طاحت ركبك .. وإلا انقص المساعد ،،، أكيد

[بيرسن]

الساده أعضاء المنتدى .. الكرام
الساده زوار هذا الصرح الشامخ ..
الساده قراء .. واجهه بريده الألكترونيه

السلام عليكم ورحمه الله وبركاته ..

بسراحه مااحب المقدمات كثير وابدخل بالموضوع دغري ..سيدا

بسراحه الموضوع مدري من عنده .. ولاادري من يخص ، ولا ادري من

المسؤول عنه لكن بسراحه مدري وش يحسون فيه


كل مافي الأمر ياجماعه هو مواقف سيارات سوق الاتصالات وهو


مايعرف عندنا ب ( سوق النافورة )


تبي حفر ..خذ

تبي شين شارع .. خذ

تبي سوء تخطيط .. برضه خذ


تبي عدم وجود عيون قطط أو بويه تبين كيف توقف السيارات للمحلات

برضه مافيه .. خذ

يعني باختصار .. مبطي ماطبيت الشارع التجاري لجل تصلح سيارتك ..

أو احد الصناعيات عندنا ..

اجل رح خذ لفه بمواقف سوق النافورة

ارحمونا ياللي هذي شغلتكم ..

يالبلدية


أو المواصلات أو النقل أو الطرق أو اي شي .. دبرونا سياراتنا انعدمت

وخربت باسباب هالأسفلت

كم له ماتغير ؟؟

كم له ماترقع ؟؟


والله كل هذا تراه بذمتكم


وان كان هذا عمل المجالس البلدية .. فلازم ينتبهوا له

وهذي أمانة ..



أتمنى أن زبدة رسالتي وصلت

وشاكر لكم


وفي أمان الله

[شميساوي]

.


و الله انك صادق :(

فيه المخرج الشرقي اللي من جهة الإماره ..

إذا جيت تطلع فيه حفره اذا ضربته يبي يضرب حنتسك (( الفك السفلي ))

بـ الدركسون من شين الحفره و كبره ..!!!

أنا ما ادري وش قصة الأمانه ...

غافلين عن السوق ,, لا نظافه و لا أهتمام بـ المواقف ولا بـ التنظيم ..

و الشرطه ما ينتبهون لـ المشاكل اللي تصير من سرقات و نصب على الزبائن ...


.

[صاحب الفكر]

يا أخي مشكور على ماذكرت وفعلاً كلامك صحيح والمشكله أن الأمانه تتجاهل
كل شي والمفروض تعيد سفلتته وتخطيط المواقف بدل الفوضى حتى شوارع
بريده أشوف الإسفلت بدءيتقشر وايضاً وجود حفر واشوف أهالي المنطقه
يفزعون للأمانه إذا شاهدوا حفر يات مهمله أو متوقف المقاول عن العمل وضعوا تحذيرللماره
واتوقع منهم انهم ينتظرون وزارة مكافحة الفساد

[الكرّ]

بسم الله الرحمن الرحيم

ذكرتون بشارع الاربعين بعد دوار البلدية من شمال .... !
تطعيس الى مغسلة الريان ، المشكلة انه ما ابطى مسفلت ومن ذاك الوقت وهو سباق تحمل ، فوق وتحت ... ترقيع بترقيع خصوصا المسار الايسر
حسبي الله ونعم الوكيل ... يزينون شي ويخربون شي.

اللهم صل على محمد وعلى آله وصحبه أجمعين

[عبدالمجيد الكريديس]

اي والله
تفقعت المساعدات والركب تعدمن والموتر راح وطي
بسبب الشوارع والمطبات الله يخلف

شارع طويل عريض تفاجئ تلقى حفره تدمر الموتر
ولا تلقى مطب مافي قبله لوحه او عيون قطط او اي شي

الله يخلف على شوارعنا بس

[proxy]

معك واشد على يدك

[اميرة البحار]

اسمعت اذ نـــــااااديت صوتاً .............ولكن لآحيـــاة لمن تنادي.

[بيرسن]

اشكر مروركم .. وتفاعلكم



لكن عشمنا بإذن الله بالجهات المختصه إنها تنتبه لهالموضوع


وبسراحه مع التخبطات اللي جالسه تصير في شوارعنا إلا أن فيه

جهود تبذل .. ولا ننكر بعضها



لكن على دربكم لا جيتوا تعيدوا زفلتته وتخطيطه

بدربكم مروا على شارع الستين .. الفايزية


خصوصا المتجه من إشارة شارع الثلاثين إلى الستين شمالاً

أقول إن ماكان عليكم كلافة يعني

شاكرين ومقدرين

[سكوتي]

الله يعيــــــــــــــــــــن