ليت هالسبعة بنات !!؟ [الأرشيف]

زمن الغرباء

25-03-11, 04:40 pm

تقول ....
اخواني سبع وكلهم رجال وشباب وامي كبيرة في السن
واذا بدوا يتهاوشون وتشابكوا بالأيادي
المسيكينة ترتاع وتبدأ تقول ليت هالسبعة بنات ..

وانا أقول ...
سبحان الله فعلا
بعض هوشات الرجال تطيح القلب من الروعة
ويروح ارواح بسببها احيانا اذا وصلت الذروة وكثيير من الامهات دايم قلبها على ايدها من الخوف

الصراحة
انا ماأدري ليش توصل هالمواصيل
هل بعض الرجال اذا تنازل يحس بالهزيمة الانكسار ؟
أو يبي يثبت انه رجل موب ضعيف ؟
او وش القصة ؟
أليس فيهم رجل رشيد ينهي المشكلة بلا اصابات ولاضحايا ويحتسب الأجر عند الله سبحانه وتعالى

ارجوكم ..
ارحموا الأمهات والأخوات والصغار اللي تقطع قلوبهم وهم يستغيثون ويطالبون بفك الحرب الطاحنة واحتسبوا الأجر من الله وتعوذوا من الشيطان ماراح يستفيد الاهو

اللهم لاترينا مكروها في قريب ولا حبيب

| ~ ســمــو ~ |

25-03-11, 04:50 pm

فعلا ..
اصلا الرجال مجرد اصواتهم اذا تناقشوا بموضوع وصار حامي
يتصرقع قلبي !

شلون لو تصير مضاربه !! يمكن ادوخ هه

اشكرك

فديكا التميمي

25-03-11, 04:52 pm

غير هذااااا كل مااكثروا كل ماقل نفعهم وكلن يتكل على الثاني
ياااكثر اللي تمنن ان عيالهم بنــااااات ,,,,

:(

اميرة الابتسامه

25-03-11, 04:55 pm

كثر العيال شين وكثر البنات شين
بس كثر البنات احسه افضل من كثرت العيال
والعمده على البركه

هنري

25-03-11, 04:57 pm

لغة الأيدي تعبر عن صاحبها أنه إنسان " أجوف" خصوصاً إن كانت صفة متكرره

........

حتى لو برر ذلك بسرعة الغضب وغيره

هناك مبررات للتغيير باليد ونحن نعرفها ولكن أن يكون النقاش والرأي سبباً لذلك فذلك ضعف شديد

........

حديثك عن الإخوة السالفين نابع من التربية ولاشك، فحينما يفرض الأب منطق القوة فلاعجب أن تكون لك لغة المنزل.

فـــارس

25-03-11, 05:02 pm

هي من تربيه الاب ...
لو فيه اب شديد وصارم ماصار الي صار
ولو كانوا 20 شباب او رجال ..

الشي الاخر لابد ان يعرفوا ان الكبير يُحترم والصغير يحًترم

تَـرفْ ♪

25-03-11, 05:20 pm

"

أتخيل هالعجيز ياحياتي .. بالبيت لحالها بين أربع جدارن
مالها إلا التلفون
تسولف فيه مع فلانة وعلانة , وتشكي الحال من شهبانها

زيادة الشيء شين , سواء صاروا كلهم شباب أو العكس
وعدم وجود أب حازم ينتج عنه هذه المعارك والحروب :(

بالنسبة لسؤالك .. نجهل أسبابه
بإنتظار ردود الطرف الآخر :)

الأرجوانه

25-03-11, 06:21 pm

يؤ كبآربن ويتهآوشون !!!!
انا اخواني 5 وحنا يالبنآت 2 مع ذلك ماعمري شفتهم اببدد يتهآوشون إلا اخواني اللي اكبر من على طول اذكرهم يوم هم بالأبتدائي اذا تهاوشوا على الكمبيوتر هههه
ومن يوم دخلوا المتوسط وانا بحيآتي شفتهم يتهآوشون
ولا بالكلآم صح يتنآقشون لكن بهدوء , واذا اكبرت السالفه يزعلون يومين همن يرجعون عشان خاطر اميمتي ولا كأن شئ صآير ..
والمفروض من الأصل يربون على ان الكبير يرحم الصغير والصغير يحترم الكبير ( =
,
عآد تخيلي لو يتهآوشون اقبالي , وش يصير لي عآد !
اللحين لاشفت خوآلي يتنآقشون واشتد النقآش توحشت وش عآد لاشفتهم يتهآوشون ) =
حتى اصوآت الرجآل منحينه خشنه وتخوف o_O
,
آلله يهديهم
لكِ ودي

زين نجد

25-03-11, 06:35 pm

أختي زمن الغرباء..

السبعة أو حتى العشرة لا يحكمهم إلا التربية وهيبة الوالد والوالدة داخل البيت

يعني أين الأب وأين الأم أليس لهم كلمة على أبنائهم..!

عموماً

المربي يجتهد ويبقى التوفيق والصلاح من الله سبحانه

وأنا أفضل كثرة البنات على الأولاد لعدة أمور

الحمدلله أنني لم أكن السابع في الرد..!!!!

تقديري لطرحك،،،

نجداوي

25-03-11, 06:44 pm

الاخوان من الناس ولهم اوضاعهم ونفسياتهم واموره السلبيه

وثقافه هذا اكبر والصغير يحترم والكبير والخ ..

ممكن هي السبب الاول للمشاكل الدارجه بين الاخوان

لذالك الاحترام والهدوء والتقدير فوق إي اعتبارات اخرى ملزم على الانسان الالتزام بها

شكرآ لك اخت زمن والله يكفينا الشر

زمن الغرباء

26-03-11, 02:56 am

فعلا ..
اصلا الرجال مجرد اصواتهم اذا تناقشوا بموضوع وصار حامي
يتصرقع قلبي !

اي والله صادقة يختي
تقل زئير ماشاء الله

شلون لو تصير مضاربه !! يمكن ادوخ هه

زينة الدوخة انا أخاف أموت

اشكرك

ولك الشكر عزيزتي ..

Chocolate

26-03-11, 02:57 am

لا عاد خليه تخلي 3 بنات و4 عيال
يمكن تبي سوق ولا مشوار
ههههههه مشكوره اختي

زمن الغرباء

26-03-11, 02:59 am

غير هذااااا كل مااكثروا كل ماقل نفعهم وكلن يتكل على الثاني
ياااكثر اللي تمنن ان عيالهم بنــااااات ,,,,

:(

يافديكا يابنت الحلال
موب الموضوع عن كثرة العيال او البنات
العيال هم الخير والبركة
عن هوشة الرجال
بس انا جبت هالقصة استشهاد على الموضوع

منوورة عزيزتي

زمن الغرباء

26-03-11, 03:00 am

كثر العيال شين وكثر البنات شين
بس كثر البنات احسه افضل من كثرت العيال
والعمده على البركه

مافيه شئ شين
اللي من الله حياه الله

والموضوع عن هوشة الرجال ياعزيزتي

منوورة ..

زمن الغرباء

26-03-11, 03:03 am

لغة الأيدي تعبر عن صاحبها أنه إنسان " أجوف" خصوصاً إن كانت صفة متكرره

مافهمت هالكلمة ؟؟

........

حتى لو برر ذلك بسرعة الغضب وغيره

هناك مبررات للتغيير باليد ونحن نعرفها ولكن أن يكون النقاش والرأي سبباً لذلك فذلك ضعف شديد

........

حديثك عن الإخوة السالفين نابع من التربية ولاشك، فحينما يفرض الأب منطق القوة فلاعجب أن تكون لك لغة المنزل.

هو مافيه شك ان التربية لها دور
لكن تبقى الظاهرة موجودة عند بعض الشباب حتى لو تربيتهم سليمة

موفق

زمن الغرباء

26-03-11, 03:06 am

هي من تربيه الاب ...
لو فيه اب شديد وصارم ماصار الي صار
ولو كانوا 20 شباب او رجال ..

الشي الاخر لابد ان يعرفوا ان الكبير يُحترم والصغير يحًترم

المشكلة لاصار مافيه أب ؟؟

استغربت من ردك ؟؟
نادر من الشباب اللي يأيد غلظة الأب عليه وهو شاب
دايما الشباب يرون ان هذا قل رجولة

موفق ,,

زمن الغرباء

26-03-11, 03:08 am

"

أتخيل هالعجيز ياحياتي .. بالبيت لحالها بين أربع جدارن
مالها إلا التلفون
تسولف فيه مع فلانة وعلانة , وتشكي الحال من شهبانها

يابعد الدنيا
الله يرحم ضعفهن ويقر عيونهن

زيادة الشيء شين , سواء صاروا كلهم شباب أو العكس
وعدم وجود أب حازم ينتج عنه هذه المعارك والحروب :(

بالنسبة لسؤالك .. نجهل أسبابه
بإنتظار ردود الطرف الآخر :)

منورة عزيزتي ,,

زمن الغرباء

26-03-11, 03:12 am

يؤ كبآربن ويتهآوشون !!!!
انا اخواني 5 وحنا يالبنآت 2 مع ذلك ماعمري شفتهم اببدد يتهآوشون إلا اخواني اللي اكبر من على طول اذكرهم يوم هم بالأبتدائي اذا تهاوشوا على الكمبيوتر هههه
ومن يوم دخلوا المتوسط وانا بحيآتي شفتهم يتهآوشون
ولا بالكلآم صح يتنآقشون لكن بهدوء , واذا اكبرت السالفه يزعلون يومين همن يرجعون عشان خاطر اميمتي ولا كأن شئ صآير ..

تبارك الرحمن الله يستر عليهم

والمفروض من الأصل يربون على ان الكبير يرحم الصغير والصغير يحترم الكبير ( =
,
ايوه صحيح
عآد تخيلي لو يتهآوشون اقبالي , وش يصير لي عآد !
اللحين لاشفت خوآلي يتنآقشون واشتد النقآش توحشت وش عآد لاشفتهم يتهآوشون ) =
حتى اصوآت الرجآل منحينه خشنه وتخوف o_o

ايوالله ماشاء الله
,
آلله يهديهم

امين يارب العالمين

لكِ ودي

ولك الود والتحايا

زمن الغرباء

26-03-11, 03:18 am

أختي زمن الغرباء..

السبعة أو حتى العشرة لا يحكمهم إلا التربية وهيبة الوالد والوالدة داخل البيت

يعني أين الأب وأين الأم أليس لهم كلمة على أبنائهم..!

للأسف ياأستاذ فيه كثيير من البيوت الأم والأب مالهم كلمة ابد

عموماً

المربي يجتهد ويبقى التوفيق والصلاح من الله سبحانه

نعم صحيح

وأنا أفضل كثرة البنات على الأولاد لعدة أمور

الحمدلله أنني لم أكن السابع في الرد..!!!!

وان لم يكن هذا هدفي من الموضوع
الأولاد اذا اصلحهم الله صاروا قرة عين لأهلهم
والحين ياأستاذ تفضل كثرة البنات ربما لأنك لم تجرب
خوفي انك لو جاك بس ثلاث تبرمت وان لم تتغير انت سيغرك من حولك

تقديري لطرحك،،،

ولك التقدير والشكر ..

زمن الغرباء

26-03-11, 03:22 am

الاخوان من الناس ولهم اوضاعهم ونفسياتهم واموره السلبيه

وثقافه هذا اكبر والصغير يحترم والكبير والخ ..

ممكن هي السبب الاول للمشاكل الدارجه بين الاخوان

ربما

لذالك الاحترام والهدوء والتقدير فوق إي اعتبارات اخرى ملزم على الانسان الالتزام بها

يارب تظل هذه القاعدة حتى ولو اختلفوا

شكرآ لك اخت زمن والله يكفينا الشر

ولك الشكر الجزيل
امين يارب

| ~ ســمــو ~ |

26-03-11, 05:16 pm

هو مافيه شك ان التربية لها دور
لكن تبقى الظاهرة موجودة عند بعض الشباب حتى لو تربيتهم سليمة

موفق

آسفه ع المداخله ..

اجوف = فارغ من الداخل !

هلاوين

26-03-11, 07:03 pm

ياحول تسني اشوف العجيز طايرة عيناته وهم يتهاوشون بالصاله .ههه

اعتقد مايتهاوش اخوان بعد عمر 15 سنه الا من في

قلبه مرض او غل وحقد.

اي والله ارحموا والديكم بجمع شملكم وتركوا فراقكم ايانا كانت بقيطيعة وغيرها.

شكرا لك زمن الغرباء

احاسيس المطر

26-03-11, 07:06 pm

يا قلبي يا هالعجزز

ههههاي حتئ البنات لا تهاوشن اللهم صلي علئ محمد

بسس هوشت الرجال غير تخوووووف

والرجل مايرضاء احد يهزه او يغلط عليه

مشكوره اختي

هنري

26-03-11, 07:14 pm

آسفه ع المداخله ..

اجوف = فارغ من الداخل !

(:
الاخت الكريمة سمو اعفتني من الاجابة

زمن الغرباء

27-03-11, 08:30 pm

زمن الغرباء

27-03-11, 08:32 pm

آسفه ع المداخله ..

اجوف = فارغ من الداخل !

مشكورة عزيزتي عالتوضيح ماقصرتي

زمن الغرباء

27-03-11, 08:33 pm

(:
الاخت الكريمة سمو اعفتني من الاجابة

جزيل امتناني
لك ولها

زمن الغرباء

27-03-11, 08:36 pm

يا قلبي يا هالعجزز

ههههاي حتئ البنات لا تهاوشن اللهم صلي علئ محمد

لا والله ياحليلها هوشت البنيات عند هوشة العبال
الا انتي والله مدري عنك هههه
امزح

بسس هوشت الرجال غير تخوووووف

والرجل مايرضاء احد يهزه او يغلط عليه

قصدك مايتنازل بسهولة

مشكوره اختي

ولك الشكرعزيزتي

اسم المستخدم متاح

27-03-11, 10:54 pm

اذا تهاوش الاخوة فالتربية خرطي نسئل الله العافية والسداد

زمن الغرباء

28-03-11, 12:43 am

اذا تهاوش الاخوة فالتربية خرطي نسئل الله العافية والسداد

اتفقوا كثيير من الاعضاء على نفس النقطة

مشكور
لاهنت

زين نجد

28-03-11, 01:05 pm

[QUOTE=زمن الغرباء;4635657]

[SIZE="5"][COLOR="Pink"][FONT="Arial"]والحين ياأستاذ تفضل كثرة البنات ربما لأنك لم تجرب
خوفي انك لو جاك بس ثلاث تبرمت وان لم تتغير انت سيغرك من حولك

أبداً أختي

تأكدي أن لي رأيي وقناعتي..

تقديري لك سيدتي،،،

فـــارس

28-03-11, 01:33 pm

المشاركة الأصلية كتبت بواسطة زمن الغرباء http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4635609#post4635609)

http://www.buraydh.com/forum/clear.gif
المشكلة لاصار مافيه أب ؟؟

استغربت من ردك ؟؟
نادر من الشباب اللي يأيد غلظة الأب عليه وهو شاب
دايما الشباب يرون ان هذا قل رجولة

موفق ,,

اجل هذا هو السبب ..
والسلام خير ختام

طقاقة بدون مايك

29-03-11, 12:09 am

ولصآرو بنات ... قآلت ليتهم عيآل ...!

أني أتمنى آلبنت ع الولد أو العكس عشآن مصايبه قليلة و هكآ .. فهذآ غلط وكلن به ححقه و هروب من المسؤلية والتوجيه وآلتربية ...لو آلآم دربت الأخوة الكبآر ع الاقل ع كيف يمتصون غضب من حولهم وخصوصن أخوتهم الصغآر .. كآن مآ وصل الى هذآ الحححد الموضوع ...

وبعدين
طيب يعني لآ أستهآوشو آلبنيآت آلسبع ..تتوقعين آلآم تتمنىآ يكون ضنآه سبع عيآل ..

ولو نفرض مثلن كآن ضنآه 3 عيآل و 3 بنآت
وآستهآوشو مع بعض
ويآمآ شفنآ أخت تخآنقت مع أخوه أو أخ تخآنق مع أختوه ..

تتوقعين الآم ب تتمنى لو أنه مآجآبت آبنآء من آلآساس ..!

مدري يعني مآ تسد شفت أنه أم تتمنى أنه عيآله يكونون بنآت أو بنآت يكونو عيآل..مهمآ وصلت درجة قبحهم بآلتعآمل وآلتصرفآت ..!

يمكن أذا كان ضنآه كلهم عيآل ب تتمنى لو تجيه بنية وآلعكس صحيح...تسدآ صح !

وبعدين كلن بوه شره ..

ومصرآن آلبطن تتخآنق وش حيث آلآخوة ..

وآلله يطرح بهم آلبركة ويصلحهم ويصلحن معهم:$

تحيتي زمن :$

مريااان

29-03-11, 12:26 am

والله بهالزمن ولد ولا بنت مافي احسن من اللي هاديه ربي

زمن الغرباء

29-03-11, 12:58 pm

زمن الغرباء

29-03-11, 01:05 pm

ولصآرو بنات ... قآلت ليتهم عيآل ...!

أني أتمنى آلبنت ع الولد أو العكس عشآن مصايبه قليلة و هكآ .. فهذآ غلط وكلن به ححقه و هروب من المسؤلية والتوجيه وآلتربية ...لو آلآم دربت الأخوة الكبآر ع الاقل ع كيف يمتصون غضب من حولهم وخصوصن أخوتهم الصغآر .. كآن مآ وصل الى هذآ الحححد الموضوع ...

وبعدين
طيب يعني لآ أستهآوشو آلبنيآت آلسبع ..تتوقعين آلآم تتمنىآ يكون ضنآه سبع عيآل ..

والله ياطقاقة انا ماحطيت القصة قصدي البنات او العيال
انا جبتها استشهاد على موضوعي اللي هو هوشة الشباب

ومافيه ادنى شك ان هوشة البنات اهون من هوشة العيال

ولو نفرض مثلن كآن ضنآه 3 عيآل و 3 بنآت
وآستهآوشو مع بعض
ويآمآ شفنآ أخت تخآنقت مع أخوه أو أخ تخآنق مع أختوه ..

تتوقعين الآم ب تتمنى لو أنه مآجآبت آبنآء من آلآساس ..!

مدري يعني مآ تسد شفت أنه أم تتمنى أنه عيآله يكونون بنآت أو بنآت يكونو عيآل..مهمآ وصلت درجة قبحهم بآلتعآمل وآلتصرفآت ..!

يمكن أذا كان ضنآه كلهم عيآل ب تتمنى لو تجيه بنية وآلعكس صحيح...تسدآ صح !

وبعدين كلن بوه شره ..

ومصرآن آلبطن تتخآنق وش حيث آلآخوة ..

وآلله يطرح بهم آلبركة ويصلحهم ويصلحن معهم:$

امين يارب كلهم مالنا غناة عنهم
ويصلحك ربي بعد ياطقاقة

تحيتي زمن :$

ولك التحايا حبيبتي