المساعد الشخصي الرقمي

مشاهدة النسخة كاملة : يا شماتة ام بدر فيني ...

محارهـ
09-01-11, 11:19 pm
* مرحباً ...


بعد أن تناولنا طعام الغداء
رن الجرس ...
فــ تحتنا الباب
و اذا بجارتنا ( ام بدر ) قد أرسلت لنا مالذ وطاب من غداهم

ولكن البطون قد شبعت
فـــ أرسلنا ( صيتية ام بدر ) الى السائق
وهنا وقعت المفارقهـ المحرجهـ


أخذ السائق الصينه وعاد بها الى جارتنا ( ام بدر )



وحتى هذه الساعه وانا أفكر في طريقهـ لبقهـ
للأعتذار
أو ادبر لروحي ( تصريفه .. ! )
والمشكلهـ اني تذوقت من كل طبق وعادت الأطباق اليهم
ووقعت انا في الأحراج




كيف تتصرفون انتم *
أبو الريش
09-01-11, 11:29 pm
سهله جــداً

قولي انه حنا كنا بنرسل لكم غداء من غدانا لكم ( يعني كمفاجئه أو من هالقبيل) ومجهزينه وبالصدفه جت صينيه غداكم وحطينها جنب الصينيه اللي بنرسله لكم , والسائق أخذ غداكم ورجعه لكم وهو المفروض ياخذ الغداء اللي حنا مسوين لكم
بدرالوابلي
09-01-11, 11:39 pm
ذي تبي حق ؟ نبي نرده لكم اذا كزيتوا شي ونعطيه الخدامه خخخخ

يابعدي ياميمتي قاطعتن قلبه تطبخ وتنفخ وتجون تكسحونه!

دخلت جو بالموضوع وتخيلت ان عندي ام ؟ الله يرحمه
محارهـ
09-01-11, 11:45 pm
* هلا فيكـ / ابو الريش ...

وبالصدفه جت صينيه غداكم وحطينها جنب الصينيه اللي بنرسله لكم , والسائق أخذ غداكم ورجعه لكم

اممممم
أحس يبغالها حبكه أكثر
لان السواق مايدخل جوى البيت عشان يشوف الصينيتين جمب بعض
أبو الريش
09-01-11, 11:51 pm
* هلا فيكـ / ابو الريش ...



اممممم
أحس يبغالها حبكه أكثر
لان السواق مايدخل جوى البيت عشان يشوف الصينيتين جمب بعض

لاتدققين بالحيل

ماراح تشك

طيب قولي الشغاله أو أختي الصغيرهـ لخبطت بين الصينيتين وعطتها السواق
القلم الصريح
09-01-11, 11:56 pm
هههههههههههههههه والله مشكلة متلتله عسى الله يعينك بس انا ارى ان تسوي برقيه لهيئة الامم المتحده وحقوق الانسان .
هلاوين
10-01-11, 12:11 am
خالتي ام بدر والله تسانه هي لعلمه انكم ماكلتوا طبيخه >>ماعرف غيره تهتم بجيرانه هههه
نبض قلب
10-01-11, 12:25 am
يوووه صدق فشيله يامحاره

انا من رأيي انك تدقين عليها وتقولين لها الصدق عشان مايصير شي بنفسها

هذا اذا انتي تمونين عليها ,,


اما اذا كانت علاقتك فيها عاديه وسطحيه وجيران وبس اسكتي وكأن شي ماصار 00
هنري
10-01-11, 12:41 am
مهما كان عذركم فأم بدر لن ترسل لكم إلا في حالة واحدة وهي أن تقولوا أنها جاءت إلينا بعد إنتهاءنا من الغداء وبصراحة الكل قد شبع وخشينا أن نعيدها لك ممتلئة ولانستطيع حفظها والحل الوسط، هو آن ينتفع آحد من يدكِ ولكن السائق لم يفهم.
ونحن آسفون ولكن كان من الأفضل آن تنقلو لنا ذلك مسبقاً لكي نأخذ في إحتياطنا .

- ويجب آن تبدؤا بعدها بالإرسال يا اخت محارة.

.............

أعلاه، إن كنتم تريدون آن تقولوا الصدق، إن كنتم تفضلون الكذب :)
فمن الممكن آن تقولي آننا دائما مانضع طعام السائق أمام الباب وحينما يأتي أحد الرجال( آب،آخ ، زوج) يقوم بأخذ الطعام تلقائياً للسائق، بدون أدنى تفكير.
ولكن السائق تفاجئ من نوعية الطعام فاستكثره عليه وقال لربما كان المقصود الجيران فارسله لهم

نقاط،
- الخطة السابقة لن تكون قابلة للتفعيل إلا إن كنتم متعودين على إرسال طعامكم للجيران في أيام متفرقة.
- مايحيرني لهو لماذا أخذ السائق الطعام للجيران!!؟

...........

كان الله في عونكم !
:)
محارهـ
10-01-11, 12:51 am
* أهلا بدر الوابلي

دخلت جو بالموضوع وتخيلت ان عندي ام ؟ الله يرحمه

رحم الله والديكـ واسكنهما فسيح جناتهـ
البحرسي
10-01-11, 12:56 am
ذي تبي حق ؟ نبي نرده لكم اذا كزيتوا شي ونعطيه الخدامه خخخخ

يابعدي ياميمتي قاطعتن قلبه تطبخ وتنفخ وتجون تكسحونه!

دخلت جو بالموضوع وتخيلت ان عندي ام ؟ الله يرحمه

الله يرحم والديك ويجعل الجنة مثواهما...
كان عندي رد على الموضوع الرئيسي ونسيته بعد ما قرأت توقيعك..
كااااجو
10-01-11, 01:01 am
والله موقف محرج ويبي له ...رأي العضو هنري نعم الرأي
محارهـ
10-01-11, 01:02 am
* أبو الريش

طيب قولي الشغاله أو أختي الصغيرهـ لخبطت بين الصينيتين وعطتها السواق

مابوه أخت صغيره
بس حلوه فكرة الشغالهـ

جاري التفكير فيها
محارهـ
10-01-11, 01:06 am
* اهلاً بــ القلم الصريح

هههههههههههههههه والله مشكلة متلتله عسى الله يعينك بس انا ارى ان تسوي برقيه لهيئة الامم المتحده وحقوق الانسان

على طاري حقوق الأنسان
وين فيه موقعهم في بريدهـ .. !
جد ما امزح
ذكرتني بشي انت

وبعدين الأمم المتحده ماراح تنفعني لانه مافيه لهم مصالح مع ام بدر
" TWIX "
10-01-11, 01:07 am
يعني تبين تسذبة بيضاء ..:4_1_6[1]:

إلا على طاري التسذب حرام هو وإلا لا ..؟!!
البحرسي
10-01-11, 01:07 am
* هلا فيكـ / ابو الريش ...



اممممم
أحس يبغالها حبكه أكثر
لان السواق مايدخل جوى البيت عشان يشوف الصينيتين جمب بعض

الله يعينك...
ولا يهتم من المواقف هذي الا اللي قلبه طيب.
بس انا اقول مالك الا حل اخوي ابو الريش, وقولي انك قلتي للشغاله تفرغ صحنها بصحنكم وتعطي السواق صحنها.. والشغاله ما فهمت عليك واخذت الصحن كله بما فيه واعطته السواق يجيبه لكم .. بس قولي وانتي تضحكين الله يكفيكم شر عين السواق شكل المسكين نفسه بالاكل...
وبعدين . لو اتبعتي السنه في تناول الطعام كان صار عندك ثلثين فاضيات وبإمكانك تستغلين ثلث منهم وتعبينه..
هذا عيب الشبعه ( full)‎
تحياتي
محارهـ
10-01-11, 01:10 am
* اهلا هلاوين

خالتي ام بدر والله تسانه هي لعلمه انكم ماكلتوا طبيخه >>ماعرف غيره تهتم بجيرانه هههه

لا تجيب طاري ..
اخاف صدق تكون خالتكـ هي جارتنا
ترى في بريده كلن يعرف الثاني .. !
امرؤ القيس
10-01-11, 01:17 am
أهلين


دائما نضع أنفسنا مكان الحرج وفي الأخير نجد ان المسألة جدا عادية في نظر الآخرين


أختي

عليك بتبسيط الأمور حتى وان عظمت حتى تأتي ساعة الالتقاء فستجدين نفسك أمام ألف عذر وربما لاتحتاجين للعذر بقدر ما أنك تحتاجين لشكر الجارة على تلك الصينية اللذيذة وبامكانك القول وبروح الدعابة ليتك جبتيها بدري قبل نتغداااا


عموما

اذا كانت علاقتكم بالجارة جيدة وفيها ميانة فالأمر جدا عادي واذا فيها شوي رسميات فعليك بارسال صينية مماثلة وبطبق من صنعك لرد الجميل والله يديم بينكم المحبة
محارهـ
10-01-11, 01:18 am
* هلا بــ نبض القلب

انا من رأيي انك تدقين عليها وتقولين لها الصدق عشان مايصير شي بنفسها
هذا اذا انتي تمونين عليها ,,

والله هي مو ميانه ميانه .. يعني نص ونص
وفكرت اقول لها الصدق
لكن اخاف تقول ذولا حاقرين اكلنا وشكلهم كل ما ارسلنا لهم شي
عطوه للسواق


اما اذا كانت علاقتك فيها عاديه وسطحيه وجيران وبس اسكتي وكأن شي ماصار 00

صعبهـ أسكت .. بتقول وشذا الحقران .. !
تدرين ايش ودي الحين
ودي اتربع في مخ أم بدر واعرف وش الي قاعد يدور فيه
أبوطــارق
10-01-11, 01:28 am
خليها بين الشغالة والسواق ، بس ما ودي اقولك بعض الحيل ، يكون فيها اعانه على الظلم :) ..
محارهـ
10-01-11, 01:58 am
* اهلاً بـــ هنري

الحقيقه هي الأفضل ولكنها قد تكون جارحهـ .. !
فكرت في الأتصال وقول الحقيقه بكل تلقائيه
لكن
خفت ان تشعر بأن هذا هو حالنا مع كل طبق ترسله الينا
مع العلم بأن هنالك حقيقه مخفيه
وهي ..
بعض أفراد المنزل لا يحبون الأكل المرسل من الجيران .. !

مايحيرني لهو لماذا أخذ السائق الطعام للجيران!!؟

لان الأمدادات فيما بيننا متواصله دائماً
ثم ان السائق هو من أستلم ( صينية ام بدر )

س/ سؤال
البحث عن مخرج هل هو كذب .. ؟ كما قال تويكس كذبه بيضاء
محارهـ
10-01-11, 02:04 am
* هلا بــ كاجو

والله موقف محرج ويبي له ...رأي العضو هنري نعم الرأي

طيب ..
انت ايش تختارين من رد هنري
قول الحقيقه والتي ربما تتسبب في جرحها او البحث عن مخرج
محارهـ
10-01-11, 02:09 am
* هلا تويكس

يعني تبين تسذبة بيضاء

مشكلتي اني ما واطن اللون الأبيض
اذا عندك كذبه بنفس اللون الي اكتب فيه في المنتدى
يكوون افضل
هات ما عندكــ

إلا على طاري التسذب حرام هو وإلا لا ..؟!!

مادري ... ماودي اقول شي
يهوشنا بابا عبدالله الله يطول بعمرهـ
| ~ ســمــو ~ |
10-01-11, 02:16 am
مرحــبـــا محارتنــــا :)

مممم ماقريت الردود يمكن عطاك احد زي ما ابعطيك :)

لكن لو كنت بمكانك كان ارسلت السواق مباشره وخليته يقول معليش جيب صحن هههه >> على اساس يكون هو اللي فاهم غلط
وبعدين ادق قبل العصر هه واعتذر واقول ياحبيلك الصراحه اننا تغدينا لكن عندي الشغاله قلتلها فرغي الاكل بصحوننا واغسليهم عشان نوديهم للجيران وسمعت آخر الكلام ولا سمعت اوله :) :) وصلى الله وبارك

لكن شكلك مره تأخرتي وهذي اللي تزعل :(
To Be
10-01-11, 02:21 am
كحل لمشكلة الصينية اعتقد بأنك تملكين افضل الحلول واسلمها أو كما ذكر الاعضاء :)


لكن من الصعب التخلص من القيود التي جعلت من الصينية قضيه :(
كااااجو
10-01-11, 04:10 am
عزيزتي محارة صيري صريحة وقولي الحقيقة ...خلق الاعذار والتبرير من وجهة نظري مو حلو ويوجع الراس ومش بكل الاحوال بتصدقك ..علشان ثاني مره تدق قبل بنص او ربع ساعة وتعلمكم انها بترسل والوجه من الوجه ابيض ...والجيران لازم يكون بينهم بساطة واريحية بعيد عن التكلف في التعامل في مثل هذه المواقف
علمينا وش يصير معك
مهايطيه
10-01-11, 05:45 am
من رأيي انك تقولين اني وصيت الخداامه تحط لكم من غدانا بس شكله فهمت غلط ورجعت لكم غداكم واني بعد كم يوم رحت للخدامه اسال عن صنيتكم واكتشفت انها فاهمه غلط << ولو انه كذب بس ان شاء الله كذبه بيضاااء
فوشيا
10-01-11, 07:37 am
موقف محرج يامحاارة ومالومك لو ضاق صدرك بجد فشيلة يالقفه هالسووووواق

قرأت الردوود ولكن بحاول ادورلك على مخرج من الورطة

حاولي ترسلين لها اكل وشوفي كيف تتصرف اذا تقبلت الوضع اوكي معناها انها مادققت واذا رجعت لكم الصنيه باكلها هذي يبيلها اعتذاار منك ومافيه احلى من الصراحة
دِيم
10-01-11, 08:09 am
.
.

ماشالله الأعضاء كفّوا ووفّوا .. يعني ماله داعي أرقع لك .. فنانين بالترقيع إلا أني أفضل الصدق
> يقال أفضل الصدق , ما كان في موضع الكذب ينجيك فيه < والله أعلم :)

,
,

لكن المشكل هنا .. إنّي أنا مطراش البيت لجيرانّا .. يعني لو أنا في عز انشغالي وصار فيه حدث يستوجب من الأهل إطعام الجيران ,, على طول التفتوا لديم ..
وديم ما شالله عباتها والمة ..
المشكلة إني كل ما رحت هناك أنا وزويلي ,, ألقى ولد جيرانَا بسيارته ويكلم ..:(
صيفاً / شتاءً / خريفاً / ربيعاً ..
تحرينه وش يسوّي ..؟

+


مشكلة ثانية :
مامتي تطبخ كويّس جداً ومخربتني على أي طبخ بنطبخ برا البيت ..
لذلك .. مسسسسستحيل آكل طبخ من غير طبخها .. وهالحكي ينسحب على أخوتي ..
برضو ماياكلون أكل العالم .. لذلك ياحرام اللي ينجاب لنا ( بما إن ماعندنا سواق حالياً ) ماينوكل يبقى في صينيته إلى أن يعرف طريقه :(

والحمدلله على النعمة ..

^^^ تحسين مافيه ترابط صح ..؟
حتى أنا والله أحس بس وش أسوي معطية نفسي بريك مذاكرة ولازم تتحمليني .. :)
> (l)
دِيم
10-01-11, 08:24 am
تحرينه وش يسوّي ..؟

لا استغفر الله مو وش يسوي إلا وش يقول ؟؟ :)
شميساوي
10-01-11, 08:42 am
.


ليس هنالك من طوق نجاة مثل الصدق ....

الصدق منجـــآه ,, و الكذب مهـــوآة ...

فـ ياليت أن كل شخص يمشي أموره بـ الصدق ...

عندها رآح تمشي معه ...

,,,

أنا أشوف أنك تكلمين عليها و تقولين القصة الصحيحه ...




,
الافق
10-01-11, 09:16 am
^^^
أتفق مع هذا القول وهذا الرأي السديد .

شكراً محاره .


تحياتي
محارهـ
10-01-11, 12:01 pm
* اهلاً بــ البحر سي

بس انا اقول مالك الا حل اخوي ابو الريش, وقولي انك قلتي للشغاله تفرغ صحنها بصحنكم وتعطي السواق صحنها.. والشغاله ما فهمت عليك واخذت الصحن كله بما فيه واعطته السواق

بطتنا بطت بطن بطتكم .. تقدر بطتكم تبط بطن بطتنا مثل ما بطتنا بطت بطن بتطكم

مادري ليه تذكرتها يوم قريت ردك والصحون الي فيه
وبصراحهـ حل منطقي
صح فيه تهرب من تحمل المسئوليه ورميها على الشغالهـ
لكن يبقى منطقي ...



كثيراً ما يتحمل الأخرون أخطاء من هم أعلى منهم .. !
البارق
10-01-11, 12:07 pm
هههههههههههههه
ياخزيااااااااااه يامحارة

استحيت وانا مالي دخل
لكن صدقيني مالك الا الصدق
والصدق منجاة
أما تصريفاتك فكلها
انا متأكد مارح تدخل مزاج ام بدر
رناالريان
10-01-11, 12:16 pm
الحمدلله والشكر

كلام مامنه فايده
عندكم سواق ياسعدكم

كل هذا تبين كذبة شينه
ترا الكذب حراااااااااااااااااااام
يازين الصدق لو عاقبته مره
محارهـ
10-01-11, 12:17 pm
* أهلاً امرؤ القيس

دائما نضع أنفسنا مكان الحرج وفي الأخير نجد ان المسألة جدا عادية في نظر الآخرين

واحياناً نجد انفسنا في موقف محرج دون ان نضع انفسنا فيه
صدقت ..
قد نصنع من الحبه قبه وندع الأفكار تجول وتحلل موقف الطرف الأخر
ونقوم بوضع قائمه طويله من ( لو ... )
لكن الحذر مطلوب حتى لا نجرح الأخرين ويتحول الموقف المحرج
الى ماهو أكبر من ذلكـ

عليك بتبسيط الأمور حتى وان عظمت حتى تأتي ساعة الالتقاء فستجدين نفسك أمام ألف عذر وربما لاتحتاجين للعذر بقدر ما أنك تحتاجين لشكر الجارة على تلك الصينية اللذيذة وبامكانك القول وبروح الدعابة ليتك جبتيها بدري قبل نتغداااا

يعني رايك أصبر وما أكلمها
وانتظر لحظة تجمعني فيها
بس كذى راح أحط نفسي في خانة الشكـ والتحليل من قبل الجارهـ
ويمكن ( تنقد علي )
صحنوهم ترجع لهم وكل صحن ما كول منه لقمه .. !

عموماً فكرة الصدفهـ حلوهـ خصوصاً اذا خلطت مع المزح كما قلت
محارهـ
10-01-11, 12:56 pm
* اهلاً رنا الريان ..

زارتنا البركهـ بــ العادهـ ماتتواجدين الى في أمكنه ثابته لا تتغير
خطوهـ جديدهـ
جميل ان نكسر القاعدهـ اليوميه لتصفحنا

الحمدلله والشكر

الحمدالله والشكر تأتي في موقعين
الموقع الأول معروف
والموقع الثاني
هو ان تأتي كــ تطنز وأستهتار .. !

كلام مامنه فايده

دعينا نستعرض عدد الأعضاء والذين علقوا على الموضوع
دون ان يشمئزو قائلين ( الحمدالله والشكر )
راح تلاحظين انكـ انت فقط التي حكمت على الموضوع
بـــ انه عديم الفائدهـ
وطبعا انت حرهـ في حكمكـ
وربما أنكـ قد تعودتي على أخذ الأمور كما هي مُقولبه وجاهزهـ
يعني ..
تحبين المواضيع المصمتهـ والتي تكون مباشرهـ دون ان تحاولي
ان تستشفي البعد الثالث الموجود بين السطور
وهذا شيء طبيعي جداً
لان التربيه والتعليم عندنا قائمه على ( الحقن ) أو خلينا نقول
التفصيل واللبس الجاهز
دون ان تترك لنا حرية تفصيل القماش على مزاجنا .. !

عندكم سواق ياسعدكم

ايه والله ياسعدنا وانتظري الموضوع الثاني عشان تعرفين
ان عندنا شغالتين بعد
( حتى على النت لا أخلو من الحسد )

عزيزتي ..
لست بحاجه الى تمرير ( ان عندنا سواق )
لانه شيئ لا يفتخر فيه
الا اذا كان مجتمعك الصغير يفتخر بــذلك ويعتبره انجاز عظيم
فــ هذا شأنكم ويحترم على كل حال
ولكن
من الغلط ان تنظري الى الناس بعين طبعك وتعممي الأفتخار بـــ السائق
على كل من لديه سائق

كل هذا تبين كذبة شينه
ترا الكذب حراااااااااااااااااااام
يازين الصدق لو عاقبته مره

اذا انت مع قول الصدق حتى لو كان جارحاً
وحتى لو تسبب في احداث فراق وقطيعه ( ليس في حالتي وانما بشكل عام .. ! )




جازتلي فكرة المواضيع الي زي كذى
تعطي صوره رباعية الأبعاد لطريقة عمل عقول الأخرين
محارهـ
10-01-11, 01:05 pm
* مرحباً ابو طارق

خليها بين الشغالة والسواق ، بس ما ودي اقولك بعض الحيل ، يكون فيها اعانه على الظلم

طيب يابو طارق
اذا خليتها بين الشغاله والسواق
هنا
وقع الظلم .. !
أبوطــارق
10-01-11, 01:08 pm
* مرحباً ابو طارق



طيب يابو طارق
اذا خليتها بين الشغاله والسواق
هنا
وقع الظلم .. !

لكني لم ابتدع شئ جديد ، بعكس لو قلت لك بعض الحيل :) ..
الفتى السمنسي
10-01-11, 01:23 pm
طيب وش يدري سواقكم إن الصينية لأم بدر؟؟
لاتقولين إن شغالتنا هي اللي قايلة له;)
محارهـ
10-01-11, 01:34 pm
* هلا بــ الفتى

طيب وش يدري سواقكم إن الصينية لأم بدر؟؟
لاتقولين إن شغالتنا هي اللي قايلة له

راجع ردي على الأخ / هنري .. وتدري .. !
الزنون
10-01-11, 01:40 pm
يا سعدكم عندكم سواق ومريحين عيالكم من المشاوير خخخ
محارهـ
10-01-11, 02:00 pm
* اهلاً سمـــو

لكن لو كنت بمكانك كان ارسلت السواق مباشره وخليته يقول معليش جيب صحن

تدخل سريع ومباغت لحل المشكلهـ
حلوو
بس عارفه ليش ما يظبط
لانه مثل ماقلتي تأخرت في اكتشاف قضية الصينيه
لانه في العاده .. بعد ان ينتهي السواق من الأكل
يخلي الصحون برى
لكن المرهـ هذي طول
وبعد ارسال فرقة للأستطلاع
صدمنا بــ الحقيقه المحرجهـ

ياحبيلك الصراحه اننا تغدينا لكن عندي الشغاله قلتلها فرغي الاكل بصحوننا واغسليهم عشان نوديهم للجيران وسمعت آخر الكلام ولا سمعت اوله

بتطيح فيني عـــ طول
لان صحنوهم رجعن عليهم وهن مليانات ماتحرك منهن
الا لقمت ذواقه بس .. !
أو قصدكـ انها سمعت بس ( بنوديهم للجيران )
اذا كان كذى تظبط


عموماً / مازالات الخادمهـ موضع شماعه لتحمل الموقف
محارهـ
10-01-11, 02:15 pm
* مرحباً / أن يكون

كحل لمشكلة الصينية اعتقد بأنك تملكين افضل الحلول واسلمها أو كما ذكر الاعضاء

جاري التفكير في أخذ الحقوق الملكيه الفكريه من أحد الأعضاء
بعد الأقتناع

لكن من الصعب التخلص من القيود التي جعلت من الصينية قضيه

شكلي بنقل الأقتباس السابق
الى ( مذكرة التحقيق .. ! )
اي قيود تقصد
هل هي في بحثنا عن الخروج من المأزق والهروب من الصراحه والمواجهه .. ؟
او غياب ثقافة الأعتذار لدينا ؟
ام ان هنالكـ قيود أخرى
محارهـ
10-01-11, 02:26 pm
* مرحباً كاجو ..

عزيزتي محارة صيري صريحة وقولي الحقيقة ...خلق الاعذار والتبرير من وجهة نظري مو حلو ويوجع الراس ومش بكل الاحوال بتصدقك ..علشان ثاني مره تدق قبل بنص او ربع ساعة وتعلمكم انها بترسل والوجه من الوجه ابيض

مادري ليه حبيت طريقتكـ وشكلي شكلي بسويها
حبيت طريقتكـ في قلب الطاوله لــ صالحي
واني اقولها ( ليتكم متصلين علينا قبل ولا مرسلين غداكم بدري )
بس كذى راح تحس المسيكينه( ام بدر ) بــ الذنب .. !

عموماً
انا من الأشخاص اللذين يحبون نظرية قلب الطاولهـ
خصوصاً في عملي
حتى لو كنت انا مذنبه
لازم أدور مخرج لي ومدخل لغيري
بس مو دايم
تحت ظرف معين او احساس وشعور بــ الظلم
او عندما لا يفهمني الأخرون

وسياسة قلب الطاولهـ صايره موضه خصوصاً في المنتدى .. !
محارهـ
10-01-11, 02:43 pm
*مراحب مهايطيهـ

من رأيي انك تقولين اني وصيت الخداامه تحط لكم من غدانا بس شكله فهمت غلط ورجعت لكم غداكم

تصريفهـ جديدهـ في السيناريو
والبطل واحد
وهي..
الشغالهـ

ماتلاحظين معاي ان المتسبب في الموقف المحرج
هو السائق لانه ما فهم
ومع ذلكــ
شكل الشغالهـ هي الي بتاكلها حتى اغلب الردود صادقت على ذلكـ .. !
قروي فاهم
10-01-11, 03:04 pm
المسأله بسيطه جدا وماتحتاج كل هالتفكير

قولي لها بعد ما سوينا السفره وجينا نتغدا من اللي ارسلتيه لنا بقى شوي وارسلناه للسواق وقلنا له انتبه للصينيه تراها لأم بدر ! وشكله مافهم الموضوع صح وبعد ما تغدا السواق جابها لكم يحسبني اقول انتبه ودها لأم بدر وانا كنت ناويه ارسل لك ( حددي نوع الطبق اللي بترسلينه )
العـاصي
10-01-11, 04:56 pm
اختي محارهـ

بصراحة احراج كبير وغلطة لا تغتفر مهما كان الا بعذر شرعي فيجب الحفاظ على مشاعر الجار

ويجب عدم التساهل لمثل هذه الغلطة

لذا انصحك بإن تعتذري بان ترمي التهمه على غيرك وانه حصل بسبب خلاف حول الطبخ

قولي لها أنك لم تطبخي ذاك اليوم وحصل شجار بينك وبين زوجك ( إذا كنتي متزوجه ) او والدك

وانه وقعت الصينية بيدة وحاول منعها للدخول الينا من اجل الحرمان من الغداء كنوع جزاء ومن ثم اهداها للسائق وبدورة السائق جابها لكم مايدري وش السالفه .


وأدخلي معها شيء من المزاح بمعنى تقولي اذا نويتي ترسلي المرة القادمه لا ترسلي الا والوضع طيب حتى لا احد يحرمنا من لذة طبخكم .
الأعرابي
10-01-11, 06:16 pm
تذكرت سالفة تقول أم سليمان ( ارسلت لجارتي أم محمد طبق شهي جدا ومتعوب عليه ، أم محمد بدا لها أنها تكشخ فيه عند جارته أم فهد وقامت و أرسلته لأم فهد ، أم فهد أعجبه الطبق أرسلته لجارتهم أم سليمان يعني رجع للي زينه ، أم سليمان انفقع راسه وش جابه لأم فهد وأنا مرسلته لأم محمد ، قامت ودقت على أم فهد وقالت وش الزين قالت أم فهد تبين الصدز هذا من جارتنا أم محمد أرسلته لي وأنا جازي واعجبني فقلت أرسله لكم ، أم سليماناستانست أن طبقه يكشخ فيه وسكتت عن الموضوع ) الكنى وهمية والقصه قرأته في مجلة الأسرة على ما أعتقد .

أنا أقول ما أحسن من الصدق مهما كانت مؤلمة فلربما يأتي اليوم الذي تكتشف أنك كذبتي عليها إما بزلة لسان أو أي شيء آخر .
محارهـ
10-01-11, 09:06 pm
* مرحباً جميعاً ...
أحبتت ان أخبركم بـــ ان الموضوع قد انتهى
وسوف أخبركم كيف انتهى
بعد ان أعرج على بقية الردود


أعرج (متعوب عليها )
أبوطــارق
10-01-11, 09:16 pm
دعينى من التعريج ، فأني امقت واكره mbc ومسلسلاتها :) ..
الأعرابي
10-01-11, 09:18 pm
كلنا عيونٌ قارئه للحل عجلي علينا
يمكنه طلت على المنتدى وقالت إيه اثاريتس أنت محاره يا بعدي وش دعوى ما تستاهل إنتس تكتبين موضوع تسان دقيتي وخلاص الموضوع
محارهـ
10-01-11, 09:21 pm
* مراحب فوشيا هانم ...

حاولي ترسلين لها اكل وشوفي كيف تتصرف اذا تقبلت الوضع اوكي معناها انها مادققت واذا رجعت لكم الصنيه باكلها هذي يبيلها اعتذاار منك ومافيه احلى من الصراحة

يعني ...
جس نبض .. !
قبل الأقدام على اي خطوة
حلوه الطريقه لكن أعتقد تنفع في التعاملات الغير أجتماعيه أكثر
ومن الممكن ..
أن تقبل ( صينيتنا ) وتصمت وفي قلبها علامة أستفهام ؟
ريداويهـ
10-01-11, 09:23 pm
أثرت بأن أبقى بعيدًا , وأكون صامته ,
لآن إدلاءاتي لن تكون لها قيمه ,
فـ العكاكشه سبقوني بما هو أفضل http://www.buraydh.com/forum/images/icons/icon10.gif



لكن كيــف إنتهى ؟!
متشوّقه يا خيه ..
محارهـ
10-01-11, 09:23 pm
حسيت اني تقمصت أسلوب ( تو بي )
في هــ الموضوع
دِيم
10-01-11, 09:26 pm
.
.

أبلى محرحر .. :)

عجلي علي بالحل .. > عساك طقيتيها بالوجه .؟

^^ تريني فيني نوم عظيم .. :(

يمديك علي في خلال 7 دقائق من الآن
نجداوي
10-01-11, 09:35 pm
حياك اخت محآرهـ

على حسب شخصيه ام بدر

يمكن نوعيتها ماينتبه للامور ؟

واذا حصل وانتبهت واستدركت الشرهه الواضحه على محيا تقاسيم اللقاء بعد الطبق

فمن المعروف ان جانب العماله لدينا لايولون اي اهتمام

واخطائهم كثيره وكبيره

لذالك دعي الموضوع شماعه تتوسط الدولاب السائيقي واتركي الوضع للزمن حتى يمسح اثر تلك المصيبه

احترامي .
محارهـ
10-01-11, 09:39 pm
* هلا بــ ديم ..
وخري ملخصاتكـ وكتبتكـ شوي عشان اقدر أقعد وارد عليتس
وبعيدن ترى خالتي ( امكـ ) داقه علي وتقول
احذفي ردود بنيتي لين تخلص من الأختبارات
( الله يوفقكـ ويوفقكـ الكل )

يقال أفضل الصدق , ما كان في موضع الكذب ينجيك فيه

اذاً انت مع الصراحهـ والصدق مهما كانت العواقب .. !

على طول التفتوا لديم ..
وديم ما شالله عباتها والمة ..

اتخيل عباتك مكتوب عليها ( سوبر ديم )

ألقى ولد جيرانَا بسيارته ويكلم ..
صيفاً / شتاءً / خريفاً / ربيعاً ..
تحرينه وش يسوّي ..؟

والله مادري ياخيهـ
يمكن عنده سفن محمله بــ البضائع وجايه من أقاصي البحار
والشبكه في بيتهم ( وااائــــه )
وتخبرين
لازم يكلم كل شوي ويشوف وين موقع السفن
وأفضل مكان للأرسال هو السيارهـ .. !

مامتي تطبخ كويّس جداً ومخربتني على أي طبخ بنطبخ برا البيت ..
لذلك .. مسسسسستحيل آكل طبخ من غير طبخها .. وهالحكي ينسحب على أخوتي ..
برضو ماياكلون أكل العالم .. لذلك ياحرام اللي ينجاب لنا ( بما إن ماعندنا سواق حالياً ) ماينوكل يبقى في صينيته إلى أن يعرف طريقه

نفس مشكلة زوجي .. مستحيل ياكل من أكل الجيران
والغريب اذا عزموه عندهم
عادي
ياكل
تناقض .. !


تحسين مافيه ترابط صح ..؟
حتى أنا والله أحس بس وش أسوي معطية نفسي بريك مذاكرة ولازم تتحمليني

عادي ماعليتس شرهه مدامتس تختبرين وغاطسه بــ المذكرات والكتب
محارهـ
10-01-11, 09:45 pm
أبلى محرحر ..

عجلي علي بالحل .. > عساك طقيتيها بالوجه .؟

^^ تريني فيني نوم عظيم ..

يمديك علي في خلال 7 دقائق من الآن

حتى لو يمدي .. ماراح اقول
بسوي تشويق شوي .. !
قـتـالـه
10-01-11, 09:55 pm
ياحيي يامحاره ابصارحتس بشي يقرقر بصدري ,,
وشسوه ترا من يوم صرتي مشرفه وانا باديه استحي منتس :f9:
خبرتس هماي مندقمه واستحي من الطاقم الاشرافي والمدرا حتى الاحمر اللي يزين المنتدى اذا تمصعت افياشوه !
وبالنسبه لام بدر .. ابعلمتس بعلم حطيه حلق زمرد بأذونتس اخاف اموت او افوت ومااقدر اقوله مره ثانيه ,,
شوفي ياعين حيي ترا الحرمه ماتصدق اي شي يقال لها بمصداقيه وواقعيه بدون بهارات وطهبله ويبدا عقلها يودي ويجيب .. واذا عطيتيها تسذبه حمرا بلمعة حب السكر صدقتتس وأكلت على كلامتس الفطيس :(
ياحيل الله هذولي هن السحا ربي خالقهن كذا اللهم لا اعتراض !
فسمكري ذيك التسذبه القوهنميه واذا انتي مهذبه ولا تعرفين عطين رؤوس اقلام وانا اخلي موظفه عندنا تسمكرها لتس وربي ان يصدقها ابليس وعيالوه مو عاد ام بدر ,,
محارهـ
10-01-11, 09:58 pm
* مرحباً سلطان الغرام ...

ليس هنالك من طوق نجاة مثل الصدق ....

الصدق منجـــآه ,, و الكذب مهـــوآة ...

فـ ياليت أن كل شخص يمشي أموره بـ الصدق ...

عندها رآح تمشي معه ...

هذا هو الطبيعي
ومن المفترض حدوثه
ولكن ومع الأسف
بعض الأمور لا تمشي الا بــتغييب الحقيقه
واذا كنت صادقاً جداً حتى في مشاعركـ
سوف تضع نفسكـ في خانة ( المكروهين من الأخرين )

لا أعلم / هل المجاملهـ هي لون من الوان الكذب .. ؟

أنا أشوف أنك تكلمين عليها و تقولين القصة الصحيحه ...

اذاً انت مع الصدق دائماً وابداً
حتى لو كان الصدق يتسبب لنا بــ الأحراج قليلاً
محارهـ
10-01-11, 10:03 pm
* مرحباً بــ الأفق

أتفق مع هذا القول وهذا الرأي السديد

الأفق لا يصبح كذلكـ الا بــ الصدق
اذاً ..
انت في خانة الصدق
محارهـ
10-01-11, 10:15 pm
* اهلاً بــ البارق

لكن صدقيني مالك الا الصدق
والصدق منجاة
أما تصريفاتك فكلها
انا متأكد مارح تدخل مزاج ام بدر

والله بعض الناس مايصدق الصدق احياناً
ويصدق الكذب .. !
ومادري بصراحه عن ام بدر
ماعمري انحطيت معاها في موقف عشان اقدر احكم
على قدراتها في كشف ( التصاريف )
محارهـ
10-01-11, 10:22 pm
* هلا قروي فاهم ...

قولي لها بعد ما سوينا السفره وجينا نتغدا من اللي ارسلتيه لنا بقى شوي

موشش زابطهـ
عارفه ليه ..؟

لانه الصحون رجعن وفيهن الأكل
محارهـ
10-01-11, 10:28 pm
* اهلاً بــ العاصي

لذا انصحك بإن تعتذري بان ترمي التهمه على غيرك وانه حصل بسبب خلاف حول الطبخ
قولي لها أنك لم تطبخي ذاك اليوم وحصل شجار بينك وبين زوجك ( إذا كنتي متزوجه ) او والدك
وانه وقعت الصينية بيدة وحاول منعها للدخول الينا من اجل الحرمان من الغداء كنوع جزاء ومن ثم اهداها للسائق وبدورة السائق جابها لكم مايدري وش السالفه .

المبالغه في التصريف
تؤدي الى اكتشاف الكذب... !
محارهـ
10-01-11, 11:20 pm
* مرحباً بــ الأعرابي ...

تذكرت سالفة تقول أم سليمان ( ارسلت لجارتي أم محمد طبق شهي جدا ومتعوب عليه ، أم محمد بدا لها أنها تكشخ فيه عند جارته أم فهد وقامت و أرسلته لأم فهد ، أم فهد أعجبه الطبق أرسلته لجارتهم أم سليمان يعني رجع للي زينه ، أم سليمان انفقع راسه وش جابه لأم فهد وأنا مرسلته لأم محمد ، قامت ودقت على أم فهد وقالت وش الزين قالت أم فهد تبين الصدز هذا من جارتنا أم محمد أرسلته لي وأنا جازي واعجبني فقلت أرسله لكم ، أم سليماناستانست أن طبقه يكشخ فيه وسكتت عن الموضوع )

حلوه القصه وواقعيهـ وفيها اخفاء للحقيقه من اجل تلميع الذات
بس ودي ادري الحين وشو هــ الطبقى الكشخه
الي خلى ام محمد تنسبه لنفسها
وياكثر الي ينسبون انجازات الغير لــ أنفسهم .. !
دِيم
10-01-11, 11:21 pm
ياحيي يامحاره ابصارحتس بشي يقرقر بصدري ,,
وشسوه ترا من يوم صرتي مشرفه وانا باديه استحي منتس :f9:
خبرتس هماي مندقمه واستحي من الطاقم الاشرافي والمدرا حتى الاحمر اللي يزين المنتدى اذا تمصعت افياشوه !
وبالنسبه لام بدر .. ابعلمتس بعلم حطيه حلق زمرد بأذونتس اخاف اموت او افوت ومااقدر اقوله مره ثانيه ,,
شوفي ياعين حيي ترا الحرمه ماتصدق اي شي يقال لها بمصداقيه وواقعيه بدون بهارات وطهبله ويبدا عقلها يودي ويجيب .. واذا عطيتيها تسذبه حمرا بلمعة حب السكر صدقتتس وأكلت على كلامتس الفطيس :(
ياحيل الله هذولي هن السحا ربي خالقهن كذا اللهم لا اعتراض !
فسمكري ذيك التسذبه القوهنميه واذا انتي مهذبه ولا تعرفين عطين رؤوس اقلام وانا اخلي موظفه عندنا تسمكرها لتس وربي ان يصدقها ابليس وعيالوه مو عاد ام بدر ,,



غفيت وجيت وأنتِ بعدك ماقلتي .. > وش هالتشويق ..
+

أبلتشي محارة .. طلبتس بعد تو بي اعتقلي هالمصلحة اللي فوق ..
:b3:
قـتـالـه
10-01-11, 11:25 pm
غفيت وجيت وأنتِ بعدك ماقلتي .. > وش هالتشويق ..
+

أبلتشي محارة .. طلبتس بعد تو بي اعتقلي هالمصلحة اللي فوق ..
:b3:

هه خبرتس الخاص لاعبنبي :)
وش هالبريره يالديم انا ماانطح الناس اللي فوء على نياتي ..ومايصلح اصير عقب هالغامض
وانا كابتن عشاي وعشا جيراني بكل رد لي :)
محارهـ
10-01-11, 11:25 pm
* هلا وسهلا بــ ريداويهـ ...

أثرت بأن أبقى بعيدًا , وأكون صامته ,
لآن إدلاءاتي لن تكون لها قيمه ,
فـ العكاكشه سبقوني بما هو أفضل

صورتكـ الرمزيهـ ( تراها داخله مزاجي )
وفعلاً ..
تصور أسلوبكـ المنصت في المنتدى
والمنصتين نادرين

والحل .. قادم بعد خطوهـ
دِيم
10-01-11, 11:28 pm
هه خبرتس الخاص لاعبنبي :)
وش هالبريره يالديم انا ماانطح الناس اللي فوء على نياتي ..ومايصلح اصير عقب هالغامض
وانا كابتن عشاي وعشا جيراني بكل رد لي :)

وتعموتها ياناث .. > تسلك .. <

لا والله كل اللي تكتبين بالردود من ورا ودون القلب ...
نبي ندخل بقتالة .. .. :)

بعدين فش حدآ بدو يعتقل ,, الإعتقال يجي غصب
يعني ماتدرين إلا (قتالة ) فوق بموضوع مثبت ..

+

طيّب أنا ودّي ..ياحيي .. طلبتس إن تقولين تمـ .. > بتكفخها أبلى محرحر
محارهـ
10-01-11, 11:30 pm
* هلا فيكــ اخوي / نجداوي

لذالك دعي الموضوع شماعه تتوسط الدولاب السائيقي واتركي الوضع للزمن حتى يمسح اثر تلك المصيبه

يعني اسوي نفسي كأن شيئاً لم يكن
وأتركـ الزمن يهتم بــ الموقف .. !
قـتـالـه
10-01-11, 11:35 pm
وتعموتها ياناث .. > تسلك .. <

لا والله كل اللي تكتبين بالردود من ورا ودون القلب ...
نبي ندخل بقتالة .. .. :)

بعدين فش حدآ بدو يعتقل ,, الإعتقال يجي غصب
يعني ماتدرين إلا (قتالة ) فوق بموضوع مثبت ..

+

طيّب أنا ودّي ..ياحيي .. طلبتس إن تقولين تمـ .. > بتكفخها أبلى محرحر

وش يدريتس ياديم اني اكتب من سواطي بوسط القلب << ماكنها صارت نمر بن عدوان

شوفي ياحيي مايصلح يحطوني مايبنن السحا
السيل حدور على المعرفين مو المعرفات :)
وصدقيني درجة ذكاء المعزب كافيه لادراك تسذا :)
دِيم
10-01-11, 11:41 pm
وش يدريتس ياديم اني اكتب من سواطي بوسط القلب << ماكنها صارت نمر بن عدوان

شوفي ياحيي مايصلح يحطوني مايبنن السحا
السيل حدور على المعرفين مو المعرفات :)
وصدقيني درجة ذكاء المعزب كافيه لادراك تسذا :)

أشوه قربي لحيته .. > ياعوين إن تقولين تم ـ > مطخة .. :)

,

فديت اللي يرهم الأمور .. :)
أبداً ماعليك السحا ع قولتك يموتن على التنبيش ..
+
حبيت المعرفين دون المعرفات .. > ياختي منتدانا راقي شوي تجاه هالأمر مو ؟
,
شوفي يا خالتشي قتلتل .. تريهم بيطلبونتس عآد أنتي لاتليعنين .. وتقولين بس شبعانة هنتس ثم هنتس

+

لا والله ياقليب ديم أنتِ ماقلتِ شي لسه .. والله ياللي جواتس غير المهايط اللي ينكتب .. خلي عنتس -_-
محارهـ
10-01-11, 11:42 pm
* هلا ومسهلا بــ الليدي قتالهـ

ياحيي وين انت غاطستن فيهـ .. !

ياحيي يامحاره ابصارحتس بشي يقرقر بصدري ,,
وشسوه ترا من يوم صرتي مشرفه وانا باديه استحي منتس

قتالهــ !
تراني مشرفه مو خطابهـ
يعني لا تستحين نطحي عشان اذكرتس قدام الناس
واقولهم وه بس لو تشوفون هـ البنت حياها غير شكــل


شوفي ياعين حيي ترا الحرمه ماتصدق اي شي يقال لها بمصداقيه وواقعيه بدون بهارات وطهبله ويبدا عقلها يودي ويجيب .. واذا عطيتيها تسذبه حمرا بلمعة حب السكر صدقتتس وأكلت على كلامتس الفطيس

قتالهـ ..
متى يصدر كتابكـ الي فيه عصارة خبرتكـ القتاليه مع السحا والشهبان

فسمكري ذيك التسذبه القوهنميه واذا انتي مهذبه ولا تعرفين عطين رؤوس اقلام وانا اخلي موظفه عندنا تسمكرها لتس وربي ان يصدقها ابليس وعيالوه مو عاد ام بدر

شكل الموظفه زميلتكـ
دايم ادبر لكـ اعذار وتصاريف .. موو !
محارهـ
11-01-11, 12:03 am
* النهايهـ مع الحل ...

اليوم وقبل اذان المغرب بــ قليل
قمت بـــ أرسال طبق حلى من تخصصي المميز في الحارهـ
وعادة يطلب مني طلب من الجيران
وبعد ان تأكدت من وصول الحلى لــ أم بدر
أرسلت رساله لها
منمقه وبــ أسلوب جميل وشرحت لها الموقف بــ التفصيل
مبتدئة الرسالهـ بــ كلمة ( واخزياه منكم بس .. )
حتى وصلت الى انها لو أتصلت لكنا ما أكلنا حتى تتشرف سفرتنا بــ غدائهم

وبعد صلاة المغرب بـــ ربع ساعه

أتصلت علي أم بدر
وهنا ...
أنقلبت الأحداث جداً جداً جداً



يــــتــبــع *
ريداويهـ
11-01-11, 12:22 am
( واخزياه منكم بس .. )

يالبيــه يهاللهجة , تحسّين به ذرابه مش طبيعيه ,
مع إن لفظ وخزياه , أعتبره بشع ; لإحتوائه على حرفيـن لاأحبّهما , قد يبدوان ثقيلا دمّ ( خ , ز )


ماعليـنا ..
بالنسبـه لانقلاب الطاوله ..
أتوقّع إن أم بــدر دقّت تعتذر , لأنهم أرسلوا الغداء وهم ماعلّموكم
< ياحيي يالسنع
محارهـ
11-01-11, 12:40 am
أتوقّع إن أم بــدر دقّت تعتذر , لأنهم أرسلوا الغداء وهم ماعلّموكم

لا ....
صار فيه انقلاب بــ كل ماتعنيه الكلمه من معنى
عن نفسي ..
طحت من الضحكـ بعد مادقت وهي ميته ضحكــ بعد .. !
ريداويهـ
11-01-11, 12:52 am
لا تصيــر مثل سالفة الأعرابي ؟!




يالله نوّرينا ياشيخه , كسل ننتظر , خصوصًا إن النتيجه ماهي متوقّعه !
بدرالوابلي
11-01-11, 03:26 am
ابرد ثاني مره علشاني تحمست ابشوف الحلقه الأخيره من تمفيلية محاره وام بدر ؟

يالله عاد بسرعه يامحاره علمينا وش صار ؟لاتصيرين غلاظه :for9:

مع اني مالي خلق اتابع التمفيليات!

آخر تمفيليه تابعته اسمه اصابع الزمن علشان المقدمه فيها لحن حزين لعبادي الجوهر-يقولون انه اخو ناصر الجوهر مدرب المنتخب<<خطمة العمر
الدكتوره
11-01-11, 05:33 am
ابرد ثاني مره علشاني تحمست ابشوف الحلقه الأخيره من تمفيلية محاره وام بدر ؟

يالله عاد بسرعه يامحاره علمينا وش صار ؟لاتصيرين غلاظه :for9:

مع اني مالي خلق اتابع التمفيليات!

آخر تمفيليه تابعته اسمه اصابع الزمن علشان المقدمه فيها لحن حزين لعبادي الجوهر-يقولون انه اخو ناصر الجوهر مدرب المنتخب<<خطمة العمر


بدر اجل تمفيليات:11[1]:ساعه ادور وش تعني هالكلمه؟

ههههههههههه بدر وربي ضحكــتنــي


محاره بنتظارك
محارهـ
11-01-11, 09:09 pm
* النهايهـ مع الحل ...

اليوم وقبل اذان المغرب بــ قليل
قمت بـــ أرسال طبق حلى من تخصصي المميز في الحارهـ
وعادة يطلب مني طلب من الجيران
وبعد ان تأكدت من وصول الحلى لــ أم بدر
أرسلت رساله لها
منمقه وبــ أسلوب جميل وشرحت لها الموقف بــ التفصيل
مبتدئة الرسالهـ بــ كلمة ( واخزياه منكم بس .. )
حتى وصلت الى انها لو أتصلت لكنا ما أكلنا حتى تتشرف سفرتنا بــ غدائهم

وبعد صلاة المغرب بـــ ربع ساعه

أتصلت علي أم بدر
وهنا ...
أنقلبت الأحداث جداً جداً جداً



يــــتــبــع *





* متابعهـ ...

أتصلت علي ام بدر وكانت ( فاطسهـ من الضحكـ .. ! )
وهي تقول ..

: تدرين اني مادريت عن سالفة صحوننا الي رجعبهن سواقكم علينا ..
الا يوم ارسلتي الرسالهـ ...
طرت للمطبخ عشان التأكد وشفت صحوننا بشبكـ الغسيل ..
سألت الشغالهـ
وقالت لي .. ايه الصحون رجعن وفيهم الأكل

ويوم سواقكم يرجع الصحون انا كنت طالعه من البيت ورايحه ازور
عمتنا في المستشفى ... ولي فتح الباب لسواقكم ولدي .. ولقط الصحون
وحطهن بــ المطبخ والشغاله فرغت الأكل وغسلتهن ... ولا دريت عن شي .. !

* *

يعني ..
حرقت خلايا مخي في التفكير بـــ موقف أم بدر
على الفاضي ... !
أبوطــارق
11-01-11, 09:32 pm
تعشين وتاكلين غيرها :) ..
دِيم
11-01-11, 09:45 pm
.
.

ثثثثثث ...

الحين أنا أدعي لك بثلث الليل الأخير .. إن العلاقات اللوجستية ماتنقطع بيناتكم أنتِ وإم بدر
وبعض الأعضاء طلع على حقيقته يقول اكذبي عليها
.
حتى قتّالة استفزعت وتبي تجيب لك وحدة تلعب على ابليس مو بس آدمية ..
وآخر شين كذآ .. هه

.
.

إلا سؤال ..:
الحين ليه نتوقع من الآخرين إنهم ماراح يعذرونا ...؟
وأحيان نلجأ للكذب لكي , نجعلهم يصدقون كذبنا ..!
في حين أنا نعتقد أنهم سيكذبون صدقنا ..!
,

غريبين ورب البيت . . مو ؟


* الصدق منجاة على كلّ حال .. :)
التنين الصيني
11-01-11, 09:53 pm
برده الله بالعافية ....

متابع بصمت ....
محارهـ
11-01-11, 09:59 pm
* هلا ديــم ...

الحين أنا أدعي لك بثلث الليل الأخير ..

لا تقطعين عني الدعاء ... تكفين أستمري

وبعض الأعضاء طلع على حقيقته يقول اكذبي عليها

قصدهم كذبهـ بلون بنفسجي .. ! عادي يعني


حتى قتّالة استفزعت وتبي تجيب لك وحدة تلعب على ابليس مو بس آدمية ..
وآخر شين كذآ .. هه

خويت الليدي قتالهـ حطيتها في مخي .. وبستفزع فيها قريباً

تمرير لــ قتالهـ / خلي علاقتكـ بزميلتكـ متينه .. بحتاجها منكـ يوما ما .. !

عودة لــ ديم /
وش تتوقعين النهايه كانت بتكون
اظن كذى أحلى شي .. راحت ضحكه



الحين ليه نتوقع من الآخرين إنهم ماراح يعذرونا ...؟
وأحيان نلجأ للكذب لكي , نجعلهم يصدقون كذبنا ..!
في حين أنا نعتقد أنهم سيكذبون صدقنا ..!

علامة أستفهام واحدهـ
وعلامتان تعجب
والجميع في بالي .. وأفكر بــ نفس تفكيركـ
فــ ماهو رأي الأخرين .. ؟



* أتصور ...
لأننا نقيس الأمور على أنفسنا .. !
ثم ان الناس قد تغيروا كثيراً
وصاروا يحللون الأشياء أكثر من قبل
ريداويهـ
11-01-11, 10:59 pm
.




ديـم ..~
الحين ليه نتوقع من الآخرين إنهم ماراح يعذرونا ...؟
وأحيان نلجأ للكذب لكي , نجعلهم يصدقون كذبنا ..!
في حين أنا نعتقد أنهم سيكذبون صدقنا ..!

----------

هي مجرّد توقّعات تدور في بالنا , فمرّه نقول أنّهم سيعذروننا ,
ثم يأتي صوت آخر يقول العكس ,
لكن أم بــدر لم تدري عن الصحون التي عادت إلى بعـد أيّام
( يوم حرثت خالتي محّاره عن قرنه http://www.buraydh.com/forum/images/icons/icon10.gif )
فمـا ندري هي بتعذرنا لو كانت داريـه منذ زمـن ولا لا !!

بالنسبـه لي , من ضمن العهود والوعود التي وقّعتها مع نفسي ,
سأقول الصـدق مهما كان , ولـن أستمرّ بالتبرير إذا لمّ يصدّقوني ,
حتّى لو وصل الأمر بـهم إلى زعـل أو قطيعه أو مانحوها ..
والحمدلله .
لكـن مايمنع أنني أتوتّر في مسألة عذرهم لنا .






محارهـ ..~

غير متوقّعـه أبدًا النهايه !!


* أتصور ...
لأننا نقيس الأمور على أنفسنا .. !
ثم ان الناس قد تغيروا كثيراً
وصاروا يحللون الأشياء أكثر من قبل


---------

بما اني إنسانة متسامحه , ومن المستحيل إنّي أزعـل ,
لكـن عند قياسي للأمور على نفسي , اتراجع .!!
بإعتقادي أنّ لا أحد يشبهني بتلك الصفه , إلا إخوتي http://www.buraydh.com/forum/images/icons/icon11.gif ..
فتبدأ توقّعات عـدم رضاهم تدور في بالي










.
محارهـ
12-01-11, 09:11 pm
( يوم حرثت خالتي محّاره عن قرنه )
فمـا ندري هي بتعذرنا لو كانت داريـه منذ زمـن ولا لا !!

فعلاً .. !
يمكن لو كانت داريه بــ السالفه كان صار فيها ( حال ثاني )
زين نجد
13-01-11, 12:31 am
أخت محارة..
عندما قرأت هذه السطور وبجانبي زوجتي ضحكنا كثيراً وقبلها بكينا كثيراً..

في رمضان الماضي قام جارنا الدكتور حفظه الله وأرسل إلينا فطور من كل صنفٍ ونوع ولكن
بعد أن فرغت أم وسن من إعداد الفطور ( للحين منقهره )..
وأكلنا اللي أكلنا والباقي راح..

الزبدة..
أننا بعده بأسبوع أستنفرت مع زوجتي كما استنفر معها بعض خواتها ومن الظهر وأنا ما غير أركض
وقبل آذان المغرب بحوالي نصف ساعة رحت أوديهن ( رايح جاي بس أنقّل ) وبعد ما طرقت ردت الشغالة
وقلت ( خوذي اللي عند الباب ).
المهم أخذته وانتهى الأمر وما عندنا بأحسن من ذاك اليوم فرحين مرة..

الساعة 11 اتصل جاري وقال جزاك الله خير وش أنتم مرسلين المهم تشكر
وقال بس ترانا ما كما موجودين رايحين نفطر مع الوالدة..

والله إنه تقل معطيني كف..

وبتنا تلك الليلة بكل حزن..

لكن المعروف ورديناه ولله الحمد..

أما عن موضوعك فأنا رأيي أنك تصمتين الى حين ينفتح الموضوع أو تواجهينها إذا كان بينكما لقاء ( زيارة ).
أما إن لم يكن بينكما لقاء فعليك الإتصال والإعتذار وأنا أفضل الصدق مع إنك لو بتكذبين راح تكون الكذبة بيضاء
يعني ما فيها مضرة إنما هي لأنك ( مستحية ).
ولكن الصدق في كل الأحوال هو الأهم..

تقبلي إضافتي مع إنك ذكرتينا وضيقتي صدورنا..

وفقك الإله،،،
محارهـ
13-01-11, 06:23 pm
* مرحباً زين نجد
بصراحهـ ..
لو كنت مكان ام وسن
كان قررت عدم الطبخ حتى انتهاء شهر رمضان
فعلاً .. احباط بعد كل هــ التعب


شرفتني بمروركـ انت وام وسن *
To Be
13-01-11, 07:05 pm
.




ديـم ..~
الحين ليه نتوقع من الآخرين إنهم ماراح يعذرونا ...؟
وأحيان نلجأ للكذب لكي , نجعلهم يصدقون كذبنا ..!
في حين أنا نعتقد أنهم سيكذبون صدقنا ..!

----------

هي مجرّد توقّعات تدور في بالنا , فمرّه نقول أنّهم سيعذروننا ,
ثم يأتي صوت آخر يقول العكس ,
لكن أم بــدر لم تدري عن الصحون التي عادت إلى بعـد أيّام
( يوم حرثت خالتي محّاره عن قرنه http://www.buraydh.com/forum/images/icons/icon10.gif )
فمـا ندري هي بتعذرنا لو كانت داريـه منذ زمـن ولا لا !!

بالنسبـه لي , من ضمن العهود والوعود التي وقّعتها مع نفسي ,
سأقول الصـدق مهما كان , ولـن أستمرّ بالتبرير إذا لمّ يصدّقوني ,
حتّى لو وصل الأمر بـهم إلى زعـل أو قطيعه أو مانحوها ..
والحمدلله .
لكـن مايمنع أنني أتوتّر في مسألة عذرهم لنا .






محارهـ ..~

غير متوقّعـه أبدًا النهايه !!


* أتصور ...
لأننا نقيس الأمور على أنفسنا .. !
ثم ان الناس قد تغيروا كثيراً
وصاروا يحللون الأشياء أكثر من قبل


---------

بما اني إنسانة متسامحه , ومن المستحيل إنّي أزعـل ,
لكـن عند قياسي للأمور على نفسي , اتراجع .!!
بإعتقادي أنّ لا أحد يشبهني بتلك الصفه , إلا إخوتي http://www.buraydh.com/forum/images/icons/icon11.gif ..
فتبدأ توقّعات عـدم رضاهم تدور في بالي










.


ريداوية

مساءك الله بالرضى والعافية :)

احرص دائما على قراءت ردودك !

فالله يرضى عليك غيري حجم الكتابة رحمة بنا :(

شكرا لك دائما وابداً :)
To Be
13-01-11, 07:19 pm
* مرحباً / أن يكون



جاري التفكير في أخذ الحقوق الملكيه الفكريه من أحد الأعضاء
بعد الأقتناع



شكلي بنقل الأقتباس السابق
الى ( مذكرة التحقيق .. ! )
اي قيود تقصد
هل هي في بحثنا عن الخروج من المأزق والهروب من الصراحه والمواجهه .. ؟
او غياب ثقافة الأعتذار لدينا ؟
ام ان هنالكـ قيود أخرى

ماشاء الله عليك محارة

صاكتن علي فوق وجايه تتقمصين شخصيتي هنا :(


بما ان القضية انتهت بالسلامة فالحمد لله على سلامة علاقتكم مع ام بدر

جعلها الله علاقة اخوة دائمه :)

وللاجابة على سؤالك سأوضح ما غمض هنا :) ؟

القيود التي اتحدث هنا ما قبل وبعد الصينية :)

فالذي قبل :
نتحدث عن كيفية العلاقة مع الآخرين وفنون ادارتها !
تأثير المجاملة التي طغت علينا .
غياب الشفافية !


اما بعدها :

فكما اسلفتي فن الاعتذار من الطرف الثاني .
الافتقار الي الاستفاده من التجارب السابقة وخلق الاعتذار من الطرف الاول :) للتوضيح هنا : فعلى سبيل المثال :


ليس من الطبيعي لأم بدر ان ترجع لها صينيتها من جيرانها كما هي !
اذن هناك خطاء وقع من الجيران :) !!

ماهو ؟

* قد تبحث ام بدر عن هذا الخطاء ؟

عذرا على التأخير

فالأمر خارجا عن ارادتنا :)
كااااجو
13-01-11, 08:47 pm
ههه توي اشوف الحلقة الاخيرة من هالمسلسل المكسيكي..

نهاية مضحكة وحرقة اعصاب ...بس الصدق والشفافية هو الفيصل بالموضوع

دمتي بود عزيزتي محاره
كااااجو
13-01-11, 08:52 pm
ابرد ثاني مره علشاني تحمست ابشوف الحلقه الأخيره من تمفيلية محاره وام بدر ؟

يالله عاد بسرعه يامحاره علمينا وش صار ؟لاتصيرين غلاظه :for9:

مع اني مالي خلق اتابع التمفيليات!

آخر تمفيليه تابعته اسمه اصابع الزمن علشان المقدمه فيها لحن حزين لعبادي الجوهر-يقولون انه اخو ناصر الجوهر مدرب المنتخب<<خطمة العمر

ههه منين نعثت هالكلمة (تمفيلية) ذكرتني بأيام الطفولة كنا نسميه (تنفلية)<<شكلنا نختلف شوي عن ثقافتكم ماندري منهو اللي ازين عاد
ضماي أنت
14-01-11, 12:52 am
* مرحباً زين نجد
بصراحهـ ..
لو كنت مكان ام وسن
كان قررت عدم الطبخ حتى انتهاء شهر رمضان
فعلاً .. احباط بعد كل هــ التعب
أهلين أختي محارة
لا توصين حريصه من بكرا أفطرت بالموفنبيك
بس يوم قريت موضوعك ضاق صدري تذكرت التعب اللي تعبته
شرفتني بمروركـ انت وام وسن *

الله يوفقك أخيتي..

أم وسن
بدرالوابلي
14-01-11, 02:59 am
ههه منين نعثت هالكلمة (تمفيلية) ذكرتني بأيام الطفولة كنا نسميه (تنفلية)<<شكلنا نختلف شوي عن ثقافتكم ماندري منهو اللي ازين عاد

حنا ثقافتنا فرنسيه وانتم ثقافتكم ايطاليه علشان سذا (تنعثون) تمفيليه- تصير >تنفيليه ومع ان مخرج الحروف واحده بس يمكن الشظاف يخطرفن للنون وتصير ميم :1831:
بدرالوابلي
14-01-11, 03:19 am
بدر اجل تمفيليات:11[1]:ساعه ادور وش تعني هالكلمه؟

ههههههههههه بدر وربي ضحكــتنــي


محاره بنتظارك

الحين الناس يقالهم تمدنوا وصاروا يقولون مسلسل ؟

وماظنيت ان محاره بانتظاري ؟


من يوم (تخفرت) صارت تستحي تاخذ وتعطي معي حتى بالمنتدى :f9:
أمير الشباب
14-01-11, 02:19 pm
هههههه

موقف طريف ،،، الله يعينك على خلق عذر لجارتك ..............
رناالريان
15-01-11, 11:55 am
من المفترض ان انك متخصصة للبنات والمشرفين للذكور

الانثى تمازح الذكر

والنهاية ؟؟؟؟؟؟؟؟؟؟؟؟؟؟؟؟؟؟؟؟

لا حول ولا قوة الا بالله


هذا ردي

أنا ما اتهمتك وكلامي واضح إن العاقية قد تكون وخيمة وربي يعلم بالنوايا موب أنتي
واسألي احد المشايخ بس خليك صريحة وقولي اني احاور شاب والقصد التسلية واتحدى واحد يخاف الله يقولك يجوز أنا ما اشكك باحد بس الواحد ما يأمن الفتنه.

وقولتك اني ما احللك هذا دليل انك مسكينه والله يخلي لنا جدي اللي قال لا بغيت تعرف معدن الشخص خالفه بالراي
ولو فيك حلم واناة وعلم ما قلتي ادعي عليك لن الدعاء على المسلم ما يجوز الا اذا هو ظالم وانا ماجيتك بشيء اجل الله يعين اللي يحارشك.

زارتنا البركهـ بــ العادهـ ماتتواجدين الى في أمكنه ثابته لا تتغير
وهذا ردك
طيب وش معنى تقولين لي انت ماتتواجدين الا باماكن معروفة وقصدك مواضيع الرجال اجل هذا موب قذف بعد بس انا حملتك على المحمل الزين وبعدين انا ارد بكلمة ورد غطاها مو محاورة. لا ارد عللموضوع اللي احس انه حلو ومفيد . ولا ادخل باليوم الا اقل من ساعة وبعض المرات اجلس ثلاثة ايام ما دخلت.
وترا محللتك لو ما حللتين لأني أكبر مما تتخيلين

وقولتك اني حسدتك ياحسرة على وش على كثر صلاة وصيام ! او على تربعك هنا
انتي شوفي كل اللي محترمات انفسهن يدخلن ساعة او اقل ويطلعن موب يتربعن مع كل من هب ودب.

طيب بسألك سؤال لو قيل لك جاك رجل اخلاقة زينه بس انه يحاور البنات يعني مثل شغلكن كذا.
هل ترضين فيه ؟
اتحداك ترضين ولا أحد يرضى بكذا.
أجل الرجل بعد ما يبي بنت تسوي كذا.
واسألي المتزوجين هنا لو زوجته تحاور رجل شوفي وش بيقول لك

المهم انا محللتك ومابقلبي شيء عليك وكلامي من باب النصح بس اني اخطيت التعبير

وانتي يا ياديم

انتي تقولين ( ماشفنا تميع او تكسر بالكلام) واناما تشرفت بمتابعتك ولا اتشرف بس مجرد الاخذ والعطاء مع أي رجل حتى لو كان هنا خطأ كبير لن ما فيه فايده وش الفايدة اللي تجنونها من هذا الشغل.
اسألي الشيخ وشوفي وش يقولك بس وضحي له كل شيء

طيب مو مشكله تسوون هذا الشيء بس اقل شيء تخصصن مع البنات والرجل مع الرجل وترا الفتنه اشد من القتل

المهم اللي يبي الشيء يعرف طريقه بس الواحد يتجاهل

وكانكن فهمتن كلامي خطأ فأنا أتأسف

اللهم هل بلغت اللهم فاشهد
محارهـ
15-01-11, 05:31 pm
http://www.buraydh.com/forum/image.php?u=59428&dateline=1290046707




أعتذر عن الرد عليكـ ياصاحبة اليد البيضاء التي تمسك بــ الجوال
فــ تحرك هرمون التستستيرون .. ! لمن لديه قابيله
وما أكثر هم ..
ثم لا أحب أن يزداد حجم الأخرين عن طريقي .. !
اضافة الى أن المصعد لدينا عطلان فلا أستيطع النزول
وأذكرك مرة أخرى بما قلته لكـ
( حتى على النت لا أخلو من الحسد فمن يأتيني بأثر منكـ .. ! )
غيرة النساء .. في بعض صفحاتها حمقاء

ثم أني أستطيع ان اخذف ردكـ بكل بساطه ولكن
بقائه هنا هو بمثابة حصولي على أوسكار
أمير الشباب
15-01-11, 07:15 pm
http://www.buraydh.com/forum/tl4s-boryda/misc/quotes/quot-top-left.gifاقتباس:http://www.buraydh.com/forum/tl4s-boryda/misc/quotes/quot-top-right.gifhttp://www.buraydh.com/forum/tl4s-boryda/misc/quotes/quot-by-left.gifالمشاركة الأصلية كتبت بواسطة محارهـ http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4420273#post4420273) http://www.buraydh.com/forum/tl4s-boryda/misc/quotes/quot-by-right.gifhttp://www.buraydh.com/forum/tl4s-boryda/misc/quotes/quot-top-right-10.gif أعتذر عن الرد عليكـ ياصاحبة اليد البيضاء التي تمسك بــ الجوال
فــ تحرك هرمون التستستيرون .. ! لمن لديه قابيله

http://www.buraydh.com/forum/tl4s-boryda/misc/quotes/quot-bot-left.gifhttp://www.buraydh.com/forum/tl4s-boryda/misc/quotes/quot-bot-right.gif

:23_28_100


انا كلما رايت تلك الصورة تضطرب عندي الحالة النفسية :36_3_3[1]
أحب نفسي
15-01-11, 07:29 pm
http://www.buraydh.com/forum/image.php?u=59428&dateline=1290046707




أعتذر عن الرد عليكـ ياصاحبة اليد البيضاء التي تمسك بــ الجوال
فــ تحرك هرمون التستستيرون .. ! لمن لديه قابيله
وما أكثر هم ..
ثم لا أحب أن يزداد حجم الأخرين عن طريقي .. !
اضافة الى أن المصعد لدينا عطلان فلا أستيطع النزول
وأذكرك مرة أخرى بما قلته لكـ
( حتى على النت لا أخلو من الحسد فمن يأتيني بأثر منكـ .. ! )
غيرة النساء .. في بعض صفحاتها حمقاء

ثم أني أستطيع ان اخذف ردكـ بكل بساطه ولكن
بقائه هنا هو بمثابة حصولي على أوسكار




الصرآحه أني كنت داخله أبرد ع الموضوع وتكيسلت همن جيت ولقيت هالرد
بس عندي سؤآل لو تكرمت .؟

غيرة النساء والحسد ومدري أيش ........!!!!!
تتوقعين هل من الممكن أن الوآحد يغآر من معرف ؟!!!!!!!!!!!!! لآيعلم من يكون خلفه .؟!!!!!!! قد يكون ذكر أو أنثى .؟؟؟؟؟؟!!!! ثم على أيش الغيره والحسد ؟!!!!! يعني وش عليه تحسدك ؟
شوفي والله ورب الكون أني ماعرفك ,؟ ولآ أدري من أنتي وهه أقسم لك بالله أني توي أدري أن به مشرفه أسمه محارة ,؟ >>> يعني لآتقولين حاقدهـ علي ومدري أيش ,!!
محارهـ
15-01-11, 08:10 pm
* اهلاً أحب نفسي

شوفي والله ورب الكون أني ماعرفك ,؟ ولآ أدري من أنتي وهه أقسم لك بالله أني توي أدري أن به مشرفه أسمه محارة ,؟ >>> يعني لآتقولين حاقدهـ علي ومدري أيش ,!!

ياحليلكـ ..
المشكله ان بعض الردود الشخصيه تكون لها حكايه مُسبقه لطرفين
والطرف الثالث ( مثلكـ ) لا يستطيع ان يستوعب الموضوع بشكل جيد
لعم معرفته بالحكايه من البدايه ..

ثانياً .. أستبقتي الشر في حديثكـ عندما ذكرتي

يعني لآتقولين حاقدهـ علي ومدري أيش

لانه لا يوجد مايدعو الى ذلكـ لسبب بسيط ليس هنالكـ مايستوجب
الحقد بنيني وبينكـ
ثم أن الأشراف ليس طموح وحلم وتاج .. حتى تستحضري ذكرهـ كــ إشارة الى
ان الغيره والحقد والحسد هي بسببه
مع العلم بأنه توجد ( عقليات ) مازلت في الصف الرابع الأبتدائي وربما كانت تنظر الى ان
الأشراف هو مثير لهم ويسبب تحرك كتل الحقد والغيرهـ
عموماً ..
ما نفكر فيه ... نكتبه وربما نظرتي الى ان الأشراف هو مدعاة الى الغيره
وأعذركـ في ذلكـ لأنكـ لم تطلعي على الحكايه الممتده على جزئين ( موضوعين )
وعندما يأتيكـ هجوم غير مبرر فاليس له أكثر من تفسير سوى
تفسير واحد .. !

غيرة النساء والحسد ومدري أيش ........!!!!!
تتوقعين هل من الممكن أن الوآحد يغآر من معرف ؟!!!!!!!!!!!!! لآيعلم من يكون خلفه .؟!!!!!!! قد يكون ذكر أو أنثى .؟؟؟؟؟؟!!!! ثم على أيش الغيره والحسد ؟!!!!! يعني وش عليه تحسدك

تدرين .. ردكـ هذا ينفع موضوع مستقل ويفرد له متصفح خاص
شوفي ...
وسط الأنترنت هو نفسه وسط الواقع بل هو أكثر وضوحاً وصدقاً
في تصوري من الواقع
خصوصاً في حرية التعبير سواء كانت فكريه او حسيه
اذا ً ..
أصبح النت أنعكاس للواقع بصوره أكثر وضوحاً
واذا كان الواقع لايخلو من الغيره والحسد والحقد ... الخ
هنا ايضاً توجد وبطريقه أوضح

شخصياً ..
أغار كثيراً من العضوات
ديم / الصمت الخجول / قيدوم / زفرات سنين / قتاله / محبة الجنان / سمر العبدالله / وضوح / سمو ذات / ذات / سمو
على الرغم من أختلافي مع بعضهن في التفكير

لماذا أغار منهن دون البقيه .. ؟
لان لكل واحدة منهن شخصيه فكريه مستقله
ولكل واحدة منهن قدره على سبك الحرف وتطويعه ليعبر بطريقه رائعه
عن الفكره التي تريد طرحها
ولكل واحدة منهن ثقافه مستقله وواضحه
تجعلني أغار منهن وأستفز كثيراً عندما تصعقني إحداهن برد او موضوع
ولكنها غيره ايجابيه
حيث انها تدفعني الى ان أكتب بطريقه أفضل
وفي مقابل تلكـ الغيره الأيجابيه
توجد غيره سلبيه
ولها رائحه نفاثه جداً ويستطيع الجميع ان يشم الرائحهـ ( اذا أراد ذلك )
ولكن اذا كنت الرائحه تعبق بــ أنفاسه..
.. لن يستطيع شم نفسه

قلبي في صفحات المنتدى مع أستخدام الحبر السري الذي يكشف
مابين السطور وحينها سوف تجدين المزيد من الأجوبه العمليه
شاهدي الأغضاء الذين يستخدمون أكثر من مُعرف .. !
وكل مُعرف يصادق على الأخر ويجتمعون جميعاً من أجل تثبيط عضو / ه
مادافع هنا .. !
هل هو تسليه .. ام ممارسة حقد وغيره .. !
ونظر الى ذاك العضو الذي كلما كتب موضوعاً .. طارده أحدهم ليعلق
على شخص العضو وليس على الموضوع .. !
الأمثله كثيره .... وربما أحتاج الى ان أطلب من الأداره رفع خطة إستضافة المنتدى
حتى أذكر لكـ المزيد والمزيد من الأمثله
رناالريان
15-01-11, 10:17 pm
http://www.buraydh.com/forum/image.php?u=59428&dateline=1290046707




أعتذر عن الرد عليكـ ياصاحبة اليد البيضاء التي تمسك بــ الجوال
فــ تحرك هرمون التستستيرون .. ! لمن لديه قابيله
وما أكثر هم ..
لا تتهربي عن الاسئلة
ليش ما جاوبتيني عن اسئلتي
ليش تجاهلتي قولي بانك قذفتيني يوم قلتي اني اتواجد عند الرجال
ليه ما جاوبتي على كل فقرة لوحدها
هل لأنك ما تريدين كثر الكلام
لا والله ياكلامك أكثر من صمتك والدليل الردود على الاعضاء والعضوات ( تحبين كثر الكلام والتفصيل ) وآخرها الرد على أحب نفسي ليش فصلتي كلامها وانا تهربتي.
وكانك لقيتي هالصورة عذر تراها صورة من النت وراح اغيرها بس ما عندك شيء ولا يطبلون لك هاللي وراك

ثم لا أحب أن يزداد حجم الأخرين عن طريقي .. !

من معي العنود آل براهيم والا حصة الشعلان

يكفي انك تتربعين هنا من دون اتصال

اضافة الى أن المصعد لدينا عطلان فلا أستيطع النزول
وأذكرك مرة أخرى بما قلته لكـ
( حتى على النت لا أخلو من الحسد فمن يأتيني بأثر منكـ .. ! )
غيرة النساء .. في بعض صفحاتها حمقاء
الحسد على كثر فعل الخير موب هنا
الله يهنيك ببركت كل منتدى

ثم أني أستطيع ان اخذف ردكـ بكل بساطه ولكن
بقائه هنا هو بمثابة حصولي على أوسكار

يسعدك تقديرين تحذفين هذا اكبر همك
والا ادارة حياتك ما الظاهر انك تقدرين عليها
يعني هذا حدك
وانا اول ما ابي اطولها معك بس ردك هو اللي يخلين اسوي كذا

وارجع اقول انك ماقدرتي تردين على اسئلتي لأنك تدرين ان كل فعل خطأ

بعدين دامك تقولين اني اغار من بعض العضوات لنهن مثقفات ليش ما تحاورينهن وتتركين الشباب

ياليت بس تنهين الكلام لأنك تكثرينه على غير فايدة
وارجع واقول تراي ناصحة لا اقل ولا اكثر




وايضا بصير اكبر منك واقول تراك بحل لأن العفو اسمى درجات الكرم

وعلمك هاللي تقولين اني اعلم منك خليه ينفعك كانه يبي يسوي فيك كذا

مع الف سلامة وهالوقت لا تنصح احد لنه يبي يقولك انك حاسدني
ياحسرة بس
زفرات سنين
15-01-11, 10:25 pm
والله يارنا انتي من جنبها هههه

فلقد سقطتي في وحل نصائحك المتناقض

يابنت وشو الصوره الرمزية الي حاطتها؟

فعلا الي اختشو ماتوا

وين الإداره عنك وعن صورك الجريئة والتي تُثير غرائز الشباب

http://www.buraydh.com/forum/image.php?u=59428&dateline=1295115652

هذي صوره تنحط هذي؟

فعلا متناقضة ومتخلفه


,
رناالريان
15-01-11, 10:31 pm
والله يارنا انتي من جنبها هههه

فلقد سقطتي في وحل نصائحك المتناقض

يابنت وشو الصوره الرمزية الي حاطتها؟

فعلا الي اختشو ماتوا

وين الإداره عنك وعن صورك الجريئة والتي تُثير غرائز الشباب

http://www.buraydh.com/forum/image.php?u=59428&dateline=1295115652

هذي صوره تنحط هذي؟

فعلا متناقضة ومتخلفه


,

بغض النظر عن كلامك أنا وضعتها لان محارة تقول ان الشباب يطاردون اليد

بالله هذا كلام هي صورة فقط وحطيت هذي لدقائق معدودة ابغاها تدري ان فيه اخس منها.

مشكورة زفرات وياليتك تكوني محايدة وتدفعي الظلم موب بس تدافعين لانك تعرفينها
زفرات سنين
15-01-11, 10:35 pm
*
لا اعرف محاره الا كــ معرف كما معرفك في المنتدى

وهذا رأيي بلي قاعد يصير بينكم ومحايد

نعم اليد فتنة .... وفيه اكثر اغراء منها كما الشفايف

كما صورتك الجرئية التي وضعتيها وكلها تنصب لغراء الشباب وانا ابخص بهم لو كنتي لاتعلميين

أنت تقوليين انك فعلتي ذلك من اجل محاره

الم تخشي الله في تلك اللحظات المعدودة في وضعها؟

لما نعالج الخطأ ب الخطأ أختاهـ

كوني نبراساً وقدوه لرسالتك التي تحملينها

ولاتكون عكس هذا الأمر حتى لا تكون سقطاتك

,
رناالريان
15-01-11, 10:44 pm
*
لا اعرف محاره الا كــ معرف كما معرفك في المنتدى

وهذا رأيي بلي قاعد يصير بينكم ومحايد

نعم اليد فتنة .... وفيه اكثر اغراء منها كما الشفايف

كما صورتك الجرئية التي وضعتيها وكلها تنصب لغراء الشباب وانا ابخص بهم لو كنتي لاتعلميين

أنت تقوليين انك فعلتي ذلك من اجل محاره

الم تخشي الله في تلك اللحظات المعدودة في وضعها؟

لما نعالج الخطأ ب الخطأ أختاهـ

كوني نبراساً وقدوه لرسالتك التي تحملينها

ولاتكون عكس هذا الأمر حتى لا تكون سقطاتك

,

انا وضعتها لانها تقول يدك البيضاء فتنه وما علمت انها صورة من النت كحال هذه الصورة



ووضعت هذه لتعلم ان هناك اكثر منها جاذبية والصورة والمعرف ليست مقياس فهناك من يضع صورة طفل وهو العن عباد الله

بعدين تقولين وين الاشراف

ترا ما عندك احد
دِيم
15-01-11, 10:57 pm
.
.
.

هه .. ياحبي لك يارنوشة .. أحس إنك ملتفتة لي وأنتِ تقولين

وأنتِ ياديم ..

ودي أشرب من طاسة الرعبة .. http://www.buraydh.com/forum/images/icons/icon11.gif

يختي .. إش بك أنتِ ؟
وش تحسين فيه بس وأنتِ تقولين هيك .؟
,

ترا يا أختِ طريقة النصح هيك حتى لو كنتِ محقة > لاسمح الله < غبية وعفى عليها الزمن ..
يعني أختِ .. لابغيتِ تثبتين نظرية خاطئة طبقي النظرية الصحيحة بالأول .. مو ؟
يختي على هالنصح اللي مادري شلون صاير ..
أحسك في ثالثة متوسط .. :)

سؤال صغنن آد كده .. : وش تحسين فيه .. ؟ http://www.buraydh.com/forum/images/icons/icon10.gif