك
اسئلي وتاكدي من هالنقطه طيب شهرين كفايه تعرفون اذا هو مواظب ع الصلاه او لا ..
لاتستعجلين اختي بالرد هذا زواج موب عزيمه توافقين تروحين او لا ..
ولاتنسين تبي تروحين معه لمكان بعيد فلازم تتاكدين من صلاته ومحافظته ع دينه .
الله يكتب لك الله فيه خير
وبالتوفيق لك ..

[SAGA]

لااااااااا
إنتبهي توافقين عليه وأنتم ماسألتوا عنه إلا رجال واحد
وإذا أمه مستعجله قوليله بتصبرين نسأل عن ولدك وإلا مع السلامه الزواج لعبه!!تدرين إن الناس اللي حولي يسألون عن الولد وهوعااايش كل حياته بنفس الديره من أسبوعين لشهر أو أكثر.
وأهم شي إستخيري..
أستغرب تقولين الميزات تقل مع الوقت!!!!!!ماتدرين وش الخيره به يمكن يجيك بعده أحسن منه بمليون مره..
وبعد ترى أهلك مخطين بالحريه رأي الأب والأخ مهم ..
وتبين الصراحه قويه سالفه إنه عايش بأمريكا كل هالسنين لوهي سنه سنتين ممكن تهضم لكن كل هالسنين صعبه تتأقلمين معه برأيي.....

[دلة بيبسي]

لو انا بمكانك قلت لااااااااااا وخصوصا انك تقولين تربيه غربيه

يعني الشك بيصير ملازمني طول حياتي اذا طلع من عندي

وعايش هناك من فترة المراهقه يعني الله اعلم وش هي اخلاقه وطريقة تفكيره <<< هذا رأيي


وانتي مالك الا الاستخاره وانشاء الله ربي بيدبرك على مافيه الخير لك

[بنت الكرم 2008]

شوفي أذا هو دين وخير خايف ربه وقايم وصايم وافقي والله لوهو بأدغال أفريقيا ساكن أهم شي راحتك مع شريك الحياة والباقي يهون ....
هذا رأيي ول بنتي مكانك

[تَـرفْ ♪]

ماراح اتكلم لك عن الغربة , لأنك بتتأقلمين عليها ومثل ماقالوا التكلونوجيا جدا متطورة
ماتمنعك من المواصلة مع أهلك
اسمعيني حبيبتي
الشاب السعودي خاصة , لأنه عاش بمجتمع محافظ
لما يروح لدول الغرب ويشوف الإنفتاح على أصوله , والحلال والحرام عندهم واحد
ومافي شيء اسمه ممنوع , بينفلت للأسف
لو هو تغرب 6 شهور او خلينا نقول سنة ,
ممكن مايتأثر بقوة ويظل متمسك بدينه وقيمه وعاداته
وعلى حسب ماتقولين انو (تربيته غربية )
يعني تعود عل اشكال البنات ولبسهم ويمكن يكون عادي عنده يروح ويجي معاهم
ويمكن يدخل مراقص مع اخوياه و و و و و
مابي ادخل الشك فيك
بس حبيبتي هذا زواج , هذي حيااة
لازم تعرفينه صح عشان تضمنين سعادتك

وأهله اتوقع مايدرون عن حاله , لأنه بيتغير لما يروح هناك
ووممكن يكون محافظ وماسك دينه , ماندري !
أنتِ استخيري وادعي ربك
ونصيحة مني لك لاتاخذين واحد تعود على حياة الغرب
وربي يكتب لك اللي فيه الخير

[تَـرفْ ♪]

من يوم تخرج من الثنوي وهو هناااك
لأن ابوه مطلق امه فعلى طول تخرج من ثالث سفره ابوه والى يومك هو هناك

يعني من سن المراهق
بوقت نزوات وطيش ووو
ما ايدك تاخذينه صراحة
انا رايحة هناك
وربي اششكال تشيب الراس

الله يوفقك ويسعدك ويريحك

[عذابي غ ــير]

:(

اليوم كلمت امه وفهمنا من كلامها انو جاي يجدد الفيزا خمس سنوات قدام
وتقول ماادري كانو بيجلس بعد الخمس شيء والا لا .. !
لأن امي قالت البنت متردده من ناحية السكن
فقالت على بلاطه ماراح يرجع اقل من خمس سنوات

يارب استخير لي
عجزت اجزم اوافق او ارفض

:(

[ماهي من البشر]

^^^^^^^^^^^^

طيب انتي وش اللي جازلك فيه وبتوافقين علشانه
و وش اللي ماجازلك وبترفضين علشانه

هنا بقي عليك تدونين الأشياء بورقه وتتناقشين بين الأشياء انتي وياه وقلبك
هنا الفاصل بين الموافقه والرفض

[منبع الحكمة]

أختي سأنظر لموضوعك من عدة جهات وعذرا أنا مستعجل وسأرجع الليلة

- أختيار الزوج حسب أوامر الرسول ( دينه ، خلقه )
- في حال أن الزوج أصبح صالح فهل تستطيعين أن تعيشي في غربة دون أن يؤثر على نفسيتك وعلاقتك معه

- بصراحة ، هل أنت متعلمة وربة بيت فاهمة لأمور الحياة والتعامل ...!!!!
فلو حدث ما حدث من تجاوزات فهل تعرفين كيف تتعاملين معها ...

- تأكدي أن الحيرة لن تدلك على شيء .. فأدرسي الموضوع بتمهّل ولا تستعجلي ،، ثم أختاري أحد الطريقين ،، وبعدها أستخيري الله

- هل سبق ومريتي بخبرة خطوبة ورفضت ..؟؟
- هل أنت مثقفة ثقافة زوجية ,,...؟؟؟ أو أنك ترين نفسك لا تستغنين عن أمك لأنك غير مؤهلة

أعتذر عن كثرة أسئلتي وصراحتي ولكن هذه حياة ...؟؟

بانتظارك إذا ودّك ...!!!

[عازفة ألحان الليل]

وشلون متفتحة قوووة وخايفة من الغربة
اخبر الي متفتحين مايهمهم لاديرة بعيدة ولاشي
لأنه منفتح على العالم الخارجي وعارف كل شي وراح يسيطر على كل مخاوفه

على كل حال بالنسبة لتربيته الأمريكية اهم شي
انه يكون متمسك بدينه ولايتأثر ببعض افكارهم بأسم الحرية وهي بعيدة كل البعد عن الحرية
ويكون اخلاق وبالنسبة لبعدك عن اهلك ماشوف فيها اي شي عادي .

[خالد العامر]

يا أختي ضعي في بالك ما يلي:

1- الرجل لا يريد شقراوات، بدليل أنه يريد الزواج من موطنه.

2- لابد أن يكشف طبيا ، يحلل عن الأمراض المعدية ( وهذا سواء هو أو غيره)

3- الرجل هناك حر وطليق وعايش يومه بدون مسؤولية، فلماذا يريد الزواج؟ يريده لأنه اختار وقرر ...إذن فهو يريد حياة.

4- لابد أن تأخذي أرقام أصدقاءه هناك ، على الأقل خمسة أصدقاء والسؤال عنه من خلالهم ولكن هناك شيء مهم. الذي سيسأل يجب أن تكون لديه أسئلة مهمة وخطيرة إجابتها إما بعم أو لا. مثلا : هل يصلي؟ هل يشرب الخمر؟ هل هو كريم؟.

5- يجب يجب يجب يجب أن تسألو عن الأشياء التي تخجلون منها، ( الكلمة اللي تستحي منها بدها). كما يجب أن تضعي أنت الأسئلة التي تهمك.

6- إذا لم تحصلي على خمسة أصدقاء له، فاعلمي أن في الأمر شيئا مريبا.

7- اقراي هذه القصة البسيطة:
( اتصل من طرف أهل البنت رجل يسال عن شخص فقال : وشلونه؟ حليل؟ يقعد معكم؟ ونيس؟. فأجابه الطرف الثاني ( الذي هو صديق الخاطب) على قدر الأسئلة. فتم الزواج وبعدها اكتشفو ان المعرس يشرب خمر، وعندما أعادو الاتصال على صديقه قال لهم : هل سألتموني إذا كان يشرب أم لا؟ فقالوا لا، قال هذا خطأكم.)


8- السؤال الذهبي ويكون بالعادة خاتمة الأسئلة ( هل ترضاه زوجا لأختك؟ أو بنتك؟ )




9- الاستخارة.



بالتوفيق

[عذابي غ ــير]

أختي سأنظر لموضوعك من عدة جهات وعذرا أنا مستعجل وسأرجع الليلة

- أختيار الزوج حسب أوامر الرسول ( دينه ، خلقه )
- في حال أن الزوج أصبح صالح فهل تستطيعين أن تعيشي في غربة دون أن يؤثر على نفسيتك وعلاقتك معه

- بصراحة ، هل أنت متعلمة وربة بيت فاهمة لأمور الحياة والتعامل ...!!!!
فلو حدث ما حدث من تجاوزات فهل تعرفين كيف تتعاملين معها ...

- تأكدي أن الحيرة لن تدلك على شيء .. فأدرسي الموضوع بتمهّل ولا تستعجلي ،، ثم أختاري أحد الطريقين ،، وبعدها أستخيري الله

- هل سبق ومريتي بخبرة خطوبة ورفضت ..؟؟
- هل أنت مثقفة ثقافة زوجية ,,...؟؟؟ أو أنك ترين نفسك لا تستغنين عن أمك لأنك غير مؤهلة

أعتذر عن كثرة أسئلتي وصراحتي ولكن هذه حياة ...؟؟

بانتظارك إذا ودّك ...!!!

جابك الله يا مستشار , خليك قريب مني هاليومين احس اني تايهه :(
يمكن استطيع ان اعيش بغربه اذا كان هو كويس بنظري وخش مزاجي وحبيته , إذا حبيته والله لو اعيش معاه بالشارع ماعندي مانع
بس انا خايفه من اطباعه اعتقاداته , والخوف هذا طبيعي يجين كل موضوع خطبه اتوتر وتجيني نفسيه :(

نعم مريت بموضوع خطبه صار طووويل ولكن اخر شيء تفركش من طرفي , بسبب كذبه وخدعنا :(
بعد هذا الشخص تقريباً كرهت الزواج وموضوع الخطبه , صرت ما أءمن الرجال وخاصه إذا كانوا مانعرفهم ,
أما هذا الشخص تحمست معاه لأنه فيه ريحتنا , نعرفه نعرف أمه
لأن بعد موضوع الخطبه اللي تفرككش كرهت الأغراب وكنت اول ضد زواج الأقارب , لكن الحين الوضع تغير , زياده عليه قبل اسبوع مانقبلت بالماستر وكان حلمي فيها .. ففكرت أحقق حلمي معاه , اضرب عصفورين بحجر :)

امممم ماادرري وش تقصد بثقافة زوجيه ؟ هي هي بأمور البيت
أو علاقتي مع الزوج ؟
أانا اذا ارتحت مع الشخص على طول اتأقلم معاه , واكون صادقه
وأحافظ عليه , وأطور العلاقه للأفضل
طبعا ً هذي بأمور الحياة فما ادري العلاقة الزوجيه زيها وإلا غير !


إذا فيه أسئله ثانيه أنا حاضره .. وعادي اسأل باللي تبي
وشكرا ً لرجوعك الليله , وأنا بإنتظارك ..

[عذابي غ ــير]

ياسن ذيك الايام <-- ايام تقرير المصير


اذا تبين نصيحتي
قولي اول شي العجله مافيه عجله ردي بيكون بعد اسبوع واذا ماراح تسمحون بهالاسبوع من اوله لا

وبهالاسبوع
اقعدي مع اهلك
خليهم ينفظونه ومايكتفون بمدح قريبه

واهم من كل شي وانا اختك استخيري
كل هالاسبوع خليه استخاره
مع صلاة الفجر اضيفي سنة استخاره
بعد الضهر
وقبل العصر
وبعد المغرب
وبعد العشاء
ولامانع بمنتصف الليل

خلي كل وقتك استخاره
واستغفار بنية ان ربي يفتح على قلبك ويدلك الطريق الصحيح

بعد هالاسبوع قرري
سواء باليجاب او الرفض

ورايي
اذا الولد على خلق ودين
فالغربه على شدة وقعه على النفس لكن لها مزايا
اولها التقريب بين الزوجين
واعرف بنات كثير لو تطلع امهن ساعه انهبلن وماعرفن يمشن جياتهن بدون الام
تزوجن وتغربن ولهن فوق خمس سنوات بالغربه وبكلامهن يقولن تعودنا وكونا صداقات

طبعاً اهم شي الولد بيرجع لديرته وماراح يخلي غربته وطن


وبالنهايه
زي ماقالوا اهلك هذي حياتك
وقرار مصيرك بيدك

انتي الي لازم تقررين عن سابق اقتناع
او بتكون حياتك نكد لمجرد انك ما اقتنعتي او انغصبتي (لان تفكيرك بينحصر بين هالكلمتين)


تمنياتي لك ولجميع المسلمين بالتوفيق


تحياتي



الله لا يجيب النكد لي وللمسلمين يارب :(

ياحبيلك كأنك حسيتي بالمعاناة
تحديد المصير شيء يخوف
أحس يبيله قلب قوي
وأانا قلبي رهيف

وبالنسبه للعجله أنا قلت ماراح اقرر الا بعد اسبوع اسبوعين :)
واذا ماراح تصبرون دوروا غيري << بدينا بالتغلي

وبعد ما أجلت القرارا احس نفسي اركدت وافكّر أعمق

والله يكتب اللي مافيه خير لي وله ..

مشكوره حبوبه على مرورك

[عذابي غ ــير]

الله يكون بعونك وبعوني الغربه صعبه00سواء داخل المملكه ولا خارجها0
وتقرير المصير واتخاذ القرار شيء صعب وحتى لو كان عندك اخوات رح يجزمونك شوي لكن بينك وبين نفسك بتقولي انا اللي رح اعيش معاه وانا اللي رح انحط في القفص الذهبي على قولتهم واعيش لحظة الفرح والحزن واتحمل وحدي المسؤليه0
بصراحه ما فيا اوجهك برأيي..!!!!

لانوا مارح تاخذي الرأي من شخص واقع في نفس الحيره!!!!

يكتبلك ربي الخير وين ماكان ويوجهك لصالح امرك

قولي رايك يابعدي
أنا ماطرحت الموضوع رغم حساسيته إلا ابغا اعرف رأي الأخوات
وخاصه المجربات , يقولون أسأل مجرب ولا تسأل طبيب

بآخذ من رايك قولي بس انتي فضفضي :(
يعني انتي تورطتي خلاص ؟ وإلا زيي ماقررتي ؟؟

وإذا انتي واقعه بنفس الموضوع
ايش اللي ماعجبك بالغربه !
هل الزوج ماساعدك ؟ أو الحنين للأهل يهدّك ؟
أو التوافق بينكم معدوم ؟

احكي احكي وأنا كلي آذان اسمعك
تكفين ارجعي
وقولي تجربتك :(

مشكوره على المرور والله يسعدك ويوفقك وين ماكنتي

[عذابي غ ــير]

والله مادري وش اقوولك انا بحط نفسي مكانك

شوووفي اذا كاان بيتأخر بامريكاا او يعيش طوول عمره هنااك اكييييد برفض

امااا باقي الاموور احس عاادي انشالله تربيته عاليه وياما شباب برا اخلاقهم اعلى من الي هنااا

انتي استخيري وتوكيلي على الله


ياحبيلك انتي وقرارك الجميل
والله انك صادقه بالأخلاق , مافيه إلا من هداه الله سواء هِنا أو الخارج ..
وبالنسبه لإنضباطه بالقوانين كويس , أنا شاهده على ذلك :) , اذكر يوم خالي بالمستشفى وجاء يزوره , ضاع مايدري وين غرفة خالي , ويدقون عليه مقفل جواله
بعد جهد وجهيد حصلوه تايهه بالمستشفى
اسألوه ليه مقفل جوالك تعبنا واحنا ندق عليك
قال بكل براءه اول مادخلت المستشفى لقيت لوحه اغلق الجوال واغلقته :)
اذكر فيه رجال كثير ضحكوا عليه , وقالوا شوفوا تربيه امريكيه :(

الله يجزاك خير على كم السطر اللي كتبتيه لي
موفقه حبوبه

[عذابي غ ــير]

الكلام بالموضوع طويـــــــــــــــــــــــــــــــــــــــــــــــ ـــــل
لانك تبين نتكلم عن ولد ماتعرفين عنه الا امه وعايلته وعن غربه وعن عيشته بغربه وعن حبك لهلك وعن وعن .
تراي مقدره لخبطتك لاني زيك جربت الغربه وعشت برا ثلاث سنوات
بس بجاوبك باالي اقدر عليه .
اولا لاتستعجلين لو قالو بسرعه لاتستعجلين اولا الاستخاره ثم الاستخاره
ثانيا اسالو عنه بامريكا تبين تدرين وشلون؟ انا اعلمك..
شوفو هو باي ولايه بعدين روحي لملتقى الطلاب السعوديين باامريكا او عالم حواء للمغتريبات بعدين سجلي واسالي عن رقم مدير النادي السعودي الي بولايته وخلي ابوك يدق عليه ويسال عنه ويقول له لااحد يدري ان الي سالين انتم <<ادري انك بتقولين السالفه طويله بس اسلم لك
بعدين تراه ماطلب الزواج الا انه يبي يستر نفسه ويحفظه من الحرام ان شاء الله
ثالثا اذا انتي ماتحبين تبعدين عن اهلك لاتوافقين انا ماارتحت الا يوم رجعت والا طول الوقت احس بغصه ومالي نفس بشي تخيلي اتمشى واروح واجي وطول الوقت اتخيل اهلي وخوذي من الصياح واحس انه كل شي ماله طعم تخيلي مااستانس بالديره الا اذا حجزت لسعوديه اقول لزوجي يالله قوه نتمشى احس انه تروح الغصه اذا انتي مثلي متعلقه بهلك لاتوافقين تراك ماراح تستانسين
واذا حلمك بالدراسه ادرسي والدراسه مرحه هناك وحلوه بس علته الاختلاط الا اذا انتي عادي عندك
وترى الغربه حلوه للي يحب التغيير يعني تعرفين على شي غريب وتعرفين على ناس وتقربين لزوجك اكثر والا التسوق مووووووووووووت يجنن اذا انتي تحبين الاسواق والمعيشه حلوه بالغربه
شوفي انا ابختصر لك اذا سالتو عنه وطلع كويس واخلاقه حلوه وترى اكثر المغتربين مايصلون بالمسجد يعني لايضيق صدرك بسبب قلة المساجد واختلاف الاوقات والاجواء المتقلبه
واذا انتي عادي تبعدين عن اهلك وحطي ببالك ترى اكثر المغتربين ماعندهم الا رحله وحده بالسنه الا اذا هو منغنغ يجيبك على احسابه كل هوليدي هههه
واذا انتي منتي غيوره مره يعني عادي مع زوجك بنات بالكلاس وطقت حنك
(اقولك وافقي)
يعني ماعندك غيره مره ولا تعلق بهلك واخلاقه حلوه وانتي تبين تدرسين وافقي
والله يكتب لك الي فيه الخير وييسر امرك ويوفقك ويهون عليك امورك

امممم عندي غِيره للي أحبهم :) إلا اذا بيزكني من لحم الخنزير هناك :)
متعلقه بأهلي :(
أبغا ادرس , ان شاء الله دارسه دارسه الله لا يعوق بشر هِنا ووإلا هناك من غير شر ..

كأني الحين موافقه مبدأي
حلو ردك
حمستيني للسوق حقهم :)

وبالنسبه للرحلات فكرت حتى لو هو مارجع انا أخت عند أهلي لحالي
لأن وحده نعرفها تجي وتروح لوحدها مو لازم زوجها معاها , مايجي زوجها الا بالسنه مره

يابعدي المشكله بالغصّه اللي راح تعذبني , وبصير ماده بوزي عليه
ويقول لاعادت ليتنا راجعين لوحدنا وماتزوجنا

السالفه الطويله اللي قلتي عنها , قلت لأهلي قالو صعبه :(
بس قالوا راح نآخذ ارقام خوياه اللي كانوا معاه يدرسون ونسألهم
لأنهم كلهم رجعوا

موفقه حبوبه
واذا لك رجعه هناك وتم الزواج خلينا نشوفك :)
<< بتكوّن صداقات من الحين :)

[طقاقة بدون مايك]

والله مدري :|$http://www.buraydh.com/forum/images/icons/icon10.gif


هي صعبة الفتية في هاذه المواضيع :|$http://www.buraydh.com/forum/images/icons/icon10.gif




مدري اقول وآفقي أو لآ:|$http://www.buraydh.com/forum/images/icons/icon10.gif



فـ آحس الايجابيات و السلبيات متساوية :|$http://www.buraydh.com/forum/images/icons/icon10.gif



لذآ أقولتس سوي غربلة غربلة غربلة وتمحيص ...حاولي تحسبينه صح ..جيبها من هنآ ومن هنآك...وبعدين شوفي قلبتس وش يقولتس ..ترا احياننن القلب عنده دبرة و نظرة و فراسة ..و قلب المؤمن دليلهـ:|$http://www.buraydh.com/forum/images/icons/icon10.gif



لا تستهنين ب إمر الاستخارة ,,,والسؤال عنه ..احرصي ع الموضوع خلي اهلتس يسالون عنه ..وكلي احد ثقة في هاذا الموضوع:|$


اسألو عنه ...حنا الخاطب عندنا حتى عآمل النظآفة حق حاراتهم نسال عنه وعن أخلاقه و كيفية تعامله ...صحيح أمور كثيرة م تبين إلا بعد العشرة بس يقولون الكتاب يبين من عنوآنه:|$http://www.buraydh.com/forum/images/icons/icon10.gif



و ب النهاية لا تخافين كلن راح يآخذ نصيبهـ:|$http://www.buraydh.com/forum/images/icons/icon10.gif

[يكفيني حنانك]

شوفي اختي بعد الاستخاره اهم حاجه بالموضوع شيئين:

الرجل ...

والغربه...

الرجل..اذاتأكدتي من صلاته و دينه واخلاقه وافعاله انها غاية المطلوب..

الغربه..بالنسبه لك ولاهلك عادي عندكم تبتعدون عن بعض
فترات طويله..

اذا كانت كلها ايجابيه فتوكلي على الله,,


نصيحه لك اختي الغاليه:

في لحظة اتخاذك للقرار لا تفكرين في اسواق هناك ولابشهادة الماسترو ولا بمتعة السفر وتكوين علاقات..
فكري فقط بالرجل اللذي سوف ترتبطين به وما هي مشاعرك تجاهه وما مدى رضاك به وعنه,,وما هو مصيرك المنتظر معه..واذا تأكدتي من قبولك وارتياحك له وقبلت به زوجا..احلمي بعدها بما تشائين من الامنيات

تقبلي نصيحتي وتمنياتي لك بالسعاده والتوفيق
وان يكتب الله لك الخير اين ما كان

[منبع الحكمة]

جابك الله يا مستشار , خليك قريب مني هاليومين احس اني تايهه :(

حياك الله أوخيتي ...

أنت بين أمرين ،،، القبول أو الرفض ...

يجب عليك أن تدرسي أمر القبول بعناية ، لأن الرفض يوقفك عن متاعب نفسية وتفكير أنت في غنى عنه ..

الحيرة لن تقدم أو تأخر ...

س : هل سألتم عن دينه ..؟؟
وهل سألتم عن خلقه ،، أي علاقته بالناس وسمعته وحسن خلقه ...؟؟

هذه أهم شيء وقبل كل شيء ...

إذا كان الجواب نعم فأبدأي بالنظر لنفسك هل ستتقبلين الغربة ( مع أنها صعبة ) وهل أنت جاهزة لأي تغيير في حياتك سواء كان إيجابي أو سلبي وأنت بعيدة ....

خذي بالأعتبار أن هناك مجتمع منفتح جدا جدا جدا ...

وبعدها فكري هل ستقبلين أم لا ...!!!


يمكن استطيع ان اعيش بغربه اذا كان هو كويس بنظري وخش مزاجي وحبيته , إذا حبيته والله لو اعيش معاه بالشارع ماعندي مانع

الغربة اوخيتي صعبة جدا وخاصة مع رجل لا تعرفين سوى أسمه ومواقف قد لا ينبني عليها معرفة أو وضوح لخلق أو دين ...

جميل أن تعيشي مع زوجك على الزينه والشينة ( بالأمور المادية ) ،،، وحتى تفهمي أكثر لا بد أن تفهمي أن الحب يبنى وليس يشترى أو يباع ،،،

مما قد يحدد القبول أو الرفض هو الرؤية الشرعية فهي مهمة جدا جدا ...


بس انا خايفه من اطباعه اعتقاداته , والخوف هذا طبيعي يجين كل موضوع خطبه اتوتر وتجيني نفسيه :(


أختي أنت حين تتوكلين على الله وتسألين عن الولد زيييييييييييين وتتقبلينه ومن بعدها تختارين ما تريدين ، يعني يجب أن لا يكون هناك إجبار من أي أحد .. وبعدها أستخيري الله فالأستخارة بعد الأختيار وليس قبل ( إذا همّ أحدكم ...)،، وبعدها أقدمي وأنت واثقة من نفسك - هذه مهمة جدا - وأقلمي نفسك أنك مستعدة لتقبّل أي نتيجة تحدث ... فمسؤولية الأختيار لك وأنت المسؤولة الوحيدة عنه



نعم مريت بموضوع خطبه صار طووويل ولكن اخر شيء تفركش من طرفي , بسبب كذبه وخدعنا :(

الحمد لله أن كفاكم الله شرّه ،، ومقصدي من السؤال ،، هل مريتي باللخبطة هاذي من قبل أو لا ،، لأننا أحيانا نخاف مما لا يُخاف منه ....


بعد هذا الشخص تقريباً كرهت الزواج وموضوع الخطبه , صرت ما أءمن الرجال وخاصه إذا كانوا مانعرفهم ,

الله يعينك ، المشاعر الملخبطة تحتاج لهوء النفس أكثر وبعدها نحكم ،، أما الحكم مع ثورة المشاعر فهو حكم جائر على النفس ... وتأكدي أن الله سيختار لك الأفضل دام أنك مؤمنة بالقضاء وراضية فيه ...

أما هذا الشخص تحمست معاه لأنه فيه ريحتنا , نعرفه نعرف أمه
لأن بعد موضوع الخطبه اللي تفرككش كرهت الأغراب وكنت اول ضد زواج الأقارب , لكن الحين الوضع تغير , زياده عليه قبل اسبوع مانقبلت بالماستر وكان حلمي فيها .. ففكرت أحقق حلمي معاه , اضرب عصفورين بحجر :)

أوخيتي ...

لعلك تؤجلين الإهتمام بموضوع الدراسة إشوي .. إن جاء مع الزواج فالحمد لله ، وإن ما جاء فالحمد لله ،، المهم لا تحوسين بالأولويات .. فحاولي بقدر ما تستطيعين أن تفكري بتعقّل أكثر الله يخليك ، مهم جدا أن تهدأي وتفكري زييييييييييين << ليس المعنى أني أخوفك ولكن قصدي ودي أنك تفكرين أكثر حتى تتقبلي أن تغيير بنفس راضية ....





امممم ماادرري وش تقصد بثقافة زوجيه ؟ هي هي بأمور البيت
أو علاقتي مع الزوج ؟

الذي أقصده أنني وكأني فهمت أنك - مدلعة حبة ونص - << مانب قايل حبتين هههه يعني هل أنت فاهمة كيف تديرين بيتك بحكم أنه صار لك زوج ( وفرق بين الأب والزوج ...!!! ) ، وأيضاً هل أنت تفهمين كيف تتعاملين مع الزوج بحكم أنه مختلف تماماً عنك كأنثى ( وليس الذكر كالأنثى ) طريقة تفكيره ، همومه ، عقله ، ماذا يؤثر عليه ، الجنس ، الغضب ................. ، وهل أنت تقرأين كتب عن الحياة الأسرية ..؟؟

وأيضاً لا بد تفهمي أنه لك حقوق وواجبات قبل وبعد الزواج ...

أانا اذا ارتحت مع الشخص على طول اتأقلم معاه , واكون صادقه
وأحافظ عليه , وأطور العلاقه للأفضل

ماشااااااااء الله أهنيك بنفسك ،، بس هالطريقة مو دايم تنفع ، يجب أن يكون بينك وبين الناس ومنهم زوجك حدود لا يتجاوزونها ...

طبعا ً هذي بأمور الحياة فما ادري العلاقة الزوجيه زيها وإلا غير !


إذا فيه أسئله ثانيه أنا حاضره .. وعادي اسأل باللي تبي
وشكرا ً لرجوعك الليله , وأنا بإنتظارك ..

أوخيتي الحياة الزوجية تحتاج للكثير ولعلك تمرين على هذه الروابط


http://www.buraydh.com/forum/showthread.php?t=223005


http://www.buraydh.com/forum/showthread.php?t=275006

وضروووووووووري تقرأي كتاب ( شريك العمر ) أ. عبدالله المديفر

ولتحميله من هنا

http://www.saaid.net/book/open.php?cat=6&book=4631


وهذا رابط مهم للغاية

http://www.saaid.net/mktarat/alzawaj/120.htm



وأي سؤال أنا حاضر ....

[هجير أمنيه]

قولي رايك يابعدي
أنا ماطرحت الموضوع رغم حساسيته إلا ابغا اعرف رأي الأخوات
وخاصه المجربات , يقولون أسأل مجرب ولا تسأل طبيب

بآخذ من رايك قولي بس انتي فضفضي :(
يعني انتي تورطتي خلاص ؟ وإلا زيي ماقررتي ؟؟

وإذا انتي واقعه بنفس الموضوع
ايش اللي ماعجبك بالغربه !
هل الزوج ماساعدك ؟ أو الحنين للأهل يهدّك ؟
أو التوافق بينكم معدوم ؟

احكي احكي وأنا كلي آذان اسمعك
تكفين ارجعي
وقولي تجربتك :(

مشكوره على المرور والله يسعدك ويوفقك وين ماكنتي

حياتي ربي يوفقك حاسه فيكي...

انا ما جربت لساتني على بر مثلك
واقاسمك نفس الحيره من ناحية الغربه .. واذا سألتي قالوا حياتك وهنا يزيد همك 0
خذي وقتك وفكري واعطي نفسك الحريه في الرد متى ما حسيتي انك جاهزة اتخذي القرار وموضوع الدراسه انسيه ولا تربطيه بموضوع الزواج ابدآ
ربي يكتب لك ولي الخيره

ربي يوجهك للخير حياتي ويسعدك 00

[عذابي غ ــير]

ولا صار تربيته امريكي بالعكس وناسه اكثر ماعندهم تعقيد القصمان

اذا ما تبينه جيبيه ولك اجر بعد :)


وناسه صادقه
عاد التعقيد ما أدانيه بعيشة الله :)

ياحبيلك اجيبه لك اذا صادقه تبغينه
اهم شيء نوفّق راسين بالحلال

بس انتي مخلصه جامعه ؟
وإلا تكملينها بين هالشقران خخخ

ياحبيلك تسلمين ع المرور

[عذابي غ ــير]

في رأيي ...

من خلال قرائتي لردودك ستوافقين بإذن الله ..!

وليس هناك مانع فمع الزوج ستنسين الغربة لمدة سنتين على الاقل وهي اول الزواج .!
والغربة الآن هي اقل عناء بوجود الاتصالات والتواصل عبر النت ...!
ثم أن الحياة في امريكا جميلة وممتعة جدا ..!!

المهم ان لا يكون هذا الشاب .. يتعاطى أي نوع من انواع المشروبات فهي شائعة هناك الا رحم الله ..!
ويتضح ذلك من شكله الخارجي ومن الوجه لم يعرفون من الرجال ..


اذا كان لديك خيارات اخرى ( اي خطاب اخرين ) فأبحثي عن الاصلح لك .. واذا لم يكن .. فتوكلي على ربك ووافقي ..



وفقك الله لك خير



مبدأي تقريبا ً وافقت بس عند أهلي يعني ماردينا لهم
لكن الحين استخير

بالنسبه للشراب ماادري اعتقد لابد منه , شخص عايش هناك ؟
الحين الي عايش هنا لما يزور البحرين يشرب له كاس ع الماشي
كيف اللي عايش هناك
بس ان شاء الله نقول على خفيف أو نزوه , وتعدّي على حسب النفسيه :(


بالنسبه للخيارات الأخرى , مافيه عندنا اثنين يصيروا بمحل الإنتظار
لما يكون موجود شخص وخاطبني , وكلم واحد ثاني
على طول أمي تقول فيه موضوع الحين ماندري يتم وإلا لا ,
تقول لهم دقوا بعد اسبوعين او ثلاث اسابيع
اذا هم جازمين راح يدقون , أو الماريه الغفله

أما اثنين اختار بينهم ماقد صارت , وأهلي يرفضون هالفكره !

آمين واياك والمسلمين اجمعين

[عذابي غ ــير]

سأعتبرك أحدى أخواتي وأقول لك

أهم ما عليك وقبل كل شيء هو الدين والصلاة عماده
إن كان محافظاً على أمور دينه فهو يخاف الله سبحانه ومن يخاف الله سوف يخافه فيك وفي حقوقك
تأكدي أن هناك شباب لا يؤدون الصلاة ( أي تاركين لها ).
والرسول صلى الله عليه وسلم يقول : " إذا أتاكم من ترضون دينه وخلقه فزوجوه..." الحديث
و قبل الموفقة بأن نعلم عن دينه وخلقه فلابد من السؤال عنه
أختي..
أنصحكِ بعد الاستعجال في الرد لأن هذا الأمر يحتاج إلى تركد و سؤال ٍ عن الخاطب خصوصاً أنه بعيد وكذلك للاستخارة أهميتها فقد حث عليها رسولنا صلى الله عليه وسلم فلا تنسيها.
ربي يوفقك ويستر عليك ويزقك الزوج الصالح الذي يخاف اله فيك

توقيعك حلو :)


تقبلي رأيي الشخصي،،،



تسلم والله اللي اعتبرتني أحد اخواتك من طيب أصلك ..
العجله أبدا ً ماهي حلوه ولا أحبها بعد , لكن عشان ظروفه
وراح احاول اني مااستعجل , لكن اذا فكرت اني بطول عليهم
ولو بعدها يتم بالرفض احس بستحي منهم ومنه خاصه لأنه يقرب لنا
أخاف نعطله وهو ناوي يسكر على الموضوع قبل يروح !

اي والله الصلاة عماد الدين , وتنهى عن الفحشاء والمنكر
ومصيبه لما يتركها الشخص

الله يجزآك خير على الدعاء , ولك بالمثل والمسلمين
لم أطرح موضوعي هنا إلاّ لأجل الآراء الشخصيه

توقيعك حلوو :)

[eivl girl]

القطيه
وان تسان هونتي كزيه لي احب هالنمونه
<<ابصم عشاني تسذا بيجين قروي متشدد):

[عذابي غ ــير]

بالنسبه لي وبغض النظر عن الايجابيات والسلبيات اناوبريده مثل السمكه والماء لو طلعت منها اموت..

والي فهمته من كلامك انك بتعيشين هناك على طول احس هذي صعبه مرررره...

وربي يختار لك ماكان فيه خير لك...

الله يجزآك خير
انا زيك اذا تأخرت على الرياض تجيني غلقه

الله يكتب مافيه خير يارب
تسليمن ع الطله

[عذابي غ ــير]

عن نفسي ارفض اذا كانت السالفه مطوله بالعيشه برى
اعنبوتس انا جان عايش بالرياض ورفضت بدون تفكير ماعندي استعداد اتنازل عن اهلي
وبعدين ترى اللي عايشين برى ماادري وش الله قايلن بهم ولا يعجبهم العجب لاتنغرين بماستر
ماماستر انتي استخيري والله يكتب لك اللي فيه الخير

:)


هههههه انتي زيي ارفض اذا جاني بالقصيم خخخ
بس هذا تقولين انو لما يرجع راح يستقر بديرتك اللي عايشه فيها
يعني ترجين حاجه حلوه بالنهاية :)

وشلون ماتدري ان ربي قايل بهم :(
يعني وشلون :(

بصراحه الماستر هابله فيني ,
أنا اقول لأهلي لو اروح معاه اوسع صدره واخذ الماستر واذا خلصت ارجع لكم واخليه يكمل مشواره
والوجه من الوجه ابيض خخخخ
يعني صداقه بس

الله يكتب اللي فيه الخير
تسلمين ع الطلّه خيتوو

[عاشق الخير]

ان كان الخمر وهو أم الخبائث و الرجس من عمل الشيطان أمر عادي لديك ..

فوافقي فلن تجدي اسوأ من ذلك المخمور الذي أهلك عقله بيده ..

اختي
حددي بالضبط ماذا تريدين من الزواج ؟؟؟

هل تريدين رجل يخاف الله فيك ؟؟ فإن كان ذلك فليكن دين الرجل هو المحكم في الموضوع ..

اما ان كنتي تريدين رجل يمتعك في حياتك الدنيا قد المستطاع بلا حدود فستجديه في اي رجل !!

[عذابي غ ــير]

مسألة الاخلاق والدين ليست مسألة هامشية لنتجاهلها بسهولة ونبني قرارنا المصيري بأمور كهذا على أمور غيبية ..
اذا لم تصلي فعلن لمن يخبرك عن الشاب وأخلاقة وصلاته فلا تغامري بخوض تجربة كهذه ..
فالزواج شراكة و عبادة تستحق التريث و المشاورة ..

وعليك بالاستخارة في كل أمورك ..
يسر الله لك ما تريدين من خيري الدنيا والاخره

والله الزواج عندنا بالسعوديه تقريبا ً , هي ضربة حظ
يا أما تمشي معاك ويكون حظك كويس وتتوفق
أو يصير حظك نحس , وربي يبلاك بشخص ينشب لك
ماتقدر تبلعه وتعيش بسعاده
وماتقدر تطلعه لأنك راح تفكر بفكرة الإنفصال ايش راح تخلّف وراها !
فراح تغص فيه كل ما أكلت أو حكيت أو ضحكت
وماراح تعيش بهناء ..

الأخلاق ماتبين بالسؤال عنها , تبين بالمعاشره
فيه رجال مع الرجال اخلاقهم وش زينها , تتمنى لو انك تهدي اختك له من حلوه
لكن بالمقابل تعامله مع زوجته غييييير , تعامل شين شرس وكل شيء مو حلو

حتى لو سألت عن الشخص كثير مايبينون ايش هو بالضبط مايبغون يقطعون رزقه ,

ياما سألنا عن اشخاص ومدحوهم , وتبين العكس الله يخلف .

انا معاك ان الأخلاق الأهم والأهم في استقرار الحياة الزوجيه
بس مايبين هذا الا بعد المعاشره


وبالنسبه لي , اعتقد راح نسأل لكن هل يعرفون عنه كل شيء وهو برا ؟؟
الله يعين بس

الله ييسر على الجميع يارب
الله يجزاك خير ع المداخله ..

[منبع الحكمة]

مبدأي تقريبا ً وافقت بس عند أهلي يعني ماردينا لهم
لكن الحين استخير

بالنسبه للشراب ماادري اعتقد لابد منه , شخص عايش هناك ؟
الحين الي عايش هنا لما يزور البحرين يشرب له كاس ع الماشي
كيف اللي عايش هناك
بس ان شاء الله نقول على خفيف أو نزوه , وتعدّي على حسب النفسيه :(


بالنسبه للخيارات الأخرى , مافيه عندنا اثنين يصيروا بمحل الإنتظار
لما يكون موجود شخص وخاطبني , وكلم واحد ثاني
على طول أمي تقول فيه موضوع الحين ماندري يتم وإلا لا ,
تقول لهم دقوا بعد اسبوعين او ثلاث اسابيع
اذا هم جازمين راح يدقون , أو الماريه الغفله

أما اثنين اختار بينهم ماقد صارت , وأهلي يرفضون هالفكره !

آمين واياك والمسلمين اجمعين
ختي إن كان الشاب راعي شراااااااااب فأبتعدي عنه كثيراااااااا

أوخيتي الصغيرة - يظهر لي أنك فهمك للحياة ضعيف ...!!!!!! -

الخمر أم الخبائث ... تعرفين وش معنى أم الخبائث يعني الزنا واللواط والسوء والحياة التعيسة و........ كلها أبناء لها

أستغربت وشلون تقولين عادي الله يهديك

والله شكلك محتاااااااااااسة وكأني أحس أنك لم تتربي على إتخاذ القرار منذ الصغر ,....!!!!

ومع هذا فأرجوووووووووك لا تنخدعي بالجهلاء والجاهلات ضعي أمر النبي بين عينيك ( إذا أتاكم من ترضون دينه وخلقه ... )

أسأل الله أن يهديك للخير أينما حللت ...

ولا تزعلين علينا بس عتاب محب

خبرينا شو صار عليك ...

[مـ ــ ط ــ ـر]

’

كتبت ردا طويلا وعند الارسال حدثت مشكلة وتم مسحه


باختصار نصيحتي لك....استخيري ثم ارفضي

[عذابي غ ــير]

بالنسبه للشراب أنا ما اقصد الإدمان عليه , الله لا يقوله
بس كل الحياة برا معقوله ماقد ذاقه ؟

خلونا واقعيين , يعني الشباب اللي برا اللي نشوفهم هذولا من وين جايين ؟
هم جيرانا واقربانا واخوانا ..

ليه مانكون صريحين , الشباب ليه يسافرون برا ؟

انا اقصد انه مر عليه وتركه بس !

وترا فيه انواع زي البيره يمكن عاديه عندهم هناك

البارات مكتظه بالسعوديين بجميع الدول
كيف نسوي انفسنا اننا مانعرف

اذا جرب وانتهى خلاص انا مالي دخل بالماضي حقه
انا لي دخل بالمستقبل

يارب انكم فهمتوني :(

[عذابي غ ــير]

اللي يسمعك يقول عيالنا متربين زين
كل حياتهم استراحات ودوران بالشوارع
لذلك أشوف مسألة التربيه ماتحكمها مدينة يعني بالاخير راجعه لتربية الاهل

هذي المشكله الاستراحات جمعات ماندري على خير أو شر

الله يهدينا ويستر علينا والمسلمين اجمعين

[عذابي غ ــير]

حيآك الله بين خوآتك قبل شئ أستخرتي ولا لا !!!
ثآنيـآ أهلك وش يقولون عنه @!
ثآلثآ هذي سنة الحيآة سواء كنتي قريبه او بعيد اهم شوفي عن الرجل
أهلك تقدرين تتوآصلين معاهم .. لي خال بكندآ عمر ولده الصغير 3 سنوآت وماشفناه
الا بالصور :) اهم شئ انهم مرتآحين مع بعض ..

أرجع وأقولك أستخيري وشوفي أهلك وش يقولون لك والله ييسر لك أمرك ويوفقك




مشكلتي بأهلي :(
مايقولون رايهم بصراحه
يعني يقولون ايجابياته وسلبياته كمبدأي
يقولون تبغينه نسأل عنه أكثر وإلا لا .. انتي قرري بنفسك هذي حياتك :(

مايقولون ايه والا لا :(
وتلاقيهم كل واحد له راي بس مايقولون عنه , إلا بعد رفضي
اذا رفضت كل واحد يقول ايش كان رايه فعلا ً عن الشخص :(
بس انقهر كذا وش عقبه يعني :(

الله يستخير لي الخيره المباركه يارب

[منبع الحكمة]

القضية أختي ليست في أن الشباب يشربون أو يزنون ...

القضية في أنك تجعلين نفسك مهينة وتزلينها وتهينها بأن تقبلي من شاب تعلمين أنه يشرب - لو كان يشرب - وأقصد المشكلة في تفكيرك وليست في الشاب

نعم كلنا يخطأ ويبتعد عن الله ،، ولكن من يخطأ ويجاهر ويصوّر و... ليس كمن يستر على نفسه ويتعهّد أمام نفسه وأمام أهله أن سيقلع ويظهر الندم على حياته ووجهه ...

لعلك فهمت الله يرضى عليك ...

[محمد العتيبي]

اقولها لك وبالفم المليان

أرفضي وأسئل

الله بأن يعوضك

خيراً من هذا

ليس الرفض بسبب

ولكن بما انك لاتعرفون

الشيئ الكثير عنه

وكل شيئ في علم الغيب

من ناحيت تصرفاته

فلا تزجي بحياتك

الا هاويه الاقرب

منها الدمـــار الاســري

تقديري واحترامي لك

اخوك محمد العتيبي

[الأرجوانه]

شوفي من رأيي انك ماتوافقين
صحيح إنه فيه ايجابيه انك تكملين دراستك برآآ , لكن يكفي غربتك عن أهلك هذي لحد ذآته تكفي
انا تقدرين تقولين اني مثلك مالي خوات الا وحده ومتزوجه من صغري
لكن علاقتي مع امي قويه وصعب اني اتأقلم مع الوضع برآ , وحتى انا زيك فري بس حتى لو فيه سلبيات كثيره
وزياده مثل ماقلتي ماتدرين عن صلاته كيف وعن اخلاقه برآ !
انا من رأيي انك ترفضين , وان شاء الله ربي بيعوضك احسن منه بكثير (=
تفائلي بَ الخير ( =


بِ التوفيق ق1

[عذابي غ ــير]

الله يكتب لك ولي ولأخواتنا ولإخواننا الخيره المباركه في جميع اعمالنا
وشكراً على الباقه

أهلا ً اختي

ياحبيلك أقصد بتربيته انه من عرفت الدنيا وهو بأمريكا
يعني متعود على نظامهم
ان شاء الله امور الإسلام ماتغيرت

وبالنسبه للتفتح أنا ماتفتحت ميه على ميه قلت لك فوق المتوسط فقط
يعني باقي حياء على أمور خاصه أحكيها لأمي

أما صحباتي جربت , صحيح الاقيهم قريبين لي بس مو عشان سواد عيوني :( عشان حاجات ثانيه

وبالنسبه للوحده , الحمد الله عندي أم وابو أخوان
لكن اقصد كشكل رئيسي متعوده أقضي اشغالي لوحدي
انام لوحدي
اختار اغراضي لوحدي
اروح مشاوير لحالي :(
يارب فهمتي وش اقصد بالوحده

آآمين يارب اجمعين ..
تسلمين حبوبه ..

وأمه تقصد بالرد العاجل اللي هو الرد المبدأي بالموافقه أو لا ..
دامه موجود بالسعوديه عشان يشوف وويخلصون اتفاق
ولما يرجع ما يبقى الا الزواج بس

[عذابي غ ــير]

اذن ماعرفتوا شي عنه اختي هذا اهم سؤال واهم شي تعرفينه عن المتقدم لك
اسئلي وتاكدي من هالنقطه طيب شهرين كفايه تعرفون اذا هو مواظب ع الصلاه او لا ..
لاتستعجلين اختي بالرد هذا زواج موب عزيمه توافقين تروحين او لا ..
ولاتنسين تبي تروحين معه لمكان بعيد فلازم تتاكدين من صلاته ومحافظته ع دينه .
الله يكتب لك الله فيه خير

وبالتوفيق لك ..



الله يعين بس :(

الله يكتب مافيه خير

تسلمين ع الطلّه حبوبه

[عذابي غ ــير]

لااااااااا
إنتبهي توافقين عليه وأنتم ماسألتوا عنه إلا رجال واحد
وإذا أمه مستعجله قوليله بتصبرين نسأل عن ولدك وإلا مع السلامه الزواج لعبه!!تدرين إن الناس اللي حولي يسألون عن الولد وهوعااايش كل حياته بنفس الديره من أسبوعين لشهر أو أكثر.
وأهم شي إستخيري..
أستغرب تقولين الميزات تقل مع الوقت!!!!!!ماتدرين وش الخيره به يمكن يجيك بعده أحسن منه بمليون مره..
وبعد ترى أهلك مخطين بالحريه رأي الأب والأخ مهم ..
وتبين الصراحه قويه سالفه إنه عايش بأمريكا كل هالسنين لوهي سنه سنتين ممكن تهضم لكن كل هالسنين صعبه تتأقلمين معه برأيي.....

حتى احنا نسأل من اسبوعين لشهر
صحيح ماادري وش الخيره , الله يكتب مافيه خير وصلاح

اي والله رأي الام والاب خاصه مهم , لكن هم مايبغون يقولون شيء بعدين الومهم بعدين
مخلين كل الأمر بيدي

الله يعين ويسهل يارب .

مشكوره ع الطلّله ..

[عذابي غ ــير]

لو انا بمكانك قلت لااااااااااا وخصوصا انك تقولين تربيه غربيه

يعني الشك بيصير ملازمني طول حياتي اذا طلع من عندي

وعايش هناك من فترة المراهقه يعني الله اعلم وش هي اخلاقه وطريقة تفكيره <<< هذا رأيي


وانتي مالك الا الاستخاره وانشاء الله ربي بيدبرك على مافيه الخير لك


سبحان الله بداية الأمر كنت مستسهله الوضع
وكان كل تفكيري اكمل دراستي
واحس الوضع عادي ومافيه ذيك الصعوبه ..

لكن كل يوم يزيد اجلس افكّر بتركيز وعمق , واشوف الإيجابيات والسلبيات
أحس اني استصعبتها كثيرر كل ماقلبتهاااا

ولا ودي ارفض على طول اخاف اتندم بعدين

الله يكتب مافيه خير

مشكوره ياغاليه ع الطلّله

[عذابي غ ــير]

شوفي أذا هو دين وخير خايف ربه وقايم وصايم وافقي والله لوهو بأدغال أفريقيا ساكن أهم شي راحتك مع شريك الحياة والباقي يهون ....
هذا رأيي ول بنتي مكانك


الله أعلم عن حاله :(
بس على كلامهم انه رجّال :)
وصادقه انتي مو مهم المكان اذا تم التوفيق ..
تسلمين ع الطللّه ..



ماراح اتكلم لك عن الغربة , لأنك بتتأقلمين عليها ومثل ماقالوا التكلونوجيا جدا متطورة
ماتمنعك من المواصلة مع أهلك
اسمعيني حبيبتي
الشاب السعودي خاصة , لأنه عاش بمجتمع محافظ
لما يروح لدول الغرب ويشوف الإنفتاح على أصوله , والحلال والحرام عندهم واحد
ومافي شيء اسمه ممنوع , بينفلت للأسف
لو هو تغرب 6 شهور او خلينا نقول سنة ,
ممكن مايتأثر بقوة ويظل متمسك بدينه وقيمه وعاداته
وعلى حسب ماتقولين انو (تربيته غربية )
يعني تعود عل اشكال البنات ولبسهم ويمكن يكون عادي عنده يروح ويجي معاهم
ويمكن يدخل مراقص مع اخوياه و و و و و
مابي ادخل الشك فيك
بس حبيبتي هذا زواج , هذي حيااة
لازم تعرفينه صح عشان تضمنين سعادتك

وأهله اتوقع مايدرون عن حاله , لأنه بيتغير لما يروح هناك
ووممكن يكون محافظ وماسك دينه , ماندري !
أنتِ استخيري وادعي ربك
ونصيحة مني لك لاتاخذين واحد تعود على حياة الغرب
وربي يكتب لك اللي فيه الخير



كلامك صحيح .. الحين مايمسكون انفسهم اذا راحوا للبحرين , كيف الغرب خخ
الله يخلف عليهم بس

هو شكله متعود على نظام الغرب

الله يكتب مافيه خير .. تسلمين ع الطللّه



يعني من سن المراهق
بوقت نزوات وطيش ووو
ما ايدك تاخذينه صراحة
انا رايحة هناك
وربي اششكال تشيب الراس

الله يوفقك ويسعدك ويريحك


اشكال تشيّب الراس بقووه خخخ
عشان كذا قلت يمكن كبر وعقل وطاح اللي براسه
لأني مااهتم بماضيه انا مالي دخل الا بمستقبله

آمين يارب اجمعين .. تسلمين ع الرجعه

[عذابي غ ــير]

^^^^^^^^^^^^

طيب انتي وش اللي جازلك فيه وبتوافقين علشانه
و وش اللي ماجازلك وبترفضين علشانه

هنا بقي عليك تدونين الأشياء بورقه وتتناقشين بين الأشياء انتي وياه وقلبك
هنا الفاصل بين الموافقه والرفض

ياحبيلك لي يومين وانا اسوي اللي قلتي لي عليه
وتبيّنت لي أمور كنت غافله عنها
الله يوفقك ويسعدك قولي آمين


وشلون متفتحة قوووة وخايفة من الغربة
اخبر الي متفتحين مايهمهم لاديرة بعيدة ولاشي
لأنه منفتح على العالم الخارجي وعارف كل شي وراح يسيطر على كل مخاوفه

على كل حال بالنسبة لتربيته الأمريكية اهم شي
انه يكون متمسك بدينه ولايتأثر ببعض افكارهم بأسم الحرية وهي بعيدة كل البعد عن الحرية
ويكون اخلاق وبالنسبة لبعدك عن اهلك ماشوف فيها اي شي عادي .

يابعدي الخوف اللي فيني اكثر شيء خايفه من الشخص لما نعيش انا واياه بديره بعيده عن أهلي
أخاف يكون مش كويس
والا اذا كان كويس راح ينسيني اللي خلفوني

تسلمين ع الطللّه ياحلوه

[جنتل ماان]

كان الرجال يستاهل المكان والغربة تعودين عليها .

[عذابي غ ــير]

يا أختي ضعي في بالك ما يلي:

1- الرجل لا يريد شقراوات، بدليل أنه يريد الزواج من موطنه.

2- لابد أن يكشف طبيا ، يحلل عن الأمراض المعدية ( وهذا سواء هو أو غيره)

3- الرجل هناك حر وطليق وعايش يومه بدون مسؤولية، فلماذا يريد الزواج؟ يريده لأنه اختار وقرر ...إذن فهو يريد حياة.

4- لابد أن تأخذي أرقام أصدقاءه هناك ، على الأقل خمسة أصدقاء والسؤال عنه من خلالهم ولكن هناك شيء مهم. الذي سيسأل يجب أن تكون لديه أسئلة مهمة وخطيرة إجابتها إما بعم أو لا. مثلا : هل يصلي؟ هل يشرب الخمر؟ هل هو كريم؟.

5- يجب يجب يجب يجب أن تسألو عن الأشياء التي تخجلون منها، ( الكلمة اللي تستحي منها بدها). كما يجب أن تضعي أنت الأسئلة التي تهمك.

6- إذا لم تحصلي على خمسة أصدقاء له، فاعلمي أن في الأمر شيئا مريبا.

7- اقراي هذه القصة البسيطة:
( اتصل من طرف أهل البنت رجل يسال عن شخص فقال : وشلونه؟ حليل؟ يقعد معكم؟ ونيس؟. فأجابه الطرف الثاني ( الذي هو صديق الخاطب) على قدر الأسئلة. فتم الزواج وبعدها اكتشفو ان المعرس يشرب خمر، وعندما أعادو الاتصال على صديقه قال لهم : هل سألتموني إذا كان يشرب أم لا؟ فقالوا لا، قال هذا خطأكم.)


8- السؤال الذهبي ويكون بالعادة خاتمة الأسئلة ( هل ترضاه زوجا لأختك؟ أو بنتك؟ )




9- الاستخارة.



بالتوفيق





كلامك جميل جدا ً ..
وقرأته أكثر من مره ,,

الله يوفقك يارب على هالسطور
أحسها طالعه من قلب

[عذابي غ ــير]

والله مدري :|$http://www.buraydh.com/forum/images/icons/icon10.gif


هي صعبة الفتية في هاذه المواضيع :|$http://www.buraydh.com/forum/images/icons/icon10.gif




مدري اقول وآفقي أو لآ:|$http://www.buraydh.com/forum/images/icons/icon10.gif



فـ آحس الايجابيات و السلبيات متساوية :|$http://www.buraydh.com/forum/images/icons/icon10.gif



لذآ أقولتس سوي غربلة غربلة غربلة وتمحيص ...حاولي تحسبينه صح ..جيبها من هنآ ومن هنآك...وبعدين شوفي قلبتس وش يقولتس ..ترا احياننن القلب عنده دبرة و نظرة و فراسة ..و قلب المؤمن دليلهـ:|$http://www.buraydh.com/forum/images/icons/icon10.gif



لا تستهنين ب إمر الاستخارة ,,,والسؤال عنه ..احرصي ع الموضوع خلي اهلتس يسالون عنه ..وكلي احد ثقة في هاذا الموضوع:|$


اسألو عنه ...حنا الخاطب عندنا حتى عآمل النظآفة حق حاراتهم نسال عنه وعن أخلاقه و كيفية تعامله ...صحيح أمور كثيرة م تبين إلا بعد العشرة بس يقولون الكتاب يبين من عنوآنه:|$http://www.buraydh.com/forum/images/icons/icon10.gif



و ب النهاية لا تخافين كلن راح يآخذ نصيبهـ:|$http://www.buraydh.com/forum/images/icons/icon10.gif

تسلمين ع الطللّه

اوما عامل النظافه خخخخ كثري لي منها << ضحكت منها بقوه
خليناااا بعاد انا وقلبي الحين
ماينفع يكون معي باتخاذ قرار زواج , يسوي ديليت على طوووول :(
أنا الحين أفكر لحالي وقلبي حاطته بالدرج لحد مايعقل عليه خخخخ

اي والله انك صادقه مااحد راح يآخذ إلا نصيبه
موفقه



شوفي اختي بعد الاستخاره اهم حاجه بالموضوع شيئين:

الرجل ...

والغربه...

الرجل..اذاتأكدتي من صلاته و دينه واخلاقه وافعاله انها غاية المطلوب..

الغربه..بالنسبه لك ولاهلك عادي عندكم تبتعدون عن بعض
فترات طويله..

اذا كانت كلها ايجابيه فتوكلي على الله,,


نصيحه لك اختي الغاليه:

في لحظة اتخاذك للقرار لا تفكرين في اسواق هناك ولابشهادة الماسترو ولا بمتعة السفر وتكوين علاقات..
فكري فقط بالرجل اللذي سوف ترتبطين به وما هي مشاعرك تجاهه وما مدى رضاك به وعنه,,وما هو مصيرك المنتظر معه..واذا تأكدتي من قبولك وارتياحك له وقبلت به زوجا..احلمي بعدها بما تشائين من الامنيات

تقبلي نصيحتي وتمنياتي لك بالسعاده والتوفيق
وان يكتب الله لك الخير اين ما كان



نصيحتك بمحلها ياقلبي
لأني أول الموضوع كنت افكر فيها بالدراسه وتغيير الروتين
لكن يوم صرت امحّص بالتفكير واجيب ورقه وقلم تبيّنت لي أمور كنت غافله عنها
افترض مواقف لو تصير بيني وبينه ايش راح اتصرف !!

الله يجزاك خير يارب ويوفقك

[فهد الحربي]

ماعليش بس استوقفتني هذه الجملـه

وتقريبا ً اصلح له لاني متفتحه بقوه

وحبيت اْعرف الانفتاح بنضريتك ماهو ..؟!!

[عازفة ألحان الليل]

يابعدي الخوف اللي فيني اكثر شيء خايفه من الشخص لما نعيش انا واياه بديره بعيده عن أهلي
مو على اساس انك منفتحة ..المفروض ماتخافين لأن عندك حلول جاهزة لكل خوف ومشكلة
أخاف يكون مش كويس
والا اذا كان كويس راح ينسيني اللي خلفوني


انا قلت لك بردي الأول اهم شي يكون متمسك بدينه ويكون اخلاق
يعني بختصار (اسئلوا عنه )

تسلمين ع الطللّه ياحلوه
شكرا.... /

[فتحـية]

ابحثي عن هويته بالفيس بوك
هناك ستعرفي الكثير إن عثرتي عليه !
شخصيا لو كنت في مثل وضعك ما أضعت وقتي بالتفكير
ولرفضت بسرعه البرق ، شخص مجهول يستحيل أن أغامر بحياتي ومستقبلي وسعادتي معه
بالكاد أستطيع اتخاذ قرار وأنا أعلم عنه كل شيء فمابالك وأنا لا أعرف عنه أي شيء !

لاتستعجلي تحقيق طموحاتك على حساب حياتك

سلملم

[عذابي غ ــير]

^^

ياحبيلك هذا اول شيء اسويه لما انخطب ,,
واذكر زمان كان يقولون صفحته مره ممتعه بالصور
لكن اول كان مايعني لي فما شفتها

لكن سويت بحث مالقيته !
مالقيت إلا اخوه اكبر منه وكذلك زيه بأمريكا وماتزوج

أما هو دورت بالعربي والانقلش مالقيت :(

وحتى دورت الأصدقاء عند اخوه مالقيته
يمكن مسجل بغير اسمه

[عذابي غ ــير]

أوخيتي الحياة الزوجية تحتاج للكثير ولعلك تمرين على هذه الروابط


http://www.buraydh.com/forum/showthread.php?t=223005


http://www.buraydh.com/forum/showthread.php?t=275006

وضروووووووووري تقرأي كتاب ( شريك العمر ) أ. عبدالله المديفر

ولتحميله من هنا

http://www.saaid.net/book/open.php?cat=6&book=4631


وهذا رابط مهم للغاية

http://www.saaid.net/mktarat/alzawaj/120.htm



وأي سؤال أنا حاضر ....


الله يجزاك خير أخي الكريم ..
ويكثّر من أمثالك ..





حياتي ربي يوفقك حاسه فيكي...

انا ما جربت لساتني على بر مثلك
واقاسمك نفس الحيره من ناحية الغربه .. واذا سألتي قالوا حياتك وهنا يزيد همك 0
خذي وقتك وفكري واعطي نفسك الحريه في الرد متى ما حسيتي انك جاهزة اتخذي القرار وموضوع الدراسه انسيه ولا تربطيه بموضوع الزواج ابدآ
ربي يكتب لك ولي الخيره

ربي يوجهك للخير حياتي ويسعدك 00

آمين يارب اجمعين ..
موفقه حبيبتي

[هنؤؤنه]

الله يوفقك حياتو
ويكتب الخير وين ما كان

[عذابي غ ــير]

القطيه
وان تسان هونتي كزيه لي احب هالنمونه
<<ابصم عشاني تسذا بيجين قروي متشدد):

الله يرزقك اللي تتمنينه يارب
موفقه


ان كان الخمر وهو أم الخبائث و الرجس من عمل الشيطان أمر عادي لديك ..

فوافقي فلن تجدي اسوأ من ذلك المخمور الذي أهلك عقله بيده ..

اختي
حددي بالضبط ماذا تريدين من الزواج ؟؟؟

هل تريدين رجل يخاف الله فيك ؟؟ فإن كان ذلك فليكن دين الرجل هو المحكم في الموضوع ..

اما ان كنتي تريدين رجل يمتعك في حياتك الدنيا قد المستطاع بلا حدود فستجديه في اي رجل !!

الله يعطيك العافيه على حرصك
بس هو مش أمر عادي عندي , لكن نتكلم عن الغالبيه
وبينت برد لي عن ماكنت اقصده بالشرب
الله يبعدنا عن هالأمور , وعسانا نموت قبل نذوقه بالدنيا

طبيعي اريد رجل يخاف الله فيني , وهو لن يمتعني في الحياة الدنيا
الا اذا كان يخاف الله فيني ..

الله يجزاك الجنه ~


’

كتبت ردا طويلا وعند الارسال حدثت مشكلة وتم مسحه


باختصار نصيحتي لك....استخيري ثم ارفضي

قهر راح كلامك :(
استخرت استخرت استخرت استخرت , لكن عجزت اقرر

القضية أختي ليست في أن الشباب يشربون أو يزنون ...

القضية في أنك تجعلين نفسك مهينة وتزلينها وتهينها بأن تقبلي من شاب تعلمين أنه يشرب - لو كان يشرب - وأقصد المشكلة في تفكيرك وليست في الشاب

نعم كلنا يخطأ ويبتعد عن الله ،، ولكن من يخطأ ويجاهر ويصوّر و... ليس كمن يستر على نفسه ويتعهّد أمام نفسه وأمام أهله أن سيقلع ويظهر الندم على حياته ووجهه ...

لعلك فهمت الله يرضى عليك ...

الله يرضى عليك انت
اولا ً عند قرارة نفسي لم أهنها , ربما تفكير البعض يختلف وأحترم وجهة نظرك ..
كلنا خطآءون ولم نجاهر ولم نصور , ولكن هي َ فرضيات افترضتها بموضوع خاص استشرت فيه أناس لم يخبيوا ظني بمشورتهم ..

هنا مشكلتنا وهي ربط الماضي بالمستقبل ,
لا دخل لي بماضيه اذا كنت انا مستقبله , ولم اتيقن ماقلته فقط هي َ من تفكير اقرب ماله الإعوجاج في ظل هذا المحيط المتحجر !