المساعد الشخصي الرقمي

مشاهدة النسخة كاملة : {{( ..~ شـويـّـة ~أحـآسـيـس ~.. )}}

مقبل الجعفري
12-01-11, 08:00 am
هنا سأكتب احاسيسي وآهاتي
هنا سأكتب مواويلي وعبراتي ..!!

هنا سأرمي قناع (ن) كاد يلبسني
هنا .. انا طفل .. لا .. أملك قناعاتي ..!!

هنا تفاصيل شاعر مالئ الدنيا
وشاغل الناس .. حتى في معاناتي ..!!

لم اكتب الشعر ..يوما لجل اكتبه
الشعر يرسم تفاصيلي لابياتي ..!!!

الشعر بحر(ن) انا اعظم قواربه
الشعر تيار لا يرحم شراعاتي ..!!

انا ابسط انسان في طيبة تعامله
واصعب انسان في قلبي وفي ذاتي ..!!

اقدس الحب .. لاكن لايقدسني
لضعف قلبي ورغباتي ونزواتي ..!!

الحب ليس بضاعه بيد بائعها
في الشهر .. تعشق عشرآت العشرآتي ..!!

الحب ليس شراب الخمر والانثى
الحب ليس شعار (ن) للشهاواتي ..!!

الحب ليس إراده ..وإتخاذ قرار
ان شئت ياااتي وان لاشئت .. لاياااتي ..!!

الحب كالموت .. لاندري بموعده
أذا اتى جلّ وسعي .. رفع راياتي ..!!

العاشق الحق ّ .. لاينسى محبيهِ
ولو تمر الليالي والسنواتي ..!!

العاشق الحق ّ ..ان فارق يضل وفّي
اوفى من الصبح في عين الحماماتي ..!!

يذكر ليالي المحبة .. مع نسائمها
ويعيد .. مع صبح فيروز .. الصباحاتي ..!!





يسعد لي آقآتكم بكل خـيـر ..
هنا سيكون ركني الهـآدي ..
وشوية آحاسيسي ..
علمآ ان جميع ماسيكتب هنآ من نزف قلمي ..
كونوا بالقرب ..

.
.


8/2/1432 هـ

.
.



جنآئن ورد لاروآح العابرين من هنآآآ ..
مقبل الجعفري
12-01-11, 08:02 am
/
\
/



اللي بقى بقلبي ~ شوية احاسيس ~
.................................والباقية راحت من صدوف الايام !!!

كم كنت ابي ليلى وكم كنت انا قيس
.................................لكن طلع تفكيري اوهام باوهام !!!

كم كنت مخلص في جميع المقاييس
..............................وكم كنت أداريها.. وانا كلي حطام !!

وكم كنت اشب بليل حزني فوانيس
................................وابنيلها بروض الصدر بيت وخيام !!

وكم كنت انام وكان نومي كوابيس
..............................وكم كنت اجي بنام ولا اقدر انام !!!

والحين دقت للفراق النواقيس
...........................مشكور ياقاسي .. من اليوم للعام !!!

وياقلبي ياللي شيبتك الوساويس
......................................نهايتك تشبه نهايات الافلام !!

لاترتجي رحمة قلوب(ن) مفاليس
..........................ولا ترتجي بسمه من قلوب الايتام !!!

ولا ترتجي بوح القلوب المحابيس
..............................ولاترجي حلمك بيد قتالة احلام !!!

صحيح باقي بك شوية احاسيس
..............................لكنها .. تكفي من الشام للشام !!!


/
\
/


نزفي
مقبل الجعفري
12-01-11, 08:06 am
/
\
/


شآعر معي ورد وآحآسيس وآهآت ..
............................يطغى على نزوة آحسآسي .. حمآسي ..!

شآعر مزيج من الامل والمحآتات
.......................................لو ان هبوب اليآس تلعب برآسي ..!

(آحب شعري) و(آكرهه) بعض الاوقآت
...................................لا من نزفلي شي.. مآهو مقآسي ..!

انا غريب آوطآن .. مستوطنن ذآت
...................................يسكنبه آحبآبي وآهلي .. ونآسي ..!

آحيآن من كثر العذآبات .. مآبات
..............................وآحيان يغشآني وانا احكي .. نعآسي ..!

المشكله سكّة حيآتي .. متآهات ..
..................................والحظ يلعب معي لعبة .. كرآسي ..!

رسيت معكم شعر .. وآحساس وابيات ..
.................(مستوحش آحساس) وحضنتوا .. آحسآسي ..!


/
\
/



نزفي ..
مقبل الجعفري
12-01-11, 08:10 am
//
\\
//


تغيب (عشر ايام ).. عن (عشرة آسنين)
من هو حسب في غيبتك .. ( يــوم ) عن ( عآم ) ..!

ليتك مودعني .... ودآع المحــبين
مآهو مثل توديع ...( سلام .. سلام )..!

تصدق .. اني من غيابك.. لـهالحين
كبرت (عشر سنين) في (عشرة ايام ) ..!

//
\\
//

نزفي ..
مقبل الجعفري
12-01-11, 08:24 am
/
\
/



( عقّال) نحكي بعقل ودبلوماسية
.............................وأفكارنا قبل لانحكي نرّتبها ..!!


والى سرحنا وحكينا بالرومنسية
.....................يعني على قولة العالم .. نخرّبها ..!!


اضمها لين تشهق بأسمي شوية
.....................وتضمني لين أشرقها .. وأغربها ..!!

حلا .. على خفة الدّم القصيمية
...............( ملكّعه ) ماتسوي شي ما أعجبها ..!!

تغار منها .. الفتايات الجنوبية
......................لاصيفت بالاجازة في ربوع أبها ..!!


/
\
/

نزفي
مقبل الجعفري
12-01-11, 08:29 am
/
\
/



جامل من تقابل على حد معقول
ان كان ودك .. في حياتك تـرافق ..!!

اضحك وسولف معه بالعرض والطول
لو كان مابينك وبينه توافق ...!

حتى لو لسانه مع الكل معسول
لاتقول له يكفي كذب .. يامنافق ...!

كذا تصير إنسان متحضّر وكول
تعرف متى (الغاء الامر) .. و(موافق) ...!


/
\
/

نزفي
مقبل الجعفري
13-01-11, 02:35 am
--------------------------------------------------------------------------------

/
\
/




( لا تستشك بحبي) .. الله يخليك ..
................... وانا خيالي ( كل ليله ) يجيلك ..!


اطالعك ( وانت بمنامك ) واغطيك ..
.............. ( وابعد عن عيونك .. حراير جديلك )..!


(واضمّك لصدري ) واذا خفت آصحيك ..
............. ابعد شوي .. وكل .. ( مــآ آبرد آجيلك )..!


يعني عن الاشواق .. ياروح مغليك
....................مشتاق لك بالحيل ( الله وكيلك ) ..!

/
\
/

قلمي ..
مقبل الجعفري
13-01-11, 02:43 am
/
\
/


مآ هوب صوتي يوم انــآدي تعـــالي ..
.......................... هذي دمـوعي .. نآدتك يوم رحـــتي ..!

كنت متمسك فيك وآنزف وصــآلي ..
............................لكن حقرتي دمع عيني .. وطحتي ..!

والحين يوم الوقت دآر الليالي ..
..................................جيتي بقايا آدميّة .. وصحتي : ..!

قلتي .. ودمعك سال والكحل سـآلي ..
................................انكّ من الفرقى كثير آنجرحتــي ..!

قلتي : انا الغالي وغالي لحالي ..
......................( قولي لي شي آصدقه لو سمحتي ) ..!

سكتي .. وكــآن بسكوتك سؤالي ..
..................................نآظرتك وكنك بمــآريد .. بحتي ..!

أصدقك لا من سكوتك .. حكـــآلي ..
...........................وأكذبك .. لامن سكّت .. وشرحتي ..!


/
\
/


قلمي
مقبل الجعفري
13-01-11, 02:44 am
لو هي على ضرفــك .. يهون آحتــمآلـه ..
المشكله .. مآحسك فـبعدك .. ( أشتقت ) ..!

.
.


علـــيّ تسـتكثر تــــدز الرســآله ..
وآنا بســوآك آستكثر آقزر ( الــوقــت ) ..!

.
.


قلمي
مقبل الجعفري
13-01-11, 11:12 pm
.

.

.


مشتاقلك .. ولا بقى فيّ بــآقي ..
.................... مشتاقلك .. كثر مازودت .. همّك ..!

تعالي الله لايرد الفـــرآقي ..
.........................بتأكد آن للحين .. دمّي بدّمك ..!

الشوق يذبح .. والبطــآ مايطاقي
.....................احيي عروقي الميته يرحم أمــك ..!

من كثر مانتي مبطيه عن عنآقي ..
..................شوفي خفوقي مستحي لا يضمك ..!

.

.

.


قلمي ..
مقبل الجعفري
13-01-11, 11:15 pm
/
\
/


تنشد عن اخباري .. وانا انشد عليها ..
................... اذا فتحت لريح شوقك .. درآيـــش ..!

تسأل ريـآحك .. دنيتي ويش فيهـآ ..
............... واقول ودموعي على الخد : ( عــآيش ) ..!

/
\
/

نزفي
مقبل الجعفري
13-01-11, 11:16 pm
/
\
/


( آيه ذا طبعي .. وهذي دنيتي ) ..
............. وادري مقّصر .. وعذري .. ملّـني ..!


وادري انك منجرح من سبتي ..
......... ( وادري انك .. من صحيح .. تحبني ) ..!


حتى انا آحبـك .. يكـآره غربتي ..
................وكـآن ماتقدر تحمـّل ..( خلـنّي ) ..!


/
\
/


نزفي
مقبل الجعفري
13-01-11, 11:18 pm
/
\
/


انا لو اني مثلهم ماعشقتين ..
............................. واظن آكثر مآعشقتيه .. عــزّي ..!

مآ ( آرمي طهر قلبي ) على الزين والشين ..
.....................ولآ آجلس على درب الغرام .. متوّزي ..!

آحفظ قدر قلبي .. لـ طهر المحبين ..
......................طبعي كذآ.. ماآحبّ .. آجآمل .. وألزّي ..!

وعشــآنك آتعرفيني زين مازين ..
...........................على رغم تقصيري آن جيت .. فــزيّ ..!


/
\
/

نزفي
مقبل الجعفري
13-01-11, 11:19 pm
/
\
/


انا على خبرك ترى ماتغيّرت ..
.................... وترى الغلا في وسط الاعمــآق بآقي ..!

حتى لو اني في مجييّ .. تأخرت ..
........................... مآهوب يعني يآحبيبي .. فرآقي ..!

انا تعذبت وتعبت .. وتكّــدرت ..
........................واشتقت .. ودموعي دليل آشتيــآقي ..!

/
\
/

نزفي
مقبل الجعفري
13-01-11, 11:22 pm
حنآنك اللي كنت أدور فِتآته
سنة جفاف القلب ومحول قآعي ..!!


أيآم كنتي وسط قلبي فَتآته
من قبل لاطوي عن غرآمك شرآعي ..!!


قفّيت عنك بعين/ بايع حيآته ..
وآنا مقفي .. كني .. اطعن .. نخآعي ..!!


وانا ليآ قفّيت .. دون التفاته ..
مال التلفت بعض الاحيآن .. دآعي ..!!
مال التلفت بعض الاحيآن .. دآعي ..!!
مال التلفت بعض الاحيآن .. دآعي ..!!


.

.

نزفي
مقبل الجعفري
13-01-11, 11:24 pm
/
\
/



قالت تبي حبة بنادول ويغيب
عنك الالم ويطيب راسك وجسمك ..!

قلت العفو .. مآهي تودي ولا آتجيب
حتى بنادول اكسترا ..( لآيهمك ) ..!

اللي يخليني من آوجآعي .. آطيب
اني اتكي وسط حضنك ( وآضمك )..!



/
\
/

نزفي
مقبل الجعفري
13-01-11, 11:27 pm
/
\
/


لبيه يالصوت... لا ذابت وجاء منساب
يعـّلم اللي مايعرف بحه .. ( الــبحّــه )..!!

أسوي اكح .. (كح .. كح ) .. وانا كذاب
ابيها تقول لي .... مع خوفها .... ( صحّه ) ..!!


/
\
/
نزفي
مقبل الجعفري
13-01-11, 11:29 pm
.

.


وقفه .. تأمل .. آنشرآح .. وتفائل ..
حلوه حياتك .. يآللي تفهم .. حيآتك ..!


لا ضقت لا تخلق لضيقك تسائل ..
الضيق يابن آدم معآك.. لــ ممآتك ..!


خذ العبر .. من مآ عبره الاوآئل ..
وطور حياتك .. وآبتكر من سوآتك ..!


ولا تسلم الاقوال لا قال قائل ..
شف اللي يؤمن فيه عقلك وذآتك ..!


حتى لو انه عالم .. بعلم .. هائل ..
مو شرط تتوآفق جهته .. وجهآتك ..!

.

.





نزفي ..
مقبل الجعفري
14-01-11, 02:11 am
/
\
/



بـبعد .. وآسآفر عن مدينة غرآمك
يمكني القى في طريقي .. مدآين ..!!


ياللي طعنت مرّوتي في كـلامك
جرحك ثشوفه من ورى الثوب .. بآين ..!!


في كل خطوة صد .. أسمع حطآمك
كنك تنآدي .. بس مآني .. معآين ..!!


إتعب على فرقآي .. وأجمع ركآمك
قلبي من افعالك غدى ( آآآوف ... لاين ) ..!!



/
\
/

نزفي
مقبل الجعفري
14-01-11, 02:14 am
/
\
/




قالت بحضنك .. قبل لا آروح عنك ..
........................مآدام دمعي سال من قبل لا احكي ..!



قالت اببكي ياحبيبي بحضنك ..
...........................قلت احضنيني حتى انا ودي ابكي ..!





/
\
/
نزفي
مقبل الجعفري
14-01-11, 02:18 am
/
\
/


عــآتبيني قد .. ما بقلبك غرآم ..
......................العتب مايزّعل (( اللي يعشقون )) ..!

(انا غبت ) وكآن لاحقني ملام ..
......................للي عن ( جملة ظروفي ) يجهلون ..!

وانتي مانتي جاهله (وبشكل عام ) ..
.......................عارفه حيـآتي يآقلبي .. ( شلون ) ..!

انا ماقلت (اتركيني ابغى انام ) ..
........................انا قلت : ( طعوني الزرقاء طعون) ..!

عاتبي وبدون اصابع لاتهام ..
.......................الظليمه ..(( موت اللي يعشقون )) ..!


/
\
/
نزفي
مقبل الجعفري
14-01-11, 02:21 am
/
\
/



لاضاق فيك الفضآء وانقفلت ابوبابه..
.........................تجي على دكة احساسي .. تدورني ..!

ويستقبلك قلبي الطيب بترحابه ..
..............................وتقول تعبان وهمومي تحاصرني ..!

واقول سولف عن الحزن وعن اتعابه ..
..........................ضيقك بشيله عسى ربي يقدرني ..!

وأحضنك وانسى غياب الحب واسبابه ..
.....................وآقول آحضْنك بعد .. وتقول : كسّـرني ..!

وأحضنك والدمع متشابك ومتشابه ..
............................آبيك تعرف شكثر البعد .. دمرني ..!

وتروح والحزن شلته عنك بترآبه ..
...........................وتقعد سنه ياحسافه .. ماتعبرني ..!

/
\
/

نزفي
مقبل الجعفري
14-01-11, 02:34 am
/
\
/


وشلون آطيق الصبر .. يالخــآطر الشــين ..
.................... وشطّ الصبــر .. ذآبت رجولي بـرمله ..!


اكذب على نفسي واقول الصبر زيــن ..
..................... والجرح من بين المعاليق .. كم له ..!


يـآرب آبي لي زود .. رجلين .. ويدين ..
.................... عشــآن اقوم بحملٍ .. آزريت حمله ..!


/
\
/

نزفي
مقبل الجعفري
14-01-11, 02:42 am
.
.
.
.



جنآئن جوري لاروآح العــــــــآبرين من هنـآ ..
منورين ..
كونوآ بالقرب ..



.
.
.
.
مقبل الجعفري
14-01-11, 03:35 am
/
\
/




آزعل عليها من الغلا والمونه
وان جت تناديني .. عطيته متني ..!

مسوي الزعلان .. وهي مجنونه
وتجن اذا طنشتها ان نادتني ..!

نحيف انا وهي دوبه وملسونه
اليا بغت تجيبني .. جآبتني ..!


/
\
/

نزفي
مقبل الجعفري
14-01-11, 03:39 am
.
.
.


تغيب عني .. وآجمّع بآٌقي طيوفك ..
....................اللي تركها مجيك .. يومك .. آتجيني ..!


والحين تمضي بي الايآم .. مآشوفك
..................عزي لعيني .. بعد مآغبت عن عيني ..!


تعال بحطّ يديني على كتوفك
...................وآقول .. وشلون هالمدّه .. تخليني ..!


وآذآ بتجيني جماله .. ردّ معروفك
......................الله عن اللي بليآ شفّ .. يغنيني ..!


.
.
.
نزفي
مقبل الجعفري
14-01-11, 03:42 am
/
\
/



يا(أطهر ) من الصبح .. لا رآح السحاب ..
...............................بعد ليلة حب .. كآنت .. ممطره ..!

ويا (انبل ) آمن الذكر .. في دنيا الغياب ..
..........ويا (اصدق) آمن الدمع .. (في خلوة .. مره ) ..!

ويا (اجمل) من الحب .. وآحساس العذاب ..
..........................في قلوب (ن) بالحنين ... معمّره ..!

ويا (اعمق) من الشعر وآكثر انسياب
...............في شعر مقبل ..ليا اصْطفق .. بحـــــره ..!

ايـــه .. يا بنت السحابه .. والضبآب ..
.........................شاعرك( شوقه )مع الدمع آنثره ..!

كآن شوق النآس .. (تعبير وخطآب ) ..
..................والله ان شوقي .. (جنون .. وثرثره ) ..!


/
\
/

نزفي
مقبل الجعفري
14-01-11, 03:44 am
/
\
/



(جوالك المقفول ) .. من يوم مآغبت ..
.....................الله يرزقني كثر .. مآزهمته ..!


شوقي لك اللي من شهر كابته .. كبت
....................لحظآت لو جيت اكتمه .. مآكتمته ..!



تعبت آدق الرقم لامين .. شيبت
..................واللي يقول ( الرقم مقفل ) .. رحمته ..!


/
\
/

نزفي
مقبل الجعفري
14-01-11, 03:47 am
/
\
/



صعبه تكون انسان .. ضآيع وتايه ..
......................تمشي .. ولاتعرف نهاية .. مصيرك ..!

والاصعب انك في طريق النهايه ..
..........................يصبح مصير يديك .. بيدين غيرك ..!


/
\
/

نزفي
مقبل الجعفري
14-01-11, 03:52 am
من اقرب ابياتي الى قلبـي :






كذا تغيب وتترك الروح وتروح
........................كذا تروح بقلبي اللي خذيته ..!!

كذا تخليني من الهم مذبوح
........................مافيه درب خالين مامشيته ..!!

شلت بيدك قلبي وانا كلي جروح
.................وبعد ماشفت جروح قلبي رميته..!!

ليتك زرعته داخلك باوسط الروح
.....................والا ياليتك ماشقيت وشقيته ..!!

مادام مالك فيه غاية ومصلوح
...................قلي بربك بس ليه .. اشتريته ..!!

يعني تبيني بعد ماتبعد/ انوح
.............يعني مايكفي دمعي اللي بكيته ..!!

اذا ضميرك حي .. بقول لك : روح
..................عشان تتأنب بليل (ن) سريته ..!!

واذا ضميرك ميت .. مسموح مسموح
...........اللي ضميره ميت .. رجواه .. ميته ..!!
.
.
.
مقبل الجعفري
14-01-11, 03:54 am
/
\
/


كل ضيقة تنفرج لو طآل صبرك
..................يآقليبي مشّـها .. والعمــر مرّه ..!!

لو حفرت من الزعل بيديك.. قبرك
.....................كل عبد.. وله محدد مستقرّه ..!!

والتغاضي ..عن صغيره فنّ .. كبرك
.................والتمني.. للكبيره .. فيه .. حرّه ..!!

أعرف حدودك .. وقس شبرك بشبرك
......................القناعه .. ماتلّحقك المضرّه ..!!

وان تغّير في رجال الكون خبرك
........................لاتزوّد بالملام .. ولا تشرّه ..!!

وسّع بطآنك .. ولو طولت صبرك
.....................للاحبة مره .. ومره .. ومره ..!!


/
\
/

نزفـي
مقبل الجعفري
14-01-11, 06:40 am
http://www.alhnuf.com/up/pics-gif/upload/uploads/images/alhnuf6f56c60ac7.png


تصميم لـآبيات لـي :


ماغبت عنّك ذهآب الا وكلي آيآب
شآعرك يآملهمه .. قد هل لك مدمعه ..!

ظروفه اللي تجي حتى بليا حسآب
يقسم لك بصبح وجهك بآنها .. موجعه ..!

لاتسمعين لعذول .. وتكرمين العتاب
( مدآم قلبه معك قلبه يبي يرجعه ) ..!



.
.
.


مقبل الجعفري ..
مقبل الجعفري
15-01-11, 01:36 am
/
\
/


مستعد آمووووت .. دونك مآ أهاب ..
........................... بس اشوفك .. يآحياتي ..( سالمه )..!

وان سألتي ليش تتحمل عذاب ..
................................آنا احبك يآحياتي .... فآآآآهمه ..! ؟


/
\
/


نزفي
مقبل الجعفري
15-01-11, 01:38 am
/
\
/


يوم سبتي قبل ماعرفك ثقيل
..........................كن لحظاته .. وساعاته .. تطول ..!!


أثقل إمن الضيف بعيون البخيل
....................وأثقل إمن المشي بعيون الكسول ..!!


وبعد حبــك .. كل ماحولي جميل
..........................صرت تملأ دنيتي كل الفصول ..!!

حب صبح احساس عصر اشواق ليل
..........................ياكفا الله حبنا .. عين العذول ..!!


/
\
/

نزفي
مقبل الجعفري
15-01-11, 01:41 am
/
\
/


البرد أبدري .. ( كيف يسكن عظآمك ) ..
........................... وانتي ( دفى ) من شعر رآسك لـ رجليك ..!


( برد الغياب وبرد الاشواق) ضآمك ..
........................... وانتي ( دفى الاحساس ) متجمعن فيك ..!


من يبتعد عنك .. وينسى غرآمك ..
.................................. لو متّـي إمن البرد ( مآهو مدفيك ) ..!


ضمي( عليك يديك ) .. حـــزّه منآمك
.............................وصدقيني بتنسين ( كل شي حواليك )..!
/
\
/

نزفي
مقبل الجعفري
15-01-11, 01:43 am
/
\
/


لو شفتي اللي في ( غيآبي // جـرآبي )..
.............................آذآ انتي من قلبك ( تحبين // تبكين ) ..!

وحيد مآ آحد(ن) في ( عذآبـي // درآبي ) ..
......................كـن مالي آسم(ن) بين ( آقصين // وآدنين )..!

آسكت واخبي في ( ثيــآبي // صـوآبي ) ..
...........................لو فيه من بين ( الشرايين // ســكين ) ..!

مؤمن بأن اللي ( جــرآبي // كتآبـي )..
.........................واللي كتب ربي من ( العين // للـعين ) ..!

لـكن يزّود في ( غيــآبي // عذآبـي ) ..
.........................آني آذآ آحتجت آنك ( تجين // متجين ) ..!


/
\
/



نزفي
مقبل الجعفري
15-01-11, 01:44 am
/
\
/



تقول لي : ( لاجيت اذاكر لقيتك ) ..
..................... على حروفي في ( وجيه المَلازم ) ..!


لاجيت ابقرى آي كلمه قريتك
.........................حتى قصيدك في خيالي .. مْلازم ..!


وان راسلتني قلت : ( انا مانسيتك ) ..
.................بس الدرآسه ..( مهرها شخص عازم ) ..!

حتى انا مشتاقلك .. وآحتريتك ..
.............................لكن معآك آحيان .. بكون حآزم ..!


قالت : (آبي صوتك دقيقه ).. فديتك ..
.................قلت آهو لازم .. قالت : ( آكيد .. لاااااازم ) ..!

/
\
/


نزفي
مقبل الجعفري
15-01-11, 01:49 am
ابيات قديمه لي باللهجه القصيميه :d
لا تدققون ..


.
.

آذآ ان في بالك ليا غبت ابنسآك
..............................ريّح ملايكت الغرآم .. و تطّمن ..!

من ذآق توت شفآك والا تحلوآك
..........................من هون والا هون آو من آو من ..!

بلاش آطولها كذا جعلي آفدآك
..........................لاشفتي ضيّعت بالهرج .. خمّن ..!

لبى قصيمية حروفك .. ولبّآك
..........................غلاك في قلب بدوي .. مايثمّن ..!

من اللكاعه قلت لي : روح منّآك
..............ومن الميآعه قلت : ( بشويش ضمّن ) ..!

تبدى تحدآني .. وانا آبدى آتحدآك ..
...............آقول : آبآذوّبك .. وتقول : .. ( همّن ) .. !

آجي هنآ .. وتقوم .. وتبّعد آهنآك
......................وآجي هنآك .. بعذر لو مايسمّن ..!

وآضم صدرك وآزرع البرد بآحشآك
.......وآقطف دفى نهود(ن) من الشوق .. زمّن ..!

وآدخل بدنيا الحب .. وآنْسٍيك دنياك
................وتقول لي يآمرهف آحساس سمّن ..!

سمّن حبيب(ن) يزعل الكون لرضآك
.................يآ آول بشر في مشلح الحب لمّن ..!

سمن حبيب(ن) .. موتته يوم فرقاك
......................وتذكّر .. آني في رقبتك مأمن ..!

سمّن حبيب(ن) في غيابك تحراك
...............آدمى الدقآيق شوق .. لامين دمّن ..!

لاتغيب عني لو ظروفك تبّلاك
.................حس بجروحن بالغياب آستشمّن ..!

قلت آلبلا آن دروبي آهيال وآشوآك
......................والا انت دربك قبل تولد مأمن ..!

آوعدك آكون بحرّه الصيف مويآك
..................آشرب وقل يآصيفهم .. مآتهمّن ..!

واوعدك اكون اقرب من الارض لخطآك
.....................وانا حروفي لاوعدّنك .. يتّمن ..!

واللي زرعبك نكهة التوت بشفآك
....................مآعاد آنا بغيب عنّك .... تطمّن ..!

.
.
مقبل الجعفري
15-01-11, 01:53 am
/
\
/


ياشعب الذكريات اللي تزآحم قلبي المهجور ..
........................................هتآفاتك من اول .. تجمع دموعي .. وتنثرها ..!

يومنك ترفع شعار الحبيبه .. وآكشف المستور ..
..............................قبل لا اقسى .. وأجمّد دمعتي في وسط محجرهآ ..!

ترى ماعاد لك قيمه ياشعب الذكريات .. البور
...........................................وترى ماعادني لاجيت يمي .. بـــآتذكرها ..!

تبرّدني غرابيل الزمـن .. وآعيش خلف النور ..
......................................وآروح آنفخ رمـآد آحلامي الغبراء .. وآجمرّهآ ..!

تبلدت وبديت آشعر بأني رجل دون شـعور ..
.......................................وانا شـآعر .. ليا جآب القصيده جت مصورها ..!

اكحل بالقصيد الجزل عين الشعر .. والجمهور ..
.................................................و آنزلها وآخليها لشواعير(ن) تذآكرها ..!

الا مني تعليت السحآب .. وجيتكم ممطور ..
........................................ترآني جآيبن لي نجمتن .. يعجبك منظرها ..!

ما احب اصنع شعروالصنع لو زين ماله دور ..
.....................................صنآعات الشعر .. آدنآآآآت هبوب(ن) تطيرها ..!

لا مـآنع من التحديث .. باللفظ .. بالمخبور
..........................................ولا مانع اليا اعجبت في فكره .. تطورها ..!

انا اكسر شعر .. يانآقد قصيدي .. واعزف المكسور ..
....................................والا منك قدرت تجيب مثل ابياتي .. آكسرها ..!

الا مني بديت اكتب وغصت بحور تلو بحور ..
.....................................اخلي موج آحاسيسي على كيفه يسيرها ..!

وترى مايقتل اشعار الجزيل ..ويزعج الجمهور
............................................سوى تفكيره انه قبل يكتبها بينشرها ..!



/
\
/

نزفي
مقبل الجعفري
15-01-11, 01:56 am
/
\
/


يآقو عينك لاجات تسولف لعيني ..
كنك تقولين لي ما اقدر انســـآهم ..!

دامك معي ذآكرتهم .. آوكي .. آنسيني ..
ودامك رجعتي لهم .. خليك ويـــآهم ..!

/
\
/


نزفي
مقبل الجعفري
15-01-11, 01:58 am
/
\
/


ماني بشاعر مثلهم .. يــآ غناتي ..
هم آجزل حروف .. ومعاني .. وكلمات ..!

لاكن ليا جاء صدق الاحساس .. بــــ آتي ..
وآقول انا اصدق منّهم عشر مرات ..!

/
\
/


نزفي
مقبل الجعفري
15-01-11, 02:45 pm
/
\
/





أصعب دقايق على العاشق ليا منّه ..
............................... تعب من الشوق .. لين انهمرت دموعه ..!!

في نبرته يوم يحكي للعرب كنّه ..
......................................قاعد يغني لهم للحزن .. مقطوعه ..!!

يذكر وصايف حبيبن بعدّه عنّه
....................................دراسته .. واهله الاقراب .. وربوعه ..!!

لاعاد .. يكلم .. ولا كول مي .. ولا رنّه
................................كل المواصيل .. صارت شبه مقطوعه ..!!

يدري ضروفه .. عن وصاله يحدنّه
........................من يوم عن سمع صوته .. كمّل .. اسبوعه ..!!

ويدري ضروفه .. عن وصاله يحدّنه
............................ويدري طبوع الجفا .. ماهي من طبوعه ..!!



/
\
/


نزفي
مقبل الجعفري
15-01-11, 02:51 pm
/
\
/



كل مآيخطون .. قلت العذر كبوة جوآد
...........................وكل مآيبكون .. بكّوآ .. دمعتي الوآلمه ..!

من كثر مآصبغ بيآض بكل بقعة سوآد
...............................آبتديت آكره بيآض اشيائي الحالمه ..!

تعثر الخطوآت ودروب الموآصل بعاد
........................والغياب ان طآل بقلوب الاحبه .. مآلمه ..!

يصرخ استفهآم .. بلسآني على وجيه العبآد
...............الخطآوي ظآالمه .. والا المسآفه .. ظالمه ..!

الحزن عالمه .. سوّى بروحي .. بلاد ..
............................والفرح عالمه .. مآعرف وش معالمه ..!



/
\
/

نزفـي
مقبل الجعفري
15-01-11, 03:08 pm
/
\
/



ضآق الفضآء .. والذيب في قآعة البير ..
.............................والنفس تيآر الهموم .. يحديــــها ..!!

لاهب في قلبي من الهمّ .. أعآصير ..
...............................انزل اللقــــمة وآنا ... مشتهيها ..!!

أغرق على تفكير .. وأسبح بتفكير ..
.........................وسفينة أحلامي ... غدت .. كل أبيها ..!!

علمي بها بمينآي يومنها تسير ..
.................................أقفت ودمعآت الامل .. ترتجيها ..!!

رآحت وانا من حزة عصير لعصير ..
...........................افرش على شطّ الامل .. وآحتريها ..!!

أنشّد الورآد .. وأوصي المصآدير ..
................................وآقول .. بالله طمنوني .. عليها ..!!


/
\
/

نزفي
مقبل الجعفري
16-01-11, 02:04 pm
/
\
/




يارب اعني على نفسي وسآمحني ..
.........................عن كل ذنب .. بيديني ذول .. سويته ..!


يآرب والهم .. والتفكير ذآبحني ..
........................وانت اللي يارب تحي الميت وتميته ..!


يارب والدمع فوق الخد يجرحني ..
.........................وانا اللي آطيح من طولي لاهليته ..!

يآرب طالبك يالغفــار .. ريحني ..
.....................باللي يراضيك .. من شي(ن) تمنيته ..!



/
\
/
نزفي
مقبل الجعفري
17-01-11, 04:26 pm
/
\
/


بعد الغياب وقطع الاخبـآر .. // صدفه ..
..................... مرت وكني كنت فيها .. آتحلّم ..!

زحمة .. وهي من بين مشيه ووقفه ..
...................... حسيت فيها تقل تبغى تكّلــم ..!

رحـنا .. وكلن زود الصمت نزفه ..
..................... ياليتني : ( على القليله ) .. مسلّم ..!



/
\
/


نزفي
مقبل الجعفري
19-01-11, 01:28 pm
/
\
/

انتي (جزيره حسن ) مالك عنآوين ..
.................................( بوآخر الشعار ) عنّك .. بعيده ..!


انتي مثل حضن(ن) جمع له حبيبين ..
........................ في جو(ن) يجآكر جموده جليده ..!


وانتي مثل من حآبسن حبه سنين ..
......................سآكت ووكن ضلوع صدره وقيده ..!


خآيف يصآرحها .. وذآبحه شيين ..
......................... ( انْـها تريده .. وانّها مــآتــريده ) ..!


قرر يصآرحها .. وجآء تقل مسكين ..
............................صرخ وكن الصوت ( بيفك قيده ) ..!


ضحكت له بشهقه .. ودمعه من العين
...................... قالت ( تعبت آنتظرك ) .. وضمت آيده ..!


وانتي مثل شاعر نوى فيك بيتين ..
..................... ومن غير مايشعر ( كتب بك قصيده ) ..!


/
\
/
مقبل الجعفري
24-01-11, 01:43 pm
/
\
/


الدمع لاطـآح يخمد ثورة اعصـآبك ..
...........................اللي شعلها .. غيآبي وانت متحيّر ..!


هلي دموعك على صدري فدى ترآبك ..
..........................مدآمني جيتلك هالليله .. مسّير ..!


اقسي على قلبي الحسـآس .. بعتآبك ..
.............................الين تحيين فيني الجآنب النيّر ..!


دآويني بطبّك .. المعروف .. وآعشـآبك ..
........................مآهوب معقول مافيني جزء .. خيّر ..!


قلتي ودمعك بدى ينزل من آهدآبك ..
.........................ياليت عمري معك يامقبل قصيّر ..!


لا انت قادر تبطّل عني غيآبك ..
.......................ولا اني اقدر آقسي قلبي .. وآتغيّر ..!



/
\
/


نزفي :
مقبل الجعفري
26-01-11, 05:54 pm
/
\
/



اختبارات // وسهر ليل // ودرآسـه ..
...............وشـآعر(ن) // محتـآر من دنيـآه رآسه ..!


غربة احسـآسه // تكفي لانزعــآجه
......................كيف وهو متغرّب عن كل نآسه ..!


يعرف انـه حيل متغير وقآسي ..
..............من ثلاث شهور مآحساسه .. آحسـآسه ..!


حتى شعره لابغى يفّصل قصيده ..
.............. فصّل ابياتن ماهي تفصل مقآسه ..!


وضعه الحالي معقد .. ومترّدي ..
...................آعتقد يحتآج في وضعه .. درآسه ..!




/
\
/


نزفي
مقبل الجعفري
29-01-11, 12:01 am
/
\
/

دم قلب // ودمع عين // ومواعد// وانتظآر
......................... وضيق بال // وشوق سمع // وتلهّف بصر ..!

كلها ثآرت على قلبي وسوّت .. حصــآر
.......................... مثل ماثارت على حسني مبارك // مصـر ..!

إنتصر لي من غيآبك عليك // آنتصـآر
....................................دآم مالي بعد ربي .. بغيرك .. نصــر ..!


/
\
/

نزفي
مقبل الجعفري
13-02-11, 06:04 am
/
\
/


كل شآعر .. دآخله .. عزّ ..و غرور ..
................................. في قصيده .. لو قصيده .. نص لفّه ..!


مآيحب النقد .. لو كله كسور ..
...................................ومن نقد له شي .. مآوقّف بصفه ..!


الشعر مآيعطي الشاعر حضور
.......................................كآن ماشعره .. يعادل كل كفّه ..!


يآتقول النآس .. كفو(ن) للظهور ..
.......................................ياتقول الناس .. لا والله مخفه ..!


بس يبقى كل من يكتب غيور ..
.....................................مايبي للنقد .. نجمه في ملفه ..!

/
\
/

نزفي
مقبل الجعفري
02-03-11, 09:50 am
/
\
/



في كل يوم ان جيت لك كني آذبحك ..
..................................... ولو ماذبحتك .. تمتلي مني .. رمـآح ..!


ومن حبك لقلبي على كثر ماجرحك ..
...................................... لاشفتني .. تملا ملامحك .. الافرآح ..!


وانا ليا قمـــت أتأمـــــل // ملامحك ..
....................................... آصد صدّة من كمى دمعه .. وطـآح ..!


ليه اتعبك .. ليه اتركك .. ليه آصآرحك ..
...................................... في حبي اللي زودّ جرآحك .. جرآح ..!


اذا آن موتي .. يآحبيبي .. يريحك ..
...................................... ( الله يآخذني ) على شـآن ترتــــــــآح ..!


/
\
/


نزفي
مقبل الجعفري
02-03-11, 09:53 am
/
\
/





هلا بطاريك .. لا والله هلا بصوتك ..
.............................اللي له اكثر من العامين .. مــآجـآني ..!


من الحكي ماذكرتك .. لكن سكوتك ..
.............................ذكرني انفاسك اللي تسكـــن آذآني ..!


ماكنت احسبن رقمي حافظه نوتك ..
..............................اثري ظلمتك بظني .. لابو شيطآني ..!


ماني معاتبك .. دامك جيت .. وبيوتك ..
.............................ادخل بها سيدي .. وآحد ورى الثاني ..!


عرشك مكانه .. وهيبتك .. وملكوتك ..
........................ياسيد آحساسي المرهف .. وسلطـآني ..!


احضن ذهبك بيديك .. وعانق بشوتك ..
...............................وتعال البسك تآجك .. بين احضـآني ..!


فرحت في رجعتك ليّه .. خذوآ موتك ..
............................فرحة رجوع الملك عبدالله .. لاوطــآني ..!


ومانيب نآسيك .. لكن ناسين صوتك ..
....................................يآكود تنهيدتن .. للحين بآذآني ..!

/
\
/