له جاره وهي عروس

[اميرة الابتسامه]

السلام عليكم ورحمة الله وبركاته

وشلونكم يااعضاء المجلس عساكم بخير
ادري مستغربين من الموضوع شلون عروس وله جاره!!

هذا ياطويليين البقاء والسلامه صديقتي له شهر متزوجه ربي يسعده كلمته وقعدت اسولف معه وطولت شوي بالمكالمه بحكم اني من زمان عنه لانه اجلت هالترم من الكليه عشان زواجه المهم مالكم بالطويله>>هع
وانا وياه نسولف سألته وش اخبار العرس زين ولاايام العزوبيه احسن قالت والله ياخيتي مااخفيك فيه شي بالعرس ازين وفيه شي بالعزوبيه احسن بس ككل ايام العزوبيه اريح واسع صدر والله يوم انا عزوبيه دايم عند اهلي نسولف ونتقهوى جميع ونستانس
قلت هوووووو >>للتعجب
وراه رجلتس مايقعد معك قالت بصراحه مااشوفه الاعند النوم دايم مقابل اللاب توب وياويلي اجي بجنبه واسولف يهاوش
يقول اذا بتجلسيين اجلسي وانطمي
تقول مليت طفشت طقت تسبدي
ياربيه احس ان اللاب توب جاره 24ساعه مناطحه
ومن اول اسبوع ولابعد ابشركم اخذه معه لشهر العسل
قلت ياحياتي لايضيق صدرتس موب بس انتي بذا الحال ترا اكثر الحريم يشتكن من هالاب توب
وهذا مشاهد عندنا بمنتدى بريده اكثر الاعضاء متزوج و24ساعه متواجد ومخلي الزوجه مرتزه لحاله حتى بالليل متاخر اشوفهم متواجدين!!

اترك التعليق لكم يالمملوحيين

تحيااتي
س ص

[ونة خفية]

له جاره وهي عروس
خليها تصادق هالجارة عل وعسى يتوصلن إلى حلول مرضيه مشتركه بين الطرفين

[العصامي]

أمــا أخذ اللاب توب معه في شهر العسل ..!!!!!

فهذا الزواج في نظري كالماء الذي لابد منه ولكن لا لون له ولا طعمٍ ولا رائحه ..

إن كان هناك ثمّة تعاسة .. فقد نالت منها هذه الزوجة مايكفيها .. كان الله في عونها ..

يا أخي أيها الزوج .. هذه الزوجة شريكة حياتك ..

تركتْ بيتَ أهلها لتعيش معك تحت سقف واحد ..

لا لتشرب .. ولا لتأكل .. فقد أنعم الله عليها حينما كانت في بيت أبيها ..

ولكن أتت لتعيش معك في سعادة وهناء ..

فأسمعها الكلمة الطيبة .. وامنحها جزءً من وقتك .. وأجعلها صديقاً لك ..

لا تجعلها كالخادمة ..

[فديكا التميمي]

قوليله تجيب له جااار وتريح نفسه مامنهم فايده مراااهقين
وشوله متزوجين وهم موب قد المسؤليه ماادري ...؟؟؟


:(

[ريانة العـود]

’
’

عن جد قههههههر

ليه مايتزوج عليها , هو يجلس على اللاب وهالجارات يتقهون ويسولفن سوا ذذذ


الله يكون بعونها

[(( ** stop ** ))]

وعليكم السلام ورحمة الله وبركاته

>> ومالتس بالطويله ههع

الله يعين رفيقتتس على رجله شكل رجله منفتن بالنت اقوى شي الله يعافيه ولا يبلانا وهذا الرجل ماهوب قياس لكل الرجال تختلف الرجال .....

وبالعكس فيه بعض البنات يوم تزوجوا استانسوا وندمانين على حياتهم العزوبيه انهم ماتزوجوا من قبل لانهم لاقوا السعاده مع رجالهم يعني فيه بعض الرجال يقدر زوجته ويعطيه حقه .....


ويعافيتس ربي على الموضوع
وتقبلي مروري العطر

[ونة خفية]

القدح في النيات حرام !!
ولكن تذكرت قصة بنوته صغيرة كانت تصلي و تدعي مع امها على السجادة ومن ضمن دعاويها
( يارب ترزق البنات إللي مع بابا في الكمبيوتر ملابس )

[صيـدلآنــي]

كلهــــــم شيبآن
أكل عليهم الدهـر وشرِب :b3:

[ولد الديره]

لو زوجتي عندي ماقابلتكم بالمنتدى يوم كانت عندي مادخل النت الا اشوف الايميلات

[انتظرتك]

يمكن العيب بالزوجة ماملت عين زوجها
لو هي سنعة وفاهمه كان خلته ينسى النت كله ...

[التنين الصيني]

اترك التعليق لكم يالمملوحيين

ما كنت ابعلق على الموضوع .... بس

يوم طلبتي المملوحين .... صار لازم ... بس كل اللي علقوا فوق مملوحين .... ؟

......
شوفي وانا اخوك ....

قولي له .... وش يدخل بالنت .... ؟

وتحاول تشترك معه بنفس المواقع .... عشان يصير بينهم شي مشترك و يسولفون به ....

سي يو ....

[عاشق ديرتي بريده]

طيب يمكن الكمبيوتر اجمل من زوجته

<<< والله يانت ماتعرف تحل مشاكل خخخخخخخخخخخخخخخخ

[هلاوين]

مايجوز شرعا ولا عقلا ولاعرفا الميل لوحدة دون الاخر

على هذا انصحيها تاخذ الاب توب وتصكه باقرب جدار

وتحمل للي يجيه هههه


الله يكون بعون كل مستضعفه ومقهوره


تشكراتي لك س ص

[مجرد إنسانه]

القدح في النيات حرام !!
ولكن تذكرت قصة بنوته صغيرة كانت تصلي و تدعي مع امها على السجادة ومن ضمن دعاويها
( يارب ترزق البنات إللي مع بابا في الكمبيوتر ملابس )

بعذرها هذي الصغيره تكلمت !!! اجل لو تكلم من يعقل ماذا سيقول ؟؟؟؟

لكن اقول لصديقتك تحاول تجذب زوجها بحركات وابداعات بشكلها قبل لسانها
وبالتدريج سوف يصبح كالخادم لها
الحريم ماتجي لزوجها وتقول افعل وافعل
الرجال بطبيعه لايرغب بصفه الامر ولكن تاتي له بالتدريج وفيه مواقع بالنت تعلمها الحركات
والله راح يذوب فيها

والله ياعندي لها موقع خيااااااااااااااااااااالي
بس بشرط تتطبق مو بس تقراء

[شعاع الكون]

ياحياااتي هي ربي يغير حاله للاحسن
ويحنن قلب زوجه عليه يارب

مشكوره س ص

[shahd2007]

طيب وش فيها خليه يقابل النت ليل ونهار واذاصار ..!!
ماأشوف فيها شي
اصلااذا جلسوا مع بعض كثير يبي يتهاوشون فخليه يلهى بالنت
مكبره الموضوع صديقتك ..

[الهوى ـآ الغــايب]

الله يكون بعوونه ويصلحه ويصلحنا

يالله ان تعافيهم ولا تبلانا .. !!

كنت بعلق لكن للاسف ماني مملوح فلذلك تركت التعليق ببطني :b3:

[تركـي]

آآتحدى تلقى بنت ماتتشكى ..

حتى اللاب تغار منه ..!!

قولي لصديقتك الغلط اذا كان فيه غلط منها
لو هو مستريح ماراح يدور بالنت وشسمه ..

طمنيها وقولي لها بأمكانك الجلوس معه والتفاهم بينهم بهدوء بعيدا عن الغيرة والشك
وبأذن الله سينسى اللاب توب وربما أنه كان مفتون فيه ماقبل الزواج
والأهم هو مدمن على أيش ؟؟
ومالذي يجعله حريص على الدخول وحتى بشهر العسل ؟؟

وترااا بعض الحريم تقول خيره خله يلهى بس لايصير بوجهك بالطالعه والنازله
لذا تختلف البنات والحريم بسلوكهن عن بعض ..
ولكن يبقى الميزة اللتي تجمعهم وهو التشكي بكل شي ..

[باسم الثغر]

مادام الرجال يعدل بينها وبين جارتها
فالأمور زينة

بس الله يهديه
لو متأخر شوي
ماجاب الجارة إلا بعد فترة من الزواج


وأعتقد
لو هو يقابلها على طول
كان اشتكت منه ومن حرنته عندها
الله يهديكن يالحريم
خلي الرجل على راحته
وحاولي جذبه بطريقة هو يجيك فيها

[Miss Tala]

بسيطه تجيب هي اي باااد وتخلي وقته كله ليل ونهار تصفح ....ان يكره اللاب كله ...

والا تصبر لين تجي الدراسه وتصير مجتهده وتسحب عليه عشان يشوف ويتذكر فعايله الشينه...

يعني ماعليش يدخل النت بس مو الى هالدرجه خابرتن الرجال هنا رايعن طفه ..
((لايكون مغصوب ابو الشباب ..؟؟

الله يعينه ويسهل امره

[هنؤؤنه]

يقول اذا بتجلسيين اجلسي وانطمي
كيف يقولها انطمي؟؟>فيها قبايل هذيhttp://www.ckfu.org/vb/images/shrqwea/biggrin.gif
واحد ماعندهـ إحساس ومو كفو زواج
لو كنت مكانها اقابل اللاب 24 ساعه واشوف وش بيسوي؟
والمفروض تراقبه وتشوف وش عندهـ ابو الشباب خخخ

[Miss Tala]

ياحيي مو المشكله بااللا ب نفسه ولا الرجال نفسه بس شكله احد موهقه قايل له تراه يبي يطف فيك وينسى الدنيا كله لعيونك بشهر العسل ..واالحبيب صار غير الكلام اللي سمعته ..لاتكون بس مقارنته بذاك اللي بالمسلسل ...!!عشان كذا هي ضايق صدره ..وتشكي ...

حل وسط ومرضي للطرفين تاخذ اللاب وتكسره على راسه وتقول وريني وش راح تسوي ...؟؟
((وهقته ....لاتصدق بعدين تدعي علي ...

[زمن الغرباء]

يارب انك تفرج همها ولا تبلانا
النت السبب الأكبر للمشاكل الزوجية والاجتماعية في العصر الحديث

الله يعين

موفقة س ص

[عازفة ألحان الليل]

القدح في النيات حرام !!
ولكن تذكرت قصة بنوته صغيرة كانت تصلي و تدعي مع امها على السجادة ومن ضمن دعاويها
( يارب ترزق البنات إللي مع بابا في الكمبيوتر ملابس )

لا حول ولا قوة إلا بالله

الله يهديهم ..يااااارب ..

[عازفة ألحان الليل]

اسلوب الزوج غلط صراحه

إذا في شي مزعله المفروض يكلمها

اسلوب التهميش والإستحقار هذا مو اسلوب

او الهروب من شي لشيئ ثاني هذا ايضا غلط .

[| ~ ســمــو ~ |]

يمكن العيب بالزوجة ماملت عين زوجها
لو هي سنعة وفاهمه كان خلته ينسى النت كله ...



نفس اللي فكرت فيه ..

..!

اشوف بعض النماذج الـ مفهيه ،
بارده .. مالها راي تحب كلمة بكيفك وعلى هواك ..
ماتعرف الاشياء والمواضيع اللي تشده
تحس انها متزوجه عشان تطبخ وتغسل ..!

..

هذي لو هي زميلتي بالجامعه كان انشغل بالجوال عنها هه
شلون لو زوجه >> الله يصبره :(

[عازفة ألحان الليل]

المشكله الحقيقيه انه لايوجد حوار بين الزوج والزوجه للتوصل الى حلــــــ.

[اميرة الابتسامه]

^^^^^^^^^^^^^^^^^^^^^^^
مشكوريين ياالمملوحيين ربي يخليكم واسفرت وانورت والله

[سحايب نجد]

ولو قابلها قامت تتشكى ناشب بحلقي وماتركني

صدقيني مايعجبهن شي واللي بيجلس يسمع مشاكلهن بيموت ماخلصن

ودامه تاركها اجل العله منها وفيها لانه لقى من يوسع صدره بالنت

[احساس انسانه]

صبي عليه ماء وقولي خرب >> امزح
ماله اسبوع ومقابل النت
حولي تتفاهمين معه

[روح لايسعهآ جسـد]

تبتسم فهي سعوديه ومكتوب لها الشقا

[ع ـروووبة]

الله يكوون بعووونه

ماله إلا تتفاهم معاه وتتكلم معاه بمنطق ويوصلوون لحل مرضي للطرفين


والله يسعدهم ‏,,

[جراحة قلب]

الله يعينه ومشكلتنا إنا مانفــــرق بين الأهم والمهم.........

[اميرة الابتسامه]

^^^^^^^^^^^^^^^^^^^^^^^^^^^^
مشكورين والله يعطيكم العافيه عالمرور الحلو منورين