الحريم الكبيرات لازم تشرط لهن .. الدنيا تبي والاخرة تبي .

[القلم الصريح]

خاص للي مايقطعون ماامر الله به ان يوصل ولا القطوعين فالله يعافيهم ولا يبلانا
طبعا كل واحد منكم له عجوز يزورها اما خالته قماشه >>>> الله عليها وكاميراتها السريه ، ولا عمه ولا جده اموره تقول حكايات على طريقة كان ياماكان قد بلع بهم
العمر عتيا >>>> الجمله الاخيره متعوب عليها .

السؤال اللي ابي اصل لجوابه هو هل لا رحت يمهن تقدم لهن دراهم 100 أو 50 او على الاقل تنكة كليجا بريداوبه ولا كيسة شابوره شاميه او حتى باغة كشمش ولا حمص !! ولا يادافع البلا والجلا تدخل مقحط ناشف ايد ورا وايد قدام تدخل تدربي
الدميجه وتطلع تجرها .
اصل هالحريم اللي تقدم بهن السن يموتن موت بالشرط ومايحبن اليد الفاضيه مثلهن
مثل الصغيرين ولا انا غلطان ولا يعني غلطان .

[التنين الصيني]

ضروري .... تعطيهن

بس ترى الشرط .... مهب لهن

يبن يعطن البزران .... اذا جو لمهن

سالفة خالتي قبل شوي .... تواعد ولد اخوي بـ ربطة علك ....خخخ

[مـ ــ ط ــ ـر]

’
’
صحيح.. ولا ادري مالسبب؟

ربما أطرح موضوعا يتعلق بهذا الأمر

[نبض قلب]

مااحلاه من شعور اذا دخلت عليها وحبيت راسها وعطيتها مبلغ وقدره بحجة انها تذوق راتبي ,, < لانهن يستحن احيانا ياخذن وخاصة اذا كان يابس على قولتهم !!
عساني مااعدمهن الهي ,,
وربي هن بركة البيت !!

شكرا صريح 0

[القلم الصريح]

التنين زرعت لنا درب عجايزنا الامورات ورد وبصيره عسى عين مغلينك ماتفقدك

[القلم الصريح]

مطر الله يسمت عليك ماملا عينك موضوعي قررتي تسوين مونتاج جديد !!!!
والوضع مثل ماقلتي بسسس ياكثر الهمج والهمجان اللي يدخلون ايد ورا وايد قدام ا .

[القلم الصريح]

نبض مايجيك ابليس ويقولك لا تعطينهن ههههههههههه !! ماتدخل نفسك مع صراع مع ابليس
المهزوم والمطرود من الجنه .

[نبض قلب]

نبض مايجيك ابليس ويقولك لا تعطينها جودي فلوسك !! ماتدخل نفسك مع صراع مع ابليس
المهزوم المطرود من الجنه .

لعنة الله عليه :for9:

جرب لو هي 100 ريال تحطها بيدها من غير ماحد يشوف
سبحان الله فرحتها كفرحة الطفل في هذه اللحظه 0

شعور جميل ويكفي انه الله يبارك بمالك خاصة اذا كانت فقيره !!

[القلم الصريح]

صدقتي ياهي تسوي عيد بس كثير من الرجال والحريم عن السنع غافلين .

[ونة خفية]

أنت انوها صدقه وصلة رحم وشف بركات ذلك في حياتك وذريتك وحلالك ،ويكفي من الأمر أنك تدخل فرح وسرور على قلب مسلم/هـ
ثانيا / لا تجيب عيالك معك لأن نصف إللي تجيبه يروح بجيوبهم وبطونهم

(مواضيعك تشبه مواضيع الأخطبوط المرقط ؟؟(.

[ولد الديره]

كرتون بسكوت ديمه وخلاص عنها بالدنيا

[رناالريان]

والله هن البركة بالبيت

وبعدين لا عطيتهن يكفي دعاهن لك

مشكور اخوي

[مساكن برزه]

حق وواجب علينا ؟..

[كااااجو]

القلم الصريح ...عليك مواضيع مدري منين تنبشهن!!! ماتسلفن فكرة موضوع اطرحه بهاالمجلس من

افكارك القادمه !!

مممم ادخال السرور على المسلم شي جميل واجره واثره اجمل..فمابالك بكبيرات السن ..والله

كلن يفرح بالشرط والقريشات الكبير والشاب والصغير اللي عنده واللي ماعنده ...

[جُ ـمُوْحُ ~||]

موضوع ولا اروع شكريااا
صدق لها الشي فرحه كبيره في انفسهن
ويابختكم من الدعاء م قلوبهن الصادقه ..||

[مـ ــ ط ــ ـر]

مطر الله يسمت عليك ماملا عينك موضوعي قررتي تسوين مونتاج جديد !!!!
والوضع مثل ماقلتي بسسس ياكثر الهمج والهمجان اللي يدخلون ايد ورا وايد قدام ا .

لا ولكن سأطرحه بطريقة مختلفة تماما..يعني ليست نفس الفكرة

[القلم الصريح]

ونه خفيه سعدت بزيارتك لمكتبتي الشعبية
اهم شيء العيال تاخذهم بساقتك على شان تشرط لهم هن وشوله يفرحن بالدراهم الا على شان يشرن حقاق للصغيرين ياهن يموتن بالتلفيز الله يختم لهم على خير .

[Netizen]

جدتي تطلب مني للفلان محتاجين، وهذه لديها كذا، وهذا فيه و و و
وأعطيها ما تريد
لكن
(لم)
يسبق لي أن أعطيت جدتي مبلغ نقدي أو تنكة كليجا و شرط على قولتك!
السبب؟
هو (الغفلة)
لذلك أقول لك شكرا جزيلا على التنبية.

[زمن الغرباء]

اي والله صدق
كل شي يشق خاطرهن ويفرحهن
الله لايحرمنا فضله ..

موفق ..