كل شي يعرفه .. وهو أحسن أحد

[للأهمية]

السلام عليكم ورحمة الله وبركاته

مساء الخير

كل شخص منا له أسلوب وطابع خاص بالحديث والسواليف الجادة وحتى المزح

والضحك , لكن هناكـ أشخاص لهم أطباع غريبة بعض الشي يعني تجده اذا تناقش مع

أحد في أي موضوع يكون رأية هو الصحيح وأخباره دائما هي الموثوقه ولايقبل بالرأي

الأخر ويعتبره خاطئا مهما كان الذي يكلمه من درجه المعرفة والخبره , اضافةً الى ذلك

تجده دائما يفخر بمن حوله من أخوان أو أصدقاء أو افعالهم أو حتى اشياءه التي

يستخدمها مثل سيارته أو منزله أو أغراضه الخاصه ويعتبرها هي الصح والافضل واذا

تكلمت عنده بسالفه ما ..( اي سالفة ) على طول يقول انا صار لي مثلك( لو هو يكذب )

بس أنا ماسويت مثلك انت غلطان أنا فعلت كذا لو أنت مسوي مثلي كان احسن لك ..

مثل هالنوعيه من الناس كيف التعامل معهم ..؟؟ << ربعه كثارين من هالنوعية ..

وكيف تناقشهم ..؟؟

انتظر ارائكم وردودكم ....

دمتم سالمين
...
..
.

[الفتى السمنسي]

أولا ياخلفهم مايجوز شرعا تقول (احسن احد ) والصحيح (احسن واحد ) لأن الــ (احد) هي صفة لله جل جلاله .
تحيتي لك

[مرااام]

ياكثرهم عندنا وعندك خير

(كل شئ يعرفه وهو احسن احد )

ما ادري وش يحسون فيه هالنوعيه نبي حل وكيف نتعامل معهم

[اسم المستخدم متاح]

مثل هالنوعيه من الناس كيف التعامل معهم ..؟؟

عطه ركبه ورح وخله الا اذا اخوك او ابوك مالك الا خشمك لوهو عوج

[عاشق ديرتي بريده]

مثل هالنوعيه من الناس كيف التعامل معهم ..؟؟ << ربعه كثارين من هالنوعية ..

وكيف تناقشهم ..؟؟

هذولا هم اللي يوسعون الصدر بسذبهم

قل سالفه وانغز اللي بجنبك وقله شف هذا الحين يقول سالفه مثل هذي

[pepsi]

مثل هاالنوعيه من الناس عطهم طاااف لاتناقش لاتجادل اسمع وخلا


لاتعور راسك معهم

[للأهمية]

اشكر كل من رد

انرتم متصفحي

[مجرد إنسانه]

والله انك ضربت على الجرح

(لاتجادل الاحمق فيخطي الناس في التفريق بينكما )

والنوعيه واجد عندنا وعندك خير

[Miss Tala]

هذولا هم اللي يوسعون الصدر بسذبهم

قل سالفه وانغز اللي بجنبك وقله شف هذا الحين يقول سالفه مثل هذي

ايه والله انك صادق وياكثرهم ...

بس المشكله ياعاشق مايعورك راسك منهم؟؟ ..انا مشكلتي على طول امل ...

زي وحده من زميلاتي جهازه الجوال شركه نسيت اسمه الموهم انه smart phon
,.وزميلتي الثانيه ايفون 4
وهذيك الاولى 24 ساعه مع صاحبة الايفون هووواش تقول جهازي ازين وشوفي كميرته وشوفي دقته وحنا ماغير اوجعتنا روسنا ...

هذا غير الللي يقول كل ماااقول هو الصح ولايمسك على جنب ايقاله يبي ينصحك زياده ويقنعك سوي كذا ولا تسوين ....عليهن حركاات بعض البنات تحوم الكبد..

[فديكا التميمي]

وسع صدرك عندنا وعندكم خير وعلى قولت عاااشق
صايرين هالنوعيه لتوسعة الصدر ,,,,:)
والله ياوحده اعرفه بحياتنااا اطرينااا سالفه الا تقول هالسالفه صايره
لوحده بمدرستي علشااان تبخصناااا بهوياااته ,,,
وانت ماتعرفون وانا اللي اعرف ,,,,

[طقاقة بدون مايك]

شف ع حسب مزآجك
لصرت فآيق و رآيق و ودك تسمع تسذب وسبآحين...آقعد اسمعله
وآستمتع ب خمبقته من دون ولآ حرف منك سوى قطآت أو ذبآت خفيفة..:$

وأذا منت رآيق عطه أقوىآ أشكل و أقنور وأقعد نأظر في سآعتك أو آلسقف ..!


عآد هو طوآلي أن شآء الله بيفهم و يسكت .:$

[رمز الحياة]

هذا ودك يصير اكثر كلامك معه بالامور السياسيه
يمكن وقتها يكون معكم واحد من المباحث

[للأهمية]

اثرهم كثارين ربعنا


تشكرات لبقية الردود ..

دمتم سالمين

[| ~ ســمــو ~ |]

كل شي يعرفه .. وهو احسن احد :
^
عنوان موضوعك احس انه تعريف ( الشايب ) هههههه

الشيبان دايم هم اللي مايبون احد يناقشهم والا بيقنعك بوجهة نظره لو كانت غلط :)

/


اما شباب زي هالشكل !!
الله لايبلانا ، واتوقع هذي الشي يرجع لاسباب نفسيه ..
يعني مثلا الشايب اذا سوى نفسه كل شي يعرفه معناه تراي منب شايب وجاهل ههه
اما الشباب اذا صاروا زي هالشخصية فـ اتوقع والعلم عند الله انه كل الكلام والقصص اللي يجيبونه من خيالهم > عشان مايحسون بالنقص اولا ، وعشان يحسسون اللي قدامهم انه زينا زيك :)
واذا احسنا الظن نفرض ان سوالفهم سعة صدر .....

بس بالنسبه لي ما اتحمل اعيش مع زي هالاشكال !!


اشكرك وبالتوفيق