هذا اللي يجيك من هالحريم ( فقط لاإصحآب القلوب القويه )

[نجداوي]

http://s.alriyadh.com/2011/03/24/img/335452120829.jpg



تدخلت فرقة إنقاذ تابعة للدفاع المدني لتحرير يدد طفل "محشور" في فرامة لحم حديد بناء على طلب مستشفى العارضة العام، وذلك بعد أن وجه أطباء الطوارئ صعوبة بالغة في تحرير يد الطفل.
وقد تمكن فريق الانقاذ من تحرير يد الطفل "حسن" الذي يبلغ من العمر سنه وستة أشهر حيث تم إحضاره للمستشفى عند الساعة الرابعة فجراً وتم استدعاء الدفاع المدني لإجراء العملية.
الناطق الاعلامي بمديرية الدفاع المدني بمنطقة جازان النقيب يحيى القحطاني حذر الأسر من ترك أطفالهم دون مراقبة والعبث بالأدوات الكهربائية الخطرة وأكد على عدم ترك فرامات اللحوم في متناول أيديهم أو أن تكون جاهزة للعمل بصفة مستمرة مشيرا إلى أن الأطفال أمانة في أعناق ذويهم .



للاسف امهات الجيل الحالي غير اهل للمسؤاليه ونشاهد الاهمال بجميع الاشكال وباماكن عده

الى متى !!

[التنين الصيني]

بعض الحريم .... عليهن اهمال غير طبيعي ابد ....

ما ادري ما عندهن احساس بالخطر او غباء او ما ادري ايش .... !

طفل بريء ما يدري وين الله حاطه .... اكيد بيلعب بأي شيء ....

الله يستر على المسلمين ....

[دِيم]

.
.
.


:(

آي يا قلبي ..

/
ياعذاب أمهات هاليومين ..
هي تصير أبو ؟ أو تصير أم ؟ أو مربية ؟ أو صرافة فلوس ؟ أو ولي أمر الطالب .؟
صارت مثل الخبلة أم سبع شلايل .. :(


,

وهي اللي بتععذب مـع هالطفل .. مو الأبو للأسف ..

[دِيم]

بعض الحريم .... عليهن اهمال غير طبيعي ابد ....

ما ادري ما عندهن احساس بالخطر او غباء او ما ادري ايش .... !

طفل بريء ما يدري وين الله حاطه .... اكيد بيلعب بأي شيء ....

الله يستر على المسلمين ....

!!

يمكن تكون غلطة الأم .. لكن أكيد مش إهمال منها أكيد ..
قضاء وقدر . .
و أكيد أكيد قلبها هو المتقطع مو يد الطفل .. :(

[قـتـالـه]

هه نجداوي سلط الله على بليسك ..!
فرم يدين الوغدان دوره عند امهات منول يوم اللحمه تفرم بالبيت
والفرامه الكهربائيه ماغير تطحن بالقوايل :(
مايخلن شي مايفرمنه ..
امهات الحين مايعرفن يركبن قطع الفرامه على بعض :(
ويتوحشن من صوت الطحن وقدورالضغط:(

ماتشوفن ماآكل شي ملفوف بالعزايم << تقل مراكيه نجداوي هه
يعتمدن على اللحوم المفرومه اللي تجي جاهزه بالسوبرماركت السنبله وطقته يع:(
همن يحوسن نكهة الفطاير ..اذا عضيته ابدا اتلفت ادور منديل :(
نكهة مصاريا:(

[.َ أخ ـتلفـناّ !]

الله يشفيه يآرب وتردهـ لآمه سآلم يآرب .


وين امه عنه اولاهـ ؟ Oـــo >>

[نجداوي]

بعض الحريم .... عليهن اهمال غير طبيعي ابد ....

ما ادري ما عندهن احساس بالخطر او غباء او ما ادري ايش .... !

طفل بريء ما يدري وين الله حاطه .... اكيد بيلعب بأي شيء ....

الله يستر على المسلمين ....

اللهم امين

المفترض من الشباب مايتزوجون الا والبنت له ام

عشان يضمنون حصانه الاطفال بآذن الله من المشآكل الجآئره ضد امهات الجيل الحالي

واللي ماله ام لايتزوجه !

تحياتي

[التنين الصيني]

!!

يمكن تكون غلطة الأم .. لكن أكيد مش إهمال منها أكيد ..
قضاء وقدر . .
و أكيد أكيد قلبها هو المتقطع مو يد الطفل .. :(

يعني الطفل ابو سنة ونصف فتح الدرج و وصل الفرامة بالكهرب ودخل يده ....؟ !

العبد مخير فيما يعلم و مسير فيما لا يعلم .... والتتيجة بعد ذلك قضاء وقدر ....

[نجداوي]

:(

آي يا قلبي ..

/
ياعذاب أمهات هاليومين ..
هي تصير أبو ؟ أو تصير أم ؟ أو مربية ؟ أو صرافة فلوس ؟ أو ولي أمر الطالب .؟
صارت مثل الخبلة أم سبع شلايل .. :(


,

وهي اللي بتععذب مـع هالطفل .. مو الأبو للأسف ..

اذا كان راتب الام عالي لامشكله من قبول المهام والاهتمام بالاطفال من قبل الزوج

واذا العكس الله يسهل عليه

شكرآ ديم

[نجداوي]

هه نجداوي سلط الله على بليسك ..!
فرم يدين الوغدان دوره عند امهات منول يوم اللحمه تفرم بالبيت
والفرامه الكهربائيه ماغير تطحن بالقوايل :(
مايخلن شي مايفرمنه ..
امهات الحين مايعرفن يركبن قطع الفرامه على بعض :(
ويتوحشن من صوت الطحن وقدورالضغط:(

ماتشوفن ماآكل شي ملفوف بالعزايم << تقل مراكيه نجداوي هه
يعتمدن على اللحوم المفرومه اللي تجي جاهزه بالسوبرماركت السنبله وطقته يع:(
همن يحوسن نكهة الفطاير ..اذا عضيته ابدا اتلفت ادور منديل :(
نكهة مصاريا:(

هههههههههههههه

الله يعز المطاعم والاتسان علوم

اما نكهه السنبله ماره علي !

لكن وش سبب دلال الاهل للبنت قبل الزواج

خآيفين ايدينه يجيهن شي !

[دِيم]

.
.
.

نجداوي + التنين ..

بلاكم ماتعرفون رقة قلب الأم .. :(

أنتوا يادوب تسمعوا عن حنان الأم ..


:(


يارب تشششفيه ..

[الفتى السمنسي]

.

/
ياعذاب أمهات هاليومين ..
هي تصير أبو ؟ أو تصير أم ؟ أو مربية ؟ أو صرافة فلوس ؟ أو ولي أمر الطالب .؟
..

لا الله يخليك ..نبغاها تصير أم فقط وعلى قدر كبير من المسؤولية وتحس بإمومتها الحقيقية وتقوم على تربية أبنائها ورعايتهم ,
لكن مشكلتنا مع بنات هالوقت إنهن صارن فقط (فقاسات) وبس والتربية والرعاية من إختصاص الشغاله الاندونيسية وهي بسلامتها مشغولة بماهو أهم من تربية أبنائها فتجدينها على (النت بالساعات أو تدوج بالأسواق كما وصفهن رسولنا الكريم بالولاجات للإسواق أو جالسة مع شلتها وقرق وحش وغيبه ونميمة ) والأبناء إلى حيث تلقي بهم الأقدار.
الله يرحم أيام مزنه ونوره (فديتهن) .

[التنين الصيني]

.
.
.

نجداوي + التنين ..

بلاكم ماتعرفون رقة قلب الأم .. :(

أنتوا يادوب تسمعوا عن حنان الأم ..


:(


يارب تشششفيه ..

ديم ....

وش دخل حنان الأم .... !

واللي ما عنده حنان .... ليست أم

القضية .... إهمال وعدم إحساس بالخطر ....

[دِيم]

لا الله يخليك ..نبغاها تصير أم فقط وعلى قدر كبير من المسؤولية وتحس بإمومتها الحقيقية وتقوم على تربية أبنائها ورعايتهم ,
لكن مشكلتنا مع بنات هالوقت إنهن صارن فقط (فقاسات) وبس والتربية والرعاية من إختصاص الشغاله الاندونيسية وهي بسلامتها مشغولة بماهو أهم من تربية أبنائها فتجدينها على (النت بالساعات أو تدوج بالأسواق كما وصفهن رسولنا الكريم بالولاجات للإسواق أو جالسة مع شلتها وقرق وحش وغيبه ونميمة ) والأبناء إلى حيث تلقي بهم الأقدار.
الله يرحم أيام مزنه ونوره (فديتهن) .


الله يسامح قتو :(

مين قالك إنهن كذا الحين ..؟
كل ماللحريم يصير أمرهن من حسن لأحسن ..
لكن الرجا اللي خاب فيكم من يرقعه .. :(
/

بس ولو بليز لا تحطوا اللوم على البنات .. :(

^^ متأثرة بالصورة ..

[قـتـالـه]

لكن وش سبب دلال الاهل للبنت قبل الزواج

خآيفين ايدينه يجيهن شي !

ماهو دلال .. شارين روسهم ومزاجهم !
بلاك ماجربت تقول لبنت قومي ضفي الصاله او افطني للقهوه لاتفوح
تفتح لك موال تقل قايلها انحري هالبعير واطبخيه:(
مو مشكله انها تعرف تطبخ او لا
المشكله قل الذمره .. يعني اللي ماتطلعها امها نمرة تبتل يديرونها اللي حولها
واخطاءها تصير واضحه ولايعتمد عليها بشي خاصه عند الحموله :(

[دِيم]

ديم ....

وش دخل حنان الأم .... !

واللي ما عنده حنان .... ليست أم

القضية .... إهمال وعدم إحساس بالخطر ....

حتى إهمالنا (إن كان يسمى إهمال ) فهو يادوب يتسبب بضرر جسدي للطفل ..
لكن أنتم إهمالكم غير ..

يضيع أجيال , وأجيال :(

وبرضوو مش حاسين .. يادوب تلقوا وقت لقناة غنوة .. :(

[دِيم]

ماهو دلال .. شارين روسهم ومزاجهم !
بلاك ماجربت تقول لبنت قومي ضفي الصاله او افطني للقهوه لاتفوح
تفتح لك موال تقل قايلها انحري هالبعير واطبخيه:(
مو مشكله انها تعرف تطبخ او لا
المشكله قل الذمره .. يعني اللي ماتطلعها امها نمرة تبتل يديرونها اللي حولها
واخطاءها تصير واضحه ولايعتمد عليها بشي خاصه عند الحموله :(




عمّه ليه تحكي هيك :(

ماحب .. كذا وربي ..

> أوجعتيها ..

بعدين البنت اللي تبينها بالواقع هذاك أيام زمان يوم كانوا ضيوف الرجل طلقين الأشناب
وشقردية ..
الحين يالله من فضلك .. منهم اللي يدخلون مجلس الرجال ..
عوير وزوير ..
والله لاصار هيك قسم حتى القهوة الصايدة حسافة فيه .. ,, شلون سنع بنات حمايل .. :(

.
.

وكما تكونون يولّ عليكم هه

[التنين الصيني]

حتى إهمالنا (إن كان يسمى إهمال ) فهو يادوب يتسبب بضرر جسدي للطفل ..
لكن أنتم إهمالكم غير ..

يضيع أجيال , وأجيال :(

وبرضوو مش حاسين .. يادوب تلقوا وقت لقناة غنوة .. :(




ديم ....

الكلام موجه للبعض من الحريم ....

واكيد كلامك موجه للبعض من الرجال ....

بس وش دخل غنوة بالفرامة .... !

[الأرجوانه]

يووه ي حياتي هو , قسم رحمته ويوم شفت يده اشوي واصيح > تقل يده !
بس مايصلح اتسميه إهمآل ممكن تصير غفله عنه
مثلا كآنت تتروش وهو كآن نآيم وقآم بدون ماتدري !
يعني حط مية سبب إقبآلك ( =
,
نجدآوي هههه جب أخبار بس لاتجيب صور الله يهديك ) =

[قـتـالـه]

بس وش دخل غنوة بالفرامة .... !

كلهن يفرمن المحاني وعروق القلب:(

[دِيم]

ديم ....

الكلام موجه للبعض من الحريم ....

واكيد كلامك موجه للبعض من الرجال ....

بس وش دخل غنوة بالفرامة .... !



مادري توني إطلعت على نشاطها التوعوي .. فـ حسيت بالبرامج المهمة اللي تاخذ الرجال من بيته .. مشان يشوف العالم كيف تتحرك ويصير فيه حراك ثقافي وهيك ..


فـ قلت أكيد هذا سبب إهمالهم ..

أثري عندكم أمور أهم من مقابل الأطفال وهكّا ..

[دِيم]

كلهن يفرمن المحاني وعروق القلب:(

يييــع من هنا إلى بكرا يــع :(

وش يفرمن ومايفرمن .. أنتِ شايفة الشيف اللي تترقص ..؟
عرق وشعور , وخلفيات تهتز :(
أحس أنواع الريحة والقرف اليع ..

يــع .. :(


من جد السعودي ذوقه خايس ..

[قـتـالـه]

الحين يالله من فضلك .. منهم اللي يدخلون مجلس الرجال ..
عوير وزوير ..



ياعوينتي انا ماهمن اللي يدخل مجلسهم
زمله لعزايم السحا تنشب بحلقتس وهنتس ماتجين ولا تاكلين:(
وش آكل :( ملافيف مطلعه من فريزر :(
وقهوه زعريه لونها صفاري تقل دوا كحه من الخلطات:(
وشي مصبوب ببياله تقول سمي الشاهي وانا احسبوه مي قران لونه اصفر ماخدر:(
وكلشن حوسه :(
واذا ناظرتها واثرها لابسه ومتشيكه وتقل تبي تروح لعرس
وهي بس انا وهي بجلسة مغربيه:(
الوقت اللي قضته على نفسها اكثر من الاستعداد للضيافه !
ودوتس السواليف بس:(
تخفيضات دبنهامز .. وحلا الودعه ..من انتم مناسبين :(
وشي ساعتتس ورين :(
يصير ودي اكب شنطتي بحجرها واطلع لها الصرافات
واكلم ابوي يجيب صرافاتوه وصكوك البيوت والاراضي:(

[مرااام]

المشاركة الأصلية كتبت بواسطة دِيم http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4630995#post4630995)


http://www.buraydh.com/forum/clear.gif


يييــع من هنا إلى بكرا يــع :(

وش يفرمن ومايفرمن .. أنتِ شايفة الشيف اللي تترقص ..؟
عرق وشعور , وخلفيات تهتز :(
أحس أنواع الريحة والقرف اليع ..

يــع .. :(


من جد السعودي ذوقه خايس ..

لبى قلبك انت وهجرك علييتس فيهم ^_^

الفرامه مو اهمال ياعالم الرقيب يغفل يعني كل خطا معلق بالام
مستحيل تلاقي حرص مثل حرص الام على اولادها لان الامومه فطرة مو مكتسبة بتربيه وغيره
الله يشفيه وربي قطع قلبي

[التنين الصيني]

كلهن يفرمن المحاني وعروق القلب:(

ايه ....

كلن وما يوجس ....




مادري توني إطلعت على نشاطها التوعوي .. فـ حسيت بالبرامج المهمة اللي تاخذ الرجال من بيته .. مشان يشوف العالم كيف تتحرك ويصير فيه حراك ثقافي وهيك ..


فـ قلت أكيد هذا سبب إهمالهم ..

أثري عندكم أمور أهم من مقابل الأطفال وهكّا ..

وش بكم غيرتوا السالفة ..... !

يعني هذا دفاع عن النفس .... ؟

المسألة والموضوع : فرامة , يد طفل بريء , اهمال أم ....

[هنؤؤنه]

ياقلبي يا هـ النونو
تخيلت شكله وهو يتقطع وهم مو قادرين يسوون شي
اوف صورة مؤلمه صراحه




مسكينه هـ الام مااحد حاس فيها
وهي اكثر وحدة تأثرت بالي صار

مانقول غير قضاء وقدر
والله يشفيه ويصببرهم

[آبو بتال]

والله المستعان هذا عذاب
صورة تضيق الصدر
ومافيه أي أحساس ولا مسوليه للبيت والاطفال
إلى الدرجة وصلت الاهمال
مع الاسف قليل من يهتم بإطفالهم

[دِيم]

قتوو .. شكواتس على اللي ماتنام عينه ..

+

مراام .. أنتِ كمّلي المسيرة بعد هالمنظر مالي خلق أخش المنتدى ..:(

+
التنين .. حصل خير امسحها بوجهي ..


مـع السلامة ..

[حـــكآآيـة رجــل]

.


الموضوع لغنوة ولا لحدث طفل ..؟؟

صار موضوع غنـوة
او صار موضوع مناظره بين رجل وامراه
والله يابوه ناس مبعده عن الموضوع قووه
مدخلين مواضيع ببعض مدري ليه .؟
فيه حريم يقصرن بحقوقهن وفيه حريم لا
والرجال كذالك هذي سنة الحياة
كل واحد صاير محامي عن غيره
لكن اقول ..
عذر البليد مسح الصبوره

الله يشافيه يارب واتمنى تكون درس لمه ولباقي الامهات
وفيه بعض الحريم عنده لا مبالات وقل اهتمام
لكن ان شاءالله يتعضن من الاحداث اللي حولهن
وينتبهن اكثر على عيالهن

[التنين الصيني]

التنين .. حصل خير امسحها بوجهي ..
مـع السلامة ..


طيب .... !:)

[..همسة عتآآب..]

الله يهدي الحريم مير بعضهن الله يخلف بس ولده تقل ولد الجيران بالشارع ولا تدري عنه وجالستن تكلم ام دحيم عن فستان شافته بالعرس..!!

[متعاااليه جداا]

نلوم المرأه على شقاوة طفل!! وش هالمنطق!!...

طيب اذا الام مهتمه باطفالها ومافيه احسن منها بس

بغفله منها<<لانها ادميه مش ملائكيه... وشقاوه من

الولد صار له اي حادث...

ننسف كل تعبها ونلومها ونجردها من امومتها...

مجتمع بائس يدور الزله على المرأه...

[روعة الكون]

-





http://www.youtube.com/watch_popup?v=dgJRA2BcoPg&vq=small#t=44

هذآ هو يَ قليبي :( شكل آمه نيمه مير مآدرت عنه :( !!
يوجع القلب وهو يصيح يخآف همن لآسمع صوت المنشآر إرتآع وآسكت :(
حسبي الله عليه هالهبلآ :( !

[نجداوي]

نجداوي + التنين ..

بلاكم ماتعرفون رقة قلب الأم .. :(

أنتوا يادوب تسمعوا عن حنان الأم ..


ديم

عمرك شفتي سوريه حنونه بتربيه الابناء !

[To Be]

عاد تصدق


يوم قريت العنوان


راح بالي

ان وحده تزوج عليها زوجه :(

ومجرمتن بعياله :(

بس هانت

يوم صارت شقاوة بزر :)

*

[نجداوي]

ماهو دلال .. شارين روسهم ومزاجهم !
بلاك ماجربت تقول لبنت قومي ضفي الصاله او افطني للقهوه لاتفوح
تفتح لك موال تقل قايلها انحري هالبعير واطبخيه:(
مو مشكله انها تعرف تطبخ او لا
المشكله قل الذمره .. يعني اللي ماتطلعها امها نمرة تبتل يديرونها اللي حولها
واخطاءها تصير واضحه ولايعتمد عليها بشي خاصه عند الحموله

اتوقع زمن الحموله ولى وذهب ادراج الرياح

احد فاضي الحين يلاحق حموله

حتى اجتماعاتهم تجيب النوم

معلومات قيمه شكرآ قتاله

[نجداوي]

يووه ي حياتي هو , قسم رحمته ويوم شفت يده اشوي واصيح > تقل يده !
بس مايصلح اتسميه إهمآل ممكن تصير غفله عنه
مثلا كآنت تتروش وهو كآن نآيم وقآم بدون ماتدري !
يعني حط مية سبب إقبآلك ( =
,
نجدآوي هههه جب أخبار بس لاتجيب صور الله يهديك ) =

حياك اخت ارجوان

فعلا الصوره مؤثره لذالك العنون كان جمله بتحذير

الله يشفيه ويعافيه

شكرآ لك.

[قـتـالـه]

اتوقع زمن الحموله ولى وذهب ادراج الرياح




هه بلاك ماتدري بقرادة خوات الزوج
لبدن يتناظرن والسحاة مرة اخوهن تمارس امامهن قلة السنع :(

[نجداوي]

ودوتس السواليف بس:(
تخفيضات دبنهامز .. وحلا الودعه ..من انتم مناسبين :(
وشي ساعتتس ورين :(
يصير ودي اكب شنطتي بحجرها واطلع لها الصرافات
واكلم ابوي يجيب صرافاتوه وصكوك البيوت والاراضي:(

ههههههههههههه

يازين كبت العشاء

اول مره اشوف انثى صريحه :(

ترى كل هالاسباب المذكوره لان المراءه السعوديه فكر بلا ثقافه

يعني مبرمجه

[نجداوي]

لبى قلبك انت وهجرك علييتس فيهم ^_^

الفرامه مو اهمال ياعالم الرقيب يغفل يعني كل خطا معلق بالام
مستحيل تلاقي حرص مثل حرص الام على اولادها لان الامومه فطرة مو مكتسبة بتربيه وغيره
الله يشفيه وربي قطع قلبي

حياك اخت مرام

نتكلم عن مدى الاهمال الموسع من جيل الامهات الحالي

والمسائله غير متداخله بوضع الحنان او الحب

شكرآ لك .

[نجداوي]

ياقلبي يا هـ النونو
تخيلت شكله وهو يتقطع وهم مو قادرين يسوون شي
اوف صورة مؤلمه صراحه




مسكينه هـ الام مااحد حاس فيها
وهي اكثر وحدة تأثرت بالي صار

مانقول غير قضاء وقدر
والله يشفيه ويصببرهم



اللهم امين

شكرآ اخت هنونه

[نجداوي]

والله المستعان هذا عذاب
صورة تضيق الصدر
ومافيه أي أحساس ولا مسوليه للبيت والاطفال
إلى الدرجة وصلت الاهمال
مع الاسف قليل من يهتم بإطفالهم

البيت مدرسه اذا اعددت المسؤاليه كانما اسست اجيالأ قادمه

تحياتي عبد الله

[نجداوي]

الموضوع لغنوة ولا لحدث طفل ..؟؟

صار موضوع غنـوة
او صار موضوع مناظره بين رجل وامراه
والله يابوه ناس مبعده عن الموضوع قووه
مدخلين مواضيع ببعض مدري ليه .؟
فيه حريم يقصرن بحقوقهن وفيه حريم لا
والرجال كذالك هذي سنة الحياة
كل واحد صاير محامي عن غيره
لكن اقول ..
عذر البليد مسح الصبوره

الله يشافيه يارب واتمنى تكون درس لمه ولباقي الامهات
وفيه بعض الحريم عنده لا مبالات وقل اهتمام
لكن ان شاءالله يتعضن من الاحداث اللي حولهن
وينتبهن اكثر على عيالهن

حياك حكايه

الوضع عامه للسوالف والنقاش الجاد ان حصل

القسم يعكس صوره المجتمع مايحتاج نفاق او ردود منصُبه تحت ايطآر المجاملات

اللهم امين

شآكر تواجدك.

[نجداوي]

الله يهدي الحريم مير بعضهن الله يخلف بس ولده تقل ولد الجيران بالشارع ولا تدري عنه وجالستن تكلم ام دحيم عن فستان شافته بالعرس..!!







اللهم امين

بعضهن ينطلق مخه للاسؤا خاصه بعد تعدد الابناء والبنات

شكرآ لك همسه

[نجداوي]

نلوم المرأه على شقاوة طفل!! وش هالمنطق!!...

طيب اذا الام مهتمه باطفالها ومافيه احسن منها بس

بغفله منها<<لانها ادميه مش ملائكيه... وشقاوه من

الولد صار له اي حادث...

ننسف كل تعبها ونلومها ونجردها من امومتها...

مجتمع بائس يدور الزله على المرأه...

حياك اخت متعاليه

ظلمتي المغزى من الطرح

بالعكس هنالك امهات يتابعون المنتديات وممكن يتنبهون للهنقطه من حيث الحذر والحيطه

تحياتي .

[نجداوي]

عاد تصدق


يوم قريت العنوان


راح بالي

ان وحده تزوج عليها زوجه :(

ومجرمتن بعياله :(

بس هانت

يوم صارت شقاوة بزر :)

*

هههههههههههه

هلا وسهلا توبي

والله بالهوقت مانستغرب كلش يمشي ويصير

خاصه ان الاوضاع منفتحه على مصرعيه والدنيا ليست الا دنئآهه

تحياتي

[فديكا التميمي]

<<<ماكعشر جلده أبد ,,,,http://www.buraydh.com/forum/images/icons/icon9.gif


قدر الله وماشاء فعل ,,,
ياعمري ياالأم بس الله يلوم اللي يلومه كلشن عليه ماتدري وش تبدي
وينهبلون لو تخطي تقووم القيااامه ,,,

http://www.buraydh.com/forum/images/icons/icon8.gif

[To Be]

هههههههههههه

هلا وسهلا توبي

والله بالهوقت مانستغرب كلش يمشي ويصير

خاصه ان الاوضاع منفتحه على مصرعيه والدنيا ليست الا دنئآهه

تحياتي



تقوله صادق :)



شف الحين

راتبين ولا حد قال ابعرس أو هرج بالعرس :( ؟

تهقى وراه :(؟

[قـتـالـه]

تقوله صادق :)



شف الحين

راتبين ولا حد قال ابعرس أو هرج بالعرس :( ؟

تهقى وراه :(؟

هماهن صارن بس الاساسي :(
مايجيبن ولا يد وجنبه:(

[الفتى السمنسي]

هماهن صارن بس الاساسي :(
مايجيبن ولا يد وجنبه:(

مكتب الفتى للتقسيط المريح . وبدون كفيل :4_1_1[1]:.
أنتي ماشفتي خشت العساف السوداء ..من يوم شفت خشته مارجيت خير من ورى هالراتبين عرفت إنه يبي يقصقصهن ويرجع الباقي للخزنه علشان يعطونه شهادة شكر وتقدير.

[زمن الغرباء]

ياالله يابعض الامهات
وكله كووم واذا عطت ولدها ابو 3 شهور لأخوه ابو 7 سنين
يقعده بحضنه وهو قاعد بالشارع كووم !!

ياربي لاتبلانا

فديت الوالدة
احيانا اخوي اذا جو يروحون مشوار يحطون بنتهم اللي تحبي عندنا
وماتتكل علينا وحنا اعمارنا فوق العشرين لازم هي تراقبها

مشكور
وموفق يارب

[To Be]

مكتب الفتى للتقسيط المريح . وبدون كفيل :4_1_1[1]:.
أنتي ماشفتي خشت العساف السوداء ..من يوم شفت خشته مارجيت خير من ورى هالراتبين عرفت إنه يبي يقصقصهن ويرجع الباقي للخزنه علشان يعطونه شهادة شكر وتقدير.


الفتى وقتاله وراكم تروحوا وتجوا
على الراتب :)

[مخملية روح]

...................:)

[الفتى السمنسي]

الفتى وقتاله وراكم تروحوا وتجوا
على الراتب :)

هلا بالقطاع الخاص .:4_1_1[1]:. قتاله مسيكينه راسمتن على هالراتبين وتدعي لأبومتعب وياعلي مااابتسيه ويوم دريت إنهم قصقصوا راتبها الدبل طلع مايجيب لها ولا قعود ساكني .

[قـتـالـه]

هلا بالقطاع الخاص .:4_1_1[1]:. قتاله مسيكينه راسمتن على هالراتبين وتدعي لأبومتعب وياعلي مااابتسيه ويوم دريت إنهم قصقصوا راتبها الدبل طلع مايجيب لها ولا قعود ساكني .

بي مر من الصبح:(
الحين العساف وشوله يكصم كلمة ابو متعب :(
ماذل يمهن رسيسوه لدرا ان العساف مقصر عنا :(

[الفتى السمنسي]

بي مر من الصبح:(
الحين العساف وشوله يكصم كلمة ابو متعب :(
ماذل يمهن رسيسوه لدرا ان العساف مقصر عنا :(

وخوذي هالخبرية ,,ابو عساف شال الخمس طعش بالمية من الراتبين .
حريص على مال المسلمين .
شكل المر يبي يتحول لإلتهاب مراره:4_1_1[1]:

[الصيااد]

الله يستر ...

الله الحافظ سبحانه ....

[هلاوين]

هلا بنجداوي

مهما اهملت المرأة لن ولن تهمل فلذة كبدها

لكن قضاء وقدر .

[ŚhấhǿǾǿĎh]

المشاركة الأصلية كتبت بواسطة نجداوي http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4630930#post4630930)


http://www.buraydh.com/forum/clear.gif
http://s.alriyadh.com/2011/03/24/img/335452120829.jpg



للاسف امهات الجيل الحالي غير اهل للمسؤاليه ونشاهد الاهمال بجميع الاشكال وباماكن عده

الى متى !!


وليش حطيت كل شئ على الأم
يعني أنتم يالرجال ماتخطون
أجل أنا أبجسب لك مقاطع تفحيط ويموتون
وأقول اهمال شديد من الأب
بس بتردون علي انه قدر
وانا اقولك الحين ياخ نجدآوي كل شئ قدر ومكتوب
عند الله (( الأهمال في كلا الطرفين *_^

عوآفي على هالموضوع مع اني احس
الكلمه الاخيره إلى متى مالها دىعي *(*

[بسومة بريده]

ياربيه الصوره تعور القلب...


للاسف امهات الجيل الحالي غير اهل للمسؤاليه


لاوالله عيال الوقت شياطين بسم الله علينا كل شي مدخلين روحهم فيه...

بعدين الام وش تبدي ماتدري هي تصير ام ولا اب المسئوليه كلها ملقاة عليها ...

الله يكون بالعون...

["غرك غلاك"]

!!

يمكن تكون غلطة الأم .. لكن أكيد مش إهمال منها أكيد ..
قضاء وقدر . .
و أكيد أكيد قلبها هو المتقطع مو يد الطفل .. :(

هههه... لا الله لا يعافيها
لايتقطع قلبها ولا شي ..
أهم شي تنتبه لعيالها وبزارينها..
صدق بعض حريم الوقت
ماتستحق كلمة أم..!!

[| ~ ســمــو ~ |]

يالطيف !!

المشكله دايم اللي امهم مهملتهم و24ساعه بالشارع
ما شاء الله مايجيهم شي ..!

واللي امهم دايم تلاحقهم لو تغفل عنهم دقيقه راحوا وتعبثوا بشي :(

/

بس العنوان صراحه غريب شوي ههه > ياشين عين السخط !!
يعني ماصار يجي من الحريم الا المصايب !
اجل من يروش ويلبس ويعوووول !!


اشكرك

[Miss Tala]

يحول يالحريم كل شي فوق روسهن ...على اجر ان شاءالله ..
مااتوقع انه فيه ام راح تهمل احد بزرانه االا عاد البعض اللي يجي مفهي (احيانا ودي امسك بعض الامهات واكفخهن تقعد والولد بس يرن من الصياح وهي يالله ضحك وسوالف يسحبونه الحريم سحب لولده طبعا هذي اللي مامعه شغاله واللي معه اصلا خلقه البزران بالبيت مانشوفهم الا اذا دخلوا المدرسه ....من حينه مختصره على عمره ..وجايه لوحده تنبسط (الصراحه معه حق ..

وفيه بعض البزران مايقعد ماشاءاللله يوجع روسنا وحنا مالنا دخل ...
بس الدلع شي ودي لو الوحده لقام البزر يتهيبل ويروح ويجي تعطيه كف يتادب ....

[آنثى آستثنآئيّه]

اه ياقلبي عليه وربي رحمته ياحياتي توه صغير

والله بعض الامهات ودك (( تكفخه )) قبل فترة صار لنا موقف مشابه
والام صغيرة واخر شي تفكر فيه عياله من جد وربي اني احيانا اقوم ادورهم
وهي جالسه تتقهوى ولا عنده من الشيطان طاري وكذا مره يدخلون
عياله المستشفى بسبت اهماله ومات زوجها من الهوش ولا فاد
بس ما اقول الا الله يعيين

[كااااجو]

ماشفت بالخبر طاري الام انه تاركته في متناول اليد ...يمكن الابو فاتحة يفرم شي ولا

ماشيات ..تأكد همن علمنا ...

اذا الام لازم يدقونه واذا الابو لازم يدقونه بعد

[Chocolate]

ياربيه اوجعن بطني
الله يهدي امه اكيد متكله على الاندنوسيه

[الورده الجريحه]

ماينلامن الحريم لوصاير أي شي بالبيت لأن مسؤلية البيت كلها فوق روسهن

شغل طبخ تربية بزران والرجل يخلف الله يجي من الدوام ياخذله قيلوله كم

ساعه لا وبعد مايبي عياله يطلعلهم صوت ولا قام سيدا على الأستراحه لأن

الشباب ينتظرونه مايقدر يتأخر عليهم لأنهم أهم من عياله

ويلومون الحريم بعد

[الع ـنود]

يالله مشهد مبكي
الله يشفيه

[نجداوي]

تقوله صادق :)



شف الحين

راتبين ولا حد قال ابعرس أو هرج بالعرس :( ؟

تهقى وراه :(؟



توبي

الرااتبين مايسددن ولا الدفعه الاخيره لراعين اقساط عبد اللطيف

راتب بلوشي :(