بعد مااشتد الخلاف بوضعنا واصبح مثير؟؟

[متزوجه ولكن]

السلام عليكم ورحمة الله وبركاته

رساله من زوج لزوجته المتسلطه ,هذا هو الموضوع الرئيسي لهذه الخاطره ولكن لمعرفتي بحب الفضول السائد على مجتمعنا اخترت ذلك النص ليكون محل جذب لأكثر عدد قارئ من الزوجات المتسلطات

كثير من الزوجات تعض اصابع الندم يتفطر قلبها تبيض عينيها تبقى حزينه كسيره حين يتوفى زوجها وهي قائمة بواجباتها على اكمل وجه , فمابالكن بمن يتوفى زوجها وهو غير راضي عنها
فأحرصي عزيزتي الزوجه على رضى زوجك في كل حين بل في كل يوم بل في كل ساعه ولتجعلي رضاه في كل دقيقه قبل فوات الأوان

اخترت لكم هذه الرساله جازمة بإذن الله انها ستصلح حال الكثير من الأزواج فبها ينكسر حاجز الكبرياء والتغطرس الذي ينتج من قبل الزوجه
لذا سأدعك ايتها الزوجه مع هذه الخاطره وسأنتظر تعليقك عليها وماذا شعرتي بعد قرائتها ..

بعده ارجو الدعاء لي ..



إفرضي اني طلعت وكنت متنرفز كثير !!
ورحت من عندك مضيع في الأماكن والجهات ..

بعد ما اشتد الخلاف بوضعنا واصبح مثير !!
قلت : أهدي والعن الشيطان واطلع في سكات ..

إتجهت .. وسايقن سيارتي عكس المسير !!
وصار لي حادث .. ومت .. وخبروك : فلان مات !!

علميني .. عندها بالله وش ممكن ييصير ؟؟
لوعرفتي من عقب زعلتك .. فارقت الحياة ..

تلطمين خدودك .. تشقين ثوبك .. ما يضير ..
دامك تلومين نفسك بعد مافات الفوات ..

ليه ماقلتي لي: إقعد والزعل ملعون خير ..
ووالله ماتطلع كذا باعصاب مافيها ثبات ..

ليه خليتيني أمشي حالتي حالة ضرير ..
ولا يعني كان حبك .. حب انانية وذات ..

وليه أنا من بعد كنت الشخص الاول والأخير ..
في حياتك وبسهوله صرت مثل الذكريات ..

والله ان تبطين وانتي ما على شفتك غير ..
اسمي المكتوب ضمن اوراق تقرير الوفاة ..

تندمين العمر كله .. أو .. يأنبك الضمير..
مافرقت .. مادمت ماضي .. في ملفاتك .. وفات ..

بس يبقى ذنبي برقبتك .. وانا الصب الاسير ..
اللي كبلني غرامك والوفا والتضحيات ..

جربي الدنيا بدوني .. كيف واقعها مرير ..
وكيف لا عزوك فيني وصرت قدامك .. رفات ..

تدركين بوقتها معنى العبوس القمطرير ..
وتشعرين انك يتيمة أهل واخوان وخوات ..

وتذكريني .. تذكرين الشعر .. وانسام العبير ..
والعطر .. والورد .. وألبوم الصور .. والأغنيات !!

والسوالف والغنا وإهدائنا عبر الأثير ..
والإضاءة الخافته .. والليل وأحلى الأمنيات !!
والرسايل .. والشموع اللي في مأوانا تنير ..
والمجلات القديمة .. والكتب .. والملزمات !!

والهدايا من قطع الماس وعطور حرير ..
والأثاث اللي خذا حمرته من لون الشفاه ..

والبحر والصيف والشاليه والثوب القصير ..
والشتاء وأحظانك اللي غير كل المدفئات !!

والإجازة والسفر والعيد والمطر الغزير ..
والمقاهي .. والمطاعم .. والطرق .. والتمشيات !!

وإسمي اللي مخزن بجوالك الوردي الصغير ..
أجمل الإحساس .. لكن .. مات ياست البنات !!

ذكريات تحاصرك من كل صوب وتستثير ..
دمعتك في كل غمضة وانتباه وإلتفات ..

عن حكاية حب في هالوقت منقطع النظير ..
حب يكرم عن ردى الشهوه .. وألسنة الوشاة ..

حب مدري ويش بكتب عنه؟ لكنه كبير ..
أكبر من احساس أصدق شاب مع أوفى فتاة

بس .. لا تبكين .. يبقى كل ماقلته نذير ..
وافتراض لكل مايمكن حدوثه لي ,, وآت

لجل ذلك فكري وش هي النهايه والمصير ؟؟
كلها حفره وجمع من الملا .. عقب الصلاة

والله ماتسوى الحياة نزعل الغالين مير ..
ساعة الضيق يتعكر صفو الأنفس والذوات ..

ليش اجل مانستغل الوقت دام احنا بخير ..
وليش مانرضي حبايبنا .. ويلتم الشتات ..

يعني لازم ننتظر ؟؟ والواقع أيامه تطير ..
واحنا ماندري نبات الليل .. ولا .. مانبات ؟؟

العشير .. أصلا يحز بنفسه يزعل عشير ..
الله أكبر .. كيف ماحزت بنفسك هالسوات ؟؟

يوم شفتيني طلعت ووضعي النفسي خطير ..
وقتها .. اشدراك يمكن موتتي حانت وجات ..

فاحرصي دايم علي .. ولا تغيظيني كثير ..
واذكري دايم شعورك لا دريتي وقيل .. مات ..



تحياتي

[مدرعمهـ]

جزاك الله خير على النصيحه

[ع ـروووبة]

نصيحه راائعه

وكذلك الخاطره أروع


الله يعطيك الف عافيه على هالموضوع الرائع

الله يوفقك ويسعدك ‏,,,,

[| ~ ســمــو ~ |]

نصيحة جميلة جدا ..

احساسي يقول ان من كتبها حساس وزوجته ليست بقدر من السوء ..!



اشكرك

[انسان اخر]

يعطيك العافيه كلام درر

والله في هالزمن اصبحت الزوجه لاتبالي هوراضي ام لا همها نفسها وين تروح

وايش تلبس ومن عنده ليلة الخميس واهمال للزوج بصوره مخجله جدا

اسال الله العظيم ان يوفقك ويسعدك اختي زوجه

دمتي على الخير