مشكلتي مع مصلحه المياه

[عبود زمان]

بسم الله الرحمن الرحيم

السلام عليكم ورحمة الله وبركاته

اسعد الله مسائكم / صباحكم يـ اعضاء هذا المنتدى الغالي

اطرح بين يديكم عتب مخلوط بشكوى مخلوط بـ عطش حتى يأتي صهريج الماء ليمدنا بالماء بعد أن اخذ اتعابه وعليها زياده بسبب مصلحة المياه :(

هذا سلمكم الله من سكنت البيت وشبكوا لي الماء وانا من نشيط لنشيط
وكل موضف يقولي ماعندك سالفه وبالأصح يقولي تكذب :for1:

تفاجأت بالماء الواصل لـ بيتي أنه غير صالح لـ الشرب :29_1_8[1]

وكلمة غير صالح لـ الشرب << تعتبر مدحه لـ الماء الواصل لبيتي بصراحه

وبعد حوالي اسبوعين من وصول الماء لـ خزان البيت تفاجأت بطبقه بيضاء سميكه وهي عباره عن بودره واوساخ الشبكه الجديده

يعني بالمختصر المفيد أنه تم إيصال الماء لمنزلي قبل تنظيف الشبكه

طبعاً رحت لـ المصلحه وقلت لهم عن مشكلتي وقالوا لي لازم يطلع موظف يآخذ عينه من الماء الواصل لك وبعدها نحدد إنه عندك مشكله في الماء ولا لا :(

قلت انا اوكي مافيه مشكله

المشكله الثانيه :(
إن الماء الآن له اسبوعين ماوصلني

يعني وش اسوي بنفسي

( وجعان ووطي بطنه ) <<< هذا المثل ينبطق علي مع مصلحة المياه

جاي اشتكي عن سوء الماء وأتفاجأ بإنقطاع الماء :(

وش السوات ؟

[الصفا]

اغسل الخزان وعبه من جديد

[عبدالمحســن الحسني]

الله يعينك

[ابو فارس الحمادا]

عزيزي عبودي
اناأعرف زميل خاص لي يعمل في مصلحة المياه
إذاأنت تبي رقمه ارسل لس رساله على الخاص ومايكون خاطرك
إلا طيب

[عبود زمان]

اغسل الخزان وعبه من جديد

حياك الله يـ الصفا

ولعيون المصلحه غسلته مرتين :(
والحين الخزان يبلص من نظافته بس عسى الله يسخّر لي من يحل مشكلتي

الله يعينك

ويعين كل مواطن يعاني من نقص بالماء :(

عزيزي عبودي
اناأعرف زميل خاص لي يعمل في مصلحة المياه
إذاأنت تبي رقمه ارسل لس رساله على الخاص ومايكون خاطرك
إلا طيب

هلا والله ابوفارس
والله ما استغني يـ قلبي
لاكن بكرى إن شاءالله بتجه لهم وبشوف وش السالفه وإذا ماحصلت من يسنّع اموري
استفزعت بخويّك يـ ابوفارس :)

ما تقصر يالغالي :)

[صاحب الفكر]

ان شاءالله تنحل ياعبود زمان وشف الجيران اذا هو نفس المشكله هذا خطاء الصيانه الله يكون بالعون

[النجمم الاصفر]

الله يعينك

[عبود زمان]

ان شاءالله تنحل ياعبود زمان وشف الجيران اذا هو نفس المشكله هذا خطاء الصيانه الله يكون بالعون

هلا ومسهلا صاحب الفكر
بصراحه انا اول واحد تم إيصال له الماء بالحي اللي انا فيه
<<< جديد x جديد
يعني الحي بعد جديد

الله يعينك

جزاك الله خير يـ النجم الأصفر

[عبود زمان]

اليوم اتصلت على الطورئ بسوي بلاغ بحكم إني لي اسبوعين ماوصلني الماء

ويفترض إنه يصب الماء عندي يوم الإربعاء والخميس

ويوم اتصلت عليهم اليوم الصبح قالوا لي ورآك ما اتصلت بالوقت اللي يصب فيه الماء
علشان نعتمد بلاغك

والحين عليك إنك تتصل الأسبوع الجاي :(

يعني به اسبوع ثالث بعد وليته تنتهي بنفس اليوم
اكيد اكيد به اسبوع رابع <<< يعني شهر على هالحاله :(

الله يعين

[..عاشق سراااب؟]

وش اسم الحي

[عـبدالله بـريدة]

افاااااااااااااا هذا عبوود زماان مزعلينه مصلحة الميااه http://hamsalqasim.com/vb/images/smilies/blink.gif

[>ريانه<]

الله يكون بعونك

لكن تحط يدك على خدك لحد اسبوع الجاي!!<<غريبه مسكت بالعاده نار موقده ماتصبر:)

[البارق]

عزيزي عبودي
اناأعرف زميل خاص لي يعمل في مصلحة المياه
إذاأنت تبي رقمه ارسل لس رساله على الخاص ومايكون خاطرك
إلا طيب


كان الله في عونك عبود
وشكراً ابو فارس
فربما عن طريق هذا الرقم
تنعم بوصول الخدمة الى بيتك

[بردقا]

والله مشكله



up

[عبود زمان]

وش اسم الحي

حياك الله يـ عاشق سراب
بصراحه يمكن اخطي بالإسم :f5:
لأني ساكن حي جديد ولا فيه إلا انا وبيت ثانيه :f5:

بس إن شاءالله إن اسمه سلطانه الغربي

وبالضبط بالضبط غرب القصور الملكيه



افاااااااااااااا هذا عبوود زماان مزعلينه مصلحة الميااه http://hamsalqasim.com/vb/images/smilies/blink.gif




شفت وشلون يـ الاشهب وش سووبي هالمصلحه
ومنحينهم فاتحين على الماء اللي يجيب المشق والحكّه

الله يكون بعونك

لكن تحط يدك على خدك لحد اسبوع الجاي!!<<غريبه مسكت بالعاده نار موقده ماتصبر:)

حياك الله يـ ريانه
جزاك الله خير
ههههههه من قالك إني صبرت
موصي اثنين وكل شوي ناطن بوجيههم بمكاتبهم :f5:
بس كل قوي فيه اللي اقوى منه :)




كان الله في عونك عبود
وشكراً ابو فارس
فربما عن طريق هذا الرقم
تنعم بوصول الخدمة الى بيتك

حياك الله يـ البارق
وشو الرقم اولآه
ماطلع لي شي ترآه :(

والله مشكله



up

حياك الله يـ بردقانه
ومشكور يـ بعدي :)

[عـبدالله بـريدة]

وش صار عليك ياعبود صب الماء ولا لا ؟؟

[فـــارس]

كعادتهم مافيه جديد
الله يكون بعونك

[حر اليدين]

الله يكون بعونك

[عبود زمان]

وش صار عليك ياعبود صب الماء ولا لا ؟؟

هلا والله عبدالله
والله يـ بعدي للحين ماصار شي
بس هم قالوا لي مانقدر نسوي لك أي شي إلا لما يجي اليوم اللي يصب عندك الماء
بهالوقت تتصل علينا علشان يطلعون لك المسؤل عن الأعطال ( الطوارئ )
وبعده يشوفون سبب الإنقطاع وبعدها يصلحونه وبعد ما يجيك الماء يطلع لك موظف يآخذ عينه من الماء علشان يشوفون هو فعلاً غير صالح لـ الشرب ولا لا :(

وانا حاطن يد على يد انتظرهم جعلهم مايهنآلهم بال لما تخلص مشكلتي :f5:

كعادتهم مافيه جديد
الله يكون بعونك

حياك الله يـ فارس
والله مشكله ياخوي إذا كان كل فيه مثلي كثير :(
جزاك الله خير ياخوي :)

الله يكون بعونك

جزاك الله خير يـ حر اليدين :)

[ونهـ خفووقـ]

فله وربكــ يحله
وسع صدركـــ

[عبود زمان]

8
8
وهذاي موسعن صدري
اصلاً وشبيدي اسوي :(

اليوم رحت وقابلت المسؤل عن العدادات وشرحت له الوضع

المهم قلت له إن الماء كان عندي مضبوط وماشي تمام
وبعد ما تم تركيب العداد انقطع عن الماء :(

امير هو ينهبل ويقول من فتح لك الماء قبل تركيب العداد ؟
ويشره ذيك الشرهه اللي وش كبره !!!

شفتوا كيف التعامل

الحين يوم الماء يشبك لي قبل تركيب العداد اعتبرته جريمه بالرغم من إني دافع الرسوم وكل شي والتأخير منكم

ويوم إنه ينقطع عن بيتي الماء لمدة شهر مازعلت ولا قلت اي شي بخصوص إهمالكم !!

سبحان الله العظيم

ما اقول إلا حسبنا الله الله ونعم الوكيل

وينك يـ ابوفارس الحمادآ تكفى ذمرنا برفيقك لعل الأمور تمشي :f5:

ندآء لـ ابوفارس الفزعه :)

[محمد الدحيم]

عبودي زمان
رح مباشر لقسم الصيانه الي بالصفراء بساحة خزان الصفراء الي جنب البريد سابقا وقلهم اني مسوي بلاغ على الرقم 939 وللحين ماطلعلي احد

هذا القسم هو مختص بأعطال المياه على مأعتقد

بعدين كان انت اخذة عينه من الماء ورحت فيه للأدارة العامه بالصفراء

هناك عندهم مختبر متخصص يعلمونك المشكله وانت عندهم

هذه تحدث كثير خاصه اذ كانت الشبكه جديده

الله يعينك لأن بدون ماء مايمشي الحال

[عبود زمان]

8
8
رحت لمهم مرتين ومافادوني ولا وصلني الماء
اول مره طلعت لي فرقه وبعدها قالوا لي إن كل شي تمام بس ماندري عن سبب تأخير الماء
8
8
هذا جواب ؟ :(

والثالث شوي ويحلف لي إنه بيجي وشكله للحين ماجآ من امس :(

واخذت عينه من الماء ووديته للمختبر وفحصوها وقالوا لي هذي غير صالحه لـ الشرب وايضاَ خطره !!!

واخذت النتيجه وواجهت بها المسؤلين في المبنى اللي قبال ساكو وبرضوا قالوا وش يثبت لنا إن هالماء فعلاً جاي من الماء الرسمي
مايكون انت جايبه من البر !! :(

والحاله صعيبه يـ ابودحيم :(

بس إن شاءالله يوم السبت << اللي هو بكرى ماني مقابل إلا مدير او يـ ذابح يـ مذبوح
وإن ماحصلن الثنتين فالوعد السجن :f5:

[الزنون]

جنت على نفسها براقش

وشوله تحرث عن قرنك وتقول ماكم ملوث
شف الحين قطعوه عنك
لو انك مسكت وقاعد تغسل حوشكم وثيابكم ومواعينكم
والشرب تجيب ماء تحلية


الحمدلله ان الماء عندي يصب كل يوم
لا وابشرك لي سنة واصلني الماء وللحين ما ركبوا لي عداد خخخخ
<< يبي يقهرك

عبود وشولة تسكن بحي جديد
لا ورايح باقصى الهاوي بسلطانة الغربية
اكيد ما راح يوصل لك الماء لانه حي نائي خخخخ


عبود
لا نملك لك الا الدعاء
الله يعينك على المراجعات والروحات والجيات
الادارات الحكومية عندنايبي لها نفس طويل
والا اذا عندك واسطة بيوم وليلة تزين امورك

الله يسهل امرك

[عبود زمان]

جنت على نفسها براقش

وشوله تحرث عن قرنك وتقول ماكم ملوث
شف الحين قطعوه عنك
لو انك مسكت وقاعد تغسل حوشكم وثيابكم ومواعينكم
والشرب تجيب ماء تحلية

:f5:
خخخ اندري :(
قسم إني هونت خلاص جيبوا ماي الأول والله لو هو ماء إديتر :f5:

الحمدلله ان الماء عندي يصب كل يوم
لا وابشرك لي سنة واصلني الماء وللحين ما ركبوا لي عداد خخخخ
<< يبي يقهرك

يارب ينقطع ماكم ويشبك مانا :f5:

عبود وشولة تسكن بحي جديد
لا ورايح باقصى الهاوي بسلطانة الغربية
اكيد ما راح يوصل لك الماء لانه حي نائي خخخخ

اندري يبن الحلال
لقافه يومني اتشطّر عن الديره :(
مادريت إن مصلحه المياه مايحبون المتشطّر :(

عبود
لا نملك لك الا الدعاء
الله يعينك على المراجعات والروحات والجيات
الادارات الحكومية عندنايبي لها نفس طويل
والا اذا عندك واسطة بيوم وليلة تزين امورك

الله يسهل امرك



ايه انت بس ادعلي يـ ابوعصاقيل والباقي يعين الله :(
ولو عندي واسطه تسان على الأقل امنوا لي وايت ماء حتى تنتهي مشكلتي
بس يقولون الأولين ( اللي ماله لسان تاكله الخنفسان ) << يعني انا بتاكلن الخنفسان ماوصلن الماء ؟ خخخخ

الزنون دبرن بواسطه من حقاتكم :f5:

[..عاشق سراااب؟]

سائلت اخ عبود عن مشكلتك لازم تراجع قسم الترشيد علشان تركب شبك حمايه للخزان ويرجعون لك الماء

اما الماء يجيك غير صالح للشرب يمديه نظفت الشبكه (-_*) غيرك امتلا خزانه طحين هع

[عبود زمان]

سائلت اخ عبود عن مشكلتك لازم تراجع قسم الترشيد علشان تركب شبك حمايه للخزان ويرجعون لك الماء

اما الماء يجيك غير صالح للشرب يمديه نظفت الشبكه (-_*) غيرك امتلا خزانه طحين هع

حياك الله يـ عاشق سراب
ابشرك اليوم فتحوا لي الماء
وكان مسكر من القسام المتجه لـ حيّنآ :(

أخ لو ادري من اللي مقفله

وبعد ما تم فتحه استغربوا عمال الصيانه من لون الماء !!

وأخذوا عينه من الماء وودها لـ المختبر

وقالوا لي تراجعنا يوم السبت

واتصلت علطول على الشخص اللي من المختبر وجآء واخذ عيّنه بعد

وبعد حوالي نصف ساعة رجعوا علي عمال الصيانه وموظف المختبر ومعه زيادة موظفين وقالوا لي ترآ قفلنا عنك الماء لأنه غير صالح لـ الشرب ولا لغسل الحوش :(

وأي خساره دفعته بسبب ردائة الماء هات مايثبت وبنعوضك بإذن الله والوايت بإذن الله جاهز لك في اي وقت تحتاجه حتى تنتهي مشكلتك :f5:

يعني بإذن الله مشكلتي شارفت على الإنتهاء

بس ماقهرني إلا موظف إتهمني بالكذب والإفتراء عليهم :for9:

وبإذن الله بآخذ نتيجة التحليل إذا سلموني إيآها
وبتجه مباشره لـ الموظف اللي كذبني وبخليه يطلع عليها وبتكلم معه كلام ماله دخل بالمشكله نهائي

وبقوله عيب تكذّب المواطن حتى تتأكد انت من صحّة كلامه !


وأسأل الله العظيم ان يبدل ذلك المنصب بموظف خير منه لكي لا يحبط بكل مشترك جاي وهو اصلاً زعلان ويتفاجأ بموظف مثل اللي انا قابلت :(

الآن انتظر نهاية المشكله بأكملها

وجاري سرد التفاصيل الجايه لكم بإذن الله :)

[عبود زمان]

وصل الماء وشكله مثل الحليب :(

واخذوا عينه وطلعت النتيجه وأن الماء بأسوأ حاله ذكرت
وتم الآتي :
اولاً يرسل وايت مآء في حال احتجت له
ثانياً تعويضي عن الخسائر بسبب ردائة الماء مثل غسل الخزآن وماشابه

بس اللي قهرن
اقولهم عطون النتيجه حقة التحيليل ... قالوا لي ( لا ) << مب قهر !!

وانا مابيها علشان اكبّر المشكله او غيره
ابيها علشان اعرضها على الموظف اللي خلاني كذاب وماعندي سالفه وضحك بوجهي وقدام باقي الموظفين ضحكه سخريه وإستهتار
ولما قلت له عن التعويض
وقالي لا تفكر في تعويض وريــّح نفسك بس
وخلنا ننتظر النتيجه اللي متأكدين إنك غلطان فيها :(

وحاولت اوصل لـ نتيجة التحليل وعجزت :(

[عبود زمان]

وهذا الأسبوع الثاني من معالجة الماء وماخلصوا :(

<<< حاط يد على يد

[ع م ض]

صباح الخير أخوي لكل دائره حكوميه رجاله رح لم مديرالتشغيل والصيانه اسمه خالد اباالخيل ابوخيال وسدوف تجد الموضوع قد حل إنشاألله بكل بساطه وشكرررررررررررررررررررا

[المتصفـح]

بسم الله الرحمن الرحيم

السلام عليكم ورحمة الله و بركاته ...
اخي عبود زمان حبيت افيدك و افيد الاخوه الزوار في حال وجود مشكله لديك و تريد رفع بلاغ عنها
الاتصال على 939 و سف يرد عليك قسم البلاغات في المديرية و سف يقم بتسجيل بلاغك في نظام لديهم حيث يقوم النظام بأرسال البلاغ الى القسم المسؤل عن المشكلة
او قم بأرسل فاكس الى مكتب المدير العام وسف يتم تحويله الى القسم المسؤول و سف يتم متابعته من قبل مكتب المدير العام
او قم برفع شكوى لدى موقع وزارة المياه و سف تحول شكواك الى المديرية مع متابعة الوزاره الى شكوى العميل ...
http://www.mowe.gov.sa/NewMowe/Arabic/CitizinVoice.aspx
http://www.buraydh.com/forum/images/icons/icon14.gifhttp://www.buraydh.com/forum/images/icons/icon14.gifhttp://www.buraydh.com/forum/images/icons/icon14.gif