ابغى رأيكم في مركز العقم بالتخصصي ياريت تساعدوني

[غندورة]

الله يعطيكم العافيه

من يعرف مركز العقم اويسمع عنه او يراجع عنده

الله يخليكم ودي اراجع عندهم لتأخر الحمل لي سنه زواج بدون حمل مع اني ماآخذ مانع وانا احب الاطفال احبهم مابي انحرم منهم الله لايحرم وجيهكم الجنه يارب

اش رايكم فيه هل هو كويس ومن يسمع عنه وهل الكوادر هناك كويسه

انا مرتاحه اراجع عنده مابي الاهلي مو عشان ماعندي ميزانيه الحمدلله

لكن انا ابي اراجع عند الحكومي عشان يصدقون معي ومايكون هدفهم مادي بحت

تشورون علي اروح له والا لا

[| ~ ســمــو ~ |]

ياحياتي انتِ
لا تخافين سنه ان شاء الله بسيطه ..
ومن ناحيته مقدر افيدك لان ودي اعرف معك > انا لي سنتين
لكن مراجعاتي عند اهلي .. ووحده نصحتني بالتخصصي حسب كلامها انه يجونه من كل مكان ..

الله يوفقك ويرزقنا وياك الذرية الصالحة ..

[ركان]

قبل ثمان سنوات كانت احد قريباتى تراجع وحمل بتؤم الكادر الطبى ممتاز بهذه الفتره اما الان

ماعندى خلفيه عنه

[عادل الحبيتر]

أتوقع أنك تصبري كم شهر ثم تذهبي
لأن الحمل أحيانا يتأخر . ولا يكون السبب العقم ..
لان ربما يكون عقم وربما يكون أنه مكتوب لك أنه ما يجيك مولود في هذه السنه اللي راحت

الله يسهل امرك يارب

[صاحب الفكر]

أنصحك أنك تذهبين لهم في التخصصي ممتازين جداً وحالتك ولله الحمد سنه تعتبر طبيعيه وأعرف وحده لها سته سنوات وماشاء الله عند مراجعتهم
وأذا لم تذهبي للتخصصي أنصحك مستوصف رشيد بالمنتزه الشرقي
د/أحلام ممتازه وعلى مستوى وأختصار الوقت

[غندورة]

مشكورين على ردودكم

بالنسبه لاحلام ماارتحت اني اروح لها

انا ابغى اتطمن عن سبب تاخر الحمل فقط واذا قالوا لي نعطيك علاج ماراح ارفض

[ركان]

أحلام يذكرونها الناس بكثره انهاممتازه لاكن احد قريباتى صابها قلق منها كل مراجعه تحط فيها

شى مره بها تلصقات ومره الغده الدرقيه خامله ومره ومره حتى انها لما سابتها أرتاحت

[>ريانه<]

الله يرزقك بالذريه يارب واستخيري قبل ماتروحين لاي مكان

بالتوفيق

[ابو عبادي 595]

الله يوفقك ويرزقك الذرية الصالحة

[دوسر]

انا جبت مولودتي لهم الفضل بعد الله
لكن مايقبلونك الا اذا لك سنتين

الكادر الطبي ممتاز

[الحنتريش]

بالنسبه لموضوعتس تحتاجين عدة اجراءات قبل تروحين لهم
اولا لازم تكشفين عند طبيبة نساء وولادة عشان تعرف نسبة الهرمونات ونشاطهن
لازم تعرف اشياء وتحاليل قبل تروحين للعقم

من ناحية مركز العقم والله مركز ممتاز انا جبت لهم كم واحد وبفضل الله جابن حريمهم عيال على الله ثم على المركز

ان بغيتي خدمه بالمركز علمين وانا حاضر
مابي منتس لا الدعاء لي ولودالي

[دلال الحربي]

اختي اعقليها وتوكلي بكل صدق اختي ومن خلال تجارب الكثير من المقربات والزميلات مع مركز العقم النتائج ايجابيه جدا حتى مع الحالات الصعبه جدا بكل صدق اختي مركز العقم يعتبر رائد على مستوي المنطقه والخليج كثير حالات تجي للمركز من الكويت والخليج لسمعته وهذا اكتشفته من خلال عملي با المستشفي

الله يرزقك بالذريه الصالحه ومايحرمك من زينة الحياة الدنيا

[ثامر الناصر]

المركز ولله الحمد يعتبر من أميز مراكز العقم بالمملكة والتحويل عليه يأتي من مناطق عديدة حتى من الرياض يأتون مرضى له

فكل صباح عند ذهابي للدوام أرى المراجعين في هذا المركز لما لديه من الشهرة والعناية الطبية والسمعة الطيبة .

توكلي على الله وراجعي لديهم .. نسال الله أن يوفقك ويرزقك الذرية الطيبة

[ألرايقـ]

الله يرزقك .. بذرية الصالحة .. بعدين سنة مو مدة طويلة وماتخوف ...
سوي فحوصات .. عند مركزين على الاقل .. اذا النتايج وحدة اخذي العلاج اذكان هناك علاج ..
بتوفيق

[الحنتريش]

نسيت اقول لتس
انا اشور عليتس تراجعينه
بس الله يعينتس على طول المواعيد الا تسان لتس احد يدبرتس بالدكتور على طول

[عاشق ديرتي بريده]

شوفي هم عندهم برنامج ماشين عليه اذا حالتك تطابق نفس البرنامج ابشري بالخير

واذا حالتك ماطابقت البرنامج الله يكون بعونك

وعليك بكثرة الاستغفار

[اللقاء وحلاوته]

فيه ناس انتظروا خمس وعشر سنين او اكثر بعد رزقك يبي يجيك
الله يرزقك بالذريه الصالحه ومايحرمك من زينة الحياة الدنيا

[غندورة]

مشكورين على الردود المميزه يارب يبارك فيكم

[بدرالوابلي]

الله يرزقكم بالذرية الصالحه ومن خلال عملي بالتخصصي اشوف الناس من كل المناطق بالمملكه وحتى دول الخليج يراجعون مركز العقم -وبالنسبه للمستوصفات الأهليه دكتوره محاسن في مستوصف الحبيب بالساده سمعتها طيبه في التخصص وتوكلي على الله ثم افعلي الأسباب ... وترى سنه وسنتين وخمس مهيب كثيره -ويمكن البلا من ابوكم < بس لاتجرحينه جيبيه باسلوب علشان ماتهاوشون ويطلقك وتقولين حسبي الله على ولد الوابلي ماشار علي بخير - ترى ماعلي منكم -
ومافيها شي يكشف على نفسه-حنا تاخرنا وعزمت
اكشف على روحي وقبل ماروح اكشف الحمدلله رزقنا الله بحمودي وعبودي الله يصلحهم وعقبالكم بأذن الله .

[غندورة]

شوفي هم عندهم برنامج ماشين عليه اذا حالتك تطابق نفس البرنامج ابشري بالخير

واذا حالتك ماطابقت البرنامج الله يكون بعونك

وعليك بكثرة الاستغفار

مشكور

بس مافهمت عليك معقوله كل المرضى ماشين على برنامج معين

اكيد كل مريض يختلف عن الثاني

[عاشق ديرتي بريده]

الدكتور السر الله يذكره بالخير هو اللي كان الاستشاري المميز بالقسم

ولولا الله ثم السر كان مانجح القسم

هو وضع خطه علاجيه كامله وصار الأطباء اللي بعده يمشون على نفس خطته العلاجيه

ولو جد جديد عليهم توقفوا لانهم ليسوا بكفائة الدكتور السر

وعلى فكره بعض المواطنين يسافرون للسر بالسودان لانه فتح عياده خاصه له

[غندورة]

الدكتور السر الله يذكره بالخير هو اللي كان الاستشاري المميز بالقسم

ولولا الله ثم السر كان مانجح القسم

هو وضع خطه علاجيه كامله وصار الأطباء اللي بعده يمشون على نفس خطته العلاجيه

ولو جد جديد عليهم توقفوا لانهم ليسوا بكفائة الدكتور السر

وعلى فكره بعض المواطنين يسافرون للسر بالسودان لانه فتح عياده خاصه له


اش اسم الدكتور السر وعيادته

طيب معقوله متوقفه نجاحهم ع الخطه

طيب الامراض تستجد واذا ماعرفوا وتوقفوا راح يخسر المركز سمعته

[البارق]

غندووووووووووووووووورة
اكبر خطأ انك تعالجين
ومالك غير سنة متزوجة

تأخر الحمل إلى سنتين
يعتبر جداً عاااااااااااادي

الله لا يحرمك الذرية الصالحة

[غندورة]

غندووووووووووووووووورة
اكبر خطأ انك تعالجين
ومالك غير سنة متزوجة

تأخر الحمل إلى سنتين
يعتبر جداً عاااااااااااادي

الله لا يحرمك الذرية الصالحة

العمر يمر والسنين تمضي

والسنتين يصيروا اربع

لازم اقل شي اتطمن بالفحوصات

وانا احب الاطفال مرررررره الله لايحرمني منهم

[عاشق ديرتي بريده]

انتي الحين وش راح يضرك لو جربتي

جربي ماراح تخسرين شي والقسم سبب والخلف بيد العزيز الحكيم

[صبراً جميلاً]

لاتترددين ولاتسمعين اللي قول سنه بدري
خاصه اذا بتجيـبين تحويل يبي لك وقت طويل من يوم تاخذين التحويل
لاول موعد يبي له 4 شهور وبعدين مواعيدهم تطول
يقولون لك تعالي بعد شهرين مثلا..

[غندورة]

مشكورين على النصائح الحلوه

الله يبارك فيكم