هل انت من الحريم اللي يكاسرن الباعه!! [الأرشيف]

القلم الصريح

24-01-11, 10:55 pm

بعض الحريم يستحن من ظلالهن لما يقولهن التاجر هذا بالهقيمه يشرونه من غير مكاسره ولا يخلنه ويمسكن الباب وخاصه لما يكون سعودي ولا سوري او لبناني وبعض الحريم نشميه سنعه ذيبه عن عشر رجال لما يقول له بهالقيمه تخفس به سبع الارض فلو قال لها مثلا بــــ 100 ريال قالت آخذه بـــــــ 50 ريال !! وبعد شد ومد تاخذه بــ 70 ريال
فكما تخدر برفع القيمه دبل عليك ان تخدرهم بخفص القيمه دبل لتفوز بخصم دسم على اقل تقدير ..
طبعا استثنيت الرجاجيل لانهم كلهم يكاسرون ومايحتاج يوصون ابد ابد ههههههههههه
وطبعا للمكاسره فنيات من أخطرها على الباعه انك تقوله بكيفك وتمشي ولما
يشوفك وصلت الباب يناديك .. تعال صديق شيل .. تعالن يالحريم السنعات نشوف مغامراتكن بالمكاسر أغدي الدقم اللي يستحن وصايرات ملعابه للتجار الجشعين يستفيدن ويسلكن طريقكن في قادم الايام .

نبض قلب

24-01-11, 11:08 pm

موضوعك على الجرح اخوي

فأنا من النوع اللي الاقي احراج بالمكاسر ,, اللي يبي ريال اعطيه ريالين << كناية عن شدة مبالغتي بالاحراج

محلات الماركات مستحيل ينزل لك ريال واحد وهذي مافيها شك

وبعض المولات الكبيره مسعّرات بضايعهم

يعني مافيه امكانيّه للمكاسر احياناً

اخوي القلم الصريح بما انك صريح وجبت طاري السوق والبيع والشراء ,, بودي أن أستمتع لو مره بالشوبينق من غير أعين جائعه 00

شكرا لك 00

الحـوراء

24-01-11, 11:09 pm

/
/
وَالْلَّه عَلَى حَسَب الْبِضَاعَه إِذَا كَانَت تُسَوَّى سِعْرُه .. اكاسِر عَن قَوْلَة
امّا لُاصَارَت الْبِضَاعَه مَاتَسْوَى اكاسِرِه ولاركِز رَاسَه وَعَانَد اصُيّر اعْنَد مِنْه ..
يَعْنِي انَا بِالْعَرَبِي اقَيِّم الْبَضَايِع وَاعْرِف هالْبْضَاعِه هَذِه تُسَوَّى هالِقِيمُه وَإِلَا مَاتَسْوَى ..
وَفِيْه مَحَلَّات مَااكاسِرِهُم عَشَانُه مَارْكَه او تَبِع مَرْكَز

رمز الحياة

24-01-11, 11:21 pm

والله المكاسره لها مفعولها الايجابي خصوصاً
اذا صار البائع يمني

مجرد إنسانه

25-01-11, 12:01 am

والله اذا معي الميزانيه حلوه ما أكاسر
اما اذا كنت ابغى الحاجه ضروري وتنقص القيمه بشي بسيط مايوصل 10 ريال

ذيك الساعة اكاسر (بمعنى اني باخر محل خلال تسوقي )

اما نصف القيمه لا والله ماعمري فكرت
بس ياليت اقدر مثل هالحريم الي يخسفن بالسعر

....e7sas

25-01-11, 12:15 am

يازمان المكاسر اللي راح !

الحين شوفي سعر القطعه على التكت أعجبك ( عليك بالعافيه )،
ما أعجبك ( مع السلامه ) !

- لوقلت هل تستغلين فرص الخصومات لكان أنسب !

عاشق ديرتي بريده

25-01-11, 12:16 am

ميخالف اصير بنت بالموضوع !!

ايه ميخالف

انا اجدعه بوجهه اذا شفته غالي ومايستاهل

<<< تحمق على طول

كروومه

25-01-11, 12:32 am

انا استحي وارحمهم لابدو يدربون هالدميجه بس اختي ماشالله عليه كد وصلت ساعه من 100 ريال الى15ريال وزيدكم من الشعر بيت ماشرته ليش تقول لو به خير ماوصلت هالسعر مشكور ين موضوع حلووووو الله يعطيكم العافيه

نــف نــف

25-01-11, 12:41 am

مـآحب آلمكـآسر .. وآحس لو جيت بكـآسر بقعد آضـحك :c7:

باسم الثغر

25-01-11, 12:44 am

نصيحة للحريم

بدل هالمكاسر ووجع الراس
فيه بالسنة موسمين تخفيضات
ازبنن السوق بهالموسمين
والسلعة تكون بأقل من سعر المكاسر

وتوفرن وجع الحلق بغير الموسمين

عاشق ديرتي بريده

25-01-11, 12:47 am

نصيحة للحريم

بدل هالمكاسر ووجع الراس
فيه بالسنة موسمين تخفيضات
ازبنن السوق بهالموسمين
والسلعة تكون بأقل من سعر المكاسر

وتوفرن وجع الحلق بغير الموسمين

وش مدخلك بموضوعنا !!!

<<<< لابس غدفه وعباة وداخل معهن

تذكار العمر

25-01-11, 12:49 am

مـآحب آلمكـآسر .. وآحس لو جيت بكـآسر بقعد آضـحك

باسم الثغر

25-01-11, 12:50 am

وش مدخلك بموضوعنا !!!

<<<< لابس غدفه وعباة وداخل معهن

أنا قاعد أشرح عن طريق الشبكة الداخلية ( التلفزيون )
زي الدكاترة حقين جامعات البنات :)

بعدين
تراي علمت إن فيه رجال مغاتير بالموضوع :)

الصرح العالي

25-01-11, 12:52 am

معليش ابتلقف وادخل معكم ,,

بس بعض الحريم اللي يهديهن إذا بغت تكاسر تجلس تذلل له وتطلبه وترجاه بشكل مو معقول عشان خمسه ريال ..

اعتقد انه مو لهدرجه يعني خلاص الوحده تكون عنده كرامه شوي مايصير كذا >> دايم ينقهر منهن .

ام الزعيم

25-01-11, 01:00 am

انا لااحب المكاسره ووالله ان ارى حريم من كثر ما يكاسرن

كانهن شحاذات ياختى اعجبتك القطعه خذيها واذا ما اعجبتك اتركيها

وبلا ما تنشفين ريقك وريق البائع

شعاع الكون

25-01-11, 01:11 am

لاوالله استحي اكاسر
واذا شفت احد يكاسر ودي اقلده بس اخجل:f9:
ولاودي ههههه

عازفة ألحان الليل

25-01-11, 01:24 am

تعالن يالحريم السنعات نشوف مغامراتكن بالمكاسر أغدي الدقم اللي يستحن وصايرات ملعابه للتجار الجشعين يستفيدن ويسلكن طريقكن في قادم الايام

ادخلن يالحريم السنعات بسسسرعه قبل لايسكر الباااااب خخخخخخخخخ

oldman

25-01-11, 01:29 am

ياااااولد http://www.buraydh.com/forum/images/icons/icon6.gif
http://www.buraydh.com/forum/images/smilies/19.gifتغطن يابنات هناك رجل يريد أن يدلي بدلوه
السلام عليكم
http://r-mbd3.com/vb/images/smilies/smilies2/005.gif تسمحون لي دقيتسه الله يخليكن
مرة بالسوق مع حرمنا المصون كنت في محل
لقيت وحدتن شوي إللا وتصيح http://www.arabs2arabs.com/smiles/icon_cry.gif من كثر ماتترجاه ، تكفى الله يخليك تكفى عطنياه بميه وخمسين مامعي إللا هيّ تكفى ...
وابو يمن حاطن بالبريدس أوميهن بارد وهويقول : الصرافه ماهي بعيده عنّا روحي أصرفي منها وتعالي خوذيها
والله وشوي إللا وانا طاحلها http://www.hyatuha.com/vb/images/smilies/smilies/20.gif
ولو تقولها ترجي زوجك يعطيك فلوس اللي تبين تشترينه مثل ماتترجين هالغريب كانت ماترجته !
(لا والله مانزل نفسي لولد الناس ) <- ترى ولد الناس هذا زوجك وابو عيالك !
بعض الحريم خطر تطب بحضن البائع من كثر ماتترجاه وبعضهن من الدباشه تاخذ ولاتسأل عن السعر

http://smilles.5d5l.com/smile_albums/small/57.gif <-- بس اخويتنا خوت جنوبك بلا

#9e8585

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

بسومة بريده

25-01-11, 01:31 am

والله اكاسر وتجي العافيه...

خاصة فيه اشياء مبالغ فيها وواضح ان مو هذي قيمتها فليش اخليه يلعب علي وعيوني طايره...

وعلى فكره حتى لو نزلوا بالسعر وخضعوا للمكاسر تراهم بعد كسبانين..

بسومة بريده

25-01-11, 01:34 am

لقيت وحدتن شوي إللا وتصيح http://www.arabs2arabs.com/smiles/icon_cry.gif من كثر ماتترجاه

يخسى اترجاه مابقى غيره...

اقول له مره واذا ماطاع جدعته بوجهه ورحت وخليته واقول له بعد وع من زينه ...

بريداويهـ

25-01-11, 01:34 am

احس هالكركتير مسوينه عن http://www.buraydh.com/forum/images/icons/icon10.gif

http://www.m0dy.net/vb/uploaded/120593/01193852202.jpg

يعني ادور
وادور
لحد ماتنسحل رجليني
واقيم السوق كله http://www.buraydh.com/forum/images/icons/icon10.gif

ثم ارجع للقطعه الي جازت لي ومعجبن سعره , من هالدوران كله

اكيد تعب
لكن بهالشي ما اذل روحي لناس ماتسوى
ولا اصير شبهه <-- نظراتهم للحرمه الي تكاسر شبهه

لكن لو معي رجل او امي اكيد انغزهم كاسروا http://www.buraydh.com/forum/images/icons/icon10.gif

ومتى ماكبرت وعجزت يمكن اتجراء واكاسر http://www.buraydh.com/forum/images/icons/icon10.gif

عذبـــــة

25-01-11, 01:44 am

والله على حسب البائع
ان صار يماني اشتري منه وانا مغمضه لو يقولي بألف عشان اهج عن وجهه ولا يخرب يومي من مقابله
وان صار شامي ابدا اكاسر وانشب بحلقه وكل ماخفض لي ارجع اكاسره زياده وبالأخير اخذ الغرض منه بسعره وازوده قرشين بعد وانا مستانسة
وان صار مصري تلاسنت انا وياه وحسرت به واذا طاع يخفض لي جدعت الغرض عليه وطلعت << تبي تقهره بس
وذا هو سعودي او بنقالي ارجع واطلع من المحل بدون اي كلام :c7:
واذا هو هندي حطيت حرتي فيه بالمكاسر وهددته اعلم كفيله عليه انه مايعرف يبيع واخذ الغرض بنص سعره

سراب الرحيل

25-01-11, 02:43 am

المكاسر .اذا كان المحل معتاد عليه من قبل النساء
كمحلات الحضارم والهنود ./
أما الماركات والمحلات ذات الأسعار الثابته عالمياً !
فلايمكن حتى السؤال عن السعر لأنه مدوّن وغير قابل للنقص .:.

shahd2007

25-01-11, 02:44 am

وشو المكاسر ..!!
يعني ينزل قيمه الشي ..!!
ماعتقد اللحين فيه شي يكاسر السعر ومكتوب ع البضاعه
اهم شي يرجع ريال لان دايم البضاعه 199
او 299:)

جُ ـمُوْحُ ~||

25-01-11, 03:10 am

بصــــراحه انا ماعندي وماعند جدتي بالمكاسر
بحياتي كسرت احد...
اصلا اغلب المحــــلات حاطين سعر ثابت
اذا اعجبتني البضاعه وسعرهااخذته ماعجبتني
خليته احس قلت ادب اقعد اطول لسان صوت المرأهـ
عورهـ وهذا رزقه حراام اطلعه بمرره ...
ابو يمن اكرررهه كرهنا جما لشفت وجه بالمحله هجيت
قسم يقهر هو عيونه اقولك وما اقولك

شكريا ع الطرح

فسقــان

25-01-11, 03:36 am

مره من المرأت دخلت محل

واسمع العجوز تكاسر ببضاعه بـ 200 وخذته بـ 90

يعني حسابين 110 ريال طاح من البضاعه

الصرحه بغيت اخذ رقم العجوز ابغى اتعاقد معه

لطلعو أهلي تروحَ معهم :f5:

العنقريه

25-01-11, 07:32 am

اذا كنت بالقبه كاسرت ولحطت العظم

اما بالنخيل والماركات ماتقدر تكاسر اصلا

كروومه

25-01-11, 08:06 am

انا ماحب اكاسر علشان خمس ولاعشره وحصلت لي مره قصه مع عجوز لو تنفخه كان طاحت مادي وش جايبه لسوق المهم فيه واحد مبسط بالارض ويبيع سعات تقليد ماركه الحريم عليه مالك مكان من كثرهن المهم انا والعجوزمعهم انا شريت ساعه والعجوز تصيح نزلي خمسه وهو يقول لا وهي وتصيح ثانيه نزل الخمسه وهو ماقدر هاذا سعره المهم انا رحمته قلت يمكن مامعه فلوس جيت وقلتله عطعه الساعه وانا اعطيك خمسه قال هاتي الخمسه قالت العجوز عطين الخمسه ابدور ساعه ثانيه وجلست اناضره ولاوهي تحلت الساعه وتاخذ الخمسه وتروح عليه بالعافيه ولله ياهي استغفلتن هالعجوز ارجو اني ماكون طلعت عن الموضوع ومشكورين عليه موضوع حلوووووووو

اميرة الابتسامه

25-01-11, 08:19 am

الاوالله انا اكاسر ولااخذالشي لما يجدع لي

اميرة الابتسامه

25-01-11, 08:21 am

http://www.buraydh.com/forum/tl4s-boryda/misc/quotes/quot-top-left.gifاقتباس:http://www.buraydh.com/forum/tl4s-boryda/misc/quotes/quot-top-right.gifhttp://www.buraydh.com/forum/tl4s-boryda/misc/quotes/quot-by-left.gifالمشاركة الأصلية كتبت بواسطة شعاع الكون http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4445462#post4445462) http://www.buraydh.com/forum/tl4s-boryda/misc/quotes/quot-by-right.gifhttp://www.buraydh.com/forum/tl4s-boryda/misc/quotes/quot-top-right-10.gif لاوالله استحي اكاسر
واذا شفت احد يكاسر ودي اقلده بس اخجل:f9:
ولاودي ههههه
http://www.buraydh.com/forum/tl4s-boryda/misc/quotes/quot-bot-left.gifhttp://www.buraydh.com/forum/tl4s-boryda/misc/quotes/quot-bot-right.gif

وه ياناس اموت انا على اللي يخجلون هههههههه
شعاع اذاجيتي تروحيين لسوق مرين وانا ادبرتس هههه

ابو ريناد

25-01-11, 08:35 am

المكاسر فن وسلاح يتقنه الرجال ويفوز غالبيتهم بدسكاوند جيد.
اما المرأه فلا يناسبها ذلك السلاح وانصحها ان لا تكثر منه

لانه يعتمد على شخصيتها ولباسها وجمال عيونها و هنامربط الفرس
لأن في هذه الحاله يكون ابن اليمن السعيد قد خر صريعا لتلك النجل وفاحة رائحته
وبدأ بالعد التنازلي وهو يردد لعيونك ونكسبك زبونه.

القلم الصريح

25-01-11, 01:16 pm

شكرا لحريم المضارب اللي لححقن الطرش رغم البررررد والمطر ونثرن حبر اقلامتهن وسط صفحات سهول المراعي بس احب انوه للي قالوا عن المكاسر انه مذله وهدر للكرامه !! انا قلت مكاسر وماقلت ترجي وتوسل والفر ق شاسع بين الاثنين ..المساله كلها تمسك البنت السنعه السلعه وتقول اباخذها بهالقيمه ولا قال لا تحطها على ماصته وتثضب الباب وهو راعي الحاجه فالمحلات كثار والبضاعه اللي عنده عند غيره وبالهبل ورايح يناديها ويتنازل ويرضى بالمكسب المعقول وبالنسبه للماركات لما تكون مسعره وش عاد !! نازله التسعيره من السماء !! صدقوني لو كل زبونه تقول مايصلح لي السعر اللي عليها كان تنازل ملعون الصلايب لانه دااااابل القيمه الى النصف او اكثر وياليت البنات اللي يستحن مايكون مضحاكه وطعم سهل للحوت الكبير .

فديكا التميمي

25-01-11, 02:46 pm

لزووم المكااااسر بس اغلب المحلاااات فواتير مااااش مالنا قدره عليهم
بس احسن شي الهندي بالمكاااسر على طول يهون معنهم صايرين مباليس يعرفون حركاتنااا

http://www.buraydh.com/forum/images/icons/icon10.gif

Modern

25-01-11, 04:25 pm

تكاسر تسولف تسوي اللي تسوي
بس تكفووون ياحريم لاتقولن ( ياووولللللد )
ياهي تحوم تسبدي لاقالن كذا!

مجرد إنسانه

25-01-11, 05:37 pm

المكاسر انه مذله وهدر للكرامه !! انا قلت مكاسر وماقلت ترجي وتوسل
مساله مذله انا معك ماهي مذله بالعكس احس انها شطـاره (كلمه ورد غطاها بالسعر الفلاني او لا ) مو تقعد ساعه تكاسره
بس الله يرزقني القدره على المكاسر
ماعرف ؟؟؟

اشوف بعض الحريم تنزل الى نصف السعر !!!!!

وبالنسبه للماركات لما تكون مسعره وش عاد !! نازله التسعيره من السماء !! صدقوني لو كل زبونه تقول مايصلح لي السعر
ثانيا الماركات المفروض الوحده يصير عندها اشوي ذهانه
وتستغل وقت التخفيضات

بصراحه بالهبل ينزلون السعر
يعني بعض القطع ياصل سعرها 30 و40
وهي قبل 200 او تزيد

تقبل مروري

العالميه

25-01-11, 07:40 pm

...ياحليلكم فيه مكاسر الحين؟؟؟

أظنه أندثر مع عاصفة هالمولات إشتري وخمي بعدين حاسبي
عند الكاشير وأنت ماتشوفين الدرب ... تخيلوا نكاسر !!!!!

تَـرفْ ♪

25-01-11, 08:14 pm

أعرف وحدة المكاسر يمشي بعروقها
لو تشوف شيء وحاطه فبالها مثلا انه ب 10 ريال ومعجبها هالسعر
ويقولها البياع ب سبعة , بتكاسره وتآخذ هالشيء ب 5 !
يعني لازم لازم تكاسر !!

بالنسبة لي ماقد طلعت للسوق بدون أمي
ف هي تكاسر أما أنا أجهل هذا الفن الجميل :)

القلم الصريح

26-01-11, 12:39 am

بس الله يرزقني القدره على المكاسر
ماعرف ؟؟؟

اغديك بعد بعد هالمقال تكاسرين وتصيرين شاطره ياليت تفيدين الجميع باول محاولة
لك نجحت ولا فشلت .
صدقوني ان سياسة محلات الملابس دبل السعر لانهم لاقينكم باختصار .

القلم الصريح

26-01-11, 12:53 am

...ياحليلكم فيه مكاسر الحين؟؟؟

أظنه أندثر مع عاصفة هالمولات إشتري وخمي بعدين حاسبي
عند الكاشير وأنت ماتشوفين الدرب ... تخيلوا نكاسر !!!!!
اصل اللي يدخل المولات مايصلح له المكاسر لانه ولد نعمه ولا ياكثر محلات الملابس اللي تعرض اصناف اجمل من محلات المولات بس هي الديكورات اللي تختلف والاسم

حلاتي بعنادي

26-01-11, 12:53 am

آكآسسره وآكسسر رآسه بعد ..<~ قويه خخ
خآصه آلقبه وطقته مآلي خلقهم لو آشوف يمني يبيع شي لو بعشره قلت آبيه بخمسه لعآآنه .. :(
آذآ شفت آبويمن تطلع شيآطيني يآبغضي لهم .. !
,

كل القلوب تغيرت

26-01-11, 01:39 am

موضوعك يجنن هههههههههههه

ماعرف ابد واسسسستحي اكاسر اخذ حاجتي بسعره

يعطيك العافيه .... تقبل مروري

نبراس القصيم

26-01-11, 02:04 am

اما المكاسر آخر شيء أفكر فيه

الأ في حالات نادره

ولا يمكن أترجاه عشان 5 أو 10 ريال

هي كلمة ورد غطاها آخر شيء كم

إذا عجبني السعر دفعت له الفلوس وأخذت غرضي

وأن ما عجبني قلت السلام عليكم وطلعت

عازفة ألحان الليل

26-01-11, 03:30 am

تكاسر تسولف تسوي اللي تسوي
بس تكفووون ياحريم لاتقولن ( ياووولللللد )
ياهي تحوم تسبدي لاقالن كذا!

مشكله عاد !
:)

o x y g e n

26-01-11, 03:38 am

عن نفسي بصراحه ما احب اكاسر..

وشوله اكاسر وتلاج انا وياه وآخرته ماني طالعه بنتيجه..

خاصه اذا كانوا يمنيين والله من ثقل الطينه والعناد بهم..

شكري لصاحبة الموضوع..

ناقه فسفوريه

26-01-11, 03:57 am

زي ماقالو الاعضاء راااح زمن المكاسر الحين أغلب المحلات مسعر وخالص

ومحلات ابو يمن مستحيييل اكاسر اخذ الشي واطلع بسرعه وعسانا نسلم منهم كره

وعلى طاري المكاسر مره كنا بمركز تجاري معروف وحنا نحاسب قدامنا

ولد يويلي تقطع وهو يكاسر والفلبيني حايمه تسبده منه يقول مافيه هذا سعر خلاص

والولد ملزم أخر شي حمق الفلبيني ويصرخ عليه ذيك الصرخه ويصبخ بالطاوله

ههههههههههههههههههه شكلهم توووحفه عجزت احاسب من الضحك

عوااافي القلم الصريح على الموضوع

عازفة ألحان الليل

26-01-11, 04:05 am

http://www.buraydh.com/forum/image.php?u=61192&dateline=1295997723

يااااااااااااي شو ها صورة الرمزيه يابشروه

<قلبت شاميه ههههههههههههه

عبدالرحمن اليوسف

26-01-11, 04:27 am

بعض المحلات يصير شاري قطعه مثلا بـ10 ريال بالجمله ..

طبعا يستغلون الحريم كالعاده .. وخاصه القبه الي الاسعار على كيفهم

يبيعها بالمحل بـ90 ريال .. تجي حرمه تقوله خلها بـ 85 .. وتكاسره ساعه .. لين يوافق .. بعدها تضفها وتنبسط اخر شي بالعالم .. تحسب انها لاعبه ليه ,

والقطعه ماتساوي 15 ريال بالكثير ..

جبل السكر

26-01-11, 06:05 am

انا من النوع المزاجي في المكاسره احيانا اكاسر واحيانا
اشتري من اول كلمه
بس للأسف قبل ايام انضحك عليا بميلغ خيالي لقطعة قد كفي ههه
المشكله سعرها محدد ليا من قبل احد المصممات
اهلي يقولو ليا اول ماسمعوا بالمبلغ خير جايبتلنا قطعة دهب :c7:
بس اكيد اخدت درس

بالمناسبه افضل باعه اليمنيين احيانا يخيرك بالسعر:11_4_124v

تكاسر تسولف تسوي اللي تسوي
بس تكفووون ياحريم لاتقولن ( ياووولللللد )
ياهي تحوم تسبدي لاقالن كذا!

اما ولد
ليه اصغر اخوانها هههه

فوشيا

26-01-11, 08:26 am

بصراحه حسب المزاج اوقات لما يكون المحل زحمه لا والله مالي خلق واذا مستعجله ماكاسر ابدا

Modern

26-01-11, 02:23 pm

اما ولد
ليه اصغر اخوانها هههه

مو على اصغر عيالها ياورد
على الاسلوب اللي تنقال فيه :([/center]

عذبـــــة

26-01-11, 03:14 pm

تكاسر تسولف تسوي اللي تسوي
بس تكفووون ياحريم لاتقولن ( ياووولللللد )
ياهي تحوم تسبدي لاقالن كذا!

سبحان الله انا مااتسلط وابدا اقول ياولد الا اذا شفته سعودي لابس بدلة وكااااشخ مرة
ومرات اقوله تعال يامحمد ليش مافي سوي حساب ؟؟ ابي وجهه يضيع ويدري انه مهما كشخ مستحيييل يصير زين

Modern

26-01-11, 03:17 pm

^
طيب
تقولين ياولد
ولا ياوووللللد :(

وخليك بالرياض لو سمحتي

عذبـــــة

26-01-11, 03:34 pm

^
طيب
تقولين ياولد
ولا ياوووللللد :(

وخليك بالرياض لو سمحتي

لا والله اقول ياولد بدون تشديد .. انطقها وتشوف انها شينه
بعدين كان تبي تسوي فيني خير ادع لي اني مااجي من الرياض طول عمري من غير شر
>> وش عنده داخل مخفي ؟ لايصير طايحن بالحب !

القلم الصريح

27-01-11, 11:05 pm

http://www.buraydh.com/forum/image.php?u=61192&dateline=1295997723

يااااااااااااي شو ها صورة الرمزيه يابشروه

<قلبت شاميه ههههههههههههه

بايخ الشماغ مخليه مايصلح للرومانسيه ابد ابد حامت كبدي تقول حاضنه لها خرقه باليه !!!!!!
>>>>>>>>>>>> فاصل اعلاني وسنعود للمكاسر لا تروحون بعيد

نادرة الوجود

28-01-11, 02:07 am

الشكوى الى الله يااللي اتشجعون الحريم على مكاسرة الرجال للأسف مهنا رجوله

o x y g e n

28-01-11, 02:15 am

القلم الصريح..

وراك اولاه تتطنز وقسم اخنقتن العبره..

تراي منحيني والمه..

اذا ماجزتلك صورتي ترا عادي اغيره ماعندي مشكله

بس اهم شي ماتحطمن..

Tulane

28-01-11, 02:22 am

^
لو مكانك ماغيرتها عناد :)

مع أنها مهب زينه هههههههههههه
<- عاد صورتك اللي زينه

ماعلينا

المكاسر مهب زين يطيح من قدر المره
وعلى قولة وحده من الأخوات
البضائع أسعارها ثابته على وش تكاسر ؟

القلم الصريح

28-01-11, 02:22 am

الشكوى الى الله يااللي اتشجعون الحريم على مكاسرة الرجال للأسف مهنا رجوله

ماشاء الله عليك يندر جنسك على الارض !! ولما تتكلم نادرة الوجود مالي غير اسكت وانطم واردد.. صح السانك >>>>>> وبرد غطاء الكلمة عنك بعد ( صح بدنك) .

القلم الصريح

28-01-11, 02:31 am

^
لو مكانك ماغيرتها عناد :)

مع أنها مهب زينه هههههههههههه
<- عاد صورتك اللي زينه

ماعلينا

المكاسر مهب زين يطيح من قدر المرأه
وعلى قولة وحده من الأخوات
البضائع أسعارها ثابته على وش تكاسر ؟

المكاسر ينقسم الى قسمين
1- اللحوح وهذا مرفوض شكلا ومضمونا
2- مكاسر الشموخ وهو السلعه تصلح لي بالهقيمه ولا بدور عند غيرك !!
قال لا حطيها على ماصته وانسحبي وهو بيناديك لما تاصلين الباب .
بورك عزمك يافتاة العرب .

القلم الصريح

28-01-11, 02:36 am

القلم الصريح..

وراك اولاه تتطنز وقسم اخنقتن العبره..

تراي منحيني والمه..

اذا ماجزتلك صورتي ترا عادي اغيره ماعندي مشكله

بس اهم شي ماتحطمن..
لا يضيق صدرك ولا شيء وانا اخوك المساله كلها اختلاف نظرات .. انت لا تقطعين الامل بالله انه يجي غيري ويمدحها ( يقولون لولا اختلاف الانظار كان بارت الصور ماادري السلع )
وهالحين روحي نامي واحلام سعيده لا تنتهي .

رواسي

28-01-11, 02:40 am

البآعة الرجال لاعلاقة لنا بهم محارمنا من يتفاهم معهم
غيرهـ ماقد قآبلت بآيع لوحدي ممنوع وحرام الخلوه

أمآ االبائعات النساء فأسأل سعر الشيء إذا كان مو مسعر إذآ كان غآلي ارجعه وأسوي يعنني بس أسأل مآأبغى أشتري
وإذآ كان قد إمكآنيتي دخلته بالكيس بدون مكاسرات

والمحاسب الله

عاشق ديرتي بريده

29-01-11, 12:06 am

الحمدلله على نعمة الامن متى يروح وراء خخخخخخخخخ

نجداوي

29-01-11, 12:39 am

المكاسر حق مشروع دام الدوله لم ضع اليه معينه لتسعير السلع بشكل عام

ومن المعروف ان تجار المملكه من اشجع واخس تعامل باساسيات جلب الزبون

شكرآ لك .

القلم الصريح

30-01-11, 10:36 am

فينيسيا

04-02-11, 12:07 am

مافي امل اكاسر في الاسواق العادية اذا قال لي السعر وانا اعرف انه مو سعره اطلع

بس اذا ابي الشي ضروري ما ادخل المحل الا وابو الشباب قبلي لانه هو اللي يعرف

بعدين في بعض اليمنيين قليل ادب لازم يكون معي رجال لأنه اذا قل ادبه ساعتها

ما يريحني الا اقرب شي بمحله ارسله بوجهه وبعدها ادق على الهيئة يشوفون شغلهم.

هلاوين

07-02-11, 02:47 pm

عاد من زين مكاسرررررررهن تحصل البائع يقول هالغرض 200 ريال هم لا ياحبيلك خله 198

من حقهن يكاسرن بس يكاسرن زين يعني شي يسوى

ٱزξــآجْ ™

07-02-11, 06:08 pm

هلاوين

08-02-11, 12:04 am

بحياتي كله ماقد كاسرت بشي اذا هو عاجبن اخذته واذا موب عاجبن تركته لـأهله
او اذا ماكفن الفليسات الي معي وعاجبن <انقز لـأمي اخليه تكآسره
تخليه بدال ماهو 220 يوصل لـ 100<ياحبي لتس ياميمتي

ايه كذا يسوى المكاسررررررر

ابشري سيارة ياليت امك تجي معاي وله نص للي يخصمون من مكاسرها هههه

كااااجو

08-02-11, 01:43 am

والله سؤال اول مره يطرح هنيا
خذ العلم يالقلم الصريح..اكاسر وبقوة اذا مو مستعجله والبائع هو اللي يحدد السعر اما اذا مستعجله ولقيت اللي ابي بعد جهد جهيد على طول اشتريه مع شوي مكاسر ان نفع والا لا
مره ابشتري ساعة من كشك بشركة مكة اول سعر ب60 وكاسرته شوي ويخليه بعشرة بس نسيت مدري شريته والاسحبت على ابو هنود