كائن غريب في بيتي

[البارق]

تحية طيبة للجميع ... وبعد

لي مع الشغالات علاقة طوبلة
تمتد لسنوات عديدة
تعاملت فيها مع جنسيات مختلفة ونفسيات متباينة
إكتشفت من خلالها فشلي الذريع
في إدارة أصحاب السعادة \ الشغالات
فإن تعاملنا معهن بطيبة استغلونا
وأنا تعاملنا معهن بحزم فالويل لنا
فالأكل تحت إشرافهم والأطفال بين أيديهم
وهذه وسيلة ضغط ترعبنا منهم

أما المحظورات فحدث عنها ولاحرج
فلم نفلح في منعها والسيطرة عليها
ففي كل حملة تفتيشية
تقوم بها قواتنا الخاصة
نعثر فيها على شرائح جوال ومسروقات لا عد لها ولاحصر


ووالله وبالله وتالله
لولا حاجتي الضرورية
ﻷعلنتها مقاطعة أبدية للعمالة المنزلية
لكن الحاجة جعلتني أغض الطرف واقول (ياسيدي)


والسؤال الذي يطرح نفسه
وبين أيديكم أضعه
ماهو الأسلوب الأمثل والأفضل
للتعامل مع هذا الكائن الغريب في بيتي ؟؟؟


لأتعايش معه وأسلم من غوائله



وللجميع حبي وتقديري

[قـتـالـه]

اعاننا ربي بس ..!
عندنا وعندك خير .. وادهى وامر:(
ان شددنا عليهن ولاحظناهن هجن ماكملن السنه ..
وان ارخينا لهن اكلننا ونهبننا وعيوننا طايره !
واذا عمرك جربت سواق وزوجته وربي انك وطيت الجمر وانت راضي ..!
يروحون يتكسون هالصبح وتنقل له كل اللي بمطبخك ويقضن سراويلك وفنايلك :( ويزعلون ويطنقرون جميع :(
تعبت نفسياتنا وراحت قروشنا وفشلت كل طرق الاستغناء عن الخدم ..,
هه توي مديت لشغالة امي كرت مرحبا ابو خمسين وانا فرحه:)
يوم ناظرتوه قالت وشوله ماجبتي بطاقة شحن سوا هذا لازم انزل تحت
للتليفون بدليه لي :(
والثانيه مطنقره من امس تقول وشوله كل شوي دله وابريق حطوا
قهوتكم وشاهيكم بترامس مثل اللي انا كنت عندهم قبلكم ياعساكم للمر:(

[امرؤ القيس]

طبعا المدامات مرتاحات ونايمااات في العسل ومرتزااات امام المراياااا واللابتوباات

والبيت يعيث فسااادااا بايدي القذورات الشغاالالالالالات ثم ناتي لعرض مشاكلنا ونقووول تا الله وبالله مقدر استغني



قسم بالله وتالله وايم الله واالله ان 99,99 % ليس لهن حاجة وفقط شكلياات وخنفشارياات وعطزياات لاحدود لها

[روح لايسعهآ جسـد]

بصراحه انا ماحبهن ولا احب اتعامل معهن
من بعد ماانتحرت شغالة اختي وانا حالفه حلف ما يدخلن بيتي
والا لو تسحرن عاد وش يفكن؟
مره رحت لشيخ يقرا شفت بنت مسحورة من شغاله تقول امها ان لها 5 سنين تقرأ والجني اللي به يقول تموت هي ولا اطلع
فرقعين اجيب شغاله واعيش طول عمري من شيخ لشيخ ..لا بالله مايحتاج

حتى لو المراه موظفه
تحط اطفالها في حظانه او روضه او تمهيدي
ولا تجيب لهم شغاله ..!

[اسير عالمه]

حرام عليك انك تقول كائن غريب هي انسانه له حقوق و عليها واجبات

المشكله انه مافيه قانون يحمي حقوقك وحقوقها



شكرا

[عاشق ديرتي بريده]

ماهو الأسلوب الأمثل والأفضل
للتعامل مع هذا الكائن الغريب في بيتي ؟؟؟

تزوجها وراح ترتاح وهي ترتاح

[رمز الحياة]

خلك رسمي
يعني لاتشد عليهم بالشغل بحيث تكرفهم ليل ونهار وبنفس الوقت لاتدلعهم بزود وأهم نقطه لاتخلي خدامتكم تخالط الخدامات الثانيات عشان مايخربونه عليكم

[عازفة ألحان الليل]

اولا اعجبني اسلوبك بالموضوع فيه فن ادبي

ثانيا لا تكن لينا فتعصر ولا قاسيا فتكسر مع الشغالات

ثالثا ان جيت للحق فتركهن ابرك واحسن بكثير

[عـــــســـــولــي]

هالخدامات ينطبق عليهن مقولة (يامن شرى له من حلاله عله) .
الحمدلله مانواطنهن بعيشة الله ومفتكين من شرهن .
تصدق لي صديق وشاب حليو ومؤدب وخلوق وجاد بحياته وعلاقته قوية مع ربه صار يتضايق إذا بغى يزور أمه عندها شغاله فلبينيه وتراكض وراه . مسكين تعبان نفسيا وماوده يقول لأمه يخاف يسوي مشكله مع زوج أمه وتصير سالفه .

[زين نجد]

أخي البارق..

أنا ليس لدي شغالة ولكن من قبل زواجي والأهل لديهم شغالات..

أهلي طريقتهم أن الشغالة من غرفتها للمطبخ فقط

لا تأتي بشيء ولا تخرج أبد ( يعني ما نشوف ولا زولها- ونااااادر جداً إننا نتحدث معها ).

أقصد أنا وأخي..

غير هذا أهلي يتعاملون معها بطريقة شد وأقطع ولا يخلون عليها قاصر بس بشرط الانضباط.
ولا يستخدمون أسلوب الهوش أو رفع الصوت عليها أبد أبد ( بالتعليم والتفاهم ).

المهم ماكدرسافرت وحده وشفنا عندها شيء أو زينت شيء أبد بالعكس والله انهن يصيحن إذا قربت مشيتهن.

تقديري لك،،،

[هلاوين]

امسك مع وسط العصا اسلم واحسن لك

[عـــــســـــولــي]

اعاننا ربي بس ..!
عندنا وعندك خير .. وادهى وامر:(
ان شددنا عليهن ولاحظناهن هجن ماكملن السنه ..
وان ارخينا لهن اكلننا ونهبننا وعيوننا طايره !
واذا عمرك جربت سواق وزوجته وربي انك وطيت الجمر وانت راضي ..!
يروحون يتكسون هالصبح وتنقل له كل اللي بمطبخك ويقضن سراويلك وفنايلك :( ويزعلون ويطنقرون جميع :(
تعبت نفسياتنا وراحت قروشنا وفشلت كل طرق الاستغناء عن الخدم ..,
هه توي مديت لشغالة امي كرت مرحبا ابو خمسين وانا فرحه:)
يوم ناظرتوه قالت وشوله ماجبتي بطاقة شحن سوا هذا لازم انزل تحت
للتليفون بدليه لي :(
والثانيه مطنقره من امس تقول وشوله كل شوي دله وابريق حطوا
قهوتكم وشاهيكم بترامس مثل اللي انا كنت عندهم قبلكم ياعساكم للمر:(

في بيت واحد شغالتين. عجبي !!!!!!!
ويقولون ليش نسبة السمنه ملعلعه بالسعوديات وانواع الأمراض (سكري وكوليسترول وضغط) .
لايصيرن هالشغالات ياسكينه يقصقصن ظفور رجلينتس ويهمزنتس . قالت إيه ..قالت قتاله ...قولي (رباضه) معقوله على هالتبطح :a4:

[قـتـالـه]

من يقاوم طعم الراحه ..؟
اذا صحيت الصبح واثر كلشي يوضي واستدنيت المبخره وبخرت
جاني شعور اني انا اللي منظفه كل شي :)
ولمني تبيزعت وصلحت حلا بس اطلع من المطبخ وماعلي من قنبلة هيروشيما اللي
ثورتها قبل شوي :/
وثيابي بتله مغسوله ومكويه ومرتبه ومصففه بدولابي تقل حلاو:)
وكلوه كوم ولصرت طالعه للسوق وانا مقبله اكلمها ياسيلانا ولمي القهوه ياحيي
واول ماادخل الاقي الصينيه تحتريني بالصاله قهوه ناطعن هيلها وتمر سكري:)
وعباياتي الهفهافات بتله مكويات ومولامات بس يتحرني اقبل عليهن :/
منافعهن تبرد التسبد ولجتك قرمه نمره تنسيك عذابات الكرف والكريف بس
غثاهن يبيلك تركب لك قلبين علشان تتحمل ..,

[التنين الصيني]

مجرد امسيك بالخير ....

لا املك اي خبرة بالموضوع .... ولله الحمد

[قـتـالـه]

لايصيرن هالشغالات ياسكينه يقصقصن ظفور رجلينتس ويهمزنتس . قالت إيه ..قالت قتاله ...قولي (رباضه) معقوله على هالتبطح :a4:

لاتخطرفلي ياعسيلان ..,
ياحيي كلن وظروفه .. بيوتنا مالهن بيبان ,,
هذا داخل وهذا طالع وذاك بيمرح اليوم ..
وهذا غدا وذا عشا وذي ذبيحة فلان:(
ماعندنا هاتوا قطية عشاكم ولا كلن يجيب ترامسه !
شاهينا وقهوتنا بدلال واباريق وآبو ناره ماتطفا وضيفانه مايبعدون !

[عـــــســـــولــي]

لاتخطرفلي ياعسيلان ..,
ياحيي كلن وظروفه .. بيوتنا مالهن بيبان ,,
هذا داخل وهذا طالع وذاك بيمرح اليوم ..
وهذا غدا وذا عشا وذي ذبيحة فلان:(
ماعندنا هاتوا قطية عشاكم ولا كلن يجيب ترامسه !
شاهينا وقهوتنا بدلال واباريق وآبو ناره ماتطفا وضيفانه مايبعدون !

القناعة كنز لايفنى والصبر مفتاح اربعطعش;).
إلا ماعمرتس إنغثيتي من هالكلمتين إذا قالهن أحد ؟؟ أنا يطلع لي قروون برأسي وهمن تدخن مناخري .

[قـتـالـه]

القناعة كنز لايفنى والصبر مفتاح اربعطعش;).
إلا ماعمرتس إنغثيتي من هالكلمتين إذا قالهن أحد ؟؟ أنا يطلع لي قروون برأسي وهمن تدخن مناخري .

الا يغثن بس ولو اثرك اذهن من ابليس طلعت من ذبايح ابوي وضيانوه بأقل الخساير :/
ماودك نتشارك انا وياك بمشروع تأجير شغالات بس مو اي شغالات:)

[البارق]

واذا عمرك جربت سواق وزوجته وربي انك وطيت الجمر وانت راضي ..!


أما هذه فهي أم المشاكل
وباقعة البواقع
من جربها مايعود لها
زعلهم وإضرابهم وشياطينهم جماعية

اختي قتالة
شاكر لك جمال حضورك

[البارق]

طبعا المدامات مرتاحات ونايمااات في العسل ومرتزااات امام المراياااا واللابتوباات

والبيت يعيث فسااادااا بايدي القذورات الشغاالالالالالات ثم ناتي لعرض مشاكلنا ونقووول تا الله وبالله مقدر استغني

قسم بالله وتالله وايم الله واالله ان 99,99 % ليس لهن حاجة وفقط شكلياات وخنفشارياات وعطزياات لاحدود لها


عزيزي امرؤ القيس
لو عندك كبير سن مقعد
أو طفل معاق أو أو أو حاجات كثيرة ملحة
لأدركت أن كثير من البيوت
تستقدم الشغالة لحاجة وليس للفخفة

حبي وتقديري لك

[البارق]

بصراحه انا ماحبهن ولا احب اتعامل معهن
من بعد ماانتحرت شغالة اختي وانا حالفه حلف ما يدخلن بيتي
والا لو تسحرن عاد وش يفكن؟
مره رحت لشيخ يقرا شفت بنت مسحورة من شغاله تقول امها ان لها 5 سنين تقرأ والجني اللي به يقول تموت هي ولا اطلع
فرقعين اجيب شغاله واعيش طول عمري من شيخ لشيخ ..لا بالله مايحتاج

حتى لو المراه موظفه
تحط اطفالها في حظانه او روضه او تمهيدي
ولا تجيب لهم شغاله ..!

هذه من مساوئ الشغالات
التي تنفر من استقدامهن
لكننا نعيش في زمن
أصبحت فيه الشغالة شر لاااااااااابد منه


روح لا يسعها جسد
جزيل شكري لك

[البارق]

حرام عليك انك تقول كائن غريب هي انسانه له حقوق و عليها واجبات
المشكله انه مافيه قانون يحمي حقوقك وحقوقها
شكرا

معاذ الله أن أهين ما أكرمه الله
أنا قلت كائن غريب
لأنه مختلف في جنسيته ولغته وطبائعه


اسير عالمه
خاااالص ودي لك

[البارق]

ماهو الأسلوب الأمثل والأفضل
للتعامل مع هذا الكائن الغريب في بيتي ؟؟؟

تزوجها وراح ترتاح وهي ترتاح

خفيف الضل عاشق
تكفى خلك بعيد عنا
لاااااااتودينا بداهية
ههههههههه

تسلم لي هالطلة

[البارق]

خلك رسمي
يعني لاتشد عليهم بالشغل بحيث تكرفهم ليل ونهار وبنفس الوقت لاتدلعهم بزود وأهم نقطه لاتخلي خدامتكم تخالط الخدامات الثانيات عشان مايخربونه عليكم


كلام سليم وجميل
فعلاً نلاحظ الاختلاط يحدث فيهن تغير
كل وحدة توحي للثانية وتغذيها بأفكارها
لكن الوضع الإجتماعي يفرض عليك اختلاطها


رمز الحياة
شاكر لك روعة حضورك

[جلوي العتيبي]

عاملوها بمايرضي الله وستجد النتائج .

نعم الحرص مطلوب والمتابعه مهمه لكن التجاوز فيهما يشعر الخادمه بالضغط ويخلق لديها كره لأهل البيت وهي اولاً وأخراً بشر تتأثر بما حولها .

عاشق

الزواج من الشغالات صاير موضه لدى البعض والمدامات ضايعات في الطوشه :) فيزة شغاله واسبوعين هناك والحمدلله .

:)

تكفى مر مكتب الفوزان بكرا الصبح تراي بعيد والا كان أمره :)

[زمن الغرباء]

يمكن ياأستاذ ماتصدقني ..
لوقلت
ان تكاتف اهل البيت وتعاونهم
وتوزيع الادوار بينهم
راح يحل كل المشاكل
وماراح تحتاجون خدامة ؟؟

الناس مايصدقون لانهم ماتعودوا ؟؟

مثلا ..
اذا عندك اطفال صغار
اعمارهم من ثلاث سنين وفوق
حاول انك توزع المهام بينهم

صحيح بتلاقي صعوبة

لكن بالمجاهدة والتحفيز
راح يكون فيه نظام


موفق ..

[فديكا التميمي]

الشغالات شر لابد منه الله يعيننا عليهن بس انا ماارحم الا المدرسات
اللي تروح وتترك بزرانه عنده هذا اللي تخاف منهن ولازم تحطهن فوق الراااس ومع هذاااا
ماينفع بهن ,, يحجرن والا مايحجرن يهاشن والا يتركن اللي عندهن بيسونه وحنا ماشفنا الجاده
والله يعين كل مبتلي هن ان صارن به امرضننا نفسيا وان فقدناهن امرضنا جسديا يعني
المرض بنا بناااا مالكم الا تقرون الورد و تصدون عنهن وعن تصرفاتهن اهم شي يقومن بشغل
البيت ولا فقدتوا شي لاتسكوتون له اتمااادى واهم شي لاسفرت يجاب له من ينفضه ينفض ....
الله يعين بلوى ...

[فديكا التميمي]

خلك رسمي
يعني لاتشد عليهم بالشغل بحيث تكرفهم ليل ونهار وبنفس الوقت لاتدلعهم بزود وأهم نقطه لاتخلي خدامتكم تخالط الخدامات الثانيات عشان مايخربونه عليكم


صدقين مانفع الي به شر بتطلعه لو هي مربطه ....

[البارق]

اولا اعجبني اسلوبك بالموضوع فيه فن ادبي

ثانيا لا تكن لينا فتعصر ولا قاسيا فتكسر مع الشغالات

ثالثا ان جيت للحق فتركهن ابرك واحسن بكثير


أولاً أشكر لك ثنائك وإطرائك
ثانياً كلامك جميل وهو فن في التعامل مع كل الناس
لكن أحياناً طبيعتك أو الطرف الآخر يفرض عليك
الميل عن التوسط في التعامل
ثالثاً أنا اشهد والله ان تركهن ابرك
لكن الحاجة أحياناً تفرض عليك وجودها

شمس الصباح
اسعدني شروق شمسك على المتصفح

[رايق دايم]

اعاننا ربي بس ..!
عندنا وعندك خير .. وادهى وامر:(
ان شددنا عليهن ولاحظناهن هجن ماكملن السنه ..
وان ارخينا لهن اكلننا ونهبننا وعيوننا طايره !
واذا عمرك جربت سواق وزوجته وربي انك وطيت الجمر وانت راضي ..!
يروحون يتكسون هالصبح وتنقل له كل اللي بمطبخك ويقضن سراويلك وفنايلك :( ويزعلون ويطنقرون جميع :(
تعبت نفسياتنا وراحت قروشنا وفشلت كل طرق الاستغناء عن الخدم ..,
هه توي مديت لشغالة امي كرت مرحبا ابو خمسين وانا فرحه:)
يوم ناظرتوه قالت وشوله ماجبتي بطاقة شحن سوا هذا لازم انزل تحت
للتليفون بدليه لي :(
والثانيه مطنقره من امس تقول وشوله كل شوي دله وابريق حطوا
قهوتكم وشاهيكم بترامس مثل اللي انا كنت عندهم قبلكم ياعساكم للمر:(

وحنا بعد عندنا عشر شغالات واللي بالبيت ثلاث اشخاص . مامي وبابي وانا .:11_4_125v

[البارق]

هالخدامات ينطبق عليهن مقولة (يامن شرى له من حلاله عله) .
الحمدلله مانواطنهن بعيشة الله ومفتكين من شرهن .
تصدق لي صديق وشاب حليو ومؤدب وخلوق وجاد بحياته وعلاقته قوية مع ربه صار يتضايق إذا بغى يزور أمه عندها شغاله فلبينيه وتراكض وراه . مسكين تعبان نفسيا وماوده يقول لأمه يخاف يسوي مشكله مع زوج أمه وتصير سالفه .


أما عن خطورتهن من هذا الجانب
فحدث عنها ولا حرج
وكان الله في عون زوجة تذهب لعملها
وتترك وراءها زوج وأبناء لهم فرصة الخلوة
مع الشغالة طيلة فترة العمل

مثل العسل حضورك ياعسولي

[صاحب الفكر]

حذاري من الخادمات ان تعاديك اوتعادي اهل بيتك

[البارق]

أخي البارق..

أنا ليس لدي شغالة ولكن من قبل زواجي والأهل لديهم شغالات..

أهلي طريقتهم أن الشغالة من غرفتها للمطبخ فقط

لا تأتي بشيء ولا تخرج أبد ( يعني ما نشوف ولا زولها- ونااااادر جداً إننا نتحدث معها ).

أقصد أنا وأخي..

غير هذا أهلي يتعاملون معها بطريقة شد وأقطع ولا يخلون عليها قاصر بس بشرط الانضباط.
ولا يستخدمون أسلوب الهوش أو رفع الصوت عليها أبد أبد ( بالتعليم والتفاهم ).

المهم ماكدرسافرت وحده وشفنا عندها شيء أو زينت شيء أبد بالعكس والله انهن يصيحن إذا قربت مشيتهن.

تقديري لك،،،


أما من هذه الناحية
ففي بيتنا الشعار الدائم في حال وجود الشغالة

ممنوع الإقتراب
خطر سريع الإشتعال

لكن شعوذاتهن وسرقاتهن
وسوء نفسياتهن أحياناً
هي مايؤرقنا ويعكر مزاجنا

إزدان المتصفح بحضورك زين

[البارق]

امسك مع وسط العصا اسلم واحسن لك




الكل أجمع على هذا

شكراً ابو ميار

[البارق]

مجرد امسيك بالخير ....

لا املك اي خبرة بالموضوع .... ولله الحمد


يسعد مساءك
وشرفني حضورك اخي التنين

[حر اليدين]

يامن شرى له من حلاله عله

[مجرد إنسانه]

مالي تجارب مع الخادمات

موضوع مهم في وقت اصبح القليل من البيوت يخلو منه
شكرا لصاحب الموضوع

[Miss Tala]

الله يستر منهن
الصراحه ماعندنا بالبيت كلنا 3 حبات ماله داعي ..
اذا اضطرينا بس نجيب باليوم نستاجر لشي مستعجل ..بس

[محمد المعتق]

يقول عليه السلام فيما معناه :
( الرجال كإبل مائة لا تجد منها راحلة ) ..

فما بالك بالنساء ..


فقط تعامل معها بما يرضي الله ..
فإن ذلك فيه حق لها و حق لك ..

و أنصح دائما أن تكون إدارة العاملة المنزلية ..
عن طريق الزوجة فقط ..

[البارق]

عاملوها بمايرضي الله وستجد النتائج .

نعم الحرص مطلوب والمتابعه مهمه لكن التجاوز فيهما يشعر الخادمه بالضغط ويخلق لديها كره لأهل البيت وهي اولاً وأخراً بشر تتأثر بما حولها .

عاشق

الزواج من الشغالات صاير موضه لدى البعض والمدامات ضايعات في الطوشه :) فيزة شغاله واسبوعين هناك والحمدلله .

:)

تكفى مر مكتب الفوزان بكرا الصبح تراي بعيد والا كان أمره :)

صدقت والله
الزواج من الشغالات صاير موضة
لكن الحريم حاسات بالمشكلة
ومفتحات عيونهن ع الآخر
والله ماتترك الشغالة بالحالها ولا دقيقة
ههههه

شاكر لك تشريفك مديرنا

[البارق]

يمكن ياأستاذ ماتصدقني ..
لوقلت
ان تكاتف اهل البيت وتعاونهم
وتوزيع الادوار بينهم
راح يحل كل المشاكل
وماراح تحتاجون خدامة ؟؟

الناس مايصدقون لانهم ماتعودوا ؟؟

مثلا ..
اذا عندك اطفال صغار
اعمارهم من ثلاث سنين وفوق
حاول انك توزع المهام بينهم

صحيح بتلاقي صعوبة

لكن بالمجاهدة والتحفيز
راح يكون فيه نظام
موفق ..


تنضيم عائلة راااااائع
يمنح الراحة والطمأنينة
لكن للأسف لا نراه سوى في بعض البيوتات

زمن الغرباء
شكراً لمرورك الكريم

[البارق]

الشغالات شر لابد منه الله يعيننا عليهن بس انا ماارحم الا المدرسات
اللي تروح وتترك بزرانه عنده هذا اللي تخاف منهن ولازم تحطهن فوق الراااس ومع هذاااا
ماينفع بهن ,, يحجرن والا مايحجرن يهاشن والا يتركن اللي عندهن بيسونه وحنا ماشفنا الجاده
والله يعين كل مبتلي هن ان صارن به امرضننا نفسيا وان فقدناهن امرضنا جسديا يعني
المرض بنا بناااا مالكم الا تقرون الورد و تصدون عنهن وعن تصرفاتهن اهم شي يقومن بشغل
البيت ولا فقدتوا شي لاتسكوتون له اتمااادى واهم شي لاسفرت يجاب له من ينفضه ينفض ....
الله يعين بلوى ...


صاااااادقة والله فديكا
وجودهن مرض نفسي
وبعدهن مرض جسدي
وبلوى من بلاوي هذا الزمن

يسلم لي مرورك العطر

[البارق]

صاحب الفكر
نعم يجب أن نكون حذرين ويقضين من هذه العمالة المنزلية
أشكرك

حر اليدين
أنا اشهد اننا شرينا من مالنا علة
لك ودي

أم الغلاء
ولكِ أنت شكري وتقديري
على مرورك وإطرائك

تالا

فعلاً الإستئجار وقت الحاجة
هي أفضل طريقة للإستمتاع بخدماتهن بأمن وأمان
تحية لحضورك

محمد المعتق
أحسنت فيما قلت
فعلاً الأفضل والأحسن أن يكون الرجل
في معزل عن إدارة العاملة المنزلية

خاااااالص ودي

[ع ـروووبة]

تلك الكائنات الغريبه شرآ لابد منه ‏..‏!!‏

لكن التعامل معها كالتعامل مع أي مخلوق التعامل بالوسط معهم ‏..‏~‏

[قـتـالـه]

وحنا بعد عندنا عشر شغالات واللي بالبيت ثلاث اشخاص . مامي وبابي وانا .:11_4_125v

ومايسدنكم العشر :11_4_124v
يالله يمديهن على ضف اقلامكم وتدوير غطيانهن:11_4_124v

[نجداوي]

الله يستر

اخ بآرق الوضع مايتحمل المخاطره

فالخادمات شر بلا اشترار

وصنف الخادمات اصبح كالزواج

يعتمد على الاختيار بالنقطه الاولى

والثانيه بتوفيق رب العالمين

والاغلب مآيكون بوجودهم خير

شكرآ لك .

[engel]

لاتخطرفلي ياعسيلان ..,
ياحيي كلن وظروفه .. بيوتنا مالهن بيبان ,,
هذا داخل وهذا طالع وذاك بيمرح اليوم ..
وهذا غدا وذا عشا وذي ذبيحة فلان:(
ماعندنا هاتوا قطية عشاكم ولا كلن يجيب ترامسه !
شاهينا وقهوتنا بدلال واباريق وآبو ناره ماتطفا وضيفانه مايبعدون !

الشعالات مو آلات .. كائن حي جاي من فقر وحرمان بالإضافة للغربة ولما يشوفن هالخير اللي أنتي فيه لو ما سحرنك حسدنك ..
كان أبوي مثل أبوك يوجب حتى الهنود والخدامات اللي يدخلون البيت يتعجبون من هالنعمه اللي داخله وطالعه ،و وحده من قرايبي دخلت المطبخ مره فيه أربع خدامات ثنتين جديدات وثنتين راح يسافرن ، وحده كانت مو ترف ممرضة جدتي نتناوب معها في الجلوس عند جدتي اللي ما تنام تدور بالبيت وتحبي تروح للخطر وما تروح للحمام نشيلها ..

الساهد جاه سرطان القولون والآن أكله بالقطاره وعضوي فانتبهي لابوك وانتبهي أنتي ،والشيء اللي تقدرين تسوينه سويه أنتي لا يحسدونك وتنحرمين بكره من الأكل والشرب

[قلب الأسد]

ياحظ البيت اللي مايعرفون الشغــاله , بس شر لابد منه لبعض البيوت

البارق لست بعيدا عنك فنحن منذ سنوات ونحن نتعامل مع

هذا الكائن ولانستغني عنه . وجربت كل الطرق والاســاليب

بالتعامل مع الشغالات . فالأنسب هو التعامل بلطف وهــدوء

صدقني من يحسن التعامل معها ويعطيها حقوقها ويكون لين

التعامل مع الشغاله هو من سرتاح وسوف تعامله بالمثــــــل

فهي بشـر ومتغربه والضروف من اجبرتها على العمل هنـــا.

[قـتـالـه]

االساهد جاه سرطان القولون والآن أكله بالقطاره وعضوي فانتبهي لابوك وانتبهي أنتي ،والشيء اللي تقدرين تسوينه سويه أنتي لا يحسدونك وتنحرمين بكره من الأكل والشرب

ياحزني:(
ربي يحمانا ويحفظ نعمتنا ويكفينا شر من فيه شر ..,
ياحيي من يتوكل على الله ويحافظ على اوراده ماضروه ..
ودامهن ياخذن رواتبهن وهداياهن وشحن جوالاتهن :) فماراح يضرن راعيهن ..
هه تذكرت بالزمانات جبنا مصريه وبدت تجمع كل المواعين بالارض وتفحج تغسلهن
بطشت تقول اصلي موش متعوده على الوأفه :(

[تذكار العمر]

لاتشد ولا ترخي خير الامور اوسطها

[البارق]

عروبة
نجداوي
انجل
قلب الأسد
تذكار العمر

تشرفت بمروركم
وسعدت بمداخلاتكم وإضافاتكم

خاااااااالص ودي وشكري لكم

[درر مضيئة]

عندنا شغالتين وحدة لها 25 سنة
ووحدة 11 سنة مايبون يرحون ومايشتغلون هههههههههه
ماندري وش نسويبهم ومكالمات بالجوالات
وحدة مسمية نفسها نور عاد الهندي يكلم
على رقم البيت يقول عطوني نور قلنا بنعلم البوليس
قال أنا مافيه خوف من ناس أنا فيه خوف من الله
لا وبعد من زينه يهاوش الماما يقول ليش أنت مافيه مسلم ليش فيه هوش
خلي نور يكلم هذا مسكين
وش نسويبهم مايبون يرحون الثنتين بلوى ؟؟؟؟؟؟؟

[البارق]

8888
والله هذه عاد ام المشاكل
ان يتجرأ ابو هنود ويدق
على تليفون البيت
لكن اذا ودكم تسفرونهم
هذي مايبي لها تعب
خروج نهائي وضفوهم بالسيارة
واجدعوهم بالمطار غير مأسوف عليهم


شاكر لك حضورك درر