تحذير من مطعم ...!!!

[جنوني بريدة]

بسم الله الرحمن الرحيم
السلام عليكم ورحمة الله وبركاتة


حبيت احذركم من مطعم (قمـــــــر بيروت)!!!
كنت قبل اسبوع اتعشى فيه انا واهلي وكان فيه خصم للي يتعشى فوق الميه يعطونه خصم 50% على الفاتورة القادمة..

تحمسنا انا واهلي وخططنا نطلع له مرة ثانيه
وطلعنا يوم الاحد 29\4\1432هـ وطلبنا نفس طلباتنا اللي بالاسبوع اللي فات مع تعديل بسيط
طبعا ماقصروا خلونا ندفع نصف المبلغ
بس هالمرة تاخر الاكل نص ساعة موب مثل ذيك المرة
وبعد ماجابوا الاكل
اكلنا ولكن للاسف ومن سوء حظي طلع لي هالمنظر الي موجود بالصورة
بعد ماشفت هالمنظر ماقدرت اتحمل لأنه بصراحة كنت اسمع عن المطاعم وساختهن بس اني اشوف هالشي ع الطبيعة بصراحة ماقدرت اتصور الموقف ولا هالمنظر ابــــــــدآآآ!!!
اخوي مايدري وش بلاي بس يوم قرب وشاف المنظر ماصدق اخذه ع طوووول وراح للموظف بس انا ناديته علشان اصور هالمنظر واحذركم منه..
ولا بعد الموظف يقول لاخوي ابعد عن الزباين لا يشوفونك ..!!


هذي الصورة
http://www.u06p.com/up/upfiles/Tfi54435.jpg


قسم بالله العظيم اني ما اكذب

[| ~ ســمــو ~ |]

يــ ع ــطــيــك الـــف عـــــــافــيــــــه

بما انكم تحمستوا تروحون له مره ثانيه هذا شي طيب ..
اكيد خطأ غير مقصوووووود ،

علما باني ما اعرفه ولا قد رحت له ..


بالتوفيق

[للأهمية]

يارجال خله على ربك

المطاعم شر لابد منه

[سمينا]

منظر مقزز
كل المطاعم شر لابد منه

[عناية بالبشرة]

اي عمال مطاعم ماطلعوا من معاهد متخصصه ..وسخين وعلى البركه شغلهم
وهذي الحشره تدل على عدم نظافة المطعم جميعا بما فيه قسم الطبخ ..!

تشكري ع التنبيه موفقه







/

[الع ـنود]

وين البلديه عنهم؟

[{قصمنجيهـ]

يعطيك الف عافيه

الحمدلله اني ماذقته

يعطيك العافيه

[محماسه]

مشكووره عالتنبيه
وعع الله يحوم كبودهم هالعمال

[عاااقل]

غبي انت انا من يوم شفت اسمه من زمان وانا امر من عنده وتحوم تسبدي اذا شفت لوحته وشوله تدخله؟؟؟؟

خخخخخخخخخخخخخخخخخخخخخخخخخخخخخخخخخخخخخخخخخ

[عاااقل]

ياخي قهر هالمطاعم مايصير عليهن رقابه ولا يجيك الموضف (موضف البلدية ) ياكل ويمشي

[إنـفـيـدر]

طيب وش سويت الوضع ذآ ما يسكت عليه

قهر صآرت الأرواح لعبه عندهم وحنآ مسكتين

قسم حآآلـه حنآآ

[جنوني بريدة]

يعطيكم العافية ع تواجدكم
وابدآ ارائكم
كل الشكر والتقدير للجميع

اما بالنسبه وش سوينا
كلمنا المدير وقال بيخصم ع الطباخ شهررر بس
ماباليد حيله الشكوى لله
اكيد بعد كذا يزين طبخ البيت هع

اشكركم مرة ثانية ع تواجدكم..

[خالد التويجري]

كان حق للمجتمع عليكم إبلاغ البلديه مباشرة وإستدعاء المراقب
لكن راحت وبكل اسف
فمثل هذه الأمور يجب أن لا نتهاون بها مهما كان ويجب أن نكون
اكثر حزم وشده ..,



تحياتي .,’

[هجير]

شكرا ع التحذير :)

[ياويالهـا]

مايخـآفون ربهم .. الله حسيبهم

شكراً

على التنبيه

,,,

[>ريانه<]

الله يكفينا شر هاالمطاعم

والمفروض بلغت البلديه الكلام هذا ماينفع

[طعنات الرحيل]

المشاركة الأصلية كتبت بواسطة عاااقل http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4675952#post4675952)


http://www.buraydh.com/forum/clear.gif
غبي انت انا من يوم شفت اسمه من زمان وانا امر من عنده وتحوم تسبدي اذا شفت لوحته وشوله تدخله؟؟؟؟

خخخخخخخخخخخخخخخخخخخخخخخخخخخخخخخخخخخخخخخخخ











اي والله صدقت ماعجبني كله بكبره !!

[دآيم مخروشة]

ولا بعد الموظف يقول لاخوي ابعد عن الزباين لا يشوفونك ..!!


نـــــــــذل بمعنى الكلمة ..
كل الشكر ع التنبيه ..

[نوره الجمعه]

يارجال خله على ربك

المطاعم شر لابد منه



السلام عليكم ورحمة الله وبركاته

كيف شر لابد منه ومن قال
أجل المطابخ بالبيت ليه موجودة
الزوجات وين دورهم
كما للزوج دور تجاه بيته من مسكن ومأكل ومشرب
للزوجة في بيتها دور أيضاً ك الطبخ وباقي الأعمال المنزلية
عجباً لترديد شر لابد منه
من ألزمنا هل هيا أوامر سماوية لا يجب تجاوزها
بل هي أوامر نفسيه والنفس أيضاً أمارة بالسوء
فل نكن عقلانيين بحياتنا وأن لا نردد كلمة أو عبارة سمعناها لضرورة قصوى
عذراً ع مداخلتي


تحياتي

نوره الجمعة

[طموحة بلا حدود]

ووووووووووووووووع انا من زمان كارهة المطاعم

[جنوني بريدة]

الف شكررررررررررر ع تواجدكم
وطيب ردودكم
وجميل ارائكم
دمتم بصحه..

[دحوم بريده]

طيب مو مشكله بس التشهير بهذه الطريقه غلط ..... وكيف نعرف أذا انت مو حاقد عليهم مثلاً ولا تعرف صاحبه وبينكم شي :)

هذي المشكله كان اتصلت على البلديه وبعدين صورت الشكوى وحطيتها مع صوره الصحن اللي مصورها عشان حتى القارئ يتأكد ويطمئن ...؟؟

وانا استغرب كل واحد يحذر من مطعم ومن أي شي على كيفه دون حسيب ولا رقيب بالمنتديات ..؟؟

صار الواحد حتى لو شاف واحد مااعجبه شكله يبيع بمطعم ولا غيره على طول شرشحه بالمنتديات ..

أرجوا وضحت وجهه النظر ولاني أكذبك بكلامي هذا بس هذا رأيي وياليت تتقبله بصدر رحب ..

أخوك عبد الرحمن

[قلبي عشق أمي]

الله يكفينا شر هاالمطاعم

[الله معى]

يارب سلم
منظر يحطم الاعصاب
هى كل المطاعم كده ولا ايه؟